|
|
#266
01-27-2011, 02:07 AM
| ||
| | ||
 اقتباس:
 بس الرواية خافت .gif "thanks") المهم شكرا على درك وكلامك |
|
#267
01-27-2011, 02:09 AM
| ||
| | ||
|
أول شيء راح أشكر كل من شارك في الرد على الرواية وأنا فرحت يوم ماشفت الردود وعجبني ردك يا(العضوة المتميزة) ^_^ بس ماكتبتيلي الكلام ملون <<<< أمزح للأسف ماخلصت الأختبارات دحين أنا في الاختبارات النهائية وبما أن اليوم ربوع راح أنزل بارتين ويوم الأثنين اكملكم لأني راح أنتهي من الأختبارات أدعولي بتوفيق |
|
#268
01-27-2011, 02:11 AM
| ||
| | ||
|
==البـــــــــــــــــــــاب الســــــــــــابع عشـــــــــ17ـــــــــــر== ==الفصـــــــــــــــــــــل الثالــــــــــ3ــــــــــــــث== $$مارأينـــــــــــــــــــاه فيما سبق كان جزء من الآلام الذي سببها$$ صقـــــــــــــــــر للبطلتنــــــــــــــا ليـــــــان ..$$ نحن نعلــــــــــم كم يحبهـــــــا صقر وبجنون ..$$ قد يحق لي ان اقول بأنه يحبها أكثر من عبدالمحسن ..$$ لكن بشكل يتعدى الحدود بالمحبه ..$$ محبته وصلت الــــى السلطــــــــــه وحب التملكـ ..$$ وكــــــــــأنها شيئ يخصه ..$$ ولو بيده جعلها بالمنزل فقط له ..$$ والغيــــــــــــــــــــــــره الجنونيــــــه قد تقتله ...$$ هل منكمـ أحد يريد مثل هذا الحـــــــــــــــب ..!!!..$$ الكثيـــــــــــر قد يقول نعــــــــــــــــــــــم ..$$ والقليــــــــــــــــــــــل سوف يقول لــــــــــــآ ...$$ ((خلونـــــــــا نشوف ايش راح يصير ... وبعدين نحكـــــــــــم ... ((مرت الأيــــــــــــــــام ... لكـــــــــــــــــــــن من بين هالأيــــــــــــــــام ... تولين كانت بالبيــــــــــــت ... جالسه مع خواتها بالصاله ... قدام التلفزيون وكل وحده من لاهيه ... نارا تطالع جوالها وتتراسل مع يزيد بسعاده ... أما ليان منسدحه تطالع التلفزيون ... أو بالأصح تطالع فيه بس عقلها مع صقـــــــــر اللي اختفى فجأه عنهم ... أما تولين جالسه تطالع بالمجله على عارضات ازياء ... أما فيصل موب بالبيت لأنه طالع مع اخوياه فهد وبرهوم والباقي ... دق جوال تولين ... لما ردت ببتسامه :~ هلا وغلا بماما حبيبتي ... -هلا فيج ياعمري ... تولين بي اقول لج عن سالفه ... -خير انشالله ... شنو ..؟؟ -يابنتي أمس دق علي واحد يقول يبي يخطبج ومايدري شلون يوصل حق عمج .. يبي يتقدم لج رسميا .. أنا قلت له بشوف وأرد لك ... -(تولين بعدم اهتمام :~ جان قلتي له ماعندنا بنات للزواج .. ((بهاللحظه نارا وليان التفتو على تولين بستغراب ... تولين رفعت حواجبها على خواتها مسويه بريئه ماقالت شي بغرور ... -(أم تولين :~ عموما عطيني رقم عمج وأنا بحاجيه ... -ماما لا تتعبين روحج ماراح اوافق على أي احد ... -اقول تولين عن الدلع وعطيني رقم عمج .. -(تولين بملل :~ ؤكي ... ((لما عطتها وسكرت ... التفت على خواتها ثم قالت :~ نعم شفيكم تطالعوني جذي ..!! -(ليان :~ فيه حد خطبج ..؟؟ -(تولين بثقه :~ وليه فيه حد اصلا ماخطبني ... بس أنا عيزت من أمي اقولها ماأبي اتزوج .. بس الا تصر على اللي براسها وجنها تبي تزوجني وترتاح مني ... -(ليان :~ شلون تقولين جذي وانتي الحين موب عندها ... يعني اذا على اراحه فأنتي الحين موب عندها ... بس هذا ليل انها تبي مصلحتج ... -فكينا زييييين .. أي مصلحه ... بلا زواج بلا هم ... اصلا ازواج بكبره غثى ... شله الواحد يدور الغثى وهو مرتاح ... ((نارا لفت راسها عنهم لما وصلتها مسج من يزيد .. فتحتها بحماس وكان المحتوى :~ تدرين اني احبك يالخبله ... -(نارا شهقت بضحكه ثم كتبت له :~ أنا خبله ... طييييييييييييب طيب ... محد قال لك انك ظريف ... ياالديناصور ... -(يزيد لما قرى المسج انسدح من الضحك وهو يكتب :~ يلعن بليسك مره وحده ديناصور .. حرام عليك للهدرجه انا اشبه الديناصورات ... -(نارا ردت له :~ عيل انا خبله ..!! انت تشبيهك مبالغ فيه لي ... اما انا تشبيهي لك بالديناصور ... الصراحه وبدون جذب ... اللي يشوفك يقول هذا موب كائن حي ... -(يزيد :~ لا عاد ... على بالي كائن ميت ... اسحبي كلمتك وأسحب كلمتي ... -(نارا :~ لا أنا قدعه وقد الجلمه .. ماأسحبها .. وبتلزق فيك لين يوم الممات ... -(يزيد وهو يضحك :~ لااااع ماأقدر انا على اللغه الفصحى ... أجل يوم الممات هااااه ... حسنا ياغولامه .. أنا لكي بالمثيل ... انا ديناصور وانتي الخبله ... ((بيني وبينك ترى الخبله طلعت عفويه <~ واحد مايلمح تسحبين كلمتك ...)) -(نارا لما قرت مسجه ضحكت من قلب ... ليان وتولين التفتو عليها بندهاش شفيها هذي مجنونه ... أول مره يشوفون نارا تضحك بصوت عالي ومن قلب ... مستااانسه للآخر درجه .. صحيح تبتسم معهم وتضحك ... بس موب كذا وبهالوناااسه .. -(تولين :~ اموووت وأعرف انتي منو تراسلين ... -(نارا وهي تكتب المسج :~ وانتي شكو ... -(تولين رفعت حاجب ببتسامه :~ والله البنت غرقااانه بالحب وبقوووه ... -(نارا رفعت عيونها عليها ثم قالت ببرود :~ لا تطلعين اشاعات ... منو قال اني أراسل ولد ولا احبه .. -(تولين :~ هاهاااااااااااااي ... طيب فيه احد قال لج انج تراسلين ولد .. ابدا اللي على راسه بطحى يحسس عليها ... يالبا قلبج بريئه بسم الله عليج ابد ماتحبين ابد ابد ابد ... -(نارا :~ اللي يسمعج يقول هاي بنت شريفه ماتحب أحد ... وانتي أول وحده بتنين على الدكتور طلال ... -(تولين توترت :~ هاه منو قال ... -(نارا رفعت كتوفها ببتسامه :~ لا ابد محد قال شي ... لا تحارشيني ولا احارشج ... خلينا حباااااااااايب وأصحااااب ... -(تولين وهي تطالع نارا وبقلبها :~...... بسم الله هالبنت ماتنقرب ابد ... على برودها وهدوئها وغموضها الا انها ملكعه ... ((احذرو الحليم اذا غضب )) -(يزيد لما وصلت له المسج :~ خلاص بكره نتفاهم ... عندي خواتي احس انهم لاحظو ... تصبح على خير انا بروح انام الحين ... -(يزيد ببتسامه :~ لا مافيه نوم ... ارقي عنهم للغرفتك وكلميني ... اصلا انا مشتاق للصوتك ... -(نارا :~ لا .. صوتي مافيه ... محروم منه أسبوع كامل ... عيل انا خبله هاااه ... -(يزيد :~ خلآآآآآآآص نطلب العفو منك ياسندريلا ... يالله ارقي ولا دقيت عليك الحين قدامهم عشان جد يشكون فيك ... ((نارا ماأمداها بتوقف الا ودق عليها حتى قبل لا ترد او تسوي شي ... تولين وليان التفتو عليها ... نارا ابتسمت بتوتر لهم تبي ترقع الوضع ... عضت لسانها وبسرعه رقت فوق وهي تسمع تولين تقول لها بصوت عالي وليان تضحك بصوت قصير عليهم :~ سلميلــــــــــــــي على حبيـــــــــــب القلــــــــــب ... خلاص ذبحتي الولد ماعاد عنده صبر علطول دق ... -(ليان :~ ههههههـ حرام عليك يمكن هاي صاحبتها .. -(تولين :~ الله يخلف عليج انتي بس .. والله ماتدرين عن اختج نارا هالملكعه .... عبالج الحين نارا ماعندها هالحركات ... حبيبتي لا يغرج شكلها ...وهدوئها وغموووضها ... عندها قلب ترى مثلي مثلج يحب ... -(ليان اختبصت ثم نزلت راسها ..) -(تولين بضحكه :~ ايوا ايوا اعترفي انج تحبين صقر ... -....................... -(تولين :~ انا للحين موب مستوعبه ان صقر هو السبب .. احس صقر يمووت فيج ومستحيل يظرج ... صحيح انه ماينهضم شوي ... يعني شايف روحه ماأدري على شنو ... ((ليان تطالعها بنص عين وكأنها تقول كلن يرى الناس بعين طبعه ... -(بس تولين تجاهلت نظارت ليان ثم رجعت تطالع المجله .....) ((بغرفـــــــــــــــــة نارا .... سكت جوالها ولا دق ... انتظرته يدق بس مادق ... وبنفس الوقت ماتبي هي تدق ... عبالها ثقل ... بس ماتحملت بعد مامرت ربع ساعه ... دقت عليه بس مارد ... شوي الا وصل لها مسج منه :~ لا تدقين خلاص بنام أنا ... (( نارا بقهر :~ شف هالنذل ... جذي يساوي فيني ... ((أما من جهة يزيد قاعد يضحك على نارا وهو قاصد ينرفزها ... حس انها عصبت الحين وهذا اللي يبيه يحب ينرفزها وهذي طبيعته المعتاده ... """"""""""""""""""""""" ((باليـــــــــــوم الثانـــــــــــي ... في احد دول اوربا ... مايد جالس بممر داخل الجامعه ... يطالع اللي جاي واللي رايح ... حاط رجل على رجل وهو يفكر بأهل الإمارات اللي اشتااااق لهم حيل ... وماعنده صبر ينتظر برضو شهرين عشان يتخرج ويرجع للإمارات ... مرت من قدامه وحده شقرآ ... كلمـــــة جميلـــــــه ... قليله بحقها ... لاحظ انو كل الطلاب اللي جالسين يطالعونها بإعجاااااب ... التفت يطالعها عدل كيف هبلت بالموجودين ... التفتت عليه ثم وقفت تطالعه ... مايد رفع حاجب مستغرب ليش تطالع فيه بهالطريقه وكأنها تعرفه ... طالعها من فوق للتحت بدون اهتمام ثم لف عيونه على ملاك اللي توها داخله من باب المبنى .. ووراها لمى.. لاحظ انو الشقرا تقدمت له ثم مدت كتاب ... -(الشقرا :~ تفضل ... -(مايد رفع عيونه عليها بستغراب ... شلون تتكلم عربي وشكلها مايقول انها عربيه ابدا ... ببرود :~ وات از ذيس ..؟؟ -(البنت ابتسمت :~ مش انتا مايد ..؟؟ -(بهاللحظه تأكد انها عربيه أو بالأصح يالبنانيه او سوريه او من هالطقه ... :~ أي نعم انا مايد ليش منو انتي ؟؟؟ ((ملاك وقفت تطالع فيه وبالبنت بغيره ... لمى مالاحظتهم وكملت طريقها لين صدمت بالبنت اللي مع مايد ... لمى رفعت عيونها عن جوالها وهي تقول :~ سوري ... -(البنت ببتسامه :~ نو بربلم ... ((لمى ابتسمت بسرعه ثم التفتت بالصدفه على مايد ... وقفت ماقدرت تكمل طريقها لما شافت هالبنت مع مايد خاصتا انها روعه في الجمال .. ((مايد بعدم اهتمام للمى قال للبنت :~ شنو هالكتاب ..؟؟ -هايدا كتابك نسيتو امس بالقاعه ... -(لما أخذه عرف انو فعلا هذا كتابه ... بدون مايطالعها :~ مشكوره ... -(البنت ابتسمت بلطف ثم قالت بأدب واحترام :~ استأذن ... ((ثم راحت عنهم ... ولمى للحين واقفه ... مايد رفع عيونه عليها ثم وقف بيروح عنها ... -(لمى بتردد :~ مايد ... ((ملاك تطالع الموقف بحسد وغيره ... -(مايد التفت عليها :~ نعم ... -(لمى بتوتررر :~ ممكن الكتاب اللي بيدك .. -(مايد رفع حاجب وهو يأشر لها بالكتاب :~ تقصدين هالكتاب ..؟؟؟ -(هزت راسها بـ(نعم) ... مايد سكت شوي يفكر شتبي منه رغم انو بإمكانه يسألها ... بس سكت وعطاها بدون مايقول شي غير :~ بالقاعه عطيني اياه لما تنتهين منه ... (ثم لف وراح ... لمى استغربت ليش ماسألها بس ماتفاجئت لأنو هذا طبعه وأسلوبه مع الطلاب كلهم بارد ولا مبالي ابدا للأي شي .. ابتسمت بفررررحه وهي تضم الكتاب على صدرها ... جلست ثم طلعت قلم وبدت تكتب فيه بآخر صفحه فاضيه ... ((ملاك تقدمت من وراها تبي تشوف شقاعده تكتب لمى ... حاولت تقرى الخط بس ماقدرت لأنو صغير ... لمى حست بأحد وراها .. لما التفتت تفاجئت بوجود ملاك تطالع الكتاب ... رفعت حواجبها ببرائه :~ ملاك شنو تطالعين ..؟؟ -(ملاك اختبصت بقوه ثم قالت ببتسامه كلها توتر :~ لا لا ولا شي ... بس استغربت ليش جالسه انتي هني رغم ان محاظرتنا بتبتدي الحين ... -(لمى سكرت الكتاب عشان ماتشوف ملاك ثم قالت ببتسامه :~ انتي اسبقيني وانا الحين بييج بالقاعه ... -(ملاك وهي تطالع الكتاب بفضول :~ ؤكي براحتج ... ((راحت وهي مقهوره تبي تعرف وش بتكتب لمى ... بالقاعـــــــــــــــــه ... مايد جلس بأول الصف عالجدار ... تسند عالجدار وهو يطالع دفترته ويحاول يذاكر اللي راح ... بهاللحظه دخلت ميس اللي هي الشقرا ... جلست بالصدفه بالكرسي اللي جمب مايد قدام ... التفت بتحط شنطتها بس شافت مايد متسند عالجدار وغرقاااان بالدفتر اللي معاه .. -(ببتسامه :~ هاي انتا ...!! ... -(مايد مارفع عيونه أو بالأصح سمعها بس طنشها لأنه موب فاضي بين ماهو يحاول يستوعب اللي يقراه بما ان الإمتحانات باقي لها شهرين ... -(ميس :~ شو ماعم بتسمعني ...!!... -(مايد بطفش رفع عيونه لها بدون مايقول شي ونظراته تدل على معنى ... اخلصي شعندك ... -(ميس استغربت وضع هالشاب ... بالعاده أي أحد من الشباب مايصدق انها تحاكيه او تطالع فيه بس نظره عابره ... بس هذا ولا كأنه يشوفها ومو مهتم لها ابدا ابدا ابدا ... حست بالفضول من ناحية هالشخص ... يمكن متزوج ... ليش لا ... هذا اللي جى في بالها عشان كذا قالت ببتسامه حلوه :~ مايكون ازعجتك ..؟؟ -(مايد :~ لا ... ((ثم رجع يكمل اللي يقراه ... -(ميس :~ انتا متجوز ..؟؟ -(رفع عيونه عليها شوي ثم رجع يطالع يقرى بدون مايجاوب على سؤالها ...) .. |
|
#269
01-27-2011, 02:12 AM
| ||
| | ||
|
-(ميس سكتت شوي ثم قالت :~ سوري باين اني تئلت عليك بالحكي ... سوري مره تانيه ... -(مايد ولا كأنها موجوده ... مطنششششها ... -(ميس لفت راسها عنه بأدب وهي تفكر بوضعه ... ماحست الا بوحده مرت من قدامها رايحه للمايد ... التفتت تطالعهم ... -(لمى وهي تمد له الكتاب ببتسامه خجوووله :~ شكــــرا ... -(مايد أخذ الكتاب من بدها ثم رد يقرى دفتره ... -(لمى لفت عنه بتردد بس بالأخير رجعت وجلست بكرسي بعيد عنه بس تقدر تطالعه .. ميس وهي تطالع الكتاب استغربت هو نفسه الكتاب اللي عطته ... معقوله يكون هالبنت يحبها ..!! ... ((ميس احتاااارت بوضع مايد ... مايد أول شاب مايعطيها وجه ولا يهتم بوجودها ... تنهدت بتفكير بس لاحظت بوجود بنت واقفه فوق راسها ... لما رفعت راسها لقت ملاك اللي تطالعها وهي متكتفه وكأنها بتطاق ... -(ملاك بحتقار :~ هيه انتي ... هذا مجاني ... يالله بسرعه قومي ... -(ميس علامات التعجب فوق راسها ...!!! ..) -(ملاك :~ انتي هيه ماتفهمين ... -(ميس :~ شو كرسييك ... انا جالسه أبليك ..؟؟ -(ملاك تكتفت :~ اقول قومي حد النفس عليج طيبه ... قومي انتي وويهج -(ميس بنرفزه :~ شو هوا على كيفيك ..!! ((مايد رفع عيونه عليهم ... حس بقلق منهم بس ظل يطالعهم يبي يعرف وش النهايه مع ملاك الللي عامله قلق له ... -(ملاك :~ انتي هيه قلت لج قومي قبل لا تطلع شياطيني عليج ... -(ميس :~ مابدي ... شو على كيفيك بتختاري الكرسي ياللي بدك وبتأومي الناس ..؟؟ دوري ليك كرسي تاني ... -(ملاك تتريق عليها :~ مابدي .. مابدي .. اقول قومي لا احوسج الحين ... -(ميس حست بحرااااج من ملاك اللي الفتت نظر الكل عليهم ... خاصتا لما التفتت تبي تعرف مايد يطالع ولا لا بس طاح وجهها أكثر لما شافت مايد يطالعهم بملل ... ميس نزلت راسها بحراااااج من ملاك وهي تدعي من قلبها تروح ... بس ملاك مافي أمل منها لما قالت وهي تشيل شنطة ميس :~ بتقومين ولا شلون ..؟؟ -(ميس بقهر وفشييييله من اللي يطالعونها .. خذت شنطتها ثم طلعت من القاعه بكبرها .. ملاك :~ أبركها من ساعه .. وسعتي علينا ... مالت على هالويه ... مصدقه روحها حلوه هاي ولا شلون ..؟؟ ((ثم التفتت على مايد اللي لاحظت انه يطالعها .. لما طاحت عينه بعينها ابتسم لها ابتسامه ساخره على هبالها ولسانها الطويل ... ثم رد يطالع دفتره ... ((الحقيقه ملاك هذا موب كرسيها ولا شي ... بس السالفع ومافيها انها انقهرت من ميس وهي جالسه جمب مايد ... خاصتا انها تبي تعرف وش كاتبه لمى للمايد .... تنتظره يفتح الكتاب بس مافتحه ولا اهتم له .. لما دخل الدكتور وبدى بالشرح ... مايد كان يكتب معاه ومو معطي وجه للملاك اللي كل دقيقه تلتفت عليه رغم انها تحاول انها ماتلتفت وتعمل حالها ثقل بس ماقدرت ابدا من رقبتها اللي تلف غصب عليها ... مايد فتح الكتاب يدور صفحه من الصفحات على درس ... بس انتبه للآخر صفحه فيها كلام بخط غريب ... وقف عندها وبدى يقرى بستغراب وهو مايدري من اللي كاتبه ... المكتــــــــــــوب ((بالأنقلــــش ...)) وترجمـــــته هي :~.......... بالبدايه ... اتمنى انكـ تفهمنـــي ... أنـــــا من أول يوم شفتك فيه ... ماقدرت اتجاهل تفكيري فيكـ ... بكل لحظه وثانيه كنت انت اللي ببالي... يمكن اللي اقوله ماراح يكفي بالتعبير عن اللي بداخلي لكـ ... بس عشان ماأطول عليك ... راح اختصر وأقولك كلمه وحده ... أحبـــــكـ ... ومن كل قلبي ... اعترافي هذا يمكن مايغير شي عندك ... بس تأكد انه غير اشياء كثيره عندي ... ((لما انتهى من المكتوب ... عقد حواجبه وهو موب عارف من اللي كتبه ... تذكر ان الكتاب كان مع ميس .. وبعدين لمى ... التفت حواليه يبي يعرف ايهم كتبت هالكلام ... بس لاحظ انو لمى لاهيه تكتب ... أما ميس موب موجوده ... بالصدفه طاحت عينه بعين ملاك اللي تطالعه بقواية عين ... من جده ارتاع لأنها كانت أقرب وحده للوجهه وتطالع فيه بجرائه ... ملاك شافت كيف الولد رفع كتوفه بروعه منها ... رفعت حواجبها وكأنها تقول شايف قدامك جنيه ... مايد ملامحه تغيرت للتعجب من هالبنت ... كلمة مهبولــــه ... راكبه عليها ... ((لف عنها بس فاجئته لما سحبت منه الكتاب تبي تقرى اللي كاتبته لمى .... مايد طير عيونه من جرائة هالبنت ... بس بسرعه سحب الكتاب منها ... ملاك مصره تقرى المكتوب ... رجعت بتسحب الكتاب بس مايد رفعه عنها للفوق بيده ... صارو ملفتين للأنظار بالقاعه من حركتهم الواظحه بين بعض ... ملاك من غير شعور ومن الحماس الزايد وقفت وسحبت الكتاب من يده ... لفت بتقرى المكتوب وهي توها بتجلس على كرسيها ... مايد بحركه بسيطه دف الكرسي عنها .... ثواني الا وملاك عالأرض منسدحه بعد طيحه قويه ... الكل التفت عليهم حتى الدكتور ... مايد ولا كأنه سوا أي شي ... دنق لها ثم أخذ الكتاب ... عدل جلسته وهو يطالعها بنظرات كأنه يقول :~.... اعرفي من تحطين راسك براسه .... بلحظات القاعه قلبت ضحك عليها .... ملاك شوي شوي والنار تغلي بداخلها ... ((الدكتور عصب على ملاك ... كلت تهزيئه محترمه ثم جلست بهدوووووووء وهي تغلي قهر ... لما هدى الضحك ورجعو للمحاظره ... ملاك التفتت عليه بنظراات حققققققد ... مايد حس فيها عشان كذا نزل راسه ببتسامه وهو ماسك ضحكته عليها ... """""""""""""""""""""""" ((بدبـــــــــــــــــــي ... في الجامعـــــــــــــه ... أميـــــــــــــره كانت رايحه للحديقه بتطلع من المبنى ... مرت على قروب فيصل ... وهم واقفين مع بعض قدام المبنى علطول ... وسادين نص الدرج ... بنحاسه ... بس فهد لما شاف أميره علطول قال بمرح :~ ابعدو ابعدو عن طريق الأميره ... ((أميره حست بوجود فيصل عشان كذا ابتسمت للفهد وهي تقول :~ يسلمــــــو ... ((ثم التفتت تطالع فيصل من فوق للتحت بحتقار وكملت طريقها ... فهد واقف موب قادر يستوعب .... صدق نفسه وبقووووه ... -(متعب زاد الطين بله لما قال :~ ؤحلى .... والله منتب سهل فهيدان ... -(فهد خلاص راح فيها .... التفت يطالع أميره وهو بقول بصوت عالي وماسك قلبه بستهبال :~ يالبييييييييــــــــــــه ...... -(عبادي التفت يطالع فيصل وردة فعله ... وشافه كيف منزل راسه بدون أي كلمه او حركه ... ((بهاللحظه مر من عندهم صقر ... فيصل أول ماشافه بسرعه قال :~ صقـــــــــــر ... -(صقر التفت على فيصل .. بس لما شاف انه فيصل علطول لف بيروح وكأنه خجلان من نفسه ... -(فيصل استغرب من صقر بس لحقه وهو يقول :~ شدعوا ياريال .. قاعد احاجيك وتطنشني ... -(صقر بدون مايطالع فيصل :~ السموحه ... بس وراي محاظره ... -أي محاظره وأي خرابيط ... ياخي حرام عليك وينك انت .. والله هذا موب عشمي فيك ... تترك زوجتك بالمستشفى لحالها وهي بهالحاله ... بعيدن أي خرابيط اللي انت السبب .... صقوور ... عيب جذي ... هذا مقدر ومكتوب ... واللي سمعناه بالجامعه خرابيط طلاب مالقو شي يتناقلونه غير الإشاعات ... اذا انت واثق من نفسك رد للزوجتك اللي جالسه بالبيت والله العالم بحالتها ... وطول الوقت سرحاااانه ... ومن غيرك تسرح فيه ... ((صقر لما سمع آخر جمله ضحك بقلبه بسخريه وهو يقول :~.... أكيد مسرحه في حبيب القلب عبدالمحسن ... -(فيصل :~صقور احاجيك ... شسالفتك انت تسرح وايد ... والله مشكله ... لا الزوجه ولا زوجها .. كل واحد مسرح فيهم ... تعال بس اليوم بالبيت وخذ زوجتك ... -(صقر بضيقه :~ بس يافيصل شلون بتقبل فيني بعد اللي صار ... ((وبداخله يتذكر كيف طاحت من الدرج ... ويتذكر كلام اخوه عن ولده محسن ... مصايب سواها ... بس برضو موب قادر يترك ليان رغم كل اللي سمعه وشافه ... يحبها ... شي خارج إرادته ... ولو بيده كرهها وتركها للعبدالمحسن ... -(فيصل :~ أفا عليك .. دامني موجود حط يدينك بماي بارد .. أفا عليك يالنسيب .. أنا وين رحت ... يالله عاد تعال اليوم للبيت .. ومايصير الا الخير ... -(صقر حس براحه كبيره من بعد كلام فيصل له ...) """""""""""""""""" بجهه ثانيــــــــــــــه ... تولين جالسه داخل المبنى والسماعات بأذانها .... حاطه رجل على رجل وتهزهم وهي تدندن مع الأغنيه ... مر من قدامها جاسم وخالد .... -(خالد :~ جسوم جسوم ... شوف شوف مو جن هاي تولين ..؟؟ -(جاسم التفت على تولين ثم ابتسم :~ تولين ... وهل يخفى القمر ... ((جاسم جلس جمب تولين ... -(التفتت عليه تولين ثم فكت السماعات وهي تقول :~ خير انشالله ... -(جاسم :~ الخير بويهج ياام الخير كله ... فديت هالصوت وراعيته ... -(تولين :~ صج مستواك مايسوى جزمه ... -(جاسم ببتسامه خبيثه :~ مشكوره .. قبلناها منج ... بس لا تزودينها ياعسل ... -(تولين وقفت بقهر :~ بزودها ونص ... لأنك واحد وسخ وماتربيت ... وياي تحط جوادتك على بنات خلق الله ... -هاهاااي ... طيب شوي شوي ليش معصبه ... روقي ياحلوه ... ولا تبيني اخليج على آآآآآآآآآآآخر روقان ... ((ثم غمز لها :~ شرايج ..؟؟ -(تولين توها بترد الا وسمعت صوت جمبها معصب ... -(الدكتور طلال :~ صج ماعندك لا ذمه ولا ضمير ... جدامي عالإداره ... بسرعه جدامي .... ((ثم التفت على تولين وهو يقول :~ وانتي بعد ... ((تولين طلعت عيونها :~ انا شكو ... هو الـ.... -(قاطعها :~ تطمني ... بس لازم تكونين انتي موجوده ... ((بالإداره ... -(جاسم بثقه :~ تتبلى علي هي ... -(تولين بقهر توها بتتكلم بس طلال عطاها نظره وكأنه يقول خلي كل شي علي ... -(الدكتور طلال :~ أنا شاهد على كل كلمه قلتها لها ... استاذ ... اسمح لي اعاقبه بطريقتي ... -(الإداره :~ اذا انت تبي جذي براحتك ... بس مو قبل لا تقول شناوي عليه .. -(طلال وهو يطالع جاسم بحتقار وقهر :~ درجته بآخر اختبار خذها بحذفها ... -(جاسم بروعه :~ شنــــــــــــــو ..!! ... -(طلال :~ وبعيدها له بس بالكتاب كله .. وحتى بالمحاظرات اللي للحين ماأخذناها بتذاكرها وأفهمها من نفسك ... -(جاسم بحقد :~ ظلم ... شنو هاي .. جامعه ..!! الشك الصراحه ... -(طلال بجديه :~ ماعيبتك اتركها ... -(جاسم بحقد :~ بعدين انت شكو بتولين ...!! ... سواء قلت لها جذي أو لا ... -(طلال التفت يطالع تولين اللي رفعت عيونها عليه ... سكت يطالعها شوي ثم قال :~ خطيبهــــــــــــــــا ... ((جاسم وتولين تفاجئو .... أما الإداره عارفين ... -(تولين تذكرت سالفة امها لما قالت فيه واحد خطبك ... معقوله يكون الدكتور طلال ... مستحيـــــــــــــــــل ... ((لما طلعو ... جاسم راح بعصبيه وقهرررر ... -(طلال بصوت عالي بالسيب اللي مافيه غيره وتولين وجاسم :~ جاسم ... اذا سمعت انك تعديت حدودك ويى تولين ... لا تلوم الا نفسك .... فاهم ... ((جاسم نزل راسه بقهررررر ثم كمل طريقه عنهم ... تولين ماقدرت تروح وهي واقفه تطالع في طلال بسرحاااان ... طلال التفت عليها وهو ساكت ... لما شافها كيف مسررررحه فيه ابتسم ابتسامه زادت من دقات قلبها :~ شفيج ..!! ... -(تولين :~ من صجك لما قلت انك ... آآآ ...((انحرجت ماتدري شلون تقولها ... بس طلال ابتسم ومابغى يحرجها أكثر عشان كذا قال :~ أي صادق ... ليش عمج وأمج ماقالو لج ..؟؟ -امبلا امي قالت لي بس ماتوقعت انه انت ... -(طلال ابتسم :~ الحقيقه فلت لعمج بييه للسعوديه ... وبحاجيه ... وهو قال بسأل عنك طبعا بعد موافقة البنت ... يعني هو أكيد راح يسمع رايج بالأول ... بس أنا ابي اسمع رايج قبل الكل ... أنا ابيج ... بالحلال ... ((تولين حست بمويه ثللللج انكبت عليها على آخر كلمه قالها ... ماقدرت تقول أي شي ... بس كان أول شي جى في بالها ... جـــــــjoـــــــــــوجــــــــــjoــــــــــــو ... -(طلال :~ اعتقد اننا نحب بعض ... فليش نتأخر أكثر من جذي ... كفايه اننا ضيعنا سنوات من عمرنا واحنا بعيدين عن بعض ... -(تولين بلعت ريقها اللي جف .... ماقدرت تنطق بأي كلمه .. -(طلال :~ افهم انج موافقه ..؟؟ -...................... -تولين .... قولي أي ولا لا ...!!؟؟ -(لفت عنه وكملت طريقها .... -(بس طلال مستحيل بتركها قبل لا تجاوبه :~ تولين جاوبيني ... -(تولين رفعت عيونها عليها بعد مالتفتت :~ الحقيقه ... -(طلال بدى يشك انها بترفضه ...:~ تولين تحجي ... -(تولين وهي تطالعه :~ أنا موافقه .... بس جوجو ... شلون بيكون ردة فعلها ... -(طلال ابتسم برااااحه كبيـــــــــــــره .... :~ ريحتيني الله يريحج ... واذا على جوجو أكيد بتفرح لنا ... أنا ولد عمها وأنتي ربيعتها ... أكيد بتفرح .. شدعوآ ..!!.. -(تنهدت بضيقه :~ ربيعتها ..!! ماأتوقع ... انا وياها الحين موب مثل قبل ... هي تكرهني وبقوه ... -(طلال :~ فديت قلبك بعدي هالأفكار عن راسج وفكري فينا وبس ... ولا تنسين اني احبج حيل ومابي لج الا الخير ... ((شاف من بعيد واحد من الدكاتره جاي لهم عشان كذا قال بسرعه :~ خلاص اشوفج بعدين ... ديري بالج ع روحج ... -(تولين ابتسمت عالخفيف ثم راحت عنه ... """"""""""""""""""""" ((نــــــــــــــارا وهي رايحه صوب محاظرتها ... ماحست الا بشخص سحب يدها للجهه خااااليه ... -(لما رفعت راسها توها بتهاوش الا وشافت يزيد واقف وهو يطالعها ببتسامه تحررررج ) انتهــــــــــــــى البـــــــارت الثالث |
|
#270
01-27-2011, 02:19 AM
| ||
| | ||
| البــــــــــاب الثامـــــــــــن عشــــــــ18ـــــــــر .. الفصـــــــــــل الـــــــــ1ـــــــــــأول ... ((نارا سحبت يدها بتوتر .... -(يزيد ابتسم :~ أحم أحم ... نحن هنا ... -(رفعت راسها له ببرووود :~ شتبي ... -(يزيد :~ ؤه ؤه ليش تكلميني كذا من طرف خشمك ..؟؟ -(نارا :~ عندي محاظره يالله باي ... -(وقف قدامها :~ لا مافي روحه ... قولي لي شفيك بالأول ... -(نارا تحاول تروح عنه بس موب معطيها فرصه وهو واقف قدامها ..:~ يزيد بعد شوي ... -(يزيد بعد عنها ثم قال :~ براحتك .... ((رفعت راسها بقهر :~ يعني موب هامتك انا ..!! -(يزيد ضحك بداخله بس مابين لها :~ ليش وش تبيني اسوي لك .. انتي تقولين بعد عني وبعدت لك والحين تقولين ليش كذا ..!! والله امرك غريب ياروح روح يزيد انتي ... خلاص عاد بلا محاظره بلا هم .. امشي بس امشي .. -(نارا واقفه تطالعه ...) -(يزيد :~ بسم الله لا يكون فيني شي غلط بشكلي .. ترى شككتيني ... ليش تطالعيني كذا ..؟؟ -(نارا :~ تستهبل انت وياي الحين ..؟؟ -(يزيد :~ هاه ..!!!... -(نارا :~تستظرف انت الحين ..؟؟.. -(يزيد رفع حواجبه يطالعها بعلامات استفهاااام ... -(نارا :~ صج عطيتك ويه وايد .... -(يزيد واقف موب مستوعب وش تقول .... -(نارا ماعاد تحملت :~ هههههههههههههههههههههااااااي ... بالله روح طالع ويهك شلون صار كبره .... هههههههههههههههههههـ... -(يزيد حك جبهته وهو يقول بتصريفه :~ شسالفه ..!! -(نارا :~ هههه .. لاا .. شسالفه اجل .. يالله يالله لقط ويهك .. مردوده من بعد اللي ساويته امس فيني عند خواتي .. -(يزيد :~ يووه ماينمزح معاك انتي ابد ... -أي كفو ... يالله وين بتعزمني ... -(يزيد :~شف شف من يتكلم ... مو المفروض انتي اللي تعزميني ... -(نارا :~ لا مابي ادفع أي شي من عندي ... يمكن يلاحظون اخواني ... -(يزيد :~ شدخل اخوانك بالسالفه يالبخيله ... -(نارا شهقت :~ يؤ يؤ انا بخيله .. طيب ياسيد تفضل على اغلى وأفخم مطعم انت تبيه ... -(يزيد :~ هههه صدقت البنت .. لا لا يالحلوه انا ماراح اطلع من الجامعه .. اذا تبين تطلعين اطلعي بروحج ... وراي محاظره بعد ساعتين ... -ياسلام وأنا عادي اسحب على محاظرتي ... يالله يالله برآ الجامعه انت ... ((وهي تحاول تدفه من كتوفه ماقدرت ... -(يزيد بضحك :~ هههه وش تسوين انتي ..؟؟ ((يزيد واقف عادي ولا حتى يحس انها تدفه من عرضه ... -(نارا بوزت :~ يعنبوه جدار موب انسان ... -(يزيد :~ نعم نعم نعم ... من الجدااار ..!! -(نارا ببتسامه :~ من قال ..!! ... -(يزيد :~ لا أبد محد قال جدار ... ((بهاللحظه طلعو متجهين للصوب الكافتريا ... -(نارا وهي تمشي منزله راسها مره ومبتعده عن يزيد شوي ... يزيد لاحظ وضعها .. -(قرب منها أكثر وهو يطالعها وكأنه يبي الكل يلاحظ ... -(نارا بعدت عنه بس يزيد يقرب وهي تبعد ... وعلى هالحاله لين رفعت راسها نارا وهي تقول بتوتر وصوت قصير :~ يزيد عفيه لا تقرب صوبي بيلاحظون ... -(يزيد :~ انتي من اللي بيلاحظك .. اللي يسمعك يقول الأخت جينفر لوبينز ... -(نارا رفعت راسها بقهر :~ انا تقارني بوحده كافره ..!! -(يزيد ضحك :~ ؤخص ياكافره ... اقول ترى العالم تطالعك ... يووووه قويه ... <~ قايلها بتريقه ... -(نارا حست انها كل يوم تتعرف على يزيد أكثر من قبل ... يزيد طبعه صعب شوي ... مرح للدرجه تنررررفزها ... يضحك عليها حتى لو انه يحبها عادي عنده الوضع ... مايستحي ابدا من أي احد ولا حتى قدام اللي يحبها ... هذا اللي لاحظته عليه بهالأيام اللي راحت ... -(يزيد ابتسم :~ احم احم احرجتني نظراتك ... شفيك تطالعيني ... -(نارا :~ ليش حرام اطالعك ..!! -(يزيد وهو يمشي :~ شافتك شافتك ليان اختك .... ((نارا التفتت بتوتر تدور ليان .. لما مالقتها راحت له وبقوه رجفته برجله ... -(يزيد وهو يضحك :~ آآآآآح ... شفيك انتي جد جد ماينمزح معاك ... -(نارا وهي تمشي تضحك بداخلها عليه ...)) """""""""""""""""""""""" ((فــــــــي يوم ثانــــــي بالجامعه ... فهد كان توه واصل للجامعه بدباب ... أربع كفرات ... كان بإمكانه دباب كفرتين ... بس جاي يستهبل كعادته ... ((لما نزل من دبابه راح للداخل الجامعه صوب قروبه ... -(فهد :~ سلااااام .. -(الكل :~ وعليكم السلااام ... -(برهوم :~ شدعوا وينك أمس بالليل .. -(فهد :~ احم احم للهدرجه فقدتوني ... -(فيصل كان متسند عالجدار يطالع جواله .. رفع راسه ثم قال :~ أنا من ناحيتي مره فقدت طفاقتك .. -(فهد رمى كتابه على فيصل اللي قعد يضحك عليه ...:~ اقول شباب .. عندي لكم شي برآ الجامعه ... بالشارع واقفه .. -(فيصل فز من مكانه ثم قال :~ بنـــــــت ... لا تقول حلوه ... هي تنتظر الحين برآ ..!!.. حرام عليك ياشيخ وراك مخليها تحت الشمس .. بروح اشوفها اخاف طفشت من سحبتك عليها .. -(فهد مسكه وهو يضحك :~ هههه ياخي انت معذبينك هالبنات ... بس عاد هاي أحلى بنت اللي يايبها لك انت خصيصا .. -(فيصل :~ لاااع تمزح وياي انت صح ..!! -شدعوا ..كبرك انا امزح وياك ... يالله يالله الحق عليها شفها تحت الشمس واقفه لحالها ... انتبه لها .. ماوصيك عليها .. -(برهوم :~ وقف لي بروح وياك .. انا اعرف اتفاهم مع البنات ... -(متعب وقف :~ لا انت ولا انت ... بعدو عني .. انا بروح انتبه لها ... -(عبادي نقز وراهم بيلحقهم .. أما فيصل تقدم قدامهم وهو يقول :~ ريحو بالكم .. البنت اول ماتشوفني بيصير لها شي .. استعدو بس انتو ... ((كلهم غطو وجيههم خلاص بيبكون من زود ثقة فيصل بنفسه ... أما فيصل يمشي قدامهم ولا كأنه قال شي ... بالصدفه وهم واصلين للبرى الجامعه ... شافو أميره واقفه من بيعد عالرصيف تطالع جوالها ... كلهم وقفو بصدمه .. -(متعب :ئ لا يكوووووووون يقصد أميره ... -(فيصل سآآآآآآآآآآآآآكت يطالعها ...) -(برهوم :~ يالييييل .. من صجه هذا ... أميره عاد ..!! .. -(فيصل التفت عليه :~ ليه موب عايبتنك ..!! -(برهوم :~ لا يعني موب جذي بس اقصد لا يساوي ازعاج بالأخير وحده نعرفها .. -(فيصل تقدم من أميره ثم قال :~ الحين انتي اللي ازعجنا فيها فهد ..!! صج ماعنده سالفه ... ((طالعها من فوق للتحت ثم كمل :~ امداج تعطينه ويه .. وتوقفين تحت الشمس عشان تتريينه يرد لج ... مسجينه .. الولد جلس وأرسلنا لج .. وانتي بكل ثقه عبالج الولد يحبج من صج .. ياعمه انتي اصلا من بيحبج ... مره مع بنت شاذه .. ومره مع فهد ومره مع راكان .. صج وحده ماتربـ..((ثم سكت وبلع آخر كلمه بغصه وقهـــر ... -(أميره وهي تطالعه .. صحيح مافهمت وش يقصد بس بالأخير قالت بثقه قدامه وبتكشيره :~ مخليه التربيه الزينه لك ... عاد انت ونعم التربيه ماشالله ... يايب بنت من غير زواج ... صج قرف ... -(فهد :~ فيصل ليش واقف هني .. -(فيصل يطالع أميره بحقـــــــــــــد ... -(برهوم متوتر من الوضع .. أما متعب بسرعه قال :~ صلو عالنبي ياجماعه .. انتو الثنين ليش كل مره تجتمعون فيها تتهاوشون ... خلاص ياجماعه تعوذو من الشيطان .. -(عبادي :~ فهود الله يهديك ... بنت واقفه حلوه وماأدري شنو .. وبالأخير أميره ..!! -(فيصل التفت على عبادي توه بيهاوش كيف انه محتقر أميره ... بس القهر انو فهد سبق فيصل لما قال :~ شتقصد بأميره ..!! أول شي انا ماأقصد أميره وثاني شي ... أميره تاج راس كل بنت بهالدنيا ... موب عايبتنك خلك ع وتين ... ((عبادي نزل راسه بضيقه ... -(فيصل حس بقهرررررر من فهد انه يدافع عن أميره عشان كذا قال بدفاع عن عبادي :~ فهود احترم نفسك ... عيب عليك تقلب ع رفيجك عشان بنيه استغفر الله كل يوم مع ريال .. وبنات بعد ... -(أميره سبقت فهد بالكلام :~ انت آخر واحد يتحجى ... شوف بالله نفسك بعدين تحجى عني وعن الباقي ... لا وبعد شكلك ياي طيران عشان بنيه .. هاها لا يكون صدمتك وأحبطتك ... ليه انا موب من ذوقك ... ياأبو ذوق رفيع ... <~ تقولها بتريقه ..... ((لفت بتروح بس فهد قال بسرعه :~ انا اقصد الدباب ... أميره .... شرايج تركبين الدباب ..!! -(أميره سكتت شوي ثم قالت ببتسامه وكأنه اعجبها الوضع ... التفتت تطالع فيصل من فوق للتحت ثم قالت :~ يالله شوراي ... محاظرتي بعد ساعه ... خلونا نشوف الدباب اللي أحبط بعض الناس ... ((فيصل عاض شفته وهو منزل راسه ويسمع كلامها ... حاااااااااااااقد عليها ... بشكل مايدري ليه اصلا ... حاقد بس وش السبب مايدري ... بش يحس انها تنرفزه بشكل موب طبيعي ... خاصتا لما تتواجد مع فهد ... وتعطيه وجه ... ((أميره رفعت عبايتها وربطتها زين ثم ركبت الدباب ... -(فهد وهو يأشر لها :~ انتبهي اضغطي على هذا ... ولا تسرعين ... -(برهوم يصفر :~ ووووه ... أحلى أميره ... راوينا شبتساوين ... ((أميره ماتدري وش تسوي بشنطتها .. بس قررت تمسكها زين وتكمل هبالها ... -(متعب وهو متكتف يطالعها ويضحك وبصوت قصير يسمعه برهوم :~ ياخي هالبنت فظيعه .... -(برهوم بصوت قصير :~ لا والعجيب ان فيصل وفهد يحبونها ... -(متعب :~ فهد يمكن بس فيصل مستحيل ... -(برهوم ~: مدري ليش احس هالولد يحب أميره ... -(متعب :~ اقول بعد عن ويهي .. انت وأحاسيسك اللي ماأدري شنو تبي بضبط .. ((أميره شغلت الدباب وبدت تحوس فيه ... بهاللحظات .. صار الشارع زحمه وهم يطالعون اميره ويصفقون بصوت عالي لها ويشجعونها بضحك .. فيصل واقف بعيد عنهم عالرصيف .. موب عاجبه الوضع ابدا ... يطالع أميره بصمـــــــــــــــــت ... نزل راسه للحظات ثم لف بيروح عنهم للداخل الجامعه ... بس ماسمع الا بصرآآآآآآخ يخوف ... التفت عليهم ... يحاول يشوف شسالفه ... فهد واقف يصدمــــــــــــه يطالع أميره اللي انقلب عليها الدباب ... والبنزين شربت منه شوي لما انكب عليها بالقلبه ... أميره ضرب راسها عالأرض بقوه وشربت شوي من البنزين اللي انكب على وجهها ... أميره وهي عالأرض ماتتحرك ... ((الكل سكت ... لما كان ازعاج وتصفيق ... يطالعون بصدمــــــــه ... تو فرحانين .. والحين انقلب الوضع للصمت وصدمه ... متعب وبرهوم وفهد ركضو للأميره بسرعه ... ولحقهم عبادي ... -(برهوم لما شاف وجه أميره بسرعه لف عنها بتكشيرة ألم من وجهها اللي قلب أزرق ... وانتفخ بشكل مخيف ... أما عيونها مايشوفون منها غير البياض ... ومن فمها يطلع رغو أبيض متكتل ... فهد كان بلع ريقه بخوووووف من شكلها ... يشوفها كيف شكلها مؤلم ومخيف وكأنها تحتضر وهي تطلع اللي بفمها بشكل بطيئ .. وهي مخنوقه وجسمها متشنج وكأنها تتمزق من داخل ... ((ماحسو الا بفيصل اللي توه يتقدم من بعد وقفته اللي موب قادر يستوعب ... بسرعه توجه لهم ... لما وقف وشاف شكلها طلعت عيونه من مكانها من المنظر اللي يشوفه بصدمه ... -(متعب منزل راسه وهو يقول :~ لا حول ولا قوة الا بالله ... -(برهوم :~ ياجماعه بعدو عنها شوي لين تيي الإسعاف ... -(فهد جلس عالأرض لأن رجوله ماتشيله من الصدمه ... -(فيصل التفت على متعب ومسكه مع يده وهو يقول بخووف وشفايف ترتجف :~ متعب أميره ماتت ... أميره ماتت ..!! قول انها ماماتت .. قول .. -(متعب بخوف على صاحبه اللي متفاجئ منه :~ لا لا تعوذ من الشيطان شنو اللي ماتت .. اكيد ماماتت ... ((فهد رفع يدينه على شعره اللي طاحت الربطه منه من كثر مايدخل أصابعه بين شعره الطويل للكتوفه .. فيصل يروح ثم يرجع وشكله صاير غريب ... وضعه مايطمن ... ربعه مصدومييين منه بس موب فاضين يفكرون أكثر فيه وليش يسوي كذا ... اللي همهم هالبنت اللي كأنها تحتظر قدامهم ... ((بهاللحظه فهد يطاااااالع أميره وقلبه يدق بقوووه ... عيونه حمررررا والعبره خانقته ... بس اللي زاد الطين بله .. لما تقدم منه فيصل وبقوه شده مع قميصه بغضب وهو يصارخ عليه :~ الله ياخذك انت السبب ... لو يصير لها شي ماتلوم الا نفسك ... البنت بتمووت بسببك ... -(فهد قال بخوف على أميره :~ بس هي ماماتت ... أميره ماماتت .. -(فيصل وجهه بوجه فهد :~ انا قلت لك ابعد عنها بس انت ماتفهم ... ابعد عنها ... شف شصار الحين ... بسببك أميره بتموت ... ((فهد سحب نفسه من فيصل وتوجه للأميره وهو يطالع شكلها اللي كل من يشوفه يدعي لها بالرحمه علطول ... فهد نزلت دموعه غصب وهو يقول بغصه :~ أميره ماتت ... ممـ ... ماتـــــــــــــــــت ... -(فيصل لما سمعه جن جنونه ... مسكه بقوه ودفه عالأرض وهو يقول :~ لا تقول ماتت ... لا تقـــــــــــــــول ماتت ..!!... ((يزيد بهاللحظه كان موجود ... بسرعه تقدم وجمبه نارا اللي واقفه تطالع اخوها بصدمممه ماتدري وش اللي صاير بالضبط .. بس مصدومه من شكل هالبنت اللي ماتدري من تكون بسبب ملامحها اللي ماتنشاف .. يزيد مسك فيصل ثم التفت على عبادي ومتعب بقهر :~ انت وياه .. امسكو رفيجكم عن الولد ...!! ولا شيلو البنت للسياره وعالمستشفى ... ((بسرعه برهوم وعبادي تقدمو ومسكو فيصل عن فهد اللي جالس بخوف .. يزيد التفت على أميره بيشيلها بس نارا بسرعه راحت له وهي تقول :~ لا تشيلها انا بشيلها ... ((ماكانت تبي يزيد يلمس أي بنت عشان كذا قالت كذا رغم انها ماتدري انها أميره .. -(لما حاولت تشيلها بصعوبه ... يزيد حاول يساعدها برفعها ... بس تقدمو بنات بيساعدون نارا ... يزيد :~ نارا تعالي وياي للسياره .. ((نارا سمعت كلامه علطول بدون أي تفكير ... متعب وعبادي وفهد لحقو يزيد وركبو معه .. أما فيصل جلس بالشارع بصدمه وهو في باله أميره فعلا ماتت بس مايبي يصدق هالإحساس اللي خايف منه ... برهوم جلس عند فيصل ومسك كتوفه وهو يقول :~ تعوذ من الشيطان ... أميره بتكون بخير ... لا تخاف عليها ... -(فيصل رفع عيونه على برهوم وكأنه يبي يصدق هالكلام بس موب قادر .. برهوم يحاول يرفعه عن الأرض .. بس ماقدر لأن فيصل أثقل من برهوم النحيف ... انتهــــــــــــــــــــــــى البارت ... أدعولي بتوفيق في الإختبارات النهائية نتقابل يوم الاثنين  ولا تنسوني بردودكم |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| هذه لوحة من أعمالي أتمنى تعجبكم | شهد22 | لوحات فنية و خط عربي | 22 | 05-27-2009 12:10 PM |
| صور أطفال ....((أتمنى تعجبكم)) | قطرية كيووت | أرشيف المواضيع الغير مكتمله او المكرره او المنقوله و المخالفه | 22 | 08-16-2007 01:51 PM |
| أتمنى أن تعجبكم هذه الصور | مبدع العالم | أرشيف المواضيع الغير مكتمله او المكرره او المنقوله و المخالفه | 14 | 08-10-2007 11:49 PM |
| كوكتيل صور أتمنى تعجبكم | دندوسة | أرشيف المواضيع الغير مكتمله او المكرره او المنقوله و المخالفه | 3 | 05-20-2007 02:16 AM |
| أتمنى أن تعجبكم هذه الباقة من الصور..... | زهرة الرمال | أرشيف المواضيع الغير مكتمله او المكرره او المنقوله و المخالفه | 13 | 01-17-2007 02:17 PM |
العرض العادي
