|
| |||||||
| قصص قصيرة قصص قصيرة,قصه واقعيه قصيره,قصص رومانسية قصيرة. |
 |
| | LinkBack | أدوات الموضوع | انواع عرض الموضوع |
|
#22
04-29-2010, 04:27 PM
| ||
| | ||
| البارت السابع هو الغلا وهو الأمل وهو الاحساس وهو الـذي للروح حـبه شريعه أغــليـه وأحبه ولا فيه لي بآس شريت حبه وحالف ما أبيعه وقفت امام المرأه { انا لازم اكون قويه ولا اضعف وبعدين بسام يحبني وانا احبه ..وطلال دخل من بينا وخرب حياتنا ..انا لابد اخرب حياته ..وأرد له الصاع صاعين} ............................ اكبر حدود الشوق ..: في ضمة ايدين ! ........./ وأكبر حدود .. الحلم / في عضة ابهام ! حط يديه على تركيبة المطبخ وصارت محوطه منه ..بين ظهرها وصدره سنتي واحد مسك يدها الي على الكوب بيده اليمنى:مره ثانيه التقينا ..ماتبين تقولين لي من انتي ؟؟ غمضت عينها بكل قوه وريحت عطره دوختها:بعد ..عـــ..ـنــ..ــي حرك اصابعه بكل نعومه على يديها:ليش خايفه؟؟ سحبت يدها ولفت عليه وصارت مقابلته وجه لـ وجه:بعد لو سمحت قرب وجهه منها واختلطت انفاسهم ..وعيونه مركزه بعيونها الي تتحاشى تناظره :عيونك عذااااب حست بشعور غريب ماتعرف شنو هو..بصوت يذوب الصخر:تركي مسك كتفها بخفيف وغمض عيونه :فدتيك..يالبيه {ياربي وش ناوي علي فيه }:الله يخليك وخر لا احد يشوفنا بعد شوي عنها وعمز لها:اسمك بس.. عذاري :مالك دخل ..وبسرعه انسحبت من المطبخ رفع صوته:والله لـ أجيب راسك وقفت ولفت عليه :اتحداك..كملت طريقها رفع يده على راسه {اوريك والله لـ أخليك تتندمين على تحديك} دخلت سيتي المطبخ ..وتناظر بكل زاويه كأنها تدور على احد تركي:وش فيها ذي انهبلت ..هي انتي سيتي:يس سير تركي:وش فيك كأنك مضيعه واحد من عيالك سيتي:لابس هذا عذاري يبغى انا تركس:عذاري!!مين عذاري؟؟ سيتي:هذا تبع بيت بابا فهد تركي:المهم..سوي قهوه بسرعه اخذت الدله منه .. تركي:شوفي انتي ..يووه..ايش اسمك سيتي:سيتي {سيتي.. سيتي.. سيتي.. اي اول ما دخلت قالت "سيتي وين السكر "..يمكن تقصد هي}:سيتي ..انتي من ناداك للمطبخ سيتي:هذا عذاري تركي:كيف شكلها عذاري سيتي:هذا ابيض مافي سمين ولا نحيف زين تركي:يارب على التوصيف يجيب الهم .. طيب كيف شعرها؟؟ سيتي :هذا طويل لون اسود تركي:في بنت غير عذاري شعرها طويل واسود سيتي:اسود كثير بس طويل مافي بس عذاري تركي:والله وطحتي ياعذاري ومحد سمى عليك اخذ فلوس من جيبه وعطاها سيتي :شوفي الكلام مابي يطلع حق احد ولا اوديك على طول اندنيسيا خذت الفلوس وطايره فييهم :لا مافي قول اقطع رقبه مال انا تركي: يلعنك مصلحجيه ..طيب اسمعي لاتكثرين هيل في القهوه ويالله بسرعه ................................. بعد ما أخذت قرارها ..لبست ونزلت تحت لقت امها مووجوده: صباح الخير يا احلى ام ببتسامه :صباح النور..الحمدلله انك طلعتي من عزلتك اي يابنتي كل شي مكتوب والواحد ما ياخذ الى نصيبه {بس نصيبي مع بسام}:صح ماماتي كلامك درر..الى وين بابا؟؟ ام رولا: ابوك !!..ليش وش تبين فيه؟؟ رولا:لا بس كذا ابي اشوفه.. ام رولا :تلاقينه في المجلس الخارجي رولا:اوكي ..انابروح لباباتي ...طلعت رولا لــ ابوها... {لا بنتي انهبلت بابا &باباتي ..الله يستر من ذا المحبه الي توها نازله} ........................... مدري متى أو وين أو كيف أو ليه أنا وعيت وشفت نفسي أحبك طلعت الدرج (السلم) بأسرع ما عندها ونبضات قلبها سريعه.. وقفت على اخر درجه ..مسكت يدها تتحسس مسكته لها {آآآآخ على نظرته ليش يطالعني كذا ..عيونه سحرر..بس وقح وشلون تجراء ومسك يدي ..بس مسكته روومنيسه وتذوب قطعة الصخر يااربي رومنسي مووت.. انا وش دخلني رومنسي ولا عربجي بصراحه قليل ادب ..اي قليل الأدب لو اخته ما رضى.. بس يمكن يحبني..من متى ان شاء الله نزل ..بس شكلي ملت له..ايش ملتي انبهي تحبينه اصحي ياماما هذا يبي يلعب بس } عايشه صراع بين عقلها وقلبها ..ماتدري من الصح ومن الغلط ............................... دخل عليهم وبيده الدله ... طلال:وينك يابو الشباب ساعه عشان قهوه .. {بلاك ماتدري وش شفت}:وش اسوي بالخدامه تأخرت وهي تزينها>>كل شي عى الخدم هههه سعود:طيب تعال تى طقتنا الشهوه وطاحت سعابيلنا مع ذا الدونات تركي:هههه ..ورى ماكلت سعود:بايع نفسي ..كان تتوطاني الكل :هههههههههههههههههههههه ................................. والله لهدم حياتك بيديني مثل ما حطمت حياتي بيديك لخليك تعرف مع مين انت تلعب ...... ظربت الباب...:ممكن ادخل من خلف الباب:تعالي دخلت ببتسامه :صباح الخير باباتي فتح عيونه بأقوى ما عنده:من متى باباتي!!؟ رولا:من اليوم وراايح ابو رولا :وايش المناسبه؟؟ رولا :بابا انا موافقه على طلال ..بس بشرط ببتسامة خبث: امري رولا:اذا خلصنا تزوجني بساام ابو رولا:بس غالي والطالب رخيص .زبس لو ترجعين لي ويديك فاضيه بتكرهين شي اسمه باباتي على قولتك اوكي ابتسمت :اوكي ..والحين ايش المطلووب رجع ضهره للخلف وابتسم بنص ابتسامه :تعجبني بنت ابوها..اسمعي ......................... طلال:يابو وين سرحت تركي:آآه طلال:اوووه السالفه فيها آه تركي:وأهآآآآآآت طلال:لا السالفه يبيلها قعده تعال خل نروح لفلتي تركي:سريناا سعود:وين ؟؟وين رايحين؟ طلال:عندي كم شغله بخلصها مع تركي سعود:شغل حتى هنا مهند:ماتعرف طلال يمووت في الشغل طلال:قولو مشاء الله تصكوني بعين وجلس بعدها شهر ما أداوم سعود:حط خرزه زرقا عن العين طلال:ايوه ..حسيت اني داخل عند مشعوذ تركي:اقول لايكثر انت وياه وتعال خل نروح نخلص شغلنا طلال:بروح معك ..مع انك تطاولت علي ..بس موحب فيك لا ابي اعرف وش السالفه تركي :وأنا أقول ريما من وين جايبه القافه اثرها منك طلال:امش..امش ..قبل تصفق ............................ في منزل متوسط الحال لايقال عنه شعبي ولا حديث... ...:متى قالك زوجك بيرجع يايمه؟؟ ابتسمت:ان شاء الله بعد اسبوع ام بسام:بفقدك يايمه ...ونواف ياعمري ..من بيملى البيت علينا بعده ورد:ياعمري يا أمي كل ما حسسيتي أنك تبين تشوفينا اتصلي بس وكلها عشر دقائق وحنا عندك..لاتشيلين هم يالغاليه بسام:انتي ماتعرفين امي كل شي تشيل همه ام بسام:اذا ما شلت همكم ..اشيل هم مين؟؟ هبى:خلهم يروحون يمه ..قسم ظهري انكسر وانا ارتب ورى نواافووه نواف:اثمي نواف لو ثمهتي (اسمي نواف لو سمحتي) فتحت عيونها ..ورصت على اسنانها بقوه :بزررر..اقول طير عني هناك بس طير ...قطع عليهم صوت جوال بسام ... النغمه يعرفها زين ويعرف لمين حطها.. صدق انتهينا لكن الحب باقي ماهو بيدينا لنكتب يوم الفراق يمكن تلاقي ويمكن انا ألاقي شي يصبرنا على جرح الاعماق نبعد وفينا نار شوق وتنادي صعب علينا نلتقي ليل عشاق ادري حبيبي ان قلبك تشاقي وادري حبيبي والله كيف تشتاق وان كان لي عندك طلب الفراقي عيش في ذكراك وفيك الاوراق واكيدلك عندي غلا با الفراقي بشتاقلك والله واشتــــــــــــــــــــــاق تغيرة ملامح وجهه الى حزن :انا استئذن ..طلع وتركهم هــــــــــبــــــــــــــى {وقحه لها عين بعد تدق .....طيب يارولا والله لأخليك تكرهين نفسك ...وعد على نفسي وانا هبى ..ان ارد كرامتك يا اخوي} ورد {ياربي موش تبي متصله على بسام..ما صدقت انه يلهى شوي الله يستر لايكون مصيبه ثانيه} ............................. احبك وأعشقك واموت في عشقك *** يالي ذبحتني بنظرت عيونك في الأسطبل وبا الحديد ..في فلة طلال طلال:يالله هذانا بروحنا قول وش فيك تركي:سحرتني ابتسم:الأخ حبيب ..ومن هي الي قدرت عليك؟؟ رمى حاله على الكرسي ورفع راسه فوق وغمض عيونه:تحدتني..وسحرتني ..وشكلها بتغلبني..كنت ابي اعلقها ودمرها ..بس شكلي انا الي تعلقت طلال:هههههههههههههه ..والله انك تحفه تركي:ياخي ترى ما امزح معك انا طلال:طيب ..خل الالغاز عنك وقولي السالفه كاامله عدل جلسته: اسمــــــــــع.. ........................... :اووووووووووه ...غش كم مره فزتي ريما:ياماما انا أغلب رجال ماتبين اغلب ورعان ملاك:والله مالورع الى انتي ريما:هههههه..اي تهربي ميان :بصراحه العبه صارت مااسخه ريما :زيديها ملح خخخخ رغد :باااايخه ريما:وش اسوي لا صرتو مبزره رغد:مبزره في عينك..اقول قومو نصلي العشا.. ونفكر في شي نسويه احسن من العب بالورق ميان:قدااام... طلعو البنات من غرفتهم ... تفجئو من شكل عذاري .. سرحاانه وماسكه يدها مكان مسكت تركي ..ووجها شاحب قربو منها... ميان :عذاري ..عذاري ..عذاري عذاري:هااااه..وشو؟؟وش فيكم؟؟ ملاك:انتي الي أشفيك ؟؟ عذاري :مين ؟؟ رغد:بسم الله عليك ..قومي صلي ونامي حبيتي يمكن السهر مئثر عليك عذاري:اي..انام..صح ..انام . قامت وتركتهم... ريما :بسم الله وش فيها توها وش زينها ملاك :غريبه !!.. ميان :خل ترتاح ..وبعدين نشوف وش فيها.. رغد :يالله خلنا نتوضى ونصلي .. الكل :يالله... .............................. حرام عليك تظلمني وقلبك يجفا وينكرني حاول مره تفهمني أحبك لاتقول مايهمني يكفي بس،لا تخدعني تمثل علي انك ما تحبني ...:الووو رولا :هلا حبيبي بسام :ايوه رولا :اخبارك ياقلبي؟؟ بسام:خير في شي؟؟ رولا:وش فيك حياتي ..اسلوبك جاف معي .. بسام:رولا انا ما احل لك ..عشان اسمع منك ها لحكي..تكلمي زين وخلي عنك الكلمات الي مالها داعي رولا:وين بسام الي كان يتمنى اقول بس حبيبي . بسام:قلتيها كااان رولا:بس انا بصير احل لك.. بسام:كيف!!؟؟ قالت له مخططها هي وأبوها .. بسام:لا يارولا ماتوقعتك انانيه الى ذا الدرجه رولا :أنانيه ..ليش؟؟ بسام:تهدمين حيات شخص ..عشان تبنين حيااتك رولا:بس هو بدى وهدم حبي لك.. بسام:وأنا اسف ما أبيك بعد أي رجل رولا:وعد ما أخليه يلمسني بسام:يكفي انه شافك..وراح تحملين لقب مطلقه بعدهااا ببكاء يقطع القلب:بسام انا احبك وانت تحبين وش قاعد تخربط بسام:انا اسف..وما عندي غير ها الكلام وبصراحه طـــحــتــي من عيني.. ..سكر الخط منها... رمى الجوال على السرير ..ظرب بيده على الجدار :لايارولا كيفترضينها.. مو انتي رولا الي عرفتها وحبيت فيها طيبة قلبها الى هذي الدرجه الحقد عمى قلبك... .................................. ...: اهااه ..اجل كذا السالفه تركي:اي كذا ..بس والله ما اخليها ..والله لجيب راسها ..واخلها تندم على اليوم الي تحدتني فيه طلال:بس انتبهتمس شرفها ولا تشوه معتها..ساامع تركي:ترا بينت خالي مثل ماهي بنت خالك طلال:اي لاتخلي الانتقام يعمي قلبك تركي:لاتخاف حسبة اختي ريما ..بس ابي أأدبها طلال :تبي مساعده ابتسم بخبث :اذا ما عندك مانع طلال:اوكي نرسم المخطط اول ..وبعدين نطبق تركي: اوكي... .......................... الله يعينك يا عذاري اتفقو عليك تركي وطلال.. تتوقعون ايش بيصير؟؟؟؟ وكيف بيكون وضع رولا بعد كلام بساام؟؟ اتمنى البارت اعجبكم وحاولت قدر ما اقدر انه يكون طويل .. اذا كذا عاجبكم طوله قولولي اوكي عشان اثبت عليه ..  |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية الزمن قاسي ولايمكن يلين ..اول رواية لي في الذمة تقرونها ......بليز | بنت عز ومن شافني فز | أرشيف المواضيع الغير مكتمله او المكرره او المنقوله و المخالفه | 10 | 07-01-2011 07:45 AM |
| رواية رومانسيه وجريئه بنات عو وقلبهم ماعزهم (سعوديه ) | ЯǒǑǒйĝ3ħ | أرشيف المواضيع الغير مكتمله او المكرره او المنقوله و المخالفه | 17 | 10-02-2010 08:14 PM |
| اسئله صريحه وجريئه | بنوته برونزيه | أرشيف المواضيع الغير مكتمله او المكرره او المنقوله و المخالفه | 0 | 12-21-2008 06:26 PM |
| اسئله صريحه وجريئه | بنوته برونزيه | أرشيف المواضيع الغير مكتمله او المكرره او المنقوله و المخالفه | 0 | 12-21-2008 05:23 PM |
.gif "thanks")
العرض العادي
