ذهبي ][اعتــرآفــآت يـوميـهـ..حـبسس][ - الصفحة 22500 - عيون العرب

**Soul** · #**112496** 10-06-2015, 12:36 AM

اعترف ..
مجد العراق بقى مثل ماهو ماتغير بسبب شخص "
و

دائماً اسمع جملة "العراقيين مو زينين" "الشعب العراقي اسوء انواع الشعوب!" "هذولة انتوا العراقيين" و غيرها و غيرها.
و العجيب انه اغلب اللي يكولها همة نفسهم الشعب العراقي .
اعتقد انه العراقيين همة نفسهم م يعرفون انه همة طيبين و نفسهم طيبة و شعب متسامح و مثقف الى درجة عظيمة.
الشي الوحيد اللي مو زين بينا هوة سياسيينا .. السياسين العراقيين همة المو زينين .. همة اللي وصلوا حالنا الى هذا حال
"ناس م شايفة و شافت!" هية هاي أفضل عبارة تنكال بحقهم! جوي شافوا نفط و فلوس و وضائف و خيرات .. أخذوها الهم و لواسطاتهم و لاحزابهم! و كل واحد نزيه و شريف يحاربوه و يصيرون ضده ..
لهذا السبب البلد وصل للحال اللي وصل الة .
انت نفسك العراقي .. احتمال م تعرف انه من يصير انفجار بفد مكان و يصير جرحى و ينقلون للمستشفى .. يجون مجموعة جبيرة من الاشخاص يتبرعون بالدم للمستشفى اللي انقلوا الها الجرحى .. يروحون و ينطون دمهم لناس م يعرفوهم! و كله من تلقاء نفسهم محد يكللهم روحوا تبرعوا .. بس همة عدهم هاي الثقافة (ثقافة التبرع بالدم) بنفسهم .
انت تعرف انه من يصير انفجار الناس اللي بنفس شارع الانفجار تبقة تشتغل و تعمل تبقى الطلاب اللي د تروح للمدرسة و للكلية تروح ع الرغم انه الانفجار قريب من أماكن دراستها؟
شنو من شجاعة و شنو من قابلية انه اتظل عايش حياتك عادية رغم كل التهديدات
كانه هاي الشغلات م تاثر بالعراقيين و لا تخوفهم لحظة وحدة .. كل هاي الآلام و المناضر م تاثر بينا و لا بايمانا .. مستمرين نمارس حياتنا عادية نضحك و نتشاقة و نفكر بدراستنا و بعملنا و بنجاحنا .
لهذا نهائيا ل تقلل من قيمة نفسك او قيمة شعبك .. لان احنا شعب عظيم عندة قيم و مبادئ و حضارة راقية م تزول و م تنتهي ..
‫# _ افتخر بعراقيتك !
-رونق الموسوي .