|
|
#41
09-23-2010, 09:59 AM
| ||
| | ||
| مرت على المحل ومستشفى عبدالمحسن رايحه للبيتها ... كان واقف الدكتور قدام بابه وهو يطقطق بجواله ... رفع راسه على صوت أنين ... طاحت عينه على ليان اللي حالتها صعععبه وكأنها تجر نفسها بصعوبه ... ركض عندها ومسكها قبل لا تطيح ... -(بخوف كبيييير :- ليان شفيج ؟؟؟؟؟ فيه أحد ساوى فيج شي ؟؟؟ -(سحبت نفسها بخووووف وهي خايفه من كل رجال قدامها وتكرههم كره العمى ... بدت تسرع خطواتها وهي خايفه منه .... عبدالمحسن موب فاهم وضعها ابدا ... لحقها وهو يقول :- ليان شفيج !!! ليان انطريني شوي ... (مسكها مع كتفها بقوه وهو يقول :- ليان اصحي شفيج ؟؟!!! من الجلب اللي اعترض لج ... من اللي خلاج بهالحاله ؟؟ قولي وش اللي خلاج بهالحاله ؟؟؟ -(سحبت نفسها بقوه وهي تقول بعصبيه عمرها ماطلعتها على أحد ... بس بحر مافيها وكرهها لكل الرجال اللي ماقد شافت في حياتها خير منهم ... لا أخوانها ... ولا أبوها اللي تركها وماتدري هي بنت شرعيه او لا ... وصقر اللي مكرهها حياتها وعيشتها ... بس عبدالمحسن شنو ذنبه ... هو كان الطف واحد معها من بعد عمها صاحب المحل ... بس مو بيدها غصب عليها صارت تكره كل الرجال كلهم ... -(قالت بين دموعها :- هدني انت ماتفهم ...!!!!! روح عن ويهي ... أكرهكم كلكم .... مسودين لي عيشتي ... وش تبون مني اكثر .... وبعدين جوابي لك لطلب لي بالزواج أمس هو لا .. لا يعني .. لا .. اصلا انتم يالرجال كلكم سوا ... كلكم حقيرين .... كلكم على بعضكم ماترحمون ... دكتور هدني الله يوفقك ... هدني بحالي ... (لفت عنه وهي تركض للبيت ... عبدالمحسن يتذكر ليلة أمس .. طلعت ليان من المحل وهي رايحه للبيت ... -(عبدالمحسن كان ينتظرها وهو جالس على عتبة باب المستشفى ... -ليـــآن ... (التفتت عليه ليان مستغربه وش يبي منها !! :- نعم .. -ممكن شوي من وقتج ... -(الرتبكت شوي وهي تقول :- آآآ ... بس .. -صدقيني ماراح اطول عليج بس شوي ... -طـ...طيب .. -(برتباك كبيـــــــــــر :- آآآآآآ ... ماأدري اذا اللي بقوله لج بيعجبج او لا ... بس اللي ابي اقوله ان هذا اللي راح اقولج اياه يهمني كثير ويهمني جوابج ... -............................ -آآآآآآ ... لـ ... ليان انا تدرين ماعندي أحد بهالدنيا غير اخوي الصغير .... و... وأنا الحين المفروض لو ... لو اني متزوج كان ولدي عمره ثمان سنوات بالكثير.... ولأني مالقيت اللي تناسبني او قلبي حبها .... عـ ... عشان جذي انا بآخر ايامي صرت افكر بجد في الزواج .... و.... وأنا افكر فيج انتي .... ليـــان .... تتزوجــــــــــــــــــــــــــيني ؟؟؟؟ (ليان كانت واقفه بس بعد ماسمعت كلامه حست برجولها ماعاد تقدر تشيلها ... جمدت من الصدمه ... آخر شي توقعته ان فيه احد بيتقدم لها بزواج وهي مالها أصل .... مستحيـــــــــــــــــــــل اللي قاعده اسمعه .... مستحيل احد يبي لعياله أم مالها أصل !!!!! -(عبدالمحسن شاف انها ماراح ترد وقال :- موب لازم تردين اليوم ... فكري عدل ... بس صدقيني انا جااااد بموضوعي هذا ..... (ودها تسأله لي شانا بالذات ... معقوله رحمه فيني يسوي جذي .... لأنه مستحيل فيه أحد يفكر بالحب فيني ... مستحيل احد يحبني ... هذي اكيد رحمه منه ... لأن مالي أحد قال جذي .. -(نطقت وأخيرا :- ليش انا بالذات !!!!... -(الرتاح انها عالأقل ردت وقال بسرعه :- لأني احبج ... وأنا متأكد من كثر ماأفكر فيج ... ليان انتي خذتي عقلي وكل تفكيري من زمان وأنا ماأدري ... انتي خذتي قلبي .... وأنا موب مستعد اكون بعيد عنج أكثر من جذي .... وصدقيني راح تكونين بعيوني ... وأمج بتكون مثل حسبة امي .... بس انتي وافقي .. (ليا نحاسه في قلبها فرح موب طبيعي .... معقوله هو يبادلها نفس الشعور وهي ماتدري ... ودها تقول وانا بعد احبك ....ودها تقول انها موافقه .... بس ماقدرت من توترها والرتباااكها ... فضلت بيوم ثاني ترد عليه ..... بس مثل ماشفنا ... صقـــــــــــــــــــر هو السبب في ردها بالرفض .... هو السبب اللي خلاها تنعدم ثقتها بكل الرجال .... حتى عبدالمحسن اللي تحبه .... صقــــــــــــــــــــــــــــــــــــــــــــر هـــــــــــــدم قلب أخوه وقلب ليان بدون مايحس ... صقر هدم سعادة اخـــــوه بدون مايدري ... (ليان لما دخلت البيت وهي تبكي من قلبها لأنها قالت ذاك الكلام بدون ماتحس للدكتور ... مرت على أمها والرتمت بحظنها وهي تبكي .... -(تقول بشهقات بين دموعها اللي ماوقفت وزادت أكثر من بعد الدكتور :- يمه لحقي علي ... يمــــــــــــه ... يمه ليش الدنيا ضدي جذي .... يمه ليش جذي ليــــــش ..... يمه انا أكره الناس كلهم اكرههم .... حرموني من سعادتي وأولهم أهلي الله لايســـامحهم .... ليش تركوني .. ليش تركوني لهالدنيا القاسيه ليش ... ليش يساوي فيني جذي ابوي وأمي .... لي شانا بنت غير شرعيه ليش ... أكيد انا بنت موب شرعيه ولا ليش هدوني .. ليش يمه جذي ليش .. يمه انتي الوحيده اللي باقيه لي ....انتي الوحيده اللي احبها من كل قلبي ... كل الناس انانين ... ماهمهم غير سعادتهم ومصلحتهم وأحنا الضحيــــــه ... ليش مايفكرون بنتايج اغلاطهم قبل لا يجيبوننا ... ليشي بون لنا التعاسه بالحياه عشان سعادتهم .... يمه الله يخليج لي ... يارب ... يمه قولي لي أي شي تكقين ريحيني ... وريحي قلبي اللي مليااان هموووم وحقد على هالناس اللي مايرحمون ... يمه تحجي قولي أي شي .... (سكتت شوي ثم كملت بخوف :- يـ ... يمه .... (رفعت راسها من حظن أمها اللي هي اصلا كانت منسدحه على فراشها .... مدت يدها بتردد تلمس خد امها المتجعد .. -يمـــه !!! يمه انتي تسمعيني ؟؟؟ (هزت كتفها بس العجوز موزه ماردت ... ولا فتحت عيونها ... صايره مثل .. الجثــــــــــــــــه الهامده .... معقـ ... معقولــــــه ماتـــــت امي !!!! لا لا مستحيل ... مستحيل الدنيا عاد تكون للهدرجه ضدي ... مستحيــــــــــــــــل ... -(صوتها وكل ماله يرتفع ودموعها وقفت وجففففففت :- يمه يمه ردي علي ... يمه يمــــــــــــــه ... يمه عفيه ردي علي ... يمه ... يمه لا تتركيني .. منو باقي لي ... منو يمه ... يمه الله يخليج لا تروحين وتتركيني ... يمه ... يمـ ... يمه .. انتي تسمعيني ... يمه ردي الله يخليج ردي .. يمه عفيه ردي علي ... يمه لا تهديني بروحي بين هالناس .... (على صوتها أكثر وهي تصارخ بجنون :- يمــــــه يمــــــــــه .. يمه ردي علي ردي .. اقولـــــج ردي علي ... شفيج ساكته جذي ... يمه فتحي عيونج وظميني لج .. يمه انا محتاجه لج بقوه ... يمه ردي علي ردي ... (وهي تهزها بقوه وتردد كلمة يمــــــه ... ليــــــــــــــــــــــــان الفتاة التي لم ترى يوم من ايامها جميل وسعيد ... منذ طفولتها لم تعش سعادة الأطفال وهم يلعبون .... كل وقتها تعتني بأمها العجوز... كل وقتها تشتغل أي شيئ فقط من اجل المال لكي يأكلون فقط ... ليــــــــــــــآن لاقت بحياتها جميع الالام أكثر من أخوتها اللتي لا تعرفهم .... كانت صبوره وتكتم بقلبها ... ولكـــــن اليوم شعرت بأن كل مابقلبها تفجر مره واحده .... كل شيئ بالنسبة لها يهون عند وفاة امها التي أوتها وهي وحيده دون اب او ام ... (ولأن لنتركـ ليــــآن تواجــــه آلآمها وحدهــــــآ ... والنتوجه الى فيصـــــــل .... فيصل بالطريق رايح للعين وتقريبا باقي ربع ساعه ويوصل ... شاف على جمب الطريق سياره موقفه وبنت جالسه عالأرض حمب السياره ... وقف عندها ثم نزل .... -(شافها وهي مغطيه وجهها بين رجولها تحت هالشمس ... أقدر أخدمج ؟؟؟؟ -(بدون مارتفع راسها :- اقول تلايط على بالك بركب معك شايفني غبيه لأنك مستغل هالفرصه وانا سيارتي خربانه ... تعرف وش معنى تلايط .... ولا أقولك ؟؟؟ -(فتح عيونه أقوى شي من وقاحتها .... هذا جزاه ..!!!! قال بهدوء :- أحسن احترقي تحت ذالشمس ... -جعل الله يحرق شنبك ... تلايط بس لا أطلع اخلاقي الشينه عليك ... -(بقلبه .. أكثر من جذي أخلاق زفته ؟؟؟ ماأتوقع ... بس مارد عليها ومن طبعه المعروف ....الحقراااااااان ... بس لحدود اكيد .... لما سمعت صوت الباب تسكر رفعت راسها بسرعه وهي تقول بصوت عالي :- هيه انت معك دبة بنزين ؟؟؟ -(قال بصوت عالي وهو يطل براسه من الدريشه لها :- جعل الله يدب راسج ... (طلعت عيونها من القهر .... بس فيصل ماعطاها وجه ومشى بالطريق ... شخصيــــــــــــــــــــــــه جديده وتقريبا راح تكون مهمـــــــــــــــه ... تدعـــــى ... أميـــــــــــــــــره ... وأميره بملحهــــــآ وطفولتها ... شعرها لين كتفها أسسسسود بس صابغته كله عسلي ... لون عيونها برضو سودا بس لا يمكن تتنازل عن عدساتها الاصقه لونها عسلي .... بكل مكان تلبسها .. لدرجة ان الغالبيه يحسبه لون عيونها الحقيقيه ... لون بشرتها قمحي... بس تحب تخلي لون بشرتها( برونز ) .. فيها ملح موب طبيعي ... واللي مملحها خدودها وغمازاتها ... بس عيبها الوحيد انها موب لذاك الزود طول .... وحجمها صغنوووون ... اللي يشوفها يعطيها بعمر (15) ... بس هي عمرها (19) سنه.... لبسها دوووم السبورت .... تعشق كل أنواع الرياضه ... تحظر مباريات كورة قدم ومتعصبه لفريقها ... وعربجيه درجه أولى .... (شافت سياره بعيده جايه صوبها ... وقفت وهي تأشر ... -(لما نزل صاحب السياره قالت :- مابغيت تيي ... لطعتني هني تحت هالشمس ... -ولله محد قالج روحي للعين بروحج في هالطريج !!!! لو صاير لج شي ؟؟ فيه بنيه تروح من دبي للعين بروحها ؟؟ انتي مينونه ... تدرين لو أمي تدري وش بتساوي فيج !!! بتذبحج ... -(ابتسمت لأخوها جراح :- أي اصلا اخوي ماراح يقولها أكيد صح .... -لا بقولها وتشوفين .عشان المره اليايه مارتوحين لحالج ... -عيل ولله ماركب وياك .. وبقع دهني لو حتى اموت ... -(طالعها وهو فيه الضحكه :- أحسن أ ..... (قطع عليه وصول حمالة السيارات ) -هه وهاي السياره يت عشان تحمل سيارتج ... وانتي انطقي هني ... -(بعناد مسويه ماهتمت :- أحسن .. (لما حملو سيارتها وراحو قال جراح :- يالله سلملم ... -(تطنز :- سلملم ... (ركب السياره وفعلا مشى ... أميره على أعصابها .. واقفه لحالها بالشارع .... وهي تقول بقلبها :::: جعل كفرك ينفقع ... يارب ينفقع يارب ... (مشت على الطريق الفاضي .... شوي شوي وبدت تركض ومعزمه انها توصل للعين بنفسها لأنو اصلا مابقى الا القليل وتوصل ... تركض وهي تصارخ هبال تبي تهون على نفسها وتحمس نفسها للوصول ... وبنفس الوقت خايفه لا تجي سياره وتلقطها .... بس حست بسياره بعيده جايه صوبها بالعكس ... عرفت انه جراح .... هدى جمبها وهو يقول :- اميروه ركبي ترى موب فاضيلج ... -ومنو قالك ترجع لي ؟؟؟ -اقول ركبي ولا ولله لا أعلم صج امي ... -(طالعته :- صج لو اركب وياك ماتعلمها ؟؟؟ -أي بس يالله بسرعه قبل لا أركبج غصب .. -يالله بما انك ملزم ؤكي وش اسوي لك ... (ركبت وجراح مطير عيونه عليها ... صدق ذالبنت لسانه طول مترين ... فجأه قان يضحك لفكرة لسانها طول مترين ... يتخيل شكلها تسحب بذالسان ... التفتت عليه وهو يسوق ويضحك ... -هيه أنت بسم الله عليك ... شفيك تضحك ضحكنا وياك ؟؟؟ -هههههـ ... أتخيل شكلج بس بلسان طوله مترين (وهنا فقع ضحك ) .. -(أميره صغرت عيونها وهي تقول :- يارب !!!!! ... الحين تنكت ولا تحاول ؟؟؟ -(سكت وهو متفشل نص ونص ) لفت راسها للدريشه وهي تقول :- تدري اليوم بغيت أنخطف على الطريج ؟؟؟ -(يسوي حاله متحمس لأنه مو مصدقها :- يؤ بغيتي تنخطفيـــن ... لا عاد هذي قويه ... -تطنز انت وويهك ... -(ماسك ضحكته .. بس اميره ماهمها وألا بتكمل سالفتها :- تخيل بكل عين قويه يقول :- ركبي سيارتي وأنا أوصلج بنفسي ... هذا علباله أنا غشيمه .. أصلا انا فاهمته ...همه أنا وبس .. -ؤخص مسويه انتي الحين ان الزلد يايب لج خبر !! -أي اكيد بييب لي خبر بما اني بنيه ياغبي .. موب شرط يكون يعرفني يادرج ... -درج يصفقج على ويهج .. أنا جم مره قلت لج لا تغلطين علي .. -(خافت بس حاولت ترقعها :- الله يرجك ياخي .. انت وش فيك تعصب بسرعه من المزح وين روحك الرياضيه ؟؟ (مسك ضحكته عليها وكملو طريقهم على سوالف أميره اللي نصها فقش من عندها ... هو يدري انها فقاشه بس يسلك لأن سوالفها تعجبه وتظحكه بنفس الوقت ... """"""""""""""""""""""""""" عالعصر ... توليــــــــــــــن جالسه بالكرسي الهزاز اللي برآ في حديقة بيتهم وحاطه بحجرها اللاب ... تطالع مقطع باليوتوب وهي بنفس الوقت تفكر لو كان الحين معها ايميل الدكتور طلال ... فكرت لو تدق على سعد وتاخذ الايميل منه ... بس فشيله وهو اللي قالها تجاهليه وبعدين تجي الحين وتدق ... لا مايصلح شكلها بيصير غلط ... فكرت لو تدق وتاخذه من جوجو نفسها ... أي هذا أحسن حل ... هاه للـ .. لا وش جوجو بتشك .... او بتقول شنو اللي بترسلينه ؟؟؟ مافي شي الحين ؟؟ اييييوه مافيه غير كارلين ... ادق عليها أحسن ... دقت على صاحبتها البنانيه كارلين .. -ألـــــو ... أهلين كارلين ... شخبارج ؟؟ -ييييييييي تولين وينك انتي من زماان عنيك ؟؟؟ اهليين فيكي .. انتي خبريني عنيك ؟؟ شو أخبارك انشالله منيحه .. -(ابتسمت :- يب منيحه كتير .. أمممممم بدي أطلب طلب ممكن ؟؟ -أكيييييد حبيبتي انتي ؤؤمري بس .. شو بديك ؟؟ -آآآآ ... أبغة ايميل الدكتور طلال ؟؟؟ أكيد وياك صح ؟؟ -أي ليش انتي ماخدتيه ؟؟ -أممممـ ... لاء ... -ؤكي راح أعطيكي اياه بس شو بدك منو هلئ .. يعني هوآ ماعطانا واجيب !! -(ؤفففففـ ياشين القافه :- لا حبيبتي انا ابي اسأله كم سؤال ... بس اذا مو حابه تعطيني عادي ماأجبرج علـ ... -(قاطعتها :- لا لا شو مابدي !!! يالله سواني وراح أعطيكياه ... -خلاص انتي دزيه لي بمسج .. ؤكي .. ؤكي حبيبتي ...يالله باي .. (سكرت بدون ماتقول باي كعادتها ... ماترد ولا تقول باي او مع السلامه ... يمكن غرور ويمكن تكبر <~ وش فرق هع .. دقايق ووصلها المسج .... فتحته بحماس ... اضافته عندها ولحسن حظها طلال كان جالس على النت وفاتح ايميله ويكلم صاحبه عالمسن ... جته اضافه ..... عرف انها أكيد من طلابه .... قبل الاظافه ... من جهة تولين توترت لما شافته متصل ... ياربييييه اكلمه ولا لاء ؟؟؟؟ أي اكلمه ولا أقوله انه أنا ... ولا اصلا مستحيل راح يحاكيني لو يدري انه انا ... -(رونـــــــــــق :: سلام دكتور ... (طلال كان متحمس مع خويه ... استغرب من اللي حاكاه رغم انه قايل لهم المسن لا يمكن اكلم احد .. بس رسائل ايميلات لا غير ... -(مارد عليها ... -(توقعت انه ماراح يرد عليها بس هي مصررره وتعرف كيف تجيب راسه :- دكتور ضروري ابي اسألك عن المحاظره فيه فقره ماعرفتها .. -(وأخيرا قال .......... تقدرين ترسلينه بايميل .... -(رونــــــق :- هو سؤال بس صغير ..... ممكن ؟؟ -(تنهد وهو ماوده يرد بس حب يختصر الموضوع وقال :- Ok….. -(ابتسمت وهي تكتب السؤال ولو انها ماتتذكر أي شي من المحاظره اليوم ... لأنها تفكر بكلامه لها ... لما انتهت رد عليها بكل بساطه :- سؤالج شوي غريب ... شكلج اليوم مو منتبهه ويانا عدل ؟؟؟ -سوري .. -انتي بنيه صح !!! -أي ... -المهم جواب سؤالج هو ..................................... (لما انتهى وهي كل شوي تسأل عن نفس هالسؤال .... طلال طفش منها وقال :- انا طالع وأعتقد ان اسألتج خلاص ياوبت عليها ... (ماحبت تنرفزه منها حتى بالمسن .... قالت :- ؤكي الله وياك ... (طلع بدون مايرد عليها ... تولين ابتسمت وهي تقول بصوت واطي :- أنا وراك والزمن طويل .... -(امها كانت وراها :- من هذا اللي انتي وراه ؟؟؟ -(الرتبكت :- هاه للللـ ... لا هذا .. أي أي هذي وحده من البنات ... -وتقولين لها وراك ؟؟؟؟؟ موب وراج ؟؟ -هه ههه أي للـ ... أي قلبت شوي سعوديه __^ ... -(مشت عليها ثم قالت :- شوفي ترى انا بطلع وبعد شوي بيي ولد خالتج مايد وفتحي له عشان يعطيج فستانج اللي صجيتينا فيه بالمشغل ... -ومنو طلب منه هذا ييب لي فستاني ؟؟؟ -انا ... ويالله عن الهذره اللي مالها سنع .... -وين بتروحين طيب انتي ؟؟؟ -بروح لليارتي من زمان مازرتها وهي تعبانه ... يالله انتبهي لنفسج وقبل لا تفتحين الباب تأكدي انه مايد موب حد ثاني .... الله يحرسج (ثم سكرت الباب بعدها ... """"""""""""""""""""""""""""""""" |
|
#42
09-23-2010, 10:04 AM
| ||
| | ||
| نارا جالسه بكافي لحالها ...... -(القارسون :- شو بدك انسه ؟؟؟ -(ماطلعته وهي تأشر بيدها انه يروح عنها .... استغرب منها بس احترم رغبتها وراح ... جالسه وهي تطالع خلف القزازه بالشارع .. والناس رايحين ورادين ... جالسه من أول ماطلعت من الجامعه لين الحين الساعه خمس ونص العصر ... لمحت زول شخص واقف من بعيد ويطالعها .... حاولت تدقق فيه بس شوي واختفى بين زحمة الناس .... ماحست الا باللي واقف عندها يقول :- انتي للحين تتذكرين مجاننا هذا .. (رفعت راسها بسرعه وانصدمت لما شافت ريان واقف عندها وهو مبتسم ..... -(وقفت من الربكه وهي ساكته ... ابتسم لها وهو يقول :- شفيج انتي كل ماشفتيني اخترعتي ؟؟؟ -هاه ... آآآآآ .. لللـ .. لا موب قصدي يعني ... بس يعني آآآآ ...يعني ... -ههههه شفيج دقرتي على كلمة يعني !!!! طيب ماودج تقولين لي تفضل ؟؟؟ -هاه اكيد ولو .... (لما جلسو للحظات وهم ساكتين جت بتتكلم نارا بس ريان قطعها وهو يقول :- ماقلتيلي شخبارج ؟؟؟ وكيف أهلج ؟؟؟ انتي للحين ساكنه بذيك الشقق ؟؟؟ -أي .... وأهلي الحمدالله بخير ... -(ابتسم بلطف وحنانه اللي تعودت عليه وشتاقت له حيييييل :- وانتي !!! ابي اعرف كل شي عنج ... وحشتيني ياظالمه ... -(أول مره تحس ان نفسها انقطع عن الكلام ... ماتدري وش تقول ... -(ريان ينادي عالقارسون :- سكيوزمي بليز ... -(القارسون :- نعم شو بتؤمر ؟؟؟ -أبي هذا اللي بالمنيوم محدد عليه آنآ ... -حاضر سواني بس وكل شي راح يكون جاهز لك وللآنسه __^ ... (نارا كانت منزله راسها .... -ريان :- تدرين شنو طلبت ؟؟؟ -(تناظره بتعجب :- شنو ؟؟؟ -مكرونه بالبشاميل ... اللي اننتي تحبينها ؟؟؟ -(حست بقلبها بيوقف ... كيف يتذكر كل شي عنها وكل اللي تحبه وهو قبل ساعات مهزئها ويقول ماعرفج .... جت بتسأله بس هو قاطعها :- نارا ... -هممم... -انتي غاليه على قلبي تدرين !!! -(جمدت وهي مو عارفه وش تقول بس فضلت الصمت عادتها ) مد يده ومسكها وهو يقول بحنان :- صج انا مشتاقلج .... (بهاللحظه قاطعهم ولد صغير يقول :- ممكن تقول لي وين دورات المياه ؟؟؟ -هنيك حبيبي ... -بس انا مو عارف وين بالضبط ممكن تدلني ؟؟؟ -ؤكي ولا يهمك يالله تعال وياي ... (لما قام نارا التفتت على القزازه للشارع وشافت نفس الشخص اللي يطالعها من قبل نص ساعه ... وقفت بسرعه وطلعت من الكافي بتشوف مين هذا بس اختفى فجأه ... دورت من هني ولا من هني بس مافي فايده اختفى ؟؟؟؟ معقوله يكون يزيد بعد لاحقني هني ؟؟؟ لا موب معقوله ... لما رجعت لقت ريان واقف يطالعها بين الطاولات .... ابتسمت وهي رايحه من عنده تقول :- شفيك واقف هني ؟؟؟ يالله تعال خل نيلس ... (مشى وطلع من الكافي مطنشها ... لحقته وهي تقول :- ريان وين رايح شفيك ؟؟؟ -(التفت عليها وهو يقول بعصبيه :- انا جم مره قلت لج مابي اشوف ويهج .... انتي ماتفهمين ولا شنو شنووو ... (راح من قدامها وهو تاركها بدوامتها .. وبعصبيه في قلبها شوي ... هذا يستهبل علي ولا شلون ... يستخف دمه وياي ... يلعب باعصابي ولا بمشاعري له ؟؟؟؟ ريان فيه موب معقوله يساوي جذي عن غباء !!!!! (يزيد واقف من بعيد عنها ... التفت على ريان اللي مشى بعيد عنهم ... بسرعه راح يلحقه .... يبي يعرف وش سر تعامله مع نارا جذي ... """""""""""""""""""""""""""""""""""" بعد يومين .... في حارة ليان .... الكل عرف بموت الأم و.... واختفــــــــــــــــــــــــــــــــآء ليان .... دورو عليها بس مالقوها ... عبدالمحسن بيموت من الهم اللي بقلبه خايف عليها ... ياربيه وينها هذي .. يومين مابينت لنا بالحاره .... (تذكر آخر مره شافها وش الكلام اللي قالته له ... حس بغصه في نفسه .... والدنيا مو سايعته من الظيقه والخوف ... ~~~~~~~~~~~~~~~~~~~~~~ ليـــــــــآن مختفيه لها يومين ..... ومحد يدري وين هي ... حتى دفنو أمها بدونها .... أختفت من ذيك الليله .... فـــــــــــــــــي غرفه صغييييييره مرررررره وقبيحه ومكسره ... جالسه ليان فيها .... تبكي على حظها اللي شتتها بين هالحواري ماتدري وين تروح .... دخلت بيت مهجور ... بآخر الحاره ...... رغم خوفها الكبير الا انها صارت تخاف من اللي برآ (البشر ) أكثر من هالبيت المهجور .... جالسه ودموعها مانزلت من لما توفت أمها ... وفجأه ماعادت تبكي .... يمكن من هول الصدمه ... بس الصمت هو وسيلتها ... الحزن والضيقه اللي جواتها محد يقدر يتحملها بهالدنيا ... طعم الحياة المره اللي عاشتها محد قد ذاقها وهذا من رايها ... ضامه رجولها للصدرها وهي تهز روحها ... تناظر القزاز المكسور قدامها .... رفعت يدها تلمس شعرها ..... تقدمت وخذت القزازه .... وبدت تمسك خصلات شعرها وتقصصهم بقوه .... قصت أول خصله وقلبها يعورها من داخل ... من نعومتها تحب شعرها ... بس الحياه كرهتها بكل شي ... لما انتهت من شعرها وهي تطالع قصاصات شعرها المتناثر على الأرض ... حست بكبته جوات روحها موب قادره تطلعها ... لمست شعرها الـ .... بـــــــــــــــــوي .... فصخت عبايتها وهي كانت ماخذه معها كذا لبس ... لبست تيشيرت واااااسع وبنطلون كمان واسع ... طلت على شكلها بالمرايه المكسوره ... كيف صاير شكلها هزيييييييييييل ... وشعرها اللي صار بووووي .... فسخت النظاره وحطتها بالعلبه ... رفعت قبعه كانت شاريها لها عمها من زمااااااان ... لبستهاوحاولت تنزلها على وجهها عشان مايبين ... تنهدت وهي تقول بقلبها :- اليوم راح ابتدي حياة جديده وبعيد عن الناااس كلهم ... وبعيد عنك يا.... ياعبدالمحسن ... ........ فكرت لو تروح تدور لها أي شغل ... وأي أحد يشوفها بالشارع يتوقع انها ولد ولا يعترض لها بسوء ... كانها ولد واظح عليه الفقرررر .... من يبغى ولد فقير بيسرقون منه أو يعترضون عليه ... راح تتقمص شخصيه ثانيه .... وتتمنى لو محد يكشفها .... وخاصتا عبدالمحسن .... طلعت تدور لها أي عمل ....... نتركه ليونه وهي تدور لها على عمل بشخصيتها الجديده ... ليـــــــــآن خلف قناع ولد ... هذي الوسيله الوحيده عشان تضمن حياتها تستمر بسلام .... """""""""""""""""""""""""""""""""""""" فيصل وهو واقف في ساحه كبيــــــــــــــره بالعين .... وهي ساحة الطائرات الصغيره ... ماسك جهازه المحرك ويحاول يشغله بس ماشتغل ... طيارته مو لذاك الزود كبيره يعني هي تقريبا اصغر طياره من بين الأشخاص اللي حواليه ... سمع صوت وحده تهاوش ... التفت ولقى مجموعه محتمعين على حاجه بس مايدري شنو ؟؟؟ لما قرب دخل بينهم يبي يشوف وش السالفه ومن هذي اللي تهاوش وقف وهو يطالع هالوجه اللي موب غريب عليه .... قرب عدل يبي يتذكر وين شايف هالوجه .!.!!! -(أميره وهي تهاوش على الولد اللي قدامها :- ولله لو ماتعدللي طيارتي اللي خربت درقسونها ان اتوطى ببطنك .... انت فاهم .. -(الولد :- انا ماساويت لج ولا للطيارتج شي انتي اللي حديتيني بالهوا وصدمت طيارتي بطيارتج .... يعني ماراح أصلح لج طيارتج ... -(عصبت أكثر وهي شوي وتهجم عليه بس تحاول تضبط اعصابها ... خذت جهازه المحرك للطياره وقالت :- ولله لوماتصلحها ان أكسرها لك فاهم .... (وبصوت أعلى :- فــــــــــــــــــــــآهم ... -(سحب منها الجهاز وهو يقول :- لا مافهمت وللي تبين تساوينه ساويه ... (لما لف بيروح عنها مسكته من ورى وجرته من خفة الولد النحيف ... تقدمو كذا شخص يمسكونها عنه قبل لا تتهور .... -(وهي شاده قميصه من ورى سحبت الجهاز ثم دفته وهي تقول :- أجل متى مافهمت تعال وخذ جهازك مني ... ويالله خليني اشوف طيارتج على شنو بتطير من دون جهازها المحرك ... (الولد عصصصصب من قلب ... بس لما جى يقرب منها قالت :- ولله لو تقرب مني او تلمسني ان اشتكي عليك بتهمة التعدي على حقوقي وهي طيارتي كسرتها ياحمار وانك تجرئت ومديت يدك علي ... وخلني اشوفك بالمخافر يالمعصقل ... (الولد في قلبه ناااار وده يطقها بس مايقدر يمد يده عليها .... فيصل مسك ضحكته على السان هالبنت ... وده يعرف وين شايفها بس ناسي .... التفتت اميره من جهة فيصل بتروح عنهم ... بس صدمت بصدر فيصل رفعت راسها وجاي شكلها غلط ... هي طولها يعني موب مره وهو طوييل وجثه ... انصدمت لما تذكرت وجهه بالطريق للعين .... قالت :- وانت هيه شتبي لاحقني !!!!!! (وهي تقول بقلبها ... لا يكون مصرررر انه يخطفنـــــــــي !!! يؤ يمه بسم الله علي ... يخسى الا هو ...موب قادر انا الراويه الشغل ... -(فيصل تذكرها هي اللي بالطريق علطول تنرفز لما عرف انها هي ذيك .... لف عنها ومارد عليها ... -(أميره حست بقهر ليش كذا يحقرها وكأنها ماتكلمه .... لحقته وهي تقول :- هيه أنت تراني عارفه حركاتك هذي علبالك ماتعرفني !!!! شف اذا بتسوي فيني شي ولله لا أقول للأخوي يتصرف وياك ... -(لف عليها وبقلبه ضحكه عليها :- انتي اللي شتبين لاحقتني وطالعه لي بكل مجان ؟؟؟؟ -هاهاهاااا يبئى بأحلااامكـ ياوااد ألاحق ويهك من حلاته !!!! يعني مصدق انك بتخققني بذالعيون الزرق مدري وش لونها ؟؟؟؟ (وهي بقلبها تقول ... يعن أبو ذالعيون ماحلاها ... ولا ذالشعر الأشقر !!! هو عربي ..) -اقول انت الحين من وين !!! (قالتها بابتسامه فجأه ... رفع حواجبه مرتاع من مزاجها ... -وانتي شكو !!!! -(حست ان وجهها طاح وهي تقول :- لا بس شفتك أشهبن الهب قلت ذا شكله ياباكستاني ولا مصري <~ يقالها ترد الفشيله له .... -(ابتسم وهو يقول :- وبرضو انتي شكووو !!!! -بقلعتك الله يقلعك ... (لفت عنه وهي رايحه للطيارتها الكبيره وواظح عليها غاليه بس مكينتها تعطلت بسبب ذاك الولد رغم انها هي الغلطانه ... حادته بالهوآ وصدمت فيه وبكذا خربت المكينه ... فيصل يطالعها بقهررر وهو يقول في نفسه .. صج ماأوقحها هالبنت ... لسانها أطول منها ... ذا قدها كبر اصبعي ولسانها طولي مليون مره ... راح للطيارته وهو يشغلها .... التفت على مراقب النادي هذا :- لو سمحت ابي أسألك متى المسابقه !! -بعد يومين .. ماتشوف هذيج البنيه ليش معصبه !!! طيارتها جديده وعلطول خربت .. رغم ان الكل داري انها هي الغلطانه وأعتقد حتى هي تعرف انها الغلطانه بس الا تعاند مثل عادتها ... ماخلت أحد هني بالنادي الا وتطاقت وياه .... ياخي لسانه متبري منها !! رغم انها صغيره عمرها تسع تعش على ماأعتقد ... -(بصدمه كبيييره :- تسع تعـــــــش ... -أي شفيك أخترعت !!! -يؤ حسبالي عمرها ست تعش ولا خمس تعش ؟؟؟ -هههه أي أول ماياتنا هالبنيه الكل استلطفها على بالهم صغيره وأعتبروها أختهم الصغيره بس مامداهم يحاجونها الا طلع لسانها هذا وهي تهاوش وتقول أبزر عيالكم أنا جايين تقولون لي ياحلوه ياشطوره .. ومن هالحجي اللي ماله نهايه ... -يؤ يؤ يؤ هذي صج ملسونه ... -أي ومابعد شفت شي .. -غريبه انا آخر مره ييت فيها العين قبل شهر ماشفتها ؟؟؟ -أي هي يديده هني ... تصدق اذا مايت يصير الساحه هني مالها صوت غير الطيارات .. بس اذا يت هي صوتها يعلى أكثر من صوت الطيارات.... عاد تدري !!! ولله هي اللي خالقه لنا جو مرررح ... صحيح انها كل يوم تتهاوش مع أحد بس توسع الصدر ... بالأخير تجي وتقول للي هاوشته بضحك ...(يقلد صوتها :- الحين انت مسوي نفسك زعلان ... اقول لا يكثر وتعال خلنا نتسابق ... وكأنها ماساوت شي وياه قبل ... بس خلاص الكل تعود عليها وصرنا ماناخذ طقاقها بمحمل الجد لأنها لا يمكن تترك الطقاق عنها ... -صراحه ماأدري شلون صابرين عليها ... -هههه انت بتعرفها بعدين وقول لنا شرايك فيها ... -ومنو قالك اني ابي اتعرف عليها من حلاة ويهها ذي ؤم لسانين .. -(صوت من وراهم :- ؤم لسانين بعينك .... خير انشالله تحش من وراي ... ولا عشاني وريتك العين الحمرا رحت تستقوي علي بس من وراااي .. أي اعترف وخلصنا ... -(ناظر فيصل للمراقب وهو يقول بصوت واطي :- ؤف فجني منها واللي يعافيك ...انا ياي هني أغير جو موب ناقصني ذي تطلع علي وتخرب لي سعة صدري هني ... -(أميره وهي تطل براسها عليهم :- هيه انت وش قاعد تتساسر ويى حمود ... (المراقب اسمه أحمد ... بس هي تدلعه بحمود ... دايم يضحك غصب عليه اذا جت تسولف ولا تسوي نفسها معصبه وهي مع جمبها .. بس هالمره ماسك ضحكته ... التفت فيصل عليها :- ترى لي أسم ... -لا عاد يديده ذي علي تصدق ... اايييه ولا انت الحين قاعد تلمح لي اسألك شنو أسمك عشان تطق رباعه وياي !!! لا ياعمي روح ترى أنا بنت حموله ... يعني ماينلعب علي بسهوله وتراني انا فاهمتك من زمان .. -وش فاهمه !!! -اللي هو ببالك انا فاهمته ... -لو انج فاهمته كان ماقعدتي قبالي دقيقه وحده ... -أي صح موب انت ثعلب ينخاف منك .. -ثعلب !!!! (لفت عنه ويه جايه بتروح ... وقفت والتفتت عليه :- اقول هيه انت ... -(مارد عليها .... -انا أدري انك ثعلب بس مادريت انك ثعلب أصمخ هذي يديده علي ... -(أحمد ماسك ضحكته ... فيصل يطالع أحمد مقهور لأن واضح شكله بيضحك ... نغزه بصبعه انه يسكت ... التفت عليها وهو يقول :- هاه خير وش تبين !!! -(ابتسمت ابتسامه وسيعه وهي طالعه مملووووحه على هبالها :- أتحداك بعد بكره تفوز علي ... وأنا ولا أنت (ثم طالعة طيارته القديييمه والصغيره شوي .. وكملت بستهزاء :- من أي عصر طيارتك !!!! المهم اذا فزت راح تكافئني بـ ... آآآمممممممـ .. شوي خلني أفكر ؟؟؟ اقول حمود شرايك لو فزت وش يخدمني فيه ؟؟؟ -(وهو يهز كتوفه وفيه الضحكه :- انا مالي شغل فيكم.... -ؤفففففـ عاد انت راعي سحبات خايف من ذا عشانه حلو ... <~ وش دخل حلو بس الظاهر ماتقدر تنكر وسامته غير بهالطريقه العجيبه كخخخـ ... أحمد هنا ماقدر يتحمل ,, انفجر من الضحك ... فيصل طنقرت معه من أميره وتريقتها عليه ... -(أميره يوم شافت أحمد ضحك قالت للفيصل :- واحد صفر هاهاااي <~ تقصد انها ضحكت عليه أحمد ... -(فيصل مقهور بس ماحب يوظح :- طيب بشري أمج ... -لاااا كلش ولا امي بتفقع ويهي موب ناقصه أنا ... -(مافهم بس سلك لها ... -(كملت هي كلامها :- خلاص انا قررت مايلي ... اذا فزت أنا أبيك تعزمني يوم كامل على الفطور والغدا والعشا برى على حسابك .... -(بروعه :- ؤمـــآآآ ياعمه طيرييييييييي ... يخب عليك غدا بس موب فايزه اقولج من الحين ... -ؤخص ياواثق طيب ماقلت لي وانت اذا فزت شنو تبي ؟؟ -(ابتسم بخبث :- أبيج تشترين لي طياره يديده بما ان هذي على قولتج من العصر الحجري .. -(أميره واثقه من نفسها بتفوز عشان جذي قالت :- ؤكي اتفقنا .... """""""""""""""""""""""""""" يام وهي تحاول تحتك في الدكتور طلال بالمسن رغم انه موب معطيها وجه ... بس هي ماتطلع من عنده الا ومخليته يحاكيها لو عالأقل مجاوب على سؤال من أسألتها ... ودها تفقد الأمل انه يعطيها وجه بس رغم ذلك مصرررره انه يعطيها وجه ... بالجـــــــــــــــــــآمعه .... جوجو جالسه على كرسي بالحديقه وهي فاتحه جوالها وتطقطق فيه ... سعد شافها من بعيد جالسه لحالها ... تردد بالبدايه يروح لها بس أخيرا راح لها وقال :- صباح الخير جوجو ... -(ابتسمت له :- صباح النووووووور ... -ممكن ايلس وياج شوي ؟؟؟ -وليش شوي ايلس وياي لين مايبدى كلاسنا !!! -(ابتسم :- ؤكيه ... -اقول سعد .. -سمي .. -سم الله عدوك ... ماشفت لي تولين من اليوم وانا ادورها ؟؟؟ -لا ولله بعد انا من زمااان ماشفتها .... -(ترددت شوي بس بالأخير قررت تقول :- اقول سعد -نعم ؟؟؟ -انت تحب تولين ؟؟؟ -(ابتسم لها وهو يقول بثقه :- لا .. منو قال ؟؟ -(الرتبكت من سؤالها الغبي ثم قالت :- سوري بس توقعت جذي يعني .. -صراحه ومأكذب عليج .. من قبل كنت متوقع انها حب حياتي ... بساكتشفت بالنهايه أنها مجرد وهم بقلبي .. وتولين لا انا ولا هي نصلح حق بعض ... بس تقدرين تقولين موب محبه .. لا هي غاليه عندي ومثل أختي بس ... -(خافت انه يفهمها غلط ويتوقع انها تحبه ولا شي فقالت :- لا بس جان ودي أقرب بينكم أكثر بس بما انك تقول مأحبها ماأقدر اقول أي شي أكثر __^ -(ابتسم لها :- لا شكرا .. تولين مثل اختي وبس ... (بهاللحظه دق جوال جوجو ... -آلـــــو هلا توتي ... -اقول جوجو ... وين أوراقي اللي عطيتج اياها تبع الواجب ؟؟ -(وهي عاضه شفتها :- ياربييييه نسيتها ويى الدكتور طلال ... (سعد فهم كلامهم ويفكر كيف ان تولين بتستغل هالفرصه تتقرب من طلال ... -(تولين توترت وقالت بقهر :- جوجو ليش نسيتيها وياه .. -طيب عادي انتي روحي وخذيها منه ؟؟ -يوووه منج ... طيب انتي ليش عطيتيه ؟؟ -بس عشان اقوله اذا ترتيبج للأجوبه صحيحه عشان أساوي مثلها ... -ولا يكون قلتي له ان الاوراق لي !!! -مو انتي كاتبه اسمج عليهم ؟؟؟ -يووووه ... طيب انتي روحي وييبي الأوراق منه !!! -لا مستحيييل .. -وليش حظرتج ؟؟ -توتييي تدرين يوم رحت له أراويه الأوراق اختبصت مره ... عاد شلون لو ألحين الروح اقول له عطني الاوراق .. اكيد بيقول وين اوراقج انتي مايبتيها ؟؟؟ وانا توني مانتهيت من كتابة الأوراق باالكمبيوتر ... تدرين كمبيوتري متعطل لـ ... -(قاطعتها بقهر :- خلاص خلاص ؤكي ... (ثم سكرت الجوال ... وهي حدها مقهووووره من جوجو ... ؤففففـ الحين ضروري اقابل ويهه بعد الكلام اللي قالي اياه آخر مره .... صحيح اني احاجيه بالمسن بس عالأقل مايدري انه انا ... ياربيييه وش اسوي الحين .... الروح ولا لا !!! مافي حل غير الروح وأييبها منه بدون ماأحاجيه ... (بسرعه وهي تمشي صدمت بصقر اللي كان سرحان بأفكاره في ليان ... له كم يوم ماشافها والظاهر للأبد ومايدري ليه هو يفكر فيها دامها سوت اللي يبيه وتركت الجامعه !!! التفت على تولين معصب من صدمتها القويه على كتفه .. -(بس تولين كانت اسرع منه بالغضب وشوفة النفس أكثر منه :- هيه انت ماتشوف طريجك ؟؟؟ ؤف ... (صقر مجمد مكانه لما لمح وجهها بسرعه وراحت عنه ... هذي ليان ولا انا مشبه ؟؟؟... معقوله من كثر ماأفكر فيها صرت أشوف ويهها وهم !!!! يارب انا وش صار لي ؟؟؟ ؤفففـ منك ياصقر انسى انسى ... هذيج البنيه مجرد عائق عليك بدراستك ............ (توليـــــن وهي تمشي بسرعه قبل لا تبدى محاظرتها .... لما وصلت مكتب طلال تنهدت بصعوبه وهي تحاول تاخذ لها نفس عمييييق انها تدخل عليه بدون خوف او توتر ... طقت الباب ثم دخلت ... الغرفه ماكان فيها غير طلال بمكتبه والباقي موب موجودين ... -أحم ... -(طلال كان لاهي يكتب في ملف .. التفت على تولين بس بعد نظراته علطول وهو يقول بصوته الخشـــن :- نعم شبغيتي تولين !!! -(الرتبكت شوي ثم قالت وهي تتذكر توعدها مع نفسها تكون أقوى من ماهي عليه .. حاولت تكون واثقه :- بغيت الأوراق اللي عطتك اياها جوجـ.....الجوهره .. -(بدون مايطالعها :- أي اوراق !! -اوراقي يتك الجوهره تستشارك فيها للواجبها ..؟؟ -(فتح درجه وهو يدور عليها .... فتش عليها عدل بس مالقاها ... توهق فيها كيف تظيع من عنده ... التفت عليها وهو يقول :- وانتي شتنطرين هني .. روحي دوري بالدرج هذا ... (حست نفسها بزر عنده بس تصبرت شوي ونفذت اللي قالها عليه ... بس برضو مالقت شي ... وهي تفتش بالدرج حست بشي يتحرك بداخل الدرج .... استغربت بس كملت تفتيش ... وماحست الا بحشره على يدها .. رفعت يدها وهي تطالع الحشره بجموووود .... ماقدرت تصرخ لأن لسانها انربط من الروعه .... امتلت عيونها دموع بسهوله من الخوف .. لأن الحشره كانت كبيره شوي ... طلال حس انها واقفه بدون ماتتحرك ... التفت عليها مستغرب بس انصدم لما شاف دموعها بعيونها وواجهها منقلب من الخوف .. ناظر يدها ولقى الحشره عليها .... استغرب ليش ماتتحرك ولا تصارخ بس موقفها صار ابشع من أي شي ثاني لما شاف دموعها !!!! راح لعندها وهو بيده منديل .... شال الحشره بهدوء ورماها من الدريشه وهو يقول بابتسامه :- تولين عاد مو لهدرجه دموع ؟؟؟ (رجلينها تحس انها موب قادره تشيلها من الخووووف .. جلست على الأرض وبدت تبكي وتمسح يدها بقووووووه على الفرشه للدرجة ان يدها صارت حمممممررررررااا .. طلال انصدم منها ... قرب شوي وجلس عندها وهو يقول بالرتباك مايدري وش يقول لها وبنفس الوقت ابتسامه على دهشه من دموعها ... بس احنا ندري ان تولين دلوعه للدرجة الغروووووووور .... وتخاف من ابسط الأشياء .. يمكن دليل للنعومه والأنووثه (الزاااايــــــــــده ) <~ وفيه من أمثالها كثير الله يصبر رجيجيلهم عليهم __^ -تولين خلاص مسحي دموعج .. بعدين ترى انا مدري ان فيه حشره ولا جان ماقلت لج دوري ... تولين (دنق راسه يطل بوجهها ولقاها لازالت تبكي ... مد لها منديل ... خذته منه بدون ماتطالعه ... مسحت دموعها ... بس شوي وتذكرت الحشره على يدها ... رجعت تمسح على الفرشه الخشنه ... طلال انصدم من يدها اللي صارت حممممممررررررررررا .... سحب يدها وهو يقول :- انتي مينونه ... طالعي ايدج وش صارت .... (تولين رفعت عيونها على يده اللي ماسكه يدها .... لما رفعت عيونها عليه ... حست بقربه منها كثيييييييير وهو ماوخر عيونه عنها .... اختبص من حركته معها وانقهر من حاله جوات نفسه وش هالحركه اللي سواها معها ... سحب يده بسرعه عن يدها ووقف وهو يقول :- خلاص اعتبري أوراقج وصلت لي ... يعني انا برصد لج درجتج عندي انج قدمتي الواجب ... والحين تقدرين تروحين .... (حس ان مافيه أحد يتكلم ... التفت عليها وهي جالسه ومنزله راسها ... استغرب منها وقال :- تولين ؟؟؟ -(تولين تذكرت موقفها مع الحشره وحست بشكلها مضضحححك وهي تبكي مثل الأطفال .... ماقدرت تمسك نفسها وضحكت بقوه .. طلال فتح عيونه من الصدمه ... بسم الله عليها هذي شفيها !!! لا يكون انينت ؟؟؟ -(راح لها وهو يقول :- تولين شفيج ؟؟؟ -(وقفت وهي تحاول تمسك ضحكتها بصعوبه وقالت :- لا بس تذكرت شكلي (وكملت ضحك ) (طلال سكت شوي بس تذكر شكلها لما جلست عالأرض وبدت تبكي .... ماقدر يمسك نفسه من الضحك .... شوي سكتت تولين وهي تطالعه مبتسمه ووجهها أحمر من الضحك والدموع ... طلال رفع عيونه عليها وابتسم .... بس شوي راحت من فمه الابتسامه ... شاف بعيونها لمعه غريبه .... حس فيها بالتوتر ... حس بعيونها الف معنى ومعنى ... ماقدر يفهمه ... بهاللحظه دخلت عليهم دكتوره جولييت ... تولين اختبصت بس فضلت انها تطلع ... لما طلعت طلال كان للحين واقف ويفكر بنظراتها اللي قبل شوي ... حس بعيونها حكي ومعاني ... مافهمها """"""""""""""""""""""""""""" ليان :- ؤكي خلاص ... -(الرجال بعمر الأربعينات قال :- خلاص عي لانت روح وابتدي شغلك من اليوم ... روح وخذ وياك الفوطه والسطل فيه مويه وابتدي من الأشاره ... وحاول انك تمسح باللي تقدر عليه بسرعه قبل لا تفتح الاشاره وتاخذ منهم حق التغسيل .... واذا شفتك ماشي بالشغل وياي عدل خليتك تنتقل للمواقف تغسل سيارات بالكامل .. وأكيد راح يرتفع راتبك عندي ... ليا كانت طول الوقت منزله راسها ومغطيه نص وجهها بالقبعه وتهز راسها بالـ (موافقه ) .. الرجال استغرب منها شوي او بالأصح منه لأنه علباله ولد ... ليان راحت لهشغله لأنها الوحيده اللي ماراح يطلب منها لا أوراق ولا جواز ولا شي ..... غسل وبس ... ناس تترزق الله بأي شي ... ............ ليان وهي واقفه بالاشاره تنتظر الاشاره تكون حمرا ... أحمـــــــــــــــــــر ... انطلقت بسرعه للسياره .... لما مسحتها بسرعه طقت الدريشه .... وكان صاحب السياره ( ريـــــــــــــآن ) ... رفع عيونه عليها ومستغرب ليش منزل عيونه عنه ؟؟؟ حاول يلمح بس مو ضابطه معاه ... الاشاره صارت حمرا .. رفعت راسها بسرعه ليان وكانها تقول عطني وخلصني ... (بس لما شاف وجهها تذكر نارا علطول ... فتح عيونه بصدمه ... انتهى البارت الثالث وهو آخر بارت من الباب الثاني ..... انتظرونــــــــــــــي بالباب الثالث مع الجزء الأول .... لا تحرموني من تعاليقــــــــــــكم وأآرآئكــــــــم ... |
|
#43
09-24-2010, 07:17 PM
| ||
| | ||
|
مشكور على الرواية الروعه
|
|
#44
09-27-2010, 09:05 PM
| ||
| | ||
|
اتنظرك و انتظر البارت الي انا وقفت فيه
__________________ عــفـــواً يـــــآ رجـــــــآل آلــــكــــــــون فــ َ حــــقوق آلحـــــب محفوظـــــه لــه وحـــــــده  |
|
#45
09-30-2010, 08:03 AM
| ||
| | ||
| أسفة على التأخير وهذا هوا البارت أتمنى أنة ينال إعجابكم البـــــــــــــــــــــآب الثالث ... الجزء الأول ... ليان فقدت الأمل انه يعطيها والاشاره فتحت ... ركضت بعيد عنه عالرصيف ... ريان كان يطالع المكان اللي اختفت هي فيه ... لاحظ ان السيارات تظرب بوري له ... مشى وهو يفكر بنارا وكيف ان هذا الولد يشبه لها ... (من جهة ليان وهي تفكر كيف انو أول شغل لها خسرت فلوسه .... جلست على الرصيف وهي تنتظر الاشاره تسكر مره ثانيه وتبتدي شغلها من اول وجديد ...) """"""""""""""""""""""""""""""""""""" نوف جالسه بالقبو وهي تشرب زقاره .... والأغاني واصله لين الشارع .. نارا وهي ترن باب بيتهم ... فتحت لها الخدامه ... -وين نوف ؟؟؟ -تهت جالس لهالا ... (نزلت نارا وهي تسمع صوت الاغاني المرتففففعه .... اعجبها الجو اللي عايشته نوف .... جلست بالكنبه المقابله ... نوف فتحت عيونها وهي تطالع نارا منسدحه .... نقزت عندها وهي تقول :- ياهلا وغلا بحبيبي ... -(بصوت واطي :- نوف ... -لبيه .. سمي ... فديتج أنا ولله .. أمري حبيبي ... -انا تعبانه ... -ومن اللي موصلج لهالحاله ... انتي قولي لي بس ... -انا تعباااانه افهميها يعني يبي لي كاس ويسكي دبريها لي ... -حبيبي انتي تدرين بالويل اييبها .. لو يدري ابوي تدرين شنو بيساوي فيني ؟؟؟ -ؤففففـ دبريها وبس ... -(ماتدري وش تقول لأنها ماتبي زعل نارا عليها ... -طيب صبري فيه واحد ماأدري اذا موجود أو لا ... (قامت وهي تدور تحت الخزنه ... ابتسمت لما لقت قاروره وحده بس ... -نارو حبيبي .. (لما شربتها مره وحده نارا وكأنها تبي تبيع نفسها بعيد عن هالدنيا اللي ماذاقت طعم الراحه فيها او السعاده ... نوف تعشق شي اسمه نارا سكرانه ... لأنها تكون مو بعقلها وتنبسط وياها على كذا ... عكس لو تكون على وعيها ماتعطيها أي فرصه تتقرب منها ابدا ... """"""""""""""""""""""""""""" وتين جالسه بغرفتها وهي تفكر بعبادي .... وصلها مسج ... فتحته بحماااس ... حبيبتي شتقتلج مووووووووت ... (حست بأنفاسها تتصاعد بسرعه .... ماتدري شتقول .... حاسه بشعور جواتها غرريييييب ... ودها تموووت من الوناسه ... قررت انها ترسل :- سلامتك، من الموووت ... (من جهه ثانيه ابتسم عبادي وهو يقرى المسج ... (مرت عمها تقول بصراخ :- وتينووووووووووووووووووووووه .. وويعوووووه نزلي غسلي المطبخ .. صاير وسخ مثلج يالوسخه ... (وتين تتنهد بقل صبر بس نزلت بدون ماتقول أي كلمه .... -أحمد :- هيه انتي ييبي لي قلاس ماااي ... (بقلبها ... ؤفففـ حتى ذالبزر ينافخ ... الله يصبرني بس ..) وهي تخدم أهل عمها طووول الوقت تفكر في عبادي ... تحس بقلبها فررررحه موب طبيعيه ... """""""""""""""""""""""""""""" بالسعـــــــــــــــــــــــــــــــوديه .... بندر وصل للمطار بالرياض .... وهو يمشي بعربية الشناط يدور أبوه ... -(من ورى :- ولد بندر .. (التفت بندر بسرعه وهو حده مشتااااااق لأبوه ... ظمه بقوووه وهو يقول :- توقعتك ماراح تجي مثل المره اللي راحت .. -انت ولدي والي غيرك بعدين هالمره خلاص ماعاد فيه بعدها سفره بعيد عني .. الشغل كله بيصير بالرياض ... -(عقد حواجبه :- طيب والشغل اللي بالامارات ؟؟؟ -(تلعثم وهو يقول :- خخـ .. خلاص كلها عينت فيها ناس قد الثقه ... يعني انت شغلك اللي بالرياض .. -وانت يبه ؟؟ -انا خلاص صرت عووود ولا عاد اقدر امشي على رجولي أكثر ... خلني الرتاح على اخر ايامي .. -لا يبه الله يطول بعمرك انشالله يومي قبل يومك ... وبعدين راحتك هي اهم شي بهالدنيا عندي ... الله يطول بعمرك يبه ... -كفو ولدي يالله خلنا نرجع للبيتنا ... -(بظيقه :- يبه ليش مانقلت من هالبيت ..؟؟ -ليش ؟؟ -موب انا قلت لك كل ذكرياتنا الشينه فيها ... على ايام اخوي ووفاة امي ... صرت أكره هالبيت ... -(بصوت خشن وحااااد :- انا كم مره قلت لك لا تجيب سيرة اخوك بدر ... انسى ان عندك اخو اسمه بدر ... (سكت وهو يتمنى لو يعرف وش قصة الكره كله هذا ... هو يدري ان اخوه توفى بس مايعرف شنو السالفه بالضبط ... """""""""""""""""""""""""""""" تولين جالسه تنتظر دخول طلال بالمسن .... أذن المغرب وهو مادخل ... وكل ماتذكرت موقفها معه آخر مره تحس انها بتموووووت من الوناسه ... ضحك معاها بعد كل شي بينهم من التوتر .... صوت دخول ايميل طلال ... علطول فتحته بدون ماتتردد وهي تقول .. -مرررررحبا دكتور طلال .. (طلال فتح عيونه وهو يقول بصوت واطي :- بسم الله علي مامداني افتح ايميلي الا وذي ناطه علي !!! ؤففففـ شكلها ماراح تهدني موليه بس انا بتفاهم معاها .... -لو سمحتي انا جم مره قلت لج المسن مابي احاجي أي احد فيه ... -طيب انت ماتعرفني عشان ترفض الحجي وياي .. -مابي حتى اعرفج ... بس تعالي انتي بأي كلاس ؟؟ -أممممممممم شنو تتوقع ؟ -اعتقد سألتج سؤال واحد وماله داعي تتطولينها وايد .. -أنا بكلاس .......... والحين الرتحت -انا شاك فيج .. -(خافت لا يكون عرفها .. قالت بسرعه :- ماأعتقد انك عرفتني .. -ولو اقولج اني عارفج وشاك فيج من زمان .. -طيب قول وانا بقولك اذا أي او لا وليش اجذب عليك .. -لا انتي قولي لي انتي منو وبعدين اقولج انا منو شاك فيه ... -.................. (بيـــــــــــــنها وبيــــــــــن نفسهــــــــــــــآ وضميرهــــــآ ) هذي فرصتج ياتولين ... قولي له انه انتي وقوي علاقتج وياه من المسن ومن هالدقيقه .... ................... لا بس اذا عرفني ممكن مايحاجيني موليه ... بس تقدرين تييبينه بطريقتج ... لا ............ لا تنسين ياتولين صاحبتج ... جــــــــــــــوجو .... بس بس هو مايدري بحبها له .. بس انتي ياتولين تدرين بحبها له وهي اقرب وحده لج ... شلون بس .. بس انا احبه وهذي فرصتي اقوله انه انا ... بس انا ليش خايفه انه يعرفني .... معقوله عشان جوجو ... ولا لأنو يمكن يرفضني ؟؟ تولين ... حبج للدكتور طلال اكبر غلط .... أول شي عشان جوجو ... وهذا اهم شي ... طيب طيب انا مابي اضيع فرصتي بالمسن اني احاجيه ... وهذي اكبر سعاده لي اذا حاجيته ... بس أكبر خيانه لو اقوله اني انا تولين ... طيب انا عندي حل ... يرضيني ويرضي جوجو ..... (مدت يدها للكيبورد وهي تكتب .. -أمممممممم ... طيب بقولك .... -صح النوم ... توقعتج نمتي .... -أنا .. (كتبت بصعوبه ) ...أنا جوجو ... -(حس بتوتر وهو يقول :- جوجو منو ؟؟؟ -(عاضه على شفتها وهي تكتب بأطراف بارده ومتردده :- بنت عمك .. الجوهره ... -(شنــــــــــــــو .. الجوهره ماغيرها !!!!!!! غريبه شنو تبي مني ؟؟؟؟ اهلين .. -(ابتسمت بسخريه على نفسها وهي تقول بقلبها ... سبحان الله لو قلت له تولين جان سكر الايميل علطول ... ولا عاد حاجاني وذب علي جم جلمه بالجامعه ... بس لما توقع اني جوجو .... قال وبكل بساطه اهلين .... جوجو سامحيني بس صدقيني انا اساوي هالشي لي ولج ... عالأقل أنا أطيب مابنفسي اني احاجيه ولو بشخصيه ثانيه ... وبنفس الوقت أحاول اخليه يحبني .. اقصد يحبج .... جوجو انتي اغلى وحده بقلبي ... وانا أحب الدكتور طلال ... انا بحاجيه لو بأيام بسيطه ... واذا اعترف بحبه لي ... يعني لج ... راح أسلم لج كل شي وانا بذيج الساعه راح اطلع من حياتكم انتي وياه ... ولا عاد راح ادخلها موليه .. لو ادوس على قلبي ... -هلا فيك ... شخبارك ؟؟ -بخير انا الحمدالله انتي شخبارج ؟؟ شحالج ؟؟؟ وهاه كيف الجامعه وياج .؟؟ -(راح اكتب كل شي احسه في قلبي ... بما انه يحسبني جوجو ... مابيضرهم شي لو أكشف عن مشاعري .. -يعني موب لذاك الزود ... -ومنو اللي مزعلنج جي عشان تقولين هالحجي ؟؟؟ -(ابتسمت وهي تتخيل لو الكلام موجه لتولين :- ليه يهمك ؟؟ -(طلال توتر من كلمتها بس قال :- بنت عمي وأكيد تهمني مصلحتها ... -بس عشان جي ؟؟؟ -(ياربيه هذي شقصدها !!! ... :- ليش ؟؟؟ -لا ولا شي .. بس جي سؤال ... اقول دكتور .. -افا تقولين لولد عمج برى الجامعه دكتور !! لا مايصير جي ؟؟ -(ابتسمت وهي تحس ان الكلام لها :- ؤكي .. طلال ... موب متعوده بس يالله .. -(عقد حواجبه :- موب متعوده !!!! واحنا عيال عم دايم تقولين طلال ؟؟ -(حطت يدها على فمها وكان المفروض تنتبه انها متقمصه شخصية جوجو موب هي ... -لا موب قصدي شي ... طيب ماقلت لي شخبارك ؟؟ -قلت لج ولله ابدن ماشي يديد ... أي صح ماقلتيلي .. -سم ... -(ابتسم :- سم الله عدوينج ...ابوج وأبوي متواعدين نروح للمزرعة ابوج .. ؟؟ -صج متى ؟؟؟ -بالويك آند ... بتيون ؟؟ -ماأدري احتمال أي واحتمال لا .. -آهـــآ ... على راحتج ... -(خذت الجوال وهي تدق على جوجو ... -آلو هلا جوجو .. -هلا فيج ... شعندج مستعيله بالحجي ؟؟ -ابي اسألج عندج شي بالويك آند ؟؟ -(بفرحه :- أي عندنا طلعه لمزرعة عمي ابو طلااااال ... -آها متأكده .. -اكيد طلال بيكون فيه وماتبيني الروح ؟؟ -(من ورى قلبها قالت بصعوبه :- هاه ماوصيج أكشخي عدل ... خليه يخطبج وتفكوننا ثنيناتكم ههههـ .. -ياسلام فهمنا ليش تبين الفجه من طلال لأنج ماتواطنينه .. بس انا ليش تبين الفجه مني ... -(سكتت شوي ثم قالت :- طيب اشوفج على خير .. (طوط طـــــــوط .... جوجو طالعت الجوال وهي تقول بصوت واطي :- وهذي مابتبطل عادتها بتسكيرة الوجه ؟؟؟ (من جهة طلال وتولين ... -تولين :- أي بغيت اقولك انشالله بيي بالمزرعه .. -(تأخر عليها بالرد شوي ثم قال :- صج ولله حلو خلينا نشوفكم من زمان ماشفنى عمي ... -تسلم ... -طيب جواهر بطلع انا تامريني شي؟؟ -لا ابد سلامتك ... (ترددت شوي ثم كتبت :- ودير بالك على روحكـ .. -(طلال للحظات ظل يطالع آخر جمله .. ابتسم ابتسامه خفيفه وهو يكتب :- انشالله ... يالله فمان الله ... -فمان الكريم ... (طلال وقف وهو يفكر بجوجو وأسلوبها الغريب .. وكأنه اول مره يحاكيها بحياته .. وحده مايعرفها ... حاس انها متغيره ومو هذي اللي يعرفها .... بس ماشك للحظه انها راح تكون مو جواهر ... (من جهة تولين جالسه تفكر باللي سوته ... اخاف يكشفني عند جوجو وبروح فيها ذيج الساعه ... لازم أصرف الوضع .. خذت الجوال ودقت على جوجو ... -جوجو ... -(باستغراب :- تولين !!! شعندج ؟؟ -ليه حرام ادق عليج __^ .. -لا مو جذي بس اقصد توج مكلمتني المهم شعندج ؟؟ -ماعندي شي بس جذي طفشانه .... ممكن ايي عندج ؟؟ -اكيد حياج متى ماتبين وبأي وقت .. البيت بيتج حبيبتي ... -تسلمين ياقلبي عيل خلاص ماطول عليج ... -ؤكيه تولين انطرج ...باي ... (سكرت الجوال وهي تفكر شلون تصرف الوضع .... راحت وتلبست عدل كعادتها .. عندها ذوووق عالي بكل حاجه ... وهذا هو لبسها ..بس بدون القبعه __^ .... -(لما نزلت :- ماماااااا انا اريحه لرفيجتي .... تيين وياي -وليش ماقلتي لي قبل جان رحت وياج بدل هالقعده اللي مالها لزمه .... بس منو رفيجتج ؟؟ -جوجو .. -أي لا شيوديني عندها وهي الوحيده بالبيت ... -(بابتسامه وهي تضم امها :- حبيبتي انتي وليش ماتيلسين ويانا .. تراج بعدج بنوته لبا قلبج __^ .. -يابعد قلبي ولله ... ادري اني بنوته وش حليلي هههـ بس بروح للمستشفى أحسن ... بتخلص اجازتي .. -ؤوهوووه ماما انتي ليش تحبين المريضين نفسيا ؟؟؟ -طيب ليش ماتروحين وياي يوم من الايام وتقابلين مرضاي وتسولفين وياهميمكن يكون لج دور بعلاجهم ؟؟؟ -لا لا شنو يوديني عندهم هالمريضين بسم الله علي -(تقبص أذنها عالخفيف وهي تعاتبها :- انا جم مره قلت لج عيب تقولين هالكلام المفروض تقولين الله يشفيهم .. لا يعاقبج ربج ... -(بطاعه طفوليه :- ستغفر الله والله يشفيهم يااااارب على يدج انتي وبس .. بس انا خليني بعيد عنج __^ ... -وبرضو ؟؟ -هههههـ لا خلاص توبه .. يالله ماما انا رايحه تامريني شي يالغلا ؟؟ -سلامتج حبيبتي بس الساعه سبع تكونين بالبيت ياويلج ان تأخرتي ... -انشااااله __^ يالله سي يـــا |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| هذه لوحة من أعمالي أتمنى تعجبكم | شهد22 | لوحات فنية و خط عربي | 22 | 05-27-2009 12:10 PM |
| صور أطفال ....((أتمنى تعجبكم)) | قطرية كيووت | أرشيف المواضيع الغير مكتمله او المكرره او المنقوله و المخالفه | 22 | 08-16-2007 01:51 PM |
| أتمنى أن تعجبكم هذه الصور | مبدع العالم | أرشيف المواضيع الغير مكتمله او المكرره او المنقوله و المخالفه | 14 | 08-10-2007 11:49 PM |
| كوكتيل صور أتمنى تعجبكم | دندوسة | أرشيف المواضيع الغير مكتمله او المكرره او المنقوله و المخالفه | 3 | 05-20-2007 02:16 AM |
| أتمنى أن تعجبكم هذه الباقة من الصور..... | زهرة الرمال | أرشيف المواضيع الغير مكتمله او المكرره او المنقوله و المخالفه | 13 | 01-17-2007 02:17 PM |
العرض العادي
