السلام عليكم ورحمة الله وبركاته

هذه قصيدة للشاعر المبدع // محمدبن رافع الدحيمي الشهري …نقلتها لكم من منتدى بني شهر ...
وقد أبدع كعادته قيصر الشعراء او طويق الشعر كما يسميه محبيه , وقد قال عنه
الشاعر الكبير مساعد الرشيدي : (محمد الدحيمي هو امتداد شعراء المرحله ومستقبل القصيده انتظروه فهو شاعر سيلغي جميع التجارب السابقه) . وهو من الشعار الذين ظلمهم الاعلام علما ان له اكثر من ثمانمائة قصيده وله اكثر من 18 امسيه شعريه لم نرى منها شي ..(قد يعود السبب لقلة المطبوعات او القنوات المهتمه بالشعر ^45^ )..هل هي قليلة؟؟؟اترك الاجابه لكم ..
القصيدة بعنوان :
ملحـمة الجن (القصيدة التي اعجزت النقاد).
ليـلة البــارح .. رقد بعضي ينازعــه أغلبي ...ليلة ٍ بآخـر ليـالي الحج غـدراً مظـلمة
كـنّي اللـي نـايـمٍ ما بين داب وعقـربي ...هي حقيـقـة ؟هي خيالٍ سجّ ؟هي حلم احلمه ؟
قمت من صـوتٍ دعـانـي وانثنيت على ركبي ...وإلاَّ أنا أناظر قبـالــي ( ناقـةٍ متكلـمه )
( يا نيـازك لو عرجـتي فوق دخـان أشهبي ...اعلـقي في زئبـقي فــي مارجٍ متنجــمه )
قلت:وش قومك؟وش انتي؟واصدقي لا تكذبي ...جاوبتـني شاعـره من الجن وانظم مبهـمه
وقبل تنـشــدني ترى اسمي(أَبْكمه)يا صاحبي ...وإدر كانك ما دريت إن أشعر الجن ابكمه !
اسكن(البَرْلــَس)على وادي يسمى(المحلبي) ...في نهــاية ( طور موسى ) جلّ ربٍّ كلّـمه
جيت اباسمع منك شعـر الوصف..واشبّ لهبي ...كان توصف مثــل (جدّك) ياعسى الله يرحـمه
جـدّك اللي من سمـع شعره ذهل واستغربي ...مثل وصفه لاجمل سنينـه ( بـ..نوق مدرهمه )
قلت : حيــاك ارحـبي ثم ارحـبي ثم ارحـبي ...في ضيـافة شـاعرٍ يثـني القصيد ويلجـمه
شاعــرٍ ورَّد هواجيـسه علــى ما هو يبي ...وأعذب الشعــر أصدقه في أغربه في أجهمــه
من شيــوخ دحيـم جدانـه.. وخاله تغلـبي ...إن طلع عزّ وشـرف.. والأَّ طمــن في مكرمة
قد ورثـت الطيب قبل الشـعــر من جدي وابي ...ولابـتي سيـل الحقــوق اللي تـزابر مرزمه
واشـهد إني من سنـام الشعر دسمّت شنبي ...وهاتي أشعر شاعرٍ من الجن .. نذرٍ لا أفحمـه
ودام يستهويك شعــرالوصف با أنظم وأطـربي ...عـ.. القـوافــي نفسها قدامك الحين انظـمه
واصفٍ حلو التــرايب والقــوام الأكــعبي ...وأبتدي : بسم الله الرحمن سِمْعي يا ( بْكمه )
جـادلٍ بحجـاجها.. فجــرٍ زبنـه المغـربي ...عـنز ريـمٍ نثـّرتـني بين خزر وسلهـمه
في سـواد عيـونها .. فاجــر يقول إنه : نبي ...كل صـابي يتبعـه ويصدقه .. يهـدر دمه
وفي لحظـها .. حـاكمٍٍ سفاح متهـور غبي ...يطلب الرحـمة لميتــه يوم شبـع من لحمه
وفي هدبـها .. مدهلٍ راعـيه شيــخٍ يعـربي ...أجــوديٍ نوب يعزمنــي .. وأنا نوب اعزمه
راعـني خـالٍ بوجنتها تقلْ .. عبْد مْسـبي ...حارس ٍ روض الزهر من كل يمناً مجـرمـه
ومن قليـب اللول .. جاء ثعبــان فضي لولبي ...من لعق سمّـه .. يقــول : الشهد مرّ وعلقـمه
كلما بلّل شفـق عنــابهــا قال : عْجــبي ...راح ينشد لولها هي مشركــه ؟ هي مسلمة ؟
ويوم جاء اللول بيجاوب قلت :ربـي رووف بي ...ناض برّاق الثمان .. وسال وادي عكــرمه
الندى .. عـودٍ غدا بأوجــانهـا .. طفل يحبي ...والعطر.. راعي باثـرْها يحـدي ابله وغنمه
ومن جـدايلها.. تجـلاَّ فـارسٍ قال : العبي ...واستفزي الريـح يا بنت الهبوب المدهمـه
وفي نحـرها .. كـافر ٍ لعيـونـي يقول : إذنبي ...كل ما ياكل رطب شوفي .. حذفنـي بعجـمه
في ترايـبها .. ثمر طـاح بنهــم عين اشعـبي ...جاء يقول لخصــرها الميـاس : حذرا ما انهـمه
انثـنى الخصــر وتمـايـل .. قال : قبلك مرّبي ...توه اللي كان ضيفـي وانظر آثـار قدمـه
الجمل .. هجّ وتـذيّر يــوم شاف الأحــدبي ...والحدب قال : إش معـه ؟ ما ينظر لحدب سنمه
كل نضـره روّحت حبلــى.. تجي معها صبي ...راح جـوعه ينشــد أمه وش بلاها تفطمه ؟
لامشت..في مشيهاخطو الكحيل الأشهبي ...لا انثنت ( حايل ثنيّه ) لا ربـاع ولا قحمه
كنها لا لدّت النظرة خجـل عا المنكــبي ...صادقٍ .. يستـودع الفتـّان سرٍّ يكتـمه
في خجلها ..بنت شيخٍ طاحت بحب أجنبي ...في غنجها .. مهـرةٍ تتلي الصهيــل بهمهـمه
في رضاها.. حصـنيٍ يتـلذذ بحمـض عنبي ...في عتبها .. ظالـمٍ حطوه قاضي محكـمة
لا اقبلت.مثل الحمام ولا ادبرت.مثل الظبي ...لا اوقفت .. طير الهداد - ولا جْلست .. تقل رْخمه
لا وردتي يا مغاتيري علـى العدّ اشـربي ...وهيجـني : يا حــي ذا المبسم ومنهو مبسمه
مبسمٍ يوم يتبسم كل عرقٍ صـاح بي ...وتلّني .. قـوم الثـمه .. نذرٍ علي أن تلثـمه
أذن الفجرووقفت..إلاّ(اْبكمـه)تقْل:طْلبي ...( ياالدحيـمي ها القصـيدة سمّها بالملحـمة ).

يهمني رايكم ... تحياتي لكم ...

__________________

يا سادتي قاتلت عصرا لا مثيل لقبحه وفتحت جرح قبيلتي المتعفنا انا لست مكترثا بكل الباعة المتجولين وكل كتاب البلاط وكل من جعلوا الكتاب حرفة مثل الزنى ...

يا سادتي عفوا اذا اقلقتكم انا لست مضطرا لاعلن توبتي هذا انا هذا انا هذا انا .

__________________

السلام عليكم

اخوي ابو مهند اشكرك وشكري لك لن يفيك غلاك

اما عن القصيدة فهي من وجهة نظري اكثر من رائعه وانا انتظر تعليق المختصين في الشعر والادب بصفه عامه ومنهم نستفيد.......

تحياتي لك....

__________________

يا سادتي قاتلت عصرا لا مثيل لقبحه وفتحت جرح قبيلتي المتعفنا انا لست مكترثا بكل الباعة المتجولين وكل كتاب البلاط وكل من جعلوا الكتاب حرفة مثل الزنى ...

يا سادتي عفوا اذا اقلقتكم انا لست مضطرا لاعلن توبتي هذا انا هذا انا هذا انا .

ها القصيده يبيلها يومين عشان اقراها ويومين عشان افهمها ويومين عشان اعطيك رايي فيها وكل ما قريتها اعاود واقراها بس اللي ابيك تعرفه اني ابيلك سنوات عشان اعبر لك مدى اعجابي فيك تسلم اخوي الزيير وننتظر الجديد منك واكيد وصلك الرد مشكور

قصيدة رائعة ولا أجمل