هــــــــــذا واقعنا المرير كرهت الكوره..... وكرهت من بكى جميل الصوره - عيون العرب

**osama14** · #1 11-29-2009, 01:24 PM

#35 osama14
عضو فعال

الحاله: o.s.m.a تعديل؟

osama14

هــــــــــذا واقعنا المرير
كرهت الكوره..... وكرهت من بكى جميل الصوره
كرهتا كاسا.......... وكرهت من كان السبب في ياسا
وكرهت من خلا الدموع حواسا.... على خدها سالت وهي مقهوره
ونا سال دمعي في دواعي واسا ...... رقيق عزم فيها بكوتي معذوره
اللي خدها يضوي متيل الماسه.... في الشوط الاول فرحتا مغموره
رقيقة مشاعر ناعمه حساسه......... مرهون فرحك بشباك اسروره
عزيزى الهدف يجيها بكل سياسه.......... ونقار حارسها قديم اشهوره
وانتي جميله رفقتك وناسه............ مانكش كيف امناي هالمغروره
نصيحه ان تنسي تعكسي عالطاسه.......... في بار ليلي مايطفي نوره

فردت عليه البنت وقالت:
ماهو اخصاره......... دمعي عللي يلعبو بجداره
لكن خسارة الكاس هي لخساره.......... نبكي عليه ودمعتي مجبوره
وماتلومني في بكاي ماهي صغارة....علي ناس نا بيهم صحيح فخوره
العلم البرازيلي داع اخباره.............. اسياد الرياضه فن لعب الكوره
وكيف دمعتك سيل كحيل انظاره........ نا دمعتي سالت احكام ضروره

فيرد عليها الشاعر حسن ويقول:
يلي نظيف بشرها.......... ويلي سماح عيونها وشعرها
وخدودها وين القمر ينظرها.......... اصيرلا كسوف غار يطفا نوره
سبحان مولانا اللي صورها.............. تحلف منلي في جناين حوره
دعانا عللي صفوته كدرها.............. وخلى الخاطر دابلات زهوره
رتكبو جريمه صيفوا منظرها........ اللي قبل كانت عالجمال غيوره
ليش الجميله تكسرو خاطرها....... ولا تحسبوا لحساسها وسروره

وتجيب البنت قائلة:
يموت حنيني........ وتجف دمعاتي وتعما عيني
ودعاي عالفريق الارجنتيني......... اللي فرحتي منهم بقت ماسوره
وماعاد حاجه في الحياة تلهيني........... بعد الجرايد شاهده بالصوره
وحيده بقيت ولا من يواسيني.......... لين ننتهي تحت الثرى مقبوره

ويختم الشاعر القصيدة بقوله:
كرهتا اللي بكاها........ كيف ماكرهت الخاينه فغلاها
اللي قبل عاشقهن حروف اسماها...... واليوم منها دمعتي مهدوره
فيما مضى واجد بنيت معها.............. غلانا بقي للناس كي لسطوره
وانتي عالهزيمه دمعتك ريناها..... سالت على ميل الزمان وجوره
والياس طاغي حالتك رداها.............. ولا ينفعك دكتور لا دكتوره
ويلي صعيبه صورتك ننساها....... وطيفك مشقي خاطري بسموره

**osama14** · #2 12-14-2009, 11:51 PM

:77::77::77::77::77::77::77::77::77::77::77::77::77::77::77:

**osama14** · #3 12-22-2009, 04:52 PM

osama14

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
السقوط المرير...	حورالجنة	الحياة الأسرية	0	03-15-2009 04:49 PM
*قوانين لعب الكوره عند البنات*	دلوعة الرومانسية	نكت و ضحك و خنبقة	2	01-04-2009 01:25 PM
كرهت الحب منك	A7La_DaLoOo3a	محاولاتك الشعرية	18	03-08-2008 05:15 PM
اطول واكبر نمر في العالم..الصوره اكبر دليل ..مرعب !!!	adham-55	أرشيف المواضيع الغير مكتمله او المكرره او المنقوله و المخالفه	19	02-22-2007 01:44 PM
واقعنا المرير بقلم :(عبدو المغربي )	abdou22	أرشيف المواضيع الغير مكتمله او المكرره او المنقوله و المخالفه	7	12-13-2006 08:26 PM