..:: أحْــُبكٌُ .. :: .. آٌخــٌٍُر .. :: .. أخًِــبــًَارِيٍِ ::.. مـ سـ جـ ـات - عيون العرب

بقأإيـآ خفوٍق · #1 12-31-2006, 07:11 PM

..:: أحْــُبكٌُ .. :: .. آٌخــٌٍُر .. :: .. أخًِــبــًَارِيٍِ ::.. مـ سـ جـ ـات
السلام عليكم ورحمة الله وبركاته

::

مسجات طويلــه .. للوسائط ..

خذوا نفس بعد كل مسج

.,.

أشتاق لك يابهجة الروح وأغليك
وارجي وصالك وانتظر واتحراك
حُبي لك أكبر من تصوّر معانيك
ولولاك مالي بالهوى شفّ لولاك
باب الأمل يابلسم الجرح يدعيك
ولو طالت الأيام مادله ولا أنساك
كل الأماني في حروفي تناجيك
أهواك من راسك الى حد ماطاك
ياسلوتي ياعشقي أنا مغرم فيك
وأحلى الليالي باللقاء ساعة ارضاك
أحلى التواصل يوم كفي باياديك
وانظر لعيونك واتحلا محيّاك
سهمك رماني بالهوى دون تشكيك
واضن سهمي يامنى الروح مااخطاك
لك الوفاء والشوق من قلب هاويك
واعداك ياحُبي فدا بسمة اشفاك
وصلك هواي وغايتي في تغليك
ياعشقي طبع الوفا ساس مبداك
انت الغرام ونبض الأشواق يرضيك
وكل الجوارح ياهوى البال تهواك

.,.

كنت أفكر.!!
وكانت "أحزاني" كبيره
كانت "همومي" على قلبي كثيره..
كثر ماتطري على بالي "عيونك"
وكثر مااطالع واشوف الدنيا "من دونك" صغيره..
كثر..ماسالت دموعي.!
كثر..ماصاحت ضلوعي.!
يوم عاشت لحظة لقاك "الأخيره"
كنت احس إني "وحيد"
عايش لحالي..بلا أهل وعشيره.!
كني "طفل" تاه بالصحرا ولايعرف مصيره.!!
فجأه.!!
شفتكـ
مدري كيف.؟!وشلون.؟!
لكني لمحتكـ..
وبس شفتك "انتهت" رحلة عناي
وجيتك اركض..
تارك دموعي واحزاني وحرماني وراي..
تارك ايامي التعيسه..تارك همومي وشقاي..
جيتك اركض وكلي شوق..
فاتح ايديني بلهفه..
ودي اضمّك..
ودي باحساسي المّك..
ودي اشكيلك واحكيلك عن ايامي "في بعدك"
ودي اسأل:
عشقي باقي ياحبيبي يعيش في دمّك.؟
ودي اتناثر بحضنك واتحسس.!!
هو بقى لي باقي في حضنك..
بس خساره.!!
قبل "اوصلك" انتبهت..وانتهى ذاك الحلم..
واثر هذيك السعاده مو سعاده.!!
اثرها كانت..سراب
اثرها كانت..خيال
اثرها كانت وهم
ومن جديد!
عاد يجلدني الألـم..
وعاد يطعنّي غيابك..لا رأف بي ولا رحم..
آآه
ياظلم السعاده
وأأه ياكذب الحلم.!
مشتاقه لك

.,.

أحـبــك
أحــبك
أحبــك
كلمه قالها قلبي وتحداني..
وهزّت فيني أشواقي وأحاسيسي ووجداني..
وظلّت تسكن بجوفي وبدون شعور تقويني..
وانا ارجي بس من ربي يحقق كل احلامي..
ويخلي لي أعزّ كل الناس وأغلى كل خلاّني..

.,.

اجمل الكلمات هي حكي العيون..
واجمل اللحظات لحظاتي معاك..
كل ماقالوا حبيبك من يكون..
قلت من هو غير هالواقف هناك..
قاسي بطبعه ولكنه حنون..
من بني آدم لكنه ملاك..
يجرح..وجرحي من يدينه يهون..
ياحبيبي لاتضيعك الظنون..
ولاتضيعني عسى عمري فداك..
غصب عنّي صارت عيونك تمون..
وين ماسافرت يلحقني غلاك..
سقتني للموت ودروب الجنون..
واصبحت دنياي من بعدك هلاك..
ذبت كلّي في مظاليل الجفون..
وانتهى عمري بدون وابتداك..
يابعدهم في وجودك وش يبون.؟!
بلّغ العالم ترى ماابي سواك..
انت بس وكلهم مايقدرون..
نور عيني مايشوف الا حلاك..
منهو مثلك في سواليف العيون.؟!
وانت اذا سولفت تاخذني معاك..

.,.

"أحبك" آخر اخباري..
وآخر ماورد بالكف..
"أحبك" وابعد حدودي..
سلام وأقربه نظره..
"أحبك" بأول إحساس..
داعب مهجتي ماكف..
"أحبك" إيه أنا "أحبك"
بقلبٍ ماعرف يكره.!!
هذي فنه اشواقي..
أبعثرها قصيد وحرف..
أجيك ململم "جروحي"
وصوتي تخنقه "العبره"
أجيك بخاطرٍ مكسور..
وعين ماتغض الطرف..
أجيك "بلهفتي" وينك.؟!
فؤادي ماحمل صبره..
أبيك تسابق شمسي..
بعد من الصفر للألف.!!
بحط ايدي على خدّي..
واقول امتى يجي بكره.!!
بكحل ناظري بشعة..
جبينك يالغرام العف..
ويسعد لي صباح الّي..
تصبحبك على الفطره..
أنا ادري ماعرفتني.!!
تشابه في سماك الصنف..
صوابع ايدك بكفك..
واذا هي تختلف قدره..
أنا ادري في البشر عمله..
رخيصه في بنوك الصرف..
أنا اعرف في البشر معدن..
ثقيل يرجح الصخره..
سألتك باللذي زانك..
أنا ويني بذاك الصف.؟
أشوف المعجبين كثار..
واخاف تطول النطره..
رجيتك لاتجي بدافع..
مايسمى "العطف"
تراي مااملك إحساسي..
إذا قلبي بدا يشره..
"هذي آخر اخباري"
وآخر ماورد بالكف
وانت وشهي اخبارك.؟
عقب الّي سبق ذكره.!!

.,.

أمانه لاتوادعني حبيبي لانويت تروح..
دخيلك خلني وارحل كذا من دون ماأدري..
دخيلك لاتعلمني كفى صدر الغرام جروح..
وأنا الّي من عرفتك متربع على صدري..
بنيت لك بالحشا قصر رفيع وشامخ بصروح..
وقلت اسكن هنا ياللي عيونك سودها قصري..
رخصت أغلى القصيد وكل ماينزف صدوق البوح..
وجيتك والغلا طفل ربى بالجوف من صغري..
تحملت العذاب وصرت أنا من سبتك مذبوح..
صبرت وطال صبري لين ملّ الصبر من صبري..
أبي بس اظفر بقلبك مدام الشوق لك مفضوح..
ومدامك بالعروق الّي تحبك دايم تجري..
أبي عطر الهوى منك حبيبي كل يوم يفوح..
وبعلنها على الدنيا أحبك يابعد عمري..
حبيبي انت ماغيرك حبيب قد سكن بالروح..
ومن فكر يجي بعدك ترى بقول له بدري..
تخيّل كل ماتسأل بنبرة صوتك المبحوح..
حبيبي لو بسألك اش رايك بعطري.؟!
اذوب ويعترف قلبي ياعم العطر يالمملوح..
بأنك تغري وعطرك مثل سحرك بعد يغري..
كفايه باب خفاقي عشقك وصار لك مفتوح..
وكفايه لو تغيب شوي أضيق وينشغل فكري..

.,.

هلا باللي إذا نادت أجيها بلهفه وكني..
وصلت لآخر الدنيا وطويت الأرض باقدامي..
أجي بإحساسي وأنسى الناس..أجي مرتاح ومتهني..
أبي ترويني بايديها لأني بدونها ظامي..
أجي عطشان..أجي ولهان كأني كنت مستني..
تناديني واجيها بشوق أحسّه داخل عظامي..
هي "اطيب قلب" واجهته وماقد خيّبت ظنّي..
هي "أجمل وجه" قابلته وهي أكبر من احلامي..
تقول إني أحب إنسان..وتقول إني وإني..
وأنا ليمن بدت تمدح أدوّر أقرب أقلامي..
لأني لو عجزت أكتب غلاها وقربها مني..
أجل وش فايدة شعري إذا مايمدح إلهامي..
صدووقه وان نوت تكذب تقول: أرجوك سامحني..
تحس ان الكذب حاجه عظيمه "شي إجرامي"
بريئه في سوالفها تسولف عنها وعنّي..
تذكرني بكل موقف جمعنا وصار قدامي..

.,.

جمعت حروف هالدنيا ورحت اركض أناديها..
بسمّعها كلام غير واصارحها أنا بحبّي..
رميت كل همومي وغمضت وكل همّي..
الاقيها وقلبي ممتلي فرحه..ولهفه..وشوق متعبني..
وكان الجو بارد حيل..
وكانت ترتجف ايديها..
وهمست..انا موجود لكن مادرت هي بي.!!
ضحكت وكنت احسب أنا الّي بس يعنيها..
وأنا الّي بس بتحبه..وأنا الّي يهمها قربي..
لكن للأسف خابت حلوم كنت بانيها..
على حبٍ توقعته بينوّر دربها ودربي..
اثاري بقلبها غيري تداريه ويداريها..
واثاري بقلبها ياناس حبٍ كان متخبي..
قالت لي..تحبه موت وهو بالحيل يغليها..
وقالت لي..أخاف الحب تكفى خلك بجنبي..
سكت وسالت دموعي ومنديلي يخبيها.!!
بطيبه قالت..انت اش فيك.؟!
قلت..البرد لاعب بي..
ماابيها تعرف بحبي واني ميت فيها..
خلاص الله يسعدها وأنا بيعينني ربي..

بقــآيـآ خـفوٍق ...