|
| |||||||
| شعر و قصائد القسم يهتم بالشعر العربي الفصيح والعامي الموزون, المكتوب بأقلام الأعضاء لا نقبل القصائد المنقولة |
 |
| | LinkBack | أدوات الموضوع | انواع عرض الموضوع |
|
#1
10-29-2010, 08:27 AM
| ||
| | ||
| قصيده عن الفراق [x] قصيدة قوية عن الفراق السلام عليكم ورحمة الله وبركاته قصيدة رائعة عن الفراق عقب البطا لاقيت ظافي الجديلات = ياليتنا عقب البطا ماالتقينا سلمت وقلت لنور عيني سلامات = وش غيًرك ويش السبب ما تبينا دنق وقال ارجوك إنه العلاقات = شيٍ حصل ماعاد هو في يدينا قلت السبب قال الليالي غريبات = إنه العلاقه واعتبرنا انتهينا انا بحبل انسان ماهي دعايات = ارجوك ابعد خايف انًه يجينا طالعت فيه وهلت العين عبرات = في ساعةٍ غصبٍ علينا بكينا حاولت اعبر عن همومٍ خفيات = بس الحكي شيفيد مهما حكينا كتمتهن بالجوف لوهن قويات = راضي على ماصار لو مارضينا وآخر كلامه قال لي كم كلمات = لاتسيء ضنك في غصبٍ علينا ولف العباه وراح وانا بحسرات = فرقاًجرت من غير ذنبٍ جنينا وقفت اخايل غض الأنهاد لحظات = فيهن تهدم كل شيٍ بنينا وقمت اتذكر كل شيٍ لنا فات = قبل ايتغير بالمحبه حدينا ياما سهرنا بأظلم الليل ساعات = وياما طلع نور الفجر مادرينا وياما لنا فوق المراقيب ذكرات = وعلى جبال الزور ياما رقينا وياما تحملنا الصعوبات مرات = وياما على سود الليالي شكينا على زمانٍ فات جريت ونات = لو هن على ضلعان مكه تلينا اقرا الموادع بالقصص والروايات = لاشك ماضنيت بيصير فينا وارجع واكرر كلمةٍ لي بسكات = ياليتنا عقب البطا ماالتقينا الــــــــــــــــــجزء الثــــــــــــــــــاني تكررت عقب البطا والتقينا = من عقب مامرن سنينٍ طويلات في صدفةٍ فيها حشا مادرينا = ولاهقينا نلتقي عقب مافات لاشك جابتها الليالي وجينا = رغم الفراق ورغم ذيك المسافات في موقٍف بان التوتر علينا = لحظه تلين إبها القلوب القويات قالت شلونك قلت ربك عوينا = الحمد لله عاضني عقب لوعات الله رزقني في هنوفٍ تبينا = احيت خفوقٍ كان بعداد الأموات هي نور عيني فرحتي والضنينا = ألقابها عن ظيقة الصدر سجات قالت سليت وقلت عقبك سلينا = لكن عقب مالاعنا الحب مرات قالت شلون وقلت لاتسألينا = مافات فات ولا تفيد الحسوفات قالت تكلم قلت مهما حكينا = الدمع ماينفع عزيزٍاليامات قالت نسيت وقلت لامانسينا = لكن قنعنا والقناعه من الذات قالت أروح وقلت وش في يدينا = روحي عسى في كل خطوه سلامات بصبر على فرقاك مهما حيينا = ولا تشوه صادق الحب زلات قالت على ماكنت دنيا ودينا = تكرم ونكرم عن دروبٍ رديات قلت اسمحيلي قبل لاترحلينا = يم الديار اللي علينا بعيدات تراي ذخرٍ لاحدتك السنينا = اجيك مهما واجهتني صعوبات من اليوم اخوك وغيرها ما بغينا = كلي فداك ان صار بالوقت ميلات وتبسمت بإعجاب مدري حنينا = وتهشمت قدام عيني بعبرات قالت فمان الله قلت انتهينا = واقفت تكلم نفسها بس بسكات وقفت تقديرٍ لها ثم مشينا = دربٍ مشوه اهل القلوب العفيفات امشي واردد ليتنا ماالتقينا = وش جابها عقب السنين الطويلات وابي اشوف منكم الردوووود |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| شاب يكتب قصيده لوالدته .....**** قصيده تبكي من يقرئها **** | عـربجيه كـيوت | قصائد منقوله من هنا وهناك | 10 | 01-07-2011 07:54 PM |
| الفراق | اردنيه وافتخر | شعر و قصائد | 2 | 05-02-2010 05:45 PM |
| ايهما اقوي في الألم لحظة الفراق ام الحنين بعد الفراق؟؟؟ | OMAR @ FOXA | حوارات و نقاشات جاده | 14 | 12-05-2009 08:25 PM |
| الفراق | شمعة العمر | أرشيف المواضيع الغير مكتمله او المكرره او المنقوله و المخالفه | 31 | 07-26-2009 03:27 PM |
| بعد الفراق | حسامون | أرشيف المواضيع الغير مكتمله او المكرره او المنقوله و المخالفه | 4 | 07-25-2009 11:22 PM |
.gif "flowr")
العرض العادي
