|
| |||||||
| خواطر أعجبتني خواطر اعجبتك واحببت أن تنقلها إلينا من شبكة الانترنت |
 |
| | LinkBack | أدوات الموضوع | انواع عرض الموضوع |
|
#10
03-30-2010, 11:20 PM
| ||
| | ||
| الجزء الثاني ((الفصل الاول)) يوم الاثنين الرياض غلا متوترة : طيب يمه ابغى انزل السوق اشوف لي فستان ام سامي تهديها : طيب انتي ليه خايفة عادي خذي معاك بنات عمك وانزلي السوق شذى بطفش: يمه ماعليك منها دلع بنات الحين بس يعني اني متوترة ياشيخة انقلعي غلا اعطتها نظرة سكتتها: اجل يمه خلاص الحين اشوف البنات ونروح ودقت على ملاك ================== في الشرقية نوف طلعت لغرفة ثامر وفتحت الباب بقوة: ثمور ثامر اخترع من فتحت الباب: وجع في احد يفتح الباب كذا نوف: ههههههههههههههه ثامر : ايه اضحكي نوف : ههههه ثمور عندي لك خبر بمليون دورلار ثامر تحمس: ايش هو تكلمي بسرعة نوف ابتسمت ومدت يدها : بوس يدي بعدين اقولك ثامر انقهر: تخسين نوف : اجل خلاص ماراح اقول ثامر بلا مبالاة : ياخبر اليوم بفلوس بكرة ببلاش نوف : هههه وجع محد يقدر عليك اسمع ثامر : ايش اسمع نوف: دريت ان خالد خطب ثامر كشر: ومن تعيسة الحظ الي امها داعية عليها نوف : ثمور بلا هبال نفسي اعرف ايش بينك وبين خالد ثامر : والله انا مابيني وبينه شي بس هو اول مايشوفني يسوس حركاته الي مالها داعي وانتي تعرفيني انا نااحب هالحركات نوف : عارفة بس ثمور لازم تتصلح الامور بينكم مايصير كذا انتو عيال عم ثامر : روحي قولي هالكلام له مو تجي تقولينه لي _ التفت على نوف _ واصلا انتي ايش دخلك نوف اخترعت : بحريقة بينكم انا ايش دخلني بس حبيت اعرف الموضوع ثامر ابتسم على جنب : ابو طبيع ================= ملاك جالسة في الصالة مع اخوانها بندر: اقول ملوك تتخيلي شكلك وانتي جالسة بدون غلا سارة : والله انا مااتخيل شكلها ملاك : طيب وبعدين ماعندكم سالفة الا انا وغلا فواز يستهبل : لاننا شايلين همك ملاك: الله يزيد همكم اذا مني هههههههه فواز ينفظ ملابسه: اعوذ بالله سارة : هههههههههه محد قالك دق جوال ملاك : الووووو هلا غلا غلا : الووووو ملوك الفزعة بندر يتكلم عندها : تونا في سيرتها فواز : مو اقولك مايقدرون يستغنون عن بعض قامت ملاك من عندهم: ايوه غلا غلا : اقول ملوك ابغى انزل السوق الحين ملاك : خلاص اوكي عدي علي ============================= جالس مع اخوه يلعب كورة على البلاي ستيشن ومعاهم ولد عمهم محمد مشاري : ههههههههههه والله غلبتك يلا اعترف مصعب : ه هه ه هه انت غشاش مشاري طير عيونه : انا غشاش محمد : هههههههه ايوه انت غشاش انا شفتك مشاري : محمد لاتشهد زور محمد : انا مالي دخل فيكم انتو اخوان وتتصافون مصعب: اقول مشاري ماادري متى تصير تعرف تلعب مثل الخلق فشلتنا مشاري عصب : مصيعب احسن لك تبلع العافية وتنطم الشرهة ممو عليكم الشرهة على الي يقعد يلعب مع مبزرة –طلع وهو معصب- مصعب :ههههههههههههه محمد : فكة مابغا يطلع ههههههههههههههههه مصعب : تعال العب بس ============================== غلا : سامي انا في حاجة ماسة اليك سامي : هههههه طيب وش تبين يالعروس غلا بخجل : سامي وبعدين سامي : خلاص تكلمي غلا : ابغاك تنزلني السوق سامي : شوفي فزاع دخل فزاع : كاني سمعت اسمي شذى ترمي بلا : ايوه كانو يحشون فيك فزاع التفت يكلمها : وانت ايش دخلك بيننا غلا: والله فشلوها يلا شوفي قطع الغيار فزاع : هذا وانتي عروس لاحول ولا قوة غلا تفشلت: طيب سامي انت وديني سامي : والله ابوي مكلفني بكم شغلة للملكة غلا: سامي بليز انا مااظمن فزاع فزاع باندهاش: ليه؟؟؟؟؟؟؟؟؟ غلا : اخاف تودينا وتقعد ترقم سامي : في هذي صدقتي ههههههههههههه فزاع : اجل اروح اركض ورا حريم شذى : هههههههههههههه يعني لما ترقم ماتركض ورا حريم سامي :ههههههههههه خلاص اوديك واكلف مازن بالشغل غلا : ايه وابيك تمر على ملاك سامي :خلاص اوكي بس متى غلا : الحين سامي : يلا قومي البسي ========================== في الشرقية محتاس مو عارف ايش يسوي : يمه وش البس هذا والله ذاك : وانا ايش يعرفني البس الي يعجبك : طيب البس الساعة السودا والله البني : اف منك ياخالد ماادري البس الي تبغا خالد : طيب يمه ساعديني والله نادي رغد ام خالد : طيب انا طالعة ابغى اروح السوق خالد نازل من الدرج وبصراخ : رغــــــــــــــــد رغـــــــــــد جالسة في الصالة وبيدها مجلة : نعم وش تبي خالد : رودي قلبي تعالي ابيك تساعديني رغد : اف منك خلود ترا الملكة يوم الخميس واليوم اثنين يعني باقي ثلاث ايام خالد : طيب انتي ايش خسرانة اذا جيتي معاي رغد : معروفة اسالتك وجاوبتك عليها مليون مرة خالد : طيب انا محتار رغد بملل: خالد انا عارفة اسمع البس الساعة السودا لانها اكشخ والبس الغترة البيضا احلى وانتهينا خالد : طيب الـــ قاطعته رغد بعصبية : خالد ايش فيك البنت تلاقيها ماسوت مثلك وانت الحمد لله خالد سكت لانه جد زودها رعد : هههههههه العقل نعمة ================================ في الرياض سامي وغلا عند بيت عمهم ابو بندر غلا تتصل على ملاك : الووو ملاك: ايوه الووو غلا: يلا ميمو اطلعي انا بره استناك ملاك : طيب دقايق قفلت ملاك ودقايق الاجات ركبت السيارة ملاك : السلام عليكم غلا وسامي : وعليكم السلام وطول الطريق سامي ساكت وغلا وملاك يتكلمون لحد ماوصلوا المجمع ==================== في بيت ابو مازن ام مازن وهي لابسة عبايتها : هميس ودك تروحين السوق والله عندك فستان انا الحين طالعة ابغى اروح بيت عمك عبد الرحمن هميس : طيب ماما خذيني معاك ام مازن : طيب يلا بسرعة البسي هميس : طيب دقيقة اتصل على شذى ام مازن : طيب بسرعة حتى مااتاخر نبغى نطلع انا وام سامي هميس :طيب دقايق طلعت ركض لغرفتها اخذت الشنطة والعباية والموبايل وهي نازلة تتصل على شذى =============================== في بيت ابو سامي شذى بقهر : انا اوريها ليه ماتاخذني معها حتى انا ابغى كم شغلة من السوق حتى فستان مااخذت ام سامي : طيب عادي روحي بكرة اهم شي هي تلاقي شذى مقهورة من جد ( الله يلعنك ياغلا انا اوريك) دخل ابو سامي :السلام عليكم ام سامي : وعليكم السلام ابو سامي التفت على شذى لقيها تهز رجولها وباين انها معصبة: مين مزعل دلوعتي قولولي بس شذى : دادي ابغى اطلب طلب صغير بالمرة ابو سامي ابتسم : اطلبي عيوني لك ام سامي : وهذا الي مضيع البنت دلالك الزايد_ وطلعت فوق _ ابو سامي : اذا ماادلعها ادلع من يعني فزاع دخل من بره وسمع اخر كلمة : تدلعني انا ابو سامي : ايه بس هي اكثر شذى : احسن تستاهل فزاع لف على ابوه : شفت يبه كيف شمت فيني الاعداء ابو سامي : هههههههههههه الله يخليكم لي فزاع وشذى : ويخليك لنا شذى : يبه صح ابغى اروح بيت عمي سعود ابو سامي : خلاص خلي فزاع يوديك فزاع : اعوذ بالله انا اركب معاي قرود ابو سامي بجدية : خلاص فزاع انت وديها شذى تطالع في فزاع وترفع وترخي بحواجبها شاف ابوه طلع فزاع : امرنا لله شذى سمعت موبايلها يرن : موبايلي فزاع ياشر لها : شوفيه هناك شذى راحت له وردت : هلا هموس هميس : شذى انا جايه لك دقايق بس شذى : طيب انتظرك هميس : بااااااااااااااي شذى : باي قفلت شذى وتكلم فزاع : فزيع ماابغى اروح معاك فزاع : احسن يعني ميت حتى اوصلك بلعنة شذى : ماني رادة عليك _ وجلست_ فزاع : خليني اروح لفارس ابرك لي ام سامي نزلت من الدرج : هذا انت بس برة ماتعرف تقعد في البيت فزاع : يمه اجلس في البيت ايش اسوي ام سامي : اجلس ابغاك توديني السوق انا وخالتك ام مازن فزاع : يمه روحي مع السواق ماادري ليش هو فيه ام سامي بحسم : فزاع انتهى الموضوع ================================== في السوق غلا وملاك داخلين طالعين من محل وسامي يمشي معاهم ملاك : شوفي هذا الفستان سامي : غلا يلا ادخلي شوفيه غلا: طيب دخلوا المحل ودخل معهم سامي غلا شافت الفستان اعجبها كان شكله خطير وفخم بنفس الوقت غلا : واو مرة خطير ملاك : وعليك راح يطلع احلى سامي : ملاك انتي ماراح تشتري ملاك : الا بس اهم شي الحين غلا بعدين انا غلا بشكر : مشكورة ياقلبي والله لولاك مااعرف ايش اسوي ملاك : بلا هبال احنا خوات مابينا هالكلام غلا : ههههههههه والله واحلى اخت بعد ملاك : امشي نحاسب عشان ندور اكسسوار للفستان سامي : يلا وحاسبوا وطلعوا وهم ماشين سامي يفكر ( ماادري ليه ياملاك كل مااشوفك احس اني ملكت العالم لايكون بس هذا الحب الي يتكلمون عنه لا بلا حب بلا خرابيط ) وراح عندهم يتكلم يبغى يبعد هالافكار من راسه ============================= في الشرقية شموخ : نوف اتصلي على رغد نوف تكره رغد لانها شايفة نفسها : وليه انشاالله شموخ : انا رايحة مجمع الظهران تبغين تروحين نوف : ايوه بس دقايق البس شموخ : نوف اتصلي عليها نوف بلا مبالاة : والله تبغينها تروح معنا انتي اتصلي عليها شموخ : يارب صبرني اتصلت على رغد شموخ : الوووو رغد بدون نفس : نعم شموخ عدتها : حبيبتي رغد احنا نازلي مجمع الظهران تبغين تروحين رغد : ايوه بس مو معاكم بروحي شموخ : طيب احنا نازلين ماله داعي تروحين بروحك رغد : والله انا حرة شموخ انقهرت من اسلوبها: براحتك قفلت من غير لا تقول مع السلامة جات نوف : ها ايش قالت ههههه شموخ مقهورة : وجع مهي شايفة احد قدامها نوف : قلت لك ماله داعي شموخ : ماادري وش تحس فيه هالانسانة نوف : تاكل تبن ماعليك فيها شموخ : وانتي الصادقة يلا امشي وراحوا مع السواق للمجمع واكل وحدة اشترت فستان و اتمشوا شوي ورجعوا البيت ================== في الرياض بيت ابو سامي وصلوا ام مازن وهميس وجلسوا بالصالة ام مازن : خلاص الحين نروح نشوف محل ام سامي : الحلويات قال سامي وصا عليها ام مازن : اجل مابقي غير الكوشة والطاولات ام سامي : ايوه _ لفت على شذى وهميس_ وانتو ماتبون تروحون السوق هميس : اكيد نبغى نروح بس ننتظر مي وسارة شذى: اتوقع هم على وصول ======================== بيت ابو بندر مي نازلة من الدرج وبصراخ : وجع سويرة تاخرنا سارة واقفة باول الدرج وتسكر العباية : طيب دقايق انتي متى قلتي انكم رايحين السوق مي تصارخ: يعني ايش يبغالها كلها عباية وانتهينا سارة : طيب خلصت يلا امشي قدامي مي ركبت السيارة وهي تتحلطم سارة : كومار روح بيت عمي عبد الرحمن حرك كومار وراحوا لبيت عمهم ابو عبد الرحمن وبعدهم على طول جات روان وراحوا مع بعض السوق ========================= في السوق خلصت غلا من اغراضها وراححوا لكوفي غلاجلست: اف مابغينا ملاك جلست: والله انتي الي ذوقك صعب سامي : هههههههههه ملاك باستغراب : قلنا شي يضحك سامي : ههههههههه غلا : سامي بلا سخافة ايش فيك سامي : ههههه طيب خلاص غلا : قول ايش فيك سامي : لابس افتكر ملاك وهي ماشية وراك وانتي مافي شي عاجبك ملاك بعفوية ضربته على كتفه : سخيف سامي لما ضربته ارتبك ووقف : تبغون شي غلا : ايه انا ابغى موية سامي يتحاشى يطالع ملاك وطلع جواله : وانتي ملاك ملاك : لا ولا شي سامي : طيب دقيقة غلا اجيب لك المويه راح سامي دقيقة ورجع ومعاه المويه سامي : خذي غلا انا ابغى اجيب عطر من محل هنا في المجمع غلا : طيب راح سامي للمحل الي يبغا منه العطر ============================= الشرقية كانت تكلم حبيبها الي تعرفت عليه في المجمع :هههههههههههه : يالبيه هالضحكة انا :تسلملي : رودي قلبي حياتي ابغى اشوفك رغد : براحتك ميشو قلبي مشعل ( مابغت ترضى): متى ماتبين ياعمري رغد : اسمع ياعمري انا اليوم ابغى انزل الظهران مشعل ابتسم بخبث : متى يعني رغد : كذا على الساعة 8 مشعل : خلاص اوكي انتظرك رغد: اوكي يلا بااااي مشعل : باااااااااااي مشعل بعد ماقفل ضحك بصوت عالي: هههههههههههههههه انتظري شوي اخذ منك الي ابغا وارميك ============================== يوم الثلاثاء والاربعاء كان الكل يستعد للملكة يوم الاربعاء في الليل استقبل سامي زوج خالته وخالته وعيالهم ووداهم على بيتهم اما ابو ثامر رفض يروح معهم و نزلوا في فندق ================ يوم الخميس في الظهر في بيت الجد ابو عبد الرحمن بندر ومازن كانوا داخل الفلة مع منسق الكوشة والطاولات والخدامات كانوا يجهزون الخيمة للرجال اما سامي كان يساعدمازن بعدين راح يودي البنات الكوافيرا ويرجعهم بعدين يرجع يساعد مازن فزاع وفواز وفارس كانوا يستهبلون على الخدامات وكل شوي مازن هو وسامي يجون يهاوشونهم بس مافي فايدة ========================== عند البنات الكل محتاس مع غلا جا سامي اخذهم وداهم الكوافيرا ركبوا كلهم السيارة وكانت معاهم روان ماعدا غلا وملاك تستنيها شذى : وجع ايش هذا دلعها زايد سامي لابس ثوب ومشمر الاكمام طالع شكله جنان: من حقها عروس شذى : وجع ماصارت من امس مانامت وملاك جالسة معها مطاوعتها تقول حرام راعوا مشاعرها سامي ( هذي الهقوة يابنت العم): احسنك ركبت منك جات غلا من غير لاتتكلم وركبت قدام وملاك ركبت ورا ملاك : السلام عليكم الكل : وعليكم السلام هميس : بدري كان ماجيتوا انتي وياها ملاك : غلا كانت تجيب اكسسوار الشعر تبعها شذى : وانتي مالك داعي معها سامي مبتسم ويطالعهم وضلوا على هالحال طول الطريق ===================== في الليل في بيت ابو عبد الرحمن جاو المعازيم وامتلت الفلة واقفين بنص الدرج يطالعون على الحريم ريهام حاطة ايدها على ظهرها : يلا بنات انا تعبت احس ظهري راح ينقسم نصين (كانت لابسة فستان حمل قصير لونه رمادي وفيه حزام لونه بنفسجي وحاطة ايشدو بنفسجي ووردي وشعرها مسويتها البف من قدام والباقي تكسير) هميس : روحي اجلسي تحت (كانت لابسة فستان ابيض قصير وفيه كسرات على الخصر و حزام فوشي فيونكة على البطن شعرها مسويته ويفي وحاطه عليه شريطة فوشي وحاطة ايشدو لونه فوشي طالع شكلها كانها بيبي) شذى : لا اطلعي فوق ننزل مع بعض ( كانت لابسة فستان بني قصير وفيه فصوص ذهبي من تحت ومسويه شعرها ويفي وحاطة اكسسوار ذهبي وايشدو بني وذهبي ) ريهام : لا انا نازلة تحت عند ماما هميس : براحتك وطلعوا فوق وريهام نزلت تحت فتحت شذى الباب بقوة مع فتحت الباب وقفت غلا الكل: هههههههههههههههه ملاك: ايش فيك هههههههه ( كانت لابسة فستان سكري وفيه فصوص لونها ذهبي قصير ومنفوش طالعة كانها من الي في باربي شعرها قصير ولونه اشقر حاطه فيه شريطة لونها سكري وايشدو اسود طالعة روعة بمعنى الكلمة)) غلا عصبت : وجع انشا الله خفي على الباب كانت لابسة فستان لونه اصفر وفيه كرستالات ملونة الظهر كله برة وفيه حبلين كلها كرستالات على شكل X حاطة ايشدو ملون وحاطة روج لونه وردي فاتح ومسويه بشعرها البف من قدام ومن ورا رافعته ومسويه ويفي) شذى : انا متعودة افتح الباب كذا هميس : لايفوتكم رغد جالسة تحت ونافخة ريشها مي : اهم شي جات نوف بنت عمها ( كانت لابسة فستان وردي قصير فيه تموجات باللون الفوشي وفيه فصوص بيضا وحاطة استشوار ومكر لشعرها حاطة مي كاب فوشي وطالعة ولا احلى) شذى : ايوه صح ماناديتهم هميس : ناديهم بس لاتنادي هذي المغرورة سارة : روان وجع انتبهي ( كانت هي وروان مثل بعض فستان لونه احمر قصير وفيه فصوص فضي ومسوين شعرهم استشوار وممكرين اطرافه بس الفرق انه سارة شعرها اطول من روان بشوي وحاطين كرستالة على الطرف لونها فضي وايشدو احمر وفضي) روان وهيم ماسكة علبة المناكير : هههههههههه انتي لاتتحركي شذى : والله اقول يلا ننزل كلنا الكل : يلا غلا : وانا من يجلس عندي ملاك ضمتها : ومصدقة اني اقدر اخليك بروحك غلا وهي ضامتها : الله يخليك لي مي تحب يدها: الحمد لله والشكر لا احسن اقلبوها فلم هندي هميس : لا احلفوا وبقوة بعد روان : مصخرة سارةباستهزاء : وانتي الصادقة بس يلا امشي ونزلوا كلهم لتحت ======================== عند الرجال في الخيمة كان مازن وسامي يصبون القهوة للرجال جلسوا وملك الشيخ بغلا وخالد بس باقي توقيع غلا سامي كان جالس جنب خالد ناداه ابوه: تعال سامي : سم يبه ابو سامي : خذ الدفتر لاختك خلها توقع سامي : حاضر يبه اخذ الدفتر وطلع بره واتصل على شذى ====================== شذى كانت واقفة في المطبخ لان امها ارسلتها تقول للخدامات يجيبوا الحلى دق جوالها شذى : الووو ايوه سامي سامي : شذى انتي وين شذى : انا تحت عند الحريم سامي : ومن عند غلا شذى : مافي احد سامي: طيب باااااي ============================= قفل سامي من شذى وطلع على طول لغلا من الباب الرئيسي حتى يودي لها الدفتر فتح باب الغرفة بقوة ملاك وهي واقفة قدام المراية: وبعدين معاك ياشذى كم مرة قلت لك لا تفتحين الباب كذا سامي واقف مفهي ( يالله ياملاك والله انك ملاك بحق وحقيقة ) غلا كانت جالسة على كرسي بعيد عن الباب : شذى خير واقفة عند الباب سامي مفهي في ملاك ملاك التفتت وشهقت : سامي سامي انتبه على عمره نزل عينه وطلع غلا : سامي ايش كان يبغى اندق الباب غلا قامت تفتح الباب: سامي ايش فيك سامي متفشل : انا اسف ماكنت ادري انها عندك غلا: حصل خير سامي : خذي وقعي غلا ارتبكت: سامي لازم سامي ابتسم : يعني كيف اقولهم تقول ماني موافقة غلا : تسوي خير سامي : اقول بلا دلع غلا مسكت القلم وايدها ترتجف كانت مرة خايفة اخذت وقت وهي تطالع مكان التوقيع طالعت في توقيع خالد مابقى الا توقيعها وتصير زوجة خالد على سنة الله ورسوله سامي : يعني مطولين جات ملاك بعد مالبست العباية ملاك : وبعدين ياغلا كله توقيع غلا طالعته بنظرات خوف ملاك : لا تخافين ولا حاجة يلا عاد سامي يطالعها شوي ويرجع يطالع الدفتر كل مايتذكر شكلها وهي بدون عباية يرجع يطالعها وقعت غلا اخذ سامي الدفتر ونزل عند الرجال =================================== جا وقت الزفة وكانو متفقين انها تنزف غلا بعدين خالد يالسامعين صلو على النبي محمد الهادي الامين يالحاضرين صلوا على النبي محمد الهادي الامين هالليلة من احلى اليالي صلوا عليها بالنبي ليلة بها سحر الخيال صلوا عليها بالنبي هالليلة ليلة ولا ليلة فضائية ليلة بكل الليالي في سعادتها اجمل واحلى ليالي العمر ليلتها وصلت غلا للكوشة وجلست عليها وجوا الحريم وسلموا عليها بعدها جا وقت زفت خالد يوم اقبلوا هيبة وتقدير وايثار ياحي والله شوف واقبال الصقور ياجعلهم يالله من اطول الاعمار حياتهم تزتان بافراح وسرور وصل خالد للكوشة وكان معاه ابوه وابو سامي وسامي وفزاع ومحمد وابو عبد الرحمن جدهم سلموا على غلا وباركوا لها بعدين طلعوا الرجال مابقي الا خالد جابت رغد الدبل اخذ خالد الدبلة مسك يد غلا كانت باردة وترجف لبسها الدبلة جا دور غلا كانت واقفة جنبها ملاك : يلا لبسي اياها غلا بصوت واطي: ها وين ملاك : في اليمين اخذت الدبلة ولبسته هي بسرعة من غير لا تطالع فيه خالد باس راس غلا : مبروك ياقلبي غلا متوترة وبصوت ماينسمع : الله يبارك فيك ام خالد : يلا خالد لبسها الشبكة خالد افتكر : ايوه اخذ الشبكة من العربية الي حاطينها جنبه وهو يلبس غلا العقد علق معاها مو راضي يتقفل غلا متوهقة طول وهو يلبسها العقد خلاص حست انه راح يغمى عليها رغد قربت من خالد : اشوف ماتعرف غلا ارتاحت لما جات رغد قفلته رغد وراحت جلس خالد مع غلا شوي خالد: يلا نبغى نطلع غلا : وين خالد : انا قلت لابوك نبغى نطلع نتعشى مع بعض قالي براحتك غلا : طيب اكيد راح ابدل فستاني خالد : ههههه اكيد بعدين طلعوا من وراحوالغرفة بعيدة شوي بدلت غلا ملابسها وطلعوا مع بعض ================ في الملكة رغد كانت جالسة بروحها ( كانت لابسة فستان طويل لونه اسود وفيه لون فوشي مرة جنان وحاطة ويفي وحاطة ايشدو اسود وفوشي ) وشموخ ونوف كانوا جالسين مع البنات لانهم متعودين عليهم شموخ ( كانت لابسة فستان اخضر قصير وفيه حزام ذهبي وحاطة استشواروحاطة كرستالة لونها ذهبي وحاطة ايشدو اخضر وذهبي ) نوف ( كانت لابسة فستان بنفسجي ومعاه وردي وحاطة استشوار بس مش حاطة ايشدو لانه احلى عليها وحاطة روج فوشي مرة جنان) شموخ كانت تطالع في رغد : بنات خلونا نروح لرغد حرام لوحدها نوف تهمس لها : انثبري مكانك ماكفاك الي جاك المرة الي فاتت هميس : يلا قامت هي وشذى ومي شذى : ماودكم تقومون نوف رجعت على ورا: انا والله ماودي شموخ قامت معاهم: انا جاية معكم وراحوا جلسوا عند رغد شذى : ههههههههههههههاي رغودة رغد بدون نفس : هاي هميس مااعجبها الوضع : رغد ليه ماتجين تجلسين معانا رغد : والله انا مااجلس مع أي احد هميس تطالع في شذى : يعني كذا اجل يلا شذى احنا مو من مستواها شذى : مالت عليك وعلى مستواك شموخ تهدي الوضع : لا يابنات هي مو كذا قصدها رغد : الا كذا انتو مو من مستواي هميس انقهرت: خلاص ماله داعي المشاكل الحين وراحوا وجلسوا نوف : ها ايش صار هميس: وجع ماادري كيف طايقة نفسها نوف : ماقلتلكم شذى : والله توبة اكلمها =================== نهايةالفصل الاول البارت الثاني تحيــــــــ دكتورة ــاتي .gif "thanks")  |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| إلـى كــل فـتـاة | CRAZY~LOVE | حواء ~ | 22 | 07-02-2011 07:38 PM |
| كــل وآحد يقـــولنـــآ [ كيف ] ينــــــآآم ..؟! | شعري كدش من الطفش | مواضيع عامة | 13 | 08-23-2010 06:01 AM |
| آآه لــو تـــعـــرف كــم احــبــك | دمعة وسط البحر | محاولاتك الشعرية | 1 | 02-05-2010 06:02 PM |
| كــل عــام ونــتــايــجــنــا بــخــيــر!!!!!!!!! | أحلى البنات | أرشيف المواضيع الغير مكتمله او المكرره او المنقوله و المخالفه | 3 | 01-11-2007 02:31 PM |
| كم وزنك ؟؟؟؟؟؟؟؟؟؟كــم وزنــك ؟؟ | الداعية | نور الإسلام - | 23 | 01-03-2007 02:10 AM |
العرض العادي
