البارت التاسع

الفصل الثاني

في سويت البنات

العصر..4:42

ريما: خوخه بلا خياااس يالله قومي من الـ ظهر و انتي نايمه

خلود: والي يرحم والديك ريووم ابي اناااام

ريما: اوك بنروح للـ مدينه اللملاهي و انتي جلسي هوونىـآآآ

خلود: هــ!!!ـــاهـ يالله قمت بس دقايق اخذ دش سريع و البس

ريما:هههههههههههههههه يالله نحتريك في الصااله

ريما طلعت عند البنات

ريناد: قامت..؟

ريما: ايه .. وش تشوفون..؟

اريام: فلم Cake مرره رهيب تصدقين اتمنا لوا عندي مجله و انا الي احررها :]

مروى:هههههههههههههههههههههههههههههههههههه في الاحلام ننجز شيء زي كذا

رغد: هههههههه اريام اتحداك تنتجين عدد واحد بس وو حتى لو انجزتيه بيروق للناس ما اظن

سمر: والله تتكلمون و كأنكم صدق بتديرون مجله :]

ريناد: إلا مرووم و سروونه وينهم من الصبح ما شفتهم

مرح: تلاقينهم في حمام السباحه او تحت في الحديقه

افنان:بنات متى تطلع خلود بسرعه ودي اشوف الملاهي حقتهم

ريما: على حسب ما بحثت في الـ نت معلومات عن الاماكن الترفهيه في لبنان ان الـ ملاهي الي بنروح لها فيها غابة الوحوش و شلال و مسرح و سفن شراعيه و الباقي والله نسيت بس العاب الاطفال اكثر من العاب الكبار ايه صح ولا انسى اللعبه الي مستحيل ما نلقاها في أي ملاهي لعبة التصادم و فيها ركن خاص بـ العاب الاكترونيه اممم.. خلااص هذي المعلومات الي اعرفها

ريناد: اول مره اعرف ان اختي بهذا الذكاء و انها تحاول تستفسر عن الاماكن الي تعرفها

ريما بعصبيه: وش قصدك ..!!

ريناد بخوف: لالا انا اقصد يعني تحبين تكتشفين الـ مكان بنفسك

ريما: انا اخذت معلومات عن الالعااب اما الستكشاف فأكيد بألقاهـ

نروح لـ مرام و ساره

مرام: ساره ممكن اسألك سؤال

ساره: اسئلي

مرام: انتي ما عمرك فتحتي قلبك لي

ساره: انتي تعرفين ان كل اسراري عندك :/

مرام: ادري بس ما قد قلتي لي عن الي تحبين يعني مو معقول ان قلبك ما فيه احد

ساره: انا بصراحه قلبي ما فيه احد انا توني على كلمة احبك يعني قلبي مو من النوع الي ينذل للمحبه الزواج هو الي يقدر يذل قلبي للمحبه لـ زوجي بس

مرام: ادري بس معقوله قلبك ما قد شاف احد حتى لو بالاعجاب

ساره: لالا .. شكلك انتي الي تحبين :]

مرام:هههههههه .. ما لقيتي إلا انا انا كل الي همي ا ن امي تكون راضيه عني و ابوي بعد و الترابط الي بين اخواني يدوم و الصداقه الي بيني و بينك تبقى ولا تروح

ساره: وانا بعد الله لا يجيب ذاك اليوم الي نشوف فيه اهلنا بعيدين عن بعض او ان ابوانا و امهاتنا يغضبون علينا او الترابط و التفاهم بين الاخوان يزول او ان صدقتنا تنتهي..:[

مرام: ان شاء الله ما يجي ذاك اليوم..:]

ساره: ان شاء الله

نروح عند الرحيم

ام مشعل: بصراحه ودي اشوف اسواقهم و اشتري ملابس من هنا يقولون ان الي هنا مو موجود في الرياض يعني هنا بضايع خااااصه

ام عبدالله: والله مب شينه

ام ياسر: بس تهقون رجالكم بيوافقون..؟

ام عبدالعزيز: ان شاء الله يوافقون

ام سليمان: يالله ترا القهوهـ زآهبــه

ام مشعل: ليه نتقهوهـ على البلكون تعالي هنا بس

ام سليمان: هههههههه يالله هذيني بجيبها

بنروح لـ عند ياسر بـ الكوفي

ياسر مشتته افكاره ويقول في نفسه: للحين ما عرفت منهي مع انها كانت بين يديني حتى اني ما ادري من اخته من بنته يارب يا رحمن الطف بحالي ,, طيب عيب لو اسئل مروى و اقول منهي .. لالا .. اخااف تحسبني احبها و انا ما ادري وش مشاعري اتجاها.. صدق ان قلبي و فكري ما خذته بنت حتى في امريكا اشوف الوان و اشكال بس هذي جذبتني خلتني ما انوم ما اعرف اعيش حياتي العاديه مثل قبل اخواتي و امي لحظوا هالشيء بعد آآهـ لو اعررف انا احبها او لا طيب شلون من استشير من اكلم يارب يارب ارحم حالي ,, ايه ما عندي إلا صدر امي بدفن نفسي هناك بسئل امي وهي ما راح تقصر بحنانها و رقتها راح تساعدني و تمسح عن قلبي همه هذي الام مو أي شيء

قام ياسر و دفع حساب الـ كوفي الي حتى ما ذاقه و دق على امه

ياسر: هلا بالغلا ,,

ام ياسر: هلا بـ هالصوت هاه يمه مرتاااح..؟

ياسر: مدامني سمعت صوتك فأنا مرتاااح يا الغلا

ام ياسر: ياسر وش بغيت يمه..؟

ياسر: يمه ابيك شوي في البلكون الخاص بالقسم

ام ياسر: طيب دقاايق البس الطرحه و اجي

ياسر: احتريك يا الغاليه

ام ياسر: مع السلامه

ياسر: فمان الكريم..

وسكر ياسر الخط انتظر شوي و جت امه

ام ياسر: هاه يمه وش فيك..؟

ياسر ارتمى في حضن امه و ام ياسر ضمته وقامت تمسح على راسه

ياسر: يمه ابي اسئلك..؟

ام ياسر: اسئل..!!

ياسر: شلون يعرف الواحد انه يحب ولا ما يحب انه يقدر يجازف و يتكلم بهذا كـ، حب من قلب يعني حب طاهر و صادق مو لعب او انه طيش و مراهقه..؟

ام ياسر: اكيد لازم البنت تاخذ كل وقتك وتشغل تفكيرك و بسمة شفيفها ما تفارق خيالك و اذا شفتها ودك تكلمها بس متردد و خايف
ياسر وهو يسمع امه تتكلم غمض عيونه وهو بين احضانها
ام ياسر: و اذا كنت زعلان نظره من عيونها تشيل هالـ كتئاب و تخليه سعادهـ وفرح ,, يا قلب و روح امك هذا الي انا اقدر اقوله لك ,, اجل فيه من يشغل افكارك هاهـ..!!

ياسر وهو يفتح عيونه و يوخر من احضان امه: لالالا يمه لا تفهمين السالفه كذا انا بس حبيت اعرف تعرفين اني ماا اعرف عن الحب الصدق و الطاهر وشو انتي تعرفين وين كانت معظم اوقاتي في ديره كان الخيانه و الغدر و العب في المشااعر و الحب المزيف الي ما وراهـ غير المصايب عندهم ما كنت احب اعرف عن الحب و انا في ذيك الديره الي ما يعلم فيها إلا ربي عشان كذا حبيت اعرف وش الحب وش معنى كلمة الحب هي كلمة تنلعب فيها و تنطقها بس ولا ما تكون صادقه إلا مع الـ زوجين

ام ياسر: مو شرط يكون بين الزوجين احياناُ بين الي يعشقون بعض بـ طهارهـ و احياناُ مع المخطوبين و تكبر مع الزواج و بعض الاحيان ناس ما يسمعون ولا يقولون كلمة احبك إلا بعد الزواج وبعضهم حتى وهم متزوجين لا يسمعون ولا يقولون هالكلمه

ياسر: يمه لا تضيقين خلقك انتي كنتي مجبورهـ على الزواج من ابوي عشان ما تبين تخربين العلاقه الي بين اهلك و اهله صح كلكم كاان مضغوط عليكم بس ليه ما تعيشون الحياة يمكن ان القدر او الي تسمونه زواج يخلي بينكم حب شلون تبون تحسون بعض اذا كان كل همك عيالك و البيت وهو بعد اذا كان كل همه يصرف علينا و يشتغل و يسافر هذا هو خذنا معاه لـ امريكا و خلنا ندرس هناك وهو راح لـ اسبانيا عشان شغله وتركنا في امريكا كل الي يحسبه ان العايله هي انك تصرف عليهم وبس هذا الي كنا نشوفه هناك سكرتير ابوي الخاص يجيب لنا طرد فيه فلوس او شيك او بطاقه و هذا كله وش يغني عن الاب عن حنانه عن وجودهـ بين عياله

ام ياسر و الدموع في عيونها: ياسر ابوك كان دايم خايف عليكم في الليل ما ينام إلا لازم يطل عليكم يشوف اذا انتوا نايمين ولا للحين صاحيين ابوكم قبل لا تكبرون ما يسافر إلا لما يحط في غرفة كل واحد منكم هديه و يكتب عليها امكم ما كان يبي يشغلكم عليه ابوكم يحبكم ودهـ يجلس معكم بس ما هوا قادر الشغل من جهه و البيت من جهه ثانيه اختار انه يشتغل ويعيش في التعب عشان يأمن لكم الي تبونه ما يبي بكراا تحتاجون لـ احد والله ان ابوك يا ما حاول يلقى وقت فراغ عشان يقضيه في البيت تمنى لو ليله وحده بس بس الشغل هو الي كان ضاغط عليه ادري ان زواجنا ما كان عن رضى بس ابوك ما عمره كرهني ولا كرهكم كل الي يفكر فيه بيته و عياله و الي تربيهم بس مو عارف كيف يوصل لكم الكلام ذا ابوكم وخاصه في هالحظه الي يمر فيها بين جهد و ضغط و تعب يحتاج لصوتكم يحتاج لكم يحتاج لكلمة يبه محتاجه مثل ما يحتاج الـ أنسان للـ مويه و الاكل و النوم مثل حاجة الطفل لـ امه مثل حاجة اليتيم لـ اهله و اقاربه و الي تيتم منه ياسر ما ابيكم تحسبون ان ابوكم قاسي او ان ابوكم ما يحبكم لا بالعكس هو ما كان في باله إلا انتوا وبس انتوا بالنسبه له كل شيء و عشان كذا يتعب و يضغط على نفسه .. وبدت دموع ام ياسر تسيل من عيونها

وياسر دمعاته تسبق دمعات امه وطلع يركض و راح لـ جهة البحر و جلس على الرمل وهو يشوف الشمس تغيب و كان المكان فاضي كان ودهـ يصرخ بـ أعلى صوته و يعاتب امواج البحر كان وده يسئله عن سبب سكونه في الـفرح و هياجة امواجه في الزعل كان يبي يسئله عن سبب وحدته و كيف يتحملها ودهـ يسئله انت جواك صرااع و سمك يولد و يموت و القوي يا كل الضعيف مثل الحرب شلون تتحمله و تتحمل و حدتك..ّ!! وقفت دموعه و قام يشوف غروب الشمس وهي تنزل و سئلها بـ صوت عالي يا شمس ليه كل ما جيتي بتدخلين في جوف البحر القمر من تحت رقى وليه لما القمر ينزل ترقين..!! تشتت افكاره تعب من التفكير شاف قارب صغير كان يبحر وكان قريب وشاف رجال جالس رامي السناره حقته و بهدوء قال ياسر في نفسه و كان الكلام موجه للبحر .. عرفت شلون تتحمل الوحده و الحرب الي في داخلك..!!.. ياليتني قوي مثلك و صامد و اتحمل الي يواجهني بس انا ضعيف في هالامور وكل انسان ضعيف لالا لاتقوول فيه القوي ناااس تتألم بس تكابر يسوون نفسهم صامدين وان الجرح ما ينزف ولا يألم وهو كان في الحقيقه ألمه مثل كوي النار و نزفه مثل جرايان سم الحيه في الجسم الله يعين يا بحر انت محسود على هدوئك وقوتك..// قام ياسر و رجع للـ سويت دخل و نام ..

نهاية الفصل الثاني من البارت التاسع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ

البارت التاسع
الفصل الثالث
الليل الساعه 12:00

سويت الـGirl
خلود في غرفة الغسيل متمددهـ على السرير..!!

الباب يطق:طق طق طق طق

خلود:ميــن..؟

ريما: انا ريما يالله نبي نروح

خلود: يالله بلبس عباتي

ريما: نحتريك تحت في السياره اوك

خلود:اوك

نزلت ريما و خلود صطت ازارير العبايــه و نزلت رآآحوا للملاهي

ريمـا: ما علي ما علي اول شيء نركب مـدينه الاشباح

ريناد:مركبـه ايه اما نمشي بالرجلين لالا

ريمـا: هااه وش قلتوا بنااات..!!

البنات:اوك

وركبوا اللعبة..ّّ

ويوم طلعوا كل وحده ماسكه في الثانيه من الخوف

ريما: خلونا نشتري شيء بارد و نريح شوي احس ان صوتي رااح من كثر ما زاعقت

البنات: يالله

ارحوا اشتروا عصير و جلسو على الطااااوله و قاموا يسولفون

افنان: بالله مرام و ساره ليه ما جو معنا..!!

مرح:يمكن ما يبون يطلعون على راحتهم

مروى:اقول خلود ابيك شوي تعالي

خلود:طيب

وقامت مروى وخلود من عند البنات و رااحوا لدورة المياة

مروى:خلود الجرح الي بكتفك للحين موجود

خلود:هااااهـ

مروى: لا تقوليـن هاه جاوبي موجود؟؟

خلود:آيــه و معلم وما راح منه لو النص

مروى: خلود دخيلك اذا اجتمعنا اجتماع كبير والكل فيه لا تلبسين كم قصيـر ما نبي ياسر يذكر شيء من الي حصل

خلود: ولا يهمك انا احرص منك هي اليمه لي شلون لو تذكرها ياسر

مروى: يالله بسس شوي ترا العذر ألي بنقوله اننا كنا ندور في الملاهي نبي لعبه زينه نلعبها بعد ما نرتاااح
خلود: وباينه العبره بعيونها طيب

رجعوا للبنات

اريام: وين كنتوا..!

خلود: ابد ندور لعبه زينه نلعبها

رغـد: خلود حبيبتي فيك شيء..!!

خلود: لالا ما فيني شيء

رغد: اجل ليش تبكين..!!

خلود:هاهـ لالا ابد سلامتك بس تو واحنا نمشيء فيه شيء دخل جواء عيني

رغد وهي ما اقتنعت بكلام خلود:اها..سلامتك

خلود بخووف: الله يسلمك

جلسوا البنات يسولفون

رغـد:يالله بنات خلونا نقوم نلعب

سمر:اووبس سوري روحوا اسبقوني هذا عبدالله بكلمه و الحقكم

مروى:اوك اجل تلاقينا في الشلال نحتريك هاه لا تطولين

سمر:اوك.. ردت سمر على التلفون:الوو هلا عبود

عبدالله:اهلين وينكم فيه..!!

سمر:في الملاهي

عبدالله:ما شاء الله ومن وداكم..!!

سمر: السواق

عبدالله: لا والله قولي اسم الملاهي انا ويا العيال جايين والله ما تستحون على وجيهكم تروحون ولا كأن عندكم اخوان

سمر:ههههههههههههههه اوك يالله تعال احنا في ملاهي......... بس شوف ترا احنا قاربت فلوسنا تخلص اذا جيتوا كل شيء عليكم

عبدالله:بل ياليتني ما قلت لك .. اوك خلاااص بسس خلي السواق يروح للحريم يبوونه

سمر:اوك يالله بايو,

عبدالله بايو

طووووووووووووط

راحت سمر للبنات

سمر:بناات ترا العيال بالطريق

رغـد:جابهم الله وقسسم فلوسنا بتخلص انا ما خذت ما يساوي عندنا 100 ريال وما بقى غير ما يساوي عندنا 20 ريال بسس

ريما:وانا فلست خلقه

وريناد:وانا بعد

البنات: واحنا بعد

البنات كل ابوهـم:ههههههههههههههههههههههههههههههههههههههههههه ههههههه

نهاية الفصل الثالث من البارت التاسع
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــ