|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#16
09-19-2010, 04:36 PM
| ||
| | ||
| مشكووورين ع الردووود يا عسولات وهذا البارت لعيووونكم البارت السادس الصباح في المزرعه صحت حلا وتروشت والبست بنطلون جينز برموده مع بلوزه بيضاء فيها كتبات eملونه وحطت لها حطت لها كحل وكان على اعيونها خيال ولانها تحطه اول مره طالع على شكلها جنان وحطت روج وردي وبعد اول مره طالع شكلها غير حتى اول مره يوم تطلع من غير عباه كان شكلها ذا المره غير انزلت حلا حلا: اوف شكل الكل نايم اجل بروح الحديقه احسن لي :مو كانا ذي حلا خلني اتخبى في مكان بشوفها وين تروح ليه الكل يحبها وفي ناس يكرهونها اكييييد وراها قصه حلا : اجلست على المرجوحه وقعدت تدف نفسها اشوي وقفت ونزلت راسها :خاف عليها وتوه بيطلع لها الا جاء واحد وقف محله ماجد:حلا حلا:من غير ماترفع راسها :نعم ماجد:حلا انا عرفت كل شي عنك وعن اهلك :كان مستغرب وش فيهم اهلها وش قصده انا عرفت كل شي عنك حلا:والمطلوب ماجد وقف قدامها ورفع ايدين لوجها ورفعه وياليته مارفعه: وقف انصدم مو عارف يتحرك مستحيل في جمال كذا ياربي وش هذا ملاك مو بنت :حلا انا بقول لك شي وبعدين انتي لك الحريه توافقين ولا لا حلا: طيب قول :خايف يقول لها احبك مايدري ليش وده يجي شي ويخرب ذا اللحظه مايبي يعترف لها بحبها ليه مايدري ماجد: حلا انا انا ايمان: مجود وحلا وش تسون هينى ماجد جعلك الوجع ماتعرفين تتاخرين اشوي:نعم ايمان:لا بس قفدت حلا حلا ارفعت راسها: وايمان صارت صنم ماتحركت انصدمت : من انتي انتي حلا حلا: بضحكه خفيفه خذت قلب ماجد:ههه أي حلا ليه مشبها علي ماجد: انا اخليكم اوك بااااي :مايدري ليه ارتاح لانه ماجد ماعبر له الي في مشاعره اتجاها وابتعد وراح الجناح المخصص له حلا : ايمان تدرين انا ماجد كان بيقول شي بس انتي خربتي عليه شكله قاعد يسبك ايمان: لاحظت انه يحبك لاحظتي عيونه لك حلا: لاحظت وانا مابيه يتعلق فيني تدرين مين حبي ومين الي احبه ومستحيل احب غيره ايمان: ادري بس شسوي له ونتي الي تحبينه عسى انه يدري عن هوا دارك حلا: مايهمني اهم شي اشوفه لاجيت اروح المدرسه ولاجيت ايمان: ان شاالله يكون من نصيبك حلا: امين في جناح الشباب صحى فارس ونزل يتمشى وراء الفله وسمع صوت وحده تكلم أي خلاص حبيبي لا مو كذا يوم كنا في المجمع هذا اخوي أي صدقني اصلا انا ماشوف غيرك ويعرفه عدل وكان يهز راسه كانه ينفض الصوت من راسه ومن توقعه وكان يقرب لمصدر الصوت وفتح اعيونه على الاخير مستحيل مستحيل هو كان بيروح لها بس ارجوله ماشالته من الصدمه وقف الين مابتعدت وقعد محله يصيح اشلون صدق كلامها اشلون حبها الخاينه كيفك وكيف انا لازم اعاقبها وتذكر كلام ابوه له سلطان: فارس انا ودي افرح فيك الصراحه فارس: اذا قصدك ازواج انا موافق بس سلطان: وانا لقيت لك البنت وشرايك بحلا فارس: حلا سلطان: ايه حلا بنت عمك سعد فارس: بس انا ودي بنت عمي سيف منال سلطان :بس انا قلت حلا وتبقى الصدق جدك الي قال لي وقال اذا موافق مراح ياخذ غيرها فارس:وليه لازم حلا ذي حياتي وانا اسوي الي ابغى سلطان: انا اتركك تفكر الين نرجع من المزرعه ماجد: فارس وشفيك تبكي فارس: لا بس دخل في عيني اغبار ماجد بعدم تصديق/ متااااكد فارس:أي متااااكد ماجد: اجل قوم نطلع نلعب البنات مسوين لنا لعبه فارس: اوك قوم قامو الاثنين وراحو كانو قاعدين الجميع معدا هيا وساره اليوم الغداء عليها كانت العبه الصراحه حتى العمام والجد والجده وانيسه الي حركها كان مها وجات على نايف: نايف انت تحب نايف: تبغون الصدق الكل: أي قول نايف: احب وقررت اتزوج الكل من غير تعليق انصدم بعدين الكل ضحك نايف: ترى اتكلم صدق سعد: وانا قررت اخطبها لك لاتغير رايك اوكي دور نايف يحرك العلبه على دور حلا: في قلبك احد حلا: ـــــــــــــــــــــــــــــ نايف: لازم تجاوبين كانو اثنين يستنون الاجابه حلا: مافي حلا تحرك العبه وعلى ابوها: حلا نزلت راسها ورفعته الدموع في عينها قامت تنزل : سوال واحد مابقى جواب غيره الكل يستنى السؤال حلا: ليه تكرهني من بد اخواني ليه تعاملني قامت تتكلم وهي تصيح وتصيح ليه انا انا شنهو سويت لكم ليه كلكم تكرهوني وسكتت سعد:___________________________ حلا: اكيييد مراح تجاوب وقامت تركض وهي تصيح سعد: قام من الجلسه والجد: نزل راسه ونادم على الي سواه صالحك انصدم وقام يلحق حلا منال: اف خربت اللعبه علينا ايمان: اقول ليه ماتسكتين منال: انثبري ياولد ايمان: كانت بترد وخافت اخوها يفشلها فارس: اقول شنهو شايفه اختي تقولين لها ولد مكتوب في البطاقه الشخصيه ولد ايمان: افرحت انه اخوها دافع عنها منال: بس انا فارس: ليكثر هرج بس يبا قوم ابغاك اشوي سلطان قام مع ولد: فارس: يبا انا قررت سلطان: في ايش فارس: في حلا وانا....................... انتهى البارت السادس هل راح يوافق ولا راح يخاف على مشاعر ماجد اتجاها |
|
#17
09-19-2010, 04:38 PM
| ||
| | ||
| تابع البارت السابع سلطان: في ايش فارس: في حلا وانا سلطان: وانت ايش فارس: ماقدر اتزوجها سطان: وليش ماتقدر انت شايف عليها شي سامع عليها شي فارس: لا والله ماشفت ولاسمعت عليها شي بس انا قلبي ملك لاحد يبا ماقدر اعطيه غيرها سلطان: ولي هي منال فارس: أي يبا سلطان: خلاص وانشالله اليوم اخطبها لك وذا على جدك يحلها الف حلال فارس: في فرحه ويتحلف في منال في قلبه :صدق يبا بتخطبها لي سلطان: لا امزح معك أي صدق فارس: قام وباس راس ابوه : الله يخليك لي سلطان: ويخليك لي بعد واشوف اعيالك عند حلا وصالح صالح: خلاص ياحلا ذبحتي نفسك من الصياح خلاص سكتي حلا: جرام عليكم حسو فيني ماقدر اعيش كذا حرام عليكم صالح: حلا ياعمري ياقلبي سكتس خلاص وانشالله يحلها ربك حلا: ونعم بالله بس صالح: لابس ولاغير بس خلاص قومي صايره تخرعين بالكحل الي نزل من الصياحك حلا:ههه خلاص بقوم اغير وانزل صالح: أي هذي حبيبتي حلا الحلوه حلا: وشرايك كاني ابقى مصاصه صالح:هههههههههههههههههههههههه أي عادي مو انتي دلوعتي حلا: وهي ضامه صالح: الله لايحرمني منك ياعز ناسي صالح: ترى اصدق نفسي حلا: حقك والله حقك وراحت حلا تبدل ايمان: تصدق حلا كاسره خاطري ماجد: ادري وراح افكها من ذا العذاب وقام ايمان: ماجد تعال لاتروح ماااااااااااجد ياربي وش بيسوي نروح عند ماجد ماجد: انا قررت وخلاص يما ابيها مريم: يعني خلاص متاكد ماجد: أي خلاص قررت مريم: ونعم البنت الي اخترت انا كانت عيني عليها لك الصراحه وين بتلقى بنت زيها ادب واخلاق وجمال وتربيه ماجد: خلاص اعتمد عليك مريم: أي حلا صوانا الحين بكلم ابوك ماجد: يس وقام وباس راس امه عن الجد سلطان:يبا بقيت اقول لك شي ممكن اشوي الجد: أي قوم سلطان: يبا فارس مصمم يبقى منال مايبقى حلا الجد: وهو يفكر انا بصرف سلطان: انا اليوم راح اكلم ابوها ان شالله الجد:ــــــــــــــــــــــــــــــــــــــــ ورجعو المجلسو والكل جالس من اولاد ورجال سلطان: ياخوي سيف والله انا ناوي اكلمك سيف: قول سم الجدوهو ماسك قلبه :فارس تعال ابغاك فارس: قام جنب جده : سم جدي والكل سكت الجد: فارس وصيتي لك حلا فارس: بس انا مابغ.....بصرخه هزت المجلس جـــــــــــــــــــــــــــــــــــــــــــــــــ ـــــــــــدي الكل قام له فارس وهو يبكي: جدي قوم والله اسوي الي تبي قوم الحريم: اسمعو الصرخه الكل خاف: حلا: جدي وقامت تركض ودخلت المجلس حلا: ووخرو بعدو الكل وخر من شكل حلا الي يخوف وهي تصرخ جدي قوم جدي لاتتتركني من بغا لي اذا رحت جدي طلبتك قوم جدي وهي تصيح وفارس يحاول يبعدها وهي مو متتحركه شالها فارس وطلعا من المجلس فار س: حلا تعوذي من ابليس ان شالله جدي بيقوم حلا: وهي تبكي لا انت تكذب انا بغى جدي انتو تبون يموت وخر عني فارس: عطا حلا كف: انتي وش قاعده تقولين ذا جدي مثل ماهو جدك انتي ستخفيتي حلا: انقلع عن وجهي ذا جدي انقلع وانابروح له الاتبونه يموت وتاخذون ورثه انت واحد حقير فارس: مسكها من شعرها وعطاها كف ثاني : ان شالله بعلمك منهو الحقير ورمها وراح لجده الجد: وبدا يرجع بعد معطوه دواء : حلا وينها حلا: هذا انا جدي وراحت ضمته وهي تصيح جدي لاتتركني انا ماعندي غيرك الجد: وهو يمسح على راسها : ومن قال اني راح اتتركك ولا ابتعد عنك انتي روحي طبعا اشوي وجاء طبيب العائله د.سالم: انا قلت لك من قبل لازم تسوي العمليه ذااا المره نجيت المره الثانيه مايندرى الجد: وانا مابغى لي كثر مامضى فارس: لاتخاف هو راح يسويها الجد: انا مراح اروح مكان الا اذا سويت الي قلته لك فارس: وانا موافق الجد: وانا موافق اسوي العمليه بس عقب الملكه فارس: وانا موافق نملك وبعدين اسافر معك الجد: لا انا ابغى ايمان وحلا يروحون معي فارس: الله الله وانا ماتبغاني الجد: تبي الصدق لا والله مابغاك فارس: افا والله زعلت الجد: ههه امزح معك بس بعددين تعرف ليه اخترتهم الجد: فارس ناد لي الكل الحريم والرجال حتى البزران فارس: ان شالله فارس راح لهم وناداهم والكل استغرب ليه نادى الكل حتى البزران الجد: انا جمعتكم عشان راح اوصل لكم اخر خبر حلا تعالي جنبي حلا راحت جنب جدها وفارس كان واقف جنبها الجد: سعد سعد: سم يبا الجد: انا بخطب بنتي حلا حق ولدي فارس الصدمه شلت ماجد ايمان حلا منال مها الجد: ها وشقلت سعد: مابعد كلامك شي الي تبيه الجد: هذا العشم فيك والملكه بعد اسبوع في المزرعه حلا: من الصدمه طلعت تركض وعلى الحديقه وقعدت تبكي: حبي له راح مستحيل انا احبه مستحيل اخذ غيره ايمان: الحقت حلا لانها حست فيها ايمان: حلا هدي حلا: ايمان اشلون وحبي له مستحيل اخذ غيره انا احبه ايمان: وانتي شدراك انه يحبك حلا:ارساله الي ارسله لي قبل شهر ايمان: والي فيها كان حلا: قال لي استنيني باقي لي 3 اشهور ورجع لك ايمان: الله يصبرك اذا تكلمو الرجال حنى مورانا كلام حلا: بس انا ماقدر اتخيل نفسي مع ذا الحقير :الحقير الي بيتزوجك ويربيك انشالله ايمان: فارس هي فارس: لاتقعدين تدافعين عنها وابشرك الملكه مو اسبوع الجاي الملكه بعد 3 ايام حلا: مستحيل اخذك لو انك اخر واحد في الدنيا فارس: راح نشوف ومشى ماجد: طلع على طول وركب سيارته وطلع من المزرعه :مستحيل حبي راح لامستحيل انا انا احبها لا مستحيل ليه يما تاخرتي ليه ماقلتي لابوي عليها ليه لا ياربي ماقد اعز ربعي ياخذ حبيبتي اشلون ياناس قولو لي اشلون وقعد يبكي<<<< نتركه يعبر عن مشاعره عند منال: مستحيل الحقيره تاخذه مني مستحيل والله لاخرب حياتها مها: انزين انتي تكلمين غيره اشلون تحبينه منال: احبه واكلم غيره اتسلى بس انا احبه فهمي احبه مستحيل احب غيره مها: اجل انا راح اساعدك ترجعين حبك منال: وهذا الي راح يصير نهايه البارت السابع وش راح يصير بينهم وش راح تسوي منال وهل بتخرب الملكه استنى ردووودكم يا حلوين |
|
#20
09-26-2010, 03:11 PM
| ||
| | ||
| البارت الثامن عند حلا : انا لازم اقول لجدي مستحيل اخذه وبقول له عن ايمان: خبله انتي تقولين له وقعدي اهجدي حلا: مستحيل وراحت حلا وايمان تلحقها وهي تصارخ : صبري حلا: وهي توها بتدخل المجلس اسمعت عمها سلطان :هو شلون وافق الجد: انا لازم اسوي عمليه وقلت له مراح اسويها سلطان وهو يقاطع ابوه: يعني اشلون لازم عمليه وانت في ايش مريض الجد: انا مريض والجكتور عطاني قال لي ياتسوي العمليه اوصدقني مابغالك شي وانا قلت لفارس تتزوجها اسوي عمليه مو متزوجها مو مسوي العمليه حلا: وهي واقفه ودموعها بدات وايمان وراها الي اسمعو الكلام ايمان:حلا تعالي حلا: مشت مع ايمان من غير ولاكلمه حلا: مستحيل ليه انا يصير لي كذا حرااام عليهم اااه ياربي ارحمني برحمتك ايمان: كانت ساكته من غير ماتتكلم مراعيه مشاعر حلا نروح حق راس الشر وتتخطيطاتهم مها: خلاص فهمت منال: والله ماخليها تملك عليه الزفته لاكن هم مانتبهم حق العيون ولاذن الي تلاحقهم الثالثه : ههه والله ماخليكم تسونها وانا ولد ابوي رجع الكل من المزرعه وبدا التجهيزات في المزرعه للملكه والكل في السوق يشتري للملكه حتى منال ومها عشان محد يشك فيهم ايمان: حلا شوفي ذا الفستان اجنان عليك حلا: لا يمه تبينس البس كذا ايمان: ايه وش عليه حلا : انا اللبس كذ والله استحي ايمان: اقول انثبري راح ناخذه رضيتي ولا انطقيتي يالله ندخل تقيسينه الكل خلص وبكرررررره الملللكه الكل توجه للمزرعه طبعا مع الاتفاق مع كل وحده مع كوفيرها الكل كان نايم الا اثنين كانو صاحيين حلا وهي تحاول تنام وماقدر تنام : قامت انزلت الحديقه مشت الين المراجيح وشافت واحد قاعد على المراجيح ويبكي حلا: خالد وش فيك ليه انت تبكي خالد: لا ولا شي بس دخل في عيني رمل حلا: مو علي ليه انت تغيرت او لانت انسان ثاني الحين واحد كايب ولا يضحك الا على خفيف ليه وش صار لك خالد: ودك تسمعني بس اخاف تملين حلا : قول خالد: انا كان لي صديق من كان عمري 7 سنوات كان لي اكثر من اخو وحبيب وصديق كان روحي كان يجي يتنا اول مايصحى الين الصبح يروح ينام كانت طالعاتنا سوا جياتنا سوا في يوم وسكت وعيونه قامت تنزل دموع حلا : وهي تمسك يده كمل يا خالد خالد: تشاجرت معه وزعلت عليه وكنت برد البيت مشي وانا معصي وكنت امشي في وسط الطريق وهو يكلمني خالد وقف خالد خالد بس انا ولا كني اسمعه ماشفت الا الي يدزني وانا طحت قمت ابشوف وش صاير شفته وهو كله دم الدم مغطيه تبين تعرفين اشلون كانت جايه سياره مسرعه وهو دفني واصدمته السياره وقعد يصيح زيا لبزر وبزياد هانا االسبب لو اني سمعته وقفت كان مصار له شي لو اني مازعلته كان مصار شي حلا: وهي تبكي: خلاص ياخالد قطعت قلبي خلاص اهدا بعد مروور 10 دقايق بهدو حلا: خالد خالد: وهو يرفع راس هانا بخير لاتخافين حلا: اسمع ياخالد لاتقعد تلوم نفسك كلنا على ذا الطريق ماشين لتقول لو خلاص انتهى الموضوع لاتقعد تتحسر على شي مضى ابدا حياتك من جديد وانت راح تلقى اصدقاء واولهم الي وياك لاتبعد وصدقني هو مو راضي عليك على الي تسويه بروحك انت رجال ولازم تعرف انا الموت هو نهايه كل انسان لاتقعد تلوم نفسك تيب وادعي له بالرحمه خالد: تصدقين انك ريحيني جا على بالي سوال حلا: اسأل خالد: تتزوجيني حلا: ياليت بدال ذا الغثه خالد:ههههههههههههههههههههههههه حلوه الغثه وتراه مغرور حلا: هذا الصفات الي فيه وتلوع الكبد مثله خالد:ههههههههههههههههههههههههههههههههههههههههههه حرام عليك خالد وبجديه: حلا انا راح اوص لك شي سمعته لاني خايف عليك حلا والخوف بدا : وشفيك قول خالد: ممكن تعطيني جوالك حلا: ممكن بس ليه خالد: لانا منال ومها يبون يخربون حياتك مع فارس حلا: ودها تقول عادي : بس خافت على جدها وممكن تقول لي وش مسوين خالد: هم يبون يخلون واحد يدق على جوالك وتكلمك بنت منه وتقول انها صديقتك وتعرفك وتبقى تبارك لك بالملكه والا ماله نهايه وذاك الولد يدق على فارس ويقوله روح شوف مرت كالي بتاخذه وطبعا فارس وعصبيته حلا: وهي منصدمه وهذا هي من اهلها واختها : وش تقول انت متأكد خالد: أي متاكد وانا سامعهم باذاني يتكلمون حلا: وانا ايش اسوي خالد: عطيني جوالك حلا: وش راح تسوي خالد: عطيني وانا راح اتصرف ولا ماتثقين فيني حلا: الا اثق خالد: خلاص حلا: اعطت الجوال خالد وخالد راح ينام حلا: وهي جالسه حست بنسمه هواء بارده ادخلت كيانها ماتدري ليش خافت قامت ادخلت وهي تتتجهز لبكره وماتدري وش يبصير انتهى البارت الثامن توقعاتكم ياناس ياعالم |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية الزمن قاسي ولايمكن يلين ..اول رواية لي في الذمة تقرونها ......بليز | بنت عز ومن شافني فز | أرشيف المواضيع الغير مكتمله او المكرره او المنقوله و المخالفه | 10 | 07-01-2011 07:45 AM |
| رواية حب في السعوديه اقوى روايه ( رواية الحب بعد فوات الاوان ) | ЯǒǑǒйĝ3ħ | أرشيف المواضيع الغير مكتمله او المكرره او المنقوله و المخالفه | 9 | 05-19-2010 09:19 AM |
| عذبني الليل .. كلمات د. أديب بازهـير | الزعابي9 | قصائد منقوله من هنا وهناك | 0 | 01-16-2010 12:32 AM |
| إعترف فإن الإعتراف يهدم الإقتراف (مقال رائع للشيخ محمد حسين يعقوب حفظه الله) | fares alsunna | نور الإسلام - | 0 | 05-24-2009 10:04 PM |
| عذبني الليل | قلب فلسطين النابض | أرشيف المواضيع الغير مكتمله او المكرره او المنقوله و المخالفه | 2 | 09-23-2008 09:33 PM |
4Likes
.gif "thanks")
العرض العادي
