|
| |||||||
| نكت و ضحك و خنبقة القسم لا يهتم بشيء سوى الفكاهة والضحكة البريئة والمواقف الساخرة والمقالب بين الأعضاء |
 |
| | LinkBack | أدوات الموضوع | انواع عرض الموضوع |
|
#1
10-29-2010, 09:09 PM
| ||
| | ||
 معتقدات شامية معتقدات شاميه اذا انكسرت كاسة يقال: انكسر الشر * من يأكل من رغيف غيره يخاصمه و يعاديه ( كتير بتكون قاعد مع اسرة شامية على سفرة الاكل و بتلاقي الام عم تخانق ابنها لانو اكل من خبزة اخوه : ليش قال اذا اكل من خبزة اخوه بيتخانق معو ) * اذا مر حدا فوق الطفل ما بقا يطول ( انو اذا طفل صغير مسطح ما بصير حدا يمر من فوقوا ليشششش لان ما بعود بيطول الولد بيطلع قصير؟؟!!! و متل ما بقول المتل فشخة حية ولا فشخة بنية) * قص الاظافر بالليل مو منيح (لا تسألو ليش ما بعرف ولا حدا بيعرف بس مو منيح و خلص ) * مراششة الميه فراق (ما بصير حدا يرش رفيقو بالمي لان بعدين بيتفرقوا ) * للي بيفوت على بيت جديد بيفوت معه عرق اخضر و مقص و مصحف و يدخل بالرجل اليمين * اذا اجت الكندرة فوق الكندرة يعني رايحين مشوار * اذا زحف الولد او زقزقت العصافير معناها جاينا ضيوف *اذا طنت ادنك اليمين حدا عم يحكي عنا بالمنيح و اذا طنت اليسار معناها حدا عم يجيب سيرتنا بالعاطل * اذا كان في خناقة بيقولوا اقلبوا الصرامي لتحمى الخناقة (شماتة ) الله لا يشمت حدا فينا * اذا رفت عيني اليمين بيكون جاينا خبر طريف *اذا رفت عيني الشمال بيكون جاينا خبر مو منيح * اذا حكني حاجبي معناها بدنا نستقبل حدا جاي من السفر * و ما بصير الحمام بالليل *و ما بينفع كب المي بالبلوعة بالليل من غير التسمية بالله و الاستعاذة أولا (يالطيف مشان ما يأذونا ولا نأذيهن ) *واذا شفت مقص مفتوح لازم فورا تسكرو ( لانو المقص الفاتح تمو بيعمل خناق ) وما بيصير نفتح ونسكر المقص كتير كمان بيعمل خناق *وإذا عمل العصفور تحتو على الأواعي يعني جاييكون رزقة *و دلق القهوة رزقة *و شرب المي بعد القهوة قلة زوء *إذا حكني كفي اليمين معناها بدي أقبض مصاري *و إذا حكني كفي اليسار معناها بدي أدفع مصاري *و اذا الولد الصغير كتير ابن الشهور عم يضحك لحالو بيقولو الملايكة بتكون عم تحاكيه و *و كمان يلي حامل بصبي بتتباشع *و ببنت بتحلا * و كمان إذا حدا صبلك شاي او قهوة وملى الفنجان كتير بكون قلبوه مليان منك واذا صبها ناقصة هدا دليل على انو هالشخص ناقص * واذا عندك ضيف اتقيل دم وبدك يروح من عندك على السريع شك دبووس او عدة دبابيس بأيد المقشة او اقرأ سورة الزلزلة *واذا خايف من عين اتصيبك جيب ورقة واكتب عليها اسم الشخص الي خايف من عينو وغزها بالدبوس وانت عم تقراء المعوذات وتقول من عين افلان و تنفخ *والي بعد النجوم بيطلعلو تالولات بايدو *وبعد ما نخلص صلاة نطوي السجادة مشان الشيطان ما يصلي عليها (معلش خليه يصلي وياخود ثواب )  |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| قصيدة غزل شامية | أبو شلاش | أرشيف المواضيع الغير مكتمله او المكرره او المنقوله و المخالفه | 0 | 06-03-2010 12:28 PM |
| مصطلحات شامية من الاخر صح | سيرجو راموس | نكت و ضحك و خنبقة | 14 | 04-12-2009 02:45 PM |
| صور متحركة صالحة للتواقيع | ياسين | أرشيف المواضيع الغير مكتمله او المكرره او المنقوله و المخالفه | 24 | 04-13-2007 08:37 PM |
| ادعية لكل زوجة صالحة | شعاع الحب | نور الإسلام - | 17 | 12-07-2006 06:08 PM |
العرض العادي
