|
| |||||||
| قصائد منقوله من هنا وهناك قصائد مختاره بعنايه و أعجبتك ,منقوله من شبكة الإنترنت او من خارجها |
 |
| | LinkBack | أدوات الموضوع | انواع عرض الموضوع |
|
#1
06-23-2010, 09:22 PM
| ||
| | ||
| أول فى البادى؟ وثاني ابياتي**معطرة بصلاتي**عليك يا النبي بو فاطمة المختار وثالث كلامي**بادب واحترامي**نسلم علي الاصحاب والحضار نسلم عليهم**خاطري نا فيهم**جلسة معاهم مجلية الاكدار أكدار ومصايب**منها الخاطر طايب**يقصر كلامي نعبره ما صار صاير وصاير** في الكنين الحاير**صايف ربيعه بعد كان أخضار ربي يصبر**شي كان نخبر**شياً يفتت صلبها الاحجار دنيا غريبة**وين حد تصيبة**يعيش ف تعاسة وظلم واحتقار وكانهي واتاته**يعيش طول حياتى**مرتاح ولو طبعة م الاشرار وعندي مثايل**موش قولة قايل**خساره سميته ف الكرم ماصار "1" نفسه خسيسة**مخبية الدسيسة**وفالوجه يضحكلك عليك يغار وفيه الكريم**اللي غلاه سليم**يصبي معاك وما يدير اعذار تطلب رفقهم**دوم ما تفارقهم**ربة أجواد وما يديروا العار وأصحى الغلطة**ما أديرش خلطة**واللي سفيه اديرله مقدار والهى بصلاتك**قبل يوم وفاتك**وأدعي لربك في صلاة أفجار وانا دعاية**لربنا مولاية**إيجيب الزها يجلي علي الأكدار يجيب السعادة**وفرحتي بزيادة**كنه شفا ريدي ربيع الدار ماللي طراله**دمعتي منهاله**هكي العالي رادله الأقدار بنحكي القصه**وكامدتني غصه**علي ما جراله بو غثيث غمار نوينا سفرنا**في 12 شهرنا**ثامن ايامه وكرهبا آجار طلعنا ف ليله**بالسواد كحيلة**سوده قمرها غاب عالانظار الخمسه طلعنا**الكرهبا ولعنا**عمدنا لتونس قبل مالافجار معايه الشايب**وأم العيون رغايب**والوالده معايا نوت الاسفار عويشة حداية"2"**نايمه يالايه**لبسه جديدة معطرة بعطار تمت الخمس أهلله"3"**اللي كيفها ما حله**يحضر فجيعة ولا يشوف دمار نزلنا ف تاجوراء**والصلاه ضرورة**أداوم عليها دوم باستمرار الصلاه صلينا**و ف الطريق مشينا**جميعاً نوينا أنكملوا المسار هلبنا زواره**معنقره السيارة**هونداي بيضة يا أصحاب اسفار سمحة جديدة**والطريق بعيده**للعاصمه تونس نوت اسفار وبعد كمن ميل**وزحمته السبيل**إيجينا القدر في طلعته النهار ناوي اجتيازي**وين جاني موازي**ليبو تقابل وجهته لحمار حاول أيفادي**بين جاي وغادي**تجي ضربته ف اسطبنا ليسار التوازن فقدنا**وع الشمال جبدنا**برمت البيضه تاركه المسار هللي وطيها**يجي هو عاليها**السمحه الجديده مسها الدمار سمعت النويح**الوالده وهي تصيح**وتذكر ف ربي تقول يا ستار وين الغوالي**طمنولي بالي**يا نويرتي فيكم زعم شن صار نجاوب بطيبه**حنا بخير يالحبيبة**ما تفكري فينا نجن الاعمار وين الصغيرة**قلتها بكل حيرة**لحظات مني العقل عدا طار القيتها ماسكتها**لصدرها ضمتها**حماها حنان الام من الأخطار ودمها جي سايل**أم العيون ذبايل**علي بنتها تم يسيل انهار صبو علينا**ناس ماهم لينا**أصحاب الوطن واللي عليهم مار زلطن وطنهم**اللي ضربنا منهم**بيسعف يجينا تقول شئ ما دار عطيته عويشه**ضمها بقشيشة**وعلت بكاها نين فيها حار الوالد طلع**ماصارله الوجع**فكيتله احزامه وهو محتار شباك بابه*راح غير خرابه**منه طله متكيه ليسار الكرسي تكيته**وزولها نا ريته**كساها الدم ياريت فيا صار شديت أيده**وصارشي أكيده**أحسبته المولى لروحها مختار لكن الآها**قالها وطراها**عايش عرفته مغير فيه أضرار قلبنا التركه**في صراع وعركه**علي قممها رديتها باصرار بابه فتحته**وع الوطا طرحته**ونزلت هاللي دمها قطار صحت قلت بسرعه**وصار ضرب القرعة**وقالوا الداوه تشيل لسبيتار برمت الداوه**بخفه وموش قساوه**وشالت ثلاثتهم عليك نهار نهاراً مغبر**نا عليه انخبر**لا طب نافع لا فقي جبار تم نهار طويل**مع غرب لجميل"4"**هاللي الكرم فيهم صغار كبار ما يعرفونا**مغير ساعة رونا**وقفوا معانا كلهم لبرار وكلا الطبي"5"**ما عليك انخبي**ما فيه غير بعيصات صغار حولونا ليه**وخير هو ما فيه**أمغير مكتوبه أنذوق أمرار مبنى كبير**وفيه شي خطير**والواسطه دارولها اعتبار وكلا مرادي**أم الغثيث نضادي**بلطف المولى بحالها يا جار ف العمود كسور**اليوم ست أشهور**ما طب داوها بكن الأنظار الاردن مشينا**وكيف ما عدينا**رجعنا بخيبه زايده الاقهار وهكي حياتي**دوم في النكباتي**ما تم لولى الثانيه انتظار ونحمد المولى**وفي الصلاه ندعوله**باسلام يختم وآن الاحتضار ونختم اقوالي**بحمد ربي العالي**بالصبر يلهمنا علي الاقدار شعر ليبي يحكى على قصة 
__________________ صمتى لايعنى جهلى بما يدور حولى ولاكن ما يدور حولى لايستحق الكلام  |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| شاهد فلم تدمير مدرعة أمريكية بمنطقة التاجي | algdz | أرشيف المواضيع الغير مكتمله او المكرره او المنقوله و المخالفه | 3 | 01-19-2007 04:46 AM |
العرض العادي
