|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#1
04-02-2010, 12:23 PM
| ||
| | ||
 قصة في أحضان الرياض / بقلمي بسم الله الرحمن الرحيم هذي قصه شبه واقعيه اغلبه واقع وفيه من نسيج خيالي قصه سعودية نجديه تدور احادثها مابين السعوديه والامارات بدينــــــــــــــا.... (العــــــــــــــــائلة) ابو مقرن (79)هذا الرجال الكبير في العيله يشاورونه في كل شي لانه هو الكل في الكل تزوج كثير وعنده عيال لا يحصون الي في الرياض والي في القصيم والي في جده والشرقيه والي يدرس برى مارح اذكرهم كلهم بس راح اذكر الي بالقصه فقط... غني بس الي يشوفه مايتوقعه غني لانه مايهتم بالمظاهر وساكن مع ولده الكبير .................................................. ........................ الريــــــــــــاض مقرن عمره (55) معتمد عليه ابوه في كل شي لانه اولده الكبير عصبببببببي كلمته وحده لو تحترق العالم ما يغيرها مشاعل (45) زوجت مقرن حبوبه والكل يحبها تجلس معها لازم تهستر من الضحك قصيره عيونها كبار سمينه شوي وكل يوم بكره ابي اسوي رجيم عندهم 6 عيال هم بترتيب... ناهس (28)ولدهم الكبير ظابط تخرج من هنا وزوجوه من هنا طويل ابيض ابدووووووووي خااااااالص ما كانه عايش في 2008 نكوتي طالع لامه بس مشكلته انه متسرع زوجته اسمها عبير هااااديه واذا طلبتها ماتردك لو ييصير الي يصير عندهم ولدين وبنت عبد الرحمن وعبد الله وبسمه كلهم صغار لانهم ماجابو بدري يمكن جلسوا يتعالجون 6 سنوات الين ماربي رزقهم جاسم هذا الله يرحمه مات في حادث سياره كان عمره (19) طالع مقهور من الاختبار هو وصدقاه وجلسو فيحطون ونقلبت عليهم السياره وماتوا كلهم الا اثنين واحد انشل شلل كامل والثاني اتكسر لين ما قال بس ميحد (21)هذا اخر سنه في الكليه البحريه ما يجي لاهله الا في الاجازه الصيفيه هذا بذات مزززززززززززيوووووووووووون والي محليه لون البرنزااااج الي فيه طويل بالمره جسمه رياضي عيونه كبار عسلي فاتح خشمه فيله كسره بس خطيره عليه ومايطلع من البيت الاوهو متزبط يعني راعي اتكيت بالمررره ثقيل ما يعطي وجه للبنات هذي بطلت القصه قطوف عمرها (19) متوسطه الطول شعرها اسووووود كانه سواد اللليل لنص ظهرها مليانه شوي عيونها كبار فمها صغير خشمها سيف سمراء يعني بنت سعوديه مملللللوحه بققققووووه عنيده ما احد يقدر يوقفها اذا حطت براسها شي قلبها طيب تسامح كثير وهذي مشكلتها تحب الموضى مررره والسوق فيها مرض اسمه يالله مشينا لسوق تسمعها وهي نايمه لو سمحت مافيه لون ثاني ولا وييييي ويييي ياحلللللوه صااااااااااروخ ولا امووووووت انا بااسواق الريييييياض وشبابها ملاك (16) سنه اسمها غيرررر عن طبااااعها تحب قطوووف مرره عربجيه بقوووه عنده قاعده لا يمكن انها تغيرها (ما احب محمد عبدو ولا الرياضيات ولا السوق ) لبسها كله برمودات وتشرتات ما عندها شي اسمه مستحيل ما همها كلام الناس عكس قطوف خارمه في اذن خمس خرمات واذن سته خرمات عندها ابتسامه خقاق وغمازات نحيفه بيضاء وشعرها قصير لو تشوفها من وراء تقول ولد بس مطول شعره شوي خالد هذا عمره (12)سنه حبوب الولد مهوس اسلحه من كثر ما يلعب بلاستيشن كل ما يدخل محل الاعاب لازم يشتري مسدسات وسكاكين وقنابل تقول انه رايح للعراق يحارب .................................................. ............................................. اخت مقرن حصه هذي متكبررررره وشايفه عمرها متزوجه واحد من ال سعود طويله بيضاء مليان جسمها لون شعرها احمر قصته فرولا حلو عليها عندها منه ولد وبنت ... ميسا(20) سنه متكبره اكثر من امها طويله ونحيفه وبيضاء وقاصه شعرها دقراديه وصابغه اطرافه وردي لانها (miss pink) كل شي عندها وردي غرفتها جوالها اغلب ملابسها لون اضافيرها شنطها ساعتها يعني عايشه بعالم بنكي ماتحب ينرفض لها شي وتحب تتحكم بكل شي مزاجيه لايعد الحدود عبد المجيد (18) بالمختصر عايش سنه مافيه شي في بالله الا وسواه سفريات وهو اصدقاه لحالهم شليهات وحفلات وبنات وشرب اسمر حاطله سكسوكه شعره شوي كدش متوسط طوله شوي عنده عضلات اهم ماعليه برستيجه قدام الناس .................................................. ...................................... مشاري اخو مقرن متزوج 3 وحده سعوديه وحده سوريه وحده تركيه لان كل خلفته بنات يبي ولد بس ماجه ونواي يتزوج الرابعه اذا ماجبت التركيه ولد يتقال انه مطوع بس من جنبه الدين في وادي وهو في وادي يعني لوك مطوع بس ثوب قصير لحيه طويله سبحه باليد والعن باللسان وهو ياليته يقوم يصلي الفجر عايش بفله كبيره مره 4 ادوار وبادروم مسكن كل وحده بطابق ... مها زوجته السعوديه وبنت عمه تزوجت مشاري وهي صغيره يمكن 16 او 17 سنه حلللللللللللللوه موووت بس مشكلتها قصرها الزايد هاديه وراكزه حبوبه تحب الكل جايبه 4 بنات ... فاطمه (27) متزوجه ومسافره مع زوجها بعثه وعندهم ولدين خلود (25) عايشه مع زوجها في الجنوب نبيله (23) حايسه بزواجها الي بقيله شهر اول ما تشوفها تحبها كيووووت مررره تستحي بسرعه يبان فيها الوان قوس قزح راعيت فزعه تطلب روحها تقولك فداك تهاني (20) حاقده على الرجال كلهم ونفسها تقطعهم بسنانها تفكرهم كلهم زي ابوها هي وقطوف في نفس المدرسه ونفس الفصل علشانها عايده اولى ثانوي قطوف تحزن عليها عارفه ان ابوها معقد علشان كذا اي شي تطلبه تهاني تجيب لها قطوف مثلا جابتلها جوال بسر ماتبي بنت عمها تحس انها ناقصه عنها بشي اذا جاتلها تهاني يطلعون لسوق بدون مايدري احد يستهبلون يعني تحسسها انه الحياه حلوووه تهاني جمالها نجدي العيون الكبار الشعر الكثيف البياض الجسم المليان بس مع طولها طالع حلو عصبيه وما تسكت عن حقها ابد ابد ابد واذا زعلت ما احد يرضيها لو ايش سولافه زوجت مشاري السوريه بيضااااااااااء زي الثلج حامل وطالعه كانه دب قطبي من سندوشتات الزعتر والكنافه سوووووووسه ماتعيش الا بالمشاكل تدخل بكل صغيره وكبيره لها بنتين .... صباح (16) طويله بيضاء زي امها اذا عرفت شي ولا سمعت شي على طول عند امها ولا كانها قنات العربيه مع قطوف وتهاني بالمدرسه ومتفوقه في كل سنه الاول واذا نقصت ربع درجه جاها انهياار عصبي كانه ميت لها احد موناقص ربع (هذي لو تجرب تخذ جيد مو مقبول جيد وش بيصير فيها شكله سكته قلبيه) فيروز (13) هاااديه انطوائيه بالمررره عندها نقص في ثقه بالنفس من جسمها لانه فيه زيادة لفراز الهرمونات دبه بالمررره وبيضاء بالمممره التركيه عروس مالها نص سنه مع مشاري ماتنزل من قسمها الا اذا تبي شي وبس ويالله يالله ينفهم وش تبي ماتتكلم الا تركي وفرنسي .................................................. ............................................. جــــــــــــــده... البندري هذي اخت مشاعل وزوجها سامي اخو مقرن سامي يشتغل بشركته الخاصه ماله شغل باحد اهم ماعليه نفسه وزوجته وعياله والبقي ولا شي يحب الفشخره قصير ودب وما يعصب الانادرا يمكن بالسنه مره او مرتين البندري هذي دكتوره في مستشفى نفسي هاديه حلوه خشمها صغير يجنن طويله شعرها لحد كتفها وصابغته بني فاتح مع خصل ثلجي تحب الموضه مررررره ويزيد اهبالها اذا شافت قطوف ماحد يمسكهم بالسوق لو فيهم يعسكرون قدم باب المول الين ما يفتح يسونها عندها ولد وبنتين ... يارا(16) قصيره زي ابوها شعرها ناااااعم غبيه بزياده ما تعرف تتصرف ابدا ماعندها شخصيه ممسوحه وتحب تقلد علشان كذا ما عندها صديقات كثير عنود (12) رجه البنت ما تسكت ابد الا اذا جت بتنام (اتوقع فيها عرق هندي) طويله اطول من ياراودفشه يعني احياٌ تضرب يارا الين ماتبكيها شعرها كريلي سمراء من الشمس من كثر ما تلعب بالحوش وائل (8)سنوات دلوع ابوه ما ينرفضله طلب .................................................. ................................................. الشرقيــــــــــــه عبد الصمد اخو مقرن هو الوحيد من عيال ابو مقرن الي بشرقيه سكن فيها بسبب شغله في ارمكو متزوج من هنادي بنت جيرانهم في الرياض كان يحبها وهي بعد جابت يزيد وتعبت وقالوا الدكاتره ان قلبها مايستحمل الضغط او الارهاق واذا حملتي فيه خطوره على حياتك وحياة الجنين هنادي خطيررره خطيررره تبسط كل من يجلس معها دبه شوي سمراء وصابغه شعرها بالوان شوكلاته طالع جنان عليها متوسطة الطول ماتحب التعليم هي اصلا يالله يالله نجحت من الثانوي علشان كذا ماكملت تعليمها بعد ماصارت تجلس في البيت طردت الطباخ علشان هي الي تبي تطبخ من الطفش الي فيها وفي اول شهرين كان عبد الصمد مداوم في المستشفى من طباخها ياغسيل معده ياتسمم يا....الخ يزيد (18) حلو بمعنى الكلمه شعره طويل كثيف لون بشرته بيضاء عيونه ناعسه عسليه فله بمعنى الكلمه واهم شي عنده امه يحس انه هو الي جابلها المرض علشان كذا يسمع كلامها ولا يردلها طلب ما عمره طول بالرياض اكثر من 3 او 4 ايام يوصل امه يسلم على جده ويرجع لشرقيه وبس يحسه كايبه لانه مايعرف حد اهناك بنفس عمره .................................................. ............................................... الأمـــــــــارات مريم اخت مشاعل والبندري متزوجه واحد اماراتي اسمه اسماعيل اهم ماعليه الشركه والشركه وبس نحيفه عامله برونزاج لبشرتها وصابغه شعره كنستنائي بخصل بني غامق على نياتها ماتدري وش السالفه اسماعيل عصبي عصبي عصبي وفيله الضغط من عصبيته الي مالها داعي يسافر كثير يدوب يجلس في الامارت شهر واحد كله علشان الشركته عنده ولدين وثلالث بنات هم بترتيب .... نوال عمرها (19) هذي توام روح قطوف اعقل منها بشوي طويله بزياده جسمها جنااااااااان كانها مودل شعرها قصير قاصته دقرادي ومصبغه فيه لين قايل بس كل الوان قوس قزح موجوده فيه ... كل شي متوسط فيها عيونها خشمها فمها محبوبه واجتماعيه درجة أولى علاقاتها اكثر من علاقات كندليس ريس مطلق عمره (17) هذا الولد بدووووووووووووي كانه عايش في البر اصلا مادري كيف جاء بينهم ؟؟؟؟؟ اسمر من الشمس يموووووت بشي اسمه بر والقنص ما يقدر يعيش بدونهم لازم جرعه اسبوعيا فاشل درسيا ولاهو يم الدراسه خير شر ويكره شي اسمه السعوديه لعقده نفسيه كان في السعوديه يوم هو صغير ونضرب ضرب ومن بعدها كرهها وشباب كووول (مره شاف واحد لابس لو ويست راحله يركض يقول بنطلونك بيطيح ارفعه) غلا هذي عمرها (16) حملت فيها مريم على طول ورى مطلق ماكنت داريه فيها الا بالشهر الرابع نحيفه شعرها طويل على بني لاخر ظهرها بيضاء هذي صديقتها ملاك يموتون في بعض كل شي يسونه مع بعض حتى الاستهبال ما يستهبلون الا اذا شافوا بعض دمعتها على خدها وكل شي عندها ايزززززززززي تقولها بكره بتموتين تقولك ايزززي محمد هذا خطير على صغر سنه الا انه اجناااااان يفهم كل شي عمره (14) يحب الكمبيوتر الجوالات النت غير عن اخوه 180 درجه واتحد مافيه جهاز بالكون ماهو عنده ماخذ جائزة على مستوى الامارت لانه مخترع شي (والله ما اعرف وشه بس انه للمعاقين) سمر هذي اخر العنقود عمرها (8)سنوات دلوعه بنوته شعرها قصير بيضاء طالعه على نوال دلوعة الكل طبعا |
|
#2
04-02-2010, 12:26 PM
| ||
| | ||
| بالريـــــــــــــــــاض... قـــــــــــــــــوم اوقــــــــــف وانــــــــــــــت بتكـــــــــــــــلمني اقـــــــــــــــــوم بصلـــــــــــــي وفهــــــــــــــمني انــــــــــت ليـــــــــــــــه ليــــــــــــه ماتحبـــــــــش تسمــــــــــتع انك غلطــــــــــان اقـــــــولــي طيــــب لــــيه ولا حتـــى بتســـال وكمــــان زعـــــلان لــــــو نسيـــــــــــــوا يعلــــــــــــــــموك او حتى يفهــــــــــــموك الــــــــــي فــــــــــــاتك مـــــــــن حيــــــــــــاتــــك حعلمـــــــــــهولك ......: وووووووووووووووووووووووووجعععععععععععععععععععععععع عععععععععععععععععععععععععععععععععععععععععععععع ياملا الصمخ ان شاء الله بكزينو حنا مو بيت قطوف وتبن قصري الصوت قطوف ترقص مصري ولا همها تهز وتدلع قدم المرايه وتوزع بوسه وعبير تصفق و تهاني ترمي ريال وترجع تاخذه وترميه من جديد مو موجود الا هو دخلت ملاك معصبه تهوش : انتو ماتربيتوا يالسلق انت وياها ورحت عند المسجل وحطت شريط خالد عبد الرحمن وهي تقول : فددددددددددديتك يابو نايف صدق انت الفنان حبـــــــــــــــــــيبي اســـــــــــف ازعــــــــــــــجتك حلـــــــــــــــو صوتـــــــــــك قبـــــــــــل ما تنــــــــام وملاك ترقص وعبير معاها وقطوف تصورهم بالجوال وملاك تنزل وتهز رقبتها كانها امراتيه والتصفيق والهياص الا فجائه الباب بقوى انفتح دخل ناهس يهاوش قصرو على الصوت الراديو واحطوا على اذاعة القران ابركلكم والبنات يضحكون على غبــــائه ناهس : عبير يالله مشينا للبيت الساعه 11 ابي ارقد بكره مستلم وعبير وقفت تسلم على البنات وطلعت مع ناهس تنادي اعيالها تهاني : قطوف يالله توصليني للبيت ماابي اتاخرت علشان ما اسمع تهزيئه اليوم ملاك وصوتها مثقلتها زي الشباب استهبال : بالله يامود مقفل اليوم عسى ماشر ليكون زعلانه بس تهاني تقلد ملاك بصوتها : يابو الشباب بكره فيه اختبار وانا مذكرت قايله لامي ابي اذكر عند قطوف بس مين يذاكر عندها ذي قطوف : لا والله محد ضربك على ايدك وقالك تعالي ذاكري عندي تهاني : قطوف بالله وش نسوي الحين والاختبار نهائي قطوف : الله يخلي سماهر تلقينها ناسخه التخطيط كله مع الرسم بقفى الشرقيه اذا خلصت ناخذها . اصلا هانت هذا اخر اختبار وبعدها تبدا الاجازززه الصيفيه تهاني : فديت الصحبه الي كذا قطوف : يالله قوم اوصلك ونمر على مطعم حدي جوعانه موووت تهاني : لا انا مابي انا شبعانه بس ابي انام والله دايخه قطوف : ملاك تروحين معي ملاك : وين؟؟؟ قطوف : اي مطعم تبينه المهم ناكل انا ذبحنب الجوع ملاك : ايه .........مممم ............. اي مطعم ....اي مطعم ....ايه كنتاكي الي يشتغلون فيه حلوووين .......لالالا .........ايييييييييييييييييييييه قطوف وهي ماسكه اذنها من صراخ ملاك : وووووووووجع ااااذني ملاك وهي مكشره: يوجعك ان شاء الله خلاص ماابي اروح وجت تبي تطلع الا قطوف مسكتها : ملاك يالله عاد بلا بزرنه امشي الي تبينه حاضر وعلى احسابي بعد ملاك : طيب بس مانطلع الا لم اقول انا فاااااااهمه قطوف لفت تبي تروح تلبس : طيب بس بسرعه وانتي جاهزه نستناك تحت ودقي على السايق خليه يجهز السياره ملاك طلعت لغرفتها دخلت قطوف لغرفت ملابسها تلبس طلعت لصالت غرفتها وهي تقول لتهاني : تهاني شفتـــــي حلقت نوور اليوم خطييييييي....تهاني تهاني ...... بسم الله هاذي وين راحت ؟؟؟ تسمع صوت شخير بس ماتدري وين تلف يمين يسار مالقتها الا فجائه تلقى رجل على الارض بجنب الكنبه جلست تجري تناديها تهاااااااااااااني جلست على ركبتها مسكتها بايديها تهزها :تهاني تتتتتتهاني ........قومي ......بسم الله ....وش فيك تهاني تهاني وهي يالله تفتح عيونها : امممم ........امي بس شويه .......خششششششششششششششش قطوف مسكت العصير الباااارد الى على الطاوله وعلى راس تهاني : وووووووجع الواحد مايعرف ينام .........وش هاذ الله يقرفك قطوف قطوف وهي تضحك : علشان تعرفين تنامين على الارض خوفتيني تهاني توقف وتقلد قطوف : خووووووووووفتيني قطوف تضحك وهي تلبس عبيتها وتهاني تمسح العصير الي في وجهها وشعرها ركبوا السياره قطوف متبرقعه بس البرقع عليها غير جنان العيون الكبار تسحر مع الكحل تخققققققق تهاني راميه الطرحه اي كلام تبي تخلص بسرعه وملاك متحجبه والعبايه مفتوحه والبرموده طالع والشنطه من كوتش الي على الجنب والقفاز الاسود شكلاه كيوت مع التخبيص هذ كله والكم مشمرته وصلوا تهاني للبيت وهي راقده نزلت طاحت وقفت وصقعت الباب ودخلت وملاك ماتت ضحك وقطوف تضحك على ضحك ملاك خان: قتاوف وين روح ؟؟ قطوف : وين ملاك اي مطعم ؟؟؟ ملاك وهي تبتسم : ماكدونلز الي بتحليه ياخان خان يهز راسه : اوكي ملك قطوف وهي تبتسم: وشوف الابتسامه شاقه الوجه شق قطوف وهي تقلدها: ماكدونلز الي في تحليه ياخان اثير السالفه تبين ترقصين ملاك تضحك : لاوالله بس صدقاتي يقولون الرقص هناك شي بعد الساعه 11 قطوف: طيب قولي من اول كان خليتني اتعدل شوي ملاك : انتي كذا والشباب ملاحقينا اجل لوفكيت البرقع وش يصير قطوف وهي تبتسم وتحط رجل على رجل وبكل ثقه : يذبووووووووووووووووووووووووووووووووون ملاك وهي تضحك : لا انا قصدي اذا شافوا وجهك راح يخترعون خليهم على العيون قطوف وهي تضرب ملاك بالشنطه : وجععععععععععععع وصلو البنات لماكدونلز نزلوا وكانت فيه شلت شباب قدم ماكدونلز موقفين معلين على المسجل على اغنية رابح صقر في منتهى الرقه ملاك اول مانزلت جلست ترقص واهي تمشي وقطوف تكلم بالجوال الا واحد من الشباب ياشر على ملاك و يصارخ : ابو شبااااااااااااااااااب ارقص شووووي عندنا ملاك وهي مبسوطه فيه احد عطاها وجه : لا تسلم اخاف تصكووني عين اعرفكم انتم ماتصدقون تشفون وحده ترقص وحد من الشباب طلع من سيارته وقرب من ملاك : ااااااااااااااااااافا اعطيك عين ليه. انا اعطيك رووووووحي كلها بس تعطيني رقم الي معك ملاك : لا والله وش تبي فيها اكبر منك ذي ؟؟؟ الولد : وانتي وش دخلك اكبر مني اصغر مني شي بيني وبينها ملاك : وجع صدق انكم جيل فاااااسق الولد : حنا جيل فاسق اجل انتي وش يابعد تسبدي ملاك تحمست بزياده :اه ضحكتني يابو الشباب انا اسواك انت والي جابوك فاهم وتاشر له بيدها الولد تنرفز بزره وتسب بعد : اقول عطيني رقمها لا العن ابو خيرك هنا ملاك وهي رافعه حواجبها : لا مني معطتك . واذا فيك خير ورني وش بتسوي الولد مسك شنطة ملاك الي على الجنب باسرع ماعنده وجا بيطلع الجوال ملاك ارتبكت من حركته قامت دزته ورجعت وراى بسرعه تبي تشوف قطوف وين مالقتها تدور وهي خايفه تحس بخطواته يقترب منها وتسمع صراخ اخويه الي يشجعونه والي يضحكون عليه .... الا فجائه مسكتها يده وهو يلفها بقوه : على وين حسبالك دخول الحمام مثل خروجه ملاك وهي تقوي نفسها ماتبي تبان ضعيفه ولا تبي الخوف الي في عيونها يبان : اخر يدك عني يا حثاله الولد :الحين انا حثاله والله ما حثاله الا انتي يالعربجيه مسويه فيها ولد.وبقوه صار يضغط على يدها ويقول :اقول عطيني الرقم لاتخليني اخذه بالقوه الافجائه جاء السكيرتي الي عند باب ماكدونلز يبي بشوف وش السالفه وهو يصارخ : اخوي ابعد عن البنت لو سمحت . بعد الولد وهو يرفع اصبعه :والله مااخليك لو الموت يخليني وملاك وهي تحول تخبي رجفتها : اعلى مابخيلك اركبه يا....ياحثاله دخلت ملاك والسكيرتي يحول يطرد الشباب من الباركنج بس ماقدر عليهم دخلوا لقسم العيال علشان ياكلون .................................................. ............................................. قطوف وهي تضحك لما سمعت رنة جوالها بشعر فزاع لمني في السياره : هلا والله باهل الامارات ......: ويييييييييييييين يالقاطعه لك اسبوع مادقيتي قطوف وهي تنزل من السياره وتضحك على ملاك وهي ترقص على رابح : فاتورتي صاكه الالفين منك وابوي حالف لواعيدها ليسحب الجوال .......: انتي وين ؟؟؟ وش هالزعاج ؟؟ قطوف : وهي تدخل ماكدونلز : انا في مكدونلز نوال تبين اطلبلك وجبه يوصلونها لك في الامارات نوال : حللللللللللللللللللوه متى تجيني هذي تتعفن ولسه مجات قطوف : ياربي زحمه وين القالي مكان الحين ؟؟ نوال : ايه ....... صح يسلم عليك فهوووودي قطوف وخدودها حمررر: هاااااا نوال وهي تضحك : وي وي وي وي وي وي وي استحت البنت قطوف : وجع دامك تعرفين اني استحي ليه تقوليلي ؟ نوال : موصيني توصيه كل ماشافتني سلميلي على قطوف وقولليلها وحشتي الامارات قطوف والابتسامه شاقه الوجه : ايه ..... طيب الله يسلمه نوال : يالله باي يالدبه وخففي لا تسمنين تراك منتي ناقصه ههههههههههه قطوف : مااااااااااااااااالك شغل يالنحيفه عناد فيك راح اطلب سوووووووووبر نوال : سوووووووووووبر علشان فهد يسويلك سوووووبر بلوك على قلبه قطوف : لا لا لا خلاص راح اطلب وجبت اطفال ....هههههههههههه نوال : هههههههههههههههههه عفيه حبيبتي ولاتنسين تشربين الحليب قبل متنامي وتفرشي اسنانك .. بنتي الاموره قطوف : حاضر يا امي الغوله هههههههههه نوال : في عينننننننننننننننك اشرهه مو عليك على الي داق يبشرك انه جيين للسعوديه قطوف وهي تصارخ وكل الي حولها يطالعون : معععععععععععععععععععععععععععععععععععععععقول راح تجون اخيرا لك اربع سنوات ماجيتي للسعوديه نوال : ايه ايش ريك ؟؟ راح نفل ابوها قطوف وهي مبتسمه : ابوها بس . الا امها وابوها وجدها وعمها وخالها وشغلتها وسواقها بعد نوال : لا تقولين لاحد امي تبيها مفاجئه قطوف مستغربه : ليه ؟؟؟ نوال : انتم لكم اربع سنوات تجونا للامارات كل مررره تسونها مفاجئه ذي المره حنا بنسويها فيكم ok قطوف : اها طيب سرك في بير نوال : يالله باي امي تناديني طو طو طو طو طو طو طو طو طو طو طو طو طو طو طو طو طو طو طو طو طو طو قطوف وهي تضحك تكلم نفسها: ياحبيي لك لقتلها طوله فاضيه وجلست فيها انتبهت انه ملاك مو موجوده نزلت البرقع وجلست تدور بقائمة الجوال تبي تدق عليها الا فجائه ملاك دخله عليها وهي معصبه وتسب قطوف : وش فيك ؟ ملاك : جييييييييييييييييييييييييييييييييييييل فاااااااااااااااسق قطوف : ههههههههههههههههههههههههه يحليلك يالسديس وش فيك ؟ ملاك : واحد نشبلي بحلقي برى يبي رقمك قطوف متحمسه : حللللللللللللو ؟؟؟؟؟؟؟؟؟؟؟؟ ملاك تناظرها بنص عين : اقولك شوي وياكني حيوووووان كسرلي ايدي قطوف : احسن مين قالك بعدي عني ملاك وهي معصبه : انطمي لا الحين اطلع حرتي فيك . اصلا كله من وراى راسك قطوف : هههههههههههههه وانا وش ذنبي اذا ربي خلقني حلوه ملاك وهي واقفه : انا رايحه اطلب وش تبين ؟ قطوف : ماك عربي .................................................. .................................................. خلصوا وطلعوا برى اول ماطلعت ملاك شافت الولد ياشرلها بالجوال ملاك دزت قطوف : شوفيه هذا هو الله لايوفقه قطوف وهي تركب السياره : ملاك خليك منه يالله يعني وش بيسوي . بيلحقنا للبيت يعني .الله يخلي خان اخذ دبلوم خبره في تضيع شباب الرياض ملاك : ماهمني اخر عمري يهموني الاشكال الي كذا قطوف : ههههههه بس بس عاد الي يقول مادخلت وهي ترتجف ملاك : ولا حرك شعره من راسي ها الخكري قطوف : هالحلو هذا خكري الله يهديك ملاك وهي تضحك : جيل فااااااااااااااااااااسق .خان شغل على ابو نايف الله يطول بعمره . وطالع بقطوف وتقول : جيل فاسق .................................................. .................................................. ................ الولد انقهر حالف الا يجيب رقمها مو هذي الي دزه وتضحك الناس عليه ركب السياره وركب اثنين من اخويه يبون يلاحقونهم فالبدايه كانوا وراهم بالظبط بس خااان مخلاهم يلحقونه ضيعهم عنده خبره من كثر مايلحقونهم شباب صار يعرف كيف يتخلص منهم بسهوله لانه عارف الرياض وحواريها اكثر من سكان الرياض نفسهها .................................................. .................................................. .................. الساعــــــــ 3 الليل ـــــــــــــــه في واحد من قاعة القصور الكبيره في احياء الرياض الفخمه جدا كانت ميسا تتمخطر بفستنها الوردي الي مصمملها خصيصا مصمم العالمي فرساتشي كان لنص فخذها طولها تقريبا من قدام وله ذيل من وراى مرسوم عليه فراشه فوشيه محدده بشرايط ساتان اسود وكان ضيق مررررره من فوق مع هاي نك كانت لبسه معه صندل ربط شرايط ستان اسود وكانت لابسه تاج صغير شوي وعامله لشعرها بوف بسيط كان شكلها ياخذ العقل كانت ماخذه عيون كل الحاضرين لسببين اولا لانه عيد ميلادها وثاني بنت حسب ونسب وجميله ودلوعه فوق كل هاذا المتواجدين كانوا من الطبقات المخمليه بنات الفلان وزوجات علان وسيدات الاعمال (بختصار الناس الهااااي ) ميسا وهي ترقص مع صديقتها على صوت المغنيه احلام الي محيه الحفله : شفتيها كيف مقهوره .....: ايه كانت تقول مااحدراح يسوي حفله احلا من حفلتي ابدا ميسا واهي تصفق على انتهاء الاغنيه : خليك منها جوجو هذي ماجات مستوي ولا راح تجي يوم من الايام خلصت الاغنيه ونزلوا البنات وانفتح البوفيه للعشاء كانت نجود صديقة ميسا من ايام الثانوي او بالاحرى مساعدتها لانها ماعندها شخصيه او تنمسح شخصيتها قدام ميسا يعني اي شي تطلبه ميسا منها تقوم نجود تنفذه على طول لو على حساب نفسها نجود نحيفه شوي طويله تشبه بجسمها جسم ميسا بس ميسا احلى شعرها لكتفها لونها بني عامله برنزاج لانه ميسا قالتلها سوي برنزاج يطلع عليك حلو بس الحقيقه مبشععه اكثر عيونها صغار خشمها عريض وفمها كبير شوي جمالها عادي جدا خلصت الحفله على قريب الشمس ما طلعت وفي صالة الدور الثاني كانت ميسا وامها حصه جالسين يتكلمون ايش صار في حفلة اليوم حصه : ياحبيبت الكل انتي الله يحميك من شرهم والله خفت انهم يعطونك عين ميسا : مامي ايش الخزعبلات هذي .المهم مامي شفتي ام هاني كيف ....هههههههه والله انها مصخره حصه : هههههههههههه كنت شوي وتبكي قهر عشان عيد ميلادك احلا من عيد ميلاد بنتها ميسا بغرور : ايش جاب لجاب حصه : يالله انا تعبانه راح اروح امسح الميك اب واغير الفستان وعمل ماسك ...... ياربي مشوار لين ما أنام ميسا : هههههههههههههههههه مامي ايش الكسل هذا ...... شكلك عجزتي حصه : يابننننننننننننننننت استحي على وجهك ان عجزت انا لم اخذت ابوكي كان عمر 11 سنه ميسا : 11 سنه ........ والصور ماتقول 11 سنه تقول 40 .......هههههههههههههههه حصه وهي مصدومه تطالع في المرايه تشوف فيه تجاعيد ولا لا: 40 طيب يا ميمي طيب ........ انا لسه ماجيت الـــ40 ميسا وهي ترمي بوسه في الهوى لامها : i love you mamy حصه راحت لجناحه وميسا قامت تبي تروح لجناحه وهي ترقص مبسوطه اليوم قهرت البنات طلعت احلى وحده وحفلتها طلعت احلى حفله وهي عند باب جناحه الوردي تسمع صوت عبد المجيد يناديها ميسا : yes (نعم) عبد المجيد : hapy barth day pinky (كل عام وانتي بخير وردي ) ميسا وهي تتصنع الزعل : thanks (شكرا) ميسا كانت بتدخل لجناحه الا عبد المجيد قال : احم احم ... لفت ميسا وقالت بعصبيه : خيـــــــــــر عبد المجيد وهو يطلع ورده من جيبه قاطفها من حديقتهم متعفصه ومتقطعه لانها كانت في جيبه : قلت كلهم بيجبولك هدايا ماديه خليني اجيبلك شي معنوي ميسا تطالعه من فوق لتحت : ورده ومعفنه في جيبك هذا شي معنوي عبد المجيد يضحك : ايه فيه احد في السعوديه كلها يجيب لاخته ورده هههههههههههههه ميسا : ههههههههههه.... الله وتصفق : يعني يعني best brather عبد المجيد : يالله تصبحين على خير انا حدي دايخ ومقهور ميسا بفضول وتقرب من اخوها : ليش ؟؟؟ عبد المجيد سرحان بلوحه المعلقه : والله لاوريها انا عبد المجيد تدزني ميسا تبي تعرف وش السالفه : عبد المجيد من هي ذي ؟؟ انت وش فيه تتكلم ؟؟؟ عبد المجيد حس انه قال الكثير وجاء بيرقعها : الله ميسا حلوه تسريحت شعرك ..... يالله انا رايح انام نومااااااااا عميق ميسا تعرف انه علاقتها بخوها مو قويه علشان كذا مايبغى يقول : have nice dream .................................................. .................................................. ... بالشرقيه ........ هنادي بالمطبخ تعجن العجينه ويدينها كله دقيق في دقيق وتقرا كتاب الطبخ تبي تسوي معجنات ليزيد اللي يحبها يزيد : يمه الله يهديك ليه تتعبين عمرك ؟ هنادي : لا تعب ولا شي , حبيت اسويلك اكلتك قبل مااسافر يزيد وهو يبوس راس امه : الله يحفظك لي . يمه متى نوااااويه تســـــــــاقرين لي الرياض ؟؟؟ هنادي شمت ريحت دخان مسكت قميصه يزيد وسختها بالدقيق الي عليها وجلست تشمشم فيه يزيد خاف من امه حس انها شمت ريحت الدخان جاء بيصرفها : يمه قمممممممممممميصي وصختيه الحين كيف اطلع اخوياي برى وسحب نفسه يبي يطلع بسرعه من المطبخ الا هنادي ماسكته وبصوت كله جديه : يزيد انا كمره اشم معك ريحت دخان واتغاض اقول مر بجنب واحد يدخن او كان في كوفي الي حوله يدخنون بس خلاص . وضربت يدها بالعجينه بعصبيه خلت الدقيق ينتشر يزيد بنفسه :الله يقطعك يا ياسر انت ونصايحك ويتذكر... يزيد : لا تدخن في السياره الوالده الحين تبلشني ياسر : خذ خذ وانت ساكت معك عطر بخ نص القاروره ويروح ريحة الدخان يزيد وهو يحاول يقوم السيجاره : لا والله مابي ازعلها وهي بكره مسافره للرياض ياسر : اوووووووووووووووووه طال عمرها مسافره يعني وناااااسه اجل خلنا نستاجر شاليه ونهيص حنا والربع يزيد وهو يشرب الدخان : لا بنروح حنا وعيال عم صالح للبحرين ياسر: يااااااحليلك . بس المشكله وش بنقول للاهل ؟؟ يزيد : على اساس فيه عرس اخو واحد من اصدقانا في الخبر وراح نجلس هناك كم يوم زياده ونرجع بس هذي هي السالفه .شرايك بالتفكير؟ ياسر : هههههههههههههههه ولا عقل ياباني ههههههه يزيد : هههههههههههههههههههه هنادي وهي حاطه ايدها هلى قلبها : اي قلبي .........احس اني دايخه يزيد خاف على امه : يمه وش فيك يزيد وهو يمسك امه ويطلعه من المطبخ يبي ويديها لصاله : يمه اجيبلك ادكتور ؟؟ علشان يطمن عليك هنادي وهي تنسدح على الكنب الي بالصاله : لا ..... ابي موي ....احس ريقي نشف يزيد وهو يجب موي ويجب معه علاج امه حق القلب : تفضلي يمه هنادي وهي تعدل جلستها : انت راح تجي معي لرياض فاهم يزيد فتح فمه : وش .... الله يهديك وش يوديني لرياض هنادي معصبه : الله يهديك انت ........ قالولك ورع عندك انت جاي معي جاي برضاك ولا غصب عنك فاهم يزيد وهو مقهور : يمه ليــــــــــــــه؟؟؟؟؟؟؟ هنادي : ليــــه؟؟؟؟ انت وانا موجوده تدخن أجل كيف وانا مسافره الله واعلم يمكن حبوب بعد يزيد : يمه وش ذا الكلام هنادي وهي توقف : الموضوع انتهاء انت جاي معي لرياض وترجع معي انا راحت هنادي لغرفتها ويزيد وهو طالع من البيت معصب يبي يروح لياسر : الله لا يوفقك يابو سنون ويقلد صوته بخ نص القاروره .................................................. ................................................ جـــــــــده.... عنود : وبعدين انا قلت ابغى اشارك وجلست اغني عزه والجمهور يصفق وانا اغني هو يصفق وانا اغني ولم خلصت قالوا ارجعي غني الجمهور حبك و........ يار : بلا في شكلك خلاص راسي اتفجر عنود : اصبري اخلص الحلم يار : اخرجي برى هزا مو حلم هزا فلم هندي عنود : والله لو دخلت استار اكاديمي راح اسبك قدام الهوى يار : ايوه ايوه عنود وهي طالعه : تفوووووووووو عليك ..... يار كانت راح تقوم تتفاهم معاها بس امها نادتها .................................................. .................................................. . في الصاله الي تحت كانت البندري جالسه وقدامها كم ورق ومسجل وكانت تكلم بالتلفون جات يار وجلست بجنب امها تستناها تخلص من المكالمه تشوف وش تبي البندري بعد ماخلصت : يار حبيبتي انا وابوك مسافرين للرياض بعد 4 ايام جهزوا نفسكم ok حبيبي يار بطفش : مامه تعرفي انا مااحب الرياض البندري لبست نظارتها لقتلها مشكله تبي تعالجها (يتقال دختوره نفسانيه): ليه؟؟ وش الاسباب ؟؟ يار : مامه يضحكوا عليا هناك البندري : ليه ؟؟ يار : علشان انا بدويه اتكلم حجازي البندري وهي ترفع نظرتها : جربي تتكلمي بدوي طيب يار : ايش ايش اخر عمري اتكلم بدوي البندري : طيب اسالك سؤال وتجاوببيني بكل صراحه ؟؟؟ يار : ايوه مامه البندري : انتي لم تروحي لرياض مو تبسطي مع بنات عمانك يار : مممممممممم..... ايوه انبسط البندري وهي تقرب من بنتها وتمسك ايدها : خلاص لاتخلي شي بسيط يعيق سعادتك يار وهي تقاطع امها طفشااانه ماتبغى تنفتح لها محاضره : فهمت مامه ......... بس انا محتاجه اروح لسوق البندري : اليوم ما اقدر خليها بكره نروح كلنا يار : ok .................................................. .................................................. ................................ المشاغبة الصغنونة likes this. |
|
#3
04-02-2010, 12:27 PM
| ||
| | ||
| الامـــــــــــارات ... في وحده من قصور الامارات الفخمه كانوا الخدم يجهزون الشنط علشان يرسلونها للسعوديه مريم تسأل الخادمه : حطيتي بدلت dior السود الخادمه تهز راسها : yes madam نوال مستغربه : مامه ليش البدله .... عندك شغل في السعوديه ؟؟؟ مريم وهي مشغوله مع الخدم : يمكن افتح محل هناك نوال مستغربه: كيف راح تفتحي محل هناك وانتي يالله ملحقه على محلك الي هنا ؟؟؟ مريم تاشر لفستان علشان يحطونه بالشنطه : مو انا الي راح امسكه نوال استغربت من جواب امها : امي مين الي راح يمسك المحل ؟ مريم طفشت من اسالة بنتها : نوال بعدين اقولك انا مو فاضيه الحين روحي عني نوال مسكت جوالها وطلعت راحت لصاله ماتدري وش تسوي شغلت التلفزيون وجلست تتفرج الا جوالها يدق بنغمة عباس ابراهيم (ادوك عندي والظلم دايم البادي والله لاوريك شيا مابعد شفته....) نوال وهي تبتسم وترد : ووووووووووووووووووووووووووووووين يالقاطعه .......: نوووووووااالوه انا القاطعه ولا انته نوال : لا والله انتي , صرت صديقة فهد من كثر ما اجي بيتكم وما القاك .....: ومن قالك سيري في وقت انا اكون في الجامعه نوال : بالله احمدي ربك اني انا معبرتك اصلا ومعطيتك face .....: جعل الفيس الي فيسك ان شاء الله نوال : ههههههههههههههههه وش فيسك هذي ؟؟؟ .....: يالله سيري علي عاد عندي ليك خبر بمليون درهم نوال : يالله بس اغير وجيك , موضي افتحوا الباب مالي خلق شمس الظهر موضي : يالله عجلي وانا بقولهم يبطلون الباب نوال : باي موضي : مع السلامه .................................................. .................................................. .... نوال بعد مالبست طلعت برى لشارع اقطعته ودخلت القصر الي قبالهم على طول راحت داخل حافظه القصر حفظ تطلع درجان وتدخل اسياب وتفتح بيبان الين ما وصلت لجناح موضي موضي كانت بنت جيران مريم واسماعبل تقريبا نفس الطبقه الاجتماعيه موضي ونوال صديقات بس ماصاروا يشفون بعض الا نادرا بسبب دخول موضي لجامعه موضي تحب شي اسمه سووووووووووواليف تحب تتكلم عن الناس وفضايحهم ووش سووا ووش خلوا واذا مالقتلها شي جديد تسولف عنه , تسولف بموضيع الاسابيع الي فاتوا موضي (20) سمراء شعرها كرلي طويل مره جسمها زي جسم مريم فارس تقريبا عيونها كباررررر مررررررررره اخذين ثلالث اربع وحهها كانت لابسه بلوزه طويله بيضاء ومع الاطرف بني ولابسه حزام بني وبنطلون سكني لنص الركبه وفارده شعرها الكرلي وصندل بني دخلت نوال وجلسوا بالحديقه بعد مافصخت نوال عبيتها كانت لابسه بنطلون جينز لو ويست غامق وتي شرت تفاحي فيله بوسه فوووشي كبيرررره ولابسه الاكسسورات كلها فسفوري وفوشي شربوا واكلوا وضحكوا وانبسطوا جاء فهد من بعيد يضحك على ضحكهم كانهم رقاصات فهد (23) يدرس في الجامعه ما يحب يختلط كثير بالناس دايم يقول (الناس مالهم امان) انسان كتوم جدا جدا مايحب يطلع من البيت كثير يعني في الاسبوع مره اومرتين بالكثير يطلع لصدقائه شعره طويل لاخر ارقبته تقريبا حاط سكسوكه عيونه كبار وجسمه خطييييييييييييييييييييييييييييييير طويل كتوفه عراض عنده عضلات بارزه شوي فهد وهو يجلس معهم : وش ضحك الرقصات هذا نوال استحت : هلا فهد كيفك ؟ فهد : الحمد الله انتي اشحالك ؟ نوال : تمتم موضي متحمسه : فهد ما دريت نوال بكره مسافره لسعوووووووووديه فهد يطالع فن نوال يشوف صح ولا لا : صحيح ؟؟؟؟ نوال : ايه ان شاء الله بكره المغرب واحنا في الرياض موضي تطالع في اخوها وتضحك : الريييييييييييييييييييييييييياض فهد يحاول يخفي بسمته يبي يغير الموضوع : احم...احم ....ايه نوال نخبريني نجحتي ؟؟؟ نوال مبتسمه وبمكر تطالع : ايه نجحت و.....وقطوف نجحت بعد .... فهد يطالعها ويبتسم : مبروك وعقبال الدكتوراه لك ولقطوف نوال والابتسامه شاقه وجهها: ماتنفع في السعوديه مبروك يافهووووووووودي موضي ماتت من الضحك على اخوها تشوفه يذوب قدام عيونها فهد قام معصب وياشر على موضي : انتي يالفاشله تضحكين على شو ...سواد وجهك احد يدخل قسم فنون ويحمل 4 مواد موضي تضحك مهي قادره تتكلم : ههه.....هههههههههههههههه..... خـــ.....خـــلاص ..... ...ههههههههههههههههههه.........اي ......ههههه...بـــــــط........بـــ.... فهد تركهم وهم يضحكون وطلع لسيارته ومشى .................................................. .................................................. .. الشرقـــــــــــــيه... يزيد من العصر وهو يحاول يقنع ابوه علشان مايروح الرياض مع امه.... عبد الصمد : هذي امك وانت ادرى فيها , اذا قررت شي لا يمكن انها تتراجع يزيد وهو يبوس راس ابوه بترجي : يبه الله يخلك لي قلها ابي اجلس عندك انا امووووت لو اجلس بالرياض اسبوع اجل كيف بشهر عبد الصمد حزنان على ولده : يزيد وش تبيني اسوي كلام ورحت تكللمت معها بس ماجب فايده يزيد بخيبة امل : ماهذا العشم فيك ياابو يزيد في وقت العشاء كان الكل جالسين على الطاوله يزيد يطالع في ابوه وياشر ويقح ويعطس يبيه يتكلم بالموضوع او على الاقل يفتحه بس لا حياة لمن تنادي عبد الصمد كان مشغول باله مو عارف باي صف يكون زوجته ولا ولده وكل واحد فيهم عنده وجهت نظر هنادي ماتبي تخلي الولد يضيع بتدليل الزايد والحريه ويزيد مراهق ولازم يمر بالتجارب ذي وكثرة الخنقه مهي كويسه له انتبه عبد الصمد على تاشيرات ولده كسر خاطره وقرر يجرب ذي المره : تسلم يدك ياام يزيد هنادي وهي تاكل : الله يسلمك عبد الصمد :اقول هنادي متى نوايه السفر هنادي وهي ماتبي تطالع في يزيد : بكره ان شاء الله ماشيـــــــــن عبد الصمد لقاها فرصه : كنت اقول يزيد خليه عند.... قاطعته هنادي وهي ترمي الملعقه وتقوم : لا تقول ولا تفكر يزيد مسافر معي يزيد : يمه اسافر معك ماقلنا شي بس اجلس بالرياض شهر , شهر , والله كبيره يمه هنادي : كلمه ورد غطاها رجلك على رجلي وجات بتطلع من غرفت الطعام بس رجعت وقالت : ولا تحسب في الرياض بتاخذ راحتك مافيه طلعه الا بعد ما اوافق انا فــــــاهم يزيد يطالع في امه مصدوم : امي من جدك انتي تحكين ؟؟؟؟؟؟ هنادي بصوت عالي : من جدي ونص .شف اخر ثقتي فيك وش سويت يزيد يطالع في ابوه : يــــــــــبه قل شي عبد الصمد مو عارف وش يقول : بينك وبين امك يزيد برجاء وهو يمشي لعندها : ابوس راسك يومه افهميني والله هذا خوووي موانا هنادي مقهوره منه ويحلف بعد: لا تحلف منك ولامن خويك جاي جاي يزيد عصب وطلع برى البيت عبد الصمد : هذ كله علشان شرب دخان اغفريله ذي المره هنادي معصبه من برود زوجها : اليوم دخان وبكره شيشا وبعده وش ..... ذاك اليوم انا سامعه الشيخ محرم شرب الدخان وتقولي حني عليه عبد الصمد خاف لا يصير لقلبها شي : خلاص انت ارتاحي الحين اهم ماعلينا صحتك ... والي كاتبه ربي بيصير هنادي وهي تنظم انفاسها : ونعم بالله .................................................. ................................................ المشاغبة الصغنونة likes this. |
|
#4
04-02-2010, 12:30 PM
| ||
| | ||
| لريـــــــــــــــاض في فيلة مشاري كانت نبيله حايسه حوسه مو طبيعيه في غرفتها , قالبتها حراج هينا كيس وهناك وبنطلون طايح وبلوزه وراى الباب وكريم مفتوح ومرمي نصه بالارض بالمختصر قررررررررررررنبـــــــــــــع مها دخلت على بنتها : نبيـــله انت وين عايشه ؟؟؟ نبيله في نص الغرفه محتااااسه : امي بالله ساعدينــــــي , وخلي الدبه تجي بعد , خطيبي قايلي بعد يومين بياخذ الملابس ويديهم للبيت مها ودمعتها في عينها: الله يستر عليك يابنيتي ,ويوفقك من كل صوب تروحيله نبيله توقف تبي تروح لامها علشان تضمها : الله يخليك لي ولا يحرمني منك يا اغلى ام في الدنيا ضموا بعض وجلسوا يبكون الي ان دخلت عليهم تهاني وهي تضحك على اشكالهم... تهاني وهي تسلم عليهم : عظم الله اجرك والله انها كانت غاليه مها وهي تضربها : اعوذ بالله فال الله ولا فالك نبيله وهي تاشر على شنطه : توتو رتبي ذي الشنطه وانا برتب ذي تهاني وهي تضحك :ههههههههههههههه..... ياحليلك تبيني انا ارتبلك قلولك خدامه عند ابوك مها : تهاني وبعدين معك تهاني بعصبيه : ماقلت شي .... اوووووووووفــــ الواحد مايقدر يتكلم في ذا البيت مها : عدلي كلامك اول شي لاقص السانك , انتي صايره قليله ادب ,من زمان تبيلك ضربه تهاني وهي تطلع من الغرفه : جربـــــــي وشوفي وش يصير مها تستغفر ربها : يارب انا وش سويت عشان تصير بنتي كذا ...... نبيله : يمه خليك منها تكبر وتعقل ..... وتضحكين انتي وياها بعدين على ايام زعلكم مها تمسح على شعر بنتها : ياليت كل البنات مثلك , كان مافيه لا ضغط ولا سكر نبيله توقف تبوس راس امها ويدها وكملوا ترتيب الشنط مع بعض تهاني طلعت لسطح علشان تشربلها دخان مقهوره من امها : انا مني ناقصه وتجي ذي بعد .................................................. .................................................. ........... كان الوقت عصر وكانوا عيال الحاره يلعبون كره قدام بيتهم كانت تطالع فيهم وتشرب الدخان من قلب مستحقرتهم كلهم من صغيرهم لكبيرهم بنظرها كل الرجال خونه مايستهلون الا التراب ولا الترب كثير عليهم واحد من العيال انتبه انه في وحد حلوووه فوق السطح البيت الي قبالهم جلس ياشر لخويه يقوله : قمررررررر وياشر عليها الباقي ماقصروا الي يرمي كوره فيها الرقم والي انبح صوته والي فصخ بلوزته والي جابله تلسكوب والي ياشر بالجوال والي يفحط قدام البيت تهاني ماتت ضحك : ماصار ترقيم صارت مظاهره انتهت من الدخان واشرت للعيال بايدها تودعهم وتركتهم ونزلت لغرفتها سكت باب الغرفه بهدواء ماتبي احد يسمعها فتحت دولابها اخذتلها ملابس وحطتها في الحمام واخذت كرسي التسريحه وحطت عند الشباك ركبت عليه مدت ايده للمسكه الي في اعلى الستاره لان تصميمها يوناني واخذت شي ورجعت الكرسي لمكانه وطفت ضواء الغرفه ودخلت للحمام... .................................................. .................................................. ................ في قصر مقرن كان ابو مقرن ومقرن وناهس جالسين بصاله يسولفون عن الاسهم واخر نزلتها وطلعاتها والشركات المكتتبه وغيره... دخات قطوف وهي لابسه تنوره لنص الركبه سوداء غجري ولابسه عليها بلوزا موف واسعه من فوق ومن تحت مسكه (over size) ومكتوب عليها من قدام ووراى كلام بالنجليزي عن الحب قطوف وهي شايله بسمه : ناهس خذ بنتك تراها اذتني ناهس اخذ بنتها بعد مرمتها قطوف عليها : وجـــــع .....شوي شوي على البنت راحت لجدها وباست راسه وايده: هلا جدي ....وان اشوف البيت منور اليوم ..... كيفك جدي؟؟ ابومقرن ياشر على الكرسي الي بجنبه : هلا ببنيتي تعالي اجلسي بجنبي خليني اكحل عيوني فيك جلست قطوف وخدودها حمروا ... ناهس كان يشرب بنتها من العصير : اقول قطوف وش بتدخلين تخصص؟؟ تفاجئت بسؤال اخوها الين الحين ماحد سالها اي تخصص تبي تدخلها او هي للحين ماقررت بعد : هلا؟؟؟؟؟ مقرن مستغرب : قكوف انتي خلصتي الثانوي ؟؟ قطوف تطالع ببوها : ايه خلصتها بابا ابو مقرن يضرب قطوف بالعصى : وش بــابــا ..... اسمها يبه .....قولي يـــبه قطوف ماسكه مكان الضربه: اااااااه..... جدي ابو مقرن يضربها ثاني : قولي يبه عشر مرررات ناهس هنا مات ضحك : هههههههههههههه ..........هههههههههههههههه...... جدي بالله عليك فيها ابو مقرن : اسكت انت .... لا الحين اضربك بعد .... قطوف : هههههههههههههههه ........ هههههههههههههه... احسن ابو مقرن وياشر بالعصى : قولي يالله يبه 15 مررره قطوف تضحك :هههههههههه الله يهديك جدي قبل شوي 10 والحين 15 ابو مقرن : الحين 20 يالله قولي لا اضربك بالعصى قطوف توقف تبي تهرب الا جدها ضاربها : أأأأأأأأأأي ............جدي قسم بالله تعور مقرن : انتي وش بلاك قوليها قطوف : طيب طيب يالله عد جدي يبه يبه يبه يبه يبه ............... ناهس يبي ينرفزها : هههههههههههههههههههههههههههههههههههههههههههههههههه ههههههههه قطوف انقهرت : انت اسكت يالبدوي الا ذيك الصقعه الي على راسها : وشفيهم البدو يالحضريه مهم عاجبينك ؟؟؟ انا من يوم سمعتك تقولين بــــابــــا تقل غنمه مضيعتلها وليد وانا غاسلا يدي منك .....اه بس وين علوم اول وبنات اول قطوف تحك راسها : جدييييييييييييييييييييييييييييي....... راسي راسي مقرن وناهس ضحكوا لي ان ماقلوا بس على قطوف في الحظه دخل مشاري عليهم باس راس ابوه واخوه وسلم عليه ناهس وقطوف , وجلس بجنب قطوف : ضحكونا معكم مقرن : ابوي يحاول يعلم قطوف الكلام مشاري يطالع في قطوف : ليه وش فيها ؟؟؟ مقرن : حكيها مو عاجب الوالد ابو مقرن : اخخخخخخخ.... على بنات اول بس .... كانوا يذبحون الذبايح ويطبخون ويربون ولا نسمعلهم كلمه قطوف ترفع حاجبها : جدي .....اشوف بدينا بالغلط .... ابو مقرن:ههههههههههههههههه..... ياحللك يابنيتي ناهس تذكر سؤاله : ايه قطوف وش بتدخلين ؟؟؟ قطوف وهي تفكر : ماادري والله ياناهس مقرن : كيف ماتدرين ؟؟ مو انتي الي بتدخلين الجامعه , لازم تكونين مقررره من زمان قطوف : باب..........قصدي يبــــــه ناهس :ههههههههههههههههههههههههههههه ..... تصدق جدي يبغالي استلف عصاك يوم قطوف : لا بالله .......... المهم يمكن ادرس برى او ادخل طب او ادخــــ.... مشاري بعصبيه : وش قلتي؟؟؟ حنا ماعندنا بنات يدرسون برى ولا بعد يمكن طب , استغفر الله , استغفر الله , يارب سترك يارب سترك قطوف بستهزاء: يارب سترك ....هههههه مشاري وهويمسك بلوزتها : وبعدين انتي ماتستحين ولا تحترمين احد وش المسخره والفسق الي مكتوب ببلوزتك ذي قطوف وتنضف بلوزتها من مسكته : بابا انا استاذن .... وزي ماقلتلك ان شاء الله اسافر واحسن من صورت المسلمين برى من اشكال وتطالع في عمها الارهـــــــابين مقرن متفشل من اسلوب بنته : ايه........ يصير خير مشاري معصب من اخوه : ابو ناهس وش يصير خير ......... ذولي بنات والبنات ما يجبون الا العار ......... لاتدلعها وعطها على راسها ولا راح تجيبلك الفضيحه قطوف كانت بترد عليه بس ناهس سبقها : عمي انت عندك بناتك وحنا عندنا بنتنا ...... معمرنا تدخلنا فيك ولا كيف تربي بناتك فلا تدخل فينا لو سمحت مشاري وقف : اشوف المنكر قدام عيوني واسكت وما الساكت عن الحق الاشيطان اخرس قطوف مقهووووره من عمها تعرفه زين الدين في جهه وهو في جهه : وين المنكر اذا بكمل تعليم برى ......... ولا لا مابي ادرس برى ....وشفيه الطب ؟؟؟؟؟ مشاري شوي ويضربها كف : وش فيه الطب ... كله اختلاط بختلاط رجال داخل ورجل طالع قطوف تنرفزت : لا بالله وين الغيره هذي كلها يوم الدكاتره يولدون حريمك مشاري ماعرف يرد : صدق انك قليلت ادب ابو مقرن عصب ازعجوه بالصوت العالي : خلاص قفلوا , مشاري انت مالك شغل بالبنت فاهم؟؟ مشاري مستغرب : يبه كيف مالي شغل , وبعدين وين اودي وجهي بين الناس والقبايل ابو مقرن : انت مالك شغل , تصير الي تصيره لو تصير سواقه مالك شغل عندها ابوها واخوها يتفاهمون معها , ولا انت ولدي ولا انا ابوك اذا منعتها من الي تبيه خلها ترفع راسنا بكره بتعليمها وتعالج حريمكم وعيالكم بدل من المصريات والفلبينيات الي ذبحوا عيالنا وشوههم قطوف تحب راس جدها : الله يخليك لي ياجدي طلعت قطوف وهي فرحانه كسرت كلمت عمها وقهرته ماتحبه ولاتطيقه اصلا مافيه احد يحبه اسلوبه يخلي الي حوله ينفروون منه راحت لملاك تبي تقولها وش صار ما لقتها نادت الخادمه قطوف : where is malak (ويم ملاك؟؟) الخادمه: with midam (مع الوالده) قطوف : يلعن ابو الحواطه where (وين ؟؟) الخادمه : i don't know (ماعرف) قطوف : ok مسكت جوالها ودقت على امها : ماما وينك ؟؟؟ مشاعل : انا تحت في غرفت الرياضه قطوف : لا........من متى ؟؟ مشاعل تضحك : ههههههههه......قطوف انزلي اذا ماعندك شي قطوف : يالله جاي نزلت قطوف ولقت ملاك ماسكه علم برشلونه وتدور حول امها على الات المشي وتشجعععع : عااااااااااااااشوا ...........طال عمرها ............ايووووووه اييييييوووووه..........بعد بعد ...........ورااااااااااى ورااااااااااااى والله انك احسن من رنالدينوا .............انتي لو يشوفك الامير نواف كان حطك بدل ياسر القحطاني........ قطوف : ملاك .......ههههههههههههههههههههههههههههه الله يرجك ايش مسويه ؟؟؟ ملاك : اشجع امي على التخسيس مشاعل : قطوف بالله سكتيها , ازعجتني مني عارفه امشي ملاك وهي تزيد السرعه لاخر شي : امي وانا من اول اشجعك وارفع معنوياتك وتقولين سكتيها .......والله انك طحتي من عيني ياياسر القحطاني مشاعل بصعوبه من التعب : ايه .............. صح صدق ذا ياسر بيتزوج ؟؟؟؟ قطوف وملاك : ايه ملاك تضحك على امها : يمه وش عندك بياسر .......ليكون بس ......تكلمينه ولا موعادتــــــ........... طــــــــــــــــــــــــــخخخخخخخخخخخخخخخخخخخخخخخ خخخخ طـــــــــــــــــــــــــــــــــــــــــــــخخخخ خخخخخخخخخخخخخخخخخخخخخخخخخخخخخخخخ مشاعل طاحت من الاله وقطوف وملاك ماتوووووووووووووووووووووووووووووووووووووووووووووا من الضحك على شكل امهم وهي طايره وتاصرخ مشاعل على الارض تتالم : اه.....اااااااه.....الله ياخذك ياملاك ......أه يا ظهري...ان شاء الله تطيحي في زفتك .......اه يارجولي....اه ملاك :ههههههههههههههههههههههههههههه......لا لا امي هههههههههههههه عليك شكل مو معقول هههههههههههههه قطوف وهي تمسح دموعها:ههههههه ماما قسم بالله انك طيحتي على سوبرمان هههههههههههه....هههههههههههههههههههههههههههههههههه ه مشاعل معصبه : انتي وياها تضحكون على وش تعالوا ساعدوني قطوف وهي تمشي عند امها : حاضر ياسبرمان ههههههههه....من زمان ماضحكت كذا .................................................. .................................................. .................... جــــــــــده في السياره كانت البندري ويار والعنود رايحين لrad sae moal علشان يتسوقون لانه بكره مسافرين وصلوا وطبعا البندري متلثمه ويار كاشفه والعنود بدون عبايه وداخل .... العنود : مامه انا جوعانة ممكن اروح اشتري من ماكدونلز البندري : حبيبتي لما نخلص نروح كلنا العنود : لا ماما بليييييييييييييييييييييز البندري وهم يدخلون محل كوتش : عنود انا ايش قلت ؟؟؟ يار تنادي امها : ماما هزي الي عجبتني ايش رايك ؟؟؟ البندري : ايوه حلوه العنود : ماما بللللللللللللللللللللللللللللللللللللللللللللللللل لللللليز ان جوعانه البندري وهي تطالع في الناس: اووووش فشلتينا....... العنود وهي تمسك عباية امها : بليز ماما.....قبل مايقفل للصلاه البندري تطالع ساعتها : اوكي.... يار روحي مع اختك لماكدونلز وخليكم فوق الي ان ماجيكم يار : طيب البندري : جايبولي كابتشينوا من ستارباكس يار وهي ماسكه العنود : حاضر طالعوا من محل كوتش والعنود : اممممممممم....اخذ دبل تشيز برجر........لالا .........اخذ هبي ميل وماك فلوري ........لالا صندي احلى ....ايش قالتي يار؟؟؟؟ يار :الي يريحك بس خلينا نمر على ستارباكس بعدين نطلع لماكدونلز وصلوا واخذوا الكبتشينوا وهم طالعين مروا بجنب شلة شباب لحقتهم وجالسوا يستهبلون على العنود في الدرج المتحرك.... الولد : انتي ايش اسمك ياحلوه ؟؟؟ العنود تطالعه : نعم الولد : ايش اسمك ؟ يار : لوسمحت ابعد شوي كمان شوي وتلصق فينا وحد يصارخ من وراى : احلى لصـــــــــــــــــــــقه العنود ويار سفهوهم وراحوا لماكدونلز والعيال لحقهوم : ياهوووووه طيب نص وجه العنود تاشر لجزمتها : فيه نص جزمه الولد : خليها ليك يالقرده العنود : انت القرده يار بدت تخاف مسكت العنود وبصوت واطي : العنود لاتعطينهم وجه بعدين يفكروا انه نستهبل العنود : خليك انا اربيهم ... الولد ياشر على يار: ياقمر انتي مرتبطه يار تطلب سافهته الولد عصب قرب شوي : انتي هي ماتسمعين ؟؟؟ واحد من الشباب : مصيبه قمر وما يسمع العنود دعست على رجله : لا فمر وراكب همر الوالد :اااااااااااااااااااااه ..............الله يلعن ابوك يا.... يار مسكت اختها واخذوا الطلبيه وراحوا والولد واصحابه وراهم جلسوا بطاوله والشباب بجنبهم الولد : والله يالقرده لاوريك .........يارب سم في بطنك العنود :سم في بطنك يالخنفسه معفنه الولد رمى عليها علبت المناديل والعنود مسكت ماك الفلوري ورميته عليه كان مصخره والشباب جالسوا يضحكون على صاحبهم يار تضحك خوف وبسطه : هههههههههههههههههه......عنود ...........قومي قومي دخلوا السنصير وضيعوا الشباب وطلعوا لسياره يستنوا امهم وياكلوا وهم يضحكون المشاغبة الصغنونة likes this. |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| نشيد أحضان الحور رائعه جداا | بتول الشرق | خطب و محاضرات و أناشيد اسلاميه صوتية و مرئية | 1 | 03-25-2010 02:52 PM |
| في أحضان الكمان ........ | mero_m | أرشيف المواضيع الغير مكتمله او المكرره او المنقوله و المخالفه | 14 | 02-02-2010 11:51 PM |
| تجول معي في أحضان الطبيعة عبر هذه الصور . | قدورية | أرشيف المواضيع الغير مكتمله او المكرره او المنقوله و المخالفه | 8 | 10-09-2009 04:40 PM |
| النوم في أحضان الملكة أو.. الديكتاتور | نبيل المجهول | أرشيف المواضيع الغير مكتمله او المكرره او المنقوله و المخالفه | 12 | 07-27-2007 09:36 PM |
4Likes
العرض العادي
