مآجد و آميرهـ - عيون العرب

هٍَمًسٌِِّ آلشًِْفْآيَفْ · #1 11-10-2009, 11:56 AM

ســــلامـ

قصه(( حــب ))رااائعه عجبتني مره فا حبيت انقلها لكم يقولون
حقيقه ..بس من روعتها حسيت اني بصرخ و ببكي خخخخ لاتفوتكم
راح تاخذ من وقتكم يمكن ساعتين بس رروعه رروعه مره
اتركم مع قصه بس لازم تكملوها للاخر,,,

(( آنآ حبيت آلقصه لآن آسم مآجد ع آسمي ))>> بس بدون آميره

قصة حب حقيقيه
{ماجد_أميره}
المكان:السعوديه_<" تبوك حارة عمار" >
ماجد:21

أميره:18

{بدأ هذا الحب حينما كان عمر أميره14 وعمر ماج

6}

بداااااية القصه:

(_"هذا كله قبل لاتلبس اميره العبايه وتتغطي_")

في يوم من الايام كانت أميره تنتظر البقاله عند منزلها في العصر وفجاءه وهي تنتظر البقاله كان فيه عيال موجودين برا ولفت نظرها ولد قاعد يطالعها اول مره تشوفه مع عيال الحي اللي ساكنين فيه استغربت نظراته لها وجاء البقاله وخذت اميره الأغراض من البقاله ودخلت البيت____
وماجد اعجبته أميره وتعلق بها وصار يدور اي حجه علشان يشوفها اما اميره ماعطت الموضوع اي اهتمام وفي اليوم الثاني ناظرت اميره من عند الباب تنادي عبودي{اخوها الصغير}وفجاءه شافت الولد اللي هو ماجد قاعد نفس المكان اللي امس وناظرها ماجد وابتسم ناظرته _أميره بتعجب!!!!

وخذت اميره عبودي ودخلت وقعدت تفكر فيه طول اليوم من هذا!!!وليش تبسم لها؟؟؟؟؟

ومرت الاياااااااااااام

وتشاء الاقدار ان يتوااجهون في مواجهات بريئه اما عند سبورماركت اوعند الباب

<ومرت اياااااام>

وفي احدى الأيام وكانت اميره عند الباب شافها ماجد وابتسم فابتسمت اميره له ابتسامه عفويه طفوليه استانس ماجد وذهبت اميره لداخل المنزل وهي سعيده______

واصبحوا يتواجهون تقريبا شبه يومي ويتبادلون الابتسامات

{ولم تخبر اميره احد بهذا الموضوع}

{وهنا بدا العذاااااب}

(لان اميره كبرت وتغطت ولان اميره عرفت ان ماجد ماهو من المنطقه اللي هي فيها يعني هو من منطقه ثانيه وهويجي مع امه كل عطله عند خواله واذا جات المدرسه يسافر لديرته!!!!
واللي زادها عذاب انه من قبيلتها لكنه من فخذ ثاني وخواله من نفس فخذ اللي أميره منهم وهم معروف عند هذي القبيله ان البنت ماتطلع برا القبيله ولاتاخذ من فخذ غير فخذها)

<"عالعموم نكمل القصه يوم كبروا ماجد وأميره">

كبر ماجد وكبرت اميره وكبر الحب بينهم بس صار صعبه انهم يتواجهون مثل يوم كانو صغار وصارت اميره تخبي حب ماجد وتحاول انه مايطلع___

{لان لويدرون اخوان اميره ان اختهم تحب بيذبحونها على طول}

وماجد صار يخفي حبه بعد لأميره___

من شدة حب ماجد لأميره حاول ماجد بكل شتى الوسائل انه يتعرف على اخوها {حسين}وتعرف ماجد على حسين وصاروا اصدقا وكانت اميره فرحانه بصداقتهم حيل ومحد قدها___

ولكن اذا فكرت أميره انها ماراح تتزوجه تجلس تبكي بقووووه
_________
ومرت ساعات وايام وشهور وسنين وأميره ماشافت ماجد ولاماجد شافها لكن الحب والوفا باقي في قلوبهم
_________

وفي احد الأيام راحت أميره للسوق تتسوق لرمضان ومعها {<ريم>اختها الكبيره} و{<غاده> خالتها} فجئه وهي بالمحل لاحظت واحد برا يناديها ويقولها تعالي<يغازلها>!!!!
طنشته أميره ولاعطته اي اهتمام ولكنه أخذ يطاردها من محل لمحل بعدين خافت أميره وقالت لخالتها عنه!!!
غاده خالتها:أميره ماعرفتيه؟
أميره:لاغاده ماعرفته من هو؟؟؟
غاده : هذا الغبي يغازل ومايدري ان حنا عرفناه!هذا فلان بن فلان الفلاني!!!!!!!!

[أميره انصدمت لان هذا ولد عم ماجد حبيبها]

غاده:أميره وشفيك؟؟
أميره:هاااااه لاخاله مافيني شي!!
ريم اختها:غااااده_أميره وشفيكن؟؟؟
أميره:رورو{ريم}لاحبيبتي مافينا شي

المهم خلصن البنات{أميره_ريم_غاده}من السوق واتصلن على <مشعل>{اخو اميره وريم}
ريم:الو السلام
مشعل:وعليكم السلام
ريم:مشعل حبيبي وينك؟؟؟
مشعل:اقول لاتفلسفين علي وبلاحبيبي وبلا مصلحه اخلصي علي وش تبين!!!
ريم:شعولي تكفى انا وأميره وغاده في السوق ونبغاك تجيبنا من السوق تكفى!!
مشعل:اللحين انا اصغر بزرانك
يوم تقولين لي شعولي وعناد فيك وعلشان ذا الكلمه والله لوتموتن ماجيبكن ولد وش كبري وتقولين شعولي انتي وجهك!!!!
ريم:مشعلوووه احسن بالطقاق اللي يطقك لاتجيبنا
مشعل:ريموووه بعدين انا معي الشباب فاهمه تبين دقي على حسين خله يجيبكن
بااااااااي وسلميلي على الخاله الحبيبه غاده واختي الغاليه أموووره بااااي هاهاها
رحله سعيده
ريم:ضحكتني انت وجهك اقول ضف وجهك احسن مامنك نفعه مع السلامه وشغلك عند امي والله لأعلمها
غاده:هاااه ريم وش قال مشعل؟؟
ريم:رفض وقام يتريق زي عوايده وقال دقي على حسين
أميره:ريووووم اف ياالله بسرعه دقي على حسين
ريم:أميره انتي وشفيك مو على بعضك؟؟؟؟
غاده:صادقه أميره انتي تغيرتي يوم قلت اسم الولد اللي كان يغازلك!!!
أميره:انا مافيني شي ولا تضيعيون الوقت بسرعه دقن على حسين

{المهم كلمت ريم حسين}

ريم:الوالسلام
حسين:هلا والله وعليكم السلام
ريم:حسين حبيبي انا في السوق ومعي البنات نبغاك تجيبنا؟؟؟
حسين:ابشري ياعمري إنشاء الله؟؟{شوفوا الذوق مو مشعل هاهاها}
ريم :خلاص حسين ننتظرك بااااااااااي
حسين:باااايات حبيبتي

{هنا بدات الكارثه اي الموقف الصعب الذي لم تحسب له أميره اي حساب}

المهم جاء حسين للسوق ووقف السياره ينتظرالبنات المهم جت غاده وريم ركبن وكانت أميره تمشي وراهن وهي سرحانه وخطاها كانت ثقيله

{سبحان الله كأن قلبها حاس وش بيصير}

وفجاء وهي تركب السياره لاحظت سياره تمشي وفز قلبها

المهم ركبت أميره وسكرت الباب
ومشى حسين التفتت أميره غصب عنها والا راعي السياره هو ماجد
ماجد كان بسيارته وعرف سيارة حسين اخوأميره واخذ ماجد يلتفت لأميره مو مصدق عينه انه شافها
وأميره ساكته وكانت غاده وريم وحسين يسولفون ويضحكون

{وأميره محد داري بالعذاب اللي بقلبها}

حسين:يوه ماجد هنا ياناس شوفوا الصدفه من متى ماشفته
مبطي منه
ريم_غاده:من ماجد هذا؟؟
حسين:هذا ماجد من فخذ {ال؟؟؟؟؟}صديقي بس مومره صديقي
ريم:وشلون موصديقك مره؟؟؟
حسين:ماجد انسان غريب!!؟؟
غاده:وشلون غريب؟؟؟
حسين:خاله ياهو متمسك فيني مره ويتقرب مني باأي طريقه
غاده:غريبه ذا الانسان صراحه؟؟؟

[بلاهم مايدرون ان كل هذا لعيووون أميره]

وظلت اميره ساكته طول ماهي بالسياره وخانقتها العبره لأنها شافت حبيبها اللي من مده ماشافته ولاقدرت تقوله شي

{للمعلوميه:ان أميره وماجد مابينهم مكالمات ولارسايل فقط نظرات من بعيد لبعيد}

ويوم جات للبيت دخلت لغرفتها تركض وسكرت الباب وضمت الدبدوب حقها وقعدت تبكي بشده وحرقه!!

لأنها تشوف حبيبها ومنى عينها قدامها ولاقدرت تقول له شي!!

{آآآآه واللللله العظيم قهر}

المهم نامت أميره وهي تبكي
بعدين صحت أميره العصر وجلست على السرير تفكر في ماجد وناظرت الدبدوب حقها
{وقالت:ليت الدنيا على كيفي واشوفك كل مابغيت ياماجد او على الأقل اكلمك}

_وبعدين ضمة أميره الدبدوب
وعطته بووووسه _

(وطلعت أميره من الغرفه وهي حزينه ومالها خلق)

ودخلت المطبخ:
أميره:جوارسينا{اسم الخدامه}
جوارسينا:يس أميره
أميره:سوي لي عصير برتقال طازج
جوارسينا:اوكي أميره حاضر
أميره:ثنكيوا جوارسينا مافي تأخير
جوارسينا:اوكي
________

وراحت للصاله واستلقت على الأريكه وضامه المخده اللي مع الأريكه على صدرها وكانت أمها تكلم بالتليفون خالتها__
المهم جات جوارسينا وحطت العصير عندها على الطاوله اللي عند الأريكه
واميره سرحانه وامها تتكلم هي وخالتها عن الزواج يحضرونه ولا لا ؟؟؟
قالت ام أميره انا وبناتي مدري نحضر ولا لا؟؟

{انتهت المكالمه}

ألام:أميره حبيبتي تحضرين الزواج؟؟
أميره : لا مالي نفس احضر!!
ألأم : طيب حبيبتي ماعرفتي من زواجه هذا علشان تحكمين!!!
أميره : مومهم اعرف من زواجه انا قلت ماني حاضره وخلاص!!!
ألأم:خلاص حبيبتي على راحتك

{جات ريم}

ريم:هاااي مامي
الأم:هاايااات حبيبتي بدري توك تصحين
ريم:وش اسوي يمه مانمت الا متأخره
الأم:وش مسهرك؟؟
ريم:عبودي قام ال

الليل
وجا لغرفتي وقال ريم انا خايف وجلست معه الين نام الساعه6 الصباح وانا نمت ال

0 الضحى
الأم : عالعموم ريم في زواج تحضرينه؟؟؟
ريم:من زواجه؟؟؟؟

[أميره مازالت مستلقيه وساكته]

الأم : زواج فلان الفلاني!!!

[فزت أميره من على الاريكه وطارت المخده من يدها ووقفت أميره]

ريم:خير قارصك شي!!!يوووه أميره اتصدقين ماانتبهت لك وشفيك على السايلنت؟؟؟

{بلاكم ماتدرون ان فلان الفلاني هو خال ماجد حبيبها}

ألام : أميره حبيبتي انتي من أمس ماعجبتيني وشفيك؟؟
أميره : لا يمه مافيني شي!!

{بعدين قطع عليهم صوت حسين وهو ينادي أمه}

الأم:هلا حسين يمه وشفيك حبيبي؟؟
حسين : لايمه مافيني شي بس هذي بطاقة زواج خاصه لك انتي وخواتي
ألأم : من اللي جايبها يمه؟؟
حسين : جابها ماجد وملزم علي اني احضر الزواج واجيبكم معي وملزم كثير

{حاولت أميره شرب كاس العصير لكن العصير انكب على ملابسها}

حسين:أميره وشفيك؟
ألأم:بسم الله عليك حبيبتي
ريم:الحمد لله والشكر بزر انتي تكبين العصير عليك!!!
أميره:هاااااه لا مافيني شي
ريم:تكلمي فيك شي أميره؟؟
أميره:ريموووه مالك دخل!!

[صراحه موقف لاتحسد عليه ها ها ها]

[بلاكم ماتدرون ان كل هذا علشان طاري ماجد]

المهم بدلت أميره ملابسها ورجعت تضحك وفرحانه
وماعلى لسانها إلا أغنية:

{الوسمي}
مشتاق لي مشتاق لي

وانا بعد مشتاقلك

ياشوق قلبي انت ياكل الغلا

حاكم وحكمتك على قلبي ملك

تامر والبي في خضوع وفي ولا

{صوتها روووعه }

_____________

يــــــــتـــــــــبـــــ ــــع

**الجزء الثاااااني**

ريم : تناظر أميره بكل دهشه والله إنك منتي صاحيه!!قبل شوي مالك حس واللحين تضحكين وتغنين!!؟؟؟
أميره:ليش حرام الواحد يضحك ياربيه يالغيره!!
ألأم:سبحان مغير الأحوال يابنيتي!!!!
أميره:يمه وشفيكم علي عالعموم انا بصراحه ودي احضر الزواج
الأم:أميره منتي رافظه تحضرين الزواج قبل شوي وش اللي غير رايك غريبه!!!!!!
ريم: لايمه ماله داعي نروح
أميره: يمه تكفين من زمان ماحظرنا حفلات زواج
ريم:يابكاشه{يعني كذابه} تونا الأسبوع اللي فات حاظرين حفله زواج
_وهناااا_حصلة مشاده في الكلام بين ريم واميره وحده مصره تحظر والثانيه رافظه وقاطعتهم أمهم وقالت إذاأتفقتو على رأي خبروني ومشت وتركتهم_
وبعد جهد أقنعت أميره ريم وخبرو والدتهم وريم مش مقتنعه بإصرار أميره على إنهاتحظر الزواج

{المهم مرت ايام وجاء اليوم المنتظر يوم الزواج يوم الخميس}
وكانت أميره فرحانه حيل ولبست احلى فستان عندها واغلاها قيمه وتزينت احلى زينه من ميك أب وشعرها وسوت أحلى تسريحه

[طبعا هي جميله مره من غير مكياج واذا حطت مكياج وشلوون بيصير شكلها وااااو ملكة جمال وشعرها طويل قولوا ماشاء الله]
{والله مالوم ماجد فيها}

المهم راحت أميره وريم وأمهم الزواج واستقبلوهم اهل المعرس {اللي هم خوال ماجد} بكل حفاوه وترحيب المهم استانسوا وأميره جسدها مع البنات لكن قلبها وعقلها مع حبيبها ماجد

{ملاحظه:القبيله هذي عندهم عاده ان اي احد من قرايب العروس اوالعريس من الشباب عادي يدخل في صالة النسا ويرقص مع خواته}

المهم نكمل فجاءه قالت المغنيه تغطوا ياحريم في رجال بيدخل
وأخذت نبضات قلب أميره تضرب بقوه وكان قلبها حاس انه ماجد
ودخل الرجال الاهو ماجد وكانت أميره مو مصدقه عيونها
ولاتغطت نست فجاء ضربتها خالتها غاده أميره تغطي لايشوفونك الحريم وش بيقولن عنك؟؟؟
أميره:هاااااااه وين الخدامه جوارسينا.جوارسينا غاده خليها تجيب طرحتي
غاده:جوارسينا موهنا تغطي بشعرك

المهم تلثمت أميره بشعرها اللي يجيب العافيه والعيون اللي يشوفها يدوخ وربي تدوخ
وجلست أميره تدور ماجد الا هو منزل راسه عند المغنيه ويتكلم عليها وقالت المغنيه ابشر انشاالله
وقبل لاتبداء الأغنيه قالت المغنيه هذي الأغنيه إهداء من ماجد لناس عزيزين على قلبه لبوا الدعوه وحضروا الزواج

{{أميره تذكرت مكالمة ماجد لحسين في السياره فز قلبها لانهم يوم حضرو للزواج وهم في السياره دق جوال حسين الاهو ماجد يسئله بتجون حسين ولا لا قال حسين ماجد بنجي انشاالله قال ماجد اكيد انت وهلك قال حسين ياماجد والله اني في السياره انا وهلي قال ماجد الحمدلله يالله تامر بشي يالغالي قال حسين سلامتك ياخوي}}

بدت الأغنيه بالموال الاهو موال:
ياصاحبي وشلون غالينا ياعسى بالخير ذكرانا٠٠٠٠٠
_____________
المهم أميره عينها دمعت وهي تشوف ماجد يرقص
وماجد يتشوف وهو يرقص
يحاول انه يشوف حبيبة قلبه
أميره لأنه من زمان ماشافها

{يااااووويلي ويلاااااه عذاااب في عذااااااااب}

نرجع نكمل القصه خلصت الأغنيه وطلع ماجد وهو يتلفت يمين ويسار يدور عليها فز قلبه لوحده على يمناه متلثمه بشعرها

{عرف انها أميره!!تدرون ليش؟؟؟؟؟؟

لأن أميره يوم كانت صغيره في جرح على كفها الايمن}كان أثر عمليه وباقي اثر العمليه في يدها

[سبحان الله شوفوا كيف مرت سنين
وماجد مانسى الجرح اللي في يدها]

ماصدق انه شافها بعد ماكبرت
وأخذ ماجد يمشي ببطىء

{علشان يشبع عيونه بشوفتها}

وطاحت يد اميره وطاح شعرها من على وجها وهي تناظره ومحد انتبهلهم ماجد وقف ثم مشى يوم انفكت لثمة شعرها

{ورب الكعبه مالووومه فيها _زين اصيل <" نجدي ">}

والدمعه نزلت من عين أميره
ورفع ماجد ايده على عينه وهو يمسح الدموع ويناظرها ومر من عندها ورفع الجوال كأنه يكلم وهو مايكلم اصلا وجا من عندها وقال:

{" لاتبكين فديتك مااحلاااك"}

وطلع وحست أميره ان قلبها طلع معه _

المهم خلص الزواج وطلعوا أميره واهلها من الزواج الا ماجد واقف برا عند البوابه ويناظرها وهمس لها بصوت خفيف:

{فديت البرقع اللي لابسته وطلبتك خبي عيونك اخاف عليك من العين}

ومن يوم ماطلعوا دخلت أميره وجلست بفستانها على مكتبها وتفكر بماجد وتبكي لأنها مافيه أمل تشوفه مره ثانيه وتضحك لأنها شافته طيب وبخير بعد ذا السنين
وبعدين بدلت أميره ملابسها ونزلت للصاله ولقت اخوها حسين وجلست تسولف معاه شوي المهم طلع حسين ونسى جواله

{أميره مو من عوايدها تاخذ شي ماستأذنت}

بس مدري وش خلاها تليقف وتاخذ جواله وتشوف مقاطع فديو وتسكره ثم فتحت الرسايل والا كلها مسجات من ماجد رووعه وفي مسج واحد لفت نظرها
ومكتوب عليه اهداء خاص
حبي لك
<" أكبر "> من غلا انسان لأنسان
<" احساس "> ما كل البشر

{..." يفهمووونه "...}

جلست تأمل أميره المسج وسكرت الجوال وراحت لغرفتها وفتحت شباك غرفتها
وتناظر القمر

وجلست تغني:
ماشفت كيف القمر عقب
الظلام منور

بالظبط نفس الشعور ان شفت بسماتك

{الى نهايتها}

وبعدها نامت أميره وهي فرحانه وسعيده لكن!!!

ماتدري وش الاقدار مخبيه لها!!!!!

نكمل ومرت الأيام والشهور وكل يوم يزيد حبهم لبعض
وتقرب ماجد لحسين وصاروا اصدقا وكل واحد منهم صار يزور الثاني في بيته

وكانت أميره فرحانه بعلاقة ماجد حبيبها وأخوها حسين

{تجدد الأمل عند أميره ان فيه امل انهم يتزوجون}

لكن ماجد ماقدر يتحمل على بعد أميره وخاف ان احد يتقدم لها وياخذها منه!!!!

وقرر ماجد انه يفاتح حسين بالموضوع وفعلا فاتح ماجد حسين بالموضوع
ماجد:حسين انا ابي اطلب منك طلب واتمنى ماتردني؟؟
حسين:اطلب عزك وانا اخوك والله يقدرني على تنفيذه
ماجد:انا طالب يد اختك أميره
حسين:{سكت}ماجد اطلبك على عيني وراسي ياخوي بس انت تعرف الراي عند ابوي
ماجد:تكفى ياحسين حاول
حسين:ابشر برد لك خبر بعد كم يوم
ماجد:خلاص انتظرك

{المهم راح حسين لأبوه وقال له عن ماجد }

حسين:يبه انت تعرف ماجد الفلاني؟؟
الابو:ايه يابوك ونعم الولد ياحسين
حسين:يبه هو متقدم لأميره أختي؟؟؟
الابو:وش تقول انت من جدك تكلم ياحسين!!!!
حسين:اي يبه ليه وشفيك؟؟؟
الابو:حسين انت تعرف طبعناكيف والبنت ماتطلع برا وش تبي يقولون عنا الجماعه والبنت معروف لولد عمها!!!
حسين:يبه الله يهديك مو كلنا ينقالنا ال؟؟؟؟_
الأبو:صح كلامك بس انا من فخذ وهم من فخذ يابوك
حسين:يبه الرجال مافيه عيب وانا اشهد له يايبه والله انه رجال سنافي
الأبو:يابوك انا ماعيبت فيه بس طبعنا يفرض كذا

{حسين حاول بكل شتى الوسائل علشان يقنع ابوه لكن ابوه راسه يابس ومو مقتنع ومافي امل يوافق }

بعدين:

[جاهم مشعل صاحب المقالب وخفة الدم]

مشعل:السلام
الأبو_حسين:وعليكم السلام
مشعل:كني سمعت طاري زواج من زواجه؟؟؟
حسين:أميره متقدم لها ماجد الفلاني
مشعل:ياالله بتروح أميره الله يصبرني على فرقاها والله بفقدها دايمن هي تخطط وتساعدني في المقالب والوناسه
حسين:بس ابوي رافض
مشعل:افا ليش يبه والله انه رجال ماعليه قصور
الابو:ياعيالي انا ماعيبته بس انتوا تعرفون طبعنا حسين قله مافي نصيب
حسين:سكت وماتكلم__

{طلع الابو وجلس حسين ومشعل}

مشعل:ليش انت معزم ان ابوي يوافق
حسين:يامشعل الولد طلبنبي انا وش ارد عليه الحين والله انها فشله
مشعل:قول له مافي نصيب زي ماقال ابوي
حسين:بقوله/بس والله مايهون علي ارد ماجد

{نزلت أميره مع الدرج وهي فرحانه وتغني:
هذا حبيبي وهذا اللي تمنيته
ماغيره احد ملا قلبي

{ودخلت على اخوانها تضحك}
مشعل:أميره في خبر لك بس حسافه ابوي رفض
أميره:وشو الخبر اللي رفضه
ابوي وانا مادري
مشعل:اسئلي حسين وهو يقولك
أميره:حسين يالله قول تراني فرحانه حيل
حسين:مااعتقد ياأميره انه يهمك الخبر
أميره:ياربيه يالله قول
حسين:تقدم لك ماجد بس ابوي رفض

{الموقف اللي ماقدرت تتحمله أميره}

أميره:شهقت ووقفت وانقلب لونها
حسين_مشعل:أميره وشفيك
أميره:سكتت وراحت ودمعت عينها
مشعل:<اعتزا>{يعني قال عزوة قبيلته} أميره تبكين وانا اخوك
حسين:تكلمي وشفيك
أميره:لا مافيني شي استهبل عليكم اسوي مثل المسلسلات

{لاوالله ماتدرون ان اغلى انسان عندها رفضتوه}

مشعل:الله يقطع بليسك خوفتيني
حسين:ماتجوزين عن مقالبك

[ابتسمت وهي قلبها يتقطع وراحت لغرفتها]

جلست تبكي وتبكي وتقول:
{ليش يادنيا انتي كذا ليش كل شي عكسي ليش ابوي رفض ماجد ليه ليه؟؟؟؟

[الطامه يوم درى ماجد]

حسين:ماجد مدري وش اقول لك بس!!
والله الأمر موبيدي الامر كله بيد ابوي!!
والله لوبيدي مااردك
ماجد:وش قصدك هي رفضتني
حسين:لا كل شي بيد ابوي وابوي هو اللي رفض
ماجد:ليه رفض فيني عيب ياحسين؟؟؟
حسين:لاوالله قص الله اللسان من عيبك بس ابوي يقول البنت لولد عمها ياخوي وانت تعرف ابوي
ماجد:حسين تكفى انا ابيها واسئلها واذا رفضتني أميره خلاص بنسى كل شي بس والله ماعرف من البنات الاهي واذا ارفضتني والله ماتزوج غيرها
حسين:{سكت}خلاص ماجد بحاول
رجع حسين للبيت
حسين:عبودي روح قول لأميره حسين يبيك
عبودي:لا بلعب بلاي ستيشن ماني رايح
حسين:اقول قوم نادها لاخذ البلاي ستيشن والله ماعاد تشوفه
عبودي:لا حسين تكفى خلاص بروح اناديها بس لاتاخذ البلاي ستيشن
حسين:يالله روح بسرعه

{راح عبودي يناديها }

عبودي:أميره افتحي الباب ابيك

{أميره طبعا قاعده تبكي حتى امها وريم لاحظو انها تغيرت بعد سالفة ماجد وخطبته ويسئلونها بس رفضت تقول لهم شي }

أميره:ماني فاتحه الباب انا تعبانه
عبودي:أميره حسين يبيك
أميره:قول له اني تعبانه

[ركض عبود وقاله أميره تعبانه هنا شك حسين وقام راح لها وطق الباب عليها]

أميره:عبودي انا تعبانه
حسين:أميره انا حسين ماني عبودي!!!
أميره قامت مسحت دموعها
أميره:هلا اخوي
حسين لاحظ شكلها ذبلانه وعيونها واضح عليها السهر والتعب
حسين:أميره وشفيك انتي متغيره حتى امي تقولي ماصرتي تاكلين ذا الايام زي قبل
اميره:لا مافيني شي
حسين:بسألك اميره وتجاوبيني بصراحه؟؟
اميره:اسئل!!!!
حسين:أميره انتي تبين ماجد ولا لا جاوبيني؟؟؟؟؟
أميره:اللي يشوفه ابوي
حسين:انا ابي رايك انتي؟؟؟جاوبيني!!!

{أميره ناظرته وعيونها فيها دموع وبكت غصب عنها وماقدرت تمسك نفسها وضمها اخوها حسين وصار يهديها وقال انا بحاول وان كان الله كاتب لكم نصيب بتتزوجون}

{واصبح حسين يحاول هو وامه مع ابوه لكن ابوه رافض وبقوه}

وراح حسين لماجد وقاله
لكن ماجد مااستسلم
خبر امه وقالها ووافقت امه وراحت لأم أميره وخطبتها لكن ام أميره قالت لها يام ماجد والله ولدك مابه قصور لكن انتي تعرفين ابوها راسه يابس ورافض ويقول أميره مخطوبه لولد عمها
ام ماجد :من ولد عمها؟؟؟
ام اميره:حمد بن حسين
وراحت ام ماجد لبيتها وقالت لماجد كل شي ماجد يوم قالت امه مخطوبه انجن طلع من البيت وقعد يفكر ومايأس وجا في باله انه ياخذ من كبار جماعته وعمامه

(على فكره ماجد يتيم الاب )

يــــــــــتـــــــبــع

**الجزء الثالث والاخير**

راح وقالهم على الموضوع وماردوه لانهم طبعا يعرفون أخلاق ماجد
وهم في الطريق كلم ماجد حسين وقاله انا وجماعتي جينا لبوك يطلبونه لانه معروف طلبة الرجال ماترد
المهم حسين فرح لان صعبه ابوه يرد أحد جايه في مجلسه لكن يافرحه ماتمت
خبر حسين أمه وماكان يدري ان أبوه كان قريب وسمع كل شي
ابوه انصدم قاله متى بيوصلون قال حسين بعد المغرب قال خلاص عشاهم عندي الليه خبر أخوك مشعل وجهزو للعشا وحاول حسين يعرف من أبوه وش بتكون ردة فعله لكنه ماقدر_وطلع الابو وكلم اخوه حسين وقال تبون أميره انتم قال اكيد نبيها قال ترى ماجد وجماعته جايين في الطريق وعشاهم عندي وخبر حمد يجيب الشيخ ويتملكها علشان احطهم قدام الامر الواقع وحمد من قده نفذكل التعليمات كل ذا يبي يقهر ماجد لانه مايحبه

{ياشين قهر الرجال}

المهم جا ابوها وقال نادوا أميره وتعالو كلكم وجاوا كلهم وقال أميره تجهزي اليوم ملكتك ويام حسين تجهزوا اليوم جاي اخوي حسين واهله

{أميره ماقدرت جلست تبكي تترجى ابوها تقول يبه تكفى مابي حمد مابيه اموت ولا آخذه قام ابوها صفعها كف قدامهم وطاحت على الأرض قدام اهلها عبودي اخوها الصغير بكى علشانها وامها وريم يبكن وقام مشعل وضمهاووقفها وقعدت أميره تترجى مشعل وماهز مشعل الاكلمة
{ مشعل تكفى انا اختك لاتخليني انا ماابي حمد}
مشعل بكى وقال يبه البنت ماتبيه لاتزوجها قال ابوه انا عطيت كلمه وخلاص كلمتي تمشي وبس

{للمعلوميه ابوها شديد وكلمته مسموعه}
وحسين الضحيه بعد دخل غرفته قعد يبكي لانه بين نارين (صديقه واخته)
اما ماجد المسكين فرحان حيل وطول الطريق وهو يقول في خاطره
{ هانت يااميره انا جايك يا قلبي وباخذك على سنه الله ورسوله}
المهم وصلو ماجد وجماعته ودخلو ولقوا داخل حمد وابوه حسين ورحب بهم مشعل وابوه لان حسين خبر أخوه انه ماراح يحظر لان ماله وجه يقابل ماجد مع ان المسكين مابيده شي_
المهم كان مشعل يناظر ماجد ويقول في نفسه:
[ ماجد اميره في ذمة رجال اللحين]
اما ماجد استغرب حمد ونغزه قلبه حس ان فيه شي وجا ابو أميره ورحب بهم وقال:شرفتونا وحياكم الله بعد على عشاكم وعشى ملكة حمد على أميره
قام ماجد وكانه مجنون ويناظر ويقول أميره تملكت
وحمد جالس وفرحان
مشعل طلع من المجلس ماقدر يتحمل
طلع ماجد ومايدري وين يروح
{ضاقت به الدنيا}
على سيارته وفجاءه لقى نفسه في المكان المحبب له اللي هي مزرعته وجلس يبكي ويستفرغ (من القهر)
اما أميره في غرفتها عندها الكوافيره وخالاتها وريم وامها يجهزونها وهي تبكي وكل ماحطوا مكياج تبكي والكوافيره عادت المكياج كم مره وا مها تحاول اتخفف عنها لكن مافي امل
وجا مشعل قال حمد يبي يشوف أميره واميره جلست تصارخ وتبكي
جلس مشعل عندها وحب راسها وحط يده على راسها وقال هذا الحين زوجك وأميره تقول
< لا لا حرام عليكم انا ماابيه انتم ماتحسون كيف اعيش مع انسان ماابيه>
قال مشعل علشان خاطري قومي وبعد محاولات قامت وكان حمد فرحان من قده في الصاله وجا مشعل ماسك أميره بيدها وكانت أميره لابسه فستان أحمر روعه كانت فتنه فيه مشاالله عليها وكان شعرها كله على جنب وفيه ورده حمرا ومكياجها حلو وشفايفها روج أحمر

{ليت ماجد مكان حمد هو اللي يستاهلها}

جلست أميره وراح مشعل وجلست أميره وحمد وجا حمد وقام وجلس قريب منها وأميره قامت لكن حمد مسكها بيدها وجلسها واخذ يناظرها من فوق لتحت وتغزل فيها وأميره دموعها نزلت وتقول في نفسها:
ليتني اموت ولا اعيش مع رجال غير ماجد

{ اما حمد راح فيها مالومه من شاف زينها داخ}

وقامت أميره تبي تروح داخل قام حمد وقال ممكن طلب قبل لاتروحين!!!
وقفت أميره!!!_استغربت؟؟؟
قال ممكن ابوسك؟؟؟
ناظرته أميره بنظره أحتقار وكره
_وقرب منها_
وابتعدت أميره منه___
وقال أميره لاتنسين اني زوجك
أميره جلست تبكي وراحت وقبل لاتروح
قال حمد انا عارف ليش تبكين؟؟؟
أنادريت ان ماجد يحبك وأنتي تبينه بس عناد والله ماخليك تاخذينه انتي لي وبس فاهمه
وبعد ماسمعت أميره كلامه دخلت غرفتها وانهارت أعصابها
اما ماجد ماله حيله الا البكى

وهذا بيت شعر صدق من قاله:
{كانك تبي تشوف الذل في صورته صح
شف دمعة الفرقا على خد رجال}

{المهم حددوا زواج أميره بعد كم اسبوع وكان يوم الخميس }
وصار هذا اليوم بالنسبه لأميره يوم وفاتها
وكانت ام أميره وريم هن اللي يجهزون لأميره ويتسوقن لها لأنها رافضه انها تتسوق
المهم مرت الأيام بسرعه وجا يوم الاربعا بالليل وكانت أم أميره وريم بالسوق ومحد بالبيت غير أميره وعبودي وفجاءه دق التليفون ورد عبودي وسكر التليفون وقالت أميره مين قال عبودي محد تكلم
ودق مره ثانيه ورفعة السماعه اميره
الا صوت اغنية الجسمي:
صدق مخطوبه يافلانه
وصدق باكر بيزفونك,,,<<<<<<آآآه من جد عذاااااااااااب
وفجاءه سمعت أميره صوت شهقه وصوت واحد يبكي
أميره عرفت انه ماجد وبكت وسكرت التليفون وجلست تبكي
المهم
جا اليوم الموعود اللي بنظر ماجد وأميره حطم حياتهم وأمانيهم
كانت أميره بحاله مايعلمها غير الا الله
كانوا قرايبها عندها والكوافيره تجدد اللي صار يوم ملكتها من اعادة المكياج بسبب الدموع
وخلصت الكوافيره وطلعت أميره كأنها ملكه بالفستان الأبيض والمكياج الوردي وتسريحه ناعمه بشعرها
وكانت الكوافيره معها لانها كل شوي معدله المكياج بسبب الدموع المهم زفوها قدام الحريم وكانو كلهم يذكرون الله من جمالها
وجا حمد ومعه حسين ومشعل داخلين الصاله وأميره جالسه ويوم شافة حمد نزلة دموعها والكوافيره معها كلينكس وتمسح دموعها
وشافها حسين بكى وطلع ماتحمل يشوفها وهي تبكي
وجا حمد وجلس على الكرسي
ويناظرها ويتأملها
وهمس لها وقال:
{اسجد لربي واشكره انك صرتي من نصيبي
فديتك يااحلى أميره باالدنيا كلها}
وأميره ساكته ومنزله راسه ولاردت عليه
قال حمد:
والله ان خجلك زايدك حلاه على جمالك مشاالله

{مايدري حمد انها ودها تموت ولاتجلس معاه}

ماطولوا وهم جالسين قام حمد ومسك يد أميره وقومها وطلعوا وجات امها ولبسوها العبايه وطلعت مع زوجها حمد
وبعد مامشى حمد وأميره
كان ماجد بنهاية الشارع بسيارته يتأمل أميره من بعيد لبعيد ويناظرها
{واخذ يتذكر المواقف اللي بينهم من سوق من زواج خاله وكأنها شريط فديو يمشي قدامه}
وجلس يبكي وبعدين مشى بسيارته
{وهنا صارت الكارثه }
سوى حادث ماجد
بس الحمد لله اصاباته خفيفه
بس كان في غيبوبه
المهم عرف حسين بالحادث وراح له على طول
ولكن ماجد مايدري باللي حوله وطلب حسين من الدكتور انه يرافق عنده
ووافق الدكتور
وجلس حسين عنده وماجد مايحس بااي احد عنده
{وكان حسين يبكي}
تدرون ليش؟؟؟؟
لأن ماجد كان يتكلم ويقول:
أميره_أميره
وماله سيره غير اسم أميره
ومرة الأيام وطلع ماجد من المستشفى
وحلف حسين ان عشاه اليوم عنده
ولكن ماجد حلف وقال انا اليوم بسافر لديرتي
وتركه حسين على راحته
وسافر ماجد لديرته ماخذ معه همومه وأحزانه
اما أميره سافرت ماليزيا مع حمد وكانت سفرتهم جهنم لأن أميره جننته ماتتقرب منه وكأنه مو زوجها وكان حمد يقولها أميره انا زوجك!!!
وقالت أميره ياخي انا مااحبك اهلي زوجوني غصب ياخي كيف تعيش مع انسانه ماتحبك انا اكرهك
صفقها حمد كف وقال: مايهمني ماتحبيني اهم شي اني انا أحبك وتزوجتك
ومرت ايام وكانت حياة حمد وأميره عذاب في عذاب
تدرون ليش؟
لأن أميره كانت تتهرب كل ماجاها حمد وكانت تعانده
وكان حمد يضربها ضرب الله لايوريكم
المهم رجعوا حمد واميره للسعوديه وكانت أميره موطايقه الحياه
وكان حمد شاطر بالضرب لدرجة ان جسمها ووجها كله اثار ضرب
وفي يوم من الأيام زارت أميره اهلها ودخلت لغرفتها على طول وسكرت الباب عليها وكانت في البيت امها وريم وعبودي
{ اما ابوها واخوها مشعل مسافرين للقنص في تونس}
وحسين كان في الدوام
وجت امها تدق الباب عليها لانها استغربت توها جايه ولاسلمت عليهم ورفضت اميره تفتح الباب لهم
امها خافت واتصلت على حسين
وجا حسين ورفضت أميره تفتح الباب له وبعد محاولات فتحت أميره الباب ودخل حسين وسكر الباب وكانت اميره تبكي ومنزله شعرها على وجهها قال حسين وشفيك أميره وش صاير؟؟
سكتت أميره
ورفع يده حسين وابعد الشعر عن وجهها
يوم شاف حسين وجهها بغى يموت من القهر
لأن وجهها كله اثار ضرب
وطلع حسين من بيتهم على طول لحمد ومسكه وضربه ضرب وقال حسين :
{أميره انا مارفعت يدي عليها تجي انت وتضربها ياحمد}
المهم جلست أميره في بيت اهلها وكان حمد يرسل لها مسجات اعتذار وحب وأميره مطنشته
{المشكله يوم ابوها جا من القنص}
على طول اتصل عليه اخوه الكبير حسين اللي هو ابو حمد
وقاله عاللي صار وقال ان حمد يبيها وأميره رافظه
يوم درى ابوها طلع للبيت وخذا أميره بيدها ووصلها لبيت حمد وقعدت أميره تترجى حمد وهي كأنها طفله صغيره وتبكي تقول طلقني
تكفى طلقني لكن هو ولا على باله لأن حمد تذبحه الغيره إذافكر بحب ماجد لأميره _ويزيد في إهاناتها وضربها
المهم بقت أميره على هاالحال لمدة ثلاث شهور
وبعد كذاحمد صادق له شباب ملتزمين وراح لمكه معهم وتقرب لربه أكثر ولمارجع حمد من مكه الله هداه
وحس بغلطته تجاه أميره
واللي سواه فيها وحاول أنه يصلح غلطته ويحسن معاملته معها لكن مافيه _أمل_أن أميره تحبه اوتسامحه على اللي سواه فيها _
وبعد كذا أقتنع حمد ان حياته مع اميره ميؤس منها وفكر في الطلاق وفعلا لقاه الحل الأخير وطلقها_
بعد ماطلقها كانت اميره تعبانه نفسيا كانت كارهه الحياه ومو طايقتها ابدا وكان ابوها حاس باالذنب لانه السبب في كل شي واخذها ابوها واخوانها لطبيب نفسي وطبعا كان أقرب واحد لها هو حسين لانه حاس بالألم والعذاب اللي أميره عايشته_وكانت نسبة تجاوبها مع العلاج النفسي ضعيفه مره لان صار لها ثلاث أسابيع ماتحسنت كثير وكان أخوها حسين يتعب لمن يشوف أخته في الحاله اللي اهي فيها وفكر في حل وقال يمكن السفر وتغيير الجو يساعدها وفعلا حجز له ولأخته أميره وباقي اهله وسافرو { دبي } وقعدو فيها أسبوعين لكن مع ذالك ماتغيرت نفسيتها وجن جنون حسين لانه موقادر يساعد أخته لكنه قعد بينه وبين نفسه وقال يمكن يكون ماجد هو الحل وفعلا أتصل على ماجد لانه من بعد ماسافر ماجد لديرته حسين ماأتصل فيه وكان قبل مايتصل خايف من ان يكون ماجد تغير من ناحيته اوانه تزوج ونسى كل شي!
لكن بعد ماأتصل حسين وسولف مع ماجد لقى ماجد نفس ماهو ماتغير باقي غلا حسين في قلبه وكذالك انه مابعد تزوج ولافكر اصلا وبعد ماخذا حسين أخبار ماجد الحين دور حسين يتكلم وفعلا تكلم حسين عن نفسه وبداالحين يتكلم عن أخته واللي صار لها وهنا
سكت ماجد وبكى وهويقول_ ظلمتوها ياحسين ظلمتوها_ وخنقت حسين العبره لكنه مسك نفسه وأخذ يتكلم مع ماجد في حل علشان يطلع أميره من اللي هي فيه وخبر حسين ماجد ان أميره موعد جلستها مع الدكتور النفسي بعد يومين وأتفقوا ان ماجد يحظر المركز ويصادف أميره بس لان أخوها حسين يبي يتأكد إذاباقي غلا ماجد في قلبها ولا خلاص انتهى من حياتها وأنتهت المكالمه وأتفقو على كذا لكن ماجد كان متخوف من ردة فعل أميره وبعد خايف انه لاتزيد جروحه جروح وبعد حاس بفرح لانه بشوفها لو من بعيد٠
والحين جااليوم اللي متفقين عليه وكان كل من حسين وماجد عايشين لحظات الخوف وطبعا كان ماجد غير وفعلا بعد ماأنتهت أميره من الجلسه وكانت طالعه من غرفت الدكتور وكانت تلتفت يمين وشمال تدور أخوها وطبعا كان أخوها يناظرها من بعيد وينتظر ماجد وفعلا دخل ماجد المركز ولحظات الخوف والقلق باينه على وجهه
ودق حسين على جوال أخته وحدد لها المكان اللي واقف فيه ماجد على أساس انه مكانه

ولما كانت أميره تمشي ماكانت تدري من اللي واقف قدامها لكن ماجد عارف ومتأكد ان هذي هي أميره ومع كل خطوه أميره تمشيها كانت نبضات قلب ماجد تزيد وبقوه بعد وكانت مشاعره مختلطه خوف
وشوق وحزن ووله
ولما قربت أميره رفعت غطا عيونها حتى تشوف حسين وكانت وهي تناظر الا وتطيح عينها في عين ماجد اميره تجمدة مكانها وماجد ماتحمل ودمعت عيونه وماكان بينهم ولا كلمه الا
_كلام العيون_وطالت الوقفه وهنا تدخل حسين وسوا نفسه وكأنه ماشاف ماجد وخذا أخته بيدها وطلعوا باالسياره للبيت وكانت اميره ساكته طبعا وحسين مايسمع الانبرة بكاها وحاول يفهم ليش تبكي لكن أخته موراضيه تتكلم وبعد ماوصلو البيت دخلت أميره غرفتها وهي تبكي وتلوم حظها
وجت في بال حسين فكره
وقف عند باب غرفت أميره وأخذ ينادي أمه وبعد ماجات أمه وخبرها ان عنده عشا وسألته أمه من الضيف قال
يمه ماجد ورحبت فيه وقالت ابشر بيكون بعد صلاة العشاء كل شي جاهز
وحسين كان قصده ان اميره تسمع كل شي حتى يعرف وش بتكون ردة فعلها
المهم مشى الوقت وجا حسين من صلاة العشاء لقى أمه تظحك ومبسوطه وقالها خير إنشاء الله قالت أبشرك اميره اليوم أحسن بكثير وهي من بعد المغرب معي في المطبخ تساعدني
والحين تأكد حسين من كل شي وبعد ماظيف ماجد صارحه وقال
(ماجد أنت تبي أميره)
_وهنا_ أنصدم حسين من صمت ماجد!!!

حسين:ماجد وش فيك انا قلت شي غلط!تكلم لاتسكت جاوبني ترى صمتك يذبحني
ورفع راسه ماجد وقال!حرام عليك ياحسين بعد كل هذا وتسألني بعد إذا أبيها اكيد أبيها وبعالي الصوت ابيها بس!أنا خايف من أبوك يصدمني للمره الثانيه ياحسين أنا قلبي ماعاد يتحمل صدمات
{حسين تأثر من كلام ماجد}

وهنا وقف حسين وحلف يمين أنه يوقف في وجه اي واحد بيكون معارض لزواج أميره وماجد حتى لوكان أبوه!!
وتأثر ماجد من كلام حسين وبكى
(ياكثر مابكى المسكين)
المهم ودع حسين ماجد واليوم الثاني بعد صلاة الظهر مباشره أجتمع حسين مع أبوه وأمه وأخوه مشعل وكلهم مستغربين المهم قال حسين بصراحه اناجمعتكم لان فيه واحد متقدم لأميره___
وقاطعه أبوه وقال انت فاضي ليش البنت في حال زواج الحين روح قوله ماعندنا أحد لزواج_
حسين:يبه لاتقاطعني أنت ماعرفت من اللي متقدم لها يبه هذا ماجد ماجد يايبه اللي أنت دمرت حياته انت وأخوك يوم رفظتوه ماجد حتي اليوم وهوشاري بنتك لاترده يايبه طلبتك لاترده
مشعل:يبه وافق ياابوي كافي اللي صار لأختي من ولد عمها وهذا حنا كل ماقلنا شي قلتوالبنت لولد عمها وأعتقد انك شفت اميره وش صار لها مع ولد العم
الأم:يابو حسين لاتوقف نصيب بنتك وخل في بالك ترى لوما ماجد مايعزك ويعز بنتك ماتقدم لها وهي مطلقه وهومابعد تزوج وبنات الناس واجد
الأب:لحظات سكوت رهيبه أمام إصرار الام وعيالها وكأنه يراجع حساباته وهوحاس باالذنب يوم كانت أميره تترجاه لانها ماتبي ولدعمها
وقف الاب وقال ماعندي مانع خلاص اللي تشوفونه بس بلغوا ماجد يتمم الأمور في أسرع وقت علشان اخلي أخواني قدام الامر الواقع_
بعد هالكلام على طول اتصل حسين على ماجد وخبره بموافقة ابوه
المهم ماجد أخذ يحلف حسين أنه يكون صادق معه لانه بصراحه ماصدق وهو يقول انا بعد ماكنت أترجى أبوك وأروح وأجي الحين هو اللي يقول تعال
أبشر والله لعيون أميره أجهزوأجيكم
المهم مرة الايام وجا ماجد واهله لبيت أميره وخطبوها خطبه رسميه وتملكوا وحددوا وقت الزواج بعد ثلاثة اسابيع
وكانت أميره وماجد فرحانين حيل
أميره مانامت طول الليل من الفرحه
وكذلك ماجد مو مصدق انه تحقق حلم عمره انه يتزوج حبيبة قلبه
المهم مرة الأيام وكان ماجد كل يوم عنده يعتبره سنه٠٠٠

وجا اليوم اللي ينتظره كل واحد منهم

أميره طلعت بااحلى زينه وبكت شوي
تدرون ليش؟؟؟
لانها جلست تذكر المواقف اللي حصلت بينهم واخذت تتذكر العذاب اللي عاشته مع حمد__
فجئه جا حسين وناظر أميره وقال عسى فرحتك دوم
حسين:أميره في واحد يبي يسلم عليك!!!!
أميره:مين؟؟؟من قرايبي!!!
حسين:اممممم توقعي!!
أميره:خالي فيصل جا من امريكا
حسين:لا.بس خالي فيصل اتصل وقال انه بيحضر بس بيتأخرشوي
أميره:وااااو مشتاقتله له موووت_طيب منو اللي بيسلم؟؟؟
حسين:أميره حمد بيسلم عليك وارجو انك تنسين الماضي وتسلمين عليه!!!
{أميره سكتت ولاتكلمت}
أميره:حياه الله مهما صار ومهما كان هو ولد عمي

المهم تغطت أميره

والكوافيره عندها ودخل حسين ومعه حمد وسلم حمد على أميره وقال:
{{الله يهنيك ويسعدك مع من اختارك زوجه وصبر وتحدى العالم على شانك}}
أميره:حمد ارجو انك تسامحني لأني ماقدرت اتحكم في عواطفي معك وانت في مليون وحده تتمناك والله يوفقك
وطلع حمد وحسين وجلست الكوافيره معها اللين انتهت من وضع اللمسات الأخيره من المكياج ولبست أميره الفستان الأبيض
اما بالنسبه لماجد أخذ يلبس الثوب والشماغ ولبس البشت واخذ يتبخر

{وكان طالع القمر}

وزفوا ماجد عند الرجال أماأميره زفوها أمها وأختها وخالاتها وحبايبها وطلعت عند الحريم وطبعا كانت ملكه جمال والكل يذكر الله من جمالها_

وطلع حسين ومشعل وزفو ماجد عند الحريم طبعا حسين على يمناه ومشعل على يساره ودخلوا واستقبلتهم ام العروس وام ماجد وكان ماجد
يناظر أميره وهو فرحان__

توووقعووواااا وش صااااار؟؟؟؟

[وقفت اميره من غير شعور لماجد و قرب ماجد من أميره ومسك يدينها وبكى وبكت أميره وضمها بقوه ضمة شوق_ وله_حب

قدام الناس كلهم]

{ولكل كان متعجبين من اللي صاااار!!!اما حسين ومشعل انحرجوا من الموقف وجلسوا يضحكون لانهم عارفين الحب الشريف اللي بينهم!!
ماجد نسى العالم وهو ضامها ولا استوعب الا يوم طاح عقاله
وجلس يضحك ماجد من الموقف وأميره انحرجت وخدودها حمرت
وبنفس الوقت فرحانه !!
وجلس ماجد وأميره وكان طول ماهم جالسين كان ماجد ماسك يدها وهي مبتسمه ومنزله راسها من الخجل
وبعدين طلع ماجد وأميره للفندق وكان شهر العسل في استراليا وعاشوا اجمل لحظات حياتهم
ملاحظه:
{والله اني بكيت في صالة الزواج من الفرحه لأن الله جمع بينهم ولو شفتوا كيف نظرات ماجد وأميره لبعض كأنهم مو مصدقين ان الله جمع بينهم بعد هذا العذاب واللي صدق اثر فيني يوم بكوا يالله من الموقف}

المهم الله تتمم بينهم بخير ويرزقهم الذريه الصالحه٠٠٠

{قوولووآمين}

كاتب القصه:‎Dr.Ahmed Hamdan
رائيس قسم المخ والاعصاب بمستشفى ألملك حمد بن عيسى
هوه اليـ كان يعالج اميره نفسيآ

وانتهت القصة...]~~ انتظر تعليقاتكم ,,,,,,,

منقول .. majed