|
| |||||||
| خواطر أعجبتني خواطر اعجبتك واحببت أن تنقلها إلينا من شبكة الانترنت |
 |
| | LinkBack | أدوات الموضوع | انواع عرض الموضوع |
|
#36
04-23-2010, 02:03 PM
| ||
| | ||
| الفصل الخامس يوم الثلاثاء في الليل 10 ========================== بيت ابو بندر سارة : فواز بليز اتصل على راكان او هيثم قلهم يجون معنا فواز: طيب انتي اتصلي على صديقتك وقوليلها سارة : فوازوه والله اتصلت عليها تقول انهم ماراح يرضون يجون كذا من غير عازومة فواز : خلاص انا الحين اقول لمازن لانه صديق راكان مرة سارة بفرحة : تسلملي والله فواز ابتسم : بس عشان صديقتك كل هذا سارة : انت ماتعرف قد ايش هيا غالية علي فواز وهو ماسك جواله : الله يتمم عليكم الووووووووووووو ========================= بيت ابو مازن ابو مازن : اقول شباب الحين انتوا راح تروحون بالسيارات انتبهوا للطريق مشاري : والله انا راح اروح بروحي ماابي احد وياي ابو مازن : ماشا الله يعني على كيفك مشاري : يبه انا مااحب احد يركب وياي وخصوصي في السفر فارس : خليه الاناني مصعب : والله لو اني اسوق السيارة مازن : اقول ارتاح هذا وانت سادس ابتدائي تبي تسوق سيارة اجل لاصرت في المتوسط طيارة هههههههههههه هميس : يبه نبي نروح كلنا مع مازن وسامي ابو مازن : سيارة مازن صغيرة وحتى سامي هميس : طيب انا عارفة عشان كذا اقولك خلي مازن ياخذ سيارة البيت والسواق مو لازم يروح ابو مازن : ومن قال اننا راح ناخذ سواقين ماغير الخدامات ام مازن : ايه احسن خليهم هنا هميس : يعني خلاص راح نروح معا مازن وسامي مازن : على كيفك انتي انا ماني موافق هميس طيرت عيونها : الله يخليك مزووون البنات قالولي قولي لاخوك هو اللي يودينا مازن : وسامي هميس : كلهم عارفين انه اذا انت اللي راح تودينا سامي اكيد راح يكون معاك مازن : ماشا الله مخططين _ رن موبايله_ الووووووووو فواز : السلام مازن قام من عند اهله: وعليكم السلام فواز : مزون اسمع اتصل على راكان قولهم يجون معانا مازن : وانت ليه ماتتصل على هيثم اعرف انه صديقك فواز : انت اتصل على راكان لانه هو الكبير مازن : خلاص طيب مع السلامة فواز : مع السلامه مازن قفل من فواز واتصل على راكان مازن : الوووووووو ==================== بيت ابو راكان روان مشغلة اغنية ديانا حداد شفت اتصالك على اخر شي لان ابوها مسافر مو بالبيت روان : شفت اتصالك شفت اتصالك كلمتني مرتين شفت اتصالك انفتح الباب راكان : هيه هيه وين قاعدين روا ن مو سامعة وتكمل : شيلي جرالك شيلي جرالك صحيتني من النوم راكان عصب وراح قفل التلفزيون: هيه وين قاعدين قولي في ناس نايمة روان: ايش فيك راكان : ماادري عنك انتي اللي ماادري وش فيك روان : هدي طيب راكان يتافف : روان مرة ممصختها انتي هاليومين روان : ليه ايش سويت راكان : صايرة ماتنطاقين روان دمعة عيونها: اذا انت اخوي تقول هالكلام اجل الناس ايش تقول راكان :ايوه من جد صايرة بس تحنين حتى هيثم صار مايطيق يجلس بالبيت روان بكت : خلاص اوكي انا لا اطاق لكن انتوا حاسين فيني كل يوم طالعين وانا بروحي جالسة بالبيت حتى لما اقولكم ابغى اروح عند وحدة من صديقاتي قلبتوا الدنيا _ سكتت راكان صار بس يطالعها لان كلامها صح تكمل :ولا واذا بغيتوا شي جيتوا وقلتولي وانا على طول اروح اسويه كاني هبلة وانت فاكر لما قلتلي روحي كلمي سارة كلمتها من ثاني يوم اما انتوا بالله وش سويتوا لي قولي انا من يوم ما ماما ماتت وانا احاول اتقرب منكم لكن انتوا فهمتوها بطريقة ثانية اني صايرة حنانة بس عشان شغلت اغنية _ جلست على الكرسي راكان بحنان: روان قلبي والله ماكان قصدي انا بس عصبت لان الاغنية كان صوتها عالي روان تبكي بصوت يقطع القلب راكان دمعت عيونه : رنو خلاص والله مااقصد روان تبكي: طيب _ وقفت _ راكان : وين رايحة روان : بروح غرفتي راكان : طيب رن موبايله : الووووووو مازن : الووووو راكان: هلا والله باو المزون القاطع مازن : وين قاطع خلاص اشبكني راكان :يادمك ياشيخ مازن : هههههه الا اقول الركني وش رايك تخاوينا\ راكان : على وين مازن : طالعين احنا والاهل الشرقية بكرة الفجر راكان : والله ماادري اشوف اختي وارد لك مازن : ايه وتوصى راكان : ليه انت تطلب حاجة من مطعم مازن : ههههههههه يلا فمان الله راكان : فمان الكريم قفل وطلع لاخته ===================== بيت ابو سامي غلا :طيب غلا علاقتها مرة قوية مع خالد وصارت تصبح وتمسي وهي تكلمه خالد : اقول غلاي وش رايك لما تجون الشرقية نسوي الزواج احسن غلا : لا والله اجل مارا ح اجي خالد : والله احسن بدال الخساير وصالة وماني عارف ايش غلا : لا والله حبيبي مستخسرها فيني خالد : افا وانا ابو وليد هذا كلام والله لا اسويلك زواج يتكلمون عنه اهل الرياض سنة كاملة واقهر فيه العواذل غلا : تسلم ياقلبي بس العواذل شي ثاني ههههههههه خالد : اعجبتك هههههه غلا : كانك بشار الشطي وانت تقولها خالد : اصير لك محمد الزيلعي اذا بغيتي غلا : لا انا مابغى لاذا وهذاك ابغاك انت خالد : بعدي والله وانا اقول ليه اموت فيك غلا : وانا بعد اموت فيك دخلت شذى : خير خير من هذا اللي تموتين فيه غلا بعدت السماعة : مالك دخل شذى تصارخ: هيه حجة انا تقولليلي مالك دخل غلا : بعدين شغلك _ رجعت السماعة_ ايوه خلودي شذى من بعيد : وانا اقول اموت فيك ومااعرف ايش وراها _ بنعومة _ خلودي غلا تاشر لها بيدها يعني والله لا اوريك: طيب خلودي اكلمك بعدين خالد : قولي لشذى بكرة شغلك غلا : وليه تستنى لبكرة انا الحين اوريك فيها خالد : لا لا اخاف عليك هي متوحشة غلا : لا عندي انقاذ الله يخلي محمد خالد : ايه من الحين ناديه هو اللي راح ياخذ حقنا الضايع غلا : ههههههههههه اللي يسمعك يقول راح نحارب في فلسطين خالد : والعن هذي شذوه غلا : هههههههههههه جابت لك عقدة خالد : ايه والله هههههههههه غلا : طيب بااااي خالد : باااي اول ماقفلت راحت تركض ورا شذى اللي ركضت من شافتها قفلت الجوال شذى تصارخ : يمـــــــــــــــــــــــــــــــــه الحقيني يمـــــــــــــــــه غلا بنفس الصراخ : الحين يمه واول تطولين لسانك انك مو خايفة شذى : يمــــــــــــــــــــــــــــــ _ مسكتها غلا : الحين راح اخذ حقي وحق زوجي سحبتها لما وصلت للغرفة وحطتها فوق السرير وجلست عليها شذى بصراخ : وجــــــــــــــــــــع قومي الله ياخذك انتي وزوجك ايش عليا فيكم غلا : والله مااقوم شذى: يمــــــــــــــــ دخلت ام سامي : خير غلا قومي عن اختك لا تذبحينها غلا : يمه ماشفتيها قبل شوي شلون تحرني شذى تتمسكن : والله ماسويت لها شي غير اني سمعتها تقول وانا اموت فيك ام سامي : من هذا اللي تموتين فيه غلا قلب وجهها الوان شذى : كانت تكلم خالد غلا : انتي مالك دخل ام سامي ابتسمت : عادي زوجها وهي حرة تقوله اللي تبي غلا : احسن ===================== في الفجر كل العوايل اجتمعت في بيت الجد ابو عبد الرحمن حتى بيت ابو ثامر وراكان واخوانه صلوا الفجر بعدين مشوا في سيارة ابو مازن ( ابو مازن وام مازن ومصعب ومحمد والخدامتين) في سيارة ابو سامي ( ابو سامي الجد ابو عبد الرحمن الجدة ام عبد الرحمن وام سامي ) سيارة ابو بندر( ابو بندر ام بندر سارة روان ) سيارة ابو ثامر( ابو ثامر ام ثامر خدامتهم سيارة مازن ( مازن سامي شذى هميس مي نوف ) سيارة تركي( تركي بندر ملاك غلا شموخ ) سيارة فواز ( فواز فزاع هيثم فارس) مشاري ( ثامر راكان) راح اقول الاحداث المهمة اللي صارت في السيارات ========================= في سيارة فواز انواع الهبال مشغلين اغاني على اخر شي وهبال ورقص وصلوا قبلهم بساعة فواز : شباب وصلنا هيثم : اقول انزل خلني انا اسوق فواز وقف على جنب تبادلوا الاماكن هيثم : وش رايكم نروح نفطر انا مرة جيعان فزاع : والله حتى انا جيعان بس ودينا أي محل نفطر هيثم : طيب ووداهم لمطعم يفطرون ========================= سيارة مازن البنات مطبقين المقاعد ومخلينها جلسة ويلعبون منبولي نوف : والله انا الفايزه مابقي غير ارضين هميس : الله ياخذ ابليسكم طفرتوني مي ترمي الاوراق: حتى انا سامي : اقول اهجدوا بس شذى : مزون وقفنا عند المحطة هذي ابغى اروح الحمام سامي : مو منك من اول وانتي تطفحين _ يكلم مازن _مازن وقف وقف مازن شذى نزلت بسرعة ولحقوها البنات ================== سيارة تركي تركي: شف هذا مو مازن ايش فيه وقف بندر : وقف شف ايش فيهم وقف تركي ونزل: خير ايش فيكم مازن : ابد بس البنات يبون الحمامات تركي : كنت حاس بس تبون شي من السوبر ماركت مازن : ايه اذا ماعليك امر جيب لي بيرة سامي : وانا بعد غلا فتحت الشباك: واحنا بعد تركي:طيب بس هذا اللي تبونه غلا تكلم شموخ وملاك : تبون شي ثاني شموخ : لا انا ماابي بيره بس ابي مويه تركي : بس مويه على الاقل عصير شموخ نزلت عيونها : لا لا ماابي شي تركي : ايوه عصير برتقال شموخ : ماابي شي تركي ابتسم ابتسامة تجنن :طيب شموخ ( والله انك تجنن) : ابي مويه ملاك تطالع فيهم : احسن شي انزلوا هنا وانت جر شعرها وهي تعضك شموخ وتركي: هههههههههههههههه راح تركي جاب لهم اللي يبون طلع تركي من السوبر ماركت يكلم سامي ومازن : انا رايح وانتوا انتظروا لبكرة شغل السيارة وراح مازن اتصل على هميس : وبعدين يعني لمتى هميس : طيب خلاص الحين نجي مازن: ترا والله دقايق اذا ما شرفتوا امشي واخليكم هميس: خلاص طلعنا طلعنا على طول طلعوا سامي يطالع في مازن مبتسم : مايجيبها الا رجالها مازن ابتسم : اجل ايش ركبوا البنات شذى : حتى في الحمام محد يقدر ياخذ راحته مي تتمصخر : من زين الحمامات عاد بعدين الكل سكت والبنات ناموا ======================== سيارة مشاري اللي يسوق ثامر مشاري : ثامر انت ماتفكر تتزوج ثامر : والله بصراحة انا للان ماني لاقي اللي ابغاها وانت مشاري : انا حاط عيني على وحدى وانشا الله اول مااتخرج من الجامعة راح اخطبها ثامر : ومن سعيدة الحظ مشاري : لا جا وقتها تعرف وانت ياراكان راكان : شوفوا انا راح اقولكم اياها صريحة اني ناوي اخطب لما نرجع من الشرقية وانشا الله الزواج اخر الاجازة مشاري تحمس : ومن راح تتزوج راكان : بلا لقافة مشاري انقهر: الله يعينها اكيد داعية عليها امها راكان :هههههههه ليه انشا والله داعيتلها امها اللي بتاخذني مشاري يكش عليه : مالت بس راكان بغرور: مال وجمال ودلال ايش تبغى بعد مشاري : اقول يالخكري اقعد هناك قال ايش قال دلال ثامر جاته الحالة : دلال والله جميلة مشاري : الله يخليك ثامر لا تبدا ثامر : ابدا والله انتهي راكان : وبعدين ثامر : بعدين والله قبلين راكان : مشاري شف خويك ماادري وش شارب مشاري : اكيد شارب مويه ثامر : موية والله عصير راكان : شف شف كيف صار كانه فزاع ثامر : فزاع والله حامد زيد راكان : اقول سوق وانت ساكت ======================= في الشرقية هيثم : شباب بعد ماشبعتوا وين ودكم تروحون فزاع :الحين الساعة 8 ونص فواز : خلاص نروح البحر شوي على مايوصلون فارس :والله البركة فيك اخ فواز بغيت تطيرنا هذي سواقة فزاع : شف من يتكلم اقول اسكت لاانشر غسيلك الوسخ فارس يغير الموضوع: ايش رايكم نروح الهاف مون هيثم : لا يبغالها وقت على مانوصل واذا وصلنا وجلسنا شوي الاهم جوا دور مكان ثاني فارس : اجل الواجهة البحرية هيثم : اجل يلا وطلعوا من المطعم وراحوا على طول للواجهة البحرية ===================== سيارة تركي غلا :تركي مالقيت تجيب لنا الا لوزين تركي : وش فيها ايش زينها شموخ تهمس لملاك : والله انا جيعانه ملاك بنذاله وبصوت عالي: جيعانة شمشومة كلي كلي ياقلبي شموخ انقهرت من ملاك : من قالك جيعانه تركي ابتسم : عادي كلي محد جنبك شموخ تفشلت : كذابة انا ماقلت تركي: خلاص صدقتك لا تبكين شموخ تهمس لملاك : والله ياملوك راح تشوفين شي ماعمرك شفتينه ملاك : يمه خوفتيني لا حبيبتي خلينا نصفي اللي بينا من هنا لا تقعدين تهدديني شموخ سكتت تركي : ايش في بينكم انتي وياها كل وحده تهدد الثانية ملاك ماسكة ضحكتها: ماادري عنها هذي جزاتي لما قالت جيعانه قلتلها كلي شموخ : بس انا ماقلت غلا تكمل بعد مااشرت لها ملاك: الا ياشموخ انا سمعتك تقولين جيعانه شموخ انقهرت : خلاص ايوه قلت جيعانه وجع بندر: سبحان الله خلق وفرق مي نمبر تو تحبون تتفشلون ملاك وغلا ماقدرويمسكوضحكتهم اكثر: ههههههههههههههههههههههههههه ملاك : ههههههههههه قسم بالله شكلك تحف ههههههههههههه شموخ : انا ايش اللي خلاني اركب معاكم تركي : هههههههههه طيب كان اعترفتي من البداية شموخ تتافف : الحمد لله وصلنا ومن ماانزل لا تعرفوني ولا اعرفكم بندر : خلاص هدي يااخت شموخ ماعاد نعيدها تركي ماسك ضحكته : بس اهم شي لا تكذبين مرة ثانية شموخ عصبت: ياربي مسكوها علي اصلا ماراح يكون في مرة ثانية لاني توبة اركب مع شلة حسب الله كلهم صاروا يضحكون تركي : اما شلة حسب الله هههههههههههه بندر :هههههههه خليني اتصل على فواز اشوفهم وين صاروا لانهم طاروا قبلنا تركي : وانت الصادق ماشفت الا غبرت سيارتهم بندر اتصل على فواز : الووووووووو =========================== سيارة مازن سامي اول ماناموا البنات سرق الحلا وقعد هو مازن ياكلون سامي : يالله لذيذ من زمان عن حلا البيت مازن : وانت الصادق بس ماادري من اللي مسويه لانهم كل وحده داخلة بصينة سامي : هذا بس الحلا غير الاشياء الثانية مازن : خلينيي اتصل على تركي اشوف وين صاروا لانه مابقى شي ونوصل سامي : حتى فواز واللي معاه تلاقيهم من زمان وصلوا مازن : لا مانبغى نطالع فوق خلينا على اللي في سرعتنا _ اتصل على تركي_ الووووووووووو ============================ عند الشباب في الشرقية فارس : شباب في صوت جوال حق من فزاع : مو جوالي فواز : شكله جوالي _ رفع جواله _ الا هذا بندر _رد_ هااااااااا بندر : هويت بنار جهنم الناس تقول سم هلا امر اقلها قل نعم مو هااااا فواز : ههههههههه لا بس تحمست بندر : المرة الجاية لاتتحمس فواز : سم ايش تبغى بندر : لا بس كنت ابغى اعرف وين انتوا الحين فواز يحك راسه : والله احنا فطرنا والحين نبي نروح الواجهة البحرية بندر : يامالكم الدود متى وصلتوا فواز : وجع لاتدعى بندر : طيب بالعافية متى وصلتوا فواز : ايه خلك كذا والله وصنا الساعة 8 بندر اخترع :ليه بطيارة فواز : ابد سلامتك بفضلي طبعا ماحسوا الا وهم في الشرقية بندر : والله انك خبل المرة الجاية مااظن انهم يامنونك ويخلونك تسوق فواز : اخلص ايش تبغى بندر : خلاص اننتوا روحوا الواجهة واحنا نجي عليكم فواز : طيب مع السلامة _ قفل من غير لايسمع رد_ شباب هذا بندروه يقول انهم وصلوا وراح يجون على الواجهة هيثم : ايش رايكم نسوي نذاله ونروح محل ثاني فارس : يلا والله انه تركي لايجي ويكفخنا فزاع : والله انا مالي شغل اني لااقول هم اللي ودوني فواز : ياخواف فزاع : ايه والله هذا تركي مو حي الله فواز : ههههههههههه شكلك متاثر باخر مرة تسطرت فيها فزاع يحك ظهره: والله ظهري اسبوع وهو يعورني اقولك مو يد هذي مكلاخ فواز يضحك : هههههههه وشو مكلاخه بعد فزاع :اقرب ليده الي كانها حديده فارس : والله ياشباب اطن انكم ماتعرفون ليش سطره هيثم تحمس : هههههههههه ليش فارس : ههههههههههه كانه بزر قاعد يلعب في المرجيحة وماشاف تركي الا وطيره برجوله اللي كانه دركتن هيثم : هههههههههههههههههههههههههههههه فزاع :طيب ماشفته فارس : احو ل اذا تركي ماشفته اجل محمد والله مصعب يطيرون ومانلقاهم ( لان تركي جسمه جسم رياضي ) فزاع : كنت متحمس وانا اتمرجح فواز : وللان المسكين العقدة معاه فزاع : احلف عاد حسستني اني اشحذ ============================== سيارة تركي بندر : يقولون تعالوا الواجهة البحرية تركي : ليه هم متى وصلوا بندر : تصدق عاد وصلوا الساعة8 تركي يطالع ساعته : والحين الساعة 9 يعني ساعة بندر : الحين تعرف من وين تروح للواجهة تركي : ايه واذا ضعنا معانا دليل سياحي بندر : شموخ من وين نروح للواجهة شموخ : ايه الحين احتجتوني ومن اول مسوين نذالة رن جوال تركي : الووووووووووووو مازن : ايوه تركي وين صرتوا تركي : خلاص احنا في الشرقية مازن : حتى احنا خلاص دخلنا الشرقية وعلى وين رايحين تركي : على الواجهة البحرية مازن : اها تركي : خلاص نتلاقى هناك مازن : طيب يلا سلام تركي : سلام بندر : ها ايش فيه مازن تركي : يقول انهم وصلوا ها شموخ ماودك تدلينا شموخ : لا تركي ابتسم ( يازين المعصبين بس ) ================== في سيارة ابو مازن مصعب ومحمد يلعبون بلاي ستيشن ابو مازن يكلم ابو سامي في الجوال : ايوه خلاص وصلنا ابو سامي : ايوه انا وراك ابو مازن : وابو بندر وينه ابو سامي : تقدمنا ابو مازن : الحين اتصل على مازن واشوف هم وين ابو سامي : خلا وانا بعد اتصل على بندر والله تركي واشوفهم وين وبعدين اتصل على ابو بندر واقوله يصير نتجمع في مكان واحد ابو مازن : خلاص يلا فمان الله ابو سامي: فمان الكريم قفل ابو مازن وبعدين اتصل على مازن وقال له انهم راح يروحون للواجهة ================== في سيارة ابو بندر سارة وروان يتكلمون ابو بندر يكلم ابو سامي : ايوه خلاص الحين نروح للواجهة يلا مع السلامة ابو سامي : مع السلامة ام بندر : ها وين صاروا ابو بندر : كلنا راح نروح للواجهة ================== الكل اجتمع في الواجهة على الساعة 9 ونص جلسوا الحريم والبنات راحوا يتمشون وجلسوا على الكراسي اللي قدامها البحر غلا : كانه حر ملاك : والله مو حر الا راح نصير مخلل شموخ : هذا وانتوا في اول الصيف تقولون كذا اجل احنا ايش نقول شذى : مي مياو مي مياو مي : خير انشا الله قلبتي قطوة شذى : لا بس اجرب ادلعك مي : لا واللي يرحم والديك لا تدلعيني شذى : هههههههههه هميس جالسه وساكته شذى تطالع فيها : غريبة هميسوه ساكته هميس : لا بس احس كبدي خايسة شذى : من ايش هميس : قرفتيني من اول ماجلسنا وانتي تدلعين في خلق الله شذى : هههههه طيب عادي اخ خميس ================ عند الرجال الجد : يلا شباب همتكم واحد فيكم يروح يجيب لنا فطور ابو سامي : مافيا لا فزاع وفارس فزاع يطالع فارس : يلا فارس : طيب ايش تبغون ابو مازن : روحوا اسالوا الحريم فزاع : طيب يبه يدك على الخرجيه ابو سامي : فزاع فشلتنا فزاع : يبه حقي والله بعد راحح تخسرنا انا راح اشتري لحريم مو حيا الله فارس : وهو الصادق والله انا متاكد راح نجيب مؤنة تكفي ديرة فزاع : يااما انك انت اللي تقول ايش نجيب والله على حسابك ابو بندر : صح كلامهم خلاص يروح تركي يجيب على ذوقه تركي رفع ايده : انا لا تحطوني في مواقف حرجة مازن : خلاص انا وسامي نروح الجد : عفيه هذولا الرجال اللي ينشد فيهم الظهر تركي يهمس لسامي : الله يعينكم انتوا اللي جبتوها لنفسكم بس خذوا المفتاح سامي : ليه ويعني اذا رحنا تركي : ههههههه حبيبي دخول الحمام مو مثل خروجه سامي : عارف اني متورط تركي : روح والله يعينك على اللي جاي سامي :هههههههههه راحوا مازن وسامي يجيبون الفطور ======================= عند الحريم ام سامي : والله انا ماادري متى سامي يجي يقولي ابغى اتزوج ام مازن : مادريتي يقول مازن انه هو وسامي وبندر وتركي راح يتزوجون بيوم واحد الجدة : خلاص نخطبلهم ونزوجهم في هذي الاجازة ام بندر : انا قلت له يقول مو الحين ام ثامر : مو بس هم حتى ثامر ام سامي : الله يعيننا عليهم الكل : امين ===================== عند البنات شافوا مازن وسامي رايحين لسيارة تركي هميس : والله هذا مزوون_ وراحت تركض ومعاها شذى_ راحوا عندهم مازن : خير خير هميس : مازن بالله جيب لي كوفي مازن : طيب ايش بالظبط هميس : أي شي شذى : حتى انا مازن : خلاص كلكم راح نجيب لكم ركبوا السيارة ========================= الشباب قاموا جابوا الكورة ويلعبون انقسموا فريقين الفريق الاول ( مصعب محمد هيثم فارس فزاع) الفريق الثاني( بندر مشاري راكان ثامر تركي) ثامر و فزاع الحراس وفواز الحكم بدا اللعب خلص الشوط الاول بالتعادل 1.1 اخذ هيثم الكورة وناولها لمصعب ومن مصعب اخذها محمد لما وصل عند الباب قطعها منه مشاري محمد يناور يبغى ياخذ الكورة من مشاري صقعه في رجله وطاح مشاري جا فواز : فاول محمد : اقول فواز بلا غش عشان مشاري صديقك تقول فاول فواز والله انت اللي ماتعرف تلعب محمد : غشاش جا مصعب : ايش فيك حمود محمد : هذا اخوك الغشاش مصعب : ليه غشاش محمد : ماادري عنه يقول فاول مصعب : ليه فاول اجتمعوا الشباب هيثم : اقول مشاري خير ليه ماقمت مشاري : قلت خليني قاعد لما يتاكد الفاول الشباب : ههههههههههههههههههههههه مصعب : اجل كلها خرطة انت ووجهك مشاري : ياشيخين انا مليت خلونا ندور شي ثاني محمد : كشفتك ياخراط مشاري :بدري اصلا باين راكان : والله انه عندك صواريخ ماادري من وين تطلع كملوا لعب في النهايه فاز فريق مصعب ومحمد 4, 1 =============================== في المطعم مازن : لو سمحت ابغى فطاير بالجبن وفطاير بالزعتر سامي : ايه وبعد خليها مشكله المصري : وعاوز الكمية اد ايه مازن : تقريبا لعشرين شخص المصري : اا خلاص بعد نص ساعة حتكون جاهزة مازن طلع المفتاح : سامي خذ المفتاح ورح اطلب الكوفي للبنات وارجع سامي : طيب انت روح السوبر ماركت اللي جنب هذا المحل وجيب لهم عصيرات مازن : طيب خلاص انت روح راح سامي يجيب الكوفي ومازن راح جاب لهم العصيرات وبعدين ورجع للمطعم ========================== البنات يتفرجون على الشباب هميس : اقول بنات لما جينا هذيك المرة كان في باص هنا شموخ : ايه بس اظن انه مايجي غير بالليل هميس : خسارة نوف : بنات اللحين نجلس هنا لكن في الليل نخليهم يودونا شاليهات شذى : اكيد اجل يسكنونا في فنادق ================== بعد ساعة رجعوا مازن وسامي ومعاهم الفطور فطروا وخلصوا بعدين اذن الظهر راحوا صلوا في مسجد قريب من الواجهة بعدين رجعوا لنفس المكان اللي كانوا جالسين فيه تغدوا بس هالمرة اللي راح يجيب الغذا (هيثم فارس فزاع فواز )وظلوا على نفس الحال البنات يتكلمون والشباب يلعبون والله يتضاربون والحريم والرجال يتكلمون في مواضيع هادفه << هين قابليني اذن العصر بعد راحوا صلوا ورجعوا البنات يتمشون كل ناس بروحهم سارة وروان وهم يمشون جا ولد وقف قدامهم الولد : ياقمر ياعسل روان خافت بس مابينت: خير الولد : ايش فيه القمر معصب سارة : مالك دخل معصبه والله غيره الحين نشوف شجاعتك_ مسكت جوالها على انها تتصل على احد من اخوانها وحطت على اذنها _ ايوه انت قريب خلاص تعال الولد : اجل تعالي نجلس على مايجي _ ومسكها من يدها سارة عصبت : يا؟؟؟؟؟؟؟ كيف تتجرا وتمسك ايدي الولد : هدي هدي ياقلبي ترا مايستاهل كل ذا ===================== راكان ومازن وتركي يمشون مع بعض تركي : شف هذولا كانهم سارة وروان بس من هذا اللي معاهم راكان : ماادري خليني اتصل على روان _ اتصل _ روان وين انتي روان : شوفني قدامك بسرعة تعال هذا ماادري ايش فيه على سارة راكان : خلاص طيب _ قفل وراح يركض وراحوا وراه تركي ومازن ====================== سارة : شف اذا ماانقلعت من قدامي ماراح يحصلك خير الولد : وانا مااتوقع يصير لي من قمر مثلك شر روان : ابلع العافية واقلع من هنا ترا والله اخواني جايين واذا جوا راح تصير لك مشكلة انت في غنا عنها جا راكان : خير اخوي انت تعرف هالبنات الولد : اعرفهم والله مااعرفهم انت ايش خصك راكان ماسك نفسه : لا بس شفتك واقف معهم قلت اكيد انك تعرفهم الولد : وانت ايش دخلك يلا فارق راكان : افارق ها _ واعطاه بوكس على وجه الولد من البوكس طاح على الارض وقف ويتحسس مكان البوكس : من انت حتى تضربني راكان : انا اكون اخو البنتين الولد : وخير ياطير راكان انقهر وصار يضرب من قلبه جاو تركي ومازن يحاولون يفكونهم لكن مهم قادرين وراكان يضرب من قلبه والناس تتفرج روان تبكي : خلاص راكان والله راح يموت سارة شافت انهم مهم قادرين يفكونهم راحت تركض تنادي باقي الشباب =================== الشباب شافوا سارة تركض راحوا لها فزاع : خير سارة صار شي سارة تلاحق انفاسها : را كان يتخانق مع ولد هيثم اخترع : ايش وين سارة : هناك وراحوا وراها ======================= راكان : يا ؟؟؟؟؟؟؟ لو عندك خوات كان رضيت _ ويضربه يضرب فيه مابقى كلمه ماقالها وتركي ومازن يحاولون يفكونهم لكن كل مافكوه رجع يضربه جاو الشباب ومسكوا راكان واول ما مسكوا راكان الولد راح يجري راكان : ؟؟؟؟؟؟؟؟ ليه كان خليتوني عليه تركي : راكان انت تضرب في الولد واحنا ماندري ايش القصة روان : هذا الـ؟؟؟؟؟؟؟؟؟؟ مسك ايد سارة راكان : ايش تركي : من جدك انتي روان : والله وحتى سارة سوت روحها تتصل على اخووانها مسك ايدها ويقولها تعالي نجلس هنا لحد مايجون فواز : والله نهايته على ايدي_ وراح يركض مازن : فزاع فارس بسرعة الحقوه راحوا وراه فزاع وفارس راكان : سارة فيك شي سارة : لا مافيني شي انت بخير راكان : مايهمك روان تتافف : هذا واحنا اول يوم كذا رجعوا الشباب للمحل اللي جالسين ======================== فواز راح يركض للجهة الي راح فيها الولد وراه فارس وفزاع وقف فواز : وين راح الــ؟؟؟؟؟؟؟؟؟؟ فارس : خلاص كفايه اللي جاه من راكان شفته كيف كله دم فواز : ؟؟؟؟؟؟؟؟ لا وقوات عين بعد فزاع : خلاص شي وصار وانتهى يلا نرجع فواز : والله خليني اشوفه مرة ثانية فارس : والله لاشفته اذبحه بس يلا مشينا راح معاهم للمحل اللي جالسين فيه ================= البنات كانوا جالسين لانهم من الصبا متفقين يروحون قبل المغرب على الشاليهات جاو سارة وروان ووجيهم متغيرة غلا : ايش فيكم سارة : مافينا شي بس تعبانين ملاك : اكيد روان : اكيد جات ام بندر : يلا يابنات راح نروح وكلهم قاموا وركبوا السيارات بنفس الترتيب ======================= ووصلوا للشاليهات اللي حاجزينها كانوا حاجزين فلتين فلة للرجال وفلة للحريم اول ماوصلوا الخدامات نزلوا الاغراض والبنات سوا رحلة استكشافية للمكان وبعدين كل وحدة اخذت لها شور ونامت من التعب والشباب نفس الشي ماعدا الرجال والحريم جلسوا للساعة عشرة بعدين ناموا ======================== نهاية البارت تحياتــــــــــ دكتورة ــي .gif "thanks") توقعاتكم:77:  |
|
#39
05-04-2010, 12:43 AM
| ||
| | ||
| الجزء السادس يوم الاربعاء الليل الساعة 1:30 صحيت تطالع في الغرفة اللي نايمين فيها مالقت احد صاحي لبست عبايتها و طلعت تمشي عند البحر وتفكر ( معقوله يحبني الاهو قالي انه اذا وافقت راح يخطبني طيب انا ليه مااوافق مو هذا اللي لما نجي الرياض احاول اني اشوفه بكل الطرق طيب الحين ايش غير رايي_ جلست قبال البحر وتلعب بالرمل_ بما اننا هنا احاول اكتشف شخصيته هذي فرصتي) ================== في جهة ثانية منسدح على فراشه ويفكر لانه النوم طار بعد مادق جواله ( هي اكيد ماتبغاني انا لازم اكلم ملاك تشوفها مو حالة هذي بس اخاف هالملاك تسوي نذالة وتفضحني ) مل من كثر التفكير(خلني بس اطلع اتمشى شوي _ طلع شاف وحدة جالسة وتلعب بالرمل حس انه يعرفها : ملاك =================== : والله احبك ياتركي بس اخاف لما اوافق عليك يطلع اختياري غلط : ملاك التفتت مرعوبة : تركي تركي مستغرب : شموخ ايش مصحيك بها الوقت شموخ : رحت شربت مويه بعدين رجعت حاولت انام ماجاني النوم تركي ( اجل ربي اراد اننا نتجمع حتى اسالك بنفسي) يلعب بالرمل وبتردد : شموخ شموخ تتامل البحر : امممممم تركي يطالعها : مارديتي علي بالموضوع اللي كلمتك فيه شموخ بخجل : يعني مصر انك تعرف اجابتي تركي بياس : كنت متوقع شموخ طالعته بسرعة : متوقع ايش تركي بحزن: انك ماراح توافقي شموخ باابتسامة : ومن قالك انا موافقة تركي انشق حلقه من كبر الضحكة : صدق شموخ من جد تتكلمين شموخ تهز براسها وبخجل : ايوه جاو ملاك وهميس ملاك باستغراب: خير ليه جالسين مع بعض وين قاعدين تركي: لا بس انا ما جاني النوم وقلت اطلع اتمشى لقيتها جالسة بروحها قلت اجلس معها هميس وهي تجلس: يااااي الجو جنان تركي بالله غني شموخ متفاجئة : ليه يعرف يغني ملاك : وصوته يجنن بعد شموخ : اجل بالله تركي غني تركي : طيب ايش تبغون تسمعون ملاك : غني أي شي تركي:امممممممم طيب اسمعوا حبيبي اللي سكن بالعين عليه احسد انا عيني الا ياليت لي قلبين واحبه بكل قلبيني ياسيدي وسيد الحلوين ياوردي اللي في بساتيني احبك بالقسى واللين ومن غيرك يسليني عشقت الزين به والشين واحبه بكل مافيني فيني الشوق اللي عاش سنين مابين حبيبي وبيني حبيبي للمحبة دين وانا وفيت لك ديني الا بالله متى يازين احط ايديك بايديني حبيبي الي سكن بالعين عليه احسد انا عيني الا ياليت لي قلبين واحبه بكل قلبيني الكل صفق هميس : والله مااتوقعت صوتك يجنن لذي الدرجة كانه صار احلى غني وحدة ثانيه تركي ( والله عشان الغالين): اقول تراني اعطيتك وجه ملاك : اقو ل انا اصحي البنات كان السهرة حميت هميس : هم اللحين يصحون ملاك تطالعها: ليش ايش مسوية هميس : والله ماسويت شي هم قالوا انهم يبغون يصحون بالليل ملاك : اها جا سامي ومازن سامي : سلام الكل : وعليكم السلام تركي يطالعهم: كانكم جايين من برة مازن : ايه كنا برة واحد من الربع هنا في الشاليهات اللي جنبنا تركي: اه يالخاينين تروحون وماتاخذوني (كلهم يضحكون على تركي لانه شكله يضحك وهو يتكلم) سامي: اقول وش فيكم جالسين كذا هميس : يعني ايش نسوي سامي : سو شاي قهوة مازن : ايه والله شكل السهرة صباحي تركي : اجل مادام السالفة كذا _ رمى المفتاح على سامي_ روح جيب العود سامي : والله فلة اجل ناوي تغني هميس : ومن قال انه ماغنى توه مغني_ وتغني_ حبيبي اللي سكن بالعين عليه احسد انا عيني الا ياليت لي قلبين واحبه بكل قلبيني ملاك : هههههه مااحد قالك انه كميت النشاز اللي بصوتك لاتوصف شموخ : لا والله صوتها حلو ملاك: وانتي ماتعرفين تسكتين ههههههههههه تركي : وانت للان جالس قوم جيب العود سامي اخترع لانه كان مسرح في ملاك: طيب لاتنافخ ماني عبد عندك_وراح الكل : هههههههههههههه مازن قام : وانا اروح اسوي شاي واجي هميس تعالي معاي هميس تمد رجولها وتفرك فيها : لا والله اني مكسلة مازن: هميس يلا بلا دلع هميس وهي تقوم : يقول اسوي شاي بعدين يجرجر خلق الله معاه مازن ضربها بخفيف على راسها : امشي وانتي ساكته هميس :كمان تضرب وراحوا وهم يتضاربون تركي: والله انهم مخفات هههههههه ============== نزلت من الدرج كانها حرامية على اطراف اصابعها لقيتا واقف عند الباب ركبت السيارة بسرعة بخوف: امشي بسرعة لااحد يشوفنا حرك السيارة لحد ماطلعو من الحي بعدين خفف السرعة ووقف على جنب وطفا السيارة في شارع شبه مهجور ماتعدي منه الا سيارة اوسيارتين في الليل : فيصل وين جايبنا انا مرة خايفة فيصل : تبغيني ازعل من ايش خايفة مني يعني رغد: لا مو منك بس اخاف ماما والله بابا يصحون ومايلاقوني فيصل : لا انشاالله مايصحون واصلا ماراح نطول كلها نص ساعة رغد تطالع المكان: ايش راح نضل واقفين هنا فيصل شغل سيارته وابتسم بخبث: لا راح نروح مكان يجنن ===================== تركي : انا عندي اغنية تجنن راح اغنيها ملاك : وبعدك تغني شموخ شموخ : والله ايش تبغيني اغني ملاك : أي شي شموخ : افكر جا سامي: خذ _مده له _ ماادري هذي شنطة سيارة والله دولاب ملابس تركي وهو يدق بالعود: والله ياحبيبي احسن شي بدال ماانزلها وبعدين ارجع ارجعها في السيارة سامي: الحين ايش راح تغني تركي : اسمعوا شموخ : لا انا اغني انت غنيت تركي : طيب خلاص بما اننا فاضين خلاص نسوي لعبه كل واحد يغني اغنية بعدين نشوف من اللي صوته احلى واللي يفوز يطلب من الخسرانين اللي يبغا مازن : والله انا من اللحين منسحب بما ان السالفة فيها طلبات وانا عارف اني ماراح افوز تركي : طيب ايش دراك يمكن يطلع صوتك احلى شموخ : لا مستحيل يفوز وانا فيه ملاك : يالمغرورة شموخ : هههههههههه تركي( اكيد انتي فايزة بالمرتبة الاولى وفي قلبي بعد) ابتسم : طيب غني وانت منسحب يعني مانطلب منك شي مازن : طيب بما ان السالفة كذا خلاص هميس : اقول ابغى اروح اصحي البنات الجلسة حميت فيها مسابقة وخرابيط _وراحت سامي: وانا بعد ابغى اصحي الشباب تصير الجلسة فلة_ وراح ==================== وقف السيارة عند عمارة فيصل : يلا انزلي رغد : وين فيصل : عادي شقة رغد نزلت : طيب هي باي دور فيصل: في الدور الثاني رغد : طيب ليه مانروح كوفي أي شي فيصل يطالع ساعته : الحين الساعة 2 أي كوفي اللي فاتح اللحين رغد استسلمت : طيب يلا طلعوا للشقة فيصل فتح الباب : ادخلي برجلك اليمين رغد ابتسمت : تحسسني اني عروس فيصل : واحلى عروس بعد رغد : ههههههههههههه دخلت وراحت على الصالة ووقفت تطالع فيصل قفل الباب بهدوء حتى ماتحس وراح وقف وراها: اعجبتك الصالة رغد اخترعت : تجنن فيصل مسك خدها : ايش فيك خايفة رغد ارتبكت : لا مو خايفة بس روعتني فيصل جلسها على الكنب : بسم الله عليك رغد : تسلم فيصل : رغد انا ابغى اخطبك رغد ابتسمت : صدق فيصل مسك ايدها : صدق ياقلبي وين راح القى بنت مثلك بطيبتك وجمالك واخلاقك رغد : وانا بعد وين راح القى قلب مثل قلبك فيصل : حبي اذا مثلا جا احد غيري خطبك توافقين رغد : مستحيل اوافق تدري ليش فيصل : ليش رغد : لاني احبك فيصل طبع بوسة على خدها وهمس في اذنها : وانا احبك بعد قرب منها << وضاعت وضيعت نفسها رغد تبكي : ليه يافيصل انا ماابغى كذا فيصل يمسك خدها بحنان : لا تخافي راح اتزوجك رغد زاد بكاها : احلف الله يخليك احلف فيصل والله اذا اهلي عرفوا والله ذبحوني فيصل : خلاص راح اتزوجك روحي غسلي وجهك عشان اوديك للبيت راحت رغد تغسل وجهها ورجعت فيصل : يلا ياقلبي مشينا راحت رغد معاه وهي ساكته مااتكلمت ولا كلمة وصلها البيت ونزلت فتحت الباب بشويش : رغد ==================== هميس : قوموا والله فله تركي من زمان وهو يغني وجاب العود قامت شذى وهي عليها رجل نوف: وجع نوف شيلي رجلك نوف : طيب _ وشالتها شذى معصبه : قومي نوف : طيب ايش فيك معصبه شذى : لانك قهرتيني نوف جلست : ليش شذى : ليه حاطة رجلك علي نوف: ههههههههههه كنت نايمه هميس: هههههههههههه الله ياخذك ياشيخة شذى : اللحين من جد تركي يغني والله مقلب هميس : والله والحين جا دور شموخ نوف برجه: والله يلا يلا طالعين شذى قامت وهي تمشي رفست اللي نايمين برجلها كانها ماتشوف وطلعت تضحك صحيوا اللي كانوا نايمين غلا : وجع انشا الله من هذي العميه سارة : اكيد هذي اختك الخايسة هي اللي تسوي هذي الحركات هميس : قوموا بس برة الجلسه فله غلا :طيب الحين جايين طلعت هميس وهم صحوا الباقي وطلعوا سامي تعب وهو يصحيهم سامي : يلا عاد بلا دلع قوموا والله فلة هيثم : خلاص كلنا جايين وكلهم قاموا ===================== تركي : مزووون وشو السالفة عند من كنت انت وسامي مازن : في شاليه من الشاليهات اللي جنبنا تركي : اها جاو البنات مازن فقع ضحك : هههههههههههههههههههههههههههههههههه تركي : خير ايش اللي يضحك مازن : هههههههههههههه شوف شوف الاشكال كيف كل وحده عيونها مفقعة من النوم ولا بعد متلثمين تركي: ايه صح ليه متلثمين ملاك : ايش فيكم مادريت انكم ملتزمات لذي الدرجة غلا بغرور : والله انا مااخذت الاذن من زوجي اني اكشف عند عيال عمي مازن : اقول اقلبي وجهك انتي وزوجك تركي: ايه صح ليه ماجاو اليوم الواجهة غلا : ابد بس كان عنده اجتماع الساعة 4 شموخ : واهله غلا : والله ماادري بس فهمت انه الاخت رغد ماتبغى تخرب بشرتها نوف : مالت عليها وعلى خشتها شموخ بحزم : نوف عيب هذي بنت عمنا تركي( يالبيه العاقله انا ) جلسوا البنات وكشفوا الا غلا وبعدها بدقايق جاو الشباب واكتملت الجلسة تركي: يلا شموخ غني شموخ : طيب بس انت دق موسيقا هاديه نوف باستهبال : قبل كل شي اهديها لشخص شموخ : اممممممممممممم للي في بالي اسمعوا........ والله اني ما اتمنى في حياتي الا شي اني املك كل هالدنيا بايديا ما اسمعك في يومتنطق كان ودي قبل لا تحلم احقق قبل لا تحكي اقول قبل لا تشكي همومك لك اجي كليحلول وليت كل هالكون بايدي لاجل احقق كل ما تبي ادري امنياتي هي مجرد امنياتلو اني املكها حياتي كنت ابهديك الحياة بس اشوف الإبتسامه ما تفارق دنيتك يالليكل ايامي تضحك لما المح بسمتك انت يا عزي وذلي واجمل اجمل ما حصل لي ويش اقدم لكسواي وارمي ايامي تحت اطهر خطاك ياللي كل ايام عمري قبل ما احبك خطا اي قهروالله قهر اني ما اقدر حتى اقدر اوصل حدود السما لاجل اهدي لك قمر ودي ودي واللهودي بس مافي ايديني شي <<وطالعت في تركي وابتسمت وهو ماصدق خبر ردها لها الابتسامة الكل صفق لان صوتها مو جنان الا منتهى الروعة وكانت تغني الاغنية من قلبها ملاك : انا الحكم وراح اختار اممممم يلا هيثم نبغا نسمع صوتك هيثم : بما انه اختياركم وقع علي فلازم القي مقدمة تعبر عن خالص شكري وامتناني ملاك : اخلص هيثم : احم بسم الله الرحمن الرحيم انا راح اغني اغنية للفنان الرائع ابو نورة اللي بصراحة شهادتي فيه مجروحة روان : لا يكون بس المعاناه راكان : من جد لا يكون مقدمات وماني عارف ايش واخر شي المعاناه هيثم : اسكتوا خلوني اخلص المقدمة بعدين تعرفون الاغانية وانت _ راح لتركي وسحب منه العود _ جيبه شوف كيف حاضنه جلس وصار يدق الاماكن كلها مشــتاقة لك والعيون اللي انرسم فيها خيالك والحنين اللي سرى بروحي وجالك ماهو بس انا حبيبي الاماكن كلها مشتاقة لك * كل شي حولي يذكرني بشيءحتى صوتي وضحكتي لك فيها شيء لو تغيب الدنيا عمرك ما تغيب شوف حالي آه من تطري علي الاماكن كلها مشتاقة لك * الاماكن اللي مريت انت فيها عايشة بروحي وابيها بس لكن ما لقيتك..جيت قبل العطر يبرد قبل حتى يذوب في صمتي الكلام واحتريتك.. كنت اظن الريح جابك عطرك يسلم علي كنت اظن الشوق جابك تجلس بجنبي شوي كنت اظن.. وكنت اظن وخاب ظني ومابقى بالعمر شيء واحتريتك.. الاماكن كلها مشتاقة لك. * المشاعر في غيابك ذاب فيها كل صوت والليالي من عذابك عذبت فيني السكوت وصرت خايف لا تجيني لحظة يذبل فيها قلبي وكل اوراقي تموت آه لو تدري حبيبي كيف ايامي بدونك تسرق العمر وتفوت الامان وين الامان وانا قلبي من رحلت ماعرف طعم الامان وليه كل ماجيت اسأل ها المكان اسمع الماضي يقول ماهو بس أنا حبيبي الاماكن كلها مشتاقة لك **** دمعت عيونه ونزلت دمعه جباره على خده مسحها قبل لااحد يحس الكل صفق ملاك تتكلم لبناني : شو هيدا بكيت الساده المشاهدين ارتاح اخي هيسم وانشا الله يحالفك الحظ وهلأ راح ناخذ مشترك جديد اسموه امممممممم تتوقعوا من شذى : اقول تكلمي عدل لا ارفسك في ذاك ملاك : شو بيكي حبيبت ا لبي شكل اعصابك موترة لان هلا دورك شذى : اقول تقلعي هناك والله مااقوم الا اخر وحدة ابغى اراجع الاغنية الكل : ههههههههههههههههههههه نوف : لايكون تحسبين نفسك في ستار اكاديمي شذى : لا بس ابغى صوتي يطلع يجنن فزاع : هههههههه شذووه اتوقع سمعتي المثل اللي يقول الشين شين لو كحل العين والحلو حلو لو قعد من النوم شذى بغرور: يعني مايحتاج تمدحني لاني عارفة ايش قصدك قصدك الحلو حلو شكرا لك لانك مدحتني يااخوي بصراحة رفعت من معنوياتي وعشان كذا انـــ البنات مع بعض وبصراخ: خلاص نوف: وجع بالعة مسجل انطمي ارحمة بلعومك مايرتاح الا في وقت النوم شذى: هههههههههه لا بس كنت ابغى اقو ل اني ابغى اطلع اغني ملاك : اسفين احبائي المشاهدين نرجع للمشتركين في مسابقة سوبر الشرقية الكل : هههههههههههههههههههه بندر: قويه هذي سوبر الشرقية هههههههههه ملاك : وجع ايش فيكم كل شوي قاطعين الحلقة الحين المشاهدين راح يملون منكم شموخ تقوم وتحس راس ملاك : ملاك فيك شي مسخنة حاسة بشي ملاك مستغربة : لا شموخ : متاكدة ملاك : ايه ليه ايش في شموخ : ابد بس كنت قاعده اسوي فاصل اعلاني الكل : هههههههههههههههههههه تركي: والله انكم مرفعين ملاك جلست: ياعمي فلها وربك يحلها الحين احنا في الشرقية اللي ماعمرك سويته سويه هميس برجه : اشتغلت الكاميرا ملاك وقفت وابتسمت والكل قام يضحك : اهلين رجعنا من بعد الفاصل اعزائي المشاهدين ارجو منكم التصويت للمشتركين حتى تنالوا الثواب العظيم جزاكم الله خير روان : انا اعرف انه سوبر الشرقية مش الحياة كلمة الكل : هههههههههههههه ملاك : يلا يافزاع تحرك ورنا شطارتك وغني لنا فزاع : مشكورة يابنت العم على اختيارك وانا اهنيك على هالاختيار الصائب ملاك : اخلص ولا تاخذ في روحك مقلب _ ومدت له العود فزاع اخذه منها: احم كاني تفشلت بس راح اعديها واغني لكم امممممممممم ما يطيق الصبرا .. يا مل قلب ٍ .. ما يطيق الصبرا نحت انا لو ابرا .. نوح الحمامه .. نحت انا لو ابرا يا نظير عيوني .. ودعتك الله .. يا نظير عيوني عبروا مضنوني .. يا اهل المراكب .. عبروا مضنوني ما سامي راح سحب منه العود : هيه هيه وجع طلعت الجن علينا هذي اغنية تغنيها بااخر الليل فزاع : هع هع هع كاني تحمست فارس وهيثم طالعوا في بعض واشروا لفزاع فزاع صار يدق بالعود وهم يغنون ما يطيق الصبرا .. يا مل قلب ٍ .. ما يطيق الصبرا نحت انا لو ابرا .. نوح الحمامه .. نحت انا لو ابرا يا نظير عيوني .. ودعتك الله .. يا نظير عيوني عبروا مضنوني .. يا اهل المراكب .. عبروا مضنوني وإن رجع مضنوني .. نذر ٍ عليٌه .. لا رجع مضنوني ثم اعيّد شهرا .. واصوم عامين .. ثم اعيّد شهرا للحبيب وساده .. حطيت زندي .. للحبيب وساده عن هلي سلاني .. حب الحبيّب .. عن هلي سلاني فزاع يصفق : هههههههههههه ابدعتوا فارس وهيثم من الاستهبال قاموا وحضنوا بعض فارس : ماني مصدق اعجبتهم هيثم : ياي الكل : ههههههههههههههههه ملاك : ههههههه وجع ازعجتونا على هذا الليل شذى : بالله ملوك ابغى اقدم معاك الحلقة ملاك : اهلين تفزلي شذى تهمس لهميس : بالله هميس شوفي ردة فعل فواز هميس بنفس الهمس: انتي روحي وانا اشوف راحت شذى وقفت جنب ملاك : اهلين حبايب البي هلا راح ترتاح مذيعتنا الفازلة ملاك وانا راح اقدم عنها ملاك طيرت عيونها : خير مو انا اللي جايبتك تقدمين معاي شذى : ياهبلة احنا على الهواء تبغيننا نتطاقق ملاك ابتسمت : ايه صح الكل : هههههههههههههه فواز : الحين دوري ================= دخلت البيت على اطراف اصابعها : رغد رغد خافت من ممكن يكون : انت توك تجي رغد : وانتي ايش دخلك رافعة : دحين الساعة تنين رغد : انتي مالك دخل واذا سمعتك فتحتي فمك بكلمة ماتلومي الا نفسك رافعة ( وجع هذي البنت مرة قوية) : انا مالي شغل رغد رفعت اصباعها بتهديد : رافعة انا قلت وبعدين والي خلقني ماتلومي الا نفسك رافعة بخوف : واللهي يامدام ماقول حاجة رغد : اشوف انقلعي عن وجهي على طول رافعة راحت رغد اخذت نفس بعمق وطلعت غرفتها ===================== فواز : جا دوري شذى من سمعته اتكلم ارتبكت ماعرفت وش تقول فواز في نفسه ( شذى اللحين اذا غنيت راح تعرفين اني اقصدك) ملاك : خير ايش فيك فواز : يلا بالله ابغى اغني مي : والله من جدك تتكلم ماعمري سمعتك تغني فواز : والحين بتسمعيني ملاك : غريبة تركي : فواز انت طبيعي ثامر : ليه شايفة اصطناعي تركي: لا يكون ياثامر حتى انت تجيك الحالة ثامر : حالة وشو لا يكون بس حالة الظهور دون اتصال تركي طنشه : اقول فواز غني ثامر : انا اوريك فواز : طيب اعطوني العود قام فارس اعطاه العود فواز يدق بالعوود ودني لك أو تعال و جيبني لك صاحبي يا حبني لك اجلس و خل الأماني تبتديك و تنتهي لك ماللنجوم اوطان دام السما عيونك بعثرت هالتحنان بلقاك و بدونك بسمتك من هو قراها و ضحتك من هو كتبها ما تعرف من السوالف عشقها و الا عتبها المسا اللي ملاه الشوق ما اسمه مسا يمكن اسمه عمري اللي ضاع فيك و الا اسمه الف ضحكه تحتريك و الا اسمه قلب عاشق دايم يسمي عليك و انت غايب كنت حاضر في النواظر في سوالف هالغرام و هالخواطر ياللي دايم فيني حاضر ما تغيب ما تكفي يا حبيبي لين قلت انك حبيب الكل انبهر من صوته لانه كان يجنن وهم اول مرة يسمعونه يغني الكل : ؟؟؟؟؟؟؟؟؟ فواز يطالعهم : ايش لايكون مااعجبتكم فارس مفهي: من جدك هذا صوتك ملاك : فواز لا مستحيل انت كذا صوتك فواز ( اهم شي يعجب هالجدار اللي جنبك) : ترا هذي الاغنية اهداء من القلب للقلب شذى نزلت عينها ( لا يكون بس يحب وحده غيري): ملاك انا تعبت ابغى اروح انام ملاك بخوف : ايش فيك قبل شوي ماكان فيك شي فواز ( والله ياشذى انك تعذبيني ) شذى دخلت وماتكلمت ولا كلمة هميس : ايش فيها ملاك رفعت كتوفها : ماادري بس يلا نكمل فواز :طيب على الاقل شوفوا البنت يمكن صار لها شي مي : لا عادي هي سليمة مثل العادة هي مزاجية وعلى طول مزاجها يتعكر تركي : انا اول مرة اشوفها كذا دايم بس تضحك نوف : اجل ماتعرفها اسالني انا عنها الحين تجي وتجلس و تصارخ ولا كانه صار شي شموخ : وانا ادري هي دايم تسوي كذا عادي ملاك : اجل نكمل تركي: ترا والله ملينا هميس : بما انكم مليتوا ايش رايكم تطعونا نتمشى تركي يطالع ساعته : الساعة 2 ونص سامي :والله خلونا نطلع مو كذا يالركني راكان كان مو معاهم كان يطالع في سارة وسارة منزلة راسها راكان : ها سامي : ايش فيك راكان : لا ولا شي بس ايش كنت تقول تركي: شكلك ماكنت معنا راكان : لا بس كنت افكر بموضوع مازن : نبغى نطلع نتمشى راكان : الحين هيثم : والله فلة راكان : ماناخذ معنا مبزرة تركي: عفيه هذا اللي نبغاه فارس: اقول تقلع قام فزاع: اقول يالمبزرة خلونا نروح لحالنا تركي : اقول انطق فزاع جلس من غير ولا كلمة فارس: والله انك مادبه تركي : حتى انتوا يبغالكم مثل تاديبته هيثم حك راسه : الحمد لله مالك سلطه علي تركي: والله اذا اخوك راضي فانت مالك كلام راكان : تبيه قل جيبه تركي : جيبه راكان : خذه هيثم : هذا وانا اخوك مشاري : نطلع بس بشرط انا مااخذ احد معاي مازن : دايم وانت اناني تركي: مو عل كيفك كلنا في سيارة وحدة ثامر : يلا مشينا شموخ : تسلم يااحلى اخو ثامر ابتسم : امشي وانتي ساكته ودخلوا البنات بدلوا وطلعوا بسرعة وكلهم ركبوا في جمس ابو مازن ويسوق فيهم مازن اما الشباب ركبوا في جمس ابو سامي ويسوق فيهم سامي وانواع الاستهبال في سيارة الشباب وصاروا يتمشون في شوارع الدمام اللي شبه فاضية لحد مااذن الفجر ورجعوا الشاليه صلوا وناموا ==================== يوم الخميس الساعة 10 صحيوا الحريم والرجال ومحمد ومصعب لا نهم ماسهروا معاهم وفطروا الحريم وهم يفطرون الجدة : مو كان البنات طولوا في النومة ام مازن: تلاقينهم سهرانين الجدة : وحتى لو سهرانين المفروض السعة 10 الكل صاحي ام سامي : هدي يمه الحين اروح اصحيهم راحت ام سامي الجدة تطالع في ام مازن بكره: الا انتي متى راح تتقاعدين من هالمدرسة ام مازن( ياشين الصباح اللي اجلس فيه معك) ابتسمت: لسا ياخالة مو الحين الجدة( تخلخت عظامك): وليه لسا الحين انتي كبرتي لازم ترتاحين ام مازن ( من كبري عاد تحسبني قدها عجوز قريح): لا ياخالة انا كذا مرتاحة الجدة: بالطقاق انتي التعبانه ام مازن عصبت بس مسكت نفسها وابتسمت : مشكورة ام بندر ساكتة لانها عارفة اذا احد تدخل تكبر المشكلة ============================ ابو سامي : انا هالعيال راح يشيبون راسي من زمان وزانا اصحي فيهم ولا احد يرد محمد : يبه نصحيهم انا ومصعب بطريقتنا ابو سامي : روحوا وانشا الله يصحون راح محمد ومصعب يصحونهم دخلوا الغرفة وصرخوا مع بعض كلهم قاموا من الخرعة تركي :وجع ايش في محمد ماسك ضحكته : في صرصور تركي ومازن قاموا يركضون وراهم تركي: الله ياخذكم على شان صرصور هذي الصرخة مصعب ومحمد : ههههههههههه احسن عشان مرة ثانية تصحون بسرعة وراحوا وا خبوا ورا جدهم الجد : خلاص خلوهم تركي : يبه خرعونا مازن يستهبل : اتخيل يبه لو انقطعت خلفتي الكل : هههههههههههههههه تركي: هههههههههههههه اقول اقلب وجهك فاضي بعدين صحيوا الشباب وفطروا وجلسوا مع الشياب ============== ام سامي : يلا يابنات اصحوا ما صارت احنا جايين نتمشى والله ننام غلا طالعة من الحمام : يمه انتي هنا ام سامي: غلا صاحية غريبة غلا : لا بس كلمني خالد يقول انه هو واهله جايين الشاليهات بعد شوي ام سامي ابتسمت : وانا اقول غلا ما تقوم الا للشديد القوي غلا : ههههههههههه ام سامي : الحين ايش يصحي هالاستبنات ( الاستبنة كفر السيارة) غلا : ههههههههههه قويه استبنات خلاص انا اصحيهمن انتي روحي ام سامي وهي طالعة : صحيهم والله جدتك من اول متحلفة تقول راح تجي تصحيهم غلا : طيب _ بصراخ _ بنات رغد جاييه نوف جلست على هميس من سمعت اسمها : ايش هميس : كح كح قومي عني الله ياخذك نوف عدلت جلستها : ايش من جاي غلا : رغـــــــد نوف وشذى مع بعض : وعععععععععع نوف تتافف : خلاص خربت الاجازة بما ان هالمنحوسه راح تجي شذى : ياربي ليه تجي شموخ : وبعدين معاكم نوف تراها بنت عمك وانتي شذى تراها بنت خالتك شذى : ولو هي وحدة ماتنبلع تقهر نوف قامت وهي معصبة : الله يعيننا على هاليوم _ دخلت الحمام وصكت الباب بقوة قامت سارة وصحت روان بقي ملاك ماقامت غلا : ملوك قومي ملاك تتالم : غلا بطني اه غلا بخوف : ملوك ايش فيك ملاك : ماادري بس بطني يعورني هميس راحت عندها : انتي ايش اكلتي امس ملاك : والله ولا شي اه شموخ تحس راسه : حرارتك عادية سارة : انا راح ادق على بندر دقت على بندر ==================== عند الشباب ثامر : شباب خلونا نركب دبابات تركي: ايه والله مليت راكان : طيب والبنات هيثم : على تبن ايش لك فيهم تركي: ايه والله حرام حتى هم جايين ينبسطون فزاع : والله كل من مسؤل عن نفسه مشاري ضربه على راسه :انطم بس قال ايش مسؤل عن نفسه هذولا بنات فزاع : طيب ياابو البنات هيثم : تصدق ذكرتني بمسلسل ام البنات واكتمل لما صار مشاري ابو البنات مشاري : كل تبن رن جوال بندر : الووووووووو سارة : بندر بسرعة تعال خذ ملاك ماادري ايش فيها وديها المستشفى بندر: ايش فيها سارة : من اول ماصحيت وهي تقول بطنها يعورها بندر : طيب طيب قفل بندر مازن : خير ايش فيه بندر : ملاك تعبانة شوي سامي : بسرعة روح لها راح بندر ==================== ملاك : ياهبلة ليه دقيتي سارة : انتي مو تعبانة ملاك : لا بس حبيتا سوي مقلب انتي وووجهك حتى اكمل النومة غلا : الله ياخذ ابليسك خوفتيني ================== في السيارة خالد : رغد غريبة اكلة تبن وساكتة رغد بتعب: مافيني شي ام خالد : من اول وانا اسالها ايش فيك تقول مافيني شي خالد : ايهو الله لا وبعد تقول مافيني شي حاف من غير تبم بوجهك والله هذي السبات اللي يحبها قلبك رغد تتافف : انتوا ايش فيكم قلت لكم مافيني شي ام خالد : ماعليك منها الا ابوك ليه ماجا معنا خالد بطنازة: ابوي خليه لاهي في زوجته _ ابو خالد متزوج وحده مغربية قبل شهرين ام خالد : الله ياخذها الا انت لا زم تذكرني خالد : انتي سالتيني وانا جاوبتك رغد ( ليه مايرد علي والله خلاص مايبغى يكلمني لا لا اكيد انه مشغول والله نايم الا اكيد نايم لانه مانام الابعد الفجر) وضلت مع افكارها لوين توديها =============== نهاية البارت تحيــــــــ دكتورة ــاتي توقعاتكم:77: |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| إلـى كــل فـتـاة | CRAZY~LOVE | حواء ~ | 22 | 07-02-2011 07:38 PM |
| كــل وآحد يقـــولنـــآ [ كيف ] ينــــــآآم ..؟! | شعري كدش من الطفش | مواضيع عامة | 13 | 08-23-2010 06:01 AM |
| آآه لــو تـــعـــرف كــم احــبــك | دمعة وسط البحر | محاولاتك الشعرية | 1 | 02-05-2010 06:02 PM |
| كــل عــام ونــتــايــجــنــا بــخــيــر!!!!!!!!! | أحلى البنات | أرشيف المواضيع الغير مكتمله او المكرره او المنقوله و المخالفه | 3 | 01-11-2007 02:31 PM |
| كم وزنك ؟؟؟؟؟؟؟؟؟؟كــم وزنــك ؟؟ | الداعية | نور الإسلام - | 23 | 01-03-2007 02:10 AM |
العرض العادي
