|
| |||||||
| قصص قصيرة قصص قصيرة,قصه واقعيه قصيره,قصص رومانسية قصيرة. |
 |
| | LinkBack | أدوات الموضوع | انواع عرض الموضوع |
|
#14
04-12-2010, 10:35 PM
| ||
| | ||
| بااك البارت الرابع ......... في الأسطبل......... طلال:يالله ريوما نزلي خلي ميان تركب ريما: لاتو مابي انزل نزل عذاري (ميان عيونها بعيده كل البعد عن الاجواء الي حولها ومركزه على شخص وااحدبس تتأمله كيف يتكلم وكيف يضحك ) قربت رغد من عند ميان وهمست لها :يالحبيبه كلتي اخوي بعيونك توها تحس يالي حولها :هههههه...لابس توني انبه لـ حبة الخال الي تحت عينه اليسرى (مهند يحمل حبة خال تحت عينه بس صغيره لازم الواحد يدقق عشان يشوفها وبشرته سمراء وعيونه لونها بني غامق وخشمه مشاء الله مرتكز وشعره بني وعند الشمس يصير ذهبي) رغد :اقول خلي عندك التفقد والاستكشاف في خلق الله وتعالي اركبي ميان:هههه حلوه التفقد ركبو البنات وانبسطو وطلال وتركي تسابقو وطبعا فاز طلال ومهند وعساف تسابقو وفاز عساف وبعد سطام وسعود وفاز سعود.. اذن المغرب ورجعو البنات لقسمهم والعيال راحو يصلون في المسجد التابع للفله ................... { الهوى } مالك و ماله ؟!ما تشوف أشلون صاير ! حاك يا قلب حاله ..! ............... أدري انك مهتويه // ............... وأدري انك ترتجيه // وأدري انه لاوعدك ,، تروح ترررررررركض ............... [ تحتريه !! ............... أدري مجنون بهواه .. ............... وأدري ما تلقى بحلاه ,، رولا:بسام اقولك يوم السبت بيجي انت لازم تسوي شي بسام:يارولا خلاص انا مو من نصيبك رولا : ايش ..وشو الي مو من نصيبي وحبنا يابسام وين راح بكل بساطه تقول مو نصيبي بسام ..بعد ما طلق زفره من صدره..:يارولا ربي رزقك بواحد مليونير وعنده خير وبيعيشك بأحلى عيشه رولا:وانا ما ابيه ماابي الى انت فاهم انت وبس بسام ببرود عكس الي جواه:رولا الله يوفقك انسيني شيلني من حيااتك ابني حياتك مع غيري انا ما نفع لك رولا ودموعها تنزل بغزاره وحست الدنيا تدور فيها وتسود حولينها من كلام بسام وبرودته معها:بـ..ـس..ا..نـ..ـا ..احـ.. سكتت بسام:وبعدين يارولا وش ها البكي انا اعرف ان البنت اذا انخطبت تفرح مو تبكي <<<كمل وهو خلاص كاره الدنيااا تعوذي من أبليس وابدري صفحه جديده وحب جديد >>بالقوه طلعت منه سامعه يارولا ...رولاسامعه واش اقول.. رولا لاتسكتين ردي ردي علي الووو الوو رولا رولا انتي تسمعين.. مسك الجوال يمكن فصل الخط ولا حس ..شاف الاتصال لازال موجود .. رولا ردي علي رولا .."ياربي يمكن صار فيها شي" مسك تليفون البيت واتصل على بيت خالته.. مازن:الوو بسام :الوو مين ماازن مازن:اي بسام بسام :اي خالتي وينها ؟؟ مازن:عندي هنا بسام :عطني اكلمها بسرررعه ام رولا:السلام عليكم ..حيا الله ولدي بسام بسام:وعليكم السلام ..خااله الله يعافيك بسررعه روحي لـ رولا ام رولا:بنتي وش فيها بسام :ما ادري كانت تكلمني وفجأه انقطع صوتها رمت ام رولا السماعه وبسررعه توجهت لغرفة رولا فتحت الباب لاكن كان مقفل ودقة الباب:رولا رولا فتحي حبيتي رولا ..وضربة الباب اكثر من مرره لاكن لا مجيب وفي هذا الوقت وصل بسام .. يزن:ماما بسام برى عند الباب ام رولا:خله يدخل يكسر الباب ولا يشوف صرفه يزن:ان شاء الله شوي الى بسام دااخل بسام:مافتحت ؟؟ ام رولا:ولا حتى تكلمت ..ياحسرتي على بنتي لايكون صار لها شي ..وبدت تبكي من جديد بسام يهديها :لا ان شاء الله ماصار الى العاافيه (لو صار لها شي والله ما اسامح نفسي) عطوني مفك ولا سكاريب افك فيه الباب جابو يزن ومازن السكاريب .. وبدى بسام يفك القفل الين حس ان الباب شوي وينفتح قام روجع على ورى :وخرو بكسر الباب وبل قوه انطلق للباب.. .....انهز البيت من صوت فتحت الباب القويه ..... دخلو الغرفه لقو رولا طايحه عند سريرها وفي يها جوالها وشعرها مبعثر حوالينها ووجهها الشاحب الواضح عليه التعب ولأرهاق... ام رولا:رولا حبتي يمه شالتها وحاولت انها تصحيها... بسام اخذ عطر من التسريحع وقربه لـ أنف رولا وبدت تستوعب وتقوم.. ام رولا خذت بنتها في حضنها وجلست تمسح شعرها وتقرى عليها.. رولا:اممممم ..اممممم رولا مازالت مغضه غيونها:بسام مابي غير بسام الكل طالع بسام ينتظر منه اجابه بسام:نوديها للمستشفى ام رولا ..حزنت على حال رولا وبسام:لا يولدي ماله داعي الحين اسوي لها شوربه وأشربها وتصير زينه بسام:انا استئذن ام رولا:ماتشوف شر وجزاك الله خيرر يزن يمه وصل بسام بسام:لا ارتاح انا مو غريب طلع بسام وركب سيارته وانطلق وهو مايدري وين يروح ويش يسوي كيف حبيته بهاذي السهوله ترووح : أخ يا أبوي الله يسااامحك .......................... الاسطبل الساعه8 مساء البنات رافعين صوت الاستريو اخر شي ومرره متحمسسي مع الرقص وريما المشجعه حقت الفرقه <<خخخخ ريما:عاشو البنات عاشو الحلوين اي ياسود عليهم ورى ورى ورغد ترجع ورى على نفس كلم ريما ريما:عاشو داام قداام ..يمين يمين ..شمال..شمال تحت تحت.. فووق فووق.. ورغد على نفس الكلام تمشي ريما:يالله عااشت رغد عااشت رغد رمت نفسها على الكنبه:اخ تعبت البناات:ههههه ملاك:مشاء الله عليك ماقصرتي ريما:يالله ميان دورك ميان:بس ابي ارقص على القوس قوسك ريما:من عيوني بس اشوي اظبطها لك وكملوو البنات وريما على نفس الحاله تشجيع والبنات يصفقون وميان مشاء الله عليها رقصها لايعلى عليه ..................... نامت رولا في حضن امها بعد ما هدتها وقرت عليها .. طلعت منها بشويش وقابلت زوجهاا (صدت عنه وراحت لغرفتها) وقبل ماتوصل مسكها مع يدها بكل قوته :شوفي يامره لاتقوين راس البنت علي لا والله تشوفين شي مايسرك ام رولا ودموعها بعيونها من حالة بنتها وقسوة ابوها:حرام عليك روح شوف شكلها لاتاكل ولا تشرب انت مو حـــ... قاطعها ابو رولا وبصوت عالي خلاها ترتجف:مالك دخل عمرها ما كلت تركها ودخل غرفته ... ................ الكل توجه غرفته ونام عذاري :ميان ميان..رغد رغد ..اوووه ملاك ملاك..ريما ريوم ياربي مافيني نوم قامت عذاري ووقفت عند الشباك وعيونها تطالع النجووم .. فتحت الشباك وهبت عليها نسمات هوا لطيفه :وااو الجوو رووعه اخذت طرحتها ونزلت تتمشى تحت.. أحيان / احس إني وطن ممتلي ناس وأحيان أحس بـ وحدتي , واتحطم عند الخيوول طلال:والله تعبت من التفكير..تخيل جدتي ماخذه موعد معهم يووم السبت تركي:ياخي مايعرف لك الى جدتي ..ههههههه طلال :الي رجليه في النار مو مثل الي رجليه بالماء عسى يارب تتسلط عليك وتزوجك غصب عنك تركي:هههه ..اقول لايكثر وانا طالع انام ابرك لي من مقابل خيولك ..تصبح على خير طلال:وانت من اهله (ياربي وش ها الورطه الي حطتني فيها جدتي يارب يارب عوونك يارب) عذاري:مشاء الله شكل الرجال نامووو خل اروح اشوف قسمهم دخلت القسم من عند الملعب الي يفصل بين الرجال والنساء وشاهدت امامها بيت شعر كبيرر ومكيف وبـ أنااره رائعه طلعت ودخلت من المدخل لفلة الجال :وااااو مشاء الله يجنن من خلفها :عجبك... .......................... هل بيتطور حب ميان لـمهند؟؟ وايش سر الي مخلي بسام يتخلى عن رولا؟؟ وبطل روايتنا ايش بيسوي الموعد يوم السبت؟؟ ولأهم مين هذا الي شافته عذااري ؟؟ وأيش ردت فعلها؟؟ انتظروني في البارت الخاامس |
|
#15
04-17-2010, 01:47 PM
| ||
| | ||
| البارت الخامس أشتاق لك وتظن ماني بمشتاق !! والله لوتدري كم الشوق فيني ؟! وأنا الذي لك دايم الدووم مشتاق .. وحتى لو شفتك .. بقى الشوق فيني عذاري:وااو مشاء الله يجنن من خلفها :عجبتك؟؟ ...وقفت مكانها تبي تركز في الصوت يمكن اخوها ولا ابوها... تركي:من انتي؟ لفت عليه طاحت عينها بعينه... تركي{مشاء الله هذي بنت ولا ملاك ..يارب ماني قادر اشيل عيوني منها} عذاري{ معقوله كل ها العيون لـ تركي ..مشاء الله عليه مزيون اش قاعده اخربط..عيب استحي} سحبت طرحتها من تحت شعرها وحطتها على وجها وبسرعه تحركت بتطلع مسكها مع يدها بجراءه :من انتي؟؟ عذاري:مالك دخل ووخر يدك عني لو سمحت تركي:وش الي مالي دخل ا..قولك من انتي؟؟ ارتفع ضغط عذاري وبصوت عالي :قلت وخر يدك ياوقح شد على قبضته :لاترفعين صوتك علي ..ماتعيش الي ترفع صوتها عذاري بنظرة غرور وثقه:كاني عايشه قدامك وش بتسوي دفته بيدها الثانيه ..بس ايش تدف جبل سحبها من يدها الى ان صدمت بصدره:يبيلك تكسير راس رفعت راسها وجت عينها بعينه وانفاسها مختلطه بأنفسه :انا بنت ابوي ما احد يقدر علي زفر زفره قويه حست رئتها امتلت من هواه:والله لـ أدبك وأخليك تترجيني أسامحك على كلمتك تركها ونفض يده كأنه ماسك شي قذرر :لوك متربيه ماجيتي قسم الرجال بالليل قولي من تبين من العيال واروح اقوله بدال ماتنتظرين امتلت عيونها بـ الدموع اول مره احد يغلط عليها:متربيه غصب عنك ابتسم بئستهزاء وصعد الدرج نزلت دمعه من عينها وأنهارت كل قوتها ..وسحبت نفسها خارج فلة الرجال متوجهه الى فلتهم ......................... الموت كل الموت مع طلعت الروح لا شفت محبوبك مع شخص ثاني دخل البيت متضايق وحزين على نفسه وعلى حياته الي ضاعت من بين يديه ... استقبلته أخته بل امه وحاملة اسراره :السلام عليكم رد بئبتسامه باهته :وعليكم السلام والرحمه اخبارك ورد واخبار نيووف وماجد ورد:الحمدلله كلنا بخير.. قربت منه وحطت يدها على كتفه :وش فيك ضايق صدرك؟ بسام{والله ما احد حاس فيني الى انتي }:ابد سلامتك مشاكل مع الشركه وكذا ورد جلست جنبه :عيني بـ عينك ....:للووووش للووش الف الف مبروك ياخوي بسام ببرود:الله يبارك فيك ..بس على ايش؟ هبى :على انك تركت الشيفه رولا ورد:هبى اطلعي لغرفتك لو سمحتي ابي بسام بكلمة راس هبى :لايكون الاخ زعلان انه تركها ..من بكره ادور لك احلى بنت بسام ببتسامة استهزاء:شكرا..اذا بغيت انا أأشر والبنات تحتي ورد:هبى حبيبتي جيبي لي عصير برتقال هبى:مفهومه ..انا طالعه انوم ..تصبحون على خير سوت روحها طلعت لاكنها وقفت ورى الباب.. ورد:اجل السالفه كذا ..ليش كذبت علي وقلت مشاكل الشركه؟؟ بسام:اجل ايش مشاكل الشركه حطت يدها فوق يده:بسام قول يا اخوي انا اختك يمكن الاقي حل وياك..ولا تخاف سرك ببير بسام غمض عيونه بقوه كأنهى يسترجع الاحداث: ايش تبني اقول ..اقولك تخليت عن اجمل حب بحياتي بسب شخص مايستحق..ولا اقول انها طاحت مريضه بسبب اني تركتها..اقول ايش ولا ايش ورد:ياربي الله يعديها ..انت الحين قوم ارتاح وبكره قول كل شي {من خلف الباب :طيب يارولا والله لا اكسر قلبك مثل ما كسرتي قلب اخوي} ............................. يطل يوم جديد في حياة اناس بالسعاده وناس بالحزن والهم دخلت الغرفه البارد كأنها ثلج والستائر محكمة الغلق لكي لاتنفذ اشعة اشمس.. ام تركي:وش ذا النوم ..نايمين في ذا البرد وقولو تعبانين ولا حلوقنا تعورنا مافيه الى فكس توجهت الى التكيف واغلقته وأمسكت ريموت الستائر وفتحتها ميان:يالله صباح خير ..عمتي والي يرحم والديك ام تركي :وش صباحه الى قولي مساء عذاري جلست وبِ أدب :كم الساعه ؟؟ ام تركي :الساعه 2 الظهرر قامت عذاري وتوجهت لدورة المياه.. ام تركي :ريما ريما وترااب ريما:همممم ام تركي:يالله قومي ..ميان .ملاك .رغد .قومو يالله .......: لاحياة لمن تنادي الظاهر ماينفع معكم الى الاسلوب الخااص بسرعة البرق نقزت ريما من فراشها:انا قمت ابتسمت على حركة بنتها:ونتو موب قايمين ريما:انصحكم قومو ترى امي ماتلعب ملاك&رغد&ميان:.... ريما:انا اقول يايمه وريهم عظرتك توجهت لدورة المياه واخذت سطل وعبته مويه بااارده :بتقمون ولا لا ..طيب واحد اثنين ثلاثه كبت سطل المويه عليهم.. قامو وهم مرتاعين ومتسبحين ..اشكالهم تموت ضحك عذاري وريما:ههههههههههههه ام تركي:بتقمون ولا استخدم اسلوب ثاني ملاك:لالالا خلاص قمت ميان:اصلاً انا قيمه من امس>>من الخوف خخخخ رغد:انا مانمت <<ههههه ام تركي:هههه ..يالله غيرو وانزلو تغدوو الكل:ان شاء الله قامو البنات وكل وحده توجهت لشي ..لي تلبس والثانيه تاخذ شاور..والثالثه تستشور ....الخ ...................... لاتظـــن البـعــد ياخــذ من غــلاك .. ولا تظـن اعشق وادور من جـديــد.. ما اتـغـير ما دام لـي قـــلـب معـاك .. مخـلـص لحـبك وغـيــرك ما يريد .. يـذكـرك مشـتــاق ولامـره نـســاك .. اشـعـــر بقـربك ولـو انـك بــعـيـد .. يـا حبـيـبي مـالي بالـدنــيا ســواك .. لاجلك اسهر وانظم بيوت القصيد .. (ياربي لمتى بتم ساكته لازم اسوي شي انا ما ابي مليونير راضيه بعيشه بسيطه ..بس اهم شي تكون مبنيه على حب بس ابوي وااقف بطريقي ..اااااه طيب يا.... الى ايش اسمه عريس الغفله بيصير زوجي وما اعرف اسمه {زاد بكائها} والله لا أخليك تكره شي اسمه رولا ولا فكرت تخطبها) من خلف الباب سمت صوت امها يافايز خل بنتي بحالها شوفها كيف صايره كأنها وحده عمرها 100سنه فايز بصوت عالي:الظاهر من زمان ما انضربتي قرب منها ومسك شعرها :الرجال بيجي يوم السبت واي كلمه زياده ولا حركه كذا ولا كذا .زبطين عيشتك انتي وبنتم وبصرخه هزت البيت :مفهوووووم بينها وبين تنفسها(اسمحي لي يارولا ما قدرت ادافع عنك) فايز:وين زفتت الطين رولاااااااااا .................... ياترى ايش يبي فايز بـ رولا؟؟ وتركي وعذاري ايش بيحصل بينهم؟؟ وكيف تركي بينفذ تهديده وتوعده لها؟؟ انتظروني بالبارت السادس والعذر والسموحه ادري اني تأخرت عن تنزيله بس من اليوم ورايح متى ما خلصت بارت نزلته مابي اعذبكم معي ...  :قرائه ممتعه  |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية الزمن قاسي ولايمكن يلين ..اول رواية لي في الذمة تقرونها ......بليز | بنت عز ومن شافني فز | أرشيف المواضيع الغير مكتمله او المكرره او المنقوله و المخالفه | 10 | 07-01-2011 07:45 AM |
| رواية رومانسيه وجريئه بنات عو وقلبهم ماعزهم (سعوديه ) | ЯǒǑǒйĝ3ħ | أرشيف المواضيع الغير مكتمله او المكرره او المنقوله و المخالفه | 17 | 10-02-2010 08:14 PM |
| اسئله صريحه وجريئه | بنوته برونزيه | أرشيف المواضيع الغير مكتمله او المكرره او المنقوله و المخالفه | 0 | 12-21-2008 06:26 PM |
| اسئله صريحه وجريئه | بنوته برونزيه | أرشيف المواضيع الغير مكتمله او المكرره او المنقوله و المخالفه | 0 | 12-21-2008 05:23 PM |
.gif "flowr")
.gif "thanks")
العرض العادي
