قلت لرفيجتي : خلينا نمر المكتبه مره وحده ونشتري الملخص ونجدع همه


وقلت للسواق روح للمكتبه

ولما وصلنا للمكتبه ونزل السواق وسئل عنها وقال بـ 12 ريال

انا معي اربع ريال
ورفيجتي ست ريال

بالله نبي ملخصين واحد لي واحد له شلون بعشرررره

المهم قلنا خلاص نشتري اللحين واحد واذا رجعنا البيت نرسله مره ثانيه يروح يجيب ملخص ثاني

بس هونا مشكله ناقصنا ريالين << قضيه فلسطين على غفله

قلنا للسواق معك سلف ريالين
قال : انا يعطي انتا ريالين بس يرجع لما يرجع بيت يرجع ريالين

لعنبو ببليسك ريالين موب الفين

يلا ووافقنا وشرينا وحده يوم رجعنا للبيت ارسلناه مره ثانيه يروح يجيب قال المكتبه فيه سكر

قلنا خل الفلوس معك واذا جاء العصر رووح

طبعا اخذت رفيجتي الملخص وكتبت اسمه وحلت فيه الواجب اللي علينا
والسواق هالذكي نسى يجيب الملخص يعني .. سحبه

المهم انا ناااسيه يوم جااء بكرى اللي هو اليوم
طبعا انا فصل ورفيجتي فصل مو مع بعض

المهم كانت عليهم الحصه الثاانيه ومشت الامور عادي

وحنا عندنا الحصه الرابعه قلت لرفيجتي :: عطيني ايااه وااوريه الوااجب وخلااص كأنه ملخصي
ولا لتنسين ترااني لي جزء فيه

مير اخذه ووريته الاستااذه بس مامر على خير شكله شكت وقعدت تمقل بهالملخص وقالت من ملخصه هذا
قلت : هاه ؟؟ حقي
راحت تجيب دفتر الدرجات من قدام وعلى طول افتح الصفحه الاولى واكتب اسمي مع اسم رفيحتي يعني كذا

الاسم : شقاوه + رفيجتي

جت الاستااذه ورجعت عندي قالت هاتي الملخص وانا قلبي يرقص خوف

شافت السماء قالت شلون اسمين في ملخص

قلت بتصريفه :: استااذه متقاطين فيه


وبصوت واطي :: والسواق معنا

قالت : لا ياشيخه وليه متقاطين فيه

قلت: اخر ملخص بالمكتبه وتهاوشنا عليه واتفقنا نــتـقاط فيه

قالت :: مكتوب على جبهتي بنقاليه
وبصراااخ:
برااااااااااااااااااااااااااااااااااااااااااااااا للمديره

ياعمرررررررررررررري انا حسااافه فلوووسي الاربع ريالات


المهم واانزل للمديره ويوم وقفت عند الباب قلت لا ياغبيه روحي جيبي معك رفيجتك

وااروح عند فصله وااقوله السالفه فطست طبعا

قلت : وتضحكين بعد !! قسما لااورطك معي

قالت : لاااااا لاااااا خلاص انا مالي دخل

قلت : نعم نعم وانا وش اسوي ؟؟

قالت لي خطه انماا ايه

ورحت للفراشه وقلت له : استااذه نوره تقول ارسلي الفراش للمكتبه اللي بجنبنا وقولي له يجيب له ملخص كذا وكذا وكذا

وهذي 12 ريال فلوس الملخص

طبعا الفلوس من رفيجتي

وراحت الفراشه وارسلت الفراش وجاب لي

وااخذته وكتبت اسم رفيجتي عليه
وعطيته رفيجتي

ورحت للمديره

وقلت لها

ان الاستااذه قاعده تهاوشني تقول ملخصك هو ملخص رفيجتي وانا ملخصي لي بحالي ماله دخل رفيجتي

بس عشاني كتبت اسم رفيجتي مع اسمي كذا استهبال
وماعطتني فرصه اشرح لها

قالت المديره روحي نادي رفيجتك وخليها تجيب ملخصها معها

رحت ناديت الملخص وقلت له جب رفيجتي معك << اعكسوه مالي خلق اعكسه

ورحنا للمديره ووريناها الملخص حق رفيجتي
قالت خلاص روحي فصلك بس مره ثانيه لاتكتبين اسم طالبه مع اسمك


قلت ان شاء بس مره ثانيه لازم الاستاذه تعطيني وقت اشرح لها مو على طول تهاوشني

قالت خلاص مايصير الا الخير روحي فصلك


رجعت فصلي وانا متشققه من الوناااااااصه فزت عليه 1_صفر

والحصه الخامسه كان علينا تاريخ قالت الاستاذه روحي جيبي اللوحه من تحت غرفه المعلمات

ونزلت ودخلت غرفه المعلمات مير تدخل بعدي المساعده وقالت للاستااذه اللي هاوشتني

: روحي المديره تــبـــيك

انا هنا تقدرون تقولون وصلت للمريخ ويمكن طولت ابعد بعد من الفرررررررررررحه

وقعد شوي قلت لحظه انا وش منزلني

من الفرحه نسيت اجيب اللوحه

بس امنيتي اعررررف وش صار هناك بغرفه المديره
وش قالت له المديره
وهي وش قالت
ووش صاااااااااااااااااااااااار

؟؟؟؟؟

بس تدرون يوم السبت عندنا هالاستااذه الله يعني عليها
ياهي بتحطني برااااسهاااا

مااظمن نجاحي هالسنه