|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#56
08-11-2010, 11:57 PM
| ||
| | ||
| اليل ال  رهف: طفشانـــــــــــــه وماعندها احد استغفر الله حتى نوم طفش مني وش اسووي طاحت عينها على اللاب توب اللي مافتحته من عقب هذاك اليوم افتحه ولا لا الا بفتحه لازم اسوي مثل ماقالت لي العنود اتخطى كل الموضوع ولا بدمر نفسي فتحته بتثاقل كتبت الباس وورد وفتحت ايميلها معــــــــــقوله اون لاين فارس: من ججه ثانيه جالس بالساحه قبال الثيل وشابك النت وجالس على امل يلقاها ويحوس بالمنتديات الا ان نقزله شباك المحادثه يعلن دخول رهف فارس: عشر دقايق من التفكيير العميق رهف: كانت مذهوله للحين هو ماسوى لها بلوك ولا اديليت وسرحت بافكراها بعيد فارس كتب وارسل لها: ..((تدريـن و ادري)).. تدرين وادري بنفترق تدرين قلبي بيحترق حنا اتفقنا في كل شي الا الزمن عيى الزمن لا نتفق ولاتزعلي لو نفترق قلبك خلي وقلبي انا اللي بيحترق .......................... ياوردة في كل الفصول يافرح عيّى لايطول قولي واقول ان كان عندك لي حلول يافرحة القلب الحزين الوقت يمر .. ومالك عذر كانك تبين ننسى العمر .. ننسى السنين وانذوب في حب وحنين تدرين وش سر الحكاية الوقت يمر .. ولكل شي لابد نهاية وحنا قربنا من النهاية ومالك عذر يابسمة الثغر الخجول ان كان عندك لي حلول وان كان ودك نتفق والا ترانا بنفترق ولاتزعلي لو نفترق قلبك خلي وقلبي انا اللي بيحترق .......................... ياحب .. يادنيا جديدة يا احلى ابيات القصيدة ان كان جرحي ما كفى انزفلك جروح ٍ جديدة وان كان شعري ماوفى انسى الحكي وانسى القصيدة يا احلى ايام العمر كثر الحكي وش بيفيد ومابقى عندي صبر والجرح في قلبي يزيد مالك عذر يابسمة الثغر الخجول ما اظن عندك لي حلول وما اظن ودك نتفق واحنا ترانا بنفترق ولاتزعلي لو نفترق قلبك خلي وقلبي انا اللي بيحترق ........................ ((القصيده للشاعر الكبير الامير عبدالرحمن بن مساعد)) ....................... غمض عينه خاف انه ينصدم من أي شي ترك المجال لها تفكر ماوده يتكلم او يفكر اتبعه التفكيير واجهده رهف قرته وبدت تتالم لان كلامه يضرب بالوتر الحساس صح هو يوم ارسلها كان يقصد هدف وصاب هذا الهدف بجداره رهف لا لامالازم اضعف لازم ارد عليه بس بس ايش اقول ايش ابرر بعد تفكير كتبت: لا تلوموني علمتني دنيتي وين يكون صمتي وبوحي وعلمتني كيف اخذ منها أموري وعلمتني إن الناس مثلهااذا رضت عليك أعطتك وان ما رضت تروضي ويلموني على زمان طحت فيه محد يسال عن خاطر الثــــــــــــــــــــاني يلموني على سوايا الزمن فيٌ وما يدرون كم أخذت من يومي وسنيني أنهيت فرحي وجروحي وسكوتي خليتني أصيح بعالي الصوت مآبي ويلمـــــــــــــــــــوني فيه وان بعالي الصوت ما آبــــــــــــــــــــــــــي كيف يا زمن تجبر سفيه علي طوعك وأنت طوع نفسك مو لاقي هذي القصيده من كتابه اختي بنت امي وابوي((نجـــــلاء الله يخليها لي)) +++++++++++++++++++++++++ بعد هذا الحجم من الاحداث اقدر اعلن عن نهاية البارت بنتظار ردودكم كلا مكم واي شي بخاطركم |
|
#57
08-11-2010, 11:58 PM
| ||
| | ||
| فارس وش سالفتها هاذي الكلام اللي كتبته ماله علاقه كيف (كيف يا زمن تجبر سفيه علي طوعك وأنت طوع نفسك مو لاقي) كان اخر بيت هو اكثر بيت مسسبب له حيره كيف ارد عليها انا مو فاهمها ورجع يشوف صورتها اللي حاطتها بس ماياس حاول يدور رد مناسب لها يوم لقى الرد المناسب تحطم رهف طلغت اوف لاين تهشمت اماله بلحظه علق عيونه بشاشه لمده ماهي قصيره كيف كيف لازم انا ارد عليها تطلع كذا وافزعه رن الجوال سلمان: الو فارس:..... سلمان: فرووووووووووس رد فارس: نعم سلمان: وش فيك؟ فارس: ابد مشغووول سلمان: تراني قاعد اشوفك من الشباك متكي لاتلعب علي فارس التفتت لجهه شباك غرفتهم: طيب وش تبي سلمان: تعال فوق ابيك تساعدني فارس: بايش؟ سلمان: اخبرك انا معرس ولازم الواحد يضف عفشه يشوف وش عنده وماعنده وش ناقصه وانت ولد اخوي قم وتعال ساعدني فارس: اوكــــــي بجي سكر فارس الجهاز وراح فوق وحاول يتناسى الموقف الاخير وبعدةماتهدى الامور ويفضى يلقى له حل +++ رهف الحزن ماخلها فيها مكان مازاره ليش طلعت ليش انا عارفه انا خايفه اني لاضعف خلاص ان شالله انا بقطع النت مو لازم السالفه هذي انسياه او تناسيها للفتلره خذي اجازه من التفكير هذي اخر قرارات رهف اللي توصلت لها +++ نهى بغرفتها بسابع نومه يرن الجوال ويرن يرن انزعجت منه وردت عليه من دون ماتشوف الرقم لان هذي حركااات فهده اذا ماجاها لنوم نهى: خيير ....: خير بوجهك نهى انصدمت موفهده اجل مين قامت على حيلها من اثر الصدمه :الو نهى: هلا مين؟؟ ......: اول ممكن اكلم نهى نهى: نعم انا هى وش تبي ......: ابدا ابي اتعرف عليك نهى(سكرت السماعه بوجهه ورجعت وكملت نومها ماهمها) ++++ فارس يرتب هو وسلمان فارس: سلماااااان تبي هذاالبنطلون سلمان: لا ارميه بهذاك الكرتون فارس: وهو قاعد محتاس لقى صندوق لونه ازرق مبين انه قديم شوي ومكتب عليه بطامس والا قلام حركات مدارس فارس وهو يرفع الصندوق: سلمان وش هذا سلمان: ههههههههههه الله يادنيا هذا يوم جيت اسافر حطيته قلتلهم جمعولي ذكرايتكم هنا وكل واحد بدع بمزاجه فارس: بفتحه سلمان: لاتستاذن خذ راحتك فارس: فتحه وجلس يناظر ويضحك على تعليقات وكلام كان فيه تحتها البوم صور لونه احمر ومكتب عليه كلام فارس: هذا اكيد من البنات سلمان: ايه والله فارس: فتحته وقام يتصفحه كانت صورهم وهم صغار كان فيه صوره شدته سلمان جاس تقريبا عمره 14 والبنات كلهم حولينه مكتوب عليه((كل البنات بتحبك)) فارس ضحك علييييهم وعلى حركتهم وجلس ينظر اخر صوره سببت تتنيحه لنده ربع ساعه سلمان: فارس عطني البلوزه اللي جنبك سلمان: فارس فارس فارس كان مبلم او بمعنى الدهشه ماثره عليه قرب سلمان يشوف وش سالفته سلمان: هذي رهف وش فيك مطير عيونك كذا بزر وش تناظر فيه فارس: عمي عمي هذي رهف سلمان: ايه رهف بنت عمك وش فيك فارس وقف : رهف هذي هي فهمت فهمتها (وقف قدام سلمان وقاله ) ياعمي هذي رهف فهمت والله فهمت كلامها (كيف يا زمن تجبر سفيه علي طوعك وأنت طوع نفسك مو لاقي) فارس جلس على ركبه وقال عمي طليتك تكفى سلمان: وشو وش جاك فهمني من شفت الصوره وانت تقول وخده بتولد تطامرفهمني وش القصه فارس (افتكر على نفسه وسكت):لالا ولاش ي عن اذنك طلع ودنيا مو سايعته من الفرحهه طلع جواله: اتصل على عبد العزيز عبد العزيز:هلا فارس: عبد العزيز طلبتك اذا كنت ولد عمك ولي معزه بقلبك قل تم عبد العزيز: افا عليك تم فارس: غني اغنيه راشد يلوموني بالعود كاااامله زين وارسلها لي عبد العزيز: طيب بس بكره مو اليوم فارس: خذ راحتك رجع فارس: الغرفه وسلمان غرقاان بين اشياءه سلمان: مالت عليكوعلى الللي يقولك عاوني زين فارس(ابتسامه عريضه): تصبح على خير ياكل الخير يااححلىعم بدنيا سلمان: تنرفز احر ماعنده ابرد ماعند فارس سلمان: بتنوم هاه انا اوريك اصبر وراح وكب سله الملابس فوق فارس كلها فارس: هييييه والله لاوريك اصبر وقامو يترامون بالملابس: <<<اجل بيرتبون اجل مروان سهران تحت عند التلفزيون وطفش وكان رايح للغرفته:وسمع صوت الازعاج من غرفهتهم مروان اقتحم الغرفه كل عاده مروان: هيييييييييه ياشعب وش فيكم (لاحياه لمن تنادي محد رد عليه وبعد فتره من الطقاق وقفو غمز سلمان للفارس وغيرو وجهتهم للمروان ياحياتي راح فيها كلها هو وقاطعهم دخول فهد اللي بسرعه اندمج بالجو وصارو من جد حرب حاميييييه ابوفهد: ياعياااااااال الصلاه وقفو عن المعركه الضاريه ابو فهد: الحين ماتستحون كل واحد طالع شنبه وتطاقون وانت ياعمهم تبي تتزوج انت ووجهك وانت للحيتن تطاق حستو الغرفه حووس مالت عليكم من عيال مروان: ياخي خلنا نعيش شبابابن ابو فهد: ياملحك ساكت احد يعيش حياته يرمي ملابسه توني ادري مروان: اخر صرعه ابو فهد: انت الكلام معك ضايع روح تجهز عشان صلاه وخلاهم راحو للصلاه ورجعو نامو على طول بعديوم متعب وسهر طوييل +++ |
|
#58
08-12-2010, 12:00 AM
| ||
| | ||
| بعد شهر من هذي الاحداث كلها نهى: هلا والله بفهوده مبروووك النجاح فهده: الله يبارك فيك مبروك النجاحك نهى: الله يبارك فيك كانو جالسين بصاله ورن جوال نهى نهى: اعوذ بالله ذا اذا ماذبحته منيب متهنيه فهده: للحيين يتصل نهى: الين بكره لا والقراده ماسك اسمي براحه والجايه يقوله مدري من معطيه رقمي جعل يديدنه تكسر فهده: اسفهيه بيطفش نهى: شهر معد عقب.... المهم ماعلينا شفتي غرفه ساره فهده:لاو والله للحين نهى: الحمد الله انهم اجلو نقلهم لو هم ناقلين بعد اسبوعين كان ماسوينا شي شهر ويالله كملناها فهده: خذت اي وحده نهى:اللي لونها وردي وبيج فهده: حلووو تناسبها رقيقه نهى:ههههههههههه الله يقطع سواااالفك مروان: ياولد نهى: ادخل ادخل مروان: كيفكم احم احم اقصد مبروك النجاح فهده: اقوا ترى مايلبق عليك الادب مروان: لاتحطميني قاعد اجرب اشياء احتمال افلح فيها غير ثالث نهى: متى بتطلع نسبكم؟ مروان: مدري كل ماسئلت احد قلو قريبا قريبا عاد قريبا هذي كل واحدوفهمه لها فهده: مسااااكين رامي بالبيت ياكل بعمره مروان: الحين دوده الكتب ادفر وانظف واحد فينا خايف اجل انا وش اقول فهده: وش دخل انظف واحد مروان: تدخل تدخل بالواسطات نهى: اقول شكلك جلتلك القعده قم ضف وجهك مروان: ترى نفسيتي بتتعب واتازم ومدري ايش ممكن يصير اكثر فهده: لا ياحراااااام مروان: احتمال تصير عقده ام فهد توها داخله: مروان ليش ماتقعد عند ابوك مروان: انا واحدطاقني الهم على النسبه ورجلك ذا قم صب قم ودي قم جيب ولا شاتني برى خيمته ام فهد :ابوك مافيها شي مروان: الا فيها عنده صبيانه تماثيل ام فهد: عشان يقولون ان عندك علوم رجال مروان: علوم الرجال اصب لهم مابيها هالعلوم ام فهد: خلاص خلاص اسكت الله يصجك قلبت راسي نهى: تغير بتلفزيون وحطت ميلودي وكانت اغنيه نانسي عجرم انت ايه ام فهد: هذي وراها بالحمام مروان( فرصتك وسع صدرك): يمه تسوي دعايه للخزف السعودي ام فهد: والله فيه الخير ذكرتنا بشي نهى+ فهده:هههههههههههههههههه مروان:ههههههههههههههههههههه ام فهد: وش فيكم فهده: خالتي ماعليك منه هو يستهبل ام فهد: باويلك من ربي تخف علي قم انقلع عن وجههي مروان:÷ههههههههههههههه طيب طيب نهى: فهيده تعالي معي فوق نسولف فيما يجون باقي البنات فهده: ييلله راحو فوق ++ الشباب فهد:فارس تعال معنا طلعو كلهم مع فارس مشعل: صبر صبر ربط عيون فارس فارس: يمه وش بتسوون بتخطفوني مروان:هههههههههههههه حلوه بس وش نبي فيك حمد: ولا تفكر انت ووجهك يلله قدامي راحو ووصلو للغرفه فارس اللي مسوينها له دخلوه جوى الغرفه وسكرو اللكبات فارس شال اللي على عيونه وهم مسكرين اللمبات فارس: وشو جايبيني هنا ليش فتحو اللمبات كانو مجهزين له غرفته اللي ماعنده خبر عنها ابدا طبعا بعد ماسرقو الفكره من البنات كانت الغلافه بلوون الازرق الغاااامق واللون الاورنج كان ستايلها شبابي كثيير اعجبت فارس كثيييير وتشكرهم عليهات فارس:وااااو تجنن عبد العزيز: ان شالله اعجبتك فارس: اكييييد بس فكره مييين فهد: انا اناس ماتفكر بس سرقنا الفكره من البنات بعد هم مسووينها مفاجاه للساره فارس: جد والله فيكم الخير مشكووووووررررربن تدرون توني شاري برواز عندي نفس هذي الالوان وشكلي يعلقه هنا فهد: ايه حط صورتي فيييه فارس:لا شالشخص اللي بحط صورته عزيز علي كثير سلمان: خلونا من هالسالفه واصلا مو بكيفك غصب عليك تحط صورنا لانجي احنا بكبرنا عندك فارس:هههههههههه طيب طيب +++ تجمعو البنات: ندى: ساره ساره: هلا العنود: انت ماعندك سالفه اصبري وجابت طرحتها وربطت عيونها وبنفس الطريقه وروها الغرفه اعجبتها كثييييييير لانها كانت رايقه وومناسبه لها الوانها هاديه البيج والزهلر والاوان بسيطه وكانت جد تشبه ستايلها رن جوال ساره: ساره: الو فارس: هلا سوسو وينك فيه؟ ساره: ببيتنا فارس: شفتي غرفتك؟ ساره: ايه جنان الله يعافي البنات والله ذوقهم روعه فارس: ماشفتي غرفتي الللي مصلحينها الشباب ولا احلى ساره: زين زين باي ساره: بناااااااااااااااااااااات يقول فارس ان الشباب مسويت له غرفه خلنا نروح نشوغها فهده: اي والله العنود: صح صح وانا معك (وهي تسحب رهف عسان تمشي معها لانها تنحت كل عاده) راحو البنات دخلت ساره غرفه فارس اللي كانت مقابل غرفتها البنات اعجبتهم الغرفه كثييير ندى: الله مفرشها يجنن اكيد ذوق عمي سلمان العنود: لا هذا ذوق نواف قبل مايجيه كان حاطه بالبيت وانا تحركت فيني اللقافه عشان اشوفه وشفته ندى كشرت من طاري نواف رهف كانت تتمشى بالغرفه كان بين الخزانه(الدالوب ) والجدار مسافهه وكانت فيها الرسمه اللي رسمها فارس للرهف رهف ششافتها وخافت وحده من البنات تشوفها وخصوصا انها حاطه هالصوره خلفيه جوالها اكيد بيعرفونها اكيد ياربيييه قامت ووقفت عندها وخلت اللوحه وراها وعطتهم وجهها البنات يسولفون وينتاقشون فهده: نهى شوفي نهى: وش هذا (كان فوق الطاوله قطعه قماش سودا ومصفوف عليها عده ارسم كانت اكثر من ميه قطعه) نهى: سوير حنا نخبر ان اخوك رسام مو جراح ساره: وهذي عدهة الرسم فهده: توني ادري احسبه قلم رصاص يكفي ساره:ههههههههههههههه نهى: رهف وش فيك واقفه هناااك رهف: لا لا ولا شي ساره ناظرت ورى رهف: اكيييييد هذي الرسمه اللي شرى لها برواز امس لما طلعت اناوياه سحبتها وكانت الصدمه لبنات:: رهــــــــــــــــــــــــــــــــــــــــــــــــ ـف ++++++++++++++ اخلي لكم الخيال تشغلونه وتتوقعون ايش بيصير بعد هالموقف كل واحد فيكم يحاول يكمل هذا الموقف |
|
#59
08-12-2010, 12:05 AM
| ||
| | ||
| البـــــــــــارت الخــــــــــــامـــــــــــس والعشــــــــــرون طلعت ساره اللوحه من ورى رهف رهف سكرت عيونها ماتبي تشوف رده فعلهم وش بيصير وش بتقول كيف بتبرر نسايم: اووووووه حلوه اللوحه لحظه لحظه هذي مو كانها ....(التفتت على رهف) انتي رهف فتحت عيونها بببطىء تحس انه بيصير شي : هاه............ العنود( وش هذي الورطه مالقت تحب رسام): لالا يمكن تشبه لها ندى: على مين هذي رهف.....مو هذي خلفيه جوالك رهف ساكته بس مطيره عيونها فيهم نهى: ايه ايه صح هذي خلفيه جوالك جيبي جوالك نوريها ساره رهف طلعته اتوماتيكيا وعطته العنود العنود(توهيقه على اصوول): لالا مسحتها حاطه صوره عبد العزيز فهده: امممم يمكن راسمنا كلنا نهى تعالي ندور لوحاتنا( وقامت تحوس هي ونهى) ساره ساكته وتطالع اللوحه وتطالع رهف ندى: شوفي التوقيع (كان موقع باسمه وراسم قلب وكاتب اي لوف يو بعدين كاتب رهف) نسايم تناظر رهف بنص عينها: والله الموضوع فيه شبهه رهف(مسكيييييييينه ماتنوصف حالتها كانت من برى هاديه وعيونها هي اللي تتكلم مايدرون عن التسونامي اللي صاير جوى) ساره رجعت اللوحه: بنات يلله نطلع وش مقعدنا هنا طلعو كل البنات ساره : نهى فهده اخلصوووووو مارسم لكم شي اطلعو حستو الغرفه +++++++++ عند الشباب مروان: نوااااااف جوالك يرن نواف: هاته (رماه مروان على الارض) نواف: هلا هلا طلع بساحه يكلم البنات راجعو ودخلو ونواف جالس يسولف ويضحك العنود راحت جنبه: نوااااااااااف من تكلم نواف سافهها العنود: نوااااافوه رد علي نواف: لحظه لحظه.........خير وش تبين العنود: من تكلم نواف: اقــــول فارقي يلله ورجع يكلم بالجوال العنود: نووويف جد اتكلم لاتسفهني نواف: احمد ولد عمي زين العنود: هاه ايه ايه يلله بروح دخلت ورمت نفسها على الكنبه وجلست عند البنات اللي دخلو قبلها العنود: ياناااااس حر حر جيبو لي شي ابرد على قلبي ندى: ولايهمك احلى بيبسي لعيونك راحت ندى للمطبخ في اللحظه اللي دخل نواف من الباب اللي للمطبخ برى ندى: رجعت جوى نواف ميت ضحك على شكلها وهي مرتاعه ندى: وانت ماحلا لك البيبسي الاحين العنود: وش فيك ندى: اووووش ولا كلمه العنود: يمه وش جاها نهى: عادي ترى هي دايما كذا فيها لفه ندى: اسكتو اسخف منكم مافيه (رهف جالسه معهم بالمكان بس تفكيره بالبنات وكل وحده كييف بتفكر) فهده: بنات ترى يوم الاربعاء الجاي امي عازمتكم عندنا نهى: بنات بس فهده: هيييييين الا حريم وبنات ورجال وشباب وبزران فهمتي نهى: يس يس تابعي فهده: عاد ماوصيكم نبي نفللها نسايم: ابد لاتوصين حرييييص جلسو البنات وراح الوقت وكل وحده رجعت بيتها ++ عند ساره وفارس ساره: فارس تدري اليوم صار شي غريب فارس: خير ان شالله ساره: بقولك بس اوعدني انك تتكلم معي بصراحه فارس: اوعدك ساره: اليوم انا والبنات دخلنا غرفتك نشوفها فارس: خيييييير من عطاك الاذن ساره: خلك من هاكلام فارس: يالله خلنا نشوف وش عندك ساره: ولقينا لوحه انت راسمها فارس فتح عيونه على وسعهم: اييييه ساره: للمين اللوحه بصراااااحه فارس: كذا مب لاحد محدد ماتذكر انا وين شفت البنت ورسمتها ساره: فر وس مو علي هاه وليش كاتب اي لوف يو وكاتب رهـــــــــــف فارس التفت وناظر الجهه الثانيه ( وش اقولها الحين): طيب واذا ساره: الصوره للرهف بنت عمي حتى كل البننات اكدو هذا الشي فارس التفت بقه: طيب وهي ساره ابتسمت: ابدا كانت ساكته بس شكلها كانت تضغط على نفسها فارس: طيب االبنات وش قالو ساره: كانو يتسالون كيف انت رسمتها بس نهى وفهده فارس: وش فيهم ساره:ههههههههه لا تخاف حاسو غرفتك يدورون لوحاتهم فارس: اي لوحات ساره: استنتجو انك راسمهم كل هم فارس:هههههههههههههه ساره: لاتضحك قلي سالفه كلها تراني حاسه من قبل وساكته لك زين فارس: طيب طيب بقول بس ابيك توعديني تساعديني وعرفت ساره بسالفه وصار عندها تفسيير لكل الاشياء اللي تسويها رهف +++ يوم الاحد مروان: يمــــــــــــــه الـــــــــــحقيني ام فهد طالعه من المطبخ بسرعه: وش فيك مروان:92% بالميييييييه قولي مبروك يمه ام فهد: اصبر خلني افهم وش السالفه مروان: طلعت نسبتي 92% مين يصدق ام فهد: مبرووووووووووك عقبال الجامعه يمه مرونا: الله يبارك فيك مسك ملفه وقام يرقص فييه ابوفهد: مروان اثقل وش هالخفه انت من عطلت وانت مسوي البيت ديسكو مروان: النسبه النسبه ابو فهد شاف الملف: بشرر عساه شي يدخلك الجامعه مروان: افا عليك يدخلني جامعات اوربا مو هنا ابو فهد: هات من الاخر كم جبت مروان: 92% ابوفهد: صادق خافهم غلطانين بينك وبين احد مروان: لا انا جايبها اكيد تصدق للحين منيب مصدق بس وسع صدرك وكمل رقصه رايح للدرج انتشر الخبر رامي97% مشعل94% ومروان 92% ووائل93% يوم الاربعا ببيت ابو حمد |
|
#60
08-12-2010, 12:06 AM
| ||
| | ||
| ابو فهد: بما انكم بيضتو الوجه انا عندي لكم مفاجاه مروان: وشي اعترف ابو فهد: مفاجئه بتشتغلون عندنا بالصيف مروان: امحق ماجاه ابو فهد :عندك شي مروان: ابدا ابدا من قدنا بنشتغل عندكم مشعل: حلوه تصريفه مروان: مادمانا نستانس نبي نسهر ونوسع صدورنا وهذول وظيفه ماوظيفه الجد: ياعياااال انا قد وعدتكم ببشاره والحين هذا وقتها مشعل: هذا الكلام جدي اعرفه ماراح يخفها علينا رامي: وشو الجد: اول قومو معي طلعو برى وبساحه بيت بوحمد كانت موقفه اربع سيارات كامري 2004 وكل وحده بللون مروان: وااااااااااااااااااااااااو مشعل: ماصدق هذي لنا الجد: اكيد ياوليدي انتم تستاهلون وائل/ لحظه لحظه الحين في اربعه وكل وحده لون الجد: هههههه فاهم فاهم قصدك ورى كل سياره مكتوب اسم صاحبها مروان: ذهبيه ووائل: بحري رامي: كحولللللي (ازرق غامق) مشعل: اسود العنود: اخخص حركه انا متخرجه من الجامعه محد ذكرني انا احتج نسايم:وانا بعد العنود: اسكتي انتي ارحم مني عندك ناس يهدونك نسايم: ياحياتي هو نايف اللي ذكرني والا الباقين ياخلف الله ندى: انتم ماتدرون انتم لكم شي غيرر الجد: ياولد: بنيااتتي لاتزعلون انتم لكم شي احسن العنود: ايه سكتنا سكتنا ماشفنا شي بساحه الجد:ههههههههههه لا اتمن غير نسايم: وشو الجد: بنسافر كلنا الامارات واولنا ساره تشوف امها ساره طمرت من مكانها من الفرحه تشققت: صدق الجد:ههههههه صدق نسايم: ايه خلو سياراتهم تنفعهم انا بنسافر......لحظه متى الجد: بعد شهر نسايم: لاااااااا بكون بشهر العسل الجد: انا قلت للنايف تروحون للديره اللي تبونها اسبوعين تكفي على ماظن وتلحقونا على الامارات نسايم قامت حبت راسه: تسلم ان شالله الجد: يالله انا بطلع عندالرجال ندى: جدي اقنع خالي سعد وخالي خالد يجون معنا الجد:ههههه هذي مخليها ساره(الجده) ومايحتاج اتدخل هي بتقنعهم مشاعل: اجل ضمنا السفره الجد: يالله انا بطلع ساره:ب نات ماتدرون ليش رهف ماجت العنود اللي عارفه انها مفتشله:مدري عنها بس امها تقول تعبانه ساره:اممممم طيب بنات بما اننا عندنا مفاجات واخبار حلوه لاحد يقولها انا بكره بنقولها اوكي وبنروح عندها ساره: خلاص بكره كل وحده عليها شي وانا علي العشاء اتفقو البنات فيما بينهم من بكره العصر البنات مجتمعات هناك العنود: رهف الجو روعه بياذن المغرب بعد شوي بيكون الغرووب رووعه خلينا نفرش برىد رهف: طيب خلاص جلسو البنات يتقههون ويسولفون وبشرو رهف بالسفره رهف: اجل انا اذا تخرجت وش بيصير على حدي ندى: جننيف ومانقبل اقل منها نهى: اجل يافهده على حدنا بنروح المريخ فهده:ههههههههههه حلوه اذن المغرب دخلو البنات يصلون قبل مايقومون: العنود: نهى وفهده ترى من متى وانا نخدمم عليكم قومي شيلو رهف: خليهم الشغال تجي وتشيله نهى: لاياحلوه خلا انا بنشيلهم عشان ماتقول(تقلدها) نخدم دخلو البنات صلو ونهى وفهده راحو للمطبخ ولقو شي بيوسع صدورهم رجعت رهف وساره كانت جالسه رهف ترددت انها تجلس معها بس خلاص شافتها الكلام ماينفع ساره: رهف ترى انا عرفت السالفه من فارس رهف(مذهوله توقعتها تقول شي بس مو كذا بالوجه): ايش ساره:ترى فهمت السالفه منه رهف: طيب هو عرف من انا؟ ساره: ايييه رهف: كيف انتي قلتيله ساره/: كيف مدري بس من زمان هو يعرف ساره: عادي لاتزعلين نفسك بس حبيت اقولك اني عرفت واي شي تبينه واي مساعده لاتتررددين رهف: مشكوره ++ فهده: وااااااو عربيه نهى: واذا فهده: هذي شي ممنوع عندنا بالبيت نهى:هه ليش فهده: ابد العب فيها انا وحمد اللين صقعته بالجدار وورمت ركبته ومن عقبها امي خلتها من الممنوعات نهى:ههههههه يلعب فهده: ماعليك يعجبك فهده: طيب اركبي خليني الف فيك نهى: طيب يالله قعدت فهده تلف لف الين صقعت نهى بالجدار نهى: اييييي اوريك يادوبا فهده:هههههه اقول اسكتي ولف فيني نهى: طيب وصارت تلف فيه وهي برايها بترد لها الصاع صاعين قامت دفتها بقوه وتركتها وفهده صارت تصارخ انفتح باب البيت نهى: ركضت جوى وهي تضحححكككك على فهده عبد العزيز( مسيكينه شكلها طاحت بقوه خلني اساعدها) فهده طاحت: اييييي يدي اااه يدي اوريك يانهوه مسكها عبد العزيز فهده ماشافت من مسكها وكانت تبي تنتقم من نهى قامت ووطت رجله بقوووه بكعبها عبد العزيز:اااااااااااه فهده:هههههههههههههه صدقتـــ ـــ يمــــــــــــــه دخلت فهده البيت تركض بسررررررررعه ورهف كانت واقفه تكلم صديقتها جت نهى ودفتها ودخلت فهده: وينها وينها نهى ورى الباب فيها الضحكه ندى: وش فيك فهده: اول وينها اختك مايبرد حرتي فيها الا اني بعضها نسايم:ههههههههه كلش ولا عضتك انتي سم سم دخلت رهف: فهيدوه وش فيك وش صاير دفيتيني كان وراك صاروخ فهده: ذكرت عبد العزيز :قامت تعبر بتصييح فهده: جلست قالت لهم : صقعت باخوك ووطيت رجله ونهى دفتني رهف:هههههه السالفه فيها عزيز نسايم: يرحم اهلك والله مو فاهمه شي نهى يوم عرفت ان فهده تصيح طلعت نهى لمتتها: اسفه والله مادريت انكل هذا بيصير فهده تصييح: بعدي عني هذا عزوز شافني باسوء حالاتي نهى: وانت وش عليك اسؤاها ولا حسنها جميله جميله جميله فهده ابتسمت: بس خلاص شكلك ينرحم وانت تراضيني نهى:هههههههه اهم شي رضيتي فهده: ايه بس يدي توجعني رهف اصبر بجيب لك ثلج رهف طلعت لقت عبد العزيز بساحه رهف:هههههههههه ياخي وش مسوي فيها انت عبد العزيزبدهشه: انا رهف: ايه شكلك مروعها البنت تصيح عبد العزيز: لا ماسويت شي بس طاحت ومسيكنه تنرحم مسكتها وهي تحسبني وحده من البنات يوم شافتني ماقصرت وطت رجلي رهف:هههههههه يعني ماتترك حركاتها عبد العزيز: ايه والله فهيده محد يقواها رهف: لحظه لحظه انت وش دراك انها فهده عبد العزيز(بلشه): توقعت رهف بتشكك توقعت امممممممممممم زين زين بمشيها لك رجعت للبنات وكملو السوالف الساعه 9 ساره: هلا والله فارس: اهلين اخباركم ساره: نعجبك (كانت تكلم وهي تغمز للرهف) فارس: اقول سوير لاتحرجينها ساره: من الحين دفاع فارس: اوووووش قولي لي وش اجيب لكم عشى ساره: يبيلها قعده محترمه ومشاورات دق بعد شوي ساره: بنات وش تبون عشى رهف: اي عشى انا بطلب لكم ساره:لالا انا يعني انا مانبي تعبك رهف: اي تعب ترى كلها اتصال بتلفون ساره: هذا موضوع مخلصين منه وش تبون تاكلون رهف: لحول اوف منك ساره: لاتقولين او ف هذي اوامر فرروووس رهف:ــــــــــــــ |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| جروح البنات روايه رومانسيه روعه | Night's Lover | روايات و قصص بالعاميه | 174 | 05-23-2017 04:16 PM |
| صور حب رومانسيه مره.. للعشاق فقط اروع صور حب | تئلمت بس تعلمت | أرشيف المواضيع الغير مكتمله او المكرره او المنقوله و المخالفه | 991 | 09-07-2012 09:15 PM |
| الحب في الجمس لا تفوتكم دشو وشفو ماراح تندمو قصه ولا اروع رومانسيه وجر ييئه | $cool girl$ | قصص قصيرة | 81 | 06-13-2012 08:35 AM |
| روايه رومانسيه شجون | SHJN | أرشيف المواضيع الغير مكتمله او المكرره او المنقوله و المخالفه | 26 | 10-04-2010 12:03 AM |
العرض العادي
