هي ثقلت على النخل وقفت الطير...... }~ - عيون العرب

مجروحه من أعز الناس · #1 07-01-2010, 01:10 PM

ماني معين خير تصبح على خيـر=للنـوم ماخلقـت عيـون الذيابـه

أشوف بعيونـي غيـوم التعابيـر=قامت اطشطش بالمعانـي سحابـه

صبت وصبت ثم هبـت أعاصيـر=ريح الألـم هـز القلـم للكتابـه

شي ٍ يطير وشي ٍ مـاوده يطيـر=طار الورق عقب السكينه خرابـه

حاولت أرمي الزعل وإمتلى البير=وبعض الزعل أحيـان ماينحكابـه

حاولـت أدور للخطايـا معاذيـر=وكل مافتحت الجرح يكبر صوابه

لا لا مانعميت وقلتها دون تفكيـر=الكلمـه اللـي قلتهـا قلتهـابـه

شخص ٍ بعيني غير كل البشر= غيردون الصداقـه كـان دم وقرابـه

ماعاد له حشمه وقيمـه وتقديـر=من يوم كث [بوسط عيني ترابـه]

شيصير يعني لو يقولون شيصير؟=ماهمنـي والله سـاعـة غيـابـه

{هي ثقلت على النخل وقفت الطير}=.نفس السؤال الصعب يمكن جوابه

شيبان يوم سل سيفه على الزيـر=بالسيف نفسه سالم الزيـر جابـه

ماضن باقي عقب هـذي تفاسيـر=كل جرح يبرا غير جرح القرابـه

لكم ووووووووووووووودي الخالص.....

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الطير الأبابيل	nalovena	نور الإسلام -	1	04-11-2010 02:27 AM
أنشودة الطير	الطائرالحزين	شعر و قصائد	39	08-04-2009 02:08 PM
عيش بقلب ...و ابتسم بقلب....و سامح بقلب	برو@	مواضيع عامة	9	06-15-2009 04:16 PM
صورة وآية: الطير صافات	حقيقة لا خيال	مواضيع عامة	1	06-10-2009 01:07 PM