|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#1
04-07-2010, 07:12 PM
| ||
| | ||
 .. ] مٍجٌنوًنكـَ انٍاّ ,, مَنٍ مَجُهٍوّدَيٍ اّلٌخُاٍصٍ [ ..  السلام عليكم ورحمه الله وبركاته فكرت وفكرت وجات الفكرة >> هع هع  الفكرة هي أني اكتب رواية ههههههههههههههه  شفت الناس طايحين في التاليف قلت ابي اشوف وش بيطلع من تحت يديني  ان شاء الله تعجبكم  اوكي ما اطول عليكم نبدأ  عائلة أبو احمد : الأب صالح : هو اكبر أخوانه حنون يحب عياله وهو تاجر كبير وعنده محالات وشركات يبلغ من العمر ( 41) ... أم احمد : الأم فاطمة طيبه وحنونة تحب عيالها مرره وما تعصب عليهم حتى لو غلط احد منهم تبلغ من العمر ( 40) .. الولد الكبير : أحمد : جذاب و انسان طيب وحنون متزوج عصبي بس مو مره يبلغ من العمر (36) .. معاذ: انسان جميل وكل شي حلو فيه بس انه يعصب بسرعه وخاصه اذا كان السالفه فيها اخته مريم يكبر السالفه وهي صغيرة يبلغ من العمر ( 30) ... عبدالله : انسان ما يحب يغلط على احد الابتسامه ما تفارق وجهه يحب اخوانة وخاصه اخته الوحيدة مريم يبلغ من العمر ( 28) .. والحيين بطلتنا في الرواية وهي ............... مريم : انسان غامضة الشخصية ما احد يفهمها اللى اخوها عبدالله هاديه ما تحب تغلط على احد جميله وجذابة وخقق >> على قولت البنات ... لها شعرها اسود سواد الليل وناعم مثل الحرير نحيفة مرره طويلة وعيونها رمادية .. اختصار للكلام الواجد أنها حلوه مرره مملوحه تجنن تبلغ من العمر( 23) >> مطوله الاخت هههههههه المهم بعطيكم نبذه عن شخصيتهاا ... هي انسان غامضة مثل ما قلت لكم ومجهوله وهاديه ما تحب الزحمة والطلعات الكثيرة على كل هذي الجمال والجذابة اللى فيها مع انها متواضعة ما تحب تتدلع وتتمسخر مثل بعض البنات انسانه جادة ما تنزل دمعتها بسهوله حتى لو كان الامر فيه خيانـــــــــــــــــة ( نسيت اقول لكم اني مريم ما تعترف بشي اسمه حب ودايم تقول انه حركات مراهقين ويروح بسرعة .. كل الناس عندها سوي ما تفضل احد على ثاني وتكره شي اسمه مــــــــــجـــــــــــمــعــات ما تحب تروح مرره والسوق أي شي فيه تروحي تتسوقين ما تحب تكره نفسها اذا راحت ...) نبدأ الرواية : اليوم الخميس الساعة 2ونص الفجر مريم كانت نايمة وجلست على صوت الجوال يدق اخذي مريم الجوال وشافت رقم غريب عقدت حواجبها وقالت في نفسها ) مين داق في هذي الوقت ) ردت مريم بصوتها اللى كله نوم ... مريم : الوووووو الغريب : السلام عليكم مريم : وعليكم السلام ( وسكتت شوي وقالت ) مين معي ؟؟ الغريب ابتسم وقال : الله يا ميشو ما عرفتيني مريم : هممممممممممم انتي شهد ولا انا غلطانة شهد : الحمدلله عرفتيني وجع وينك من زمان عنك مريم: قولي لنفسك تزوجتي ونسيتيني "طبعا شهد صديقة مريم من المتوسط ومرره معاها وهي متزوجة ولد خالتها لي تحبه " شهد : وش اسوي هذي الدنيا شهد + مريم : ههههههههههه شهد : اقول مريم وش عندك اليوم ؟؟ مريم : همممممممممممم ما ادري ليش ؟؟ شهد : لا بس حبيت اطلع انا وياج هاااااااااه وش قلتي ؟؟ مريم : اممممممممم ليش لا اوكي بس متى ؟؟ شهد : عادي أي وقت ؟؟ مريم : انزين وش رايك على الغدي راح اعزمك تجين تتغدين وياي وش رايك ؟؟ شهد : بس بشرط ؟؟ مريم : قولي ؟؟ شهد : نتغدى في مطعم هااااااه وش قلتي ؟؟ مريم اختفت الفرح منها يوم قالت مطعم وطول الوقت ساكتة شهد : مريم انتي وياي ؟؟ مريم : أي أي معاك بس يا شهد انتـ قاطعتها شهد وقالت : ميشو علشاني بليييز من زمان عنك ودي اشوفك برا البيت بلييييز مريم : اوك بس علشانج j شهد : فديتج انا والله خلاص لا تنسين تمرين على الساعة 2 اوكي ؟؟ مريم بابتسامة مصتنعة : ان شاء الله شهد : سي يو مريم : سلااااامو سكرت مريم من شهد وهي متضايقة ما تحب تروح اماكن فيه ناس قالت في نفسها(معليه بس علشان شهد ما لي خلق تزعل وانا من زمان ما شفتها ) ابتسمت وشافت الساعه كانت الساعه 3 قامت من السرير لاني ما فيها نوم راحت تتروش وبعدها طلعت ولبست بجامتها كان لونها اسود وعلى البلوزة وجهه بالازرق نشفت شعرها ورفعته بأهمال واخذت جوالها توها بتفتح الباب اللى امها دخلت عليها مريم : هلا والله وغلا صباح الخير امي امها : هلا والله بحبيبتي صباح النور مريم : هااه امي شلونج اليوم؟؟ ان شاء الله طيبه امها : يسرج الحال الحمدلله وانتي شحالج وش مسويه ؟؟ مريم : الحمدلله طيبه امها : دوم يارب مريم: تسلمين امها : الله يسلمك اللى اقول متى جلستي ؟؟ مريم : الساعة 2ونص الفجر : ) امها : سلامات وش فيج جالسه بدري في شي يعورج رأسج بطنـ ؟؟ مريم : لا الله يهديج ما فيني شي بس دقت على شهد وجلست اسولف معاها : ) امها : أي زين اللى شخبارها شهد وش اخبار زوجها ان شاء الله مرتاحين : ) ؟؟ مريم : أي الحمدلله وان شاء الله اليوم بطلع ويااه على الغذي بنتغدي برا امها : الله يحفضكم يلا يا مريم جلسي اخوانج على شان يصلون الفجر مريم : ان شاء الله وراحت مريم عند غرفت معاذ طقت الباب بس محد رد واطرت انها تدخل علشان ما يتأخر على الصلاه فتحت الباب والغرفه كانت ثلج بارده مره وقالت مريم : معاذ معاذ يا معاذ يلا قوم لا تتأخر على الصلاة مـــــــعــاذ معاذ وهو يفتح عيون وعيون لا : هاااااااااااااااه شتبين جايه تو الناس اليوم خميس ؟؟ مريم : طيب قوم قبل لا تفوتك صلاة الفجر معاذ : طيب طيب بقووم وقام معاذ ودخل الحمام يتروش بسرعة علشان يلحق على الصلاة راحت مريم عند غرفت عبدالله طقت الباب وسمعته يقول : تفضل دخلت مريم وشافت عبدالله يلبس القترة ابتسمت وقالت : عبود جلست عبدالله : ليه تشوفيني نايم .. ؟؟ مريم : هههههههههههه لالا بس اتأكد عبدالله : ههههههههههههههههه هااه جلس معاذ ولا لا مريم : أي جلس يلا لا تتأخر على الصلاة عبدالله : ان شاء الله طلعت مريم وهي تحمد ربها ان اخوانها محافضين على الصلاة وهي تمشي شافت ابوها وراحت تسلم عليه مريم : السلام عليكم ابوي ابوها : هلا وعليكم السلام والرحمة هااه جلستي اخوانك .. ؟؟ مريم : أي جلستهم هااه ابوي وش اخبارك اليوم ان شاء الله بخير ؟؟ ابوها : الحمدلله تسرج الحال وانتي وش حالش وش مسويه ؟؟ مريم : الحمدلله طيبه ابوها : يلا انا بروح اصلي لا تنسين تساعدي امج في تجهيز الفطور لاني قلت لخوج احمد يجي هو وزوجته يفطر معاني مريم : ان شاء الله ابوها: يلا عن الاذن بروح اصلي مع السلامة مريم : مع السلامة وراحت مريم تجهز مع امها الفطور ..... الساعة 9 جاء احمد و زوجته منال خلصوا فطورهم احمد راح بيته والباقي راحوا يناموا صحت مريم الساعة 1 على رنت جوالها قامت تشوف مين طلع لها رقم كل يوم يرسل لها رسائل حب وغرم بس هي تطنش ودايم تقول غلطان استغربت من صاحب الرقم واخيرا قررت ترد مريم: الووو الولد: السلام عليكم مريم: وعليكم السلام الولد: كيفك حبيبتي ؟؟ مريم : اخوي انت غلطان في النمرة الولد ابتسم وقال : لا لا انا متأكد مو انتي مريم ؟؟ مريم : أي مريم بس انت مين ؟؟ الولد : انا مجنونك يا مريم احبك والله احبك مريم خلاص عصبت : لو سمحت احترم نفسك وبلا كلام ما له معني وبعـ قاطعها الولد : بليز مريم ابي اشوفك وش رايك نتقابل اليوم ؟؟ عصبت وسكرت في وجهه وقالت في نفسها ( صج انه قليل ادب وبعدين من وين اخذ رقمي ... وانا وش على منه متعبه نفسي على واحد ساذج ) قامت وراح تتروش ولبست تنوره جينز تحت الركبة وبلوزه سوده عليها رسمه بالابيض طلع شكلها مرره حلو حطت كحل اسود ومسكره زرقاء و روج وردي رفعت شعرها ذيل حصان ونزلت تحت قالت حق امها انها بتطلع وركبت السياره شغلت لها اغنية اجنبيه وراحت على بيت شهد اخذتها واراحت اللى مطعم طول الوقت مريم ما سكه اعصابها وتقول في نفسها متى نطلع خلاص ما اقدر اتحمل اكثر خلصوا اكلهم وكل وحده راحت بيتها ... دخلت مريم القصر وسمعت اصوات وصراخ استغربت وشافت الساعة كانت 4 العصر عقدت حواجبها ودخلت شافت عمتها حنان وبناتها وعيالها وكانت لطيفه بنت عمتها سعاد واختها عايشه موجودين ( طبعا عند اهل مريم عادي يجلسون مع بعض بس يلبسون البنات حجاب ) سلمت مريم على عمتها والبنات اما العيال سلمت من بعيد ..... مريم : وين عمتي سعاد ؟؟ نوال ردت عليها بدلعها الماصخ: في المطبخ مع أمك نوال بنت حنان مغرورة شايفه نفسها ما ادري على شنو تتدلع دلع ما يليق عليها وهي تحب اخوي مريم معاذ بس معاذ ما يبادلها الشعور بالعكس هو يكرهه كره ومستحيل يحب مغرورة مثلها.. مريم: اها .... اجل بروح اسلم عليها عن اذنكم الكل من غير نوال : اذنك معاك راحت مريم المطبخ وشافت عمتها سلمت عليها بعدين راحت غرفتها تتروش وبعدها راحت تنام وعلى الساعة 6 ونص جلست مريم وراحت تلبس جلابية حلوه واسعة لونها اسود رفعت شعرها بربطه ومن النعومة طاحت خصل من شعرها على وجهها رجعتها على ورا بأهمال وتعطرت وطلعت نزلت ولسه عمتها وعيالها والبنات موجودين مع اخوانها وامها وابوها ... مريم : السلام عليكم الكل : وعليكم السلام عم الهدوء يوم دخلت مريم جلسوا ساكتين 10 دقائق قطع هذي السكوت معاذ وهو يقول : يلا عن اذنكم نوال بدلع ماصخ : وين رايح تو الناس ؟؟ معاذ طالعها بحتقار وقال : بروح انام .. ليه وش تبين بعد ؟؟ نوال تفشلت وقالت : لا سلامتك ما ابي شي معاذ : أي احسب وبعدين طالع امه وقال : عن اذنكم الكل : اذنك معاك وقاموا يتكلمون اللى الساعة 8 ونص راحت العمة مع عيالها وتعشوا عائلة بو احمد وبعدها كل واحد راح غرفته .. دخلت مريم غرفتها وشافت جوالها 5 مكالمات من الرقم الغريب 3 رسائل من نفس الرقم اللى مزعجها وقالت مريم ( وش قصته هذي مسوي ازعاج ) رسلت له رساله وكتبت فيها ( السلام عليكم اخوي اسمع كلامي زين ان دقيت مره ثانيه لا تلوم اللى نفسك تفهم ولا لا انا مو مثل البنات اللى تكلمهم احترم نفسك ولا تدق وانا متأكده انك ما ترضاها حق اختك ولا تقول ما عندي اخت حتى امك جدتك عمتك مايهمني بس انت ما ترضاها صح ولا لا على العموم ما ابي اشوف رقمك هذي مره ثانيه ) رسلتها وراحت عند الاب توب حقها فتحت المسن وجلست تسولف مع شهد اللى الساعة 11 راحت تنام يوم الجمعة الساعة 4ونص جلست مريم علشان تصلي وبعدها جلست تقرأ قران اللى الساعة 9 نزلت تحت علشان تاكل لها شي سمعت اصوات في الصلاة استغربت وقالت مين جاي هذي الوقت دخلت الصالة وشافت ولد جالس وامها واقفه تتكلم معاه استغربت من هذي الولد اللى موجود وصوته مو غريب عليها تقدمت ودققت في وجه الولد لاني الصاله كبيره والولد كان بعيد شوي راحت عند امها وقالت : مين هذي ؟؟ امها : هذي ولد عمتك حنان محمد مريم : ليه عمتي عندها ولد غير عمر ؟؟ امها : أي بس انتي ما تعرفينه مريم : اها تكلم محمد وهو يطالع مريم بنظرات خبث : هلا مريم شخبارك ؟؟ مريم يوم سمعت الصوت انصدمت وقالت معقوله يكون هو نفس الصوت انا متأكدة تمت مريم ساكتة محمد ابتسم وقال : مريم انتي معاي ؟؟ مريم ما تدري وش تسوي يعني معقوله هو واخيرا قالت : هااااه وش كنت تقول ؟؟ محمد طالع فيها بنظره ما فهمتها مريم وقال : اقول وش اخبارك ؟؟ مريم : أيأي الحمدلله وانت ؟؟ محمد : بخير ياوجه الخير مريم سكتت شوي وبعدين قالت امها : مريم اجلسي يم ولد عمتك انا بطلع الحين مريم : اخواني وين ؟؟ امها : كلهم نايمين مريم : بــ ... س محمد: الله معاك عمتي امها ابتسمت : يلا مع السلامه محمد : مع السلامه مريم كانت ساكتة مو عارفه وش جالس يصير معقولة يكون هو لا لا مستحيل بس نفس الصوت ... يلا ان شاء الله يعجبكم  واذا مو حلو قولوا لي علشان ما اكملها  ننتظر ردودكم  اختكم  لا حوول
__________________ تجآهلت الكثيير والكثير من آحزآني .. ♫ْ وتجآهلت إني .. وحييدهـ ولآكن صدمني وآقعي المرير بإني ( .. مخلوقة للحزن فقط .. ) |
|
#3
04-12-2010, 05:35 PM
| ||
| | ||
| مريم كانت ساكتة مو عارفه وش جالس يصير معقولة يكون هو لا لا مستحيل بس نفس الصوت ... وقبل ما تطلع امها قالت : مريم انتبهي على نفسج مريم: أن شاء الله حست مريم بشعور غريب بس طنشت وراحت المطبخ تشرب ماء وهي طالعه كان عبدالله توه جالس قالت له يجلس مع محمد استغرب عبدالله من وجود محمد وقال : وش عنده جاي محمد ؟؟ مريم : ما ادري ... عبدالله : امي وينها ؟؟ مريم : طلعت مع ابوي تزور جارتنا اللى في المستشفى عبدالله : اها اوكي يلا بروح عند محمد روحي غرفتج مريم : طيب وراحت مريم غرفتها وطنشت سالفت محمد ودقت على ندى صديقتها تقول لها تجي لانها طفشت جالسه وما عندها شي ردت عليها رذاذ اخت ندى وقالت مريم : السلام عليكم رذاذ : هلا وعليكم السلام مريم : لو سمحتي ندى موجوده ؟؟ رذاذ : مين اقول لها ؟؟ مريم: صديقتها مريم رذاذ : اوك دقيقه بس مريم : اوكي راحت رذاذ تنادي ندى وجات ندى اخذت التلفون من اختها وقالت ندى : اهلييييين ميشو كيفك ان شاء الله كويس ؟؟ مريم : هلا والله الحمدلله وانتي ؟؟ ندى : الحمدلله بخير مريم : اقول ندى وش عندك اليوم ؟؟ ندى : ولا شي طفشانه حدي ليش ؟؟ مريم : طيب تعالي بيتنا ؟؟ ندى : همممممممممممم حلو بس متى ؟؟ مريم: عادي اليوم ؟؟ ندى : بس الحين الوقت متأخر ؟؟ مريم : طيب عادي ؟؟ ندى: اصبري بشوف ماما مريم : طيب راحت ندى تشوف امها اذا عادي تروح ولا لا قالت ندى : ماما ممكن اروح بيت صديقتي مريم ؟؟ امها : بس الوقت متأخر يا بنتي ندى : بلييز ماما عادي الساعه الحين 10 بجلس اللى الساعه 12 وبجي بلييز ؟؟ امها : اوك بس لا تتأخري ندى : اوكي وراحت ندى تقول لمريم انها راح تجي وسكرت منها ولبست وراحت بيت مريم يوم وصلت دقت الجرس وراحت مريم علشان تفتح لها الباب قالت ندى : هاااااااي مريم: هلا ... دخلت ندى مع مريم وراحوا المجلس سولف وضحك جات الساعه 12وراحت ندى و ام مريم ما جات ولا ابوها خافت صار لهم شي راحت عند عبدالله اللى جالس مع محمد في الصاله وقالت : السلام عليكم ردوا عليها السلام وقالت مريم : عبدالله امي وابوي ما جاو الحين الساعه 12 عبدالله : أي والله غريبه مفروض جاو الحين ؟؟ مريم : دق عليهم شوف وش فيهم ؟؟ عبدالله اخذ جواله دق على ابوي بس ما رد ودق على امه ونفس الشي عبدالله : ما يردون وشوفي اللى التلفون حق البيت يدق رد عبدالله وقال : الووو ... : السلام عليكم هذي بيت صالح ال ... بو احمد عبدالله : وعليكم السلام أي نعم هذي بيت بو احمد .. : ممكن اكلم ولده ؟؟ عبدالله: أي انا ولده مين يتكلم ؟؟ .. : معك الدكتور سعود الـ ... عبدالله بخوف : يلا هلا اخوي .. أمرني .. أنا ولده ؟؟ .. : ياليت تسمعني زين الاعمار بيد الله وانت عارف هذي الشي صح ولا لا؟؟ عبدالله: والنعم بالله بس طمني الله يخليك ؟؟ ..: يا اخوي ابوك وهو طالع من المستشفى صار له حادث وحالته ما تطمن ابيك تجي المستشفى الحين عبدالله بخوف : وش اسم المستشفى ؟؟ ..: مستشفى الـ .... عبدالله : انا جاي الحين يلا مع السلامه وسكر في وجهه وقال لمريم تروح تلبس وبسرعه راحت مريم تلبس وطلعت هي وعبدالله ومحمد للمستشفى اللى قال لهم الطبيب دخلوا المستشفى وكان الدكتور سعود يستناهم قال عبدالله : هاه يا دكتور امي وابوي وينهم ؟؟ الدكتور : توهم طالعين من غرفه العمليات وهم تحت المراقبه عبدالله: اقدر اشوفهم يا دكتور ؟؟ الدكتور : ممكن بس ما تطول عبدالله: ان شاء الله وراح عبدالله و مريم ومحمد عند الغرفه ودخلوا على ابويهم اول شي وكان عليه اجهزه ووجهه شاحب ورأسه ملفوف بالشاش والشاش عليه دم وحلته حله عبدالله وهو يبكي : ابوي الله يخليك لا تروح وتخلينا مريم كان وجهها مجهول هل هي خايفه على ابوها ولا لا كانت دموع تنزل وملامح وجهها جامده مجرد دموع فقط راحوا عند امهم وكانت حالتها نفس ابوهم عبدالله ما قدري يستحمل يشوف اغالي اثنين في حياته بين الحياه والموت طلع وجلس مريم كانت عند امها ودموعها ما تتوقف دخل الدكتور علشان يطلعتها لانها طولت ولاحظ اني ملامح وجهها جامده مجرد دموع استغرب منها وقال: تفضلي واشر لها تطلع راحت مريم وطلعت برا وما زالت دموعها تنزل ما توقفت جلسوا فتره طويله تقريبا ساعتين 2 وشو اللى جاء الدكتور ووجهه ما يبشر بخير وقال : الله يعضم اجرك الوالد والولده توفوا كانت صدمه لمريم وعبدالله مو مصدقين امهم وابوهم توفوا لا اكيد الدكتور يمزح عبدالله جلس على الارض وهو يبكي بصوت مسموع ومريم كانت تبكي وتبكي وشو اللى دخل عليهم معاذ شافهم يبكون وسأل الدكتور وقال له معاذ ما صدق وقام يبكي مو مصدق امه ماتت وابوي وفي نفس اليوم لا ما اصدق شوي اللى مريم حست ان راسها يعمرها راحت للسياره وشغلت لها قران وقامت تقرأ ويا وراحوا البيت وكلهم يبكون ما حد جاه النوم جلسوا يفكرون شلون راح يعيشون من دون امهم وابوهم هذا شي صعب عليهم مضى على موت امهم وابوهم شهر تقريبا وكان عبدالله يشتغل في بنك ومعاذ يشتغل في الشركات حقت ابوه الله يرحمه طبعا هو واحمد أما مريم كانت طول وقتها في البيت ما تطلع ولا تأكل وطول وقتها في غرفتها وتغيرت كثير كانت مريم في غرفتها وحست انها تبي تشرب ماء وارحت تحت علشان وهي تنزل شافت عماتها وعمامها وعيالهم وبناتهم سوت نفسها ما شافتهم وراحت المطبخ لحقتها عمتها سعاد دخلت شافت مريم تشرب ماء قالت سعاد : مريم حبيبتي تعالي اجلسي معاني طالعتها مريم نظره سريعه وقالت : زين حطت الكأس على الطاوله وراحت مع عمتها سلمت عليهم وجلست في طرف الصالة كان الريموت في الطاوله اللى جنبها أخذته وشغلت لها الوثائقية وجلست تطالع كان برنامج (الجرام الغامضة ) ومريم تحب تشوف الوثائقية مرره قناتها المفضلة جلست تطالع ولا كأني في احد جنبها نوال تخاف توف اشياء فيها دم وقتل وكذا قالت وهي تطالع مريم : هييه انتي غيرية الله يقرفك طالعتها مريم بنظرات ما احد فهمها اللى عبدالله اخوها طبعا مريم طنشت وكملت اللى تشوفه نوال انقهرت وقالت : هيه انتي ما تسمعين الله يأخذك قولي امين مريم من دون ما تلف وجهها : امييين دق جوال مريم وكان الرقم غريب على طول جاء في بالها محمد رفعت وجهها وشافته كان يطالع فيها بس يده ما فيها جوال طالعت في اخوها معاذ وقالت : تعرف هذي الرقم وراحت توريه ايها بس معاذ ما عرف الرقم وقال: لا لييه مريم : مزعجني كل شوي يدق معاذ : طيب ردي عليه وشوفي مين ؟؟ مريم طالعت في اخوها وقالت بصوت واطي : صاير خير وراحت وجلست وحطت جوالها على جنب وكان يدق ويدق ما سكت عصبت عايشه وقالت : أنتي هيه ردي ازعجني جوالك طالعتها مريم وعطتها الجوال وقالت : ردي شوفي مين الكل استغرب من مريم أخذت عايشه الجوال وردت وقالت: الوو .. : السلام عليكم عايشه: وعليكم خير مين معي ؟؟ ...: مو هذا رقم مريم ؟؟ عايشه : أي مين انت ؟؟ ..: مالك شغل عطيني مريم بسرعه عايشه : وأّذا قلت لك مريم ما تبي تكلمك ؟؟ ..: بلا استهبل ترى مو رايق لك عطيني مريم بسرعه عايشه لاحت الجوال على مريم مسكت مريم وردت : الووووووووووووووووووو ...: هلا مريم مريم : هممممممممممم نعم ...: وش فيك للحين ما عرفتيني ؟؟ مريم : و مين حضرتك ؟؟ ... : ابراهيم هااااااااه عرفتيني ؟؟ مريم : ابراهيم ميين ؟؟ يوم قالت ابراهيم كلهم التفتوا عليها وقالت لها نوال : أجل تكلمين اولاد يا بنت صالح هني مريم خلاص ارتفع الضغط عندها وخاصه يوم قالت بنت صالح بقلت ادم قامت مريم من مكانها ومسكت نوال من بلوزتها وقالت : نعم وش قلتي ما سمعت نوال خافت من مريم وقالت: وجع أن شاء الله هديني يا حقيرة مريم طالعتها من فوق اللى تحت وقالت : صالح اللى تتكلمين عنه خالك يا قليلة الأدب نوال بدلع : مالت عليه من زينه عاد هني مريم مسكت نوال من شعرها بقوه : ابوي احسن من يا بنت الذيني احترمي نفسك ولا راح انسيك حليب امك نوال : اقول ترى ابوك مات يعني لا تسوين فيها ما ترضين عليه هني حنان عصبت على بنتها وعطتها كف من قوته طاحت على الارض وقالت حنان: يا بنت الـ**** أخوي مات ولا ما مات مفروض تحترمينه ولا نسيتي انه هو اللى يصرف عليك اذا ابوك ما عطاك فلوس نسيتي يا بنت حنان صدق اني ما ربيتك نوال عصبت لان امها فشلتها : أي أي اضربيني اضربي اصلن انتو ما تحبوني حنان : انتي فيك شي حلو علشان نحبك قليلة ادب ما تستحين صدق اني ما ربيتك بس انا اوريك يا بنت حنان مريم هني جلست وهي ماسكه اعصابها وودها تصفق هذي نولوه الحقيره تو ابوي مات وتقول عنه كذا طيب انا اعلمك يا بنت حنان موتك على يدي صبري على بس راح الكل بيته بعد ساعه تقريبا و جلسوا مريم ومعاذ وعبدالله يسولفون طبعا مريم تقول كلمه وتسكت لانها تتوعد لنوال والله لا اعلمك يا بنت حنان انا اللى راح نسيتك اسمك ما اكون مريم بنت صالح تذكرت مريم انها ما سكرت من ابراهيم وقالت ( مين هو ابراهيم هذا بعد ) راحت عند جوالها ودقت على الرقم مريم : الوووو ابراهيم : هلا والله وش فيك ما تتكلمين ؟؟ مريم : مو لازم تعرف ممكن اعرف انتي مين وش تبي بالضبط ؟؟ ابراهيم : مريم انا ابراهيم ولد عمك اللى في الرياض ما اضن انك تعرفيني لانك شايفتني وكان عمرك 7 سنوات مريم: اها طيب وش تبي ؟؟ ابراهيم : يؤيؤيؤيؤ لازم اعيد من اول وجديد مريم انا احبك تعرفين شلون يعني احبك مريم : طيب وش المطلوب مني ؟؟ ابراهيم: ابي اعرف انتي تحبين ولا لا يعني فيه احد تحبينه ولا لا يعنـــ قاطعته مريم وقالت : انا ما احب ولا ابي احب وانا اللى ابيه منك انك تبعد عن طريقي ممكن ابراهيم حس بجروح من كلامها اللى ما فيه رحمه وقال : مريم تكفين لا تجرحيني بكلامك مريم : وش تبيني اسوي لك ابراهيم : على العموم احنا راح نجي الكويت وراح نستقر فيها مريم : ومين انتو ؟؟ ابراهيم : انا و أهلي مريم : اها ابراهيم : يلا مع السلامة مريم : سلاااام سكرت منه وراحت ترتاح شوي تعبت وفيها النوم راحت تنام مر على موت امها وابوها سنه تقريبا و كانوا عماتها عممها يجون كل يوم لهم وكان نوال ما تطلع اللى ووجهه احمر من الكفوف اللى تجيها من مريم اذا غلطت جاء عمها خالد مع عياله وأهله وسكنوا في الكويت وفي يوم السبت كانت مريم جالسه تطالع الوثائقية في التلفزيون اللى في الصالة دق الجرس أول مريم بس مريم ما راحت تشوف مين ودق مره ثانيه بعدها قامت مريم تشوف مين اللى جاء عندهم طلعت برا فتحت الباب وطلعت راسها تشوف مين شافت عمها خالد مع زوجته حصة قالت : تفضلوا خالد + حصة : زاد فضلك خالد : كيف الحال ؟؟ مريم : الحمدلله وانتو شحالكم ؟؟ خالد+حصة : الحمدلله بخير ودخلوا داخل قال عمها : اللى اقول مريم معاذ موجود ؟؟ مريم استغربت وقالت: أي موجود أناديه لك ؟؟ خالد : اذا مو مشغول ؟؟ راحت مريم من دون ما تقول شي وقالت في نفسها ( وش يبي من معاذ ) راحت عند معاذ وقالت له انه عمهم خالد يبغاه راح معاذ عند عمه وقال : السلام عليكم وجلس خالد : هلا وعليكم السلام شلونك يا معاذ ؟؟ معاذ : الحمدلله بخير ابتسم خالد وقال وهو يطالع معاذ بتفحص : راح ادخل بالموضوع على طول ما احب المقدمات اوكي ؟؟ معاذ : وانا راح اسمعك تفضل خالد : معاذ انت الحين عمرك 30 صح ؟؟ معاذ قال في نفسه ( ياللي عرف وش يبي هذا ياخي الزواج غصب ) وبعدها قال : أي ليه؟؟ خالد : يا ولدي عمرك 30 وانت منت صغير علشان تقول لا ولا شي ما ودك تتزوج يا معاذ ؟؟ معاذ : ومين سعيدة الحض اللى تبيني ؟؟ خالد : معاذ انت رجال والنعم وكل بنت تتمناك ليه ما تتزوج؟؟ معاذ وقف وقال: بفكر بالموضوع يا عمي ؟؟ خالد وقف معاه وقال : أجل ندور لك بنت الحلال ؟؟ معاذ : لا يا عمي لا تدور خالد : في بالك بنت يا معاذ تحبها ؟؟ معاذ : عمي ترى هذي حركات مراهقين الحب ما يجي اللى بعد الزواج يا عمي خالد : أجل ليه ما ندور لك بنت ؟؟ معاذ : خل موضوع البنت على انا بتصرف ما ابي احد يختار البنت اللى بعيش معاها بقيت حياتي خالد : خلاص ولا يهمك بس اذا فكرت على قولتك قول لي معاذ : ان شاء الله خالد : اجل استأذن .. طلع مع معاذ وكان معاذ طول الطريق وهم يمشون ساكت راح العم ودخل معاذ وشاف مريم جالسه مع مرت عمه قال : العم يستناك برا حصة : ان شاء الله راحت برا وجلس معاذ جنب مريم وقال : اقول مريم مريم من دون ما تلتفت عليه : همممممممممممممممممممم معاذ : تعرفي بنت زينه علشان اتزوجها ؟؟ مريم طالعت فيه وقالت : علشان كذا جاء العم ؟؟ معاذ : أي وشكل هذي المره ما فيه مجال علشان اطنش مريم : طيب وش رايك في لطيفه ؟؟ معاذ : لا تقولين بنت سعاد ؟ مريم : فيه غيرها ؟؟ معاذ : لا يا ماما ما ابي من العائلة مريم : طيب .. وجلست تفكر وبعدها قالت : خلاص انا راح اتصرف وبكره بعطيك خبر وقف معاذ من دون اهتمام وقال : أي زين يلا سلام مريم من دون ما تطالع فيه : سلام جلست مريم تفكر مين تختار حق اخوها جات على بالها نوره هي صديقتها تعرفها من زمان وهي كانت تحب معاذ ( نوره انسانه طيبه وحبوبه وجميله تبلغ من العمر 29) قالت مريم حتى عمرها قريب من معاذ و أصرت على انها تكون لاخوها ولاني نوال تعرفها وهي تكرهها راحت مريم مثل الصاروخ على لاب توب ودخلت على المسن شافت نوره داخل قالت في نفسها حلو حلو موجوده والله لا اعلمك يا نوال البنت اللى ما تطيقينها راح تأخذ حبيبج منج بنشوف وش بتسوين يا بنت حنان قبل لا تتكلم مريم مع نوره حطت صورت معاذ في المسن وكان الصورة جنان تهبل مرررره حلوه وكلمت صديقتها اللى اكبر منها 6 أو 5 سنوات تقريبا ماهو انا اللى ينلعب فيه شطرنج محد يحدد مكاني بكيفه ؟!! ( مريم) السلام عليكم هلا والله بالطش والرش والبيض المفقش قلبك اللى هو قلبك .. لا تحسب أنك ضامنة (نوره ) وعليكم السلام ياهلا والله اهلين فيك ماهو انا اللى ينلعب فيه شطرنج محد يحدد مكاني بكيفه ؟!! ( مريم) تسلمين شحالج وش مسويه ان شاء الله بخير؟؟ قلبك اللى هو قلبك .. لا تحسب أنك ضامنة (نوره) بخير يسرك الحال اقول مين المزيون اللى في الصور ماهو انا اللى ينلعب فيه شطرنج محد يحدد مكاني بكيفه ؟!! ( مريم) قالت في نفسها من بدايتها صج انج صديقتي واعرفج نوير بسج كلتي اخوي بعيونج قلبك اللى هو قلبك .. لا تحسب أنك ضامنة (نوره) امانه هذي اخوج ؟؟ أي واحد فيهم ؟؟ ماهو انا اللى ينلعب فيه شطرنج محد يحدد مكاني بكيفه ؟!! ( مريم) اما نسيتيه يالخايسة قلبك اللى هو قلبك .. لا تحسب أنك ضامنة (نوره) لا تقولين معاذ امانه والله وصار احلى ماهو انا اللى ينلعب فيه شطرنج محد يحدد مكاني بكيفه ؟!! ( مريم) أي أي وش عليج هههههههههههههههههآآآآآى قلبك اللى هو قلبك .. لا تحسب أنك ضامنة (نوره) عن جد ما شاء الله عليه ماهو انا اللى ينلعب فيه شطرنج محد يحدد مكاني بكيفه ؟!! ( مريم) نوره**مبروك عليج** قلبك اللى هو قلبك .. لا تحسب أنك ضامنة (نوره) الله يبارك فيك بس على شنو ماهو انا اللى ينلعب فيه شطرنج محد يحدد مكاني بكيفه ؟!! ( مريم) اخوي بيجي يخطبك وش قلتي قلبك اللى هو قلبك .. لا تحسب أنك ضامنة (نوره) من جدك ؟؟ ماهو انا اللى ينلعب فيه شطرنج محد يحدد مكاني بكيفه ؟!! ( مريم) لا امزح أي أي اخوي قال لي اشوف اذا تبينه ولا يدور غيرج قلبك اللى هو قلبك .. لا تحسب أنك ضامنة (نوره) جد مريم خلاص الموضوع ما يبقى له كلام موافقه ماهو انا اللى ينلعب فيه شطرنج محد يحدد مكاني بكيفه ؟!! ( مريم) مبروووووووووووووووووووووووووووك يلا بروح ابشر اخوي وطلعت مريم من دون ما تشوف رد من نوره اما نوره مو مصدقه راح تتزوج اخوي مريم اللى هو الوحيد اللى حبيته لا مو مصدقه اكيد مريم تمزح اكيد اما عند مريم كانت الفرحة مو سايعتها دخلت على اخوها من دون استأذان وقالت : مبروووووووووووووووووووووووووووووووووووك معاذ: على شنو ؟؟ مريم : راح تتزوج صديقتي نوره معاذ تذكرها على طول وبحركه سريعه منه وقف وقال: عن جد نوره اللى كانت تجي بيتنا اول هي ولا وحده ثانيه مريم : أي أي هي اللى تحبك معاذ ابتسسم وقال : وانا بعد مريم : والله الولد يحب على العموم دق على العم وقول له معاذ : اكيييييييييد طلعت مريم من عند اخوها وهي فرحانة مره حق أخوها و راحت تكمل اللى كانت تشوفه في التلفزيون بعد ساعة تقريبا نزل معاذ وهو كاشخ حده مريم : على وين معاذ قرب من اخته وباسها بسوه قويه وقال : بروح اخطب حبيبتي فديتج يا اختي الله لا يحرمني منج قولي اميين مريم ابتسمت : اميييين ومبروك مقدمآ طلع معاذ وراح عند عمه علشان يخذه ويروحوا يخطبوا نوره حق معاذ يوم وصلوا بيت نوره دخلوا وقاموا سوالف وبعدها قال العم خالد حق أبو تركي اللى هو أبو نوره : يا أبو تركي ما سألتني لي شجيت لك اليوم ...؟ أبو تركي حس بتلميح خالد: الله يصلحك حياك في أي وقت و اذا عندك شي قول ؟؟ خالد : والله انا اليوم جاي اخطب بنتك حق معاذ ولد أخوي ؟؟ أبو تركي : هذي الساعه المباركه بس أي بنت ؟؟ خالد ابتسم وقال : نوره أبو تركي : راح اشوف البنت و ارد لكم خبر قام أبو تركي وراح عند زوجته وبنته اللى كانوا جالسيت في الصاله يسولفون أبو تركي: ابشركم جاي خطاب أم تركي : الله يبشرك بالخير وأخيرا راح تتزوج مرام ( مرام اخت نوره الاكبر ) أبو تركي : لا هم يبون نوره حق ولدهم معاذ نوره سمعت اسم معاذ ورفعت راسها وقالت من دون شعور : موافقه يا بابا موافقه أبو تركي+ أم تركي كانوا يعرفون اني بنتهم تحب اخوي صديقتها وقاموا يضحكون من ردت فعلها : هههههههههههههههههههههههههههههههههههههههههههههه نوره : وش فيكم أبو تركي : مبروك يا بنتي مبروك أم تركي وهي تبكي : ألف مبروك يا حبيبتي وراح أبو تركي وقال لهم ان البنت موافقه استانس معاذ ولول مره بعد وفات أبوه أمه وحزن انهم مو موجودين رجعل العم بيته ونفس الشي معاذ الكل عرف واني معاذ خطب بس شخص واحد ما عرف يا ترى مين هو؟؟ يلا انتظروا البارت الجديد ملاحظه : أخواني اللى متابعين الروايه اسفه انا كتبت البارت على السريع اذا فيه اخطاء انا بسوي نفسي ما ادري وانتو سووا نفسكم ما شفتوا وشوكرآآآ لجميع المتابعين لروايتي الاولي [ .. ] مٍجٌنوًنكـَ انٍاّ ,, مَنٍ مَجُهٍوّدَيٍ اّلٌخُاٍصٍ [ .. ] أختكم  لا حوول _______________
__________________ تجآهلت الكثيير والكثير من آحزآني .. ♫ْ وتجآهلت إني .. وحييدهـ ولآكن صدمني وآقعي المرير بإني ( .. مخلوقة للحزن فقط .. ) |
|
#5
04-22-2010, 09:45 PM
| ||
| | ||
| ________________________ بسم الله الرحمن الرحيم راحت نوال تركض حق امها وهي تبكي نوال : ماما صدق اللى سمعت صدق اني معاذ راح يتزوج حنان : اي راح يتزوج نوال : بس ماما انا احبه تعرفين يعني شنو احبه ؟ حنان حزنت على بنتها بس تستاهل : نوال روحي غرفتك تراني مو طايقه اشوف احد راحت نوال وهي تبكي على معاذ الشخص اللى تحبه وهو ما يبادلها الشعور جات على بال نوال فكره وراحت من دون تفكير تدق على صديقتها فاطمه رن التلفون يمكن دقيقتين وبعدين ردوا فيصل اخو فاطمه : الووووو نوال : الوووو موجوده فاطمه فيصل : لحظه شوي فيصل راح ينادي فاطمه وجات فاطمه علشان تكلم نوال فاطمه : هلا والله نوال : اهليين فطوم كيفك ؟؟ فاطمه : بخير وانتي ؟ نوال : ما تسرك الحال فاطمه : سلامات وش فيك ؟؟ نوال : قولي اميين فاطمه : اميين ؟؟ ليييه؟؟ نوال : الله ياخذك يا مريم فاطمه : وش فيها مريم كفختك اليوم بعد ؟؟ نوال : تتطنزين انتي ووجهك ؟؟ فاطمه : لا انتي كل يوم تدقين تقولين مريم كفختني نوال: لالا السالفه اكبر يا فاطمه اكبر فاطمه : نوال لا تلعبين في راسي قول وش فيك ؟؟ نوال: معاذ يا فاطمه معاااذ فاطمه : وش فيه معاذ نوال: راح يتزوج نوره اللى ما اطيقها فاطمه : يؤيؤيؤيؤيؤيؤيؤيؤ وش بتسوين يعني نوال: راح اخليه يطلقها طبعا فاطمه : شلون ؟؟ نوال: ما راح اقولك الحيين بعدين اللى ابيه منك الحيين هو انك تطفشين مريم فاطمه : اطفشها شلون ما فهمت ؟؟ بس تعال وش دخل مريم الحين نوال: ياماما اكيد هي اللى قالت لمعاذ يتزوج نوره وانا ابيك تزوجينها فاطمه : ومين ان شاء الله نوال : اخوك فيصل فاطمه : اخوي ولييه ان شاء الله نوال: اسمعي ابيك تقولين لخوك يتزوجها وبعدين خلي الباقي على فاطمه : وش بتسوين يعني ؟؟ نوال: لا تخافين على اخوك بخليه يطلقها بس لازم اعذبها مثل ما غذبتني فاطمه عجبتها الفكره وهي تغار من مريم ومن جمالها وقالت : اوكي بكره بيجيك الخبر اللى تبيه نوال: فديتك والله لازم يتزوجون بليييييز اذا ما وافق وريه صورتها اللى عندك فاطمه : اكييد بيوافق هع هع نوال: وهذا اللى ابيه يلاااااا بااااااي فاطمه : باااااااي اكلمك بكره نوال : اكيييد سكرت فاطمه وراحت اخذت ملف اللى فيه صورها في الحفله حقت نوال وهي صورت صوره جماعيه ومن بين البنات مريم وكان شكلها تهبل بالمرره قصت صورتها بحيث تكون لحالها وراحت تركض عن اخوها فيصل كان جالس في الصاله راحت وجلست جنبه وقالت : فصول ما ودك تتزوج ؟؟ فيصل : لا حووووووووووول وبعدين انتي و امي تزوج وتزوج اذا ما تبوني راح اطلع من البيت عاااااااد ؟ فاطمه : وش دعوه اخوي انت فيصل : انزين وش تبين الحييين ؟؟ فاطمه : بصراحه انا لقيت لك بنوته مرررره جميله واخلاقها مرره حلو وتهبل وانا ابغاها لك ما ابيها لغيرك فيصل : ومين بنته هي ؟؟ فاطمه : بنت صالح الـ ........... فيصل: هذي مو ابوها تاجر وهو مات فاطمه : اي و اذا تبي تشوفها الحين عاااد فيصل : اشوفها لييه وينها مدت فاطمه الصوره حق اخوها وقالت : هذي هي صورتها في حفلت بنت عمتها وش رايك فيصل اخذ الصوره وجلس يطالع فيها لمده طويله وبعدين قال وهو يضارخ : امي امممممممممممي وينك فيه ؟؟ فاطمه ابتسمت وقالت في نفسها (شكله وافق ) جات الام وجلست على الكنبه وقالت : نععم يا ولدي وش فيك ؟؟ فيصل : يمه ابي اتزوج ام فيصل : هذي الساعه المبارك ان شاء الله ندور لك بنت الحلال فيصل : لا يمه انتو عليكم تروحون تخطوبنها وبس البنت ام فيصل : يعني افهم من كلامك انك تحب بنت وتبيها فيصل : اي يمه احب وحده ومستحيل اتخلاء عنها هني فاطمه خافت وقالت في نفسها ( يحبها ومستحيل يتخلاء عنها وهو توه شايفها وفي صوره بعد ) ام فيصل : اي زين ومين بنته هي ؟؟ فيصل : بنت صالح الـ ........... ام فيصل : ياولدي والله وتعرف تختار بس امها وابوها متوفين نحطبها من مين ؟؟ دخل الاب وقال : من عمها خالد ام فيصل : تعرف يا بو فيصل عمها ؟؟ بو فيصل : اكييد اعرفه فيصل : ومتى راح نخطبها ؟؟ بو فيصل : بكره ان شاء الله فيصل : اجل استأذن الكل : اذنك معاك وطلع وراحت فاطمه على غرفتها ودقت على نوال وهي شوي وتبكي فاطمه : الووووووووووووووووو نوال وصوتها كله نوم : هممممممممم فطوم وش فيك فاطمه : نوال فيصل قول حق ابوي وامي وبكره راح يخطبونها نوال قامت وهي تضحك : ههههههه اما بهذي السرعه بس شي حلوو وش فيك كأنه مو عاجبك فاطمه : المشكله انك ما سمعتي اخوي وش قال نوال: وش قال فاطمه : قال انه يحبها ومستحيل يتخلاء عنها نوال: ما يقدر راح يتخلاء عنها بس اصبري علي فاطمه : انتي وش فيك ترى هذا اخوي نوال: ادري انه اخوك بس ياماما مو انتي تبين تنتقمين من مريم فاطمه : طيب ليش اخوي كان خليتي اخوك نوال: لو اقدر كان خليت اخوي محمد بس مريم راح ترفض ما تبي من العايله فاطمه : اي اي طيب يلااا باااااااي نوال : باااااااي وكل وحده منهم راحت تنام و نوال كانت واثقه من خطتها ونامت وحاسه انها قويه اليوم الثاني على الساعه 5 العصر راح بو فيصل مع ولده بيت العم خالد علشان يخطبون منه مريم سوالف وضحك وبعد ما خلصوا سوالفهم قال ابو فيصل : ما جاء على بالك سؤال وش جابني اليوم عنك يا خالد خالد : شدعوه يا اخوي البيت بيتك وحياك في اي وقت واذا تبي تقول قول تفضل بو فيصل : انا جايت اليوم علشان اخطب بنت اخوك صالح حق ولدي فيصل خالد ابتسم وقال : هذي الساعه المبارك ما راح نشوف احسن من ولدك حق بتنا مريم فيصل قال في نفسه ( اجل اسمها مريم زين مو اسم ثاني بس حتى اسمها لايق على شكلها ) بو فيصل وهو يوقف قال :اجل نستأذن خالد : حياكم في اي وقت وبكره ان شاء الله اعطيكم رد طلع بو فيصل و ولده وراحوا البيت اما خالد خذ الجوال حقه ودق على مريم جلس دقيقتين وبعدين ردت مريم خالد : السلام عليكم مريم: وعليكم السلام هلا عمي خالد : شخبارك ؟ مريم : بخير وانت خالد: يسرك الحال سكوت 5 دقائق وبعدين قال خالد: مريم اليوم جايين لك خطاب مريم : ومين هم ؟؟ خالد : بو فيصل يوسف الـ....... ولده فيصل مريم : طيب بفكر وبرد لك خبر بكره خالد : بس ردي على بدري علشان اقول لهم مريم : ان شاء الله وشكرت منه وراحت جلست على الاب توب كلمت وحده من صديقاتها وجلست تسولف معاها وضحك بعدين قالت البنت : مريم تعرفين فاطمه بنت يوسف الـ ........... مريم : هممممممممممممممممممم صديقت نوال هي صووح البنت : اي اي مسويه مشاكل هي و نوال الغبيه وبعدين قالت مريم في نفسها ( لحظه لحظه هو اسمه فيصل يوسف ال.... وصديقت نوال فاطمه يوسف الـ.......... اما يكون نوال هي اللى قالت لفاطمه زوجي اخوك مريم وتبي تردها لي هههههههههه والله وطلعتي تفكرين يانوال ) مريم : اقوووووووووول فاطمه عندها اخوان البنت : اي عندها فيصل واختها الصغير ساره مريم : اها اوكي يلا بااااااااااااااي البنت : باااااااااي وطلعت مريم من المسن وراحت على السرير وجلست تفكر اوافق ولا لا هممممممممممممممممممممممممم وبعدها جات على بال مريم فكره اوك نشوف وش بتسوين يا نوال هههههههه تتوقعون مريم راح توافق ولا لا انتظرو البارت الجديد
__________________ تجآهلت الكثيير والكثير من آحزآني .. ♫ْ وتجآهلت إني .. وحييدهـ ولآكن صدمني وآقعي المرير بإني ( .. مخلوقة للحزن فقط .. ) |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| لصوص الفرح... قصة قصيرة! | شيخ البلد2 | أرشيف المواضيع الغير مكتمله او المكرره او المنقوله و المخالفه | 0 | 12-04-2009 12:54 PM |
| حتى الاحلام لها لصوص....... | ياسين | أرشيف المواضيع الغير مكتمله او المكرره او المنقوله و المخالفه | 5 | 05-31-2007 05:50 PM |
| لصوص رمضان | jihadnet | أرشيف القسم الإسلامي 2005-2016 | 8 | 09-25-2006 09:19 PM |
.gif "thanks")
العرض العادي
