|
| |||||||
| مواضيع عامة مواضيع عامة, مقتطفات, معلومات عامه, مواضيع ليس لها قسم معين. |
 |
| | LinkBack | أدوات الموضوع | انواع عرض الموضوع |
|
#1
01-09-2010, 03:01 PM
| ||
| | ||
| تكفى اقرا القصيده كامله والله تضحك ما راح تطفش بسم الله الرحمن الرحيم السلام عليكم ورحمة الله وبركاته تكفى اقرا القصيده كامله والله تضحك ما راح تطفش خذها مني ........ اوكي قصيده حلوه مرررره سبحان من يرزق بتوع الملاييـن*** الرازق اللي ما يخيب الرجـا بـه لي عم عنده معـرضٍ للصواليـن ***أموت واعرف بس من وين جابـه وإذا سألته قـال بعـت الدكاكيـن***ما يدري إني ما هضمت الإجابـة الشاهد إني رحت له قبـل يوميـن***في قصره العامـر ودقيـت بابـه قال أرحب أرحب عدّد ورد البساتين***يا مرحبا باللـي لفـا يـا هلا بـه قلت البقا عـدّ النفـل والرياحيـن ***يا شيخ شمل أهل الكرم والذرابـه قال اسلم الله يحفظك لي من العين***وآمر أوامر حضرتـك مستجابـة قلت الصراحة طالبٍ قرب غاليـن*** ودي تزوجنـي كريمتـك يـابـه ثنّى وقال أهليـن والله وسهليـن***والكون ترخص لجل عينك رقابـه لكن ترا عندي شـروط وقوانيـن***قلت اشرط اشرط يا حبيب الغلابـة قال أولاً مهر العروسـة ثمانيـن***غير الرسوم وغير حق العصابـة والثانية عمك يبي منـك سبعيـن***رسم الأبـوّة والنسـب والقرابـة وأم العروسة حقها منـك ستيـن***عشانها ست الحسـن والمهابـة وإخوانها كلن يبي منـك خمسيـن***عداً ونقـداً تنـدرج فـي حسابـه وخواتها الخمس عطهن من ثلاثين***عشان تتوثـق عـروق النسابـة وتجيب طقم عيار واحد وعشرين***وخاتم من الماس المصفى ترابـه وأكياس متروسة كعوب وفساتيـن***ألوانهـا وأشكالهـا مـا تشابـه وموتر بسواقـه وفيـلا بدوريـن***أثاثهـا مـن بطرتـه ينحكـى بـه واحجز لنا قاعة بقصر السلاطيـن***واحجز بهـا رقاصتيـن وربابـه هذي الشروط اللي على بالي الحين***وذكرني اللي ما حسبنـا حسابـه قلت اذكر الله يا عـدو المساكيـن***واستغفـره لا يبتلـيـك بعـذابـه الظاهر إنك منت عارف أنا ميـن ***أنا لو أرقى فـوق متـن السحابـه ما جبت حتى نص درزن مواعيـن***واضحك بكيفك واعتبرهـا دعابـة شروطكم هذي شـروط المجانيـن***شروطكم شغـل ابتـزاز ونهابـه شروطكم تقصم ظهـور البعاريـن***شروطكـم همّـن وغـم وكآبـه شروطكم والله سيوف وسكاكيـن***تذبح بنات المجتمع مـع شبابـه وين الرضا والعطف واليسر والليـن***اللي ذكرهـا الله بمحكـم كتابـه وين الصفات اللي أمرنا بها الديـن **وين اختفى نهج النبي والصحابـة يا عم جعل اللي خلقنا من الطيـن**يرد عقلك مـن خطـاه لصوابـه ويجعل نصيبي عند غيرك قل آمين**ويحسن عزا الصابر ويجزل ثوابه قال أنت لو فكرت تفكير صاحيـن***ما شفت في مجمل شروطي غرابه حنا بعصـر العولمـة والمزاييـن *** ماهوب عصر الفلسفة والخطابـة الناس تسعى للرتـب والنياشيـن***وأنت اهتمامك بالشعـر والكتابـة والشعر ما ينفعك لو هو دواويـن***ما دام جيبك مثـل بيـت الخرابـة يا بوك لا تسمع كلام المصاخيـن***واسأل مجرب عاش في وسط غابه قلت الله أكبر يا محـرر فلسطيـن ***من يسمعك يحسبك ذيـب الذيابـه تراك شايب رأس مالـك رياليـن ***والبنت ما تسوى جنـاح الذبابـة <<< خربت الأخلاق قال انقلع مالت على وجهك الشين****لا عاد أشوفـك عندنـا يالزلابـه قلت ابشر أبشر لكن الباب من وين**وأقفيت من عنده على صوت بابـه قصيده رائعه وأكثر من رائعه وتحاكي الواقع المرير الواقع فيه أغلب شباب مجتمعناالسعودي منقوووووووووووووووووووول وبصراحه بنسبه لى تقهر كثير  الله يعينكم يا شباب السعوديهاختكم في الله سعوديه جنوبيه اسال الله ان يرزقنا حسن الخاتمه وفي الفردوس يجمعنا  |
|
#2
01-10-2010, 02:47 AM
| ||
| | ||
| ذا الشايب هو وشروطه المنقرضه من زمن عنتر عبس وعبله اما عليه شروط عجيبه والله لو بنته بنت الشمس ما يملي هالشروط ذا مشروع تجاري كبير بدون راس مال مضمون نجاحه اجل كيف يقولون البنت عار الا مكسب خيالي ومشروع مدروس مضمون اقول بس حسبي الله على ذا الشايب اجل بناته بيطقونها عنوسه وبس يقعدون بحلقه شكرا موضوع حلو وقصيده دمها خفيف .gif "thanks")
__________________ ان روحك حين تنام تذهب للسجود عند عرش الرحمن ان كنت قد توضأت قبل نومك وان لم تتوضأ فهي تسجد بعيدا عن العرش. كما ان الملائكه تدعو لك الله بالمغفرة بسبب نومك طاهرا اجعل وضوءك عاده لتصبح عباده |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| تبي تضحك تعال اقرا القصيده هذه الطالبه | واحد من الرياض | نكت و ضحك و خنبقة | 14 | 09-22-2010 04:43 PM |
| تكفى وترى تكفى تهز رجال | كفايا جروح | أرشيف المواضيع الغير مكتمله او المكرره او المنقوله و المخالفه | 13 | 03-24-2008 10:18 PM |
| تكفى وترى تكفى تهز رجال | كفايا جروح | أرشيف المواضيع الغير مكتمله او المكرره او المنقوله و المخالفه | 0 | 03-04-2008 04:33 PM |
| شوفو المحشش كيف يعرب الجمله والله تضحك من جد وخاصة اذا اعربها كامله | saad0com | أرشيف المواضيع الغير مكتمله او المكرره او المنقوله و المخالفه | 21 | 12-03-2006 10:04 PM |
العرض العادي
