|
| |||||||
| نكت و ضحك و خنبقة القسم لا يهتم بشيء سوى الفكاهة والضحكة البريئة والمواقف الساخرة والمقالب بين الأعضاء |
 |
| | LinkBack | أدوات الموضوع | انواع عرض الموضوع |
|
#1
09-23-2010, 08:08 PM
| ||
| | ||
 علاج الطفش المنتدى جبت لكم طرق للتخلص من الطفش ومجربه ومضمونه 100% ولكن فى البداية يجب أن نعرف الطفش الطفش هو :- ان تكون طفشان <== قسماً؟ وله تعريف آخر هو ان تكون طفشان وبقوه وله تعريف وهو التــفش وخير دليل على ذلك اذا سألك شخص اجنبى وقال لكru tafshan يعنى هل أنت طفشان أنواع الطفش سمول وميديم ولا لارج وأكس لارج <=== وهذا النوع يصيب السحالي علي وجه الخصوص. كيف تمردغ الطفش عزيزى اليك هذه الخطوات والنصائح لكى تتجنب الطفش 1- اذا كنت في البيت والوقت متأخر وجالس لوحدك والأهل نايمين أكيد بتطفش ... طيب كيف أقضى على الطفش ابد سلمك الله رح إلى عداد الكهرب وأفصل الكهرباء عن البيت على طوول راح يصحون الأهل مذعورين وأنت سو نفسك مذعور ولاتدرى وش السالفة وبعدهاا راح يتنكد نومهم وراح يجلسون معك ويزول الطفش عنك وانت مسوى نفسك برىء 2- اذا كنت طفشان ولاعندك شىء تسويه ابد ادخل غرفه وطف النور وأستخبى ورا الباب وياحبذا تلبس لك عبايه والا قناع وأى واحد يدخل قل لـــه بخ بوووووووو <=== لست مسؤلاً عن رده الفعل 3-ارســــــل رسايل خــــــاصة لنفســــــــك واكتب فيها كلام حـــــــــلو ......... والتوقيع بنت من المنتدى طبعا في كل مرة تستقبل فيها رسالة راح تستانس ... وتسأل نفسك يا ترى منو اللي مطرش لي وكرر ارسال الرسايل الين ما يروح الطفش 4- غير فرش البيت يوم شيل الكنب حق المجلس حطه بالصاله ويوم شيل كنب الصاله حطه بالسطح <==== يسمونه تغيير فى الديكور مما يؤدى الى عدم الملل 5- بالنسبه للبنات اذا طفشتى مره روحى للمرايه وأجلسى مقابلتهاا وغيرى شكلك يعنى حطى روج اصفر وظل اخضر واصبغى شعرك برتقالى وحطى مناكير أسود وياحبذا تحطين عدسات فسفوريه قسم ياشيخه يتغير شكلك وتقولين وشذا الجنيه وهذا مايسمى بتغيير اللووووووك 6- برضو للبنات اذا طفشتى حاولى تخترعين أكله عطى الخادمه اجازه وأدخلى المطبخ وطبقى كتاب أبله عطيات لأتعس الوجبات مع ملاحظه عدم تقديم هذه الوجبه الا للأخوه الأعداء يعنى فيه احد مزعلك قدمى له الوجبه 7- بالنسبه للشباب طفشان ليه تروح تغسل سيارتك بعشرين او بثلاثين ابد الله لايهينك جيب لك سطل مويه ( وفى روايه اخرى ماي ) ومعه شويه صابون فيرى وفنيله من فنايلك ( يمتنع استخدام السراويل ) وأشتغل فرك فى الكفرات اليين تدوخ وراح يزول الطفش وينهد حيلك وتنام 8- بالنسبه للبنات اذا طفشانه ولاعندك شىء تسوينه بالبيت ابد اقلبى بيتكم ذاك اليوم يوم الكنس والغسيل العالمى يعنى نظافه غير طبيعيه والأدوات المطلوبه مكنسه طويله عدد اثنين ( الثانيه بتكسرينها فوق راس الخادمه ) عدد واحد مساحه عدد واحد مكنسه صغيره للأماكن الى تحت المغسله والأماكن الى ماتوصل لها المكنسه الطويله وعدد واحد لى مويه وتشبكينه فى الدينمو وأدهرررى غسيل مع ملاحظه عدم لبس الكعب العالى اثناء الغسيل علشان اى وحده بتستخدم الكعب راح يكون موقفها صعب قدام هيئه الأمم المتحده وياليت يكون يوم جمعه علشان البلديه ذاك اليوم معطلين ولاعندهم دوام اخاف يقطعون المويه وتقولون انا السبب آخر شىء عدد خمس فنايل قطن ( دبريها من فنايل ابوك والا اخوك ) تستخدم الفنايل للزجاج فقط 9- للشباب والبنات طفشان حاول تخلى نفسك مفيد وجيب السواق وانتى جيبى الخادمه وحاول تعلمونهم اللغة العربية الف بااااء تاااء ....الخ << <== مع ملاحظه انك ماتنسى لغتك وتقول لأهلك ايسسس فيه مسسسكله 10- امسك قلم وورقه وقول أنا بصير شاعر أو شاعره << لامانع يكون جنبك مجله فواصله اذا أنزنقت الطش لك بيت والا بيتن ثم أدعسسسس 11- بالنسبه للبنات ادخلى اى محل فى اى سوق واذا شفتى اى شاب ( تمساح ) قولى بصوت عالى يالى ماتستحى تعاكس بنات الناس وأنسى الباقى الناس الموجودين بالمحل راح يحتفلون فيه احتفال غير مسبوق ههههههه>> الشباب بيحوسنه على هذه الفكرة الطفش والطقس يؤثر الطفش فى الطقس والطقس فى الطفش يعنى كل واحد منهم يؤثر على الآخر فصل الشتاء :- يتميز فصل الشتاء بالشتاء اقصد بالجو البارد ومعه تهدى الأعصاب ويقل الطفش ويكثر النوم فصل الربيع :- ماعمرى شفته ولااعرفه بس اسمع فيه يوم بالسنه فصل الخريف :- برضو مثل الربيع فصل الصيف :- ويسمى فصل الطفش الموسمى لأن الرياح تهب من جهة الهند وتنخفظ كلما اقتربت من المحيط الهندى وتديور وترجع يوتيرن عند المحيط الأطلنطى وأول منطقه عندها هى الشرق الوسط ويتوقع هطول الكثير من الطفش في المناطق الجنوبية والشمالية الشرقية مع وجود زخات من الطفش كلما أتجهنا جنوباً وعلى عكس ذلك تكون المناطق الوسطى طفشاء صافيه ودرجه الحراره خمسه وخمسون طفشه مئويه مع وجود تيارات طفشائيه منخفظه ويطول النهار طفشتين ونصف الطفشه ويقصر الليل مدرى كم طفشه آخر اخبار الطفش سقوط اربعه صواريخ طافشنكو بعيده المدى على جنوب الشيشان سقوط طائره من نوع طفشانكا ايرلاينزز ومصرع جميع الطفشانين على متنهاا بمافيهم طاقم الطفشانين الجوييين انفجار قنبله طفشانيه فى محل بيع خضار مما ادى الى سقوط بعض الطفشانين بعض اصاباتهم طفشانيه بقوه انهيار العمله الطفشيه فى بورصه الأطفشا العالميه للأسهم وصول ممثل هيئه الأمم الطفشانيه كوفى طفشان الى السودان للتفاهم حول تطفيش السودانيين من اراضيهم فوز ريال مدريد على مانشتر يونايد بثلاث اطفش مقابل طفشين ملاحظه يا أخوان أنا طفشان عندكم حل للطفش؟؟ ههههههههههههههههههههههههههههههههههههههههههه ياكثر سوالفي
__________________  ان كـان رمال البحر يشتـــاق للموج قلبـي يبكـــــي عليكم من الشــــــــوق  |
|
#3
09-23-2010, 10:18 PM
| ||
| | ||
| اقتباس:
هههههههههههههه مشكوره على المرور الخطير وفكره اني اسوي اللي كاتبته ان شاء الله اسوي بعدين
__________________ ان كـان رمال البحر يشتـــاق للموج قلبـي يبكـــــي عليكم من الشــــــــوق |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| علاج ضعف الايمان | *جزائرية* | مواضيع عامة | 4 | 02-24-2011 03:46 PM |
| علاج الهموم | حمزه عمر | مواضيع عامة | 18 | 12-30-2008 01:32 PM |
| علاج النحافة وطرق علاج النحافة | محمد المرزوقي | أرشيف المواضيع الغير مكتمله او المكرره او المنقوله و المخالفه | 1 | 10-06-2008 03:15 AM |
| علاج الحسد | تئلمت بس تعلمت | نور الإسلام - | 2 | 04-06-2008 11:52 PM |
| علاج الشك | تئلمت بس تعلمت | علم النفس | 1 | 04-03-2008 01:39 PM |
العرض العادي
