|
|
#36
04-23-2010, 12:54 AM
| ||
| | ||
| بدر بعصبية = وش تقوله انت خالد بألم = مالك دخل ,,, اتركني بدر بعصبية = انا مالي دخل وضرب وجه خالد بقوة عدة مرات بمرفقه علي = بدر اصبر شوي خلنا لين ننزل ,,, السيارات الحين تشوفنا فيه شي بعد غير هذا حرام عليكم بعد كلمة علي تركه بدر واعتدل خالد بجلسته ولاحظت الدم يطلع من فمه او خشمه ماميزت المهم نص وجهه ينزف دم ,,, واحتمال خشمه رفع خالد فنيلته يمسح الدم عن وجهه وبعدها احنى راسه لحد رجليه يغطي وجهه بيأس فجأة شميت ريحة سيجارة ,,, تلفتت ولقيته عبد العزيز يدخن ,,, التفتت بخوف لخالد اللي رفع راسه لعبد العزيز ,,, وشفت بوجهه الخوف وهو يشوف عبد العزيز يدخن راكان باستهزاء = خلودي لك اسبوع مارحت مدرستك ماقلتلنا مغيرها والا وشلون.؟ التفت خالد له وسكت علي = هههههههههههههه خايف خايف ياراكان قلتلك لا ترسله بس ماطعتني رفع بدر يده وضرب فخذ خالد اليسرى بقوة بدر بعصبية = اذا سألناك جاااوب مسك خالد رجله بألم وحاول يبعدها عن بدر وشره راكان = ليه ماصرت تروح .؟ ( ورفع يده وعطى خالد كف طير وجهه ناحيتي ) لا تسفهني وانا أسألك علي وهو يتلفت = راكان عطه مناديل خله يمسح الدم اللي بوجهه ,,, ياجماعة السيارات تشوفنا ,,, اخاف يشكون ,, اصبروا لين ننزل عبد العزيز = الدرايش اللي ورا مظلله ماحد منتبه ,, لا تخاف علي = ايه بس شف راعي السيارة اللي بجنبنا يشوفنا تلفت راكان شوي راكان = صادق علي ,,, خلاص بدر اصبر شوي ( واخذ كرتون المنديل ورماه بوجهه خالد ) خذ امسح خشتك تلفت خالد للسيارات وبعدها هجم على بدر عشان يلفت النظر لسيارتنا علي بخوف = ابعده بدر عنك بيفضحنا شفت راكان يمد جسمه بالكامل لخالد ومسك شعره وجره بعنف خلا خالد يميل على ورا وصار وجهه بين المرتبتين الاماميتين واخذ راكان يعطيه من هالبكوس بوجهه وصدره وبدر مستلم رجله ,,, شكله حالف يكسرها شفت علي يرفع قبضة يده لكن مسكته باخر لحظه ومنعته قبل يضرب خالد انا = لا تكفى لكن من وين ادافع عن خالد وهم اربعه وحنا اثنين ,,, اذا منعت هذا عنده البقية مسك علي ذراعي بقوة علي بعصبية = انت لا تدخل ودورك جاي ,, اصبر بس خلنا ننزل ( والتفت لراكان وبدر اللي الى الحين وهم طاحين بخالد ضرب ) بس انت واياه راكان وانفاسه سريعة = بدر بس بس ( وتلفت للسيارات شوي وبعدها مسك راس خالد ودفعه عشان يرجع لمكانه ) مسكه بدر وجلسه بمكانه غصب عنه اخذ خالد مكانه وهو يئن ويتألم ,,, واخيرا سكتوا عنه التفتت لخالد بقلة حيلة ,,, وشفت الدم يغطي فمه ومغمض عيونه بقوة ويتألم من رجله اللي ماسكها اخذت كرتون المنديل اللي طاح تحت رجولي ومديته على خالد ,,, التفت خالد لي بصمت وصار يطالعني وانا اطالعه وانا مستغرب ليش يطالعني كذا واتمنى اعرف وش يفكر فيه الحين وبعدها نزّل نظره على كرتون المنديل اللي معي ودفع يدي بعيد خالد = منهم هم مابيه ورفع فنيلته يمسح وجهه بدر بعصبية = وهو مايبيك ( وضرب فخذه ) نقز خالد من الضربة خالد بألم = آآآآآآه واضح من النقزة ان فخذه صارت ماتتحمل ضرب اكثر ,,, حسبي الله عليك يابدر حسبي الله عليك علي بعصبية = بدر وش اقول انا .؟ ياخي اصبر خلاص قربنا نوصل انتبهت اننا صرنا نبتعد عن المباني السكنية اكثر لين وصلنا لاخر محطة في الديرة على طريق الرياض ,, محطة ماوراها الا صحراء ,,, ووقفت السيارة ورا المحطة وصار يفصلنا عن المحطة جدارها الخلفي راكان = علي نزّل هذا وخلك معه لا يفلت منك ( ونزل شماغه ) شفت علي يتلطم بشماغه وبدر سوا مثله اما عبد العزيز عليه بنطلون ونزل وراح للباب الوراني من جهة بدر عبد العزيز = يله بدر نزّل خويلد سحبني علي يبي يطلعني من السيارة ,,, وضربته انا بعصبية = اترك وش تبووووون لف خالد يديه حولين بطني عشان مايسحبني علي خالد بصراخ = قسم بالله ماتلمسون منه شعرة وقعد خالد يسحبني داخل السيارة وعلي يسحبي برا السيارة فجأة تركني خالد وسحبني علي بقوة برا السيارة ,,, دفعني راكان وجا بمكان علي ,,, التفت لخالد اشوفه وينه ولقيت بدر وراكان كلهم بالمرتبة الورانية فوق خالد وطايحين فيه ضرب وعبدالعزيز واقف عند الباب ويشارك بالضرب التفتت لعلي وضربته بقوة على وجهه عشان يتركني وفعلا فلتت منه ورجعت للسيارة ابعد هالوحوش عن خالد لكن مامداني امسك راكان الا وعلي ساحبني مرة ثانية علي بعصبية = عبد العزيز عبد العزيز تعال امسك معي هذا تعاااال جا عبد العزيز يركض وجروني بعيد عن السيارة وسندوني على الجدار ووقفوا معي يمنعوني عن أي حركة المكان مضلم الا من نور خافت جدا جاي من المحطة مع نور السيارة اللي نورها مسلط علينا التفتت للسيارة بالاخص احاول اشوف خالد ,,, لقيت بدر وراكان بالمرتبة الورانية ومنحنين على خالد يضربونه اما خالد ماشوفه ,,, تألمت لحاله علي = نزلوه خلصوناااا شفت بدر يطلع من السيارة وهو يسحب خالد بعنف ,,, وجو متوجهين لنا شفت خالد يعرج وبدر وراكان ماسكينه من الجانبين وسندوه على الجدار بجنبي ,, وعلي مازال ماسكني التفتت لخالد و مازال خشمه ينزف ,,, رفع فنيلته مرة ثانية يمسح الدم عن وجهه خالد وانفاسه سريعة = وش تبون ليه لاحقيني .؟ بدر = ليه تبلغ علينا .؟ راكان = جايين نربيك يوم ابوك مارباك انا بعصبية = من زين تربية ابوك عاد التفت لي راكان بعصبية ومادريت فيه الا وهو يعطيني كف طير وجهي ناحية علي دفعه خالد معصب خالد بعصبية = قلتلكم مالكم دخل فيه لكن عبد العزيز مسك يد خالد ولواها ورا ظهره بدر = قل ,,, ليه بلغت علينا .؟ خالد بصراخ = تدخلون استراحتي بدون علمي وتبوني اسكت ( ودفع عبد العزيز عشان يفك يده ) تركه عبد العزيز وطلع السيجارة من فمه وعطاها راكان عبد العزيز = اسمع حبيب ألبي الاستراحة اعتبرها لنا من الحين وطالع وخلني اشوفك تبلغ علينا ,,, تسمع خالد بعصبية = لا ماسمع ,,, وان دخلوتها مرة ثانية بابلغ ,,, وش عندك من يوم ماخذ راكان السيجارة من عبد العزيز وهو ينفث الدخان بشراهه بوجه خالد متعمد ,,, ولأني بنجنب خالد ملاصق له يجيني شوي من الدخان ,,, انا عن نفسي انكتمت وشلون خالد علي بعصبية = ابي اعرف انت وش صارلك ماكنت كذا نسيت مين اللي كان يجهز السهرة والا اذكرك .؟ بدر باستهزاء = شكله فضل هذا علينا ( وضرب راسي للجدار اللي وراي بتقليل قيمة ) انا بألم = آآآآآه وخر ( ودفعت يده ) ياخي مالكم دخل فيه يمشي مع اللي يمشي ويترك اللي يترك رص علي ذراعي اكثر علي = انت اسكت لا تتدخل بشي مايعينيك لاحظت على خالد يلصق فيني اكثر لين صار نص ظهره على صدري خالد بعصبية = خالد مالكم دخل فيه كلموني انا وبس لفيت يدي الحرة حولين بطنه كمحاولة فاشلة مني لحمايته راكان بسخرية = ليه حبيبي خايف على البنوتة اللي وراك .؟ انكتم خالد من دخان سجارته خالد = كتمتني بريحتك ( ودفع راكان على ورا ) علي بسخرية = الله تطورات ,,, صارت ريحة الدخان تكتمك قرب راكان فمه من فم خالد ونفث الدخان فيه خالد ماتحمل حركته ,, وعطاه كف قوي طير وجهه على قد مافرحت بالصفعة على قد ماخفت على خالد يوم شفت راكان وبدر يسحبون خالد ويطرحونه بالارض بعنف ويركبون فوقه بدر جالس على بطنه وراكان حاط ركبته على صدر خالد وخالد الغالي ماشوف منه الا رجليه تقدمت خطوة بروح ابعدهم عنه بس فجأة حسيت بالة حادة تغز بطني ,,, نزلت نظري اشوف وانصدمت والتفتت بخوف لعلي انا بخوف = علي ابعد السكينة عني ,,, وين عايشين حنا .؟ علي = اثبت بمكانك ولا تتحرك والا دخلتها فيك اكثر انا بترجي = علي الله يرحم والديك ,,, خالد ,,, خالد ياعلي بحكم صداقته القديمة معك علي = شكلك مشتهي تكون نهايتك اليوم انا بترجي = علي علي بعصبية = اسكت اقول التفتت لخالد بألم لقيتهم يكلمونه وهم فوقه بلا رحمة ,,, اسمعه يرد عليهم بس ماميز من كلامه شي ,,, وكل شوي اشوف قبضة يد بدر ترتفع وتهوي بخالد والله اعلم وش تصيب التفتت لعلي مرة ثانية انا = وش تبون فيه ,,, بدل ماتشجعونه على التوبة تـ وغز علي السكينة ببطني اكثر علي بعصبية = انت بتسكت والا وشلون .؟ انا بألم = آآآه خلاص خلاص عورتني وفعلا خف السكينة عني ,,, فجأة سمعت صرخة خالد التفتت له مفجوع انا بصدمة = خاااااالد شفت خالد يحك رجلينه بالارض بشكل هستيري دليل على الألم و مازلت اسمع صراخه انا = علي ,,, علي الله يرحم والديك ( والتفتت لعلي ) اتركني اتركني ( وحاولت اسحب يدي منه ) شفت بدر يقوم ويطلع شي من جيبه وبعدها جلس بعنف على بطن خالد ,,, وخالد المسكين يحاول يدافع عنه نفسه ويحاول يمسك راس بدر برجله وهو يصارخ انا = ياخي فك فك ( ودفعت علي لكن مازال متمسك فيني ,,, ورص السكينة ببطني اكثر ) علي بعصبية = انت ماتفهم .؟ ( والتفت لعبد العزيز ) وانت رح امسك خالد عن بدر بسرعة وراح عبد العزيز وجلس على رجلين خالد عشان يثبتها بالارض انا بعصبية = ابعد ابعد ( وانا احاول افلت من علي لكن النذل رص السكينة ببطني مرة ثانية ) انا بألم = آآآه عورتني ( وابعد علي السكينة عني شوي ) علي بعصبية = هذا آخر مرة لك والا مايحصلك طيب ,,, تفهم .؟ فجأة سمعت صرخة قوية من خالد ,,, اقوى من الصرخة الاولى شوي واصيح انا بصوت ضعيف = خـ خالد سمعت علي يسألني علي = وين ساكن خويلد .؟ مارديت عليه فاضي يسأل علي بعصبية = رد وين ساكنين بالضبط .؟ شفت بدر يشر لعبد العزيز على فخذ خالد اليسرى كأنه يقول شف شغلك ,,, صارخت بعبد العزيز انا بصراخ = لااااااااا لاااااااا عبد العزيز يرحم والديك لااااااااااا وكأني اقول عليك فيه استلم عبد العزيز فخذ خالد وقعد يضرب فخذه بقوة وبدون رحمة انا بصوت باكي وبعصبية = قسم ببلغ عليكم يالكلاب ,, فك فك وانصدمت وانا اسمع خالد يناديني خالد بصراخ = خااااااااااااااااااااااااالد خااااااااااااااااااااااالد خااااااااااااااااالد تألمت لحاله ,,, تستنجد فيني ياخالد وانا مابيدي شي اسويه لك ياااغالي ,,, آآآه ياخالد آآآه خالد بصراخ = لا لا لا خااااااااااااااالد آآآه خاااااااااااااالد عصبت ودفعت علي بقوة عني ,,, لكن بحركة سريعة من علي جرح يدي بسكينته وطرحني بالارض وجلس فوق بطني علي وهو يوجه السكينة لوجهي = وش اسويبك الحين هاااااه التفتت لخالد اللي صارت المسافة بيني وبينه ابعد من قبل وماشوف الا الوحوش اللي فوقه ,,, وخالد ماشوفه ,, ماشوفه ,, ماشوفه بكيت غصب عني ,,, وانا اشوفهم يضربون خالد بدون رحمة وانا اسمع صراخ خالد يخف ويخف شفت عبد العزيز يقوم و يتوجه لي وبعدها انهالوا علي بالضرب ,,, علي وعبد العزيز علي ,, وبدر وراكان على خالد قاومتهم لين ضعفت حسيت كل جسمي تكسر,,, وانا اقاوم واقاوم مدري كم مر علينا من الوقت اخيرا قاموا علي وعبد العزيز عني وتوجهوا لخالد او بالاصح لبدر وراكان ,,, بضعف التفتت لهم وانا اسمع اصواتهم وماقدرت اميز شي من شدة الدوران اللي احس فيه شفت واحد منهم يفتش بجيوب بنطلون خالد المتمدد بلا حركة ,,, بعدها ركل فخذه ومشوا متوجهين لسيارتهم وراحوا صار المكان مظلم الا من نور خافت جدا جاي من المحطة خاصة بعد نور السيارة اللي كان مسلط علينا وتعودت عيوني عليه ,,, اخذت وقت عشان تتعود عيوني على الظلام وحاولت احبي لخالد ,,, لكن ماقدرت بسبب الدوران اللي احس فيه ,,, التفتت لخالد واشوفه متمدد ,,, ناديته ولا يرد علي انا بصوت باكي = خـ خالد ,,, خالد اخ احس جسمي مكسر ,,, دورت على جوالي و حمدت الله انه مازال بجيبي ,,, وطلعته واتصلت على ابراهيم بيد ترتعش ,, بعد فترة رد علي واسمع عنده ازعاج انا = ابراهيم الحق ابراهيم تعال تعال ابراهيم = خالد ,,, بسم الله الرحمن الرحيم ,,, وش فيه صوتك الله يكفيني شرك انا بصوت باكي = ابراهيم تعال خالد ابراهيم بخوف = خالد وش فيك .؟ انا = تعال عند المحطة الـ ,,, تعال بسرعة بدر و خــ خالد تعال تعال ( وبكيت ) ابراهيم = وش تقول انت ,,, اهدى شوي وكلمني زين انا = تعال عند المحطة تعال بسرعة ابراهيم = عند محطة وش .؟ انا = محطة الـ ,,, حنا وراها تعال بسرعة الله يخليك ابراهيم = طيب طيب يله الحين جاي وسكرت عنه ,,, جلست بصعوبة ورحت احبي لخالد لين وصلت عنده ودموعي منعت عني الرؤية ,,, مسحت دموعي احاول اشوف خالد فنيلته الزيتيه تحولت للون الاحمر الغامق انا = خالد حطيت يدي على صدره,,, وحسيت بسائل حار لزج يـبلل يدي ,,, رفعت يدي بصدمة وبخوف انا بصوت باكي = خالد رد علي خالد انفاسه ثقيلة ويئن ويحرك رجله اليمنى بحركات بطيئة وبضعف انا = خالد رد علي نص وجهه ينزف ,,, وفرحت لما سمعته يناديني خالد بألم وبانفاس ثقيلة = خــ خالــ د انا = اسمعك خالد اسمعك ,,, اتصلت بابراهيم ,, الحين يجي خالد تسمعني خالد بألم = صدري خالد صدري آآآه يدي راسي ,,, خالد رجلي رجلي حطيت يدي على صدره وانحنيت عليه والصقت خدي بخده ,,, انا = حسبي الله عليهم ,,, الله ينتقم منهم ياخالد الله ينتقم منهم اسمع انفاسه ثقيلة ويئن بشدة وينادي باسمي مدري كم مر من الوقت ,,, وانا يإما اجلس او انحني عليه لين سمعت جوالي يرن ابتعدت عن خالد وجلست انا = آلوووه ابراهيم = خالد وينكم ,, هذا حنا عند المحطة بس مانشوفكم انا = تعال ورا المحطة ,,, حنا ورا المحطة تعال بسرعة بسررررررررعة سكر بوجهي وبعد 5 دقايق شفت نور السيارة تكبس علينا ووقفت السيارة بسرعة وشفت ابراهيم ينزل و ثنين معه ويركضون متوجهين لنا احنيت راسي على خالد عشان يسمعني انا = خالد جو جو ياخالد ,,, تحمل شوي ,,, خالد تسمعني خالد بألم = صدري صدري ,,, بعد ماعبّر كل واحد منهم عن صدمته عرفت ان اللي مع ابراهيم صالح وماجد ماجد بصدمة = خالد ( وجلس بجنبه بصدمة ويتحسس صدره وبطنه ) خالد من سوا فيكم كذا ,,, خالد صالح = موب وقته الحين شيله شيله معي ( ورفع رجلين خالد ) خالد بألم وبصراخ = آآآآآآآه رجلي رجلي ابراهيم بصدمة = حسبي الله ونعم الوكيل ( وانحنى على خالد وشاله من عند صدره ) خالد بألم وبصراخ = آآآآآه لا لا صدري كل ماحركوه صرخ بألم ,,, بعد ماحاولات شالوه وحطوه بالسيارة جا ماجد عندي ومسكني يساعدني على الوقوف ماجد = خالد قم تقدر تمشي ,,, قم قمت بتعب ويدي ترتعش ومشيت بمساعدة ماجد ,,, فتح لي الباب الخلفي ,,, ولقيت صالح جالس وخالد متمدد وراسه على رجل صالح ,,, ماعرفت وين اجلس ,,, خالد ماخذ المكان كله نزّل ماجد رجل خالد اليسرى على ارض السيارة حتى يسوي لي مكان خالد بألم = آآآآآه رجلي ماجد لا ماجد بخوف = اوووه آسف عورتك .؟ انا = ماجد خلاص خل المكان له روحوا وصلوه للطواري بسرعة صالح بعصبية = اركب بسرعة خالد ينزف وانت قاعد تسولف ماجد = اركب خالد سويتلك مكان اركب جلست ورجل خالد اليمنى ورا ظهري ورجله اليسرى منزلها على ارض السيارة قدامي ,,, حاولت اتحاشى خالد وبالاخص رجله ,,, اخاف المسها وتعوره اكثر ,,, ركب ماجد قدام وبسرعة البرق انطلق ابراهيم بالسيارة جلس ماجد بالعكس على المرتبة عشان يشوفنا وبدا التحقيق معي ماجد = خالد شسالفة من سوا فيكم كذا ( والتفت لابراهيم ) ولع اللمبة انت واول ماشغل ابراهيم نور السيارة الداخلي ,,, انصدمنا باللي شفناه ,,, قبل كان ظلام ولا انتبهنا لخالد زين كان خالد غارق بدمه فنيلته الزيتيه تحولت بالكامل للاحمر الغامق وينزف نزيف حاد من عند صدره وفنيلته متمزقة من عند الصدر ويده اليسرى مغطاه بالدم والخدوش بوجهه بكل مكان هذا غير فمه وخشمه مغطى بالدم صالح بخوف = لا يكون طاعنينه الحمير ( والتفت لي تفحصني بعيونه شوي ) خالد من سوا فيكم كذا ولا انتظر مني رد ,,, نزل شماغه ومسح وجه خالد وبعدها حط الشماغ على صدر خالد يمنع النزيف ,,, بس المشكلة مايدري وين الاصابة بالضبط ,,, مازال صدر خالد ينزف صالح بصراخ = عطوني شماغ ثاني نزل ماجد شماغه وعطاه صالح ماجد = يده اليسرى تنزف بعد صالح بعصبية = لا الدم اللي بيده من نزيف صدره ماجد = الا ,,, وخر اشوف وخر وحشر ماجد نفسه وجا عندنا للمرتبة الورانية تألم خالد يوم صار ماجد ملاصق له خالد بألم = آآآه ماجد يدي يدي ابعد صالح = ماجد خلنا ننزل قميصه ماني عارف من وين النزيف بالضبط وحاولوا ماجد وصالح ينزلون فنيلة خالد من دون مايتأذى ومع محاولاتهم وصراخ خالد المتألمة نزلوا فنيلته بصعوبة ,,, وانصدمنا باللي شفناه صالح بعصبية = وش ذااااا ,,, لاعبين فيييييييه الحميييييييييييير ماجد مطير عيونه وساكت صدر خالد مجروح جرح عرضي عميييييق تبدا من نص صدره الى جنبه الايسر سببت فتحة كبيرة وعريضة مفزعة مع طعنة في اليد اليسرى ماجد بصدمة = خــ خـــ صالح مرتبك = ينزف ,, ماجد شكلهم قاطعين عرق وقف النزيف بسرعة وحطوا شماغين على صدر خالد يحاولون يوقفون النزيف وخالد يصرخ ويتألم ابراهيم حاول يلتفت لنا صالح بصراخ = طاااااالع قدام لا تصدم فينا @@@@@@@@@@@ نهايه جزء الـ19
__________________ تكفون سجلوا بهاذي اللعبه يالله http://themafia.ae/?affuid=77398 |
|
#37
04-23-2010, 12:57 AM
| ||
| | ||
|
* 21 * يوم الاثنين وانا بالمدرسة وفي نهاية الدوام ,,, ابراهيم وماجد وصالح ناشبين بحلقي تحقيق عن اللي صار امس لكن بشكل مفصل ,,, كيف صادفوكم ووش يبون من خالد وليه وكيف وربما وعسى افففف مالي خلق لهم والبارح مانمت زين ,, طوال الليل وانا اتقلب بفراشي ,,, افكر باللي صار امس من دون مايذكروني هم ماجد = يعني سيارة خالد الحين واقفة عند المقهى .؟ انا بملل = ايه وين بتكون يعني اقولك صادفونا هناك وركبنا سيارتهم مايبيلها سؤال بعد انت ابراهيم = اجل بعد ماطلع من المدرسة بنروح انا وماجد لمكانكم هناك ورا المحطة انا مستغرب = ليه .؟ ماجد = سألت الممرضين امس عن اغراض خالد جواله ومحفظته ومفاتيحه قالوا مامعه شي ابراهيم = عشان كذا انا وماجد بنروح للمكانكم امس ونشوف يمكن نلقى شي تذكرت يوم واحد منهم يفتش جيوب بنطلون خالد انا = ماظن بتلقون شي من اغراضه ,,, امس شفت واحد منهم يفتش بجيوب خالد صالح = مو تقولون انهم عيال نعمة يمكن يفتشون يبون شي ثاني من خالد مو شرط جواله وسيارته صح والا لا .؟ انا بملل = مدري كيفكم ( والتفتت لصالح ) وانت بتروح معهم .؟ صالح = لا ابوي وابو عبد الله بيروحون يزورون خالد بالمستشفى وانا اللي بوديهم انا مستغرب = ابو عبد الله مازار خالد الى الحين .؟ صالح = الا اتصلت على ابوعبد الله الساعة ثمان يقول راح بس منعه الدكتور عن الزيارة يقول نفسية خالد تعبانة غير عطوه مهدي وقال ان الدكتور راح يسمح له بزيارته العصر نزلت راسي بألم ,,, نفسية خالد تعبانة .؟ من وش بالضبط ,,, اصلا حياة خالد كلها متعبة رفعت راسي لصالح انا بحزن = مرني العصر بروح ازوره معكم صالح = ودوامك انا بعصبية = يولّي ,,, مرني وبس ورحت عنهم متنرفز دخلت الشقة ولقيت خلود بالمطبخ ,,, سلمت ولا ردت ,,, يقالها زعلانة ,,, اليوم ماكلمتني وانا بعد ماحاولت اكلمها وتغدينا وحنا على هالحال العصر دخلنا المستشفى انا وصالح وابوه وابو عبد الله ,,, انا عن نفسي كنت متردد مالي وجه اقابل خالد ,,, كنت امشي وراهم وتفكيري مشغول وشلون اتسامح منه ,,, وصلنا غرفته ودخلوا وانا مازلت متردد مالي وجه اقابله ,,, لكن اخر شي توكلت على الله ودخلت شفت ابو عبد الله منحني على خالد يسلم عليه ويكلمه وصالح وابوه يحترونه يخلص واخيرا ابتعد ابو عبد الله عنه لكن استلمه ابو محمد ( ابو صالح ) على طول وبعده سلم صويلح ,,, واخيرا جا دوري وانا مازلت واقف عند الباب ,,, التفت لي خالد وقربت عنده وكني شفت شبح ابتسامة منه انحنيت انا = الحمد الله على سلامتك وسلمت عليه و بعدها قربت فمي من اذنه عشان مايسمعنا البقية انا بهمس = سامحني ياغالي ,,, لو فيني خير لك ماكان صار اللي صار ورفعت راسي عنه اطالعه ,,, لقيته مقطب حواجبه مستغرب كان واضح على وجهه التعب وانفاسه مسموعة كنه محموم مع ان جسمه مو حار جا بيرد علي بس قاطعه ابو محمد ابو محمد = الحمد الله على سلامتك ياولدي وابتعد عن العيال الفاسدة ,,, ترا مايجي من وراهم الا عوار الراس التفت خالد لبومحمد خالد بهمس = خلاص طحت بالماء العكر ماسمعه ابو محمد ابو محمد = وشو ابو عبد الله = ماحنا ساكتين عنهم ,,, رحت اليوم الصبح للضابط يقول الى الحين ماقبضوا عليهم بس طمني ,,, يقول اسماءهم وعنوانين بيتهم معروفة ,, يوم والا يومين وهم ممسوكين ان شاء الله ابو محمد = عرفتوا اسم الرابع .؟ ابو عبد الله = انا ماعرفه والضابط جا اليوم لخالد بس منعنا الدكتور نشوفه ( والتفت لخالد ) صح نسيت اعلمك ترا الضابط يقول بيزورك العصر اظنه بيجي بعد شوي طوال مايتناقشون ابو عبد الله وابو محمد وخالد كل شوي يغمض عيونه بقوة و بألم حطيت يدي على راسه وانحنيت عليه شوي انا بهمس = خالد شكلك تعبان ,,, انادي الدكتور رفع بصره لي خالد بتعب = صدري ,,,, مكان الخياطة يعورني واحس بكتمة وكل ماحاولت اخذ نفس عورني صدري اكثر ( والتفت لشيبان شوي وبعدها رفع بصره يطالعني ورسم ابتسامة تعبانة على شفايفه ) الحمد الله على سلامتك من يوم ماصحيت وانا بالي مشغول فيك مادري وش صار عليك ,,, وبغيت اتصل عليك بس جوالي مدري وينه انا بمزح = انت المستهدف ,,, المهم انادي الدكتور .؟ خالد وهو يغمض بقوة = لا ,,, خلها مستورة اخاف يجيب العيد استغربت ,,, وش اللي يجيب العيد ,,, وش اللي المستورة ,, وش يقول هذا انا بعدم استيعاب = هاااه .؟ من اللي يجيب العيد .؟ وش تقول انت .؟ خالد بضيق = انا بخير مايحتاج دكتور التفت اطالع رجله اليسرى انا = وشلون رجلك الحين .؟ خالد = تعورني ,,, سووا اشعة لها اليوم والحمد الله سليمة مافيها كسر بس ماقدر احركها احسها متورمة انا = يبيلها وقت وتخف ان شاء الله فجأة دخلوا ابراهيم وماجد وابو فايز وفايز وبعد السلام والسؤال بدوا الشيبان بإلقاء النصائح علينا واخذ العظة والعبرة خاصة ان اكثر الموجودين من الشباب وماخلوا علينا شي الا وقالوه وبعد ماشبعوا منا بدوا بسوالفهم الخاصة قرب ابراهيم من سرير خالد ومد له اغراضه ابراهيم = لقيت جوالك والمحفظة هذي اظنها محفظتك اما مفاتيح السيارة مالقيتها مد خالد يده السليمة واخذهن ابراهيم = جوالك نص الشاشة منكسرة القى خالد نظرة على جواله وبعدها تفحص المحفظة خالد بضيق = اوووووه ماخذين بطاقاتي ماجد = اهم شي سلامتك والبطاقات تقدر تطلع بدالهم بدل فاقد صالح بعصبية = صدق انهم مبزرة بعد ربع ساعة جا الضابط والعسكري اللي معه ,,, سأل خالد كم سؤال بسيط الضابط = الصراحة عندي اخبار للاسف ماهي من صالحكم ابو عبد الله بخوف = عسى خير الضابط = المعتدين سافروا للرياض ليلة الحادث وتم اليوم القبض على ثلاثة منهم هناك وهم بالتوقيف الان والرابع عرفنا معلوماته و بيتم القبض عليه قريب ان شاء الله ,, لكن للاسف الخبر اللي وصلني مايسر ,,, مدير المركز الموقوفين عنده هو نفسه والد واحد منهم سكتنا كلنا شوي شكلهم سافروا للرياض لأنهم يعرفون انهم راح ينمسكون وقالوا ننمسك هناك احسن ,,,, حسبي الله عليهم ,,, عارفين انهم بيطلعون منها مثل الشعرة من العجين خالد بتعب = مافيه شي جديد التفت الضابط لخالد الضابط = الحين هم بالتوقيف وبما انك تعبان خل ولي امرك يروح يتابع القضية بالرياض خالد = مايحتاج ,, ماهي اول مرة يدخلون التوقيف واحسب اسبوع اسبوعين وتلقاهم طالعين فايز بعصبية = وش فيك فاقد الامل ياخي خلنا نجرب هالمرة مانت خاسر شي التفتت لبو عبد الله ولقيت وجه متغير وعلى ملامحه الخوف وساكت ماعلق الضابط = انت جرب هالمرة و الحق معك ,,, صح واسطتهم قوية بس انت توكل على الله وان شاء الله تاخذ حقك منهم صالح = خاااالد تبيني اروح عنك ,,, اكفخهم لك واجي الضابط بعصبية = تشوف الدنيا سايبة خالد بتعب = اصبروا اسبوع ,,, وليش تصبرون اسبوع يمديهم طلعوا الحين الضابط بابتسامة = حتى لو طلعوا ,,, بكمين بسيط نقدر نقبض عليهم وهنا بمنطقتنا ,,, لا تيأس امرهم بسيط جدا خالد مستغرب = كمين .؟ ابو عبد الله بعصبية = لا كمين ولا غيره ,,, تبون تسوون كمين سووه بعيد عن ولدي الضابط = بس ماحد يقدر يستدرجهم هنا الا ولدك ياخال ,, والحمد اللـ ابو عبد الله بعصبية شديدة = قلت لا يعني لا ,,, اذا كان مافيكم خير ابعدوا عن ولدي خلاص مانبي منكم شي ,,, انا فقدت عيالي قدام عيني ماني مستعد اضحي بخالد ( وتغير صوته ) مابقي لي بهالدنيا الا هو واخواته ,,, وليدي ابـ وسكت يجاهد دمعته عن تطلع قدام الموجودين ,,, مسكين الضابط انصدم الضابط بصدمة = فقدت عيالك .؟ قرب منه فايز وهمس باذنه شوي وبعدها الضابط بتنهيدة = لا حول ولا قوة الا بالله ( احس انه بلش بابو عبد الله ) عموما هالموضوع سابق لأوانه ,,, هم الان بالتوقيف وخالد حاليا تعبان وبحاجة للراحة وسلم على خالد مرة ثانية وطلع التفت ابو عبد الله لخالد بحيرة وخوف ابو عبد الله = ماحنا ساكتين ياولدي ,,, اليوم بروح للرياض واتابع الموضوع خالد بتعب = لا تتعب نفسك ياخال ,,, مايحتاج تروح ابو عبد الله = الا يحتاج ,,, انا هالضابط ذا الله اعلم عنه مارتحتله ( وقام قرّب لسرير خالد ) أي شي يقوله لك هالضابط لا تسمع كلامه ياوليدي ماعـ ابو فايز = وش هالكلام يابو عبد الله ,,, الله يهديك ,,, الضابط يبي مصلحة ولدك ابو عبد الله بعصبية = مصلحة ولدي يحطه كمين .؟ ,,, ياخذ العسكري اللي معه ,,, خالد ماهو ماشي على كيفهم سمعت ماجد يهمس عشان يسمعه اللي قريبين منه بس ماجد بهمس = وش هالانانية حتى العساكر لهم اهل يبونهم ابراهيم = العساكر عليهم القبض وبس اما الكمين يابو عبد الله بس استدراج للمعتدين عشان يجون هنا ,,, مافيه خطورة على خالد ولا شي ,,, لا تكبر الموضوع فايز = وبعدين تراهم مبزرة ,,, القبض عليهم سهل ,,, خاصة ان اسمائهم معروفة واهاليهم معروفين التفت ابو عبد الله لخالد مطنش البقية ابو عبد الله بعصبية = لا تسمع كلام هالضابط ولا غيره ,,, تسمع .؟ مارد عليه خالد ومازال ساكت ابو عبد الله بعصبية = تسمع والا بتعصاني .؟ خالد بتعب = اسمع ,, اللي تبيه ياخال بيصير ,,, بس مايحتاج تروح للرياض ,,, مابي اهلي يشكون سكت ابو عبد الله شوي وبعدها مسح على شعر خالد بحنان عبد الله = الزم ماعلي سلامتك ,,, لو ادخل على مدير المركز اللي هم فيه ,,, المهم يبعدون عنك واهلك اجيب لهم أي عذر ابو محمد = خالد معه حق يابو عبد الله ,,, وش رايك انا اروح عنك واتابع الموضوع هناك خالد = صدقوني ياجماعة مايحتاج فايز بعصبية = انت معلق على مايحتاج صالح = افصل فيشه واشبكه مرة ثانية يمكن يزين هاهاها ويوم شاف ماحد ضحك سكت يلقط وجهه اخذنا شوي وطلعنا وخالد مصر ماحد يروح خاصة خاله ابو عبد الله ,,, الولد يائس رجعت الشقة بعد صلاة المغرب ولقيت خلود قاعدة ومعها الاب توب وتطقطق سلمت وردت بس بدون نفس جلست وجاني معاذ وجلسته بحضني ,,, صح تذكرت ,,, بحثي وش صارعليه واليوم الاثنين ,,, التفتت لخلود اسألها انا = خلصتي من البحث .؟ خلود = ايه بس باقي الخاتمة والفهرس والمقدمة سوه انت الله كل هذا زعل ,,, افففف لازم نسلّك انا = امممم طيب وش تسوين انتي الحين .؟ خلود وهي تطقطق = داخله على الانترنت ابتسمت داخله على الانترنت بلاب توب اللي دعت عليه انا = امممم تدرين من لاب توبه هذا .؟ التفتت لي خلود بنص عين ,,, وتوسعت ابتسامتي تسليك لعصبيتها خلود بنص عين = ادري ,,, خويك خااالد رفعت حواجبي مستغرب وشلون عرفت ,,, انا متأكد ماعلمتها ,,, يوم جيت من الرياض سألتني عن الاب توب اللي معي وقلت علي بحث وقالت انا اسويه لك وعطيتها الاب توب من دون ماتعرف منهو صاحبه اصلا هي ماسألتني انا مستغرب = كيف عرفتي .؟ خلود = سلمى علمتني التفتت لسلمى اللي معطيتني ظهرها هي وسالم يلعبون بلي ستيشن ,,, بسم الله الرحمن الرحيم وش يدريها هالمفعصوة ذي ,,, التفتت مرة ثانية لخلود انا مستغرب = سلمى .؟ التفتت خلود للاب توب وضغطت فيه شوي وبعدها وجهت الاب توب لي عشان اشوفه شفت سطح المكتب وضحكت انا = هههههههههههههههههههههههههههههههههه خلود بسخرية = خويك معجب بنفسه بكل مكان فيه صورة له ,,, المستندات وسطح المكتب ومدري وين بعد ,,, شافت سلمى الصورة وعلمتني انه خويك المغرور ,,, بسم الله شكله يخرّع مدري على وش معجب بنفسه حرام عليها خالد مايخرع ,,, صح موب وسيم لكن شكله عادي ومقبول ويهتم بنفسه كثير وابتسامته العذبة اللي دايم يرسمها بوجهه محليته ,,, لكن خلود مدري وش جاها عليه ,, ماتداني طاريه بس عادي عندي تدانيه والا ماتدانيه ,,, خالد غالي عندي ومو بس عندي عند سالم وسلمى ومعاذ بعد خلود = غريبة اليوم طالع بدري صح انا نسيت اقولها اني ماني رايح للدوام اليوم ولا علمتها اصلا ان خالد بالمستشفى ,,, يوم الحادث انا وهي تهاوشنا وبعدها محد كلم الثاني انا = مارحت اليوم للدوام خلود مستغربة = ليه .؟ انا = رحت ازور خالد بالمستشفى طيرت عيونها فيني خلود مستغربة = بالمستشفى ,,, ليه .؟ هذا يإما ضايع يإما مغمى عليه ببيتنا يإما بالمستشفى ,,, وش عنده بعد وعلمتها باللي صار بالمختصر خلود = انتم يالعيال ماعندكم الا عنف و ماتتفاهمون الا بالدم ,,, ياحليلنا حنا يالبنات اذا وحدة بغت تنتقم من الثانية مطت شعرة شعرتين وانتهى الموضوع ههههههههه انا = ههههههههههههههههههههههههههههههههههه انتم ماتتفاهمون الا بالشعر بعد صلاة العشا اخذت الاب توب من خلود وكملت بحثي اففففففففففففف ياحياة الشقا ,,, بكرة علي دوامين ,,, يوم الثلاثاء العصر وانا بالدوام طلبني المدير يشوفني ,,, الله يستر,,, هو يهاوش من دون شي وشلون الحين وانا غايب امس وبدون استئذان بعد ,, الله يستر توكلت على الله ورحت عنده انا = آمر طلبت تشوفني المدير = ليه امس ماداومت .؟ انا مرتبك = آآآآآ ,,, اخوي بالمستشفى ورحت ازوره واتطمن عليه وانا ماكذبت خالد اخوي في الاسلام ,,, و رب اخ لك لم تلده امك ,,, ايه ايه انا ماكذبت المدير = وليه ماجيت تستأذن .؟ لأني مابي اشوف خشتك ,,, طبعا قلتي بصدري مالي جرأة اقولها بوجهه المدير وبدا يعصب = ليه ماجيت تستأذن .؟ مازالت ساكت ,, شاقول بالله .؟ يوم ماشاف مني رد ,, فتح درجه وطلع مضروف ومده لي المدير = استغنينا عن خدماتك وهذي باقي مستحقاتك ,,, تفضل انصدمت انا بصدمة = لـ لـ ,,, ليه ,,, آآآآ ,,, وش سويت .؟ المدير = اخطائك كثيرة وفوق هذا غياب بدون استئذان ,,, تفضل انا وشوي اصيح من الصدمة = آآآ ,,, امس اضــ المدير بعصبية = عندي شغل ,,, تفضل اخذت المضروف وطلعت وانا مهموم ,,,, لاااا ,,, وين اروح ,,, ماحصلت الوظيفة هذي الا بعد طلوع الروح ,,, وين اروح وييييين رجعت الشقة وحبست نفسي بغرفتي مابي اشوف احد ماااااابي ,,,, شسوات الحين .؟ من وين احصل وظيفة ثانية من ويييييييين .؟ مر يوم الاربعاء وانا من غرفتي للمسجد ومن المسجد لغرفتي ,,, حتى اخواني ماجلست معهم حتى المدرسة مارحت لها الساعة عشر في الليل جاني اتصال من ناصر انصدمت ناااصر ,,, وش يبي ذا ,,, يالله احس مر عليه سنة ,,, من يوم صار حادث خالد وانا ناسيه وناسي سالفته انا بضيق = نعم ناصر = السلام عليكم انا = وعليكم السلام ناصر = امممم وش صار على موضوعنا الشرهة على اللي تذكرك وتذكر موضوعك انا بضيق = أي موضوع .؟ سكت ناصر شوي ناصر = ماقنعت خالد تركي باللي قلتلك .؟ مر اسبوع على كلامنا انا بعصبية = الرجال متمسك برزقه ,,, وش تبي فيه ,, ياخي تبي عيادة افتح لك بنفسك ,,, والا اذا كنت تبي ادارة وينلي ,,, من الحين اقولك خالد مايبيه ولا يبي خشته ,, حوّل كفالته لك وعينه عندك ناصر = انا ابي العيادة بكبرها وباللي فيها ,,, مكانها مناسب ومشهورة ومتكاملة ,,, والاخ خالد تركي مجرد طالب مابعد تخرج ,,, والعيادة انا اولى فيها منه انا بعصبية = لا ياشيخ ناصر = امممم افهم انك ماكلمته بالموضوع .؟ انا بعصبية = ايه ماكلمته ولاني مكلمه ناصر = انت المستفيد ,,, 100 ألف حلالك يقهرني بروده وهدوئه كنه واثق انا بعصبية = مابي استفيد شي من ورااااك ,,, وش بتسوي يعني ناصر = مستعد تخسر وظيفتك .؟ انا بسخرية = هه خسرتها وانتهى الموضوع ,,, اذلف وسكرت الجوال بوجهه 100 الف ,,, وااااااااو 100 الف اقدر افتح لي مشروع اممم طيب ليه ماقنع خالد مسكت راسي احاول ابعد كلام الشيطان عني انا = لا لا لا لا ,,, رشوه ياخالد رشوه رن جوالي مرة ثانية وكان ناصر ,,, افففففففف شديت شعري ,,, نشبة نشششششبة رديت عليه وصارخت بوجهه انا بصراخ = نعععععععم ,,, وش تبي انت وش تبي ناصر بهدوء = ممكن اقبالك ضروري تفاجأت وش يبي يقابلني ,,, بس رغم هذا صارخت بوجهه انا بصراخ = لااااااااا وسكرت بوجهه ورجع اتصل مرة ثانية انا بعصبية = وش تبي ياعلقم ناصر = اذا كنت تبي مصلحة خويك اللي توسط لك بالوظيفة ,, ضروري اقابلك انا بعصبية = انا ماني بالرياض ناصر = تقدر تجي .؟ انا بعصبية = اللي يبيني يجيني وسكرت بوجهه بعد ساعتين جتني رسالة على جوالي وكان من نويصر (( بسيطة حاليا مشغول ولااقدر اسافر اسبوعين بالكثير واكون بالقصيم اتمنى اشوفك )) فتحت فمي بصدمة ,,, بيمسك خط بس عشان يقابلني ,,, هههه حسيت اني مهم @@@@@@@@@@ نهايه الجزء الـ21
__________________ تكفون سجلوا بهاذي اللعبه يالله http://themafia.ae/?affuid=77398 |
|
#38
04-23-2010, 12:58 AM
| ||
| | ||
|
* 22 * يوم الخميس العصر ,,, جالس بالصالة مهموم كنت طوال اليوم وانا متضايق ,,, مدري وشلون القى وظيفة ثانية ,,, ياليت عندي سيارة يالييييييييت ,,,, كان اقدر اكد اكد !!!!!! اففففففف رجعت على طاري المكدة بعد شسواااات الحين .؟ جاني سالم ومعه كتاب الرياضيات حقه سالم = خالد حل لي الواجب انا بضيق = رح لخلود سالم بزعل = خلود عيت تعلمني انا بضيق = سالم بتذلف الحين والا وشلون ,,, ماني فاضيلك راح سالم وهو زعلان ,,,, وخلود الحمارة الثانية ليش ماتعلمه افففففف اخوان يجيبون الهم انتبهت على تلفون الشقة يرن وقبل ماقوم عشان اخذ السماعة سبقتني عليه سلمى ,,, بسم الله الرحمن الرحيم ,,, مسرع وصلته ,, اخبرها عند التلفزيون تلعب بلاي ستيشن سلمى = الووووووه ,,,, ايه ,,,, ابراهيييييييم ,,, ايه خالد هنا ,,,,, طيب ( والتفتت لي والسماعة باذنها ) خالد ابرهيم يبيك استغربت ابراهيم متصل على الشقة ,,, ليه مايتصل على جوالي ,,, قمت واخذت السماعة من سلمى انا = الو ,,, السلام عليكم ابرهيم = وعليكم السلام ,,, وينك يارجال لك يومين مابيّنت ,,, وامس غايب .؟ ومن اليوم اتصل بجوالك ولا ترد جوالي ! اييييه صح جوالي بغرفتي وعلى الصامت انا بضيق = اوووه جوالي بغرفتي ولا سمعته ابراهيم = طيب وينك ماتبيّن .؟ انا بضيق = متضااايق سكت ابراهيم شوي ابراهيم = خالد عسى خير على وش متضايق .؟ انا بحزن = والله مدري وش اقولك ابراهيم = امممم وش رايك امرك ,,, انا اصلا كنت ناوي امرك نزور خالد ,,, لكن الحين نأجل الزيارة ونتمشى انا وانت وتفضفض وش رايك ,,, امرك .؟ انا = اممم طيب ,,, احتريك ابراهيم = يله الحين جاي علمت خلود اني بطلع ,,, ونزلت تحت للشارع احتري ابراهيم بعد شوي وصل ابرهيم وركبت معه ابرهيم = عسى خير خالد ,,, اقلقتني انا بتنهيدة = المستشفى اللي اشتغل فيه طردوني ,,, مادري من وين احصل وظيفة غيرها ابراهيم = لا حول ولا قوة الا بالله ,,, يحلها الله ياخالد ,,, الله هو اللي يرزق ,, واكيد راح تلقى غيرها انت بس اصبر انا والدنيا مسودة بعيني = انا الوظيفة هذي يالله حصلت عليها وانت تعرف وضعي ماعندي لا شهادات ولا دورات ولا شي سكت ابرهيم شوي يفكر ابراهيم = امممم انا اذكر مرة قريت بالنت وظيفة بشهادة الثانـ ( وسكت بعد ماتذكر ) انا بحزن = هذا انت قلتها بشهادة الثانوي ,,, انا من وين لي شهادة ثانوي وانا الى الحين ماتخرجت ابراهيم = هو صح صعب ونادر تحصل وظيفة بشهادة المتوسط وبدون دورات ,, لكن اللي يسر لك الوظيفة الاولى ييسر لك تحصل الوظيفة الثانية ان شاء الله ,,, طيب انت وشلون توظفت بالمستشفى بدون شهادات .؟ ابتسمت لما تذكرت خالد ,,, هو اللي تحدى وينلي عشان يتوسط لي هنا ,,, تحدى الشيفه اللي شفته بالرياض عشاني انا ( توسعت ابتسامتي اكثر لما تذكرت يوم يقوم خالد معصب ودار حولين مكتب الامريكي عشان يتعارك معه ) العلاقة بين خالد والامريكي علاقة اعداء علاقة كل واحد ماسك الثاني باليد اللي تعوره موب علاقة صاحب مستشفى ومديره والمصالح تكون مشتركة بينهم ومتفاهمين ,,, من زمان عنه والله لي يومين مازرته ولا ادري كيف صحته الحين انتبهت على ابراهيم اللي يكلمني ابراهيم = ماتبي تقولي وشلون توظفت .؟ انا بابتسامة = خالد هو اللي توسط لي قطب ابراهيم حواجبه مستغرب ابرهيم = خالد !( وكنه تذكر ) ايه صح قد سمعت انه ابوه عنده مستوصف اهلي بس بالرياض ( وابتسم ) ايه الله يجزى خالد خير انا = ماهو لبوه ,, العيادة باسـ وسكتت لما تذكرت ان خالد ملزم علي ماعلم احد ان العيادة باسمه ,,, بس معقول حتى صالح مايدري ابراهيم مستغرب = ماهي لبوه .؟ ,,, اجل لمن انا مرتبك = آآآ ,,, لا لا ولا شي ,,, صح انا بعد سمعت ان ابو خالد عنده عيادة بالرياض ابراهيم = طيب مدام ان ابوه عنده مستوصف اهلي اكيد يعرف احد بالمسشتفيات يتوسط لك ( والتفت لي ) اجل وشوله متضايق قل لخالد يتوسط لك مرة ثانية او يرجعونك لوظيفتك الاولى ( وابتسم ) محلولة ياااخي تبي خالد يتوسط لي مرة ثانية ويدخل بمشاكل مع وينلي وهالناصر ,,, قل الله يفكه من شرهم بس ,,, صح وشلون صحته الحين ,,, لي يومين مازرته التفتت لبراهيم اللي يسوق انا =متى اخر مرة زرت خالد .؟ ابراهيم = اخر مرة يوم الثلاثاء وامس كنت مشغول ,,, وش رايك نمره الحين .؟ انا = ماعندي مانع يله ,,,اممم بس اقول ابراهيم تدري وش صار على اللي مسكوهم .؟ ابراهيم بتنهيدة = طلعوا طيرت عيوني ببراهيم بصدمة انا = طـ ,,, طلعوا .؟ ابراهيم = يارجاااال خالد طاح برفقاء سوء لهم ظهر قوي ,,, قال خالد اصبروا اسبوع اسبوعين وبيطلعون وطلع صادق الرجال بس شف وشلون مالهم يومين الا وهم طالعين انا بحزن = يمكن لأن محد من طرف خالد راجع الشرطة هناك عشان كذا طلعوهم بدري ابراهيم = طبعا اكيد اذا ماراجع احد من الطرف الثاني اكيد بيطلعون ,,, هذا غير الواسطة القوية اللي معتمدين عليها ,,, خالد وخاله عليهم تفكير مدري وش يبي ,,, ابوي امس عازم ابو عبد الله على قهوة عندنا وقالنا كل شي والله لو تشوف ابو عبد الله ياخالد تقول كأن ميت له احد ,,, خاصة بعد ماعلمه الضابط انهم طلعوا من التوقيف ,,, الرجال منقهر وخايف ,, تصدق امس اسمعه يقول لبوي وللموجودين انه يبي يقنع خالد يروح يدرس بمدينة ثانية ,,, بس ياااخي تفكيره موب منطقي الى متى يعني بيتنقل خالد بين المدن كنه متشرد ,,, كل الموجودين حاولوا يقنعونه انه يوافق على كلام الضابط ويسوون كمين لهم بس معيي ,,, انا بحزن = لا حول ولا قوة الا بالله ,,, ابو عبد الله يفكر بعاطفته مايفكر بعقله ,, على حد كلام الضابط الكمين مافيه خطر على خالد ونجاحها مية بالمية التفت لي ابراهيم ابراهيم = بيني وبينك حنا نضحك على انفسنا بس كل هذا عشان نقنع ابو عبد الله ,,, لا تنسى ان الكمين يعني القبض عليهم وهم متلبسين ,,, يعني القبض عليهم وخالد يكتفخ بين يديهم ووش يدرينا بعد يمكن تتأخر الشرطة ومايصلونهم الا وهم طاعنين خالد كم طعنة ( وابتسم ابتسامة واسعة ) سكتت شوي استوعب كلام ابراهيم وتخيلت خالد وهو تحتهم يتكفخ ويحتري الشرطة يقتحمون المكان ,,, وبعدها ضحكت انا = هههههههههههههههههههههههههههههههه ضحك ابراهيم معي ,,, عرفت انه متخيل خالد مثلي ابراهيم = هههههههههههههههههههههههههههه صار طعم هذا ماصار خالد ههههههههه انا = ايه نضحك على من اجل .؟ من عذر ابو عبد الله يرفض الفكرة اثره فاهم اكثر منا ابراهيم = يتكفخ مرة ولا يتكفخ كل مرة ,,, وش يدرينا بعد يمكن يرجعون له مرة ثانية ,,, يعني خالد ماقدامه الا يتعاون مع الشرطة يسوون هالكمين واكيد الشرطة ماهم مخلينه لفترة اطول بينهم تراهم فاهمين شغلهم اكثر منا ,,, بس حنا علينا نقنع ابو عبد الله يوافق ( وتنهد ) توني افهم ليه خالد ترك مدارس الرياض وجا يدرس هنا وليتها كفته من شرهم شف هذا هم وصلوا له ,,, الحمد الله اللي هداه بس ,,, خالد بحاجتنا ياخالد المفروض مانتركه عشان مايرجع لرفقاء السوء مرة ثانية ,,, لازم نصير حوله نسانده خاصة انه ماله اخوان وابوه دايم مسافر انا = ماحنا مقصرين عنه بشي باللي نقدر عليه ,,, ليت ابو عبد الله يقتنع بكلام الضابط بس ,, والله بيرتاح خالد منهم وللأبد ابراهيم = تتوقع لو ابو عبد الله عنده عيال بيتعلق بخالد هالتعلق العجيب هذا ,,, ومثل ماقلت انت ,,, الرجال يفكر بعاطفته مايفكر بعقله اجل بيخلي خالد يدرس بمدينة ثانية وش هالتفكير ياااخي سكتت ومارديت عليه فعلا لو ابو عبد الله عنده عيال بيتعلق بخالد هالتعلق .؟ وصلنا المستشفى وتوجهنا لغرفة خالد بالدور الثاني وتفاجأنا بمحمد اخو صالح جالس قدام غرفة خالد ابراهيم مستغرب = وش فيه هذا جالس برا ليه مايدخل .؟ انا مستغرب = انا ادري وصلنا له وسلمنا عليه ابراهيم = وشفيك جالس هنا ,,, ليه ماتدخل .؟ انا = لا يكون ممنوعة الزيارة محمد = لا ,,, بس خالد فاقد الوعي من الصباح وقلت اجلس برا احسن وشوله ادخل .؟ تفاجأت خالد مغمى عليه ,,, اخر مرة شفته كان يحس بكتمه وتعبان ,,, ( شهقت ) لا يكون صارله شي وانا مدري ,, ربي سترك انا بخوف = آآآ ,,, ليه وش فيه ,,, من وش اغمى عليه .؟ التفت لي محمد وحرك اكتافه بعدم مبالاة محمد = كالعادة ,,, امس كان مصدع وشكلها زادت عليه اليوم ,,, خالد مايمر شهر الا وهو طايح علينا ,,, تعودنا اخذت نفس برتياح انا = ياشيخ خوفتنا محمد = هو المفروض يطلع اليوم بس تفاجأنا فيه مغمى عليه انا مستغرب = مو يقول الدكتور لازم ياخذ خالد اسبوع راحة ,, ليه كتبله خروج بهالسرعة .؟ مامر عليه بالمستشفى الا ثلاث ايام محمد = خالد نشب بحلق الدكتور لين وافق انا مستغرب = ليه طيب ,,, وش وراه مستعجل محمد بضيق = خالد عليه تصريفات مدري وش تبي راح ابراهيم لباب الغرفه بيفتحه ابراهيم = عنده احد داخل .؟ محمد = ايه ,,, ابو عبد الله ابراهيم = اوووه ( ورجع وجلس بجنب محمد ) استغربت تصرفه انا مستغرب = وشفيك ,,, ليه ماتدخل انت الثاني .؟ ابراهيم = ياخي ابو عبد الله امس شوي ويصيحني قدام الرجاجيل زين اني مسكت نفسي,,, تبيني ادخل وابو عبد الله عند خالد اللي مغمى عليه بصيح على طول ,, رح اذا كنت تبي تدخل رح الله يستر عليك ابتسمت ,,, انا اشوفه عادي بس ابراهيم حساااس انا = ههههههههههههه ياحسااااااس التفت محمد لبراهيم بسخرية محمد بطرف عينه = يااعيني يا مرهف الاحساس انته ابراهيم بضيق = اففففففف فتحت الباب ودخلت لقيت الغرفة مظلمة ونور خافت يجي من الدريشة,, وجو الغرفة بااارد شوي وغارقة بالهدوء وابو عبد الله جالس على كرسي بجنب سرير خالد ومعطي الباب ظهره ,,, اول مادخلت التفت ابو عبد الله يشوف اللي دخل قربت له وسلمت على راسه وهو جالس انا = السلام عليك ياعم ,,, وشلونك ,,, وكيف صحتك .؟ ابو عبدالله بصوت حزين = هلا ولدي وعليكم السلام ,,, الحمد الله وشلونك انت وشلون اخوانك .؟ انا بابتسامة = الحمد الله بخير دامك بخير والتفتت لخالد المتمدد على السرير ,,, رحت للجهة الثاني من السرير عشان اسلم عليه مع انه موب حاس فيني وقفت عنده ,, وجهه مايل لجهة ابو عبدالله ,, وانتبهت ان اللحاف كاشف عن صدره العاري ,,, ومشيوله عنه اللزقة الكبيرة ,,, طاحت عيني على الخياطة المعترضة نص صدره ,,, جتني رعشة من شكلها ,, تخررررررع خاصة مع الظلام صار شكلها مخيف ,,, ومؤلم مديت يدي وخليت وجه خالد يلتفت لي مغمض عيونه كنه نايم وانفاسه هادية ,,, والكدمات اللي منتشرة بوجهه بعضها تحولت للون البني ,,, او ازرق بس بسبب الظلام اشوفه بني انحنيت عليه وسلمت على جبهته وبعدها على خده وخده الثاني انا بهمس = الله يقومك بالسلامة ورفعت راسي والتفتت لبو عبد الله اللي يطالعنا بحزن ,,, شاقوله الحين وشلون اواسيه ( تنهدت ) من عذره ابراهيم يوم مادخل ,,, انا = آآآ ,,, ان شاء الله يقوم بالسلامة لا ياشيخ يقالي واسيته الحين ,,, والمشكلة ابو عبد الله مارد علي ,,, شاقول شاقول انا = آآآ ,,, ان شاء الله ,,, آآآ ,,, شسمه ,,, هذا ,,, ايه اففففففف شاقول ,,,, الناس وش يقولون اذا بغوا يخففون عن احد ,,, التفتت لخالد بقلة حيلة ,,, اليوم الخميس المفروض يكون بالرياض خاصة انه وعد اخته رولا يجيهم خميس وجمعة ,,, ( شهقت ) صح يمكن هذا السبب اللي خلاه يلح على الدكتور يكتبله خروج اليووووووووم ابتسمت بحزن يمكن رولا زعلانة على خالد الحين لأنه كذب عليها = خالد وانا عمك قطع تفكيري صوت ابو عبد الله والتفتت له انا = آآآ ,,, سم ابو عبد الله = ابيك ياولدي تقنع خالد يدرس بجدة ,,, قلت له امس وعيا ,,, قلّه وانا عمك يمكن يسمع منك طيرت عيوني فيه ,,, صاحي هذا ,,, جدة انا بصدمة = جدة ! ابو عبد الله = اعرف واحد بجدة يجهز اموره وامور الشقة وكل شي بس ابيه يوافق يروح يدرس بعيد عن اللي مايخافون الله انا بتنهيدة = ياعم انت مكبر الموضوع وهو صغير ,,, ومشكلته مع بدر وربعه بسيطة والضابط مستعد يقبض عليهم ويعاقبهم بس يبي خالد يتعاون معه ابو عبد الله = ماحد يعرف مصلحة ولدي اكثر مني ,,, ابيك تقنعه بس يدرس بجدة التفتت لخالد متضايق ,,, اسكت عنه احسن ,,, ابو عبد الله ماهو بعقله الحين ابو عبد الله بترجي = خلاص اعتمد عليك ياولدي .؟ ابيه يدرس النصف الثاني بجدة انا بضيق = يصير خير ( وقلت اغير الموضوع ) آآآآ ,,,, ليه كاشفين عنه اللحاف ماهو برد عليه .؟ ابو عبد الله = عشان الخياطة ,,, خالد الله يصلحه فك اللزقة عنه ومارضى يحطوله وحده ثانية اخذت شوي وبعدها طلعت من الغرفة ولقيت ابراهيم ومحمد قاعدين يسولفون محمد بضيق = وينه ابو عبد الله وش يسوي داخل مليت ياخي ابي اروح انا باستبهال = داخل محمد = لاه ,,, تصدق حسبته برا ابراهيم = طيب خلاص انت رح وانا وخالد نوصّل ابو عبد الله انا = انتم تحترونه الحين يصحى عشان يطلع والا وشلون .؟ ابراهيم = ايه تحترونه الحين يطلع والا وشلون .؟ محمد بضيق = افففف والله مدري عن ابو عبد الله ,,, حنا جايين على اساس يطلع بس تفاجأنا فيه مغمى عليه ,,, ومن الظهر نحتريه يقوم نشوف يبي يطلع يبي يقعد مدري وبعد مشاورات قررنا انه يقعد ابراهيم مع ابوعبد الله لين يشبع من خالد وانا ومحمد نرجع بعد صلاة العشا كنت بالصالة احاول اتصل بجوال خالد اشوفه صحى ولا بعده ولارد بعد ربع ساعة عدت الاتصال ولا رد وبعد ماتعشينا اتصلت مرة ثانية عليه وفرحت يوم سمعت صوته خالد = الووووووه صوته تعبان وخفيف انا بفرح = هلااااا والله ,,, عاااااش من سمع صوتك ,,, وشلووونك ياغالي كيف صحتك الحين خالد بتعب = هلا خالد عاشت ايامك ,, انا بخير ,,, وشلونك انت وشلون سالم وسلمى ومعاذ .؟ انا = بخييير دامك بخير ,,, من اليوم اتصل عليك توك صاحي والا وشلون .؟ سكت خالد شوي خالد = انت زرتني اليوم .؟ انا بابتسامة = ايه ,,, انا وابراهيم ,,, توك تقوم .؟ خالد بتنهيدة = لا ,,, قمت المغرب واسمع جوالي يرن من اليوم ,,, بس كنت اصلي الصلوات اللي فاتتني انحرجت اثرني ازعجه وهو يصلي انا بحرج = اوووه آسف اجل ازعجتك سمعته يضحك ,,, وابتسمت وشفيه يضحك ذا خالد = ههههههه ايه ازعجتني انا بمزح = احسن خالد = هههههههههههههههههههههههه سكتت وانا ابتسم مستغرب ضحكه ,,, سكت خالد من الضحك وبعدها تنهد خالد بتنهيدة = المفروض اطلع اليوم انا = ليش مستعجل ,,, الدكتور يقول لازم تاخذ اسبوع على الاقل راحة خالد بهمس = انا ابخص من الدكتور بنفسي رفعت حاجب واحد بسخرية انا = لا ياشيخ خالد = المهم انا بطلع بكرة ,,, تكفى خالد تعال بدل خالي مابيه يتعنى انا = ومن يقنع خالك مايجي ,,, اليوم كان مسنتر عندك وانت مانت حوله خالد بتنهيدة = ايه ادري ,,, علمني ابراهيم برسالة جوال ,,, يقول ابراهيم يالله اقنعته يرجع ,,, خالي وامي بتصرافتهم احس كني بزر من خوفهم علي ( وتنهد ) ابي اعرف وش بيسون لو عرفوا اني فـ وسكت انا = وش فيك سكتت ,,, كمل انك وش .؟ خالد بهمس = آآآ ,,, لا لا ابد ولا شي انا مستغرب = يله عاد خالد كمل انك وش .؟ خالد = خلاص خالد ولا شي ,,, امممم اقول دريت ان بدر وراكان والباقي طلعوا اعرفه يغير الموضوع ,,, انا = ايه علمني ابراهيم ,,, ان شاء الله مايتعرضون لك مرة ثانية خالد = هه بس انا موب مخليهم ,,, تدري انهم الحين سهرانين باستراحتي انا = وش دراك انهم باستراحتك الحين وانت توك صاحي خالد = علمني صادق قبل يغمى علي انهم ناوين سهرتهم الليلة باستراحتي وهددوه اذا علمني واخذوا المفتاح منه بالقوة انا مستغرب = من صادق .؟ خالد = عامل الاستراحة ,,, والله والله ياخالد لادفعهم الثمن ,,, وقريب يهدد المروح وهو تعبان ,,, اجل من عذر خاله وامه يعاملونه كنه بزر سألته خايف من تهوره انا = وش بتسوي يعني .؟ ,,, لا تنسى ياذكي هم اربعه وانت واحد خالد = الحين ماني مسوي شي ,,, خلهم يسهرون ويستانسون باستراحتي زي مايبون انا بعصبية = ايه يعني وش بتسوي ,,, يامروح سكت خالد شوي خالد = اولا ,,, المروح انت ابتسمت انا = وثانيا خالد = وثانيا بعد انت المروح ابتسمت اكثر ,, ههههههههه خبل انا بابتسامة = طيب وثالثا خالد = وثالثا بروح للرياض ,, تروح معي .؟ شهقت انا بصدمة = وش ,,, تروح للرياض ( وبعصبية ) خبل انت خبل خالد ويتصنع البراءة = ليه .؟ قهرني ,,, خاله ابو عبد الله حالته حاله يحاول يبعده عنهم وهو بيروح لهم برجليه انا بصراخ = وليه تبي تروح لهم يابقرة ,,, يااااخي تبي تفتك منهم تعاون مع الشرطة وسو الكمين اللي يبونه خالد بهدوء = ايه ان شاء الله ابسويه بس آجله الضابط لين اتشافى تماما وخاصة الجرح اللي بصدري سكتت شوي مستانس ,,, زين الحمد الله بيتعاون مع الشرطة بيرتاح منهم وللابد ,,, بس لحظة ليه يبي يروح للرياض انا = طيب ليه تبي تروح للرياض .؟ خالد = عشان اسلم على اهلي تسلم معي ,,, آآآ ,,, اقصد تروح معي .؟ ضحكت عليه هههههه يوم اقولكم خبل ,,, انا بابتسامة = هههههههههههههههه ,,, لا ماني مسّلم معك ( وسألته بتشكك ) اكييييد بتسلم على اهلك .؟ خالد = ايه ان شاء الله انا بشك = طيب والجروح اللي بوجهك وش بتقول لامك اذا سألتك عنها .؟ خالد = ماني رايح الاسبوع هذا ابروح الاسبوع الجاي ,,, الاسبوع هذا دبرت لامي عذر ومشى الحال ,, واذا ماخفت الجروح لين الاسبوع الجاي بقول لها امممم تهاوشت مع صالح هههههههههههه انا = ههههههههههههههههههههههه زين والله تستفيد من صالح شوي هههههههههه المهم خالد خسرتني تراك ,, مع السلامة خالد = مرني بكرة لا تنسى انا = ياخي بكرة الجمعة مايجي الدكتور خالد = ماعليك دبرتها انا ,,, واخذت موافقته اليوم قبل ينتهي دوامه ,,, انت بس تعال كمل اوراق الخروج انا = طيب وخالك كيف اقنعه مايجي خالد = انا ابتصل عليه الحين ماعليك انا = طيب وشلون اجيك وانا ماعندي سيارة خالد = سيارتي تلقاها مع سعد لانه علمني انه لقى السيارة واقفة عند المقهى و تقدر يطلع لها مفتاح جديد بدل اللي ضاع ,,, مره انت بكره وخذ السيارة منه انا = اهاااااا طيب ,, ممكن تفارق الحين خالد باستهبال = ايه خذ راحتك بس سكر على وجهي برقة لا تصير دفش سكرت بوجهه وانا اضحك @@@@@@@ نهايه الجزء الـ22
__________________ تكفون سجلوا بهاذي اللعبه يالله http://themafia.ae/?affuid=77398 |
|
#39
04-23-2010, 12:59 AM
| ||
| | ||
|
*23 * والله ينخاف عليك ياخالد ,,, اجل بتروح للرياض عشان تسلم على اهلك ,,, وتهديدك لبدر وراكان يقول عكس كلامك ,,, تلعبها على مين .؟ لايمكن اخليه يروح للرياض لحاله شكلي غير اعلم ابراهيم ,,, انا ماقدر اروح معه مرة ثانية خلود = يتعرضون لك مرة ثانية و كمين واربعة وانت واحد وتعاون مع الشرطة ,,, وش السالفة .؟ ومن هذا اللي تكلمه .؟ التفتت لخلود ,,, توني انتبه اني اكلم من اليوم وهي عندي انا = هذا خالد خلود = اهااا بس بس فهمت تقصد يتعاون مع الشرطة عشان يمسكون على اللي اعتدوا عليكم يوم الاحد اللي راح .؟ انا = ايه خلود = طيب وش قصة الكمين .؟ وعلمتها خلود بخوف = اووووه وبيسويه وابو عبد الله مو راضي انا = عشان يرتاح لازم يسويه ياخلود ,,, الشباب لهم واسطة قوية بالرياض والكمين بس عشان الشرطة تستدرجهم هنا وهم متلبسين طبعا شهقت خلود بخوف خلود = طيب خالد انت خلك بعيد ,,,, خل خالد خويك هو اللي يتعاون مع الشرطة لحاله انت لا تتدخل ابتسمت بوناسة خايفة علي هههههههه انا بابتسامة = انا مالي لزمة ,,, الشغل كله على خالد هو الطعم زي مايقول ابراهيم ,, بس الصراحة اذا احتاجني خالد ماني مقصر والله ,,, خالد يستاهل اللي يوقف معه خلود بضيق = خلاص عاد انت وتكلمت عن خويلدووووه اففففف يوم الجمعة العصر طلعت من الشقة ورحت لسعد عشان اخذ السيارة منه وبعدها مريت على ابو عبد الله بعد ماقالي خالد الظهر برسالة جوال انه محتاج ملابس غيار وبعدها اخذت السيارة وطلعت من الحارة وصلت المستشفى ورحت للدور الثاني لغرفة خالد دخلت عليه ولقيته جالس على السرير وعنده ممرض وممرضة قاعدين يغيرون الشاش اللي بعضده التفت لي خالد وابتسم ابتسامته العذبة لكن مخرب عليها الكدمات والخدوش اللي بوجهه ,,, انا الكدمات اللي بوجهي اخف منه بكثير خالد بابتسامة = هلا والله انا بابتسامة = هلا فيك ,,, جبت لك غيار ,,, ابروح انهي الاوراق واجي ,,, القاك جاهز خالد = ايه ,,, اصبر ومد يده يبي يفتح الدرج اللي بجنب السرير بس الممرض الفلبيني منعه يوم خرب عليه خالد لف الشاش قربت منهم انا = وش تبي .؟ خالد = بالدرج فيه اوراق ابيهم فتحت الدرج وطلعت ورقتين وحدة كبيرة والثانية صغيرة عرفت ان الورقة الصغيرة ورقة وصف الدواء للصيدلية عطيت الاوراق خالد ,,, واخذهن مني وعطاني الورقة الكبيرة بس خالد = هذي ورقة من الدكتور اخذتها منه امس ,,, خذها معك وخلص اوراق خروجي ,,, ماتقدر تكمل اوراق خروجي الا بذي انا = اهااا طيب ( ومديت يدي ) عطني وصف الدواء ابمر صيدلية المستشفى بطريقي خالد = آآآ ,,, لا خلها انا اذا طلعت اجيب العلاج ,,, لا تشيل هم مديت يدي وسحبت منه الورقة بالقوة انا = هات بس ,,, من صيدلية المستشفى ماني دافع شي من جيبي خالد = ايه ادري بس انا ابـ قاطعته انا = فيه شي غيره بروح تنهد خالد وحرك راسه بلا انا = خلك جاهز وطلعت ,, بعد نص ساعة انهيت اوراق الخروج ورحت لصيدلية المستشفى وصرفت العلاج ,,, بس انصدمت بكمية الادوية اللي عطانيها الصيدلي وش ذا ,,, انواع كثيرة من الحبوب اشكال واحجام ومراهم ,,, صاحيييييين المراهم وعارفين لأيش ,,, نقول عشان الخياطة والكدمات بس وشوله كل هالحبوب يمكن غلطان هالصيدلي وصارف لي علاج لواحد ثاني التفتت للصيدلي وسألته انا = اخوي متأكد من اللي صرفته لي .؟ الصيدلي = ايه نعم ,,, هذا وصف العلاج اللي وصفه الدكتور .؟ ليه في مشكلة انا = آآآ ,,, لا سلامتك ورجعت لغرفة خالد وانا مستغرب من كمية هالحبوب ,,, والله لونه وش ,,, ترا كل الدعوة طعنة باليد و جرح بالصدر وحرق بسيط بالبطن وكم كفخة بالوجة ماله داعي كل هالحبوب ,, صدق هالاطباء يخلون من الحبة قبة دخلت على خالد الغرفة ولقيته جالس ويده اليسرى معلقة بشاش ثاني على رقبته وماغير ملابس المستشفى رفعت حواجبي مستغرب انا = ليش ماغيرت خالد وعيونه على كيس الادوية = جيت .؟ انا = لا رحت وقربت عنده انا = وش فيك خالد قم غير ملابسك خلنا نمشي رفع نظره لي وطالعني شوي وبعدها قام ببطئ بسبب الخياطة اللي بصدره واخذ كيس الادوية مني ونزله بالسرير وبعدها طلع من الكيس اللي من خاله بنطلون وراح للحمام جلست على السرير انتظره يخلص ,,, مرت عشر دقايق وخالد ماطلع كلمته بصوت عالي عشان يسمعني انا بصوت عالي = يله خالد ,,, وش تسوي بالحمام ياااخي رد علي خالد بصوت عالي من داخل الحمام خالد = والناس وش تسوي بالعادة بالحمام ياغبي ضحكت انا = هههههههههههههههههه مايسوون شي اطلع اطلع بس خالد = اصبر خالد انا ماستخدم الا يد وحدة و صعب اغير افففففففففف انا بضيق = طيب قلتلك خلك جاهز ليـ وقطع علي رنين جوال خالد القيت نظرة عليه وانتبهت ان شاشة الجهاز مصلحها ( مامي يتصل بك ) ضحكت هههههههه حلوة مامي هذي تذكرت مامي انا صح وش صار على امي مو تقول خلود انها المفروض تجي للشرقية الاسبوع اللي راح ,,, انا انشغلت باللي صار ,,, لازم اسأل خلود لازم طلع خالد من الحمام وقرب عندي ,,, وطلع بلوزة من الكيس اللي بجنبي على السرير انتبهت ان اللزقة الكبيرة ماهي عليه والخياطة اللي بصدره تصيبني قشعريرة كل ماشفتها قمت و مديت يدي ومررت اصبعي على الخياطة اللي بصدره انا = شكلها يخرع نزل خالد نظره يشوف الخياطة خالد = تبي اقولهم يسولك وحدة مثلها شهقت وضربت راسه انا بعصبية = فال الله ولا فالك خالد = ههههههههههههههههه لبس خالد البلوزة بصعوبة وخاصة كم اليد اليسرى انا بضيق = يله والا عاجبك ريحة المستشفى خالد = طيب ساعدني وسكر ازارير البلوزة انت انا = اعتمد على نفسك خالد = مالك عليك خلص خالد اخيرا ,,, واخذت كيس الادوية ورفعته اوريه خالد انا = شف ماهو صاحي دكتورك ,,, كل هذي حبوب وعلى وش .؟ ,,, على كم جرح اخذ خالد الكيس مني خالد = هذا انت قلتها ماهو صاحي طلعنا من المستشفى وانا فرحان بطلوع خالد بالسلامة ,,, وطوال الطريق اسولف معه وانا اسوق ,,, التفتت لخالد لقيته يطالع الدريشة اللي بجنبه وسرحان انا بابتسامة = وش فيك لا يكون زعلان لانك طلعت من المستشفى هههههههه تبيني ارجعك التفت لي وابتسم خالد = ماني زعلان ولا شي انا بابتسامة = طيب ليه سرحان ,, بأيش تفكر .؟ التفت خالد مرة ثانية للدريشة اللي بجنبه خالد بهمس = مافكر بشي انا = اممممم اقول كيف صلحت شاشة جوالك وانت بالمستشفى ,, والا احد صلحه لك .؟ التفت لي خالد مرة ثانية وابتسم خالد بابتسامة = صالح اخذه مني ووداه يصلحونه التفتت له متفاجئ انا = صالح صالح ماغيره .؟ خالد = ايه طالعت قدام اقلب المسألة براسي وشلون صالح يصلح جوال خالد ,,, وش صاير بالدنيا التفتت لخالد ماني مصدق انا = يمكن محمد اخو صالح .؟ توسعت ابتسامة خالد خالد = لا ,,, صالح ماغيره التفتت قدام وسكتت ,,, غرييييييييبة صالح ,,, وابتسمت يوم تذكرت كيف تفاجأ صالح يوم عرف بتوبة خالد وابتعاده عن رفقاء السوء ,,, ويوم قال لنا ابراهيم وحنا بالمدرسة اننا لازم نكون حوالين خالد نسانده على التوبة خاصة بعد ماعرفوا انهم يلاحقونه ويمكن يرجعون له مرة ثانية كان صالح هو اكثر واحد منا معصب على بدر وربعه واذكره يوم يقول لنا وحنا بالمدرسة صالح بعصبية = ليتهم يطيحون بيدي لاكسسسسسسر عظامهم الكلااااااااب انا وابراهيم وماجد تفاجأنا من عصبيته خاصة ان المتضرر خالد اللي هو صالح بنفسه دايم يتهاوش معه ماجد بطرف عينه = الله الله كل هذا عشان خالد ,,, طيب انت دايم تكفخه وماتمر ساعة الا وانت وخالد متهاوشين تلعثم صالح وقال يرقع صالح = ايه ,,, أأأ ,,, انا غير ,,, انا بس يحق لي اتهاوش معه ,, ماهو قريبي .؟ ضحكنا عليه وهذاك اليوم كل شوي نعيد كلمته ونستهزء فيه التفتت لخالد اللي سرح بعيد عني وهو يطالع قدام انا بابتسامة = شفت يوم اقولك صالح طيب التفت لي خالد وبعدها ابتسم خالد = ههههه يمكن وصلنا بيت ابو عبد الله ونزلت قبل خالد ورحت للباب اضرب الجرس وخالد الى الحين ينزل بهدوء وببطئ بسبب الجرح اللي بصدره صارت حركات خالد بطيئة فتح لي الباب صالح مدري ليه ضحكت على طول يوم شفت صالح صالح مستغرب = شايف مهرج الاخ على وش تضحك .؟ انا بابتسامة = احم ,,, لا ولا شي التفت صالح يشوف خالد اللي قرب عندنا صالح باستهبال = اوووووووووه حبيبتي شو هيدا المكياج بيجنن قطب خالد حواجبه مستغرب خالد = مكياج .؟ مت ضحك عليهم صالح يقصد الكدمات والخدوش اللي بوجه خالد ,,, أشرت لخالد افهمه يعني الكدمات ابتسم خالد يوم فهم عليه خالد = كلو لعيونك حبيبي ضحكت اكثر على تعليق خالد دخلنا البيت ورحنا للمجلس ,,, وقبل نجلس جانا ابو عبد الله وهو فرحان بطلوع خالد راح له خالد يسلم عليه وحب راسه ابو عبد الله والفرحة بوجهه سبحان الله امس كيف واليوم كيف ابو عبد الله = هلا والله بوليدي ,,, الحمد الله على سلامتك ,, مأجور وانا ابوك مأجور ,,, تعال ارتاح ومسك يد خالد يبيه يطلع من المجلس خالد = ابجلس هنا ياخال ابو عبد الله = لا لا رح لغرفتك وانا ابوك ,,, انت تعبان ولازم ترتاح الله يرضى عليك خالد = لا ,,, مانيـ ابو عبد الله = تعال الله يصلحك تعال انا = خالك معه حق رح لغرفتك بعد ماصرينا عليه رحنا للملحق وسدحه ابو عبد الله غصب على السرير اخذنا شوي وبعدها اذن لصلاة المغرب وطلعنا انا وصالح وابو عبد الله نصلي ,,, وبالمسجد شفت ابراهيم وكان هو الامام فرصة لازم اعلم ابراهيم واقوله عن توعد خالد لبدر وربعه وانه ناوي يروح للرياض الاسبوع الجاي بعد الصلاة والحمد الله تحسن ابراهيم بالإمامة ,,, صار مايركبك ولا شي ,,, عادي بالعكس صوته احلى من اخوه فايز طلعت من المسجد ووقفت انتظر ابراهيم يطلع عشر دقايق وهو طالع ,,, رفعت صوتي اناديه انا = ابراهيم شوي ابيك التفت لي وجا ابراهيم = هلا خالد ,,, يقول صالح انك رايح تطلع خالد من المستشفى ,, طلعوه .؟ انا = ايه ابراهيم = زين ,, الحمد الله على سلامته ,,, بغيت شي .؟ انا = ابراهيم عندي اخبار ماتسر تغيرت ملامح ابراهيم وسكتت ينتظرني اكمل انا = ابراهيم خالد قالي امس ان الشباب اللي اعتدوا عليه سهرانين باستراحته وخالد معصب منهم وسمعته يتوعدهم والمشكلة انه ناوي يروح للرياض الاسبوع الجاي طير ابراهيم عيونه فيني ابراهيم بصدمة = صاااحي هذا .؟ انا = جاك العلم ,,, ابراهيم تكفى رح معه للرياض اخاف يتهور ابراهيم = اصبر اصبر خلني افهم اول ,,, الاستراحه لأبو خالد والا لخالد نفسه ,,, اذا كانت لأبوه يعلم ابوه احسن عشان مايدخلونها مرة ثانية انا بحزن = لا للأسف الاستراحة لخالد ابراهيم = ماشاء الله عنده استراحة حركت راسي باية ,,, سكت ابراهيم يفكر شوي ابراهيم = لازم نعلم الضابط انا = ماراح نستفيد شي ,,, هم بالرياض والضابط شغله هنا ماله دخل بالرياض ابراهيم = هذي المشكلة ( وسكت يفكر ) سمعته يتوعدهم ,,, وش قال بالضبط .؟ انا = يقول ابدفعهم الثمن ومدري ايش وبعدها على طول قال ابروح للرياض ,,, واضحة يابراهيم ابراهيم معصب = الصراحة خالد يبي من يعطيه كف يرجعه لعقله انا بتنهيده = خالد اخذ من الكفوف لين قال بس ابراهيم معصب = ابو عبد الله امس مثل المجنون يبيه يدرس بمدينة ثانية وهو بيروح لهم بنفسه انا = ايه انا قلت كذا بعد ,,, ابراهيم شسوات .؟ سكت ابراهيم شوي ابراهيم = ماتقدر تروح معه انت .؟ انا = الصراحة لا مااقدر اترك اخواني مرة ثانية ,,, بس اذا كنت ماتبي تروح انت ,,, آمري لله ابحاول اروح معه ابراهيم = امممم خلاص انا ابروح ونشوف عقله وين يوصله انا بتحذير = بس تكفى ابراهيم لا تقوله اني انا اللي علمتك حط نفسك انك تبي تخاويه كذا بس بدون سبب او حط نفسك ان عندك شغل بالرياض وتبي تخاويه ابراهيم = ايه اكيد طبعا ( وتنهد ) الله يستر @@@@@@@@@@@ نهاية الجزء الـ23
__________________ تكفون سجلوا بهاذي اللعبه يالله http://themafia.ae/?affuid=77398 |
|
#40
04-23-2010, 01:00 AM
| ||
| | ||
|
* 24 * مشينا متوجهين للحارة انا بخوف = تكفى ابراهيم لا تخليه يتهور ابرايهم = انا ابعلم الضابط انا = ايه بـ ابراهيم = لازم الضابط يدري تنهدت وسكتت وظلينا ساكتين لين وصلنا بيت ابو عبد الله ودخلنا بيته عشان ابراهيم يسلم على خالد ولقينا بغرفة خالد ابو سعد وابو محمد وابو فايز وابو عبد الله وصالح وفايز وسعد وماجد وخالد جالس بالسرير بأوامر خاله ,,, سلم عليه ابراهيم وظلينا حنا الشباب واقفين حوالين السرير والشيبان جالسين بعيد شوي ,, وصالح هو اللي يصب القهوة والشيبان كل شوي يعيدون علينا الاسطوانة ابعدوا عن رفقاء السوء ومدري ايش من هالنصايح قرب صالح من سرير خالد وانحنى شوي عليه وقال بصوت هامس عشان الشيبان مايسمعونه صالح بهمس = وانت متى تبرا بالضبط ,,, وش قال الدكتور .؟ سعد مستغرب وبهمس = ليش تسأل خله براحته يبرا متى مايبرا رفع صالح راسه والتفت لسعد صالح = لا بس مشتهي اتهاوش مع احد ضحكت عليه وعلى خالد اللي طير عيونه بصالح ماجد = هههههههههههههه وانا اقوووول ,,,, مسكييييييييين صلووح لــ سمعنا ابو صالح وقاطع ماجد بصوت عالي يهاوش ولده ابو محمد بعصبية = مشتهي وش .؟ ارتبك صالح خايف من ابوه صالح مرتبك = آآآ ,, لا سلامتك ,,, آآآآ ,,,, اصبلك قهوة يبه ضحكوا عليه الشباب ابو محمد بعصبية = انا صاير ماشوفك بالبيت وين تروح هاااه ,,, اشوف علمني من خوياك اللي تماشيهم .؟ ابو محمد خايف على صالح من رفقاء السوء من بعد اللي صار بخالد ,,, والا صالح مايماشي الا انا وماجد وابراهيم و يعرفنا زين ابو محمد بس مدري وش صار له صالح بمزح = من اماشي يعني ,,, مااماشي الا هالدشرن ( وأشر على ابراهيم وعلي وعلى ماجد بتقليل قيمة ) يبه تراهم بيخربوني ابراهيم = انت ماغيرك اللي بيخربنا ,,, لا تخليني اعلم عن سواياك التفت صالح لبوه متجاهل ابراهيم = يبه وبعدين انا داااايم ببيت عمتي ,,, الرسول وصى بصلة الرحم وانا اوصل عمتي واخدمها ,,, افاااا عليك بس رفع ابو محمد صدره مفتخر بصالح ابو محمد = ولدي الله يرضى عليك ,,, ايه هذا ولدي اللي انا مربيه ابو عبد الله بفرح = بارك الله فيك ياصالح ههههههههه مصدقينه الشيبان خالد بهمس يكلم صالح = صلة رحم هاااه ولا ويقول اخدمها يالكذوب وانت هذاك اليوم معيي توصلها السوق غير انا وديتها صالح بعصبية = اسكت انت اسكت سعد بسخرية = خالد اسكت عن هالبار الحنيّن اعلن ابو عبد الله بفرح ابو عبد الله بابتسامة = بكرة عشاكم عندي على سلامة خالد يوم السبت اخذت البحث وسلمته للاستاذ واعتذرت له عن تأخري في التسليم بعد ماخلص الدوام الدراسي الظهر رجعت للشقة على طول عشان اسأل خلود عن امي ,,, امس نسيت اسألها والحين اخاف انسى بعد دخلت الشقة ولقيتها فاضية ,,, شكل خلود مابعد جت من المدرسة ,,, رحت لغرفتي ,,, واااااااااو الشقة هادية ,,, مافيه ازعاج معاذ وصياح سلمى وعناد سالم ,,, انسدحت على سريري مستمتع بالهدوء وغفيت لين يجون على الغدا سألت خلود عن امي خلود تنهدت بزعل = جو للشرقية بس تقول مالقوا سكن مناسب الى الحين وهم ساكنين الحين مع عايلة ثانية من نفس جنسيتهم ,,, مانقدر نروح للشرقية عندها ,,, خالد انا مشتااااقة لها مررررررة تنهدت وسكتت مو بس انتي مشتاقة لها ,, كلنا كملنا غدانا وانا وخلود ساكتين وكل واحد بافكاره وبعد ماخلصنا تذكرت اني لازم ارجع الاب توب لخالد انا = خلود وين الاب توب .؟ خلود = بحجرتي انا = هاتيه ابرجعه لخالد خلود بضيق = اووووه خالد ابيه ماشبعت منه ,, بوقت فراغي مدري وش اسوي وادخل النت ,,, لااااا خالد لا ترجعه رفعت حواجبي ,,,, ياسلاااام انا = هو لخالد لازم ارجعه خلود = هو طلبه منك .؟ انا = لا ,,, بس لازم ارجعه الى متى يعني يصير عندنا سالم = انا من زماااان ماشفت خالد هو ليه مايجينا ,,, خالد قله يجي خلود بعصبية = وش يجي بعد انت الثاني سلمى = نبيه يلعب معنا خلود بعصبية = افففففففف خالد بالمستشفى مايبي يجي غصب انصدموا سالم وسلمى من اللي قالته تضايقت من اسلوب خلود انا بضيق = خلوووووووود التفت لي سالم سالم = خالد بالمستشفى .؟ التفتت لسالم وسلمى احاول اطمنهم ,,, هم متعلقين بخالد واكيد بيزعلون اذا عرفوا باللي صار له انا = لا ,,, خالد ماهو بالمستشفى ,,, خالد ببيته وطيّب ,,, وش رايكم نروح له العصر بعد العصر بساعة اخذت الاب توب وطلعت من الشقة ومعي سالم وسلمى وحتى معاذ ضربت جرس بيت ابو عبد الله وفتحلي خالد بنفسه ,,, رفعت حواجبي مندهش وش صاير بالدنيا خالد لابس ثوب ,,, بس لو يده ماهي معلقة برقبته كان بيكون كاشخ خالد = هلا خالد ونزل نظره يشوف اخواني وتوسعت ابتسامته خالد = هلاااا هلااا حيا الله الشباب جلس على ركبته عشان يسلم عليهم ,,, لأنه طبعا مايقدر ينحني وينزل لمستواهم بسبب جرح صدره العميق سلم عليه سالم وتعلق برقبته يبيه يشيله زي العادة خالد = اووووه سالم ماقدر حبيبي نزلت الاب توب بالارض وفكيت يدين سالم عن رقبة خالد وابعدته عنه انا = سويلم يله بلا دلع التفتت لخالد ولقيت سلمى متعلقه برقبته تحتريه يشيلها ,,, ايييييييه ابعد هذا يجي هذا فكيت يدين سلمى عن رقبة خالد وابعدتها عنه انا بضيق = سلومة يله بلا دلع التفتت مرة ثانية لخالد وطيرت عيوني يوم شفت الثالث متعلق برقبة خالد ,,, عصبت معاذ يقلد سالم وسلمى بكل شي وعلى عماها فكيت يدين معاذ الصغيرة عن رقبة خالد اللي ميت ضحك عليهم انا بعصبية = مستانس انت ووجهك قام خالد وهو يضحك خالد = ياااحبي لهم ابتسمت انا بابتسامة = شفت لأنك معودهم كل يوم تشيلهم ,,, كل ماشافوك قمت وشلتهم مارد علي وفسح لي الطريق ادخل البيت وهو مبتسم دخلنا غرفته ,,, ونزلت الاب توب حقه بطاولته انا = هذا لاب توبك رجعته ,,, مشكوووور خالد ماقصرت جلس خالد على السرير وهو ماسك بيد معاذ وخلاه يوقف قدامه خالد = ليه جبته ,,, كان خليته عندك مااحتاجه الحين تدخل سالم سالم = خلووود ماشبعت منه شهقت وعضيت على شفايفي بقوة ,,, فضيحة هالبزارين التفت خالد لسالم وهو ماسك ضحكته وبعدها نزل نظره لمعاذ وضمه لصدره على الخفيف وهو ساكت يحاول يحط نفسه ماسمع ,,, التفتت لسالم معصب ,,, اوريك ياسالم ,,, ان ماقصيت لسانك ماكون خالد جلست بجنب خالد على السرير وانا متفشل من سويلم الحمااار انا = احم ,, آآآ ,, وين ابو عبد الله .؟ التفت لي خالد خالد = اممممم مدري ,,, بس صالح وخالي شكلهم مشغولين عشان العزيمة صح تذكرت انهم عندهم عزيمة اليوم انا = تصدق نسيت ان عندكم عشا اليوم بـ وقاطعني سالم سالم = خاااالد بروح للشارع ابي العب برااا مع اصدقائي القديمين من زماااان عنهم ليتك رحت من اول انا بعصبية = أذلف سلمى = وانا بعد ابروح انا = روحي وطلعوا يركضون جا معاذ بيروح معهم بس منعته التفت لي خالد خالد = خالد ليه مارحت لدوامك اليوم .؟ نزلت راسي وسكتت خالد = اذا كان عشان الاب توب ياااخي مايحتاج تتأخر عن دوامك عشانه كان انتظرت لين تطلع من دوامك وتجيبه مايحتاج تتعنى مابي اقوله الحين عن تركي للشغل انا = آآآ ,,, ان شاء الله حط يده السليمة على كتفي خالد = خذ سيارتي ماحتاجها وتصرف فيها زي ماتبي انا = آآآ ,,, ماتقصر ( ورفعت راسي وقلت اغير الموضوع ) لابس ثوب اليوم وش عندك ( وابتسمت ) ضحك خالد خالد = ههههه رحت للمدرسة اليوم ومتعيجز اغير ,,, تصدق تأخرت عن الحصة الاولى عاد لو تدري وش اللي أخرني كان ضحكت علي هههههههههه ابتسمت مستغرب ومستانس بنفس الوقت انا بابتسامة = رحت اليوم لمدرستك خالد = ايه بس طولت وانا احاول البس ثوبي لين تأخرت عن الحصة الاولى هههههههههههه والحين متعيجز اغير انا = هههههههههه مو لازم تغير ,,, الحين يجون الرجاجيل ( وسكتت لما تذكرت شي ) بس تعال ,,, رحت على السيارة ,,, لا تقول انت اللي سقتها بنفسك خالد = هههههههههه لا ,,, خالي هو اللي وصلني ,,, بس ياخي عادي اقدر اسوق بيد وحدة ,,, بس خالي دايم يكبر الموضوع انا = اسكت اسكت وش قال قال اقدر اسوق بيد وحدة خالد بتحدي = جربني ضربت فخذه وقمت انا = انت خبل واللي يسمع كلامك خبل ,,, يله انا ابمشي الحين خالد = وين .؟ انا = للشقة بعد وين ,,, انا نسيت ان عندكم عزيمة والحين اكيد مشغولين خالد = لا والله انا فاضي ,,, ماعندي شي اسويه وطفشان ,,, ايه صح خالد ماقلت لي ,,, ليه مارحت لدوامك اليوم .؟ التفتت عنه بضيق ,,, خالد بينشب بحلقي لين يعرف انا بضيق = من اليوم وطالع ماعندي دوام ,,, استغنوا عن خدماتي والتفتت لخالد لقيته مطير عيوني فيني خالد = وووششش ,,, تركت شغلك .؟ انا = هم اللي تركوني ماهو انا اللي تركتهم خالد = من متى .؟ انا بحزن = من يوم الثلاثاء قام خالد ببطئ وحط يده على كتفي خالد = كنت عارف ,,, قلتلك انا مارتحت لمديرك ,,, لا تشيل هم ان شاء الله بتحصل غيرها انا بتنهيدة = اللي على شاكلتي مايحصلون وظيفة ,,, لا شهادات ولا دورات خالد = بالواسطة ,,, كللللل شي بالواسطة يمشي ( وكمل بنبرة غريبة ) حقي ماني قادر اخذه وكله من الواسطة يقصد بدر وراكان انا = ان شاء الله بتاخذ حقك منهم سكت خالد بتفكير سارح استغربت ,,, هالعقل وش يفكر فيه خالد بتفكير = خالد انا مستغرب = هلا خالد = وش رايك تجرب التجارة .؟ فتحت فمي استوعب وبعدها ضحكت انا = هههههههههههههههههههههههههههههههههههههههههههههههههه هههههههههههههه خالد مستغرب = وش فيك .؟ قايل شي يضحك دمعت عيوني من الضحك انا = وش قال قال تجارة ,,,, هههههههههههههه انا تبيني اجرب التجارة من ويييييييييييين ههههههههههههه ابتسم خالد وغمز لي بعينه خالد = خل كل شي علي سكتت مستغرب ,,, وشلون يعني اخلي كل شي عليه ,,,, من وين اجرب التجارة وانا ماعندي الا الفين من مستحقاتي اللي اخذتها من المستشفى رجعت الشقة وانا افكر بكلام خالد تجارة ,,, انا اجرب التجارة ,,, لا ابوي ولا جدي جربوا التجارة ابجربها انا بعد صلاة العشا قررت اني ماروح للعزيمة اكره العزايم ,,, كل اصدقاي و الشباب اللي اعرفهم لهم أباء وبالعزايم يجتمعون كل واحد ومعه ابوه الا انا ,,, احس بحزن وكره لنفسي لما اشوف ابراهيم وصالح وماجد وغيرهم يدخلون بعد ابائهم دخلت الشقة وجلست بالصالة اتفرج على التلفزيون ,,, طلعت خلود متشيكة وعباتها بيدها وسلمى ومعاذ وراها متشيكين بعد,,, رفعت حواجبي مستغرب ,, وين بتروح ذي وقفت خلود عند مدخل الصالة مستغربة مني خلود = خالد ,,, مانت رايح لعشا ابو عبد الله .؟ رديت عليها وانا مستغرب منها انا = لا ,,, وين بتروحين بهالوقت .؟ خلود = وليه مانت رايح مو تقول انك معزوم عنده انا = غيرت رايي ,, وين بتروحين .؟ خلود = ليه غيرت رايك انا بعصبية = اييييييييييييييه اسألك وتسأليني ,,, جاوبيني وين رايحة .؟ خلود = ابروح لجارتي زوجها مسافر وعزمتني عشان اسهر عندها الليلة وباخذ سلمى ومعاذ معي ,, بس قلي ليه مانت رايح ,,, انت المغرب قلت انك معزوم عند ابو عبد الله انا = وغيرت رايي مابي اروح حكت خلود راسها بتفكير خلود = ماسويت عشا لك ولسالم حسبتك بتروح لبو عبد الله انا = بتطلعين وتخليني في البيت لحالي حطت خلود يديها على خصرها خلود = انت دايم تطلع وتخليني في البيت لحالي رفعت حاجب واحد ,,, مالت عليها وعلى لسانها الطويل خلود = وبعدين وشوله تجلس بالبيت اطلع ورح لبوعبدالله وخذ سالم سالم = انا ابي اروح معك انا بعصبية = ماني طالع انا ,,, خوذيه معك ولا تطولين خلود = اهااا طيب ( والتفتت لسالم ) تدل شقة صديقتي .؟ غير ملابسك وتعال سالم = هي اللي دايم نخلي معاذ وسالم عندها خلود وهي تلبس عباتها = ايه انا = وانا وشلون اتعشى التفتت لي خلود خلود = خذ سندويشة وادهنها بأي شي لو بماء وكلها ههههههههه بغيت أضحك بس مسكت ضحكتي ورديت عليها معصب انا = اذلفي اذلفي ولا تتأخرين رن جوالي وقبل اطلعه من جيبي خلود = هذا اكيييييييييييييد خالد ,,, اتصل عليك يوم شافك ماجيت صدق انه نشبه وطلعت القيت نظره على جوالي ( خالد يتصل بك ) ضحكت فعلا هذا خالد ,,, مجنونة هالخلوووود انا بابتسامة = هلاااا وغلاااا بخالد خالد = وينك تأخرت احم وشلون اعتذر عن العزيمة الحين انا = آآآآ ,,, تأسفلي من ابو عبد الله ,,, وقله ماقدر اجي خالد = ليه ,,, تعال بس تعال ,, قال ماقدر اجي قال انا = اووووه خالد قلتلك مابي اجي خالد = ماتبي تجي والا ماتقدر تجي ,,, فيه فرق صادقة خلود ,, نشبة ,,, سكتت ولا رديت عليه خالد = الووووو ,,, يله خالد تعال نحتريييك ,, الكل حضر الا انت انا = خالد اعذرني قلتلك ماقدر اجي وخلاص خالد = تبيني اجي بسيارتي ,,, لموزين مجاني انا = خويلد ,,, ماني مشتهي اجي ,,, تعذّرلي من ابو عبد الله خالد = ليه خالد وش فيك ,,, محتاج شي .؟ تنهدت واعترفتله انا بحزن = ماراح تفهمني ,,, ماحب اشوف الشباب وكل واحد معه ابوه الا انا سكت خالد شوي خالد = طيب انا مثلك ,,, بس مافكرت باللي تفكر فيه انا = انت غير ياخالد ,, ابوك موجود الله يخليه لكم ,,, صح انه بعيد عنك بس موجود وابو عبد الله عندك ومعوضك ,,, قلتلك ماراح تفهمني ,,, اعتذرلي من ابو عبد الله وقله ماقدر اجي ماسمعت رد من خالد انا = الوووو خالد = آآآآ ,,, طيب انا مشغول الحين ,,, بس فيه موضوع ابي اكلمك فيه ,, انتظر اتصالي لا تنووووم ,, مع السلامة انا = طيب ,, مع السلامة سكرت عنه وانا ابتسم ,,, خالد الى الحين ماترك لهجة اهل الرياض ,,, بس ياترا وش الموضوع اللي يبي يكلمني فيه قمت ورحت للمطبخ اسويلي أي شي اكله الساعة 12 في الليل رن جوالي ,,, هذا اكيد خالد ,,, القيت نظرة وفعلا ( خالد يتصل بك ) انا = هلااا خالد خالد = هلا فيك ,,, السلام عليكم انا = وعليكم السلام ,, وش الموضوع اللي تبي تكلمني فيه التفتت لمصدر صوت الازعاج اللي جا مع دخلت خلود للشقة ,,, وقفت خلود وطيرت عيونها فيني خلود بهمس = الى الحين تكلم .؟ بغيت اضحك ,,, خلود راحت وانا اكلم وجت وانا اكلم بس طنشتها وركزت مع خالد خالد = امممم وش رايك نعتمر انا وانت ,, الحين مالك عذر لا شغل ولا مشغلة سكتت ومارديت خالد = هذاك اليوم كنت توك متوظف ,,, والحين ماعندك شي ,,, هاه وش قلت انا = واخواني خالد = كنت عارف انك بتقول واخواني ,,, بنعتمر مع اهالينا ,,, انا مع خالي وخالتي وانت مع اخوانك ,,, الصراحة ودي اخذ امي واخواتي بس صعب الحين وفكرت اخذ خالي وخالتي بدالهم ,,, هاه وش قلت انا = وقلت لخالك .؟ خالد = لا ,,, اول شي ابشوف عنك واذا وافقت قلت لخالي حكيت راسي ,,, الصراحة فكرة مش بطاله بس انا = تقدر انت تعتمر وانت بحالتك هذي .؟ خالد = وش فيها حالتي .؟ رفعت حواجبي ,, مسوين له عزيمة لطلعته بالسلامة ويقول وش فيها حالتي انا = تقدر تعتمر وبدر مشرّحك قبل اسبوع ,, تقول طبيب مشرحله مريض خالد = هههههه ايه اتقدر افاااا عليك ,,, وترانا اذا وافقت انت بنمشي يوم الاثنين ,,, يعني بتصير مكة فاضية تفاجأت انا = يوم الاثنين والدراسة .؟ خالد = ياااخي كلها يومين وحنا راجعين انا = طيب وليه ماتخليها خميس وجمعة وش حادك على وسط الاسبوع خالد = ابروح للرياض خميس وجمعة شهقت ,, مدري ليه صرت اخاف اذا قال ابروح للرياض ,,, المشكلة اهله هناك و بدر وربعه هناك ,,, يعني مافيه مجال امنعه ,,, و ماسألت ابراهيم وش ناوي عليه وهو بلغ الضابط والا لا خالد = الوووووو انا = آآآآ معك ,,, خلاص اقول لاهلي واشوف خالد = اوكي ,,, بس حاول تقولهم اليوم ,, عشان الاحد تتجهزون والاثنين نمشي انا = اهااا وسكرت عنه ,,, والله فكرة حلوة ,,, حنا من زمان ماعتمرنا (ابتسمت بحزن) اخر مرة مع امي وابوي قبل سنتين خلود = ودايم تقولي انتم يالبنات اذا مسكتوا التلفون ماتسكتون ,,, هذا انت ,,, رحت وجيت وانت الى الحين تكلم انا = هههههههههه خلود يامجنونة يوم رحتي هذا اتصال ويوم جيتي اتصال ثاني بس صدفة وافق الاتصال الثاني مع جيتك خلود وهي تجلس = ايه ايه صدقتك انا = المهم فيه موضوع ابي اكلمك فيه التفتت لي وعطتني بالها انا = وش رايك نعتمر .؟ شهقت خلود من الفرحة والمفاجأة خلود = ايه ايه ايه ايه انا = بسم الله الرحمن الرحيم هههههههههههههه شوي شوي خلود بفرح = ايه ايه نبي نروح حكيت راسي ,,, الحين وشلون اقول لها اننا مع خالد واهله انا = اكيد تبين تروحين .؟ خلود = طبعا وفيها شك انا = بس ترا ماحنا رايحين لحالنا بيسافر معنا احد قطبت خلود حواجبها مستغربة خلود = معنا احد ,,, منهو .؟ انا = ابو عبد الله وام عبد الله بس ينتظرون موافقتنا ,,, هاه وش رايك .؟ ابتسمت خلود = احلى شي مالهم لا عيال ولا شي ونقدر ناخذ راحتنا وااااااااااو ايه خالد بنروح بنروح ,,, الله واخيييييييرا بنعتمر انا = احم ,,, وخالد معهم ,,, خالد يعتبر ولدهم سكتت خلود وتغيرت ملامحها من الفرحة للضيق ,,, بسم الله والله اكبر بتبدا الهوشة الحين خلود بعصبية = ويرز وجهه معنا ليه ,,, ياخي ماقدر اخذ راحتي ,,, لا ,, لا يروح انا = خلود اكيد بنصير حنا بشقة وهم بشقة او الحريم بشقة والرجاجيل بشقة سكتت خلود شوي وهمست ( ايه صح ) انا = اذا كنتي ماتبينا نعتمر وتضيعين الفرصة علينا خلاص كيفك خلود = لا لا انا ماصدقت تقول بنعتمر ,,, الشكوى لله طيب متى قال ابو عبد الله بيسافرون .؟ خلود فاهمة غلط تحسب اللي مخطط للسفر ابو عبد الله ابتسمت خلها على عماها احسن ,,, المهم ماتخرب علينا الفرصة انا بابتسامة = يوم الاثنين خلود مستغرب = يوم الاثنين .؟ والدراسة انا = كلها يومين وراجعين ان شاء الله خلود = اهاااا ( وقامت بفرح ) ابروح اقول لامي وراحت قمت ورحت غرفتي واتصلت بخالد عشان خلود ماتسمعني انا = الوووو خالد = هلا خالد ,,, هااااه بشر ,,, اقول لخالي .؟ ابتسمت انا = ايه ,,, خلاص وافقوا الاهل ,,, بس تعتقد ابو عبد الله بيرضى يخليك تسافر وانت بهالحالة خالد = رجع وقال حالتي ,, ياشيخ انا بخير لا تخاف ,,, واذا بغيتني اطوف فيك بعد ماعندي مانع انا بمزح = هههههههه خلاص تراك قلت تطوف فيني ,,, وابيك تسعى فيني بعد خالد = ههههههههههه ماتنعطي وجه ,,, المهم الحين خالي نايم بكرة ابقوله بس انتوا تجهزوا وانا ابستاجر سيارة مناسبة لنا ,,, يله مع السلامة انا = خالد واذا عيا خالك يسافر ,,, او عيا عليك تسافر وانت توك طالع من المستشفى خالد = ماعليك خل خالي علي ,,, خالي مايرفض لي طلب واكيد بيوافق انا = على خير ,,, مع السلامة يوم الاحد طوال اليوم وانا مع اخواني وخلود بالذات اللي رايحة وراده تجهز شنطتها وشنطة سلمى ومعاذ واما انا اجهز نفسي واجهز سالم ,,, وبعد صلاة العشا بساعة انتهينا من التجهيز وكل شي مشى مضبوط ,,, الا الاحرامات اشتريها من مكه ان شاء الله وبعدها رحت مع خالد لاحد محلات تأجير السيارات وجبنا السيارة اللي بنسافر عليها وكانت جمس سوبربان ملكي الاثنين بعد صلاة الفجر تجمعنا حنا وعايلة ابو عبد الله بس طلعت لنا مشكلة وهو خالد قدام ماياخذ الى شخصين وابو عبد الله طبعا احتراما له لازم يصير قدام وبنفس الوقت لازم نريحه ونتكفل حنا بالسواقة وماحد يقدر يسوق الا انا ,,, لكن طحنا بمشكلة وحدة اللي هو خالد ,,, مايقدر يجلس ورا مع الحريم خاصة ان وحدة مرت خاله والثانية اختي وصعبة يجلس ورا عندهن وبنفس الوقت خالد مايقدر يسوق عشان انا اروح ورا ويصير بيني وبين ام عبد الله خلود ,,, يعني خالد لا يقدر يسوق و يصير قدام ومو محرم للحريم ويصير ورا انا = وين نوديك الحين وين نقلعك خالد = ياااخي اجلس انت ورا وانا اسوق ( وجا بينزل الشاش اللي يعلق يده فيها برقبته ) انا = وش بتسوي .؟ خالد = ابنزلها عشان اسوق كنا واقفين انا وخالد قدام السيارة وجا ابو عبد الله عندنا يوم شافنا نتناقش ابو عبد الله = وش فيكم .؟ ليه ماتركبون خالد = آآآ ,,, خال انا اقول لخالد يصير ورا وانا اسوق بسـ وقاطعه ابو عبد الله معصب ابو عبد الله = تسوق وانت يدك تعورك ,,, وش قلتلك امس ,,, ماقلت شرطي انك ماتسوق وتخلي السواقة لي ولخالد ,,, لا اشوفك تسوق فاااهم ابتسمت بحرج لبوعبد الله انا = طيب وين نوديه ياعم ,,, مايقدر يجلس ورا مع الحريم التفت ابو عبد الله للسيارة وبعدها التفت لنا ابو عبد الله = خلاص انا اصير ورا خالد وانا متفاجئين = هاااه خالد = انت ياخال .؟ ابو عبد الله = ايه يله يله امشوا تأخرنا وراح ينظم البزارين والحريم انا وخالد طالعنا بعض وحنا منحرجين من ابو عبد الله انا بحرج = نخليه يجلس ورا وحنا قدام خالد = كله منك ,,, ياخي الجرح هنا ( وأشر على عضده اليسرى ) واقدر امسك الدركسون انا = كله منك انت ,,, ليه ماستاجرت سيارة تاخذ ثلاث اشخاص قدام خالد = هذا اللي لقيت ,,, وبعدين جايب سوبربان عايلي وش تبي بعد ,,,تبيني اجيب باااص صاااارخ علينا ابو عبد الله معصب ابو عبد الله = يلللله تأخخخخخرنااااااااا ركبنا وحركنا وكنت انا اللي اسوق وخالد بمكان الراكب ,, وابو عبد الله وراه وبجنبه زوجته ووراي خلود ,,, وسالم وسلمى ومعاذ بالمركبة الثالثة البزارين متحمسين وضحك ولعب وصراخ ,,, ولما وقفت عند المحطة اعبي بنزين ,,, نزلهم خالد يشتريلهم خفايف وكيكاوات ,,, ورجعوا وكل واحد ومعه كيس هذا غير الكيس الكبير اللي معه واخيرا طلعنا من الديرة وساعة وساعتين وبعدها خف حماس البزارين واخيرا هجدوا الساعة 9 ونص الصباح وحنا بالطريق رن جوال خالد والقى نظرة عليه وبعدها فتح الدريشة اللي عنده ورد بصوت خفيف عشان اللي ورا مايسمعون خالد = بسم الله من كل شيطان وهامة ومن كل عين لامة التفتت لخالد مطير عيوني ,,, وش هالترحيب الغريب بالمتصل خالد = ,,,, وش تبي ,,,,, لا ,,,,,, ماتسمع اقولك لا ,,,,,, والله عاد كيفي ادفع الرواتب والا مادفعها مالك دخل ,,,, نويصروه يازفت انا ابي اعرف تحشر خشمك ليه .؟ ,,,,, قسم بالله نفسي اشوفك واشرب من دمك كرهتني بعيشتي شهقت ناااااصر خالد = وانت وش عليك ,,,, اقول فارق بس فارق ( وسكر معصب ) التفتت لخالد وسألته متردد انا بتردد = هذا نـ ,,, ناصر مال خالد ناحيتي وقرب مني عشان اللي ورا مايسمعون خالد بعصبية = قصّر صوتك ملت ناحيته وقربت راسي من راسه انا = هذا ناصر .؟ خالد = ايه ,,, الكلب يحشر نفسه بامور ماله دخل انا = وش يبي .؟ خالد = يـبـيني ادفع الرواتب للموظفين رفعت حواجبي ماني فاهم شي انا = ماني فاهم ,,, ممكن تفهمني قرب راسه لي خالد = انا مابي خالي يسمع ( قربت راسي له اكثر ) انا مأخر دفع الرواتب لموظفين العيادة عشان اضغط على وينلي @@@@@@@ نهايه الجزء الـ24
__________________ تكفون سجلوا بهاذي اللعبه يالله http://themafia.ae/?affuid=77398 |
 |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| غموض الحب- | العنيد1985 | أرشيف المواضيع الغير مكتمله او المكرره او المنقوله و المخالفه | 6 | 11-07-2009 09:51 PM |
| الاصفر اناقه -غموض-وكبرياء | غادةالكاميل | حواء ~ | 25 | 10-18-2009 09:17 PM |
| O صناعة الحب O ش/ عآئض القرني - جودة عالية - | mkaass | خطب و محاضرات و أناشيد اسلاميه صوتية و مرئية | 7 | 01-06-2008 07:06 PM |
| نظارة الشمس الكبيرة.. غموض وجاذبية | مغربية | حواء ~ | 10 | 08-22-2007 12:05 AM |
العرض العادي
