اختبر مستوى رجتك - عيون العرب

*العدواني* · #1 04-23-2010, 04:48 PM

اختبار لقيااس رجتكـ/ــي
يا صباااااح الرجة

هل أنت مرجوج ؟

وإذا كنت كذالك .. ماهو مستوى رجتك ؟

ومالعلاج ؟

لإجابة على هذه الأسئلة ماعليك سوى اجراء هذا الاختبار النفسي ..

السؤال الأول :

انت توك قايم من النوم وطفشاااان ووااااصلة معك .. قمت تغسل وجهك وتفاجأت بنملة تبي تدخل خشمك .. ما هي ردة فعلك :

1- تمسك النملة وتفعصها بإصبعيك وأنت تكركر ومستانس و تقول : والله يا أنتي نملة منسمة تبين تخترقيني .. هع هع هااااااي .. بس على مين أنا أبو جلمبو والأجر على الله .
2- توخر النملة عن وجهك و تنتفها وانت تشتمها .
3 - تخلي النملة تدخل خشمك .

السؤال الثاني :

رااااجع من المدرسة أو الكلية او العمل .. المهم وتلقى الواااالدة سرحانة في الصالة تفكر وش تصلح بكرة إذا بغت تسير في الضحى على أم صويلح .. ماذا تفعل :

1- تسوي نفسك تعباااان وتصرخ وتمسك قلبك كأن ذبحة قلبية جايتك وأنت تقول : الحقيني يمة قلبي .. قلبي .. ولما تنهبل أمك عليك وتبي تكلم أحد يجي يوديك المستشفى .. تقول لها : قلبي تولع في الجنوب.. حب ورثته من الجدوووود
هع هااااااااااااااااااي والله تسحيبة يمة .
2- تجي بشويش من ورى أمك وهي سرحااانة وتصرخ في أذنها وتقول : مساااااتس الله بالخير .. وطبعاً هي بتنفجع وبتقول وجع الله يمسيك بعصا إن شاء الله .
3- تطلع غرفتك وماتسوي شيء

السؤال الثالث :

انت توك مقيل وماخذ لك قيلولة على كيف كيف مرت جيرانكم ونااازل الصالة إلا وتشوف خواتك الصغااار عند سبيس تون طااايرة عيونهم .. ماذا تفعل :

تجي يعنني تكنس وتغطي عليهم التليفزيون <<< أحلى يا أليسا
2- تجي يعنني بتشبك شاحن الجوال وتقوم تفصل فيش التليفزيون .. وتقول : أوه آسف .
3-تقعد تتفرج معهم.

السؤال الرابع والأخير :

بعد العشاء اشتهيت تويكس ونزلت تشتريه من البقالة ولقيت سيارة خويك عند باب البقالة :

1- تنسم كفراته الأربعة .
2- تسلم عليه وتلزم عليه يعزمك على العشاء .
3- تشتري له تويكس معك

النتيجة :

أعط نفشك لكل اجابة رقم واحد 3 درجات
ولك اجابة رقم 2 درجتين
ولكل اجابة رقم 3 درجة وحدة

9 - 12 :

أنت مرجوووج جداً ..

حالتك خطيرة .. وقد تتحول رجتك إلى هبااال رسمي .

الحل : خل امك تهمز راااسك بزيت سيارات ثمانين مرة بالثانية وإن شاء الله ماقدامك إلا العافية .

5 -8

أنت مرجوج بس على نذااالة شوي ..

مستوى رجتك معقول لكن لا تستخف دمك كثير لأنك ستجيب العيد .

الحل : خل عنك النذالة .. ولازم تؤمن إنك تعاني من الدلاخة في مراحلها الأولى ..

كل عصفور قبل الغدا مرة في السنة .

4 - 5

يا أخي انت منتب في الدنيا .. ميت والناس حيين ..

انتبه على نفسك لأن أهلك احتمال ينسووووك إذا بغو يسافرون.

الحل : كورس رجة مكثف عند أعلام الرجة في المنتدى .

بقولكم سر خطير جدا(ن) الموضوع ملطووووووووووووووش لعيونكم

اتمنى ان نالت ع راضكم

**CRAZY~LOVE** · #2 04-23-2010, 04:54 PM

يا أخي انت منتب في الدنيا .. ميت والناس حيين ..

انتبه على نفسك لأن أهلك احتمال ينسووووك إذا بغو يسافرون.

الحل : كورس رجة مكثف عند أعلام الرجة في المنتدى .

شكرااا على الموضوع

*العدواني* · #3 04-23-2010, 04:59 PM

مشكوره على المرور

*العدواني* · #4 04-24-2010, 04:03 PM

ويــــــــــــــن باقي المشاركات

*العدواني* · #5 05-23-2010, 07:34 AM

ـــــــــــــــــــــــــــــــــــــــــ

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أختبر مدى درجة رجتك	فوق مستواااك	نكت و ضحك و خنبقة	62	01-20-2013 05:27 PM
:::::::::::هل: تريد: ان::تعرف:: مدى:: رجتك:::::::::::::::::	T ω i χ	نكت و ضحك و خنبقة	64	12-20-2012 09:56 PM
اختبر عقلك	طارق.. رافضي أحمق وجاهل عليه من الله ما يستحق	مواضيع عامة	12	05-27-2011 03:28 AM
اختبر نفسك	saadhusen	مواضيع عامة	1	03-29-2009 12:06 PM
اختبر نفسك	mim28	ختامه مسك	5	03-25-2007 10:20 PM