|
| |||||||
| قصص قصيرة قصص قصيرة,قصه واقعيه قصيره,قصص رومانسية قصيرة. |
 |
| | LinkBack | أدوات الموضوع | انواع عرض الموضوع |
|
#9
04-09-2010, 12:04 AM
| ||
| | ||
| الـــــــبـــــارت الــــــثــــــالــــــث ... في قصر طلال بالتحديد في الطابق الثالث طلال:دبرني والي يرحم والديك تركي:مالك الى تماطل كالعاده الين تنسى طلال:ياتركي هالمره جدتي جاده تركي :طيب انت ماسئلتها مين البنت الي ناويه تزوجك اياها طلال ..برفزه واضحه ..:انا مايهمني من تكون ..تكون الي تكون تركي بملل:طيب انت ماشاء الله عليك رجال ياخي شوف كم عمرك تزوج وارتاح وريح جدتي معك طلال:انت تتكلم كذا هذا وانت عارف البير وغطااه تركي:ياخي حيرتني الله يعينك حطتك جدتي براسها طلال: الله يعني عليها ........................... الساعه 9 صباحا من يوم الأربعاء .. خمس سيارات متجهه الى أسطبل بطل روايتنا طلال سياره طلال تحمله هو وجدته وسيارة تركي المتواجد فيها مع امه واخته ريما وسيارة خال الأولاد فهد هو وعائلته وسيارة لعم تركي وسياره لعمت تركي.. في سياارة طلال.. الجده:ترى ماركبت معك اني راضيه عليك لا بـ الله انا زعلانه ولانيب محاكيتك طلال:ياجدتي يابعد عمري انت أستهدي بالله ومايصير خاطرك الى طيب الجده:شوف ياطلال لاتلعب علي زي كل مره بكلمتين لا هالمره انا اخترت البنت ويوم السبت خذيت لك موعد مع ابوها طلال وهو مصدوم من كلام جدته :وشلون يعني بالغصب هو الجده:اي بالغصب واذا مو عاجبك قلي عشان اروح بيت ولدي فهد واخلي البيت لك طلال يحرك راسه يمين ويسار :لاحول ولا قوة الى بالله ........................ منزل شعبي قديم جداَ تعيش فيه فتاة بـ جمال خيالي وفتان وأنوثه طاغيه وعينان رائعتان رمادية اللون اكتسبتها من والدتها الفلسطينيه .. رولا:كيف يايمه اتزوج وبسام وين راح ام رولا:يايمه انتي تعرفين ابوك زين انا مالي شده على الهواش معاه رولا: انا مابي اتزوج الي جايبه ابوي انا ابي بسام وبس وبرخه افزعت رولا وامها:غصباً عنك بتاخذينه رضيتي ولا أنرضيتي وبعدين بسام ذا الي تتكلمين عنه انسيه فاهمه انسيه رولا:بس يايبه انا وبسام مخطوبين ونحب بعض ابو رولا:وانا هونت من الخطبه شفت لك واحد احس منه رولا: وانا ... مسكها مع يدها وضغط بـ أصابعه عليها حست ان روحها بتطلع من قوة المسكه :لا انتي ولا غيرك الموضوع انتهى فاهمه يوم السبت بيجي عشان يشوفك سامعه رماها على الارض بكل قوه وطلع وتركها تبكي قهر وحسره على نفسها وعلى حبها الي حبته من كل قلبها وأخيرا جاء اليوم الي صارو حق بعض وفي رمشت عين ينهد هذا اليوم هزت راسها تبي تمحي فكرة انتهى حياتها مع ولد خالتها بسام حبيبها من صغرها... .......................... وفي القت نفسه وصلت العائلات للأسطبل والكل نزل وتوجه الرجال الى قسمهم والنساء كذالك الى القسم الخاص فيهم وقفت عند بوابة مدخل النساء وفاتحه عيونها على الاخر :واااو ماشاء الله تبارك الله ومن وراها ريما:ههههه اول مره تجين الأسطبل صح رغد:اي والله اول مره بس يجنن ريما :تعالي داخل احلى من برى عند الرجال يوسف (ابو مهند):ماشاء الله يطلال الله يرزقك من فضله طلال:تسلم الله يخليك فهد(ابو سعود):الى ماقلتلي ياطلال اناقبل اسبوع ارسلت لشركتكم فكرة مشروع صغير ابيه يكون بينا وبينكم وصلك طلال:اي ياخال وصل بس توني اطلع عليه وأدرسه ابو سعود: خذ راحتك وانا خالك انا مانيب مستعجل طلال:ان شاء الله سعود:سطام وش رايك نقوم ناخذ جوله سطام:يالله قدام ............ بتكلم عن العائلات شوي عشان ماتلخبطوون (طبعاً عائلة طلال وتركي الي عارفينهم من البدايه وعائلة فهد بعد تعرفنا عليهم في البارت الأول وعائلة عم تركي سعد المكونه من ملاك عمر  2سنه وعساف 20 سنه وسطام 15 سنه وامهم تهاني وعائلة عمة تركي هدى وزوجها يوسف وبنتهم رغد 21 سنه و مهند 19 سنه) ............. عند البناات ريما: اقول بنات ايش رايكم نروح عند الخيول وأعرفكم على أسمائها ملاك:هههههههه لها اسماء ريما: اي عشان طلال اذا بغى يناديهم رغد:ويفهمون عليه ريما: اي هو عنده نغمه اذا ناداها تجي عذاري:اي اذكر مره طلال كان بعيد وينادي وجت وحده تركض رغد:ياي حمستوني يالله نقوم نشوفهم قامو البنات للأسطبل ...................... هند(ام سعود):بشري عنك ياخاله ان شاء الله احسن الجده:اي الحمدلله بخير يابنتي هدى (ام مهند):ليش ماتستعملين الحلبه ياخاله يمدحونها لظهر الجده:بس يابنتي يكربني ريحتها ام مهند:ابد اذا تروشتي تطيبي وماتطلع ريحتها والي يبي العافيه يتحمل الجده:صدقتي يابنتي ان شاء الله برجربها سمعتي يا ام تركي سويها لي ام تركي:من عيوني يالغاليه تامرين امر ام عساف وسمعت ملعقة عسل طبيعي على فكوك الريق الجده :زين عاد له مفعول ام عساف :اي ان شاء الله العسل مذكور في القران ام مهند:صدقتي سمعت سالفة وحده ماتحمل واستمرت على العسل الطبيعي والاستغفار والحمدالله ما درات السنه الي هي حامل >>قصه حقيقيه الجده: سبحان الله هذا من فضل الله ام سعود :وبعد وحده كانت مريضه بالسرطان كفانا الله الشر وياكم وعلى الله وبعده العسل تشاافت الكل :الحمدلله ....................... ريما من ورى السياج وتأشر بأصبعها هاذي الكحيله وهاذي نجمة سهيل وهذا البارز اما عاد هاذي ... ةهي تأشر على فرس شقراء .. حبيبت قلب طلال واسمها كاديه ملاك:وااو مشاء الله حلوووه ودي اركبها ريما: هههههه احلامك هاذي ما احد يركبها غير طلال رغد:ليش ريما:هي كذا اذا احد ركبها غير طلال تهيج وتركض وتنقزز الين يطيح الي فوقها ملاك:وكيف تعرف انه طلال ولا غيره ريما:بالريحه ياذكيه ملاك:اهاااا ميان:ايش رايك نركب عليها ريما: خلاص اوكي بس بدق على طلال يجي يفتح لنا ويركبنا ...طلعت جوالها ودقت الرقم... ريما : الوووو طلال:هلا بريومااا ريما:هلا طلال هلا حبيبي طلال:فيها حبيبي نعم ريما:هههههه انت ليش تظن فيني ظن السوء طلال:اي خلصي بسرعه وش تبين ريما:نبي نمتطي الجواد انا والفتياة طلال:نعم عيدي وش قلتي ..بالله لا يسمعك سيبااويه وينتحر ريما:ههههههههههه يالله طلال تعال عند السياج نبي نركب طلال:اوكي شوي وجاي ريما:ننتظرك يا احلى اخ توجه طلال لتركي وخذاه معه عشان يسااعده على البنات ودلعهم >>>ههههه ......................... بعيد عن اجواء السعاده والفرح الى مكان اخر.. منسدحه على سريريها ودافنه راسها تحت مخدتها وتبكي بحراره وبصوت مسموع :اخ اخ ياحبي الي ضاع على عمري الي راح ياربي اموت ولا أتزوج غير بسام اااه ياربي ما ابي ما ابي الى بسام جلست بنص السرير بشكل غريب والدموع على خدها الناعم : انا لازم اسوي شي ما أخلي حبي يضيع اي لازم اوقف ذا الزواج بـ اي وسيله ................. ياترى ايش راح تسوي رولا ؟؟ هل تقدر ولا كلام بس؟؟ اولسى باقي احداث اروع .. انتظروني في الباارت الرابع يوم الاثنين بأذن الله |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية الزمن قاسي ولايمكن يلين ..اول رواية لي في الذمة تقرونها ......بليز | بنت عز ومن شافني فز | أرشيف المواضيع الغير مكتمله او المكرره او المنقوله و المخالفه | 10 | 07-01-2011 07:45 AM |
| رواية رومانسيه وجريئه بنات عو وقلبهم ماعزهم (سعوديه ) | ЯǒǑǒйĝ3ħ | أرشيف المواضيع الغير مكتمله او المكرره او المنقوله و المخالفه | 17 | 10-02-2010 08:14 PM |
| اسئله صريحه وجريئه | بنوته برونزيه | أرشيف المواضيع الغير مكتمله او المكرره او المنقوله و المخالفه | 0 | 12-21-2008 06:26 PM |
| اسئله صريحه وجريئه | بنوته برونزيه | أرشيف المواضيع الغير مكتمله او المكرره او المنقوله و المخالفه | 0 | 12-21-2008 05:23 PM |
.gif "thanks")
العرض العادي
