لميس انهااارت وطاحت واغمى عليها .. وامسكوها الدكاتره وودوها لغرفه خاصه ..

بعد ثواني الي الكل فيها منهاااااااااااااار طلع الدكتور ..

الدكتور : وش فيكم يا الأخوان ليش فجئه اصواتكم عليت وصرختوا؟؟؟

رامــا وعيونها كللللها دمووع : دكتووووور لالالالا شرووق ماتت لااااااا ..

الدكتور : افااا لا تفاولون ع البنت البنت عايشه وتحسنت حاتها .. وبأمكانكم تشوفونها ..

لينه : لحضه لحضه كيف يعني ؟؟؟

الدكتور : البنت الحمد لله بسلامه ومافيها شي .. وش فيكم ؟؟

زياد : بس كيف والدكتوره الي قبل شوي ؟؟؟؟؟ قالت انها ماتت ..

الدكتور : لا يا اخوان الدكتوره الي قبل شوي عصبت عليها انا شويه لأنها ما تسمع الكلام وحبت انها تقهرني وتقول لكم ان البنت ماتت ..

مشاري من بعيد وعيونه كلها دمووووووع : يا شباااب ماتت ؟؟ صدق الي سمعته مااتت ؟؟

رامـا : لا ..

مشاري : لا ؟؟

ديمـا : لا ..

الكل مو مستوعب الي يصير .. الكل كان يبكي ومنصدم والحين صاروا مصدومين بس صدمتهم فيها فرحـه ما استوعبوا الي يصير معهم ..

مشاري تنهد وسجد لله سجود الشكر

وبعدها الكل استوعب لينه حضنت رامـا وعبدالعزيز حضن خالد و زياد حضن اياد وسحر وديما حضنوا بعض .. والكل حضن الثاني وكانوا فرحانين تحولت دموعهم من دموع حزن الى دموع فرح ..
زياد ما قدر يتحمل ركض وكض متجه للغرفه الي فيها لميس كان يركض بطريقه عجيبه بسرعه فووق ما تتصورون سريع سريع مره وصل للغرفه وحتى ما طق الباب .. لما دخل كانت الغرفه ضلااام وبااارده .. سكر الباب بشويش ووصل للسرير الي تنام فيه لميس تفاجئ من شكلها كان شعرها مفتوح ومتصاقطه خصلاته الناعمه على وجهها كانت رموش عيونها كثيره وهي نايمه وبياضها ناصع جميله لأبعد درجـه ابتسم من دون ما يحس بعمره وهو يشوف وجهها وفجئه انفتح الباب وطلعت طبيبه ..

الطبيبه : شو عم بتساوي هون ؟

زياد بلع ريقه : هااه .. آآآآآآ .. ولا ولا شي

الطبيبه : شو بتأربك هاي < بتأربك يعني بتقربك ..

زياد : اختي ..

الطبيبه : اهاا ..

الطبيبه : ممكن تتفضل معي ع المكتب بدي احكي معك شغله بتخص البنت ..

زياد : اوكي ..

وراحوا ع المكتب ..

الطبيبه : اختك لميس بتعاني من فقر دم حااد ..

زياد : ايــــــــــــش !!!

الطبيبه : لازم بتخلوها بتاكل منيح واكتر شي لازم تاكله الفواكه والخضروات .. وازا ما خليتوها بتاكل منيح وخليتها على كيفا راح يغمى عليها بأي صدمه بتجيها او اي ألم بتحس فيه .. وازا كترة طيحاتها وانغمائها راح تموت فورا لا سمح الله لازم تكونوا واعيين عليها منيح .. اوكي !

زياد : اوكي .. بس قوليلي وش نسوي لها يعني بس نخليها تاكل كل شي وتكثر من الفواكه والخضرات ..

الطبيبه : اي وكمان لازم ما تخلوها تروح ع أماكن مرتفعه .. ولا تخلوها بتشم روائح شديده مثل ريحة البخاخات القويه والعود والفليت والغاز ..

زياد : اهااا ..

الطبيبه : وكمان لما تشوفوها شربت ماي أوعكون تخلوا بتجري لأنه راح تعزل دم ..

زياد : اوكي ..

الطبيبه : فينك تتفضل تشوفا وتعلما ع الأشياء الي قلتلك اياها ..

زياد : اوكي ..

طلع زياد من غرفة الطيبيه وراح لغرفة لميس .. طق الباب مرتين ودخل .. لما دخل شاف الأنوار مولعه عرف انها صاحيه تنحنح

زياد : احم احم ياااا ولد ..

لميس حطت طرحتها على راسها وتلثمت فيها

زياد : لميـــــــس عطيني البشاره ..

لميس عطت زياد نضره قااااتله تشبه هذا >> -__-"

زياد : شرووق ما ماتت هاهاهاهاااااي ..

لميس : ادري ..

زياد : وش دراك ..

لميس : البنات قالولوي من قبل نص ساعه ..

زياد : اهااا .. فشلتيني ..

لميس : وش تبي ؟؟

زياد : الدكتوره قالتلي انو فيك فقر دم ..

لميس : اها

زياد : وشو اهاا قولي شي ثاني ..

لميس : انا داريه من زمان ان فيني فقر دم ..

زياد : بس هذا حاد ..

لميس : والمطلوب ..

زياد : ليش تتكلمين كذا من طرف خشمك ؟؟

لميس : لأنك كذبت علي ..

زياد : كذبت عليك ؟؟؟

لميس : من معاملتك لي وكلامك لي ونضراتك لي حسيت انك تحبني ومعجب فيني .. بس اكتشفت قبل شوي اني مجرد تسليه عندك لا تحبني ولا شي وتعتبرني مثل اختك المضحكه ..

زياد : لحضه لحضه وش السالفه متى انا قلت اني اعتبرك مثل اختي ..

لميس : لما دخلت علي وكانت الغرفه ضلام وبرااد دخلت بعدك الدكتوره وقالت وش تقربلك هذي انت قلت اختي يعني تعتبرني مثل اختك

زياد : ههههههههههههه الحين عشان كذا انتي زعلانه وش تبيني اقول لو درت انك ماتيب اختي بروح في داهيه بيقولون وشلون تدخل على حرمه وبنشتكي عليك ومدري وش ..

لميس : ههههههه ماشاءالله يعني تدري انك مسوي شي غلط ..

زياد : والله من الحماس كنت بقولك .. لميس احبك

لميس استحت : اقول اذلف عن وجهي للحين بالشبشب ..

زياد : شبشبك حتى هنا يتواجد شبشبك بكل مكان اروحله القاه قدامي .. لاحوول ..

لميس : ههههههههههههه ..

زياد : لميس انا كنت ابي اقولك شي من زمان بس كنت متلبك ..

لميس : وات ؟

زياد : اذا جيت وخطبتك بتوافقين علي ؟؟

&&&&&&&&&&&&&&&&&&&&&&&&&

لميس شهقت فجأه : هــــئ ايـــــــش ؟؟؟؟؟

زياد : انا كنت بجي انا وابوي نخطبك بس قلت اشوف رايك قبل ..

لميس : والله .. والله مدري وش اقولك يعني ليه كذا فجأه .. وانت ما لقيت تقولولي الا وحنا هنا في المستشفى كان صبرت شويه اذا رحنا البر ..

زياد : مافيني صبر احبك لميس اعشقك ..

لميس تلبكت واستحت وما تدري وش تقول بس دنقت راسها ..

زياد : موافقه علي ؟؟

لميس استحت : اممممم ايــه ...

زياد صررررخ من الفرحه وكان وده يحضنها ويبكي من الوناسه .. طلع برا الغرفه وصار يركض مثل المجانين بين الممرات وهو يصارخ وافقت وافقت احبـــــــــــــك لموووووووس هههههه ..

&&&&&&&&&&&&&&&&&&&&&&&&&&&&

خالد : نقدر يا دكتور نشوف شروق ..

الدكتور : ايووه تقدرون بس رجاء واحد ورا الثاني وممنوع تحدثون ضجه او تلمسون شي ..

خالد : اوكي .. انا بروح لها اول ..

الدكتور : اوكي .. << وراااح ..

　
دخل خالد وشاف شروق نايمه وحاطين عليها حبل الأكسجين جلس على اقرب كرسي للسرير ومسك أيد شروق وباسها

خالد : شروق يا قلبي انتي .. انا اسف على كل شي سويته وازعجك .. والله اني ندمان على كل لحضه قسيت فيها عليك .. انشاالله اذا رجعنا للبيت وصرتي كويسه وما فيك الى العافيه راح اجلس معك ونسولف ونضحك ونلعب واهم شي نتهاوش بس هواش حلو " وبدا يبكي " شروق انتي سامعتي ؟؟ شروق والله اسف اســـف ..
حركت شروق يدها وضغطت على يد خالد

خالد : الحمدلله حركتي يدك طيب انا ابي اسألك اذا كنتي موافقه اضغطي على يدي واذا ما كنتي موافقه لا تضغطينها ..
انتي مسامحتني ؟ ضغطت يدها يعني ايه
انتي مسامحه لمووس ؟ ضغطت يدها يعني ايه
انتي زعلانه لأنك كنتي ناويه تنتحرين ؟ ما حركت يدها بعنى لا
يعني انتي منتي زعلانه لأنك انتحرتي
انتي معصبه لأننا انقذناك ؟ ضغطت يدها بقووه هذا يدل على انها كانت تبغى تموت ما تبغى تحيا
ياقلبي انتي يا شروق والله احبك يا احلا اخت بالدنيا .. يلا الحين بتدخل لينه عندك ..

دخلت بعده لينه والعيون متجمعه بعيونها ..
لينه : شروق والله انا اسفه سامحيني .. صدقيني من يوم كنت صغيره وانا اتمنى تكونين صديقتنا بس انتي الله يهداك اسلوبك حاقد .. ان شاء الله اذا قمتي ورجعتي لنا بالسلامه راح نجلس مع بعض وراح نكون احلا اصحاب .. يلا ندى تبغى تدخل ..

ندى دخلت وكانت تبكي مرره كثير
ندى : حبيبتي شروق انا جديده عليك وانتي ما عمرك تشوفيني بس على اني جديده وما تعرفنا على بعض كنت قاسيه عليك لدرجه فضيعه سامحيني وبجد بجد انا اسفه وندمانه حبيبتي شروق والله لو بأيدي ارجع الزمن لورا كان جلست معك وتعرفت عليك ولعبت معك وسلوفت وضحكت وفرحت بس للأسف الزمن ما يرجع .. بس نقدر حنى نخلي فيه حاضر احلا واجمل ونبدا صفحه جديده في حياتنا .. وانا عن جد اسفه .. سحر وديمـا يبغون يدخلون عندك قلبوو ..

ودخلوا سحر وديمـا وهم يبكون بشكل فضيع
سحر : اســفه ..
ديمـا : سامحينا ..
سحر : عاملتك بقساوه ..
ديمـا : تركناك لما جو البنات وما رجعنا لك ..
سحر : كنا قاسيات ..
ديمـا : سامحينا ..
سحر : من جد انا اسفه ..
ديمـا : وانا اسفه اكثر ..
سحر : زياد يسلم عليك ويقول لو بأيدي ادخل كان دخلت بس مقدر ..
ديمـا : وعبدالعزيز قـالـ......
ماكملت جملتها والجهاز نبضات القلب طوووووووووووووووووووووط هذا يعني انو قلبها وقف ..
الدكاتره كلهم دخلوا والدكتور دخل وسوو لها لسعات الكهرب مع كذا مافيه استجابه و سوو لها تنفس اسطناعي .. وضربوا على صدرها مره ثانيه بالكهرب ومره ثالثه .. كان شكل شروق ما يسر كان وجهها شاحب وابيض بياض مخيف وشفايفها زرق
********************
برا الغرفه .. مشاري ماقدر يتحمل دخل ع الغرفه من دون استأذان ومسك يدها ومسحها وكان يبكي بطيريقه ..

الدكتور : مين دخل هذا هنا .؟؟؟ اتفضل لوسمحت براا

النيرس : تفضل برا لو سمحت ..

مشاري : الله يخليك يا دكتور بجلس هنا الله يوفقك ..

فجأه بدت نبضات شروق ترجع مره ثانيه مثل اول ..

الدكتور : يا أخ امسح على يدها وعلى راسها هي تستجيب اذا سويت فيها كذا ..

وبدا مشاري يمسح عليها وهو يدعي ويذكر الله ويقرأ قرآن ورجع نبض شروق مثل اول ..

الدكتور : الحمدلله يا رب .. مشكور يا اخ ...

مشاري : مشاري ..

الدكتور ابتسم : مشكور يا اخ مشاري لولا الله ثم انت لما رجع نبض قلبها مشكوور ..

مشاري : الحمدلله على كل حال ..

دخل خالد وهو مفجوووع ..

خالد : وش فيها شرووق ؟؟؟ وش صاار ؟؟؟

الدكتور : مافيها شي .. بس انا سبق وقلت ممنوع يدخل اثنين ع الغرفه وممنوع تلمسون اي جهاز ..

سحر : اسفين يا دكتور ..

ديمـا : لحضه لاتحطون السبب فينا ترا حنا ما لمسنى ولا شي حتى السرير ما لمسناه .. يعني لاتقول هذول الثنيتين السبب ..

الدكتور : انا ماراح اقول انكم انتم السبب ولاكن على ما اعتقد انكم انتم السبب في الموضوع ..

ديمـا : لالالا لا والف لا .. مو احنا السبب انا عارفه من السبب لاكن منيب قايله بس والله ما يخصني ولا يخص سحر امممم خلاص بكيفك قول الي تبغاه اهم شي اني مو انا ولا اختي السبب ماعلي منك تكلم اليـــــــــــــن بكره ماعلي اهم شي انه مهوووب انا ..

الدكتور ضحك على اسلوبها الطفولي : يلا يا بزره انا طالع ..

ديمـا تقلد صوته وتتطنز : يلا يابزره انا طالع ..

الدكتور يضحك : هههههههه ياماما مايصير النونو يكون في اماكن مثل هذي تعالي ياقلب امك واطلعي برا وراح اعطيك حلاوه ..

ديمـا : هـ هـ هـ بجد بجد بجد سخيـــف سخافتك لاتطااق الصراحـه .. مسويلي فيها كبير تراني اكبر منك يا تيس ..

الدكتور هنا فقع ضحك وطلع من الغرفه وهو يضحك ..

&&&&&&&&&&&&&&&&&&&&&&&&&&&&&&

في البـر ..

وبالتحديد عند المراهقين ..

مـاجد : كشفتك يا ولد ..

عبدالوهاب : هاهاهاااااي انا بنت ..

ياسر : هاهاهاهاااااي انا الولد يا دبشه ..

ماجد : طيب عبود غمز لي ..

عبدالوهاب : انا ؟؟؟؟ وقدامي بعد تكذب ..

مهند : وانا بنت ..

محمد : وانا بعد بنت ..

ماجد : اصلاً اللعبه باااااايخه انا ماني لاعب..

ياسر : بستين الف الف الف داهيه ..

مهند : من جد تحسبنا ميتين عليك ..

ماجد : وجععع احسبكم بتراضوني لاكن هين بلعب وبحرق قلوبكم .. اسمعوا اللعبه الي بعد شزي الي يخسر فيها له عقاب .. وعقابه انه يدخل على الحريم ويرقص ..

محمد : اوووح والله فلللللللللللله ههههههههههههه ..

عبدالوهاب : هاهااااااااااي مدري ليه حاس انو مهند هو الي بيرقص ..

مهند : لو على جثتي لو امووت اليوم قبل بكره منيب راقص قدامكم فكيف تبوني ارقص قدام الحريم والله انتحر قبل ما اسويها ..

ياسر : هاهاهاهاهاااااااي مرره يضحك يارب يكون انت يا ماجد لأنك انت الي جبت الفكره ..

ماجد : لا الله لايحطني بمكان الي بيرقص .. ولاكن نبي عهد ووعد ان الي يخسر يرقص قدامهم .. لأني اخاف انه يكذب علينا ويقول منيب ..

عبدالوهاب : اوعدك اذا خسرت برقص قدامهم ..

ياسر : اوعدك اذا خسرت برقص قدامهم ..

مهند : اوعدك اذا خسرت برقص قدامهم ..

محمد : منيب لاعب ..

ماجد : اوكي .. اوعدكم اذا خسرت برقص قدامهم ..

نرجع لهم بعدين الحين نبغى نروح عند عبير وريم
&&&&&&&&&&&&&&&&&&&&&&&&&&&&&&&&&

ريـم : تصدقين يا عبير انا ما احب امي ..

عبير : لا تقولين كذا مهما يكون هذي امنا يا ريم عيب الي تقولينه ..

ريم : بس انا ما احبها ما احبها كبرنا وصرنا على وجه زواج وهي لسه معذبتنا ..

عبير : امي قاسيه شوي لاكن ما تصول المواصيل انك ما تحبينها حرام عليك ..

ريم : مو هي الي حرام عليها ..

عبير : اموت واعرف هي وش مسويه فيك ..

ريم : الحين صار عمري 20 وهي ولا هامها لسـه تضربنا وتعاقبنا وتمنعنا من كل شي .. تمنعنى نروح نشتريلنا ملابس على اذواقنا لازم هي الي تختار .. تمنعى نتعشى من المطعم لازم اكل بيت .. تمنعى نتفرج تلفزيون كذا بدون سبب .. تمنعى من الجوالات والكمبيوترات .. تمنعى من الطلوع والخروج وحتى حديقة البيت ممنوع نروحلها .. منعتنى من كل شي ما نقدر نتنفس ونعيش .. معذبتنا تعذيب .. شوفي حتى الطلعه الي طلعوها البنات منعتنا نروح لها .. وابوي مايدري وين ارضه من سماه خايف ان امي تزعل وتتضايق ويخاف منها اذا عصبت .. ما عنده اي شخصيه زيرووو .. واذا طلبنا منه شي يقول قولوا لأمكم مالي شغل .. وش هالعيشه يا عبير ماني قادره اتنفس حاسه نفسي مخنوقه .. معقوله فيه بنت كبري بالجامعه ما عندها جوال ولا عندها جهاز لابتوب او حتى حاسب .. حتى الدرجات الي لازم تنزل بالنت لازم امي بنفسها تروح لبيت الجيران وتدخل بأسمي وتقراها .. مو معقوله .. موكافأتنا من الجامعه تاخذها .. كل ما عطانا ابوي شي تاخذها .. وتلوميني اذا قلت ما حبها ..

عبير : لاحوول ولا قوة الله بالله .. انا صار عمري 21 حتى علبة ميك اب ما عندي .. بالزور نروح للجامعه .. ما تبينا ندرس .. ريـم انا عندي فكره الحقيني بقولك اياها وانا اشم هواء منحبسين بالخيمه طول الوقت ولا نفهم سوالف الحريم ..

(( قامت عبير وريم متجهات للباب عشان يطلعون شويه .. ))

ام عبير : لحضه لحضه انتي وياها على وين ؟؟

عبير : نبي نشم شوية هوا ..

ام عبير : لا مافيه اقعدوا في ذا ولا تقومون فاهمين ..

ريم : بـس ...

ام عبير : مافيه لابس ولا شي لاتخلوني استخددم معاكم اسلوبي الثاني واوريكم شغلكم انثبروا يامال الهده انثبروا ..

عبير تكلم ريم بشويش : شكلي بقولك الخطه هنا ..

ريم : وش هي حمستيني ؟؟ ..

عبير : وش رايتك نهرب ؟؟؟؟؟؟؟ ..

ريم بصوت عالي : ايــــــــــــــــــــــــــش ..

كل الي بالمجلس انتبهوا لها ..

ريم حبة ترقع : ايش ؟؟ ماعمرك تشوفين الممثله مدري وش اسمها ..

رجع كل الي بالمجلس لسواليفه وكلامهم

وريم كلمت عبير بشويش : معقووله انتي صاحيه يا عبير اكيد انجنيتي .. تبيننا نهرب ؟؟

عبير : والله انا مني متحمله اني اعيش بحياة بائسه مثل هالحياة انا يا اني اهرب او اني انتحر وحده من هالثنتين والأفضل اني اهرب من البلد كلها واكمل دراستي برا وانجح واتخرج وشوف مستقبلي .. بعدين انا هنا حياتي كلها ضرب امي بس تضربني وابوي يشجع امي على انها تزيد في الضرب لأسباب تافهه .. انا ما ابي اكمل حياتي مع اهل يضربوني ومع حياة ممله محرومه من كل شي .. ومن متحمله اكمل حياتي من دون ما أكمل دراستي .. انتي تتصورين وتضنين انو فيه احد بيخطبنا .. محد خاطبنا لو على جثتي مادمنى في هذا البيت .. خلاص انا خذت قراري بهرب ..

ريم : انتي على بالك ان الهرب شي سهل .. انا معك في الفكره انو نهرب لان وين ومن يدبرنا ووين نعيش ..

عبير : لا تخافين انا المكافئه حقتي والمكافئه حقتك راح تكون يوم الربوع يعني بعد بكره وراح اخذ من بابا فلوس شويه وراح اطلب من صديقاتي فلوس وانتي اطلبي من صديقاتك .. وناخذ معانا شنطه وحده نحط فيها ملابسنا وكتبنا واغراضنا .. وعلى طول ع المطار نروح لسويسرا او اي مكان تحلمين تروحين له .. نقول مثلا نروح نيو يورك او رومـا .. نجلس هناك وندبر لنا شقه صغيره فيها غرفتين ومطبخ وحمام وندور على شغل ونشتغل واذا استقرينا واستقلمنا هناك نرجع نكمل بالجامعه ..

ريم : طيب وافرضي ابوي وامي دروا اننا هربنا ودوروا علينا وارسلوا ناس يدورون علينا برا .. وشافوا جواز سفرنا وقالولها الي بالمطار اننا رحنا على مثلا سويسرا وراحوا ودورا علينا ولقونا وش تتوقعين بيصير فينا ؟؟

عبير : مو هذا الي انا خايفه منه ..

ريم : طيب عندي فكره وش رايك نهرب بـنقل الجامعي ..

عبير : وكيف يعني ؟

ريم : يعني بباص نسافر لأي مكان بباص ومن باص الى باص الي ما نوصل لسويسرا ..

عبير : اوكي انا موافقه .. بكره راح يرجع الكل على بيته .. وانا من اليوم ببدا اطلب من صديقاتي فلوس .. وانتي نفس الشي ..

ريم : اوكي .. بس انا خايفه ..

عبير : اكيد راح تخافين لأن هذي اول تجريبه لك ..

ريم : وانتي يعني هربتي قبل كذا ؟

عبير : ايووه هربت من المدرسه ..

ريم : اهااا ..

$$$$$$$$$$$$$$$$$$$$$$$$$$$$$$$$$$$$$$$

في المستشفى .. في غرفة لميس جات عندها رامـا ..

رامـا : لميس الحمدلله شروق صحيت ..

لميس : الحمدلله ..

رامـا : انتي كيفك تحسنتي ؟

لميس : انا مافيه احسن من حالتي نشيطه وقويه بس الدكتور مو راضي يطلعني ..

بعد لحضات جاء الدكتور ..

لميس : طلعني يا دكتور انا حالتي زينه والحمدلله ..

الدكتور : حالتك مررره مو كويسه لازم تجلسي عندنا اكثر .. لأن انتي بأي لحضه وبأي صدمه تجي على طول حتدوخي ..

رامـا : ليش يا دكتور وش فيها لميس ..

الدكتور : ليش هيا ما قالتلكم ..

رامـا : لا ..

الدكتور : فيها فقر دم حاد جدا ممنوع تجري اذا شربت مويه لأنها حتعزل دم ..

رامـا : واااا يوووه .. لميـــــس ليه ما قلتيلنا ..

لميس : ههه سوووري ..

رامـا : يووه بايخه كان قلتيلنا ..

لميس : افرضي قلت وش بيصير ؟؟

رامـا : لا يصير .. طول عمرنا نشرب مويه ونركض وانتي اربع وعشرين ساعه تدوخين .. ما تاكلين شي ولا عمري شفتك تاكلين فواكه والمويه قليل تشربينها .. بعد كذا اذا شفتك ما تشربين مويه ولا تاكلين كويس انا اوريك الشغل فااااهمه ..

mesozo

مشكوووره خيتوو ع الرد الرائع ..

رفعتي من معنويات الكاتبه بكلامك الطيب ..

وراح انزل البارت هذا عشان عيونك الحلوه ..

البارت ألــ تاسع ( 9 ) ..

ننتضر الردود الطيبه ..

وشكرا ..

تحياتي ..

شفايف توت ^^

..