|
|
#281
02-01-2011, 05:10 PM
| ||
| | ||
| اقتباس:
الله يسلمك يا عمري وأنشاء الله أشوف دائما ردودك .gif "thanks") |
|
#282
02-01-2011, 05:13 PM
| ||
| | ||
| اقتباس:
  آسف مع فرحتي لأن الاختبارات أنتهت نسيت:88: :88: راح أعوض الليوم  .gif "flowr") |
|
#283
02-01-2011, 05:20 PM
| ||
| | ||
| هذا البارت إلي كنتم متشوقين لمعرفت أحداثة البـــــــاب الثامــــــــــــــن عشــر... الفصـــــــــــــــــــل الثانــــــــــــ2ـــــــــــي ... ((بالمستشفــــــــــــــى بعد نص يوم ... سمعو صراخ داخل الغرفه ... يزيد ونارا وفهد ومتعب وعبادي بسرعه راحو يدخلون يشوفون شسالفه ... -(أميره بحقد وغضب تطالع الدكتور وهي رافعه يدها بوجهه :~ انت هيه ماتفهم .. اقولك وين شنطتي طلعها بســــــــــرعه ... حرامي حرامي انت ..!! طلعها لا أفجـــــــر فيك ... طلعهآآآآآآآآآآآآآآآآآآ ... ((يزيد مسك ضحكته ونزل راسه ... أما متعب وعبادي مفهين يطالعونها بستغراب ... أما نارا تنهدت وبقلبها تتحمد وتتشكر على أميره ... فهـــــــــــد .. نو كومينت .... هو الحيد اللي خاااااف عليها لا يكون صار بعقلها شي ... بسرعه قال للدكتور :~ دكتور أميره ليش جذي لا يكون فيها شي ..!! -(الدكتور :~ لا لا مافيها شي .. بالعكس هي بخير ... خاصتا انها ماتدري وش اللي صار غير انها انقلبت بالدباب ... وبس تقول وين شنطتي ... مسوايه قلق على الشنطه ... -(فهد تنهد براحه بس روعته أميره لما قالت :~ انت بعد ... شنو شايفني جدامك مينونه ولا مينونه ...!! -(يزيد بدون مايحس قال :~ لا مينونه الثانيه ... -(أميره التفتت عليه وهي تقول :~ اشوا عبالي الأولى .. اقول انت هيه عبالك تنكت مع ويهك .. انت انت اكيد اللي ماخذ شنطتي بسرعه طلعها قبل لا صج صج صج افجر فيك ... -(نارا التفتت على يزيد ثم قالت بصوت قصير :~ خلنا نطلع .. هذي صج ضارب عقلها ... -(أميره علطول :~ ظارب عقلي بعينج .... لا قولي بعد انتي اني مينونه ... ((يزيد ماقدر يستحمل ضحك بصوت عالي على نارا ... أما نارا اول شي مستغربه كيف سمعتها اميره وثاني شي انقهررررررت من يزيد ليش يضحك عليها ... التفتت بقهر وطلعت برا الغرفه ... يزيد وهو يضحك يحاول يسكت بس ماقدر ... طلع وهو يلحق نارا مايبيها تزعل رغم انو مو قادر يسكت من الضحك ... -(يزيد :~ نارا ههه نارا وقفي ... ((ولا كأنو احد يناديها ... -(مسكها مع كتفها وأخيرا حاول يمسك ضحكته وهو يقول لها :~ شدعوا ياقلبي اكلمك وتطنشيني ..!! -(نارا :~ بعد عن ويهي ... روح روح كمل ضحكك .. -(يزيد يغمز لها :~ خلاص عاد كم مره بتزعلين وبجي اراضيك ... تعرفين ماأقدر على زعلك .. -(نارا :~ اعتذر .. -(يزيد رفع حاجب بضحكه :~ لا عاد ... للهدرجه الموقف يحتاج اعتذار ..!! -(نارا تكتفت ببرود :~ أي .. بالنسبه لي كل شي منك يحتاج اعتذار .. تدري انو مايهمني لو العالم كلها تضحك علي .. آخر همي الناس ... بس انت الوحيد اللي مابيك تضحك علي ... قدر مشاعري شوي ... تخيل ايي واضحك عليك ... -(يزيد يضحكه :~ عادي ... نو بربلم ... -(نارا :~ لا والله .. احلف عاد .. طيب انا ماأبيك تضحك علي ... -(يزيد رفع راسه وتنهد :~ ؤكي .. -(نارا حست انه مل منها عشان كذا قالت بتوتر :~ هو صحيح انك كنت تمزح .. بس انت تدري اني احبك ولا أتحمل لما تضحك علي قدام أحد ... <~ رقعة السالفه بتخبيص ... -(يزيد لاحظ عليها عشان كذا مسك ضحكته ثم قال بحديه :~ خلاص اذا انتي ماتبين الواحد يكون على طبيعته معاك .. خلاص لك مني من اليوم ماراح اكون يزيد اللي على طبيعته .. راح اصطنع كل شي ... ولا راح امزح معاك ... يمكن تزعلين بعد .. وانا وش يدريني عنك .. -(نارا بقهرررررررر :~ منو قال جذي .. انا ماقلت لا تكون على طبيعتك .. بس قلت لا تضحك علي جدام احد ... -(يزيد خلاص بيضحك بس ناوي يأدبها شوي :~ لا لا لا خلاص انتي تزعلين من الواحد لما يكون مزاح أو على طبيعته ... خلاص من اليوم بكون يزيد الصامت .. هذا اللي يعجبك ولا ..!! -(نارا طلعت من طورها :~ يزيد ... شفيك .. انا ماقلت جذي ... بالعكس انا احبك على طبيعتك واحب مزحك وياي ... وخلاص اذا ضحكك علي يريحك اضحك علي ... <~ قالت آخر شي بضيقه .. -(يزيد حس انها تضايقت بقوه ... عدل وقفته ثم قال ببتسامه حلوه وحنونه :~ أمزح معاك .. شدعوا .. أنا استانس اذا ضحكت عليك ..!! وش هالكلام يانارا ... ولا يضيق صدرك ... انا يزيد هو نفسه ماراح أتغير ... -(نارا انقهرت من آخر كلمه قالها :~ لا عادي .. تبي تتغير براحتك ... -(يزيد :~ هههههههـ ... والله ماتنفهمين ... تدرين شلون ... انا عازمك على مطعم يحبه قلبك ... -(نارا رفعت ساعة يدها ثم قالت :~ لا مأقدر ... لازم ارجع للبيت ... أكيد خواتي ردو للبيت ... شبيقولون عني لو بتأخر جذي .. -(يزيد ابتسم وهو يشوف قد ايش نارا تغيرت لما دخلو اخوانها بحياتها .. صارت واعيه أكثر للحياه .. بس لو تغير ستايلها بتكون بنت ولا أحلى البنات .... بس يزيد أبدا أبدا مايبي يفرض أي شي عليها ... يعني هو بيحاول يغير من شخصيتها لين ما تغير من نفسها ستايل الإيمو وكل حركات الإيمو .. لأنو نارا مو بس ستايل مثل ماعرفنا ... حتى الخرافات مؤمنه فيها ... """"""""""""" (نرجـــــــــــــع للغرفة أميـــــــــــــره ... فهد موب مستوعب انها بخير للحين .. وجهها قبل ماكان يطمن ابد ... وضعها لما انقلبت من الدباب يقول انها لا يمكن تعيش .. قرب منها أكثر يحاول يستوعب بس مو مصدق .. -(أميره منسدحه وهي مغمضه عيونها تحس برقبتها وراسها يعورووونها ... فهد شوي وبيدخل بوجهها ... الغرفه كانت خاليه ... أميره حست بأحد .. لما فتحت عيونها انصدمت من ذاللي داخل بوجهها .. فهد شهق بروعه وبسرعه بعد عنها ... صدم بظهره بجراح ... لما التفت بروعه انصدم لما شاف اخو أميره ... -(جراح بغضب :~ شتساوي انت هني ..!! -(فهد بلع ريقه بغصه وهو توه بيتكلم بس أميره تدخلت لما قالت :~ جراح ... هالولد قول له لا عاد يتقرب مني ... هو السبب اللي قلب فيني بالدباب .. ((فهد فتح عيونه عالآآآآآآخر .. -(أميره كملت بلا مبالااااه :~ هو اللي اصر علي اركب دبابه الخايس .. يقول انه جديد .. مادريت انه من سنة جدتي ... مدري من العصر الجاهليه .. فجر فيه قبل لا افجر فيه انا ... جذب علي وضيع لي شنطتي ... ((جراح مسك فهد من يده وطلعه برآ الغرفه .. أميره ولا كأنها سوت شي .. جلست وهي تستعد تبي تطلع رغم انهم مارخصو لها .. برآ الغرفه جراح يطالع فهد بحقد كبير .. يتذكر فهد زين لما كانت برضو اميره بالمستشفى وفهد كان عندها .. شاااك في فهد بقوه .. -(جراح بحقد :~ انت شعندك مع اختي ...!! ومنو سمح لك تتقرب منها .. -(فهد بلع رقه اللي جف :~ لا اخوي شدعوا ... انت فاهم السالفه غلط . صقني اختك هي بس تكون رفيجة اختي ... وأختي تبي تتطمن عليها عشان جذي انا ييت بداهلـ... -(قاطعه بعصبيه :~ عبالك بصدق حجيك ..!! عموما انا الحين ماسك اعصابي ... بس شفني اقولك من الحين .. اياني وياك تتقرب من اختي مره ثانيه .. لا تلوم الا نفسك .. شفت انت شصاير فيها الحين بسببك .. خاصتا ان اميره الحين بوضع غريب جدا .. يعني الله يستر لا يكون صار بعقلها شي بسببك .. لأني ماأشوف أميره اللي اعرفها .. تتكلم بطريقه غريبه ... بعد عنها احسن لك يا ..!!! شسمك انت ..؟؟ -(فهد بلع ريقه :~ آآآ ... ماجد ... -(جراح :~ شف ياماجد .. والله لو بتقرب من اختي مره ثانيه ... والله مايحدني الا مركز الشرطه .. فهمت ولا اعيد بعد ..!! -(متعب تدخل :~ خلاص فاهم فاهم هو ... وبعدين ابي اقولك .. ترى اختك هي اللي تتقر.... -(فهد قاطعه بسرعه :~ خلاص انشالله مايصير الا الخير ... -(متعب انقهر من فهد اللي خايف للحين على اميره رغم انو اخوها ذله ... ((جراح لف وتركهم ... بس بهاللحظه أميره طلعت .. -(جراح :~ انتي هيه على وين .. ادخلي ادخلي يالله ... رايق لج بعد انتي تطيحين مره ثانيه .. والله لو تدري امي عنج ماأدري شبيصير لها بسببج .. انتي لين متى جذي بتظلين بعقل صغير ... امشي يالله جدامي امشي بسرعه .. ((الشباب يطالعون كيف تعامل جراح للأخته ... بس ماتافجئز من أميره لما ردت عليه بـ :~ أقول ... لا أحسن عطني كف بعد ... أنت وراسك ذا ...تقل راس بقره .. وخر بس عني وخر ... انا برد للبيتنا .. ((الشباب ماقدر يستحملون ... ههههههههههههههههههههههههههههههههههههـ... ((ماعدا فهد اللي ابتسم بس ... أميره التفتت عليهم :~ من زمان ماضحكتو شكلكم ...!!... اسمعو اسمعو فيه حمار بغابه ... كل مامر عند النمر ... يقول له النمر ... ياحمار رح يب لي الطاقيه ... والحمار سلمكم الله مايدري شنو الطاقيه .. وعلى هالحاله دااااايم ... الحمار ياحمير طفش من النمر ... كل مره يطقه النمر ويقول له يب لي الطاقيه .. راح الحمار ياحمار انت وياه وقال للأسد الغابه .. ياأسد الغابه النمـ.... ((جراح مسك أميره من بلوزتها وسحبها للداخل الغرفه ... -(متعب :ئ يؤ يؤ مو جناه سبتنا ... تقول ياحمير ..!! -(عبادي :~ ههه لا البنت صج صج فاصل عقلها .. -(فهد حس بخوف عليها :~ لا يكون صج بعقلها شي ...!! -(متعب قاصد يخوف فهد :~ والله الصراحه على هاللي نشوفه .. اتوقع فيه عرق براسها انفصل ... ((ثم لفو وتركو فهد يسوس بأميره لا يكون بجد صار لعقلها شي ... """"""""""""""""""""""""""" ((باليــــــــــــــوم الثاني ... أميره لما رجعت للبيت .. دخلت البيت أما جراح راح للشغله ... أميره لما دخلت الصاله بعياتها اللي رايحه فيها ... ورقبتها ملفوف عليها وماتقدر تحركها ... أم أميره وقفت بروعه شسالفه .. -(أم أميره :ئ يومه اميره منو اللي مساوي فيج جذي ..!! -(أميره تطالع امها بصمــــــــــت ... -(أم أميره ارتااااعت بنتها فيها شي :~ أميره بنتي تسمعيني .!.!! تشوفيني ..؟؟ -(أميره تثاوبت :~ من أنتي ..!! ((ثم كملت طريقها للغرفتها ... ((أم أميره واقفه بصدمه .. بسرعه دقت على جراح وقال لها كل السالفه .. بسرعه رقت للبنتها بالغرفه خااايفه عليها .. لما فتحت الباب انصدمت من أميره اللي جالسه بنص السرير تطالع السقف .. -(أم أميره بخوف :~ أميره .... -..................... -(أم أميره :~ يابنتي ردي علي خوفتيني عليج ..!! ... -(أميره نزلت عيونها على أمها ثم قالت وهي معقده حواجبها :~ تحاجيني ..!! ... -(أم أميره خلاص خنقتها العبره على بنتها الوحيده .. بسرعه نزلت للصاله وتدق على جراخ بس مايرد ... ((بعد يومين .. خذت أميره للمستشفى لأن حالة أميره جدا جدا غريبه .. -(الدكتور وهو مبتسم :~ لا أبدا ماتخافو ... بنتكون بس فيها ارتجاج مؤقت ... متخاوفو عليها كتير .. -(أم أميره بصدمه :~ يعني شلون بنتي مهبوله ..!! -(أميره التفتت عليها :~ جعل الله يلف ععقلج ... منو المهبول ..!! -(الدكتور مسك ضحكته وبسرعه قال للأم أميره يطمنها :~ عادي عادي متل مائلت لك فيها ارتجاج بس مو خطير ابدا .. يعني مؤقت ... -(أم أميره بخوف :~ بس بنتي يادكتور تمشي بالمايل ..!! -(الدكتور ماعاد تحمل قام يضحك ... -(أميره ببرود :~ وانت بعد شكلك من زمان ماضحكت .. اسمع بس اسمع ... يقول لك فيه حمار ياحمار ... كل يوم لما يمر عند النمر يقول له النمـ.... -(قاطعتها أمها بخوف :~ أميره تسمعيني ..!! -(أميره تطالع أمها بسخريه :~ والله انتي المهبوله ..!! ماعليه يادكتور امي صايره هالأيام قليلة صح ... تفشل ... كل دقيقه تقول لي تسمعيني ..!! شككتني اني صمخا وانا بخير بسم الله علي .. ماتفهم .. عقلها موقف ... -(الدكتور ماسك ضحكته :~ أميره وأفي ع رجليك شوي .. وأمشي من هون لهونيك .. -(أميره حطت رجل على رجل :~ ليه تدور لك عراضة ازياء انت وراسك ..!! -(الدكترو مد يده على راسه بستغراب لا يكون براسه شي غلط ... مايدري انها ماسكه معها هالكلمه ... من يوم انقلبت ... ((أميره وقفت :~ اقول يومه تعالي بس تعالي هذا ماعنده سالفه ... خلينا ندور دكتور غيره ... -(أم أميره خلاص خانقتها العبره على بنتها .. -(الدكتور :~ إم أميره ماتخافي ولا شي ... بنتك بخير سدئيني .. بس هالحاله راح تكون معها كم يوم وبعد هيك راح ترجع لك طبيعيه كتير .. """"""""""""""""""""" ((بالجـــــــــــــــامعه بعد يوم واحد ... فيصل جالس بقاعته مسرررررح في أميره .. وبنفس الوقت مرتاح انها بخير ... حس بأحد خلفه يحاكيه ... لما التفت لقاهاه وتين وهي تقول له :~ مرحبا فيصل .. قاعده احاجيك ساعه ماترد علي ..؟؟ -(فيصل وقف ببرود :~ هلا هلا ... سوري بس مانتبهت لج ... ليه شبغيتي ..؟؟ -(وتين استغربت وضعه بس تجاهلته وهي تقول ببتسامه كلها احرااج :~ شكلك نسيت .... -(عقد حواجبه :~ شنو اللي نسيته ...!! -(وتين تضايقت شوي :~ ترييتك تدق علي بس مادقيت ... ولا رديت لي خبر ... -(فيصل معقد حواجبه ويتكلم بهدووووء :~ أي سالفه تتحجين عنها .. -(وتين جاها احباااط كبييير :~ انا اقصد لما عطينك رقمي عشان ترد لي خبر اذا انت موافق عاللحجي اللي انا قلته لك لو لا .. -(فيصل موقف عقله موب قادر يتذكر أو بالأصح ماحاول يتذكر :~ سوري بس ماأدري انتي عن شنو تتحجين ... -(وتين بقهر :~ شوف جوالك وبتلاقي رقم جوالي ... -(فيصل لما فتح جواله وتفكيره كله مع أميره ... دور على رقم غيرب بأسم وتين بس ماحصل ... -(وتين ماقدرت تتحمل .. سحبت الجوال وهي تدور على رقمها بس انصدمت لما مالقته من جد .. فيصل تذكر بسرعه لما جت ليله وهو كان يبي ينام .. كان يفكر بسالفتها ... لين قرر يمسح رقمها لأنه مايبي يرد له رد يجرحها ... -(فيصل نزل راسه ثم قال :~ ماراح تلاقينه لأني مسحته ... -(وتين رفعت راسها بصدمه :~ ليش .. -(فيصل :~ موب لازم تعرفين ... الله يوفقج بحياتج ... ويسعدج مع واحد يحبج .. -(وتين بضيقه :~ يعني افهم انك ماتحبني ..!! -(فيصل :~ سوري ماعندي حجي أكثر من اللي قلته .. -(وتين بإصرار :~ لا قول لي... تحبني ولا لا ..؟؟ -(فيصل تنهد :~ لا ...... حبي لج قديم ... وماعاد له وجود الحين ... الله يوفقج ... عن اذنج ... -(وتين خلاص بتبكي من القهر والحره اللي بداخلها ... علطول تذكرت أميره وبسرعه راحت له وهي تقول :~ لا تقول انك تحب اميره ..!! -(فيصل نغزه قلبه لما سمع اسم أميره ... وقف مايدري وش يقول .. -(وتين بقهر وعيون غرقة دموع :~ قول انك تحب أميره ..!! ... -(فيصل بدون مايطالعها .. كمل طريقه ولا رد عليها ....) وتين جلست على كرسيها وهي تحاول تكبت دموعها لا تنزل ... انتهى البارت .... |
|
#284
02-01-2011, 05:21 PM
| ||
| | ||
| البــــــــــــــــــــاب الثامــــــــــــــن عشــــــ18ـــــــــر .. الفصـــــــــــــــــل الثالــــــــــــــــث .. ((توليــــــــــــــــن ... الدكتـــــــــــور طلال ... تولين وافقت على الدكتـــــــــــــور طلال ... وملكتهم بعد حفل التخرج بيومين ... توليـــــــــــــن بالبدايه كانت متضايقه عشان صاحبتها جوجو بس بالنهايه اتبعت قلبها ... وكملت مع الدكتور طلال .. الدكتور طلال لما ردو له الخبر بالموافقه .... فرح فرحه كبيــــــــره ... صار متحمس كل يوم عشان الكلاس مع تولين ... طلال كل دقيقه يطالعها .. بس تولين العكس ... تحاول تتفادى نظراته ... حاسه بحرااااج كبيييييير ... رغم السعاده اللي بداخلها ... تولين تعد الأيام .. تنتظر يوم الملكه بفاااارغ الصبر ... ((وفي يوم من الأيام ... أميره توها داخله ... فيصل لما شافها وهو جالس بين قروبه .. بسرعه وقف ولحقها للداخل المبنى ... -(فيصل :~ أميـــــــــره ... -(أميره عرفت علطول صوت فيصل عشان كذا ماردت وكملت طريقها ... -(فيصل وقف قدامها :~ أميره شوي بس ... -(أميره رفعت عيونها عليه وهي تعبانه وواظح عليها من بعد الحادث ... -(فيصل لما شاف شكلها :~ الحمدالله عالسـ.... -(قاطعته :~ ايوا اخلص وش تبي ... -(فيصل سكت شوي ثم كمل :~ الحقيقه بغيت اعطيج شي .. -(شكرا مابي .. ((ثم لفت وكملت طريقها .. -(فيصل وصلت معه منها .. بسرعه قال بصوت عالي :~ بتندمين ... ((بس تفاجئ من أميره انها كملت طريقها وراحت ... حس بضيقه منها .. طلع من جيبه جوالها .. لف وجلس على كرسي وهو كان يبي يعطيها جوالها وشنطتها ... بس هي طنشته ... فيصل وهو جالس يطالع جوالها . ضغط له كم زر وهو يفكر فيها بقهر ومو حاس وش يسوي بالجوال ... فجأه طلعت له صوره للأميره ... استوعب شوي انه فتش بجوالها بدون مايحس ... كان بيطلع من الصور بس ماقدر .. يده جمدت وعيونه تطالع بصورة أميره ... شوي وغير ع الصوره الثانيه ... وشوي شوي صار يقلب بصورها كلها ... صور حلـــــــــــوه ... وأغلــــــــــــــب الصور مضحكه ... ونص الصور شينــــــــــــــه ... ((بس رغم هذا ضحك عليها بالصور ... توه بيسكر الجوال الا وحس بأحد وراه ... لما التفت لقاه فهد واقف يطالع الصور ... فيصل اختبص بقوه وعلطول نزل الجوال وهو يقول بتوتر :~ هلا فهد شعندك ياي هني ..؟؟ -(فهد رفع عيونه على فيصل بنار تحرق بداخله ... سكت شوي يطالعه ثم لف وهو ساكت بيروح ... -(فيصل بسرعه وقف وهو يقول :~ فهد وقف ... ((بس فهد كمل طريقه وطنشه ... فيصل مسك كتف فهد يبي يوقفه ... بس تفاجئ من فهد لما دف يد فيصل بعيد عنه وهو يقول بحقد :~ لا تلمسني ... -(فيصل عقد حواجبه ...:~ فهود شفيك ..؟؟ -(لف بيروح بس فيصل مصر يوقفه ويتكلم معاه .. وقف قدامه فيصل وهو يقول :~ فهد شفيك ... ليش معصب مني ..!!! ... -(فهد ساكت ويطالعه بحقققد ... شوي قال بقهر :~ ليش ماقلت لي من زمان انك تحبها ...!!! -(فيصل عقد حواجبه :~ احبهــــــــــا ..!! منو هاي ..!! انت شتقصد ..؟؟ -(فهد نزل عيونه على الجوال اللي بيد فيصل :~ هاي اللي بيدك صورها .. وجوالها بكبره ... -(فيصل توتر بقوه ثم قال :~ منو قال اني احبها ...!! .. -(فهد بقهر وغضب :~ لا تجذب ...ليش ماقلت من البدايه انك تحبها وماكان صار كل هذا .. ليش تخبي علي مثل هالشي ..!! ((قرب منه بقهر واحباااط :ئ كنت تقدر تصارحني بهذا الشي انا بالذات .. لأنك تدري اني احبها ... بس بعد كل اللي صار مصر انت ماتقول انك تحبها ... ليش خبيت عني هالشي وخليتني مضحكه عندكم .. ليش ... انا ماراح اقول لا لا تحبون بعض ... ماعلي منكم .. بس اللي قهرني انت يافيصل .. ليش من البدايه ماتقول لي .. الحين انا صرت ولا شي جدامكم ... ماأسوى شي ... لا جدامك ولا جدام ربعنا ... خليتني مضحكه جدام متعب وباقي العيال .... لو انط قايل لي من زمان انك تحبها جان ماقربت من صوبها .. بس ليش جذي يافيصل ليش ...!!! ... والله ماهقيتك جذي .... للأسف بس ... ماهقيتها منك ... ((لف وكمل طريقه .. فيصل يحاول يستوعب وبسرعه التفت بيتكلم بس انقطع صوته لما شاف أميره واقفه قدام فهد وهي تقول له -(أميره :~ سوري على كل اللي صار .... تدري انو كنت تعبانه ومو واعبه لشنو اقول ..؟؟ -(فهد نزل راسه بدون أي كلمه ..) -(أميره لاحظت وضعه ثم قالت :~ فهد انا آسفه ... ماكان قصدي ... انشالله نظل اخوان مثل قبل .. -(فهد ضغط على كفه بقووووه مقهور من كلامها وهي مو حاسه فيه ... لف بهدوء عنها وراح ... أميره التفتت مستغربه وش فيه بالضبط ... توها بتروح للقاعتها الا ووقف قدام وجهها فيصل وهو ماد لها شنطتها وجوالها .. -(أميره اول ماشافت شنطتها بسرعه خذتها مع الجوال .. حست براااحه كبيره ... -(فيصل بجديه :~ اسمعي اميره .. بقول لج كم جلمه .. وانتي فكري عدل ... فهد يحبج .... ولازال يحبج ... اذا بقلبج شوي حب له ... لا تخبينه عنه لأنه يتعذب بسببج ... والحين عن اذنج ... -(أميره وهي كانت تسمع الكلام ودها تعطيه كف من القهر .. بعد كل شي وهو يدري انها اكنت تحبه يجي يقول لها هالكلام .. ومايراعي مشاعرها .. بسرعه لفت عليه وهي تقول :~ وانت شكو ... وبعدين اذا علبالك تبي تساوي لي فيها جدامي انك الفتى الطيب واللي يخاف على مشاعر ربعه .. طمن رفيجك وقول له اذا يبي يتقدم لي لا بتردد .. لأني بوافق على أول واحد ييني وبسرعه .. ((ثم لفت وراحت عنه .. فيصل كان مصدووووم من كلامها .. صحيح قال الكلام اللي قبل بس مافكر بشي اسمه زواج ... حس بنبضات قلبه تزيد ... وده يلحقها ويتأكد من الكلام .. بس رجوله ماعاد تتحرك .. يقول للفهد ..ّّ ولا لا ..!!! مستهيل .. لو يقول له فهد اكيد بيروح يتقدم لها وهي بتوافق بسرعه .. طيب انا ليش خايف يتزوجها ..!! لا يكون صج حبيتها يافيصل ... $$وبهالحاله نقدر نقول..$$ فيصـــــــــــــــــل بدى يشك بمشاعره ...$$ ((وفي يوم من الأيام ... بالجـــــــــــــــامعه ... ليــــــــــــــان .... من بعد مارجعت مع صقر ... وهم ساااكتين ولا يكلمون بعض ... ليان أول مادخلت شافت صقر سبقها للداخل الجامعه .. وهذي حالته من أول مارجعو للبعض .. خلاص تحس انها ماعاد تتحمل هالوضع ... بسرعه قالت ومن غير شعور :~ صقــــــــــــــــــــــــر ... -(صقر نغزه قلبه وبقوه .. لأنو اول مره تكلمه ليان من بعد اللي صار .. وقف ولا قدر يلتفت عليها ... -(ليان شهقت بصوت قصير كيف ندمت انها نادته .. ومن غير شعور .. بسرعه لفت بتروح عنه وهي متوترررره ...بس صقر التفتت عليها ينتظرها تتكلم .. بس انقهر اكثر لما شافها رايحه عنه... بسرعه راح لها وهو يقول :~ شكنتي تبين مني ..؟؟ -(بسرعه قالت بتوتر بدون ماتطالعه :~ لا ولا شي ... -(صقر مسك يدها ثم لف بها يطلعون من الجامعه ... بس ليان فاجئته بحركه وهي ... لما سحبت يدها وهي تقول :~ على وين ..!! -(صقر :~ خلينا نطلع من الجامعه .... ابيج بموضوع ... -(ليان بترتبااك :~ بس ماتشوف انو وراي محاظره ولا اقدر اغيب عنها ... -(صقر بهدوء مصطنع :~ نص ساعه مااراح تضرك ... -(ليان :~ بالنسبه لك ماتضر ... بس عندي تضر .. خلاص اذا ردينا للشقه نتكلم باللي تبيه ... -(صقر نفذ صبره وسحبها مع يدها وهو يقول :~ انا قلت الحين يعني الحين ... -(ليان وهي تحاول تفلت يدها منه ...:~ صقر بليز اتركني ... إيدي عورتني ... -(صقر الحراره بدت ترتفع عنده ... -(ليان نزلت دموعها بسرعه وهي تترجاه يترك يدها ...:~ صصـ... صقر بليز بليز اتركني ... -(صقر وده يصارخ من القهر ...بس بالأخير ماقدر يسوي أي شي غير انه يترك يدها بكل هدووووء .. مالتفت عليها ولا شي بس واقف وهو يحاول يهدي النار اللي بداخله ... ليان لفت عنه بتروح وهي تبكي ... بس صقر ماتحمل انها تروح وهي زعلانه عليه ... بسرعه مسكها مع يدها بحنان وهو يقول بدون مايطالعها :~ أنا آسف ... -(ليان وهي تطالعه متعجبه منه ... وبنفس الوقت حاسه بألم منه .. هالولد لا يمكن يسعدها ... وماعنده غير الأسف ... رغم انه يحبها بجنون ... ليان توها بتقول لا تتأسف ...بس دق جوال صقر .. صقر بهدوء ترك يدها ثم رفع يطالع مين المتصل ... حس بحقد لما شاف اسم اخوه عبدالمحسن على الشاشه ... خاصتا انه يبي ينسى كل اكلام اللي قاله عبدالمحسن له ... سكر الخط بوجه اخوه ثم لف وراح عن ليان ... ليان وهي واقفه تطالع فيه ... $$ وبكـــــــــذا مضت الأيام ... على ماهم عليه ...$$ اختباراتهم بدت وراح تنتهي ... وحفــــــــــــــل التخرج بعــــــــــــــد أسبـــــــــــــــوع بــــــــــس ..$$ والكل متحمس لها ..$$ ((نارا ويزيد ... أحلــــــــــــــــــــــى ثنائي يحبون بعض من بين ابطالنا ... نارا يوم عن يوم تتغير للأفضل ... والفضل يعود لألله ثم يزيد اللي أظهر لها الحب والحنان اللي ماقد شافته بحياتها ... للدرجة انها صارت تبي تطلع لليزيد احلى البنات .. وصارت تستحي تطلع له بشكل الإيمو ... ودها تغير من شكها للأنوثه وانعومه ... بس ماتدري كيف خاصتا انها ماتعرف ابدا ... غير حركات الإيمو ... وستايل الإيمو ... ((أمــــــــــــا ليان وصقـــــــــــر ... وضعهم ماتغير .. ويمكن للأسوء كل يوم عن يوم ... والسبب الرئيســـــــــــــــــــــي هو ... الكلام اللي قاله له عبدالمحسن ماقدر ينساه ابدا ... يخرب عليه هاكلام كل ماحاول يتقرب من ليان ... وليان رغم انها تنتظر أي فرصه حلوه تحاول تكون حنونه مع صقر .. بس ماقدرت لأن صقر ماتاح لها الفرصه ابدا ... ((أمــــــــــــا توليــــــــــــــــن ... صارت أحوالها مع الدكتور طلال .. عال العـــــــــــــــــــــــــــال .. بس باقي لهم اسبوع ونص ويتملكون على بعض ... جوجو صحيح درت بس كبتت ألمها وقهرها ولا قالت أي شي لا للدكتور طلال ولا حتى للتولين ... ((أما فيصــــــــــــــــــــــل ... وأميــره ... فيصل صار كل يوم يتفاجئ من أميره اشياء ماقد عرفها من قبل ... أميره ابدا ماتعطي وجه للفيصل .. وبالعكس فيصل صار يشوف الكره بعيونه له ... يحس ان هالبنت من جد تكرهه .. بس فيصل ماقال للفهد كلام أميره .. لأنه اخذه على محمل المزح واتسرع من أميره ... ونسى الكلام اللي قالته له ... وأخيـــــــــــــــــــــــــرا ... بهاليوم تقدم للأميــــــــــــــــره ... راكـــــــــــــــــــــــــان ................... راكان ..!!! ... أكيــــــــــــد موب اللي جى في بالكم وهو بطلنا السعودي راكان .. المقصود هو راكان الثاني ولد العيــــــــــــــــن ... راكان اللي كان يتسابق مع أميره بسباق الطائرات ... تقدم لها وجراح اخو أميره حاليا موافق والأم برضو .. بس باقي جواب أميــــــــــــــــــره ... لما قالو للاميره .. سكتت وقالت بفكر ... بس أميـــــــــــــره رغم كل القسوه اللي اظهرتها للفيصل .. الا انها للحين هو الحب الوحيد اللي بداخلها وموب قادره تنساه ابدا .. تفكر توافق ولا لا ... بس فيصل بعد كذا خلاص لازم تطلعه من حياتها للأبد ... حست بخووووف للمجرد هالتفكير .. ماتتخيل شكلها بدون فيصل بحياتها حتى لو انه يسبب لها الألم ... ((أمـــــــــــــــــــــا ميشــــــــــــــو ... بطلتنا ... اللي مالقت الحب اللي حبته ... راكان سافر وتركها تفكر فيه دووووم بحزن وشوووووووق وحب ... أما الغريب أنقطـــــــــــــــــــــــــــــــــــــع عنها من شهر كامـــــــــل ... من بعد ماقالت له ميشو لا عاد تدق ... انا ماأقدر انسى راكان ... راكان الحب الوحيد اللي بحياتي ... بس فعلا الغريب نفذ طلبها ولا عاد دق عليها ... نست سالفة الغريب تماما ... بس ماقدرت تنسى راكان ... شلون بتقدر تعيش حياتها على هالروتين ... الممل ... ((أمــــــــــــا مايـــــــــــد ... ماكان يدري مين اللي كتبت هالكلام بكتابه ... بس لما عرفت ميس عن السالفه قالت انو هي اللي كتبته ... رغم انها عارفه انو لمى اللي كاتبته ... بس كانت متوقعه انه راح يعطيها وجه بعد الكلام بس استغربت لما طنش الوضع وشق الورقه من كتابه ورماها بالزباله ... بس بالاخير مانقدر نقول غيـــــــــــــــــــــر ... مين اللي بتقدر تفوز بقلب مايـــــــــــــد ... مـــــــلاكـ .. لمـــــــــى .. ميـــــــــــــس .. ((مايد باقي له بس يومين ويرجع للإمـــــــــــــــارات ... متشووووووووق مرررررررره للرجعه ... """""""""""""""""""""""" ((انتهى البارت ... |
|
#285
02-01-2011, 05:44 PM
| ||
| | ||
| لبـــــــــــــــــــــــاب التاســـــ19ـــــــع عشـــــــــــر ..((ماقبل الأخيـــر )) الفصــــــــــــــــــــل الـــــ1ـــــــــأول ... ((ليـــــــــــــــــــــــــان ... توها طالعه من اختبارها بالجامعه .. شافت من بعيد على الرصيف .. ميشو واقفه .. التفتت يمين ويسار تدور على صقر اذا هو موجود او لا ... لما ماشافته بسرعه راحت للميشـــــــــــو ... غمضت عيون ميشو من ورى وهي كاتمه ضحكتها ... بس تفاجئت من ميشو لما دفتها وهي توها بتهاوش بس ابتسمت بسرعه ميشو لما عرفت انها ليان .. -(ميشو :~ ؤه سوري .. مادريت انه انتي .. -(ليان بضحكه صغيره :~ هههـ ... آسفه .. -(ميشو ابتسمت :~ وانتي للحين على أي شي تعتذرين .. جم مره بقول لج .. محد يستاهل انج تعتذرين له ... -(ليان نزلت راسها :~ هههـ آسفه ... -(ميشو غطت وجهها بستهبال :~ لااااااا خلاص ... -(ليان رفعت راسها وهي تقول :~ اقول مشاعل شرايج نطلع مع بعض .. -(ميشو سكتت شوي ..... ثم ابتسمت :~ يالله ... ((لما طلعو مع بعض وتمشو بالسوق وأنواع الضحك والسوالف .. ليان بقوووووه استاااااانست ... على الساعه 9 ونص ... ميشو وليان وهم بالسياره .. -(ميشو وهي تسوق :~ اقول ليان شلونج مع صقر ...!!! -(ليان نزلت راسها بضيقه ...) -(ميشو :~ ليان ممكن اسألج سؤال .. -(تفضلي ... -انتي تحبين صقر صح ...!! -(ليان رفعت راسها بسرعه وهي تقول :~ لا ... بس تبين الحقيقه ... من قبل كنت أكرهه كره مو طبيعي ... بس مع الأيام اكتشفت انو فيه طيبه كبيره ... رغم اتصفاته المتسلطه .. الا اني شفت كيف يحاول يكسب الحب والحنان بأي طريقه بينننا ... وهذا الشي بحد ذاته يبين مدى طيبته .. بس ... الحقيقه ... انه صار غالي عندي ... بس موب قادره أحبه ... صحيح هو خلاني انسى كل اللي سواه فيني ... بس صقر الحين بالنسبه لي ... غالي على قلبي ... وبس ... أما كحب ... يعلم ربي قد شنو حاولت أحبه بداخلي ... بس مو قادره ... صقر بالنسبه لي الحين زوجي وراح أحترمه بكل شي يبيه .. وراح أحاول اظهر له الحب ... وراح احاول بقد ماأقدر تكون حياته سعيده وياي ... -(ميشو :ئ وانتي مافكرتي بسعادتج ... -(ليان :ئ انا مايهمني سعادتي ... بما اني لقيت اهلي وأخواني ... هذا بحد ذاته أكبر سعاده لي ... اما صقر بالنسبه لي زوجي اللي راح احترمه وانفذ له كل اللي يبيه ... وانشالله اقدر اسعده وأظهر له الحب اللي هو يبيه ... -يعني افهم من كلامج بعد كل هالسنين انتي ماتحبينه ... بس تعتبرينه زوجج ..؟؟ -(نزلت راسها :~ اي .... ولو بيدي حبيته .... بس رغم هذا ماقدرت ابدا ... والزواج موب لازم لازم احب زوجي مثل ماهو يحبني ... المهم اني ابذل كل اللي اقدر عليه حتى لو مابداخلي حب له ... هو زوجي وراح يظل زوجي .... -(ميشو تنهدت :~ الله يوفقج ... بس تذكري .. أي شي تحتايينه دقي علي .... -(ليان التفتت على ميشو اللي تسوق السياره ... قالت بتردد :~ اقول مشاعل .. -(ميشو:~ هلا ... -(ليان :~ هو صحيح انتي ... آآآآآ.... تحبين راكان ..!! -(ميشو نغزها قلبها من سمعت بس اسمه ... سكتت شوي ثم قالت :~ لا ... ليه منو قال لج ..؟؟ -(ليان :~ لا بس ... كنت ابي اقول لج شي عنه ... -................. -(ليان كانت حاسه انو ميشو تحبه بس تكابر عشان كذا مابغت تحرجها اكثر وقالت:~ الحقيقه يمكن ماتعرفينهـــــــــــــا عنه ... بس أنا سمعت انه سافر عشان .... يعالج ... -(ميشو وقفت السياره على جمب بسرعه ثم التفتت عليها وهي تقول بروعه :~ شنو قلتي .!! -(ليان حطت يدها على قلبها بروعه من حركة ميشو .... -(ميشو بسرعه :~ ليان شقلتي تو ...!! -(ليان بلعت ريقها :~ قلت لك انه مريض وسافر يعالج ... -(ميشو حست بمويه ثلللللج انكبت عليها ... بسرعه قالت بعد تفكير وسرحان :~ مريض بشنو ..!! -(ليان هزت كتوفها :~ ماأدري ... -(ميشو ساااااااااااااااااكته .... وكلام ليان بتردد في بال ميشو ... :~ ماتدرين وين سافر له ... -(ليان :~ امبلا ... للإمريكا ...وعطى نارا رقم المرافق اللي وياه ... عشان تطمن عليه ... -(ميشو :~ وليش عطى نارا بالذات ...!! -(ليان بدت تحس بتوتر من ميشو اللي صار وضعها مررررربك وغريب :~ لأنها هي اللي طلبت منه رقم ... -(ميشو :~ وليش .. تحبه ..؟؟؟ -(ليان بسرعه :~لا لا لا ... اصلا نارا تحب واحد غيره .. -(ميشو :~ طيب دقت عليه ..!! -(ليان مدت بوزها :~ ماأدري ... -(ميشو :~ عطيني رقمه .. -مااعرفه .. اقولك مع نارا .. -طيب حاولي تدبرينه لي اليوم ... راح اترياج اليوم تييبين لي الرقم .. -(بخوف :~ خلاص ؤكي ... ((ميشو رجعت تتذكر كيف هو مريض ... تذكرت اخر مره شافته كيف كان شكله موب طبيعي ابدا ابدا .. ابدا .. تبي تسافر له بسرعه .... خاصتا انها ضيعت ايام كثيييره وهي ماتدري عنه ... ((لما وصت ليان للبناية شقتها ... التفتت عليها ليان ثم قالت بتردد :~ مشاعل انتي بخير ..؟؟ -(ميشو تفكرررر براكان وماتسمع أي كلمه قالتها لها ليان .. ليان حست بالوضع عشان كذا سكرت الباب بكل هدوء وراحت للداخل البنايه ... ((ليــــــــــــــــــــان لما وصلت شقتها .. طلعت المفتاح وفتحت الباب ... لما دخلت استغربت من الوضع هدووووء وظلااااااااااااااام ... توقعت فعلا صقر مو موجود ... لما لبست قميص حلو وهي مستعده تبدى صفحه جديده مع صقر ... ماحست الا بأحد واقف عند باب غرفة النوم ... لما التفتت بروعه لقت صقر واقف وهو متسند عالباب يطااااالع فيها بهدووووء... بلعت ريقها اللي جف من الروعه ... حست بخوووووف من نظراته لها ... شكله صاير مو طبيعي ... صقر تقدم من ليان شوي شوي ... أما ليان ترجع على ورى خطوه خطوه بخوف ... ليان صقعت بالسرير وطاحت عليه وقلبها يدق بقوووه من شكل صقر الغريب ... صقر دنق لها بقوووه ثم قال بشكل غريب :~ منو كنتي وياه ...!! -(بلعت ريقها بخوف ...) -(صقر مد يده على خدها بحناااان غرييييييييييب وهو يقول بنص ابتسامه غريبه :~ ياحلوه منو كنتي وياه ...!! -(ليان صارت رجولها ترررررتجف من الخوف ... حست بريحة صقر قبيحه ... سكرت أنفها وهي تقول بقرف :~ صقر شنو هالريحه ... -(صقر تحولت ملامحه بسرعه للجديه ... شدها مع شعرها بقوه وهو يقول بغضب :~ منو كنتي وياااااااااااااااه ... -(ليان :~ آآآآآآآآه ... .. آآآي صقر شعري حرام عليك ... -(صقر تركها ويدينه تررررررررررتجف من النار اللي تشتعل بداخله وهو موب اقدر يتحمل الصبر اكثر من كذا ... لف عنها وهو يقول :~ بسرعه قولي منو كنتي وياه ... -(ليان بخووووف :~ كككـ...كنت ... كنت ويى ... مممـ ... اختي تولين ... -(ضغط على كفه بقووووه يحاول يصبر أكثر :~ منو كنتي وياه ... -(ليان بخووووف :~ قلت لك كنت ويى توليـ.... -(قاطعها بغضب :~ جذابــــــــــــــــــــــــــــه ... (شهقت بخوف وغطت راسها بروعه .... ((صقــــــــــــــــــــــــــر ... خلاص .. ماعـــــــــــــــــــــاد فيه صبـــــــــــــــــر أكثر .. الصبر اللي بداخله دووووم انتهى ... نفذ صبره .. طفش .. مل ... أنفجـــــــــــر الولد من كثر مايصبر ويكبت غضبه ... صقر اليــــــــــــوم انسان ثانــــــــــــــــي ... ليان تأخرت عليه بدون مايدري وين هي ... شرب رغم انه يعرف حكم الشرب .... وبسبب ليان صار مجنون ... شرب كثيييييييييييير للدرجه انه نفذ صبره وبيطلع كل شي بداخله ... شدها مع قميصها القصير بدون روب وسحبها للصاله ... دفها بقوه على الطاوله وهو يقول بعصبيه تخووووف :~ منو كنتي ويااااااه ... -(ليان تررررتجف بخوووووف :~ كنت مع مشاعل .... -(صقر بهاللحظه مسك الجره اللي جمبه وبقوه كسرها عالأرض بغضب وهو يقول بصوت عالي خشن :~ مره عبدالمحسن ومره مشاعل ... وأنا وين رحت ... أنا ليش ماتحبيني مثل ماتحبينهم ...!!! ((تقدم منها وشد شعرها بقوه وهو يقول بين أسنان تتحكك ببعضها بغضب :~ قولي لي شبينج وبين مشاعل ..... شنو هالإشاعات اللي تطلع عنكم ... -(ليان نزلت دموعها بخوف وهي تترجاه يتركها :~ ووولله .. ووللله هي مثل اختي ... انت ليش موب واثق فيني ... أصلا كيف تفكر مثل هالتفكير القذر ... -(صقر دفها بقوه عالأرض :~ لأنــــــــــــــــــج بتيننيني .... أنا جم مره سكت ولا قلت شي رغم اني ادري انج تعيشين وياي وانتي تفكرين في عبدالمحسن ... حاولت قد ماأقدر انج تحبيني بس ليش ليش ماحبيتيني ...ليش..... أدري اني ماعندي اسلوب مثل اخوي عبدالمحسن ... بس انا شنو ذنبي ... انا جذي شخصيتي موب قادر اغيرها ... انتي بسببج خليتيني اتمنى لو كنت عبدالمحسن وبشخصيته ونجاحه ... انتي بسببج صرت اكره اخوي للجنون رغم اني كنت احبه وأعتبره ابوي واخوي وأمي وكل شي ... انتي بسببج نزلت دموعي رغم اني ماأبجي .. انتي بسببج صرت موب على طبيعتي ... حاولت اكون اللي تبينه عشان تحبيني بس مافي فايده ليش ... ليش ماتحبيني ليش ... ((رفع الطاوله بغضب ورماها على ليان ..... ليان شهقت من الروعه وبسرعه نزلت راسها ... بس رحمه من ربي انها جت خفيفه على جمب راسها .... صحيح نزل دم وبكثافه بس ماجت خطيره ... ليان رفعت يدينها للجبهتها اللي تحس انو في شي ينزل عليها ... بس تفاجئت لما شافت دم ... -(ليان بخووووف ودموع تنزل :~ شنو هذا ... شساويت فيني انت ...!! -(صقر لما حول عيونه عليها وهو يشوف الدم ينزل منها ... أخذ توحفه ثم رماها عليها وهو يقول بعقل سكران :~ وخذي هاي بعد .... ((التوحفه ظربت كتفها بقوه ثم انكسرت عالأرض ... ليان صرخت بقوه وهي تترجاه يوقف جنون ... -(صقر تقدم لها ورفعها من شعرها وهو شاده بقوه وبألم ... وليان تصارخ والجرح يعورررررررها بقوه .... -(صقر وهو يطالعها ببتسامه جانبيه مخيفه :~ تعذبي مثل ماعذبتيني ... موتي مثل مامات ولدي ببطنج .... أنا عندي ولدي محسن .... بآخذه وبربيه بعيد عنكم ... وخليج انتي مع حبيبج عبدالمحسن ... أنا أصلا أكتفيت من حبي لج ... لأني ادري انو مافي فايده منج .... خلاص بتركج على راحتج ... وساوي اللي تبينه ... انتي ياليـــــــــــــــــــــــــــــان .. طالـــــــــــــــــــــــق ... طالق طـــــــــــــــــالق ... وطالق للمليون ... ((ليان شهقت بدموعها .. تحاول تتكلم بس الصدمه ربطت لها لسانها ... هذا موب صقر ... هذا واحد ثاني ... -(صقر سحبها من شعرها ثم فتح باب الشقه ودفها عالأرض وبقوه وهو يقول :~ اطلعي جذي .... وخلي كل عيال البنايه يتسلون عليج .... عشان أضحك وأنا اشوف عبدالمحسن خاايب حبه فيج بعد مايضيع شرفج ... هذا عقابج .. خليج لا تحبيني .. بس تحملي ماييج ... ((سكر الباب عليها .. ((ليان كانت لابسه قميص خفيف وبدون عبايه ولا روب ... حتى وهي حفيانه ... نزلت دموعها على شكلها .. ووضعها المخيف ... ((تطق الباب مره مرتين وهي تترجى صقر يفتح ... بصوت ينتفض :~ صصـ ... صقر ... الله يخليـ..كـ.... آآآ.. أفتح ... تكفى ... تككـ... تكفى ... أفتح لي ... ((جلست تترجاه بس مافي فايده .... لفت لما سمعت أحد داخل اللفت بيفتح الباب ... بسرعه ركضت رغم انو رجولها موب قاويه توقف عليها من كثر ماهي خايفه ... حاولت توصل لين الدرج تحت شوي قبل لا يشوفها أحد ... لما سمعت صوت الشخص اللي طلع من اللفت .. دخل شقته وسكر الباب ... طلعت من الدرج وهي تزحف على رجولها اللي موب قادره توقف عليها ... طقت الباب مره ثانيه وثالثه وخامسه وعاشره ... بس مافي فايده تسندت عالباب ودموعها تنزل بدون أي توقف ودمها ينزف بشكل كبيره ... تحاول تضغط عليه بس خلاص الدنيا صارت تدور فيها ... ((لحظات وفتح لها الباب صقــــــــــــــر ... ((انتهـــــــــــــــــى البارت ... |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| هذه لوحة من أعمالي أتمنى تعجبكم | شهد22 | لوحات فنية و خط عربي | 22 | 05-27-2009 12:10 PM |
| صور أطفال ....((أتمنى تعجبكم)) | قطرية كيووت | أرشيف المواضيع الغير مكتمله او المكرره او المنقوله و المخالفه | 22 | 08-16-2007 01:51 PM |
| أتمنى أن تعجبكم هذه الصور | مبدع العالم | أرشيف المواضيع الغير مكتمله او المكرره او المنقوله و المخالفه | 14 | 08-10-2007 11:49 PM |
| كوكتيل صور أتمنى تعجبكم | دندوسة | أرشيف المواضيع الغير مكتمله او المكرره او المنقوله و المخالفه | 3 | 05-20-2007 02:16 AM |
| أتمنى أن تعجبكم هذه الباقة من الصور..... | زهرة الرمال | أرشيف المواضيع الغير مكتمله او المكرره او المنقوله و المخالفه | 13 | 01-17-2007 02:17 PM |
:ht: 
العرض العادي
