يابنت يالمتعايقه بالجينز والثوب القصير
ماغرنى فرد الشعر ماغرنى الكعب الطويل

ال غرنى فيك الادب اللي ظهر عبر الاثير
لحظة ماقلتى انك تبي تتعلقي برجل اصيل

ساعتها قلت البنت ذى عندا نظر ماهوب قصير
وابتدى عقلي يهاجر والقلب نحوك يميل

ولما اتواعدنا والتقينا قلتى لى شيئ كثير
قلتى احبك قلتى اريدك قلتى نا قصدى نبيل

ولماعرفتنى انتى الحقيقه قلتى اف ريحه بعير
وتضحكى وتتمايلي وتقولى هل عندك ايميل؟؟

كنتى تظنى انى استحى من مسالك نا واستدير
لا والذى هو خالقك ماضف وجهى مستحيل

لنى ابدوى وابن ابدوى عايش حياتى كاالامير
هيذي حقيقه وثابته والقول له عندى دليل

تري البداوه علمتنى مافعل الشيئ الحقير
واصبر على حكم القدر لان الصبر امرا جميل

بنت الحضر لى الفخر اكون للبدو النصير
واعلمك ان البدو شيالة الحمل الثقيل

كنتى كذبه في حياتى والكذب حبله قصير
وبينقطع عند اختباره لانه ذو طابع رذيل

ارجوكى تنسي اللي مضى ارجوكى من اقصي ضمير
عايفك والبعد عنك يابنت افضل سبيل

نومه في بيت الشعر اخير من قصر بحرير
ولقمه عانار الحطب الذ من اكل الموديل

لاجل الشرف اابي الترف واعيش حر مو اسير
وارضي بحياتى كالجبل عندى جلد ماله مثيل

والله ماستعطى بشر لامت وبساطى حصير
وماذل نفسي لادمى الذل يادمه ثقيل

يازين بنتن للبدو ماتعرفه نوم السرير
افراشها طيب الثرى ولحافها اثريا بليل

هى راضيه بتراثنا تراثنا ذاك اليسير
فهمت ياللي بعتنى وفي بيعتى كنت العجيل

ماهمنى بين الحضر كلمه تقال انى فقير
انا ابي وحده معى ترحل متى شئت الرحيل

تحبنى واحبها واكون في حبا بجدير
تسمع كلامى لو خطا وتخاف من رب جليل

والقي البداوه بدمها وتيسر الشيئ العسير
وتقول لى يامرحبا ماتقول لى هات الحقيل

وتقوم بدرى لضيفنا بيدا سمن وياالفطير
ماتنام نومه للضحى ماهما الا التمكيج والغسيل

وختامها صلو على خير الرسل طه البشير
وانسو التى هى سائله وتقول هل عندك ايميل ؟؟؟؟[