05-30-2010, 11:29 PM
|
| |
| مقلب اللجنة الامتحانية المؤلم
اليوم راح احدثكم عن مقلب من قبل اللجنة الامتحانية للمسرعين
طبعا المعروف بالعراق نظام التسريع ينتقل الطالب من مرحلة الخامس الابتدائي للاول متوسط من غير ميمر بمرحلة الصف السادس ونفس الحالة الثالث متوسط والسادس اعدادي اي مراحل البكلورية وهذا هو نظام التسريع وطبعا هو نظام اختياري مو اجباري يعني من العراق كله يسرع اقل من 100 واحد وبيوم من الايام السودة الهواية بحياتي قررت اسرع طبعا قدمت الاستمارة وبعثوها للوزارة لان كنت مستوفية الشروط طبعا وبكل غباء سحبت صديقاتي للاثنين للموضوع ذنبهم برقبتي ظلينة شهرين نذاكر اختبارات ذكاء ومواد السادس الي المفروض حنسرع بيها الى ان جاء اول امتحان كان يتكون عن امتحانين امتحان مودا الخامس واختبارات ذكاء عشوائية مطبوعة من التربية
كان مكتوب بورقة التعليمات الامتحان ساعة 9 بس طبعا طلع ساعة 12 بقينا بالشمس 3ساعات الى ان صارت ساعة 11 طبعا الامتحان كان بالعاصمة بغداد دخلنا الامتحان بصورة عشوائية حوالي اكثر من400 شخص بقاعة وحدة بس وتعرفون شنو يعني بس وحدة انتظرنا ساعة بين مكفى المكان وبدء الامتحان والغريبة انواكو ناس كعدت على الارض وناس فوق الميوزة يعني مكفة المكان والحمد لله حجزت مكان اني وصديقتي طبعا المراقبين ظلوا يصيحون ولا كانهم اساتذة كبار وبدت الشتايم تهل مثل المطر على روسنه يعني خفت ليجي المراقب يكفخني بدء الامتحان وكانت المدة المفروضة15 دقيقة مع ان الامتحان امتحان ذكاء من خمس اوراق بين مخلصت ظل المراقب يعيرنا بالوكت بعد دقيقة وبعد دقيقتين واني نسفت اضافري خلص الامتحان وكنت مجاوبة كلش كلش زين خلص الامتحان دخلوا الاهالي والمراقبين يعيطون والقاعة تحولت الى بحيرة من كثر الماء الي شربوا الطلاب وبدء الامتحان الثاني لمواد الصف الخامس كلها والمدة 4ساعات بس سبحان الله الاسئلة كلها مو من المنهج يعني خارجية بين مخلص الامتحان خسرت نص وزني وايدية راحت واختفت من كثر الكتابة طلعنا من المتحان انقول لا حول ولا قوة الى بالله والمفاجاة الي نسيت اقوللكم عليها طبعا من المعروف ان شمال العراق ميتحدثون العربية لانهم كراد واتضح انه كان بنت كردية ويانة بالامتحان متعرف عربي ظلت طول الامتحان تبكي الى ان انهارت طبعا بالامتحان كانت الشتايم ببلاش وممنوع احد يسال حتى لو على ةين ايجاوب لان مافي ورقة للاجوبة يعني كل طالب حصل50 شتيمة له ولأهله وصار المجموع20000شتيمة في الامتحان والنهاية كانت تعيسة كون اللجنة الامتحانية معترفت بالامتحان الاديناه ورفضت تعترف بينا لاحول ولاقوة الى بالله وحسبي الله ونعم الوكيل
__________________
المجد سلم لايعرف النهاية
النجاح سلم لا تستطيع تسلقه ويداك في جيبك
لاتبحث في الشخص عن الكمال لان الكمال صفة لا يملكها غيرالله |
المواضيع المتشابهه 
.gif "thanks")
العرض العادي
