شليويح بن ماعز العطاوي من ذوي عطيه من قبيله الروقه من عتيبه نشا هذا الشاعر على الشجاعه والحيافه . ( وهي التسلل مساء الى اماكن القبائل المعاديه واخذ مايريده).
لوام اشتهر لدي قبيلته بشجاعته وقوه باسمه جعلوه قائدا لهم رغم ان اهله ليسو بيت زعامه . وكان مقدام لا يهاب . وحكما بينهم حتىآ في قسمه الماء والمشاكل كما انه يضحي دائما بنصيبه من الماء والطعام لرفاقه عند الحاجه . لذا صار محبوبا عند جميع قبيلته . حتىآ انه اشتهر صيته لدىآ القبائل الاخرىآ وصار له سمعه حسنه لخصاله الحميده واشعاره السلسه .. فمن شعره قوله يصف نفسه :


[poem="font="simplified arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يامل قلب عانق الفطـر الفيـح=كنه على كيرانهـن محزومـي
ماخلف وعدهنع يقع تخلف الريح=ولا يشد الضلع ضلع البقومـي
ياناشد عنـي ترانـي شليويـح=قلبي على قطع الخرايم عزومي
ان قلت الوزنه خذوها المشافيح=اخلي الوزنه لربعي واشومـي
واليا رزقنا الله بالذود المصاليح=يصير قسمي من خيار القسومي
واضوي اليا صكت علي النوابيح=والي قعد عند الركاب مخدومي
ان كات لحقو مبعدين المصابيح=معهم من الحافر سواه الغيومـي
واليا ضربت بالسابق ان اللواليح=كل رفع يمنـاه للمنـع يومـي[/poem]

وله عندما اصيبت راحلته التي يغزو عليها . وطلب من صهره راحله لكنه امتنه . فطلب من شخص اخر فلبى طلبه وبهذه المناسبه يقول :


[poem="font="simplified arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ليل سريته يم عثمـان لا عـادل=وا حسايـف سريتـي للهدانـي
يجود ربـي والمعيثيـر ماجـاد=مده ولا مـد الوجيـه المتانـي
عسىآ الرجا ينقاد والعمر ماباد=على النضا ومعالجات العنانـي
يالله طلبتك من شراشيح الاذواد=يوم ان شوق سميحه ماعطانـي
ياهل الركايب علقو فوقهـن زاد=حطو عليهم من خفيف الاوانـي
ياما لهن من غب الاثنين ميعـاد=لا مالت الفيه على المسنحانـي
اشرف رقيبتهن على راس مسناد=بين النجج والاخشـوم ذهلانـي
وانا دليلتهـم وسبـر لـلاولاد=قالت ابشرو ياشاربين الوزانـي
طالعت عفر في مساريح الابعاد=طالعته امانـي عليكـم بكانـي
غارو هل العيرات والخيل تنقاد=انكافه القناص والشـوف دانـي
طارت عمايمنا وطارن الاجعـاد=وتبينـن عقـب الغيـا بالبيانـي
والصبح عزل كسبنا كـل فـواد=متبجحين بمشرهفـات الاذانـي[/poem]

وله يعاتب احد رفاقه حيث انه خرجو يوما بقصد الحيافه , وعند وصولهم الى المكان المحدد تفرقو ليجتمعو في مكان اخر , فرىآ خويه فتاه نائمه فانشغل في مطالعتها , وكان ذالك سببا في هزيمه شليويح , وقد طرده العرب الا انه انهزم بالابل , وصار سببا لنجاتهم , وعندما ابعدو عن العرب امنين لقربهم من اهلهم قال فيه :


[poem="font="simplified arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الحمـد لله ماعشقـت الرعابيـ=مادري طبع او مبعدتنـي قلاعـه
خاويت شبان على فطـر شيـب=كم مارد جيتـه تعـاوىآ سباعـه
ياما لمسنـا قرصنـا بالمشاعيـب=وياما دفعناهن ورى الشمس ساعه
كم ليله عقلتهـا تضـرس النيـب=وانا اتوحىآ نبح كلـب الجماعـه
رحت اتخطى كنهم لي معازيـب=اليا رمىآ عـذب الثنايـا قناعـه
اهدي الحامي واخطر الاطانيـب=واندس مهاويه الجمـل باندفاعـه
زاري علي اللي عسى ابوه للنار=متبجح في مـال ابـوه المياتـي
ماقـط يـوم فيهـو لـه بمعبـار=وانا الشتاء والقيظ هـذي سواتـي
ياما درقناها علـى شبـه النـار=يوم الحرس من دونهـا مايباتـي
ناخذ خيزرام مشاعيـف الابكـار=حم الـذرا وظهورهـن نايفاتـي
لحقو طلبها فوق شحصات الامهار=مستنجييـن كالحنـي مرهفـاتـي
قالو عدايلنا وقلنـا علـى يسـار=هذي طلايـق عاشقيـن البناتـي
وياما حلا حس المنومل الى ثـار=واقفن بالـدم الحمـر معذراتـي[/poem]

وله عندما مر على قبيله وكانت احدىآ نسائها قد اشترطت لمن يكون سببا في مشاهدتها لشليويح جملا وذالك لما تسمعه من شجاعته , ولما شاهتده قالت له بلهجتها _( ذكرك جاني وشوفك ماهجاني )_ لان شكله كان متغيرا بسبب مايلاقيه من المشقه والتعب فقال :


[poem="font="simplified arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يابنت يالي عن حوالي تساليـن=وجهي غدت حامي السمايم بزينه
اسهر طوال اليل وانتي تنامـين=وان طاح عنك غطاك تستلحقينه
وانا زهابي بالشهر قيس مديـن=مايشبعـك يابنـت لـو تلهمينـه
وانتي زهابك بالشهر قيس عدلين=مع در ذود وكلهـن تمصطينـه
مر نضحي والمضحىآ لنا زين=ومر نشيلـه بالجواعـد عجينـه[/poem]

ولــــــــــــه ...


[poem="font="simplified arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياعبيد دونك شوشت بي هلالـه=شافت بوجهي ياعضيدي سهومي
وجهي مسودته لواهيـب لالـه=من كثر ماننطح لهيب السمومي
ان قيلو ربعي بخطـو السلالـه=انا رقيبتهـم بعالـي الرجومـي
والى قضى مانا وباقـي بلالـه=اخلي التالي ربعـي واشومـي
والى حصل عند الركايب ضلاله=انـا نطيـح العيـال القرومـي
وكم شيخ قـوم ناثريـن دلالـه=وغنايمه بايمان ربعي قسومـي
وياما عطينا كل وضحىآ جلاله=نمشي على عادتنـا والسلومـي[/poem]

وقيل انه خطب فتاه من جماعته . وكانت تسمع به ولا تعرفه , ولما حظر للزواج ومعه فئه من قومه وشاهدته وهي بجانب دلال اهلها في المجلس قالت : ليتني سمعت عنك ولم ارك ؟.
لان شكله ولونه متغير بسبب مايلاقيه من العنا والتعب , فلما سمعها امر بشد رحاله زلم يقبل الزواج منها , وكان اسمها نيله وقال :


[poem="font="simplified arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سـلام يانيلـه بوسـط الجماعـه=وترىآ السلام البرح مافيه منقـود
باليل نسري تقل راعـي زراعـه=والصبح تفلحنا السمايم على القود
نيله تطالعنـي بوسـط الجماعـه=واظـن نيلـه لامستنـي بمنقـود
ياما تعرضنـا الفنـي والمجاعـه=ولامسك الملهـاب ياليـن العـود
وميرادنـا عـد تعـاوى سباعـه=خاشرت فيه ذياب نمور واسـود
ليته تبارينا علىآ الهجـن ساعـه=حتىآ تعذر وجيهنا لو غدن سـود
وتشوف فينا من فعول الشجاعـه=وتشوف فعل الي كما السدو ممدود
وتشوف شغموم طويـل ذراعـه=صبار في الشدات نطـاح للكـود
وتشوف حمال بتـوع(ن)بتاعـه=مثل الفهد يلفي من الصيد بفهـود
وتشوف خبل همتـه فـي متاعـه=لانافـع ربعـه ولاهـوب مفقـود
ولاهو طمـاع يجيـب الطماعـه=ولا يقضي اللازم ولا كاسب فود [/poem]

وله ايضا في الغزل قصيدته هذه :


[poem="font="simplified arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]اليتنـي جنبـت مـنـاك مـنـاك=ولاجيتهم مستـردف لـي رديفـي
ولاجيتهم من فوق دمثـات الأوراك=شيب الغوارب مبعـدات الوليفـي
لاوالله الا علقـونـي بـشـبـاك=شبك الدلي من فوق قامت عفيفـي
ان كان مقبل كـل ماقلـت يفـداك=ماحدت البصـره لـدار الخليفـي
وان كان مقفي قلت يابكرة الـراك=مايتبع المقفـي ياكـود الضعيفـي
يابوهدب عين الى طرفـت افكـاك=يضفي الى حد الحـدق بالرفيفـي
ياحمود سق في شمعة الدار حمراك=لو كان بي تهفي بشـان الشريفـي
دوك اللقوح وبنت خرمـان تقفـاك=صفر صفـوق اذيالهـن بالخليفـي
ويش الحول في بنت ذباح الأتراك=مرخي على ارقاب السبايا الرهيفي[/poem]

وله هذي القصيده الي مسماه ياللايمي :


[poem="font="simplified arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالايمي جعـل الفهـر يذبحونـه=والا الجحادر مبعدين المراميـس
على عشير حدني البعـد دونـه=ومن دونه حالت طوال الطعاميس
اصفـر عفـر بالوصـف لونـه=ادميـه قـادة لصيـد مشاميـس
ينقض على بيض الترايب قرونه=مثل سفايف فوق خيل الملابيـس
وشيـوخ برقـا كلهـم يمتنونـه=والظيط والشغار راحو مفاليـس[/poem]

وشليويح العطاوي ،رجل شهم وشجاع نشأ وترعرع على الشجاعة , فكانت مهنته وغايته فهو يغزو صيفاً وشتاءً , بالحر والبرد , بالليل والنهار , ولا يهجع أبداً فما أن ينتهي من غزوة حتى يستعد للثانية حتى شاع صيته وذاع اسمه وسمع به من لا يعرفه وعرفه من لا يراه.ولم تكن له هواية بالحب والغزل والترفيات ، الا فيه هذه المناسبة حيث انشد في فتاة وقع في حبها:


[poem="font="simplified arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا فدى عشيري من عظامه تقلّـه=البـدو اللـي يلبسـون الجـزارا
وابن رشيد الشمّري فدوة(ن)لـه=مغدي فراقيـن البـوادي وقـارا
ومن عرض ما يفداه غوج(ن)تتلّه=وقطعاننـا ومثنديـات الصـدارا
والشيخ يدمح لـي ثمانيـن زلـه=والاش ماني عـن زرايـاه دارا[/poem]

ويقول شليويح في فرسة:


[poem="font="simplified arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تضرب بالاربع كل ابوهن صف=المهرة اللي بالرسـن مطـواع
ان قامت اطراف الجموع تصف=في ماقف يـوم العمـار تبـاع [/poem]

وجائت امراة من قبيلة على جمل وأنا خته في سفح الجبل ثم
صعدت حتى كانت بقرب شليويح في ظل غار فأخذت تغني بهذه الأبيات
وهي لا تعلم بوجوده


[poem="font="simplified arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الغمر ابو جوخة بحبـه شعانـي=شعي القطيع اللي غدى به شليويح
اللي على الضلع القصير كـوان=يثلاث مرات وانا اقـوم واطيـح
شقح شعاهن من ديار ***انـي=واقفي عليهن مرذي الفطر الفيـح
اقفو عليهن يزعجـون الغوانـي=يا بعد ما يرمي لهـم بالمصابيـح [/poem]

قصائد معركة طـلال:
المعركة قيل فيها خمس قصائد وهي كما يلي:
1- القصيدة الأولى للشاعر الشيخ شليويح ابن ماعز العطاوي ويقول فيها:



[poem="font="simplified arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الا يالله تغفر لـي ذنوبـي=تغفر لي ذنوبـي والاثـام
كان اني ما اتقفى الغافليـن=ولا اسب الاجاويد الكـرام
هجدنا النذيـر بهـود ليـل=وحنـا هاجعيـن بالمنـام
والشردان اشاروا بالرحيل=والظفران اشاروا بالمقـام
واقمنـا وبنينـا الخـيـام=وكل دونها لبـس الحـرام
يوم سعود جانـا بالدويـش=جاب مطير مع صبيان يام
والقصمان جونا من يميـن=يبـون المبانـي والجهـام
والدمـام دقـوه العبـيـد=ونور الشمس غاطيه الغمام
وشافونا وجونـا سارحـي=نـوالله مانوونـا بالرحـام
ولجن العـذارى بالصيـاح=شافن الجموع الها ادحـام
ورمن بالبخانـق والهـدوم=وينخن بالجدود وبالاسـام
وردينا لدهمـان السيـوف=وسود الشلف كاسرة العظام
ومركاض يسر الناظريـن=ترعابه مرودنـت السنـام
لاتبكـن يابيـض النحـور=عان الفعل في ولد الامـام
دون البل مكرمت الضيوف=بعنا الـروح بيـع مايسـام
[/poem]

لم تعجب هذه القصيدة مسلط وقال : ( يا شليويح فعلنا اكبر من هالقصيدة)

2- فقال شليويح هذه القصيدة التي لم تعجب مسلط ايضا :


[poem="font="andalus,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]جـانـا النـذيـر عـصـيـر.....=سرور شوق اللي حوى الراس بقران
يقـول جاكـم واحــد مايسـايـر=طاغي وظالم مانوى فيكـم احسـان
سعود جا مـن يمـة الشـرق فايـر=بصبيان يام مرجحـة كـل ميـزان
معهم هل العارض وسبـع الجزايـر=ومعهم بريه وغيرهم جمـع دوشـان
وردوا لـراي مذربيـن البصـايـر=وقلنا على الله مانبـا غيـره اعـوان
وسقنالهـم جمـع يشـوق النضايـر=وموحدين اللـي ليـا وحـد اعـان
وبعد صـلاة الصبـح والعـج ثايـر=لين اتقى راس النجج عقـب مابـان
وخيل وسـط خيـل وخيـل تخايـر=وخيل مرزنهـا غنيـم بـن شبـلان
كنه ليا اعرض في وجيـه الجرايـر=يمنع هـذولا عـن هـذولا بقرعـان
وراحولنـا مـع قـدرة الله نحايـر=عقبان نجد اللـي يقـدون الاضعـان
جوا بالجرايـر وانكفـوا بالخسايـر=خسايـر مـا تنتعـوض بالاثـمـان
والله مـا اذم متيهـيـن العشـايـر=لكـن ضاموهـم عطيبيـن الاكـوان
الـدم سايـل فـي وجيـه الكسايـر=وراحت سربهم كنها جـول غـزلان
[/poem]

ولم تعجب مسلط ايضاً
وحينها انشد قائلا قصيدته المشهوره والتي تعتبر معلقه وقعه طلال حيث قال فيها :



[poem="font="simplified arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أول كلامـي طلبتـي ذكـر الله=ماني عن الرب الكريم غنـاوي
ولا نيب من يمدح بقـول لسانـه=ولا نيب في عشق البني هواوي
على طلال الصبح خيل مخيلـة=وصلت سناويها إلـى المطـاوي
تمطر بعطشان المحبـب والقنـ=اورعودها البـارود والعـزاوي
جانـا سعـود مسيـر بجنـوده=معه الدويـش ولمـة البـداوي
ثمانيـة الاف عـداد جموعهـم=بلـوى وربـي يدفـع البـلاوي
وحنا ثمانميـه عـداد جموعنـاما=ش اجنبي فينـا ولا برقـاوي
وارخيت قيهم حد كـل مصلـة=يحير فيها طـب كـل مـداوي
وارخيت فيهم حد كـل مجـرب=توحي له بروس الخيرين تعاوي
واريخت مذلوق العرينـي فيهـم=لين ادبحـوا شرابـة القهـاوي
ورديـت سلطـان البعيربينهـم=وشيوخ ما ردوا لهـا النحـاوي
يا رب تنجيني وتنجـي سابقـي=يـا رب تمنعنـا مـن الاهـاوي
يا ظفرهم لا قـرب الله دارهـم=وحنا عليهم مثـل نجـم هـاوي
ذوي ثبيت اهل المناخ شيوخنـا=اهل العطف والمنزل المتسـاوي
صحنـا عليهـم ثـم عاونـا الله=لين انها صـارت لنـا منـاوي
لكن سربتهم الي اوجهـت بنـا=زمول مخزمة علـى الكـراوي
لكن سربتنا اليـا اوجهـت بهـم=شـراد ريـم مـع حمـاد داوي
ولكن جضع الزلم قدم نحورنـا=جضع الخشب بالوادي السنـاوي
وعزي لهم لو لا اسمر في خيلهم=يهوي علينـا اهوايـة النـداوي
لكن شليل الخيل قـدم ربوعنـا=مثل الجراد اللي انتحى متهـاوي
وطلحة نحوا عنا بريه يسارهـم=من بينهم دهم العـروق هـداوي
تعيني يالبيـض فـي مركاضنـا=وصلت كسايرهم الى الحجناوي
تزبنـوا عنـا قصـور عنيـزة=لين احتماهم بيـرق القصمـاوي
لا رحم ابو من صد عن محرافها=يوم انجلاع الستر عن مضـاوي
نطعن لعين اللي تهـل دموعهـا=تبكي وفي تالي البكـا نخـاوي
تقول يا الظفران مـن عاداتكـم=هوشوا عسى يبقي لنا شـلاوي
الاد روق اللي عريـب جدهـم=لا جا مـن الحكـام رد بـراوي
ونطعن لعين اللي تجـر حنينهـا=عفـرا تبـا صيفيـة المطـاوي
قلت ابشري بالفك يا حم الـذرا=دام الطعـن يفـك والاهــاوي
ترعى بنا عوج الركاب وتنثنـي=ما حدرت حسلة الى الحجنـاوي
وانا احمد الله يوم انا مـن لابـة=ماهم بقطمـان اليديـن شـواوي
الاد روق سعد من هـم ربعـه=يوم اللقا زادوا علـى الهقـاوي
يا مسوي الفنجال عـده لمـدوخ=وعده لابن صـلال والجـلاوي
وانا زبون الحرد ابو ضيـف الله=لا قصر البرطم عـن الشفـاوي
والمدح لله ثـم نسـل محصـن=عسى لهم عنـد الالـه عـراوي
سواقة المغتـر علـى الحربيـة=يوم الحريب عن الحرايب يلاوي
واغفر ذنوبي يا محـل ذنوبـي=ان كنت في بدعي كلامي غاوي[/poem]


وقد توفي شليويح العطاوي مقتولا في احدى المعارك وترك اولادا منهم فاجر ومشعان والعاتي وله من اخوين وهما بخيت ومشحن الذي مات بالجدري.
وصلى الله على نبينا محمد وعلى اله وصحبه وسلم