أنـا ماجيت أخرب عرسـك الليلـه ,, - عيون العرب

احـساس قلـب · #1 01-15-2007, 04:29 AM

أبدماجيت أباركلك ولكن جيت باأوصيك ..على اللي ناوي تدخلبها الليله معتي..

ترى لولا الظروف اللي عطتك وحدت محاكيك.. قسم بالله ماتدخل عليها لوعلى رقبتي..

ولكن النصيب أقوى ولاأدري ويش أسوي فيك ..نعم صارت معتك ولاصارت معزبتي..

كذا شاءت بنا الأقدار تحرمني لجل تعطيك ..كذا لازم علشان تفوزأنت وأخسر أنا بتجربتي..

تراهاغاليه جدا وتكفى والله يخليك ..تدللها تدلعها تنسيها مصاحبتي..

أنا من كثر ماأغليهاأحس أني بديت أغليك ..ولاتسأل بأية حق ولاوش مناسبتي..

لأنك لو بتسألني بتسمع شي مايرضيك ..لذا ياأخوي لاتسأل ولاتسمع لأجوبتي..

أبيك تحطهافي داخل عيونك وبين ايديك ..وهي دلوعه أعتادت على كثر مداعبتي..

واذا هي مالها خلقك ولاتضحك ولاتسليك ..تحملها وأسألها:ياعمري ليه عصبتي..

وبالك أسمع أنك يوم تضربها وهي تشكيك ..مايحتاج أوري لك بفن الضرب موهبتي..

صحيح أنك بتملكها ومعك العقد بالتمليك ..أناعارف حدودالله ومن حقك معاقبتي..

ولكن قلها المجنون وصاني وهو يعنيك..يقول أنه :بينتظرك ولوشيب وشيبتي..

وأنا مجنونهااللي مانساهاوأنت مايمديك..تغطي ذكرياتي في هواها وربع تجربتي..

أحس أني تماديت بكلامي والغض بحاويك ..لو أنك في مكاني ماتفكرفي محاسبتي..

كفاك اني تركت الليله أشغالي علشان أجيك ..دخلت القاعه برجلي ولاأدري وش عاقبتي..

وأناماجيت أخرب عرسك الليله ولاأذيك ..أن اجيتك علشان أخاطبك وأسمع مخاطبتي..

توصي وأنتبه وأحرص عليهاوالله يهنيك ..ترىكل الكلام اللي طلع من ضيقي وكبتي..

ولكن ماقدرت اني أقوله وأنت مايخفيك ..أخاف اني اذا قلته تقوم وتقطع رقبتي..
..

تحيـآتـي,, احـساس قلـب

**فرسكا** · #2 01-15-2007, 07:49 AM

من وين جبتي هالقصيده..
بصراحه رووووووعه يعطيك العافيه بجد احساس قلب

**RooT** · #3 01-15-2007, 01:17 PM

اقتباس:

كذا شاءت بنا الأقدار تحرمني لجل تعطيك ..كذا لازم علشان تفوزأنت وأخسر أنا بتجربتي..

بيت حلو جدا واخشى ان الاعتراض على اقدار الله خربه ..

اما باقي القصيده روعه

تسلم الايدين اللي نقلتها والايدين اللي كتبتها

**ربيحة** · #4 01-15-2007, 09:16 PM

اقتباس:

توصي وأنتبه وأحرص عليهاوالله يهنيك ..ترىكل الكلام اللي طلع من ضيقي وكبتي..

ولكن ماقدرت اني أقوله وأنت مايخفيك ..أخاف اني اذا قلته تقوم وتقطع رقبتي..

..
هيك ... معقولة

قصيدة جميلة احساس قلب ...

الله يعطيكي العافية

احـساس قلـب · #5 01-16-2007, 03:51 AM

نور القمـر ,, أبوهايل ,, ربيحـه الرفاعي
مشكورين وبصراحـه اسعدنـي مروركـم وتعليقاتكـم

تحيآتـي,,احـساس قلـب