|
| |||||||
| روايات كاملة / روايات مكتملة مميزة يمكنك قراءة جميع الروايات الكاملة والمميزة هنا |
| | LinkBack | أدوات الموضوع | انواع عرض الموضوع |
|
#71
01-14-2011, 01:14 PM
| ||
| | ||
|
__________________ *,   |
|
#72
01-15-2011, 09:33 AM
| ||
| | ||
|
متـىآ التكمله؟؟؟!  |
|
#73
01-16-2011, 09:24 PM
| ||
| | ||
| مشكووووورة على كل الردود يسعدكم ربي ان شاء الله واسفة على التاخير البارت الثامن والعشرون اسيل _ خلاص هديل ان شاء الله انتي كذا بعد ساعة تجينا هديل _ تمام بس انتي زبطتي كل شي اسيل _ ايوا بس والله مو هاين علي اسويها مدري كيف هديل _ بس لازم يااسيل عشان تقتنع اسيل _ ايه والله معك حق يوم منايا اشوف غرام زي زمان هديل _ الله يشفيها اسيل _ انا اسفة اذا دخلناك في الموضوع هذا انت منتي مجبورة انتي ياهديل ماشاء الله عليك مافي زيك احد هديل _ وااه ايش دعوة الكلام هذا كله بالعكس افرح لمن اساعدكم يكفي اني اسوي شي يسعد بندر ويساعد في شفاء انسانة اسيل _ الله يجزيكي خير على افعالك ويعوضك خير يارب هديل _ اميين اسيل _ اوكي هديل انا وصلت بيت غرام وزي ماقلتلك بعد ساعة يلا سلام هديل _ خلاص طيب مع السلامة &&&&&&&&&&&&&&&&&&&&&&&&&&&&&& في غرفة عمار روان _ عمار انت وش فيك ليش حابس نفسك عمار _ مافيني شي ياروان روان _ وشلون مافيك شي وين عمار اللي كانت الابتسامه ماتفارق وجه وين عمار _ ......... روان _ هذا كله بسبب طلاقك انت ودنيا عمار بعصبية _ لاتجيبين سيرتها ماابغى اسمع اسمها روان _ ليش ياعمار ليش تكابر انت تحب دنيا حرام عليك تعذب نفسك وتعذبها بهذا الطلاق عمار _ هيا اللي خربت كل شي هيااااااااااااااااااااا وبدت الدموع تغزوا وجه عمار روان _ طيب قول يمكن اساعدك ايش صار بينكم عمار _ ماابغى اتكلم في الموضوع ياروان روان _ لا راح تتكلم عشان ترتاح انت كذا ماراح تنسى فضفض لي ياعمار عمار _ اااااااااااااااااااااااااااااااه ياروان كانت احلى شي بحياتي روان _ في يدك ترجع كل شي لسه العده مانتهت باقي لكم اسبوع روح ورجعها اذا تحبها عمار يبكي _ ارجعها بعد ايشششش ارجعها عشان استنى منها خيانه وجروح اكثر روان منصدمة _ خيااانة عمار انت وش تقول عمار يبكي _ خانتني ياروان خانتني روان _ عمار انت صاحي اكيد تعبان صح خيانة كيف عمار بصراخ _ ياليتني مجنون ياليتني ماشفت شي ياليتني مت قبلها روان _ عمار حكيني ايش صار عمار طلع الظرف من تحت المخده واعطاه روان روان فتحت الظرف وانصدمت من اللي تشوفه صور بنت عمها في حضن واحد روان _ عمار كيف جاتك هذي الصور عمار _ ...... حكاها السالفه كلها كان يحكي وقلبوا ينحرق على دنيا اغلى شي عنده راح والسبب هيا روان _ لالالالالا مو معقولة انا مو مصدقة دنيا تسوي كذا انا اعرفها ماتسويها ياعمار اكيد في شي ياعمار اكيييييييييييييييد عمار _ اكثر من كذا ايش اشوف صبرت عليها لكن مافاد خانتني اول مرة وتحملت لكن هالمرة ماقدرت روان _ عمار صدقني الموضوع فيه انا انت وريت دنيا هالاشياء عمار _ لا روان _ ليش كان شرحت لك الموقف انا حاسة انها مظلومة عمار بصراخ _ تشرح ايش اكذب عيوني واصدق كلامها هذي وحده كذااااااااابة وحده خااااينة مر وقت طويل وروان وعمار يتناقشوا في موضوع دنيا روان _ عمار لحظة طالع عمار _ ماابغى اشوف هالصور كرهتها وكرهت صاحبتها روان _ عمار شوف اسم الكافي باين في اللوحة وهذا كافي بنات كيف داخل فيه هذا الرجال عمار طنش كلام روان ومااعطاه اهمية وروان توصلت لشي مهم واخذت الصور من ورا عمار ونزلت وراحت على بيت عمها &&&&&&&&&&&&&&&&&&&&&&&&&&&&&&&&&&& في الرياض حنان _ فهودي تعال البس فهد كان يشرد من حنان مايبغى يلبس حنان تعبت منه وقعدت وهي ماسكة ملابسه فيصل _ فهد تعال والله اضربك حنان _ لا فيصل لاتهدده يزعل فيصل _ والله ياحنان انتي مررة مدلعته حنان _ لا بس مو كذا فهد جا يجري على حنان يبغى يحضنها وطاح فوقها حنان _ اااااااااااااااخ فيصل _ ياغبي قوووم حنونة فيكي شي يعورك شي حنان _ كذا فهودي تزعل فرح فيصل _ مايستحي بعدين استوعب ورجع يطالع في حنان باستغراب ودهشة كبيرة فيصل _ فرح حنان _ اذا مايزعجك انا ودي اسمي بنتي فرح فيصل _ من جدك اصلا هي بنوتة حنان _ هههه ايوا بس ايش رايك فيصل _ انتي ودك تسميها كذا يعني حنان _ ايوا اذا ماعندك مانع فيصل _موااافق طبعا والله يافهودي لو ضربت اختك اسدحك تكفيخ حنان _ وااااااي فيصل مااسمحلك على ولدي فيصل _ وانا مااسمحله على بنتي وفهد يطالع فيهم الاتنين وهو مستغرب مو فاهم شي انفرطو الاتنين ضحك مبسوطين ويضحكو على شكل فهد فيصل _ والله انك دلخ زي سميك حنان _ ماسمعتك هنادي &&&&&&&&&&&&&&&&&&&&&&&&&&&&&&&&&&&& نشوف مخطط اسيل بسام _ يامرحبا يامرحبا بمن في بيتنا اسيل _ ههههه كنت تشوف طيور الجنة ولا ايه وين غرام بسام _ لا إله الا الله غرام ماخذة مني حتى خطيبتي مافي كيفك وحشتني صباح الخير اسيل _ بس حنا في المسا وبلاش دلع بسام _ لنا الله ياغالي صحبتك بالصالة تتفرج اسيل _ يلا طس عن وجهي بسام _ اسولة لاتكوني السبب في اني اتبرا من اختي واكرهها اسيل _ ههههههه خلاص غرام _ اممممم ايش تسوو بسام _ اها كملت وجات العزول اسيل _ ترا ماسمحلك على صحبتي بسام _ مالت عليكم خلاص انا عندي شغل اخلصه واجيكم لاتروحي اسولة اليوم انا حاوصلك اسيل _ اووكي حبيبي مع السلامة غرام _ الله يقويك خذ بالك من نفسك بسام _ مع السلامة حبيباتي خرج بسام اسيل _ غرومة اليوم عندنا ضيوف بيجونا غرام _ ضيوف مين اسيل _ اممم خليها مفاجاة &&&&&&&&&&&&&&&&&&&&&&&&&&& في بيت ابو عبد العزيز رهف _ هلا رونا متى جيتي روان _ قبل شوي ساعة تناديك الشغالة رهف _ خير روان ايش فيه شكلك كذا روان _ تعالي تعالي الغرفة واقلك طلعوا غرفة رهف وشرحت روان الموضوع لرهف رهف تبكي _ حسبي الله ونعم الوكيل من هذا اللي مسوي كذا والله دندون ماعندها هالسوالف روان _ ادري يارهف بس احنا لازم نشوف حل كذا حياة دنيا وعمار راح تنتهي والسبب كذبة رهف _ ماادري طيب ايش نسوي روان _ مو عارفة انا مرة متلخبطة مو مصدقة السالفة رهف _ خلينا ننادي خالد يساعدنا روان _ بس اخاف لو عرف يقول لدنيا احنا مانبغاها تعرف رهف _ لاماعليك خالد مايتكلم هو راح يساعدنا ويشوف لنا حل خليني اروح اناديه روان _ هيييييييييييي تعالي ايش تناديه هنا في الغرفة رهف _ ايوا روان _ بلا هبالة لو دخلت خالتي وشافتنا الثلاثة ايش بتقول رهف _ يوووه نسيت بس كيف روان _ اقلك اتصلي عليه وخليه يجينا في مجلس الرجال برا رهف _ طيب &&&&&&&&&&&&&&&&&&&&&&&&&&&&& سمر _ ها حبيبي احط العشا ولا بعد شوي راكان _ لاتعشي انتي بالعافية انا مابغى معزوم بعد ساعة كذا على عشا مع الربع سمر _ اها الله يعافيك اختفت سمر في المطبخ شوية وبعدها سمر _ راكان حبيبي انا مررة نعسانة بدخل انام تبغى شي راكان _ لا روحي نامي تصبحي على خير سمر _ وانت من اهله دخلت سمر غرفة نومها سمر في نفسهها _ يصير خير ياراكان اصبر علي شوي &&&&&&&&&&&&&&&&&&&&&&&&&&&&&&&&& لبست غرام وزبطت اسيل وجهزت للخطة اسيل _ هلا والله نورتي كيفك هديل _ منور باهله الحمدلله جات غرام تسلم على الضيفة غرام متفاجاة _ انتي هديل _ كيفك غرام غرام _ الحمدلله كيفك انتي هديل _ بخير طالعت غرام وهي ساكتة شوي ومستغربة غرام _ تفضلي دخلو كلهم اسيل وهديل كانو يتكلمو في مواضيع عامة وغرام كانت مستغربة مررة من وجود هديل وان اسيل تتعامل معها بشكل عادي اسيل _ استاذنكم غرام طالعت في اسيل بمعنى اقعدي لكن اسيل طنشتها وراحت هديل حست بتوتر لمن راحت اسيل لان غرام كانت مهي فاهمة ولا شي المسكينة ماتدري وش وراها هديل _ كيف صحتك الحين غرام _ طيبة مافيني شي هديل _ انتي بطلتي من الجامعة غرام _ والله من يوم ماصار اللي صار وقفتها هديل _ مالك نية ترجعيلها غرام طالعت في هديل بنظرة انك مالك شغل غرام _ مااحب اتكلم في ذا الموضوع دخلت اسيل ومعها الشاي ووراها الشغالة بباقي الضيافة اسيل _ ياهلا بهديل والله ونستينا وحصل شي ماكان على بال غرام ابددد &&&&&&&&&&&&&&&&&&&&&&&&&&&&&&&&& في مجلس الرجال الخارجي رهف وروان كانوا ينتظروا خالد بفارغ الصبر وكانوا خايفين احد يجي ويشوفهم خالد بصراخ _ الله يرجك يارهف وش فيه تعال تعال صاحبك انا لمن تواعديني ليش ماجيتي الغرفة ولا خدام عندك انا وطالع بعينوا لقى وحده بالعباية ومتلثمة عرف انها روان واستحى من نفسوا مرة كان شكلوا مضحك شعروا مخرب خالد _ السلام عليكم رهف + روان _ وعليكم روان اول ماشافت شكل خالد استحت ودارت وجها استوعب خالد اللبس اللي كان لابسوا كان لابس برمودا وفاصخ البلوزة يعني نازل الاخ عاري الصدر خالد _ احممممم معليش اسف اروح اغير واجيكم راح خالد ودقايق جا خالد _ ها خير رهف روان ايش فيه رهف بخوف _ خالد احنا خايفين خالد _ ليه احد سوا لكم شي روان _ لا بس موضوع طويل ومانبغى احد يعرف غيرنا خالد خاف _ خير روان دوبها بتهرج رهف كانت مرعوبة _ استنوا دحين شوية بابا يجي لو دخل وشافنا هنا والله يورينا روان _ ايوا صح طيب ايش الحل خالد _ لهدرجة الموضوع سري روان _ واكثر من كذا وبعدين مانبغى عمي وعمتي يشوفونا واحنا مع بعض وش بيقولوا خالد _ صح طيب تعالوا ورايا روان ورهف _ فين خالد _ غرفتي روان _ هاااااااااا رهف _ ايوا احسن اظمن عشان محد يدخل لاماما ولابابا &&&&&&&&&&&&&&&&&&&&&&&&&&&&&&&& راكان _ ياهلا والله بالجامح سمر كانت قاعدة تتسمع للمكالمة راكان _ بالله عليك مااصدق راكان _ اموووت عليك وعلى مززك كيف ذي مررة لايكون زي حقين المرة اللي فاتت شاكوش راكان _ الله يبشرك بالخير خلاص الحين جاي راكان _ هو انا اقدر اتاخر على المزز وعليك يالحبيب راكان _ طيب يلا سلام خرج راكان على طول سمر _ ياولد الكلب وتتكلم في البيت كمان سمر لبست عبايتها وخرجت وراه &&&&&&&&&&&&&&&&&&&&&&&&&&&&&&&&&&&&& نشوف القدر اللي مستني غرام تعنقلت اسيل وطاحت وطيحت صينية الشاي على غرام وطاح الشاي فوقها غرام صرخت صرررخة يمكن كل جدة سمعتها لان الشاي طاح على جسمها وبالاخص اماكن الحرق نقلوها على طول للمستشفى اسيل وهي تبكي _ بسام حنا بالمستشفى بسام _ ايش تقولي ايش صار اسيل _ طاح الشاي فوق غرام وطاحت علينا بسام _ من جدك انتي طيب صار عليها شي اسيل _ مادري بسام مادري بسام _ خلاص الحين الحين اكون عندك اهدي بس انتي هديل _ خلاص اسيل ماصار شي عليها اسيل _ بس والله مررة قلبي واجعني لمن شفتها تصرخ من الالم وانا السبب هديل _ بس انتي حتكوني السبب انها ترجع زي زمان لو كنا ماعملنا كذا كانت حتكون رافضة العملية برضو الموقف كان ان بندر وهديل باتفاق مع اسيل زبطو المشهد الطيحة ذا كله عشان تضطر غرام تروح المستشفى ويسوو لها العملية من غير ماتدري وصل بسام ووقع على اوراق العملية ودخلت غرام على العمليات قعدت غرام فترة بالعمليات وبعد مرور فترة بسام _ تاخرو مو هي عملية تجميل اسيل _ طيب الحروق في كذا مكان في جسمها &&&&&&&&&&&&&&&&&&&&&&&&&&&&&&&& في غرفة خالد خالد بعصبية _ مييييييييييييين اللي مسوي كذا ومين اللي اعطاها عمار روان _ اهدا خالد هذا واحد ارسل رسالة لعمار ولمن نزل السيارة لقى الظرف وشاف هذي الصور قام راح البيت وحصل اللي حصل رهف تبكي _ والله حرام والله دنيا مظلومة روان _ ادري بس لازم نسوي شي خالد يرجع شعروا على ورا _ يالله وش المصيبة واحنا اللي لمنا عمار والله مايتلام روان _ المهم دحين كيف نعرف مين سوا كذا عم الصمت المكان وبعد تفكير خالد _ الصور هذي مركبة يعني اكيد لها اصل لو جبنا الاصل بكذا نعرف مين سواها ونقدر نواجه عمار بالحقيقة رهف وروان _ صحححح جبتها روان _ بس كيف نجيب الاصل رهف _ بسيطة انا اروح اجيب البومات الصور حقت دنيا وندور خالد _ يلا بسرعة روحي جيبيها خرجت رهف وراحت على غرفة دنيا تاخذ الالبومات وبقي روان وخالد في الغرفة كانوا متوترين كل واحد مشغول بالموضوع ومشغول بجلستهم لحالهم مع بعض والباب مقفول عليهم روان في نفسها _ يالله ايش فيها هذي اتاخرت خلاص احس اني بموت ايش الاحراج هذا خالد في نفسوا _ الله يقطعك يارهف ساعة دحين اكلمها هذي ولا اطنشها ولااقوم ولاايش اسوي ياربي ايش الموقف البايخ هذا خالد _ روااااااان &&&&&&&&&&&&&&&&&&&&&&&&&& في غرفة دنيا رهف _ دندون حبيبتي وين الصور حقتنا دنيا _ ماادري عن شي يارهف رهف في نفسها _ ياقلبي عليك يااختي والله مظلومة بس الله يقوينا ونعرف الحقيقة جلست تقلب في الادراج لمن لقت الللبومات اخذتها وخرجت طبعا دنيا ماسالت ولااهتمت لان اللي يهمها راح وانتهى ماعاد تنفع لاصور ولا ذكريات &&&&&&&&&&&&&&&&&&&&&&&&&&&&& نرجع لتخطيط سمر سمر _ يلا وراه بسرعة سمر ركبت مع السواق وراحت وراه لمن وصل لعمارة وطلع لها الشرطة وصلت بعدها بخمس دقايق وخبرت الشرطة عن العمارة وكانت الشقة اللي طلع لها راكان مشبوهة من زمان اصلا داهمت الشرطة الشقة وكان فيها راكان وثلاث من اصحابه وبنتين وكان فيها جميع انواع الممنوعات والمحرمات والاوضاع الخارجة عن الحياء سمر وبعيونها نظرة انتصار _ الحمدلله طلعت حق ريم والبنات اللي بهدلتهم الله ينتقم منك راكان تفاجا لمن شاف حرمته واقفة تحت مع الشرطة واستحى على وجهه وماقدر يطالع بعيونها وهو نازل بذيك الحالة &&&&&&&&&&&&&&&&&&&&&&&&&&&&& في المستشفى بسام _ يعني الحين اثار الحروق كلها راحت من جسمها الدكتور _ اختفت تماما الحمدلله على سلامتها رجعت زي زمان واحسن اسيل _ الله يسعدك يادكتور بسام _ هي الحين في غرفة عادية الدكتور _ ايوا تلاقوها بالدور الرابع بسام _ تسلم يادكتور اسيل _ اسبقني بسام بعد شوي حاجيك راح بسام لغرام كان قلقان عليها مررة كل شي صار فجاة وقالت اسيل لهديل اللي قالو الدكتور هديل _ الله يبشرك بالخير الحمدلله على سلامتها اسيل _ الله يسلمك قولي لبندر وطمنيه معليش هديل تعبناك معانا وازعجناك لكن تفاجاو الاتنين لمن شافو بندر جاي عليهم وقف بندر عندهم وكان باين عليه انه مررة مبسوط هديل _ الدكتور قال بندر قاطعها _ انا عرفت سالت الدكتور عن كل شي وقالي احلا خبر بحياتي هديل _ الحمدلله على سلامتها بندر بندر _ الله يسلمك اسيل _ تسلم بندر على الوقفة تعبناك معنا بندر _ ايش الكلام هذا كل شي يهوون عشان غرامي ودي الحين اشوفها بس ماينفع بالله عليك يااسيل باقي شي واحد اسيل _ عارفة بسام ان شاء الله احاول فيه لمن يلين دماغه بندر _ الله يسعدك يارب هديل كانت تبين انها مبسوطة لكن قلبها كان من جوة سكاكين وجروح عمرها ماتلتئم زوجها يتكلم كذا قدامها ولا يحس بمشاعرها &&&&&&&&&&&&&&&&&&&&&&&&&&& في غرفة خالد خالد _ روان روان _ نعم خالد _ تتوقعي ممكن يرجعوا عمار ودنيا روان _ ان شاء الله خالد _ يارب صراحة خسارة يخسروا بعض عشان اشياء زي كذا روان _ اممممم دقت الباب رهف وراح خالد يفتح لها وروان حمدت الله انها جات ولا كانت بتموت من الخوف &&&&&&&&&&&&&&&&&&&&&&&&&&&& فيصل _ حنونة انتي لازم تتصالحي مع امك مايصير كذا حنان _والله قلبي كل يوم يوجعني لمن اتذكر زعلها فيصل _طيب ايش رايك نحاول نكلمها تاني حنان _ انا لمن اتصل على اخواتي يقولولي انها تسال عني وتتطمن عن طريقهم فيصل _ معناهـا قلبها لان عليك خلي عمي يكلمها حنان _ امممم لاماينفع ابويا عارف مين لو كلمها بترضى له فيصل _ ميين حنان _ محمد فيصل _ خلاص اتصلي عليه الحين حنان اخذت جوالها ودقت على رقم ريهام ريهام _ الوو حنان _ اهلييين بمرت اخوي ريهام _ هلا والله حنونة ياحياتي كيف حالك وكيف فهودي وفيصل حنان _ والله بخير الحمدلله انتي كيفك وكيف محمد والعسولة الصغيرة ريهام _ تمام وحشتيني يابت حنان _وانتي بعد ريهام_ والله من جد اخوي اخذك مننا هيا شفتي دارت الايام وصرتي انتي بعد مرت اخوي حنان _ هههههه اممم ريمو محمد جنبك ريهام _ لا والله بالصالة قاعد تبغين تكلمينه حنان _ ياليت ريهام _طيب ريهام _ حبيبي حنان على الجوال تبغاك محمداخذ الجوال محمد _ الوو &&&&&&&&&&&&&&&&&&&&&&&&&&&&&&& غرام صحيت من البنج وكانت تحس بخمول بجسمها وحرقان بجلدها بسام _ الحمدلله على السلامة غرومتي اسيل _ حبيبتي كيفك الحين غرام _ اااه جسمي يوجعني احس جلدي يحرقني اسيل _ حياتي لازم اعراض جانبية غرام _ ليه كل اماكن الحروق ملفوفة بشاش وليش تحرقني الشاي مانكب على كل جسمي اسيل _ اااه هـ ـاا حبيبتي انتي ليش شاغلة نفسك الحين انادي لك السستر غرام _ بسام ايش في بسام _ حياتي بس لاتعصبين عشان صحتك انتي سويتي عملية التجميل غرام _ اييييييييش اسيل _ ياقلبي انتي لازم تسويها عشان ترجع لك الحياة غرام _ سويتوها ليا من غير ماتقولولي انا ماني لعبة بيدكم يعني عشان صرت عاجزة ومشوهة تقررو بدالي اسيل _ حبيبتي خلاص عشان تقدري تعيشي كنتي لازم تتخلصي من الجروح والحين ماصرتي مشوهة ورجعتي غرومة الحلوة حقت زمان غرام _ ومييين قلكم انا ابغى ارجع ولا ابغى اعيييش انتو ليش تتصرفو من دماغكم هذا جسمي انا اتحكم واقرر ايش يصير له يالله منكم بسام _ ياحياتي انتي كيف حاعيش لو استمريتي بذيك الحالة انتي ماتفكري بحالنا وتعبنا عشانك وحملنا لهمك المفروض تفرحي الحين غرام _ يعني انا كنت هم وعالة عليك يابسام اسيل – غرام لاتصيري كذا انتي ليش تفهمي غلط بسام _ ياهبلة انا قصدي بتصرفاتك وانهياراتك كنت حامل همك وزعلان عشانك غرام _ بس هذا مايبرر انكم ماتاخذو رايي يالله لهدررجة صرت نكرة ومايناخذ رايي حتى في شي يخصني اسيل _ حبيبتي انتي ليش فاهمتها من المنطلق هذا بالعكس حنا قررنا بدالك عشان احنا نعرف مصلحتك في وقت انتي كنتي بايعة مصلحتك فيه بسام _ صح بعدين هاذي جزاتنا عشان نحبك ونبغاك تكوني احسن غرام _ بس ليش اسيل _ غرومتي انتي لاتدفني نفسك بالحيا عشان شي واحد مو عشان جرح القلب تخلي جروح الجسم غرام _ انتي ايش يدريكي عني وعن اللي عانيته اسيل _ غرام انا كنت معك لحظة بلحظة وفاهمة كل شعورك واحاسيسك بس انتي والله تفكيرك غلط بسام _ حبيبتي انتي ماصرتي تفكري الا بطريقة متشائمة مو غرام اللي روحها الحلوة تطغى على المكان غرام كانت تعبانة واثار البنج عليها لو مو عليها كانت تكلمت اكثر بس تعبت غرام _ اااااه جلدي يحرقني تصرفو بسام _ الحين انادي لك الدكتور &&&&&&&&&&&&&&&&&&&&&&&&&&&&&& روان _ واااااااااااااااي لقيتها خالد جا بيمسك الصورة مسك يد روان _ ااا اسف روان استحت _ عادي شوفوا بس الصورة لقيتها يالله الحمد لله رهف تبكي _ الحمد لله يارب خالد مبسوط _ انتي بس اجلسي ابكي زي الاطفال روان _ ههههههههههههه رهف _ طيب ياخالد اوريك خالد _ ههههههههههههههههه روان _ اتاريها اللي في الصور منال الكلبة رهف _ ايوا وجععععع الله ياخذها يارب كانت بتخرب بيت دنيا الله يخرب عليها حياتها خالد _ منال هذي سيبوها عليا انا اتصرف معاها روان _ ايش بتسوي خالد _ بعدين اقلكم بس انتي دحين روحي عشان لاتتاخري ولا تبيني لعمار لمن اشوف الكلبة منال هذي روان _ خلاص ماشي بس حاول بسرعة ياخالد خالد _ ان شاء الله يلا اوصلك روان _ لالالالالا عشان ننفضح السواق بيجيني خالد _ ههههههههههه طيب خلاص لاتاكليني روان _ دحين بس شوفوا الطريق عشان اخرج من هنا راحت روان البيت وهيا مبسوطة انهم كشفوا الموضوع ومبسوطة اكثر انها جلست اكثر من خمس ساعات مع خالد شي ماكان ولا في الاحلام هيا الثواني تفرح فيها كيف الساعات خالد جلس يدبر خطة لمنال رهف كانت مبسوطة مررررره ان اختها راح ترجع لعمار >> ياخوفي الفرحة ماتكمل &&&&&&&&&&&&&&&&&&&&&&&&&&&&&&&&&&&& سمر رجعت بيت اهلها وكانو كلهم متجمعين على العشا وقف ابو سمر وفي عينه نظرة استغراب _ هلا سمر وين راكان قعدت سمر في اقرب كرسي لها _ راكان محجوز في الشرطة الكل _ اييييش ام سمر _ بسم الله عليه وش صار يابنتي اتكلمي ابو سمر _ في أي قسم عشان نروحله سمر كانت ساكتة وتطالع لهم اخو سمر _ انتي ليش ماتصلتي علينا اهرجي اشبك ساكتة ام سمر _ يايمة اتكلمي لاتفجعينا سمر ببرود _ مسكوه دعارة مع بنات في شقة مشبوهة فيها كل انواع الممنوعات لسة تبغو تروحو تساعدوه انصدم الكل من اللي قالته سمر وانصدمو اكثر من الطريقة اللي تقولها فيها ام سمر _ يالله يابنتي ابن الحرام ماتستاهلي يسوي فيك كذا ابو سمر _ الله يلعنه قليل الحيا دعاارة توصل لهدرجة اخو سمر _ والله لاربيه قليل الادب مافيه نخوة حكيني بتفصيل ايش صار سمر _ ايش احكيك غير اني عرفت انه اتمسك بهاذي التهمة ابو سمر _ طيب يمكن احد دازها عليه سمر بعصبية _ شفته بعيني وهو خارج من الشقة ولد الكلب ام سمر _ حسبي الله ونعم الوكيل عليه ماعليك يابنتي الحمدلله عرفتي قبل لاتجيبين له ولد سمر _ الحمدلله اخو سمر _ ماعليك منه ولاتعورين قلبك عشانه سمر قامت وطلعت غرفتها وراحت امها وراها سمر كانت حالتها عادية مو زي أي مطلقة مصدومة تبكي وكذا لا كانت ملامحها عادية وباردة &&&&&&&&&&&&&&&&&&&&&&&&&&&&&& نرجع لمكالمة حنان حنان _ هلا بعزوتي كيفك محمد _ الحمدلله كيفك حنان ايش اخبارك مرتاحة مبسوطة حنان _ انا بخير ومبسوطة ومرتاحة الحمدلله وعندي لك خبر بعد محمد _ ايش هو حنان _ راح تصيرخال محمد _ من جدك تهرجين حنان _ والله محمد _ مبروووووووك حنونة والله كبرتي يابت وصرتي ام حنان _ هههههه الله يبارك فيك محمد بغيت اطلب منك شي محمد _ آمري حنان _ ياليت يامحمد تكلم امي وتحاول تخليها تسامحني الله يخليك هي تسمع لكلامك محمد _ بس تعرفين اللي براسها ماتغيره حنان _ حاول معها بعدين انت لك معزة خاصة عندها ودايم تستشيرك هي محمد _ خلاص ابشري بكرة نروح نتغدى معهم واكلمها حنان _ تسلملي محمد الله يخليك لي &&&&&&&&&&&&&&&&&&&&&&&&&&&&&&& جات السستر لغرام واعطتها مسكنات ونامت غرام بعدها بسام ياشر لاسيل عشان يطلعو برا اسيل _ ايش فيه بسام _ ايش صار اسيل_ ايش ايش صار بسام _ حكيني بالتفصيل ايش صار وكيف اجي الاقي اوراق العملية جاهزة ومتفقين على كل شي اسيل _ ياشيخ زارتنا وحدة من صحباتنا بالجامعة وقعدنا مع بعض وبعدين وانا شايلة الشاي تعنقلت وطاح الشاي كله على غرام بسام _ ايواوكيف عملية تجميل عادي ممكن يعالجوها من غير عملية تجميل اسيل _ بسام اشبك احنا مومن زمان ودنا تسويها انا جات ببالي وقلت للدكتور يجهز اوراق العملية وانت وقعت عليها بسام _ والله شي غريب ماتوقعت غرام تتعالج بذي الطريقة اسيل _ بس ماكانت حترضى الا بذي الطريقة بسام _ معك حق بس مو مصدق خلاص غرام بعد التعب والعنا والشقا ذا كله معاها رجعت عادي اسيل _ شفت بس كيف عمايل خطيبتك بسام _ فديتها من خطيبة يازينها الحمدلله ياررب ان غرام تعالجت انا كنت فقدت الامل منها اسيل _ ايه والله الحمدلله بسام _ والله مررة مبسوط اسيل _ دوووم حبيبي مو يووم اممم حبيبي بسام _ هلا اسيل _ الحين خلاص انت كنت زعلان على بندر عشان غرام انحرقت بسببه الحين الحمدلله رجعت زي زمان وهو الولد يعني حاسته ناوي خير دايم يحاول يكلمك وانت تصده ولاتنسى العشرة اللي بينكم بسام_ اسيييل هذا وقت تهرجين فيه عن هاذي المواضيع اسيل _ ايوا حبيبي وقته لان الحمدلله غرام صارت طيبة ويازينها ولمن نفك لها الشاش حترجع غرومة وهو طلع معذور كان فاقد الذاكرة يابسام بسام يطالع في اسيل بنظرات غريبة لاتفسر اسيل _ بسام لاتطالعني كذا بسام _ خلاص خلاص بعدين نهرج في الموضوع اسيل _ حبيبي فكر والله كان تعبان ومايدري عن حاله وترا غرام للحين تحبه بس ماتبين وهي ماتدري انه كان فاقد الذاكرة اجل لو تدري وانت كمان تعزه لاتكابر عشان غرام على الاقل بسام هز راسه بالايجاب اسيل _ فديته حبيبي اعرفك طيب القلب &&&&&&&&&&&&&&&&&&&&&&&&&&&&&& بعد مرور 24 ساعة رن جوال روان روان _ الووووووو خالد _ السلام عليكم روان عرفت صوت خالد _ وعليكم مين خالد _ انا خالد روان تستهبل _ ميييييين خالد خالد _ روان خالد ولد عمك روان _ اها اهلين بس كيف عرفت رقمي خالد _ اخذته من رهف المهم بغيت اقلك روان _ امر خالد _ تسلمي بس تعرفي عنوان بيت منال روان _ ايوا اعرف خالد _ طيب اعطيني هو روان _ ليش خالد _ بعدين اقلك روان _ طيب شوف في شارع .................... خالد _ خلاص خلاص عرفت الدرب يلا مع السلامة روان _ خالد انتبه على نفسك خالد بابتسامة _ ان شاء الله يلا باي &&&&&&&&&&&&&&&&&&&&&&&&&&&& سمر حاولت تتصل على ريم من جوالها لكن ريم ماترد عليها دقت عليها من رقم غريب ريم _ الووو سمر _ الوو ريم الله يخليك وغلاة اللي تحبيهم ماتقفلي ريم _ سمر ايش تبغي سمر _ بغيت اشوفك ضروري والله شي مهم ارجوكي ريم _ ماعندي كلام مع ناس ماعندها وفا زيك والنذالة بدمها سمر _ ياشيخة قولي عني اللي تبغيه بس خليني اشوفك ريم _ ماابغى اشوفك انتي ماتفهمين ولا عدم الاحساس صار طبع مأصل عندك سمر _ استني ياريم والله موضوع مهم يخصك ويخصني بعد ريم _ انا ماينربط اسمي مع اسم وحدة خاينة حقيرة زيك تبيع العشرة سمر _ ياريم والله استاهل بس انتي اعرفي الهرجة ريم قاطعتها _ ولا ابغى اعرف ولا ابغى الوث اذني تسمع صوتك وسكرت في وجهها سمر كان قلبها متقطع على الكلام اللي سمعته ودها تصلح الامور &&&&&&&&&&&&&&&&&&&&&&&&&&&&&&&& غرام كانت طول الوقت بالمستشفى نايمة وان صحيت تكون مسرحة وساكتة واذا هرجو معاها ترد عليهم باختصار شديد ام بسام _ كيف اقنعتوها اسيل _ من غير ماتدري ياخالة ام بسام _ يالله كل هالشي صار وانا مسافرة بسام _ يلا الحمدلله انها دحين صارت احسن ام بسام _ الحمدلله على سلامتها ام بسام _ طيب انا دحين عندي شغل اذا صحيت سلمولي عليها بكرة بزورها خرجت ام بسام ودخلت ام اسيل بسام _ يالله ياعمة والله متعبة نفسك كل يوم تجي وانتي محملة ام اسيل _ غرام بنتي التانية كيفها اليوم اسيل _ والله نايمة ام اسيل _ الله يشفيها يارب رن جوال اسيل وخرجت ترد برة اسيل _ الوو بندر _ الوو اسيل كيفك اسيل _ الحمدلله بندر _ وكيف غرام اليوم اسيل _ الحمدلله احسن تقبلت امر العملية الحين هي نايمة بندر _الحمدلله ادري تعبتك معي وطفشتك كل شوي باتصلاتي بس اليوم بغيت منك طلب اسيل _ ابشر بندر _ ابغى اشوف غرام من غير محد يدري اسيل _ اييش لا هاذي صعبة الا مستحيلة بسام مايفارقها بندر _ الله يخليكي بس خمس دقايق ودامها نايمة يعني ماراح تشوفني وتنزعج اسيل _ لااا اخاف بسام يدري والله ماراح يعرفني بعدها بندر _ انتي تقدري تدبيريها ادري تعبتك بطلباتي بس انتي اكثر وحدة تدري بحالنا اسيل صدقيني ماراح يصير لها شي بس ابغى اشوفها اسيل سكتت لثواني اسيل _ طيب انت الحين بالمستشفى بندر _ ايوا اسيل _اممم طيب انا بعد شوي راح اتصل عليك عشان تطلع بندر _ تسلمي يااسيل متعبك معايا اسيل _ لا عادي &&&&&&&&&&&&&&&&&&&&&&&&&&&&&&&&& قدام بيت اهل منال خالد _ السلام عليكم الرجال _ وعليكم السلام والرحمة نعم مين حضرتك خالد _ معايا ابو منال الرجال _ ايوا كان مستغرب شلون هذا الشاب يعرف اسم بنته خالد _ طيب لو سمحت بغيتك في موضوع الرجال _ حياك ادخل &&&&&&&&&&&&&&&&&&&&&&&&&&&&&& اسيل_ هيا ياخالة سريع روحي خالة اسيل _ طيب بس ترا ماني فاهمة شي اسيل _ انتي روحي بيتنا واقعدي وخليكي كانك بتزوري امي يلا ياخالة طلبتك لاترديني خالة اسيل _ طيب عشر دقايق واكون في بيتكم اسيل _ تمام بس لاتجيبي سيرتي في الهرجة اني قلتلك خالة اسيل _ طيب يلا الله يستر ايش وراكي اسيل _ لا ياخالة ماوراي شي يلا سلام عشردقايق بالضبط ها خالة _ ايوا يلا انقلعي دخلت اسيل الغرفة واللي كانت عبارة عن جناح غرفة فيها سرير غرام وادوات طبية تخصها يفصل بينهم باب لغرفة فيها كنب وتلفزيون ام اسيل _ اشبك طولتي مين كنتي تكلمي اسيل _ واااي يمة زوجي ماسالني المهم هاذي خالتي حياة تخيلي جات عندنا بالبيت والشغالة دخلتها دقت تسال وينكم روحيلها يمة ام اسيل _ انتي من امس هنا خلي بسام يوصلك وانا بقعد مع غرام بسام _ صح اسيل روحي ارتاحي اسيل في نفسهها _ واااي ماما قلبتي الهرجة كلها عليا اسيل _ لااااا كيف اسيب صحبتي ماعليك اليوم بالليل برجع البيت بس مالي خلق اقعد مع احد روحي انتي اختك ولا اختي ام اسيل _ طيب انا بروح خليني اشوف وين راح السواق اسيل _ أي سواق يمة بسام موجود بعدين على بال مايجي سواق حرام تتاخري على خالتي بسام وام اسيل يطالعو فيها باستغراب كانت شبه مرتبكة بسام _ ايوا ياعمة خلاص انا اوصلك واروح على البيت وابدل ملابسي وارجع للمستشفى اسيل انبسطت _ خذ راحتك عادي خرجو ام اسيل وبسام مسكت الجوال اسيل _ وينك لاتفضحينا خالتها _ عند باب بيتكم يلا طيري اسيل _ يسعدك ياحياتي انتي تسلمييييي خالتها _ نحتاجك في الازمات يلا سلام خالة اسيل كانت اصغر من امها بكثييير وتعتبراخت اسيل الكبيرة قفلت اسيل ورجعت دقت على بندر بندر _ ايوا اسيل شفت بسام خرج اسيل _ ايوا يلا اطلع مافي احد بس لاتطول ها بندر _ غرام لساعها نايمة اسيل _ في سابع نومة يلا تعال بعد ماقفلت _ والله اني متهورة كيف سويت كذا اخذت التهور من غرام مين غيرها دخلت عند غرام وزبطت لها شعرها وحطتلها عطر خفيف مرة بشويش عشان لاتصحى دق بندر باب الغرفة تلثمت وراحت تفتح الباب بندر _ تسلمي يااسيل ماني عارف ايش اقولك اسيل _ الله يسلمك لاتقولي شي بس لاتصحيها لاتفضحنا بالمستشفى دخلو الغرفة اللي فيها غرام اسيل وقفت عند الباب شوي بعدين خرجت وقعدت بالكنب اللي برا بندر لمن شافها حس باحاسيس متناقضة حس بفرحة انها تعالجت وحس بحزن انه هو سبب وجودها هنا وحس بقهر انه مو قادر يكون جنبها وانه ضيعها من يده بس كان في احساس متاكد منه انه يحبها ومايقدر يستغنى عنها حط يده على شعرها بندر _ يالله ياغرامي ماني عارف كيف ضيعت حبي الاول والاخير ياغرام انتي احلا وحدة بنظري بكل الظرووف انا احبك احبك وكان ماسك يدها اللي مو محروقة وباسها بندر في نفسه _ يالله يابندر شوف حب حياتك كيف وضعها ومين السبب انت ليش وش سوينا عشان يعاند معنا القدر بندر وعيونه كلها دموع _ اوعدك ياغرام راح نكون مع بعض راح نتزوج انتي اللي ابغاكي زوجتي انتي كل حياتي ياغرامي غرام كانت حالتها تصعب على الكافر اول شي نحفانة صايرة عود وجلدها مصفر كانه مافي دم تحته ونص وجهها شاش غير الاماكن الباقية وتحت عيونها اسود وباين عليها التعب غير المغذي اللي راكب في يدها بسبب النقص في الفيتامينات والحديد اللي عندها وبسبب انها ماتاكل ابدا بندر الدمعة نزلت من عينه قعد على ركبه وحط راسه على يد غرام بندر _ انا وش سويت فيكي انا السبب انااا ليش ياغرام سويتي كذا حرام عليك والله عذبتي نفسك وعذبتيني معك يارب اجمعنا مع بعض انا تعبت من فرقاك والله تعبت اسيل برا في نفسهها _ يالله انا سبت هذا لحاله معاها بس الباب مفتوح يمكن يسويلها شي عاااد غرام تعبانة وكلها شاش بالله ايش بيسويلها بعدين هو يحبها لا يقوم يصحيها والله تسويلنا فضيحة بجلاجل قام بندر ومسح دمعه قعد يناظر فيها لثواني غرام وهي نايمة تبسمت بندر انبسط لانه حس انها حاسة بوجوده _ استوعدتك الله راح نرجع تاني ونمحي كل اللي صار يارب هالابتسامة ماتفارق وجه حبيبتي بندر في نفسه _ ماني قادر اتحمل اني السبب في طيحتها غرام روحها انتزعت منها بسببي ياااارب اجمعنا مع بعض عشان اقدر اعوضها ولو جزء بسيط خرج بندر اسيل _ حست عليك بندر _ تخيلي ابتسمت انفجعت اسيل_ صحيتها بندر _ لا وهي نايمة اسيل _ اها الحمدلله بندر بسام ممكن يجي في أي لحظة بندر _ خلاص الحين بروح اذا صحيت قولي لها بندر يسلم عليك واسف اربكتك معي وخرج اسيل رمت نفسها على الكنبة اسيل _ اوووف الحمدلله عدت على خير &&&&&&&&&&&&&&&&&&&&&&&&&&&&&&&&&&& نرجع ونشوف وش بيسوي خالد الرجال _ خير وش عندك خالد _ اسمع يابو منال لم بنتك عني احسن لك الرجال مصدوم _ وشو وش تقول انت خالد _ اللي سمعته احسن لك ولسمعتك انها تقلها تبعد عني ولا ترى راح اخلي سمعتك ولا بلاش روح اسال بنتك منال عن هالشي وياانك تلم عرضك ولاترى انا بشكيكم للشرطة ويوم تشوف بنتك مسجونة اعتقد ترتاح الرجال كان مصدوم في بنته وابو منال كان مذوقهم الويل ومايتفاهم ومسبب عقده لبناته ويمنعهم من أي شي وهذا نتيجت افعالوا انحراف بنتوا عن الفطرة خالد سك الباب بقوة وخرج وترك الرجال سؤال يوديه وسؤال يجيبه مااعطاه كلام يريحوا بس وتروا وتركهم &&&&&&&&&&&&&&&&&&&&&&&&&&&&&& وسن _ يازينها الكلبوزة تهبل وعد _ تشبهني وسن _ وعووو بسم الله عليها ريهام _ ههههههههه بنتي تشبه ابوها وعد _ عاااد حسستيني ان محمد مزيون الفريج وسن _ ههههههه اقول بنات ايش سالفتهم امي ومحمد من ساعة وهما بالغرفة وساكين عليهم باب وعد _ ايه صح ايش النقاشات الحادة هاذي وسن _ بيحددو مصير الامة هههههه ريهام _ لا بيحددو مصير حنان مع عمتي الاثنين _ اييييش حنان وسن _ وااااي يارب ترضى وعد _ ياااارب والله مو معقول وحشتني حنون بشكل مو طبيعي ريهام _ ايه والله ياااارب وسن _ وعد شفتي اختنا الصغيرة متزوجة وحامل ماشاء الله وعد _ رزق الله على ايامنا ياوسن خلاص عنسنا ريهام _ ههههههههه لاتستعجلو على الزواج ترا مسؤولية وتعب وسن _ الكل يبي يقنعني ان الزواج مو حلو وعد _ باستثناء امي وسن _ عشان تبغانا نتزوج بس هههههه في غرفة النقاش الحاد محمد _ يايمة حراام عليك هاذي بنتك مو عدوتك ام محمد _ يعني انت تحسب هاين علي اسوي فيها كذا والله اني احبها الا يمكن اكثر وحدة من عيالي اقرب لي بس بعد الحركة اللي سوتها محمد _ يايمة اسمعيني البنت ماكفرت يعني انا شوفي كيف كنت زعلان منها عشان خايف عليها من فيصل بس والله تراها مرتاحة ومبسوطة معاه ام محمد _ مو هذا اللي مهون علي انه طلع ابن حلال محمد _ اصلا فيصل من زمان ابن حلال يمة الله يخليك والله البنت تعبانة نفسيتها تكلمني عن الموضوع هذا وصوتها مخنوق وكمان الحين هيا حامل اكيد تبغى احد يوقف جنبها اذا احنا ماوقفنا جنبها بالاخص انتي مين حيوقف قعدت ام محمد وهي ساكتة تفكر محمد _ يمة لاتنسي حنان سوت كذا من طيب اصلها عشان وصية المرحومة يعني ماتقدر تخلفها وصية الموتى لازم تنفذ ام محمد طالعت فيه _ ولو على حسابها محمد _ يمة ايش على حسابها شوفيها وش زينها مبسوطة لو تزوجت واحد تاني يمكن ماتكون مبسوطة ومرتاحة كذا ام محمد _ بس هو اصلا يحب حرمته الاولى محمد _ يمـــة المهم هو يعاملها احسن معاملة اقولك ينفذ لها الطلب قبل لاتطلبه وحنان شايلة ولده فوق راسها تدري يمة ريهام وش تقولي فهد يحسب حنان امه يقولها ماما لانه مايتذكر امه ام محمد _ وش ذنبها بنتي تتحمل عيال غيرها محمد _ هي مبسوطة ومرتاحة بعدين خلااص انت قلبك ابيض اعرفك تعصبي بس ترجعي وهذي بنتك الصغيرة دلوعتك ماكانت ترفض لك طلب تطلبينه منها يعني تستاهل السموحة وماغلطت الا لانها عندها اسبابها واسباب قوية بعد يمة اذا انا سامحتها انتي تجمعت الدموع في عين ام محمد بس مانزلتها لانها معروفة بقوتها ام محمد _ خلاص محمد اتركني الحين فكر محمد باس راس امه محمد _ اذا كان لها في قلبك نصيب سامحيها ام محمد هزت راسها ونزلت الدمعة وكسرت حواجز القسوة محمد _ ايه يمة كذا اعرفك طيبة وقلبك ابيض وتسامحين الناس اجل كيف على بنتك &&&&&&&&&&&&&&&&&&&&&&&&&&&&&& روان _ طيب ليه خالد سويت كذا خالد _ ماكان في يدي شي ثاني مو انتي تقولي ابوها شديد لمن يسمع هالكلام راح يمنع عنها الجوالات والخرجات حتى لو لفترة نكون احنا قدرنا نتحرك ونرجع عمار ودنيا عشان ماتخرب علينا روان _ والله انك ذكي ياخالد كويس انك سويت كذا شي حلو خالد _ افا عليك بس روان _ طيب يعني نقول لدنيا وعمار ولا كيف خالد _ لا انا دحين جايكم ويصير نكلموا انا وانتي وخلينا نشوف ردة فعل عمار بعدين نعطي خبر لدنيا روان _ اوكي يلا استناك خالد _ طيب سلام &&&&&&&&&&&&&&&&&&&&&&&&&&&&&& غرام ساكتة كعادتها وكان حولها امها وام اسيل وعمة غرام وبنتها ومرت عمها وبنتها يزورونها مرت العم _ والله اهم شي انك صرتي احسن ياغرام العمة _ يابنت انا كل ماابعد عنك فترة ارجع الاقيك احلا ماشاء الله غرام ابتسمت ام غرام _ أي احلا وهي ملفلفة بذا الشاش اسيل _ وااي عمتي غرام حلوة بروحها الحلوة وشكلها بعد غرام تضايقت شوي من كلام امها بس هي كانت متعودة عليه اصلا غرام بصوت راخي تسمعه اسيل اللي جنبها غرام _ اسيل تخيلي بمين حلمت اسيل _ ميين اكيد انا غرام _ببندر اسيل هنا تفاجات وقلب وجهها لملامح جدية _ ايش حلمتي غرام _ حلمت كانه زارني وقالي كلام ولا اروع اسيل في نفسهها _ ياويلي هذا نفس اللي صار في الحقيقة اهااا يمكن عشان كذا ابتسمت_ غرام تدرين بندر يسلم عليك غرام _ كييف اسيل _ واااي حارق جوالي اتصالات يسال عنك غرام هنا قلبت وجهها عن كل اللي كانو موجودين بالغرفة وسرحت بافكارها لمكاان فيه ذكرياتها الحلوة مع بندر والحزينة بنت العم والعمة مع بعضهم _ وجعع شوفي قليلة الحيا قلبت وجهها عننا يالله منها حتى وهي طريحة فراش مغرورة ايش حال هي مشوهة _ خسارة الحين بتتعالج وترجع زي زمان شوفي ذا وجهي اذا ماانغرت زيادة ليتها طول وقتها مشوهة _ ياشيخة اسكتي اخاف تكون شماتة ونتشوه زيها _ لا مو شماتة لانها مغرورة تستاهل الشماتة بنات عمة غرام وعمها ماكانو يحبونها لانها كانت مدلعة مررة بنسبة لهم واي شي تبغاه ينفذ غير اخوها اللي مدلعها زايد ان ابوها المرحوم كان اغنى واحد في العيلة &&&&&&&&&&&&&&&&&&&&&&&&&&&&&&&& سمر راحت لبيت ريم ودخلتها الشغالة وانتظرتها بالمجلس دخلت ريم لان على بالها وحدة من صحباتها ريم _ هذا انتي لا من جد مافي حيا سمر _ انتي بس خلينـ ـ قاطعتها ريم وباستهزاء _ اناكنت احسب انك ماعندك احساس طلع ماعندك احساس ولا ذوق ولا كرامة ولا وفا يالله كل هاذي الصفات تتجمع بانسان راح تعطينا ناتج انسانة حقيييييرة خاينة سافلة زيك وبصوت عالي _ اخرجي برة اتركيني في حالي سمر خانتها دموعها في الموقف كيف تسمع ذا الكلام ومن مين من اقرب الناس لها من اعز صديقاتها ريم _ دموووع تماسيح تبغيني اسمع لاكاذيبك مرة تانية رفعت صوتها سمر _ انا اطلقت ريم رفعت حواجبها مستهزئة _ هاذي هي النتيجة المعروفة ياانك شفتيه مع وحدة وطلبتي الطلاق او انه طفش منك ويبغى يغير استايل البنت وطلقك سمر ودموعها على خدها _ لهدرجة صرتي قاسية ياريم ريم _ من اللي شفته بحياتي ماصار عندي قلب حبيبك يطلع زبالة وحقير وخاين وصحبتك وهي تدري عنك كل مآسيك تتزوج حبيبك كيف تبغيني اكون اصلا يلا لو سمحتي ماابغى اشوفك يلا روحي انتي وتمثليتك اللي مالها معنى وروحي باتي بحضن زوجك اللي نام بحضن عشرين وحدة غيرك سمر بصراخ _ كااااافي رررييم ارجوكي يكفي ريم _ اشبك مو عاجبك ولا تحاولي تتناسي حقيقة وساخة زوجك ولا صرتي وسخة زيه سمر _ ريييم مو لهدرجة مو معقول اسمع هذا منك ياريم انا سمر ريم _ ايه انتي سمر صحبتي اللي كانت اعز الناس على قلبي اللي خانتني ونست العشرة وتركتني وانا بامس الحاجة لها سمر _ انتي بس لو تدري الموضوع الله يخليك اسمعيني ربي غفور رحيم معقولة ماتغفري لي ريم _ ياسمر روحي عني يكفي لاتزوديها عليا خلقة انا مو ناقصة سمر _ بس اسمعي جات ريهام تزور بيت اهلها ودخلت عليهم بالمجلس ريهام _ ايش السالفة اصواتكم طالعة برة لاتكونو تتضاربو بس ريهام _ سمرر فيك شي كانت سمر تمسح دموعها وريم واقفة ومعصبة اللي يشوفها يخاف منها شالت سمر شنطتها وصلحت عبايتها وبتخرج بسرعة ريهام _ سـ ـمر وهي خارجة _ معلييش ريهام اشوفك تاني ان شاء الله بس تخاصمنا انا واختك زي زمان ماعليك وخرجت وهي تلملم جروحها ودموعها اكبر شاهد على جرح كبير هز الاعماق من اعز الناس اللي مااعطتها فرصة تتكلم &&&&&&&&&&&&&&&&&&&&&&&&&&&&& في بيت ابو عمار في غرفة عما ر روان _ عمار خالد تحت يبغاك عمار _ طيب دحين نازل راحت روان طيران تلبس عبايتها في مجلس الرجال خالد _ كيفك عمار ايش اخبارك عمار _ الحمد لله كيفك وكيف ............ ( وسكت شوية ) الاهل خالد _ كلنا طيبين عمار ساكت ينتظر خالد يهرج وخالد ساكت ينتظر روان تجي دخلت روان السلام عليكم عمار طالع في روان واستغرب _ ايش جايبك هنا خالد _ انا وهيا جاين عشانك انت ودنيا روان _ ايوا عمار عمار _ روان خالد لاتفتحوا الموضوع معايا مرة ثانية روان _ ماراح نفتحوا ثاني بس انت اسمعنا عمار _ ............................. خالد وروان حكوا عمار القصة كلها وشرحوا له ايش هما سوا وكيف عرفوا عمار متفاجئ _ انتم تتكلموا من جد خالد _ شوف بعينك شوف الصور التركيب وشوف الحقيقية عمار ماسك الصور ويطالع ومو مصدق عينوا عمار _ دنيااااااا دنيااا عرفت روان _ لا ماقلنا لها دنيا حالتها حالة ياعمار عمار _ انا ظلمتها وعذبتها كثير وصار يخبط يدوا في رجله بقووووة خالد _ صلي على النبي في يدكم ترجعوا كل شي عمار بحزن _ راح توافق ترجع لي بعد كل اللي سويتها فيه روان _ راح تسامحك اللي يحب يسامح رن جوال عمار عمار _ ايوا متعب متعب _ عمار الحق علينا عمار _ خير متعب _ الشركة رافضين يتمموا العقد الا بتوقيعك عمار _ الله يلعنهم عيال الكلب يعني لازم اروح الشرقية ثاني متعب _ وش نسوي عمار _ اقلك متعب انا شويه اكلمك متعب _ عمار لازم تروح خليني احجز لك اليوم توقيع العقود بكرة ماراح تلحق عمار _ استنا لا انا عندي مشوار ضروري بعدين ارد عليك متعب _ بسرعة ياعمار لاتتاخر قفل عمار السماعة ووقف خالد _ خير عمار ايش فيه عمار _ هذا متعب يقول طالبين توقيعي يعني بكرة لازم اكون في الشرقية روان _ يعني انت دحين مسافر عمار _ لا انا بروح لدنيا خالد _ دحييييييييييييين عمار _ ماعندي وقت اقلك بكرة لازم اسافر روان _ لا عمار ماينفع لازم تعتذ من عمي ومنها الموضوع طويل وبكرة وراك سفر خليها لمن ترجع احسن خالد _ وانا اشوف كمان كذا انت ارتاح وروح سافر ولمن تجي نحل الموضوع يكون قد رتبت للسالفة انت وبعدين انت راح تطول بالسفر عمار _ لا كلها ثلاث ايام ان كثرت يعني رايكم كذا خالد + روان _ ايوا احسن عمار _ طيب خلاص &&&&&&&&&&&&&&&&&&&&&&&&&&&&& حنان _ لالا تعب حاسة كاني ارفع اثقال بنتك ثقيلة يافيصل فيصل _ ههههههه طالعة كلبوزة لاخوها الا وين اخوها حنان _ ااااخ نايم دوبه اكل وتروش ونام فيصل _ يالله حتى وانتي تعبانة تهتمين فينا يازينك ياحنونة تهبلي اسم على مسمى اقول قاطعته رنة جواله طالع الرقم وخرج برة يرد وبعد فترة رجع فيصل _ هاذي هدية مني اتمنى تعجبك خذي كلمي حنان استغربت واخذت الجوال _ اللوو ام حنان _ اللوو حنان حنان لمن سمعت صوت امها حست بان هموم الدنيا انزاحت عن صدرها حست بحنان ودفء امها من كلمة وحدة تجمعت الدموع بعيونها مثل الطفل الصغير وصارت تبكي حنان _ يمى هاذي انتي يمى حبيبتي ام حنان _ ايوا حنان كيفك يابنتي حنان _يمى انا الحين اسعد انسانة في الوجود انااحبك اشتقتلك كثييير بشكل ماينوصف يمى حسيت بتعبك لمن كنتي حامل فيني انا اسفة يمى سوى فيني اللي تبغيه بس ارضي عني انا مااسوى شعرة منك فديتك يمى والله احبك امانة لاتبعدين عني الله يخليك ام حنان ماقدرت تمسك دموعها بعد كلام بنتها المؤثر واللي كان طالع من القلب لو أي احد سمعها كان تقطع قلبه عليها كانت تتكلم وتشهق وصوتها مخنوق بكا وفيه ترجي ام حنان _ حنان يمة انتي مرتاحة بحياتك راضية عنها مبسوطة حنان _ الله يخليك لي ياغالية والله الحمدلله مرتاحة راضية عن حياتي لولا وجود فيصل وفهد جنبي وانتي زعلانة مني كنت رحت فيها والله ام حنان _ بسم الله عليك يابعد عمري طيب كيفك كيف صحتك مع الحمل تعبانة من شي حنان _ لا الحمدلله ربي ميسرها يمة اتي كيفك والله شوقي لك ماينوصف وفرحتي ماتنوصف اخيييرررا يمة سمعت صوتك والله الحين لو مت راح اموت مرتاحة ام حنان _ بعيد الشر عنك انا الحين صرت طيبة بعد ماعرفت حالك حنان _ يمة انا احبك انتي راضية عني والله بالقوة كنت قادرة اعيش الفترة اللي فاتت كل ماتذكر انك منتي راضية عني احس حياتي مالها معنى ام حنان _ يابعد عمري يايمى والله راضية عنك دنيا وآخرة الله يرضى عليك ويخليك ويعطيك الساعة الطيبة المباركة والخلقة التامة ياااااارب حنان _ فديتك يااغلى الغوالي اميين محتاجة دعاك انا ام حنان _ اسمعي يمى كلي زين كلي خضروات وبروتين كثير ولا تشيلين ثقيل ولاتلبسين ضيق ولاتشتغلي في البيت خلي فيصل يجيب لك شغالة انتبهي على حالك ولا تاكلي شي مضر حنان ابتسمت وسط دموعها هي تعرف كل هاذي النصايح بس لها طعم تاني من امها حنان _ حاضر يمى ابشري من عيوني ام حنان _ ها حبيبتي متى بترجعي وحشتينا والله حنان _ قريب يمى قريب &&&&&&&&&&&&&&&&&&&&&&&&&&&&&&&&&& بندر قابل بسام في الدور اللي تحت بسام طالع في بندر لكن كمل في طريقه ولا كانه شايفه قرب بندر منه _ لهدرجة تتلاشاني بسام طالع في بندر بنظرة غضب تخووف وهو ساكت بندر _ رب العالمين يغفر ويسامح انت لا بساام انت اكثر واحد تعرفني يعني المفروض تصدقني وتتفهم الموقف بسام _ شوف بندر طلعت غلطان ماتدري فقدت الذاكرة هذا مو موضوعي انا اللي يهمني انه معرفتي بك ماجابتلي الا المشاكل واذا كسبت واحد فيكم ( يقصد غرام ) لازم اخسر التاني ( يقصد بندر ) فخلاص يابن الناس خلينا بعيدين عن بعض يكفي المشاكل اللي صارت بندر _ طيب يااخي اعطيني فرصة اصلح ذي المشاكل لاتقفل كل الابواب في وجهي بعدين تهون عليك العشرة تبيعها كذا بسهولة بسام _ تهون اذا كنت اصلا ماقدرتها وتهون في مقابل ان اختي تكون طيبة بندر _ طيب لاتقول انا ماقدرتها انت عارف الظروف ماكنت ادري وكانت نيتي حسنة وانت اكثر واحد عارف نيتي والحمدلله غرام صارت احسن لمن سمع اسم غرام منه طالع له بنظرة وده يعطيه بوكس بندر _ شوف يااخوي انا اسف وانا كنت اعزك وللحين معزتك باقية عندي وودي نتصالح بس يمكن ماهو في نيتك واخر شي حمدلله على سلامة غرام ومشى بندر وخرج من المستشفى بندر كان بشكل يومي يتواجد بالمستشفى ويحاول يكلم بسام بس بسام مايعطيه وجه ابد &&&&&&&&&&&&&&&&&&&&&&&&&&&&&&& حجز عمار طيارة الساعة 12 في الليل وجهز اغراضوا كلها في بيت ابو عبد العزيز دخل خالد البيت ولقى صوت صراخ وبكى من الدور اللي فوق طلع بسرعة واتجه لغرفة دنيا كانت دنيا تصرخ وتبكي وام عبد العزيز حاضنتها وابو عبد العزيز واقف عند الباب هو واحمد خالد _ خير خير ايش فيه دنيا كانت تصرخ _ مااابغى مابغى والله لااذبح نفسي وتبكي بصوت عالي خالد _ يبا احمد ايش فيها دنيا احمد _ لاحول ولاقوة الابالله ابو عبد العزيز _ يادنيا انا قلتها كلمة وحده يوم الاثنين ملكتك انا ماعندي بنات مطلقات ولاعندي بنات يعصون امري خالد انصدم ملكة دنيا دنيا _ والله لااذبح نفسي انا ماابغى اتزوج الله ياخذني ويريحكم مني خرج ابو عبد العزيز من الغرفة وهو معصب من دنيا خالد _ يمه ايش السالفة مو فاهم شي ام عبد العزيز _ يايمه يادنيا اهدي لاتسوي في نفسك كذا دنيا تبكي _ يمه حرام عليكم يممممممه انا بنتك ماابي هشام ولا ابي غيره انا ماابغى اتزوج الله يخليك يمه &&&&&&&&&&&&&&&&&&&&&&&&&&&&&&&&& فيصل _ ها بس كيف المفاجاة حنان _ تجنن وحلوة زيك فديتك والله تسلم ماكنت متخيلة حتى فيصل _ الله يسلمك اهم شي انك الحين مبسوطة حنان وهي ماسكة جوالها بتدق _ الحمدلله حنان _ يااحسسسن اخو في الدنيا محمد _ ههههههه ها كيف دحين حنان _ ياشيخ الله لايحرمني منك مبسوووطة محمد _ دووم يارب بس ترا الشكر مو لي لوحدي حتى فيصل ترا حاول يكلمها كذا مرة ترضى عنك وانا كملتها حنان انبسطت زيادة ان فيصل يهتم لسعادتها وانحرجت قدام اخوها _ والله محمد _ طبعا مو هاين عليه تكوني زعلانة حمرت خدود حنان فيصل ضحك لمن شافها مستحية عرف محمد _ يلا نبغى نشوفك عندنا حنان _ ان شاء الله قريب &&&&&&&&&& في غرفة دنيا اعطى احمد لدنيا حبوب مهدئة لان حالتها صارت صعبة كسرت كل شي ومنهارة مره خرجوا من الغرفة وخالد مازال مصدوم في الصالة احمد _ يمه حرام ابوي يسوي فيها كذا هذي حياتها وهيا حرة فيها ام عبد العزيز _ اااااه ياحسرة قلبي على شبابك اللي راح يادنيا والله يايمه حاولت في ابوك رافض يقول الملكة يوم الاثنين احمد بعصبية _ يمه ابوي ليش يسوي كذا مو من حقه وبعدين كيف بتملك وهيا على ذمة عمار لسه ام عبد العزيز _ بكرة عدتها تنتهي احمد _ يمه هذا جنون بكرة تخلص العدة وبعد بكرة بتملكوا لها ام عبد العزيز _ وش نسوي تعرف ابوك لاقال كلمة مانقدر نقول لا خالد _ كان يستمع للكلام ومو مصدق اللي يسمعوا اخذ جواله وطلع غرفتوا خالد _ ياالله ياعمار ليش جوالك مقفل رد ياعمار رد خالد _ الو روان اعطيني عمار بسرعة روان _ خالد ايش فيك عمار في المطار خالد _ لا راح يالله روان _ خالد ايش فيه خوفتني خالد _ مصيبة ياروان مصيبة روان _ خير خالد _ دنيا ملكتها يوم الاثنين روان شهقت _ هااااااااااااااااااااااااااااااااااا ايش كيف كذا يالله خالد _ بعدين بعدين اكلمك انا بروح المطار الحق عمار قفل من روان ودعس على خط المطار &&&&&&&&&&&&&&&&&&&&&&&&&&&&&&&&& سمر قاعدة بغرفتها وتبكي دخلت امها ام سمر _ يابنتي والله حرام اللي تسوينه في نفسك الحمدلله اننا كشفناه وكشفنا وساخته والله مايستاهل دمعة من عينك سمر في نفسها _ لو تدري يمة انا ابكي على ايش راكان الله ياخذه مو فارق معاي انا ابكي على صديقة عمري اللي ماني قادرة اوصلها اني اللي سويته عشانها ماني متحملة اشوفها حاطة في بالها فكرة اني خاينة وتقول عني ذاك الكلام حضنت ام سمر بنتها سمر في نفسهها _ انا لازم اصلح الوضع ماينفع كذا ولو طردتني مليون مرة &&&&&&&&&&&&&&&&&&&&&&&&&&&&&&&&&& في المطار عمار _ يالله يلا هانت يادنيا كلها كم يوم ونرجع لبعض ان شاء الله والله وحشتيني على الساده الركاب التوجه للبوابة رقم ........... دخل عمار الطيارة واقلعت الطيارة في الجو وهو اقلع في احلامه مع دنيا راح خالد وسال قالوا له الرحلة اقلعت من ربع ساعة رجع البيت وهو خايب الامل سمع صوت بكاء دنيا فتح الباب ودخل دنيا تبكي _ خالد الحقني ياخالد بيزوجوني خالد وملامحوا زعل _ الله يعين يادنيا دنيا تبكي _ خالد كلم ابوي انا ماابغى اتزوج انا ماابغى خالد _ والله يادنيا مافي يدي شي دنيا _ ااااااااااااااااه ياربي يارب موتني وريحني يارب خالد _ لاتدعي على نفسك مو كويس دنيا تبكي وتشهق _ وش فايدة حياتي ياخالد وش فايدتها انحرمت من اغلى الناس ودحين بيزوجوني واحد غيره والله لو اعرف اموت نفسي ولا اتزوج غير عمار خالد _ دنيا انتي تحبي عمار دنيا ارتمت في حضن اخوها وصارت تبكي عرف خالد الجواب بدون لاتتكلم كان نفسوا يقلها ان عمار بيرجعك لكن خاف على مشاعر اختوا لو صار غير هالشي وفضل انه يسكت خالد _ دنيا خلاص اهدي الله يعين دنيا _ خالد ممكن اطلب منك طلب خالد _ امري يادنيا دنيا _ ابغى اكلم عمار خالد _ ايييييييييييش دنيا _ خالد الله يخليك انا حياتي بتنتهي خليني اكلمواالله يخليك خالد ماكان عارف ايش يقول لها يقول لها عمار سافر ويحكي القصة ولا يسكت خالد _ اسمعي دنيا بقول لك شي بس يبقى سر دنيا _ اممممممممم خالد _ شوفي عمار سافر الشرقية قبل شوية عشان عندوا شغل وجاي يوم الثلاثاء دنيا _ مسااااااااااااافر وصارت تبكي اكثر يعني خلاص عمار راح من حياتي خالد مقدر اعيش مع واحد غير عمار مقدر خالد _ ادري بس خليني اكمل عمار كان ناوي اليوم يرجعك بس جاتو السفرة مستعجلة يعني اول مايرجع راح يرجعك دنيا _ بيرجعني عماااااااااار ياليتوا ماسافر طيب كيف ياخالد ايش اسوي انا مستحيل اتزوج غيره والملكة يوم الاثنين وهو يجي الثلاثاء خالد _ والله مدري يادنيا كيف نتصرف دنيا _ اروح اقول لبابا ان عمار بيرجعني خالد _ لا لاتسويها ابوي مقهور من عمار واللي سواها لو عرف راح يعجل الموضوع اكثر دنيا _ ياربي طيب ايش اسوي اخذها خالد في حضنوا وصار حتى هو يبكي معاها حاولوا كذا مرة يتصلوا على عمار جواله مقفل واتصلوا على روان وهيا كمان تتصل عليه جواله مقفل جلسوا يحاولوا لين الساعة 8 الصبح &&&&&&&&&&&&&&&&&&&&&&&&&&&&&&&&& بعد مرور 3 اسابيع بسام في الصالة يهرج في التلفون بسام _والله كلنا بخير انت علومك _ الحمدلله بسام _ يامصلحجي ايش تبغى _ افاااا انا مصلحجي بسام _ ايه طبعا في اليوم 5 مرات تكلمني مو معقولة عشاني _ طبعا في احد بيطالع في خشتك بسام _ اقول احترم نفسك والا ترا مافي مساعدة _ لا لا بس قولي ايش اخر شي وصل معاك بسام _ والله يابندر انا مااقدر اغصبها على شي خليها وحدة وحدة بترضى بندر _ طيب بس ترا انا معتمد عليك الله يخليك بسوم من قلبك اهرج معاها بسام _ لا لو سمحت انا اهرج من اذني اشبك يابندر بندر _ هههههه يااخي والله احبها بسام _ والله انك ماتستحي طيب راعي اني اخوها والله لو انت الحين قدامي كان عطيتك بوكس على عيونك الزرقا اخليها بمبة بندر _ اشوفك حاقد على عيوني عشان دايم تطيح المزز وانت خشتك مو راعية مزز ياضفدع بسام _هههههههه طيب طيب هيا مافي محاولات مع غرام بندر _ لا دخيلك خلاص بجبلك عدسات زرقا بسام _ هههههههه بندر _ يلا موعد المستشفى مابتروحو بسام _ لا انت متابع مزبوط ايوا بس استنى غرام تخلص لبس بندر _ اها فديتها غرام _ انا جاهزة بسام بندر _ فديت الصوت بسام _ ياللي ماتستحي انت منت ناوي تعديها على خير لاتخليني اجي ادوسك الحين بندر _ طيب زوجنا وارتاح بسام _ طيب اذلف الحين بندر _ ايه صح لاتتاخر عليها يلا سلام طمني بسام _ طيب يلا سلام غرام _ مين هذا اللي تبغى تدوسه بسام _ هاا هذا طارق &&&&&&&&&&&&&&&&&&&&&&&&&& نرجع بزمن لورا نشوف عمار ودنيا الساعة 9 الصباح في الدمام عمار اول ماجا من السفر نام لانه مره تعبان ونسي يفتح الجوال وقام بسرعة يلبس الوقت تاخر الساعة 9 وهو لسه ماراح الاجتماع خرج وراح الاجتماع ووقع واتفقوا على كل شي رجع البيت بعد الظهر وكمل نوم وبرضوا نسي يفتح الجوال الاجواء كانت عند دنيا ووخالد وروان متوترة من امس في اللي يتصلوا لين الساعة 5 العصر والجوال مقفل دنيا تبكي _ يارب يرد رد ياعمار والله تعبنا خالد _ برضوا مقفل دنيا _ لايكون فيه شي خالد _ الله يستر دنيا صارت تبكي بصوت عالي _ ياويلي لو صار له شي نروح الشرقية ونشوف عمار اشبه مايرد في الشرقية الساعة 9 الليل عمار _ يالله هذا كله نوم خليني انزل اكل شي من المطعم طالع في الجوال لقاه مقفل عمار _ يوووه شكله هذا شحن مخلص يلا انزل اكل بعدين اجي اشحنوا عمار مروق ولا همه نرجع نشوف حالة دنيا في جده دنيا كانت شوية وتموت من البكى وخالد مو قادر يهديها دنيا _ ياخالد احنا من امس الليل نتصل مايرد ايش نسوي خالد _ دنيا انتي لازم ترتاحي نامي لك شويه وانا اشوف الموضوع دنيا _ ماابغى انام ولا شي اول اعرف عمار فين &&&&&&&&&&&&&&&&&&&&&&&&&&&&&&&& بكذا انتهى البارت كيف بسام وبندر يهرجو بعض عادي كيييف بعد ماكان بسام راافض غير ايش بيصير مع عماار وودنيا راح يلحق عليها ولا |
|
#74
01-16-2011, 09:27 PM
| ||
| | ||
| البارت التاسع والعشرون الفصل الاول اكيد الكل مستغرب من اللي صار مع بسام وبندر قبل المشهد اللي صار بفترة ... اسيل _ بسام سامحه بالله عليك شوفه كيف كل يوم يجي ويسلم ويطمن ويعتذر كمان حررااام عليك يكفي بسام _ اسيل انتي تعرفي غرام غلاتها عندي اكثر من أي احد وهو كان السبب في دمارها اسيل _ لاااااااا والله مو هو السبب هو ماكان يدري حرام عليك وكان بيخطبها ولا هي المسكينة تدري بعدين انت سامحتها ليش ماتسامح بندر يابسام هذا صديق العمر الوفي بسام _ خلاص يااسيل اسيل _ ايوا كل مااقولك الحق تقولي خلاص لا بسام مو خلاص صدقني لمن تتصالحو راح تتصلح الامور كلها بعدين اعرفك انت منت من النوع الحاقد انت متفهم ومتسامح جات على بندر سامحه بسام _ طيب اتركيني انا اتصرف اسيل _ يازينه حبيبي المتفهم وباسته على خده بسام _ كمان وحدة هنا واروح ابوس اللي جابه بندر اسيل _ لا مافي بسام _ ياقاسية في الفترة هاذي كانت اسيل بس تزن على راس بسام بهذا الموضوع بعده بيوم كان بسام في محل يشتري ويتكلم في الجوال وبعدين قفل من المكالمة وخرج المحفظة يدفع حط الجوال على الطاولة وحاسب وخرج ونساه وركب سيارته وحرك وبعد فترة تذكر ورجع للمحل وسألهم وقالو له ماشافه جوال خرج من المحل وكان معصب وحاط يده على راسه يفكر الا سمع صوت من وراه __ _ جوالك يالغالي قلب بسام مستغرب لقي بندر ماد يده بالجوال بندر _ انتي ماتترك هالعادة فاكر في بريطانيا لمن المحلات كانت تشتكي من نسيانك للجوال والله انا شاكك تكون عجزت من ورانا بسام كان واقف مستغرب لثواني يطالع في بندر وبعدها استوعب ومد يده اخذ جواله بسام _ شكرا بندر _ العفو تصدق يابسام لي صاحب غالي علي الا هو اعز اصحابي زعلان مني وانا مالي ذنب ومو راضي نتصالح بسام _ اووه مشكلتك عويصة بندر _ اووف عويصة مرة وحدة على كذا يبغالها استشاري بسام _ في دكتور اسنان طيب اعرفه ملاحظة : بندر يخااف مرة ويكره دكاترة الاسنان عنده فوبيا منهم بندر _ لعيونك اروح واخلع ضروسي كلها بسام _ هيا روح بندر _ اهب تبغاني اصير عجيز مثلك بندر _ طيب نظرا لمشكلتي العويصة لو مكاني ايش تسوي بسام _ والله كنت حقرته وقت مايصالحني يصالحني رفع بندر حواجبه مستنكر الكلام _ ياسلام بس وجهة نظر تنصحني فيه يعني بسام _ افضل الطرق ضحكو بعدها الاتنين بندر _ خلاص ترا وحشتني بسام _ خلاص بس ترا ماوحشتني ضحكو وخذو بعض بالاحضان ومن يومها رجعو زي زمان واحسن كان بسبب محاولات اسيل وكمان بندر اللي كان بشكل يومي يحاول يكلم بسام باي طريقة واتفقو مايقولو لغرام عشان نفسيتها الين ماتفك الشاش &&&&&&&&&&&&&&&&&&&&&&&&&&&& في الشرقية نزل عمار ياكل وراح على عدنان اخو متعب سلم عليه وتقهوى معه ولاهو مهتم في الجوال لمن وصل الفندق قرر الاخ يشحن الجوال >> مايدري ايش المصايب اللي وراه الساعة 2 في الليل دنيا جالسة بس تبكي وروان وخالد متواصلين بالجوالات وكل واحد متوتر وخايف على عمار خالد _ دنيا الجوال يرن يرن دنيا نست نفسها ونست التعب والنوم وكل شي _ واخذت الجوال من اذن خالد عمار _ الووووووووو دنيا تبكي _ .............. عمار _ الو خالد انت سامعني خالد دنيا _ كيفك عمار عمار سكت شوية _ دنياااااا دنيا _ ايوا كيفك عمار عمار _ الحمد لله كيفك انتي دنيا _ تبكي ........... عار بصوت فيه حب وحنان _ دندونتي انتي تبكي دنيا _ ............. عمار _ دنددونتي وش فيك ليش تبكي دنيا من بين دموعها _ عماااار الحقني الله يخليك عمار بخوف واضح _ ايش فيك دنيا اتكلمي دنيا تبكي _ عمار ملكتي يوم الاثنين الحقني عمار انصدم _ ايييييييييييش ملكة مين انتيييييييي دنيا _ ................. مو واضح غير صوت بكاها عمار بعصبية _ دنيا ردي عليا اتكلمي خالد شاف دنيا مرة منهارة من البكى اخذ الجوال منها خالد _ الو عمار _ خالد ملكة مييييييين هذي اللي اليوم خالد _ ملكة دنيا عمار _ دنيا راح تتزوج ميين خالد _ هشام ال....... عمار بصراخ _ لالا مو معقول مو معقول انا مو مصدق متى صار هذا الكلام خالد _من امس في الليل ابوي قال الخبر واحنا نتصل عليك جوالك مقفل عمار _ لالالا ياللله انا مستحيل اخلي دنيا تروح مني خالد _ عمار الحق ترى الملكة اليوم جاين الرجال بعد المغرب شوف اقرب حجز وتعال عمار _ انا حتصرف بس اعطيني دنيا عمار _ الو دندونتي دنيا تبكي _ ................ عمار _ دندونتي لاتخافي محد يقدر ياخذك مني انا راح اجي مافي شي راح يفرقنا اهدي انتي ولاتبكي طيب حبيبتي دنيا _ طيب عمار الله يخليك تعال انا محتاجتك عمار انا مقدر اعيش من دونك عمار _ وانا كمان خلاص لاتخافي انتي انا جاي قفل عمار من دنيا واتصل على المطار يشوف رحلات مالقى غير يوم الثلاثاء او يوم الاثنين في الليل عمار _ صار يخبط راسوا في الجدار ياربي ايش اسوي مافي وقت الفجر قرب انا لازم اتصرف مستحيل دنيا تروح مني اتصل خالد عليه عمار _ ايوا خالد خالد _ ها عمار ايش سويت ترى الوقت مو في صالحنا عمار _ مالقيت رحلات ياخالد مالقيت خالد _ يووووووووووووه وش الحل طيب كيف راح تجي عمار لازم تجي ترى ابوي جابر دنيا غصب على الزواج عمار _ ماعاش اللي ياخذ دنيا مني اقلك انا دحين نازل جده خالد _ مو تقول مافي رحلات عمار _ خلاص انا نازل بر خالد _ لاعمار الطريق طويل 14 ساعة عمار يزعق _ طويل طويل اجل تبغاني اجلس اكتف يدي هنا واشوف دنيا تضيع من يدي بكل سهولة خالد _ يالله ياعمار والله مو عارف ايش اسوي عمار _ اسمع انت بس انتبه لدنيا لاتبكي ماابغاها تزعل وماعليك مني انا دحين خلاص انزل خالد _ طيب ياعمار بس انتبه على نفسك لاتسرع ترى الطريق طويل ويخوف لم عمار اغراضوا وحاسب الفندق واخذ سيارة عدنان ونزل &&&&&&&&&&&&&&&&&&&&&&&&&&&&&&&&&&& موعد مستشفى غراام في غرفة بيضاء فيه مراية كبيرة وسرير ترقد عليه بنت ناعمة وغامضة نفسيتها مدمرة والى الان متماسكة ومتهورة لابعد الحدود بنت تحب كل الي حوليها بس تعبت طاحت في وسط الطريق بعد ماكانت طايرة باحلامها مع فارس احلامها واكتشفت في النهاية انه مايستاهلها بس للاسف هي للان تحبه على الكنبة كانت اسيل قاعدة وعلى الكرسي ام غرام وعلى طرف السرير بسام اللي كان هو واسيل محلين الجو بمزحهم وهروجهم اللي كانت تمحي التوتر شوي دق الباب ودخل الدكتور والسستر الدكتور _ غرام ال ... كيفك غرام _ الحمدلله الدكتور _ جاهزة هزت غرام راسها بالايجاب قامت غرام قعدت بكرسي قدام المراية بالضبط وبدا الدكتور يفك الشاش اللي على وجهها غرام غمضت عينها وسبحت في افكارها _ يالله حاسة مشاعري متناقضة مبسوطة حرجع زي زمان وحزينة اني حارجع زي زمان بس من غير بندر طيب يمكن الحروق ماتختفي مزبوط يارب انا تعبانة وحاسة اني متعبة كل اللي حولية كان كل ماتروح طبقة من الشاش تحس بتوتر وخوف من الحياة الجاية التشوهات كانت موقفتها في مرحلة وحدة من حياتها لكن الحين غيييير فك لها كل الشاش حتى اللي على رقبتها ويدها اسيل ماستحملت ودمعت كانت غرام تسمع اللي حوليها يقولو الحمدلله فتحت عينها ببطء شافت غرام اللي كانت تدور عنها غرام شافت نفسها اللي كانت ضايعة منها شافت حياتها زمان ويا بندر ويا صحباتها غرام صارت تمسك اماكن الحرق وتطالع في يدها الدكتور _ لا العملية نجحت مية بالمية حمدلله على السلامة بسام _ الله يسلمك يادكتور يعطيك العافية خرج الدكتور والسستر قامت غرام وقربت من المراية مرة وصارت تمسك وجهها مهي مستوعبة اسيل قامت على طول وحضنت غرام من الجنب وهي تبكي اسيل _ اللف حمدلله على السلامة رجعتي ياغرام رجعتي بسام قرب منهم وماسك كتف غرام _ حمدلله على السلامة يااحلى بنوتة بالدنيا قامت ام غرام من كرسيها وقربت من بنتها بعدت اسيل منها باستها وحضنتها وقالت لها _ مبروووك يابنتي الصغيرة يااحلا البنات هذا كله صار وغرام وجهها ماكان عليه غير علامات الاستغراب والدهشة بسام قلب غرام عليه ومسكها من كتفها وهزها هزة خفيفة بسام _ اشبك يابنت فقدتي الذاكرة ولا نسيتي شكلك هنا غرام بدت الدموع تتجمع في عيونها وحضنت بسام بقوووة غاصت فيه وصارت تبكي بحرقة مهي عارفة تبكي عشان جرحها من بندر ولا عشان اللي سوته في حالها ولا هاذي دموع الفرح ولا عشان حياتها اللي راحت بلا شيء عشان واحد خدعها ( على بالها ان بندر خدعها ) ولا عشان كل الاسباب هاذي تجمعت وحرقت قلبها كيف تعبت اخوها معاها واللي اعز من اختها صار بسام يمسح على شعرها ومو عارف ايش يقول يواسيها شاف الصمت احسن وسيلة تهديها لانها في ذا الوقت ماهي متحملة كلام &&&&&&&&&&&&&&&&&&&&&&&&&&& في جده دنيا وخالد وروان حالهم على ماهو عليه بس يتصلوا على عمار ويتطمنوا عليه في الطريق اذن الظهر وهما لسه صاحين دنيا خايفة موت على عمار لان الطريق الصحراوي يخوف روان وخالد كانوا تعبانين من كثر السهر لهم يومين مواصلين دنيا _ يالله ياخالد الساعة 2 متى راح يوصل خالد _ الطريق طويل لسه بدري عمار كان مسرع مرررررررررررره ويسوق بتهور كان بس يفكر في دنيا وفي الوقت متى يوصل لازم يوصل قبل المغرب ولا راح كل شي الساعة 5 العصر دخل ابو عبد العزيز غرفة دنيا لقاها جالسة هيا وخالد ابو عبد العزيز _ انتي لسه مالبستي يلا قومي البسي دنيا _ ماابغى ابو عبد العزيز _ لاتطولينها وهي قصيرة قومي البسي وتعدلي عريسك جاي دحين دنيا _ ياربي ياخالد ابوي بيذبحني خالد _ ماعليك طنشي دنيا _ دق على عمار الوقت راح شوف وينه اتصل خالد على عمار وقله انه قرب باقي له كم 150 كيلوا ويصول راح خالد يلبس عشان يستقبلوا هشام وابوه ودنيا مو راضية تلبس شي جالسة بالبيجامه جات ام دنيا وصرخت عليها عشان تلبس لكن رفضت كانت بس تدور في الغرفة قلقانة على عمار الساعة 7 المغرب وصل العريس وابوه والمملك في غرفة دنيا دنيا كانت تبكي لان الموضوع انحسم خلاص عمار لسه ماجا اتصلت عليه من جوال خالد عمار _ ايوا خالد دنيا _ عمار انت وينك عمار _ حبيبتي دندون انا باقي لي حق نص ساعة وادخل جده خلاص دنيا تبكي _ عمار الله يخليك تعال بسرعة الناس تحت عمار _ لاتخافي انا جاي ام دنيا ورهف عند الحريم تحت ودنيا فوق في غرفتها تدور خايفة وتبكيي والرجال بالمجلس يتفقوا الشيخ _ توقيع العروسة ابو عبد العزيز _ خالد قوم ودي الدفتر لااختك خالد _ حاضر يبا طلع خالد ولقى دنيا تبكي وتلف من القلق دنيا اول ماشافت الدفتر _ لالا مستحيل خلاص خالد كل شي راح خالد كان حزين على حالة دنيا _ ............. خالد _ دنيا ايش نسوي عمار تاخر دنيا _ هو قلي قريب لاانا ماراح اوافق لالالالالالالا &&&&&&&&&&&&&&&&&&&&&&&&&&&&&&&&&& ريهام _ ريم اشبك ريم _ مافيني شي ليش تسالي ريهام _ لا والله بس وجهك يخررع ريم _ بالله ريهام ماني فايقتلك ريهام _ ايش سالفتك مع سمر اصلا من يوم مازوجت سمر وانتو متقاطعين ويوم شفتكم مع بعض لقيتكم تتخاصمو ريم _ مافي شي لاتشغلي حالك ريهام _ قولي لي يمكن اساعد ريم _ مافي شي عشان تساعدي فيه اصلا ريهام _ ريوم عليا ريم _ اقول بس وش فيها بنتك ذا كله نايمة قوميها نلعب معها ريهام _ غيري الموضوع ها دق باب بيتهم ريهام _ روحي افتحي الشغالة خرجت مع امي راحت ريم تفتح الباب ريم _ سمــر ريم _ يالله انتي ماتملين اخرجي من حياتي خلاص سمر _ الله يخليك طلبتك بغلات اللي تحبيهم بس اسمعيني ريم _ سمر انتي وش حكايتك طول الاسابيع هاذي ايش موضوعك سمر _ حقولك بس ينفع هنا كانو واقفين على الباب جات ريهام ومعها بنتها ريهام _ اهليييين سمر كيفك سمر _ اهلين فيكي تمام كيفك انتي ريهام _ الحمدلله تفضلي ليش واقفين هنا بعدت ريم عن الباب ودخلت سمر &&&&&&&&&&&&&&&&&&&&&&&& نرجع لمشكلة دنيا خالد اخذ الجوال واتصل خالد _ عمار وينك عمار _ خالد خلاص قربت خالد _ عمار الحق ترى اتفقوا وكل شي بس باقي توقيع دنيا عمار _ لااااااااااااااااااااااااا خالد لاتخليها توقع الله يخليك اخر الموضوع بس عشر دقايق وانا عندكم الله يخليك خالد لاتخلي دنيا تروح مني خالد خالد _ طيب ياعمار بس بسرعة ابوي راح يفضحني عمار _ خلاص انا قربت قربت يلا مع السلامة قفل عمار السماعة من هنا وماصار ينسمع في المكان غير صوت الفرامل وازدحمت السيارات واحد من الناس _ ياساتر ياساتر ايش هذا الحادث والثاني _ لاحول ولاقوة الا بالله هذا اكيد ميت شوف الحادث كيف الثالث _ يالطيف الله يبعد عنا هذي الحوادث الرابع _ الله يصبر اهل الولد شكله شباب &&&&&&&&&&&&&&&&&&&&&&&&&&& قعدو بالمجلس وصارت ريهام تهرج مع سمر وريم قاعدة وساكتة ريهام حست ان في هرجة بينهم ريهام _ طيب عن اذنكم ارضع رغد راحت ريهام ريم _ سمر انتي ايش عندك اختفيتي فترة وبعدين جايتني وتقوليلي موضوع مهم سمر _ ريم انتي مااعطيتيني فرصة اهرج ابدا دايم تصديني ريم _ طيب انا الحين اعطيك يلا قولي سمر كانت الدموع بعيونها _شوفي ريم انا كنت ادري طبعا عن وساخة راكان ولمن جا طلبني بزواج فكرت كثير قبل لااقرر بس ماقررت بالموافقة الا عشان انتقم منه قلت لو انه تزوج وحدة تانية على عماها ماتدري عنه ويظلمها معه ولا يتوب قلت انا اطلع حقك وحق كل البنات اللي عذبهم راكان ريم _ سمر انتي على بالك انا بصدق ذا الكلام سمر _ اسمعيني للاخر الله يخليك شوفي انا كنت اعرف بوساخته طبعا بس لمن عرفته على حقيقته كرهته اكثر كان يخونني ويكلم غيري ويروح ويخرج ولا عليه لكن انا بلغت عنه الشرطة ريم _ وشو بلغتي الشرطة سمر _ ايه كان متفق مع اصحابه قليلين الحيا زيه على انهم يتقابلو في شقة ومعهم بنات وانا كنت مخططة بس يوم اعرف هو رايح وين واتاكد انه معه بنات عشان ابلغ عنه وبلغت عنه فعلا ومسكوه الشرطة في الشقة ومعهم البنات وانواع الممنوعات ريم كانت متفاجأة من كلام سمر وشجاعتها _ انتي الحين تتكلمي من جد سمر _ والله العظيم ياريم وماقلت لك على مخططاتي عشان لاتتاملين معي لان خفت اني ماانجح ريم _ انا ماني مصدقة سمر _ ليش معقولة ماعرفتي ان رااكان مسجون ريم _ الا سمعت من ابوي وفهد يهرجون انه اتسجن بس ماتوقعت انك السبب ولا توقعت انه بسبب البنات سمر _ والله قلبي كان عليك طول الفترة هاذي ومقهووورة مررة انك تحسبيني خنتك ريم _ بس هذا مو مبرر انك ماتقولين لي سمر _ ريم لاتعقديها قلتلك ليش ماحكيت لك والله اسفة بس دفعته الثمن غالي ياريم والله عشانك اكثر شي ريم _ يستاهل الخسيس الوسخ سمر _ ريوم خلاااص انا اسفة الحين خلنا نرجع كل شي زي زمان ريم _ بسهولة كذا سمر نزلت دمعتها _ ريم الله يسعدك يكفي انا مااعرفك حاقدة كذا وماتسامحين ريم _ من اللي شفته بحياتي سمر _ والله راكان مايستاهل انك تنكدي نفسك عشانه عساه بقطيعة تقطعه يارب ريم _ سمر انتي ماحبيتي راكان سمر _ ايش السؤال السخيف هذا انا كنت اكرهه من قبل لا اتزوجه ولمن تزوجته وعرفته اكثر كرهته اكثثر ياريم والله تعذبت وتعبت الله يخليك كافي ريم _ ياسمر النار ماتنطفي بهالسهولة سمر وهي تبكي _ ماتنطفي اذا كنت انا من جد خنتك وتنذلت معك بس انا والله سويت هذا كله عشانك ريم واللي يعافيك خلااص ريم ابتسمت ولاول مرة بوجه سمر والدمع تجمع بعينها سمر _ يازين الابتسامة ايوا كذا عساها لاتفارق هالشفاه ريم نزلت دموعها على خدها دموع تسامح وحسرة على الايام الللي ظنت ان صاحبتها اوسخ الناس وهي طلعت اوفي الناس ريم _ اسفة على اللي سويته معك الايام اللي فاتت ( تقصد الايام اللي كانت سمر تحاول تكلمها وهي تصدها وكل ماتجيها تطردها وماهي راضية تسمعها ) سمر _ لاتتاسفين معك حق وكنتي محروقة ولو مكانك كنت سويت مثلك ريم _ اشتقت لك يابنت بصورة ماتنوصف سمر _ وانا بعدد حبيبتي كان ودي اكلمك كثيرر بس كنت اتردد واقول ان شاء الله بعد مايتحقق اللي في بالي &&&&&&&&&&&&&&&&&&& اكيد الكل عيونه مترين على الحادث نشوف دنيا المسكينة اللي منتظرة قدرها في مجلس الرجال ابو عبد العزيز _ شاف ان خالد مرة تاخر ارسل له احمد يجيب الدفتر فتح احمد باب الغرفة لقى خالد جالس هو ودنيا ودنيا بس تبكي احمد _ ابوي يقول يلا بسرعة ابطيت ليش دنيا كانت غارقة في موجة بكاء خالد _ اسمع احمد الكلام بيننا احمد _ اممممممم خالد _ عمار دحين جاي من اول قال عشرة دقايق وهو عندنا احمد مفجوع _ عمار مين خالد _ مين يعني ولد عمي احمد _ ليش جاي خالد _ بيرجع دنيا يعني ليش بالله وقلي ااخر الموضوع على بال مايوصل هو احمد _ اها فهمت بس ايش نقول لابويا خالد _ ماادري احمد _ اقلك جاتني خطة تعال &&&&&&&&&&&&&&&&&&&&&&&&&&& دخلت السستر لغرام تعطيها مراهم تستعملها وادوية وعشان غرام كان عندها فقر دم وماتاكل زين نيموها يوم واعطوها مغذيات باتت معها اسيل بسام كان عنده شغلة مهمة مع عمه خرج وتركهم في سيارة بسام على التلفون بسام _ خلاص ارتحت هيا اذلف بندر _ هي يعني الحين اكييد طيبة بسام _ بندر بندر _ خلاااص طيب بسام _ يلا اذلف واياني واياك اعرف انك قربت من طريق المستشفى بس احش ريولك حش بندر _ اوووه على التهديد لا بسام مااخونك لا بسام _ طيب يلا سلام قفل بندر ودق على بندر _ الو اسيل كيفك اسيل _ بندر بندر_ اييييوا دخيلك طلبتك تكفين انا تحت بالمستشفى ابغى اشوفها بس بشرط ابغى اكلمها اسيل _ انت شارب شي مستحيل انت بنسبة لها الحين كذاب ومخادع بندر _ الحين بس قوليلي في عندكم احد اسيل _ لا بس بندر _ بس انا طالع الحين اسيل _ طيب ايش اقول لغرام بندر _ لاتقولي لها شي وزود كمان سوي نفسك متفاجأة لمن تشوفيني اسيل _ طيب وقفل ومانتظرها تكمل اسيل _ يالله مجنوووون ذا الولد &&&&&&&&&&&&&&&&&&&&&&&&&&&&&& خطة احمد بتنفع ولا لا ؟؟؟ في غرفة دنيا اخذ احمد قارورة عطر وكسرها صار الزجاج مكسر ومتناثر حول المكان واخذ قطعة من الزجاج صغيرة وجرح جبهت ( راس ) خالد ونزل دم احمد _ خلاص فهمتوا الدور دحين انتي سوي نفسك اغمى عليك ومرة لاتصحي وبطلي هذي الدموع وانت ياخالد زي مااتفقنا نزل احمد مجلس الرجال وكلم ابوه على جنب احمد _ يبا دنيا اغمى عليها يوم شافت خالد طاح على الارض وانجرح هيا داخت عليه ابو عبد العزيز _ يالله ايش الفشايل هذي خلاص روح انت وحاول تفوقها هالدنيا ابو عبد العزيز _ العذر والسموحة يابو هشام على التاخير ابو هشام _ لا عادي خل البنت تاخذ راحتها ابو عبد العزيز _ لا هو بس عشان خالد الله يصلحة زلق من الدرج وانكسرت رجلوا وحايسين فيه ابو هشام _ مايشوف شر &&&&&&&&&&&&&&&&&&&&&&&&&&&&&&&&&&&& نشوف جنااان بندر وغرام غرام _ اشبك معصبة اسيل _ لا مافيني شي هاذي امي غرام _ تصدقي ودي اكلم بندر بس مااقدر اكلمه هو الحين متزوج وله حياته اسيل في نفسهها _ البنت هاذي ايش سالفتها مع حبيبها امانيها تتحقق يلا غرومة تفاجأي دق الباب غرام _ ميين بسام قال بيجي بالليل والاهل الباقين مايدرو ان اليوم بروح المستشفى اسيل _ ها مادري اشوف غرام _ اشبك تلبسي العباية اسيل _ ها يمكن يكون الدكتور انتي كمان حطي طرحة على راسك غرام _ ماني حاطة اسيل _ بكيفك وراحت وفكت الباب وطلع بندر في وجهها اسيل ماعرفت كيف تتفاجا اسيل _مين بندر بغى يضحك من شكل اسيل لانها تقول مين وهي شايفته قدامها غرام _ مين يااسيل غرام ماتشوف مين على الباب لان في سيب صغير بعدين الباب اسيل خرجت وتركت بندر يدخل دخل بندر وشاف غرام غرام حست انها تحلم مو معقول تشوف بندر قدامها غرام _ لييش ليـ ـيـيـ ـش وصوتها تخنق وهي تكلمه ضمت رجولها لها وحطت يدها على ركبها مغطية وجهها وتبكي من قلب غرام بصوت يكسر الخاطر _ ماابيك رووح الله يخليك بندر تمنى الموت ولا يشوف غرام بذي الحالة بسببه تمنى الموت ولا يشوف غرام ماتبغى تشوفه بندر _ لا ياغرامي لاتقولين كذا لا تزيدين على القلب جرح اكبر من جرحه مااتحمل اشوفك تصديني انا احبك ومااقدر احب احد غيرك ولا عمري تمنيت زوجة غيرك ارجوك ياغرامي والله العظيم اعشقك غرام _ مابي اسمع منك شيي رووح لها ماتستاهل منك تسوي فيها كذا بندر _ والله ياغرام القلب مو متعلق الا بك غرام انا بسبب ضربة بسام اللي جات على راسي فقدت الذاكرة مؤقت نسيت كل شي نسيت حتى نفسي بس كان في صورة بنت دايم تجي على بالي وكنت احس بصداع كل مااحاول اتذكر تعبت وانا احاول اعرف مين هي عرفت انها كنت اللي احبها في الفترة هاذي اهلي اقترحو علي اتزوج بنت عمي بالمرة تساعدني اتذكر لكن قبل زواجي بفترة رجعت لي الذاكرة ماقدرت اتراجع رحت لبسام واعتذرت وماقبل اعتذاري تذكرتك صرت اموت باليوم الف مررة كيف جرحتك وكيف انا السبب في انتحارك بالطريقة البشعة كيف رديتك لمن جيتيني بالمستشفى غرام كانت تبكي مهي قادرة تتكلم _ تاخررت تاخررت بندر _ وان كنت تاخرت مدانا نصلح كل شي غرامي معقولة تنسي اللي بينا حرام عليك تمحيه بهالسهولة غرام كان الكلام يطلع بصعوبة منها _ روووح بندر رووح كانت تقول كذا وهي مخبية وجهها بندر_ والله مااروح لانك ماتقوليها من قلبك لاتخلي الظروف تلعب علينا غرام انتي تحبيني وانا احبك ليش نبعد عن بعض غرام _ انت مـ ـجنـنون بندر _ مجنون فيك وراح ابقى لاخر يوم بحياتي مجنون بيكي عسى ربي ياخذ روحي الحين اذا ماتبغي تسامحيني رفعت صوتها شوي ورفعت راسها _ لاتقوول كذا بندر _ شفتي انك تكابري خلاااص غرامي والله تعذبت في بعدك عني وكنت مستغرب ليش مانكون لبعض ليش الظروف سوت فينا كذا ليش مانرجع لبعض غرام تطالع في بندر وهي تبكي قرب بندر منها وشال يدها باس يدها وقال _والله العظيم اسف باس يدها التانية _ والله العظيم احبك رجع باس يدها _ والله العظيم ابغى اتزوجك مسح دموعها اللي على خدها غرام كانت تطالع فيه مهي عارفة ذا حلم ولا حقيقة بندر _ ها ايش رايك موافقة غرام _ بندر احبك ورمت نفسها عليه رمية قوية بحضنه رجعته لورا شوي بندر ابتسم وكانت عيونه كلها فرحة رجعت وهي تبكي _ بندر انا بحلم ولا بعلم بندر _ بعلم ياغلا روحي ومسك خدودها وقرصها على خفيف _ وهذا للتاكيد دخلت اسيل وهي تتكلم بالجوال اسيل _ ايوا طيبة اسيل _لا محد جانا اسيل _ ها هي نايمة الحين متى بتجي انت اسيل _ طيب يلا سلام اسيل _ روميو وجوليييت خلصووونا بننفضح هذا بسام بندر _ خلاص طيب باس راسها _ حمدلله على السلامة انتظريني كلها كم يوم وخرج اسيل _ وااااي قلبي كان بيطيح خايفة امك ولا بسام يجو غرام كانت مسرحة مو معاها اسيل _ طبعا من لقى احبابه بت لاتجيبي سيرة لاخوك غرام وهي مبتسمة _ طيب اسيل _ وااي وااي وااي يازين الابتسامة هاذي من زمان ماشفتها ياااارب دووم &&&&&&&&&&&&&&&&&&&&&&&&&&& |
|
#75
01-16-2011, 09:32 PM
| ||
| | ||
| البارت التاسع والعشرون الفصل الثاني في مكان كله زحمة اسعافات والشرطة الشرطي _ السيارات اللي على اليمين تمشي نزل عمار من سياروتو معصب من الزحمة اللي صايرة هو بالقوة يلحق على الموعد عمار _ لو سمحت ياخوي بيتي من هنا لازم ادخل الشرطي _ معليش اخوي هذا المدخل مقفل انت مو شايف الحادث كيف عمار _ ماعنده وقت يضيعوا اكثر كل دقيقة تمر تبعد دنيا عنه خطوة ترك الشرطي وراح يجري قضى الحارة كلها جري عشان يوصل بيت عمه وبعد طلوع الروح وصل ودخل الحوش في غرفة دنيا دنييا _ دقوا على عمار شوفوه وين احمد _ انتي اسكتي انا ايش قلت انتي اغمى عليك يعني ولاكلمة لايروح احد يمر ويكشفنا خالد _ اتصلت اربع مرات مايرد احمد _ يمكن مافي شبكة يلا الغايب حجته معاه امشي بس خلينا ننزل وسوي نفسك تعرج ترى ابوي قال انك زلقت من الدرج كاني بوديك المستشفى خالد _ يلا امشي دنيا _ خالد احمد الله يخليكم شوفوا عمار انا خايفة خالد _خلاص لاتخافي انحنا راح نستناه برا نزل احمد وخالد وجوا رهف وام دنيا يفوقوا في دنيا اللي ممثلة الدور صح وكانها ميته مو اغمى عليها في الحوش عمار كان واقف يصلح الشماغ في جية خالد واحمد خالد _ عمار بسرعة ادخل احمد _ يلا ادخل عمار فتح الباب وكانت صدمه لابو عبد العزيز وعبد العزيز اللي جالسين في المجلس عبد العزيز ابتسم لعمار وغمز له اما ابو عبد العزيز حس بالفشيلة خاف ان عمار يفشلوا عند ابو هشام شريكوا في كل اشغالوا عمار _ السلام عليكم الكل _ وعليكم السلام عمار يوجه النظرات لعمه _ افاااا ياعمي بتزوجها لهذا وكان ياشر بطرف اصابيعوا على هشام هشام _ انت ميييييييييييييين اصلا عمار _ انا زوج العروسة ماخبركم عمي ابو عبد العزيز تمنى الارض تنشق وتبلعه تفشل قدام الرجاجيل ابو هشام _ وش هالكلام يابو عبد العزيز صحيح اللي ينقال عمار _ ايوا صحيح يابو هشام ويلا لو سمحتم البيت يتعذركم ابو هشام _ لايابو عبد العزيز ترانا انهنا في بيتك واعتبر كل الشراكات اللي بيني وبينك انتهت عمار _ هذي الساعة المباركة يلا برا لاعاد اشوفكم هنا ابو هشام _ هذي اخرتها يابو عبد العزيز يرضيك هالشي عمار طالع في عمه وكان قلبو يرجف خايف ان عمو يفشلوا ويكسر كلامه بعد هالشخصية ابو عبد العزيز _ اللي يقوله ولد اخوي سيف على رقبتي وماراح اكسر كلامه لو على قطع رقبتي هو الداخل يابو هشام وانتم الطالعين عمار ابتسم ابتسامه نصر _ ............. ابو هشام _ يعني كذا يابو عبد العزيز ابو عبد العزيز _ هذا اللي عندي خرج ابو هشام وهشام وهما غضبانين ودخل عمار سلم على راس عمه واعتذر منه ودخل خالد واحمد وهما مبسوطين عمار _ يلا ياشيخ انا العريس الشيخ _ انت زوجها سابقا عمار _ انا طلقتها طلقة وانتهت مده العده وابغى ارجعها دحين الشيخ _ يجوز لك ان تراجعها ولكن بعقد ومهر جديد وذلك لانتهاء فترة العده عمار _ موافق على بركة الله الشيخ _ الدفتر ياخ راح خالد طيران على غرفة دنيا لقاهم يفوقوا فيها وهيا لسه مسوية انها اغمى عليها نزل خالد الدفتر وكتبو العقد وراح خالد يودي الدفتر لدنيا عشان توقع &&&&&&&&&&&&&&&&&&&&&&&&&&&&&&&&&&&& في التلفون سمر _ باركيلي وصلتني ورقة طلاقي ريم _ كللللللللللوش لا هاذي يبغالها حفلة سمر _ اكييد يلا نخبر صحباتنا ونعمل احلى بارتي ريم _ ياسلاااام حفلة الرجوع للعزوبية سمر _ ههههههههههه الله يقطع شياطينك &&&&&&&&&&&&&&&&&&&&&&&& حنان ماخذة صالة بيتها روحة وجية مشي من التعب وماسكة ظهرها وفهد قاعد يتفرج في التلفزيون وفيها واتحول وهو يطالع لها حنان _ فيصل ليش تاخررت احس نفسي بمووت كانت المسكينة ماتبغى تدق عليه بشغله عشان لاتزعجه ومستنيته يرجع من الشغل كانت حاسة بالالام على غير العادة ومستغربة من ذي الالام لانها لسة في الشهر السابع فتح فيصل بالمفتاح ودخل وحط الاكياس على الطاولة فيصل _ والله ياحنااان جيعاااان حنان وقفت تطالع فيه ودموعها على خدها نزلت من الالم وهي ساكتة فيصل قلب وجهه عليها وشافها تبكي فيصل _ ايييييش في حنان _ ماادري تعبانة يمكن الالام ولادة فيصل _ وشهوو ولادة بدري حنان _ ماادري فيصل_ خلاص يلا جلسها على الكرسي وراح يجيب عبايتها وساعدها في لبسها كان فيصل متوتر لابعد الحدود لكن هدوء حنان قلل من توتره بس كان حزنان عليها وهي تبكي فهد وهما بالسيارة _ ماما ليث تبتي ( ليش + تبكي ) حنان _ حبيبي عشان اختك فروحة جاية فهد _ ووا فوحة شليلة زي النين الازلق ( شريرة + التنين + الازرق ) حنان ضحكت وهي تبكي فيصل _ فهد اسكت ابد مو وقتك &&&&&&&&&&&&&&&&&&&&&&&&&& هالمرة حتوقع دنيا ولا حيغمى عليها في غرفة دنيا خالد _ دنيا دنيا يلا قومي وقعي دنيا على بالها توقع على هشام ولساعها الاخت دايخة ام عبد العزيز _ ياوليدي ياخالد توقع هذا وقته شوف اختك كيف من اليوم نفوق فيها مو راضية تقوم كلم ابوك خلينا نوديها المستشفى خالد _ ههههههههههههههه لاماعليك دحين تقوم خالد _ دنيا قومي وقعي العريس عمار دنيا كانت طايحة على الارض وشكلها ميته اول ماسمعت العريس عمار وقفت وفتحت عيونها متر دنيا _ عمار جا ام دنيا ورهف _ واقفين مصدومين مو عارفين شي كيف هذي اغمى عليها وكيف دحين قامت خالد بابتسامه _ جا وملكنا وباقي توقيع العروسة دنيا بابتسامه شاقة وجها اخذت الدفتر ووقعت وهيا مبسوطة خالد _ مبروك دنيا _ الله يبارك فيك دنيا _ خلاص انزل خالد _ وين وين بتنزلي دنيا _ بشوف عمار خالد _ احترمي نفسك يابت عيب ماعندنا بنات يخرجوا للعرسان هههههههههههههه دنيا _ هههههههههههههههه خالد _ امزح دحين في الشيخ اول مايخرج اناديك خرج خالد ونزل عند الرجال وام دنيا ورهف مبهورين من اللي شافوه وماهم فاهمين شي &&&&&&&&&&&&&&&&&&&&&&&& خرجت غرام من المستشفى غرام _ تدرون ودي وين اروح بسام _ وين غرام _ ودي اروح الكوافير واسوي مكياج واروح اعمل ذاك الشوبنج الاصلي اسيل _ طلب اصيل من أي مرأة بسام _ من عيوني هاذي قبل هاذي راحو السوق وفلوها هناك وراحت غرام للصالون وغير شكلها وصبغت شعرها في البيت بعد مارجعو ام غرام _ ايه هاذي هي بنتي الحلوة بسام _ ايه يامزة الحلاوة دي اسيل _ ايش الالفاظ هاذي غرام _ هههههههههه بسام _ قصدي ماشاء الله محلوة غرام _ تسلم في غرفة غرام بسام _ غرام بغيتك بموضوع غرام _ هلا بسام حكاها هرجة بندر من اولها لاخر ماتصالحو وكلمو بعض غرام كانت تعرفها قبل من بندر لمن زارها غرام _ يعني تصالحته بسام _ ايه وترا هو خطبك وانا قلت له نسال العروس اسيل _ ها يالعروس ايش رايك غرام _مين انا بسام _ لا والله اهرج الكنبة موافقة ولا لا غرام _ هههههه بس ماني موافقة انا &&&&&&&&&&&&&&&&&&&&&&&&& نشووف فرحة دنياوعمار في مجلس الرجال بعد ماراح الشيخ عبد العزيز _ مبروك يابو عبد الرحمن احمد _ مبروك ياعريس خالد _ والله لو اعرف اغطرف كان غطرفت من الفرحة ههههههههههه الكل _ هههههههههههههههههه ابو عبد العزيز _ الله يسعدكم ياعمار وهالمرة عاد انتبه على دنيا وحطها بعيونك عمار _ لاتوصي عمار _ اقول ياشباب انا اعرف العريس له شوفة شرعية وين العروسة الكل _ هههههههههههههههههههههههههه عبد العزيز _ لا احنا بناتنا مايطلعون عمار _ لالالالا هذي النظرة شرع الله يلا خلود فز روح نادي عروستي خالد _ اصغر عيالك انا خلود وبعدين اول مرة اشوف عريس كذا مايستحي اخجل شوية زي المرة الاولى فاكر هههههههههههههههههه عمار _ ههههههههههههههههههه خالد يصرخ _ دنيا دنيا دنيا من فوق _ نعممممم خالد _ يلا انزلي دنيا نزلت مصفية الطبلون وباقصى سرعة على طول بدون لاتهتم في شكلها كانت لابسة بيجامه موف وبيج مره حلوه نزلت تركض من الدرج خالد _ بت انتي من جدك بتروحي كذا بالبيجامه دنيا _ ايوا بشوف عمار بسرعة وراحت تجري على المجلس فتحت الباب واول واحد في وجهه كان عمار طالعت فيه ابتسم لها وقام عمار في نفسوا _ يالله يادنيا لهدرجة مهمومة مرة نحفانة شكلها متغيير دنيا جلست تطالع في عمار وبعدها راحت رمت نفسها في حضنوا قدام الكل وصارت تبكي عمار حضنها بقوة وجلس يمسح على شعرها دنيا صارت تشوف الدنيا سودا وفجاءة طاحت من حضن عمار وكانت راح تطيح على الارض لو ان عمار مامسكها من وسطها زي الناس خالد _ هذي اخذت على الاغماء عجبتها الحركة ولا ايش عمار _ اسكت انت فاضي احمد جاب عطر ورشوا على يدوا وصار يشمم دنيا عشان تفوق عمار كان ماسك دنيا من وسطها وطايحة على رجولوا فتحت دنيا عيونها وشافت وجه عمار قدامها دنيا _ عماااااااااااااار عمار _ عيونه خالد _ احمممممممم احممممممم نحن هنا يلا وش رايكم نخرج ونسيب العرسان العيال _ يلا خرج ابو عبد العزيز والعيال كلهم وفضي المجلس مابقى غير العرسان ساند عمار دنيا وجلسوا على الكنب دنيا كانت تبكي وتطالع في عمار عمار يمسح دموعها بيدوا _ ليش الدموع دحين ترى بزعل دنيا _ وحشتني عمار _ وانتي اكثر يادنيتي كلها دنيا _ عمار لاعاد تتركني ثاني عمار _ ماراح ابعد عنك طول حياتي لاني مقدر اعيش من دونك دنيا _ ................. عمار _ دندونتي ليش كذا دنيا باستغراب _ امممممممم ليش ايش عمار _ ليش حبيبتي نحفانة مرة نحفتي دندون دنيا _ ابتسمت عمار _ انا ابغاك ترجعي زي اول ماابغاك كذا دنيا _ هههههه ان شاء الله عمار _ دندونتي مو ملاحظة شي دنيا _ عماااااار ايش فيه عمار _ اليوم لابسة موف ويوم الشوفة كنتي لابسة موف وابيض دنيا _ هههههههههههههههههههه صح صح ماشاء الله فاكر بس هذيك المرة تنورة وهالمرة بيجامه ههههههههه عمار بتسبيلت عيون حلوة _ اكيد افتكر اجمل ايام وذكريات حياتي كيف انساها وبعدين انتي ببجامه بتنورة بدون شي برضك تجنني طووووووووووووووووووووووط طووووووووووووووووووووووط غير مسموح بالباقي &&&&&&&&&&&&&&&&&&&&&&&&&& نرجعع للمسكينة حناان حنان دخلت على كشك الولادة دوغري فيصل متوتر مررة وقاعد يدعي وكلم اهله واهلها اما فهد كان معجب بسراميك المستشفى وماخذه مكان للتزلج بعد فترة خرجت السيستر السيستر _ مبروووك جاتك بنوتة زي القمر فيصل _ الله يبارك فيكي كيفها حنان السيستر _ كويسة دلوقتي تخرج وطلع من جيبه واعطاها حق البشارة فيصل _ الوو خالتي حنان ولدت خلاص ام حنان _ اللف مبروك ياولدي كيفها وكيف البنت طيبة فيصل _ طيبة الحمدلله ام حنان _ حمدلله على سلامتها تتربى بعزك اول ماتخرج حنان خلها تكلمني فيصل _ ابشري ياخالة &&&&&&&&&&&&&&&&&&&&&&&&&&&&&&& بسام واسيل تفاجأو اسيل _ نععععععم بسام _ لييييييييييش غرام _ حرام يتزوج على هديل والله هديل طيبة وماتستاهل شوفوها كم مرة زارتني بالمستشفى وكيف طيبة واخلاق واحلا مني بعد ليش يتزوج عليها هنا اسيل عصبت _ عشان يحبك ياثورة غرام _ ولو انا ماني موافقة لو ايش بسام _ براحتك ونشوف اسيل _ قلبت وجهها وهي مبوزة _ يوووووه ياهبلة تحبون بعض خلاص فكونا واتزوجو البنت راضية انتي ايش حارق رزك غرام _ انا مارضاها على نفسي ليش ارضاها عليها يااسيل حرااام البنت طيبة وماعليها قصور اسيل _ اووووف منك انتي وهو بسام _ خلاص اسيل هدي ونشوف ايش نهايتهم ذول &&&&&&&&&&&&&&&&&&&&&&&&&&&& فيصل _ مبروك حنونة حنان _ الله يبارك فيك فيصل _ تجننن يانااس مرةة حلوة ماشاء الله حنان _ ماشاء الله فيصل كلمت امي فيصل _ ايه اكيد والحين اتصل عليها عشان تكلميها فهد _ ياشليلة خليتي ماما تبتي ماما ليث هي مللة صعيلة ؟؟!( صغيرة تراها لاتفهموها غلط ) حنان _ اممم عشان دوبها تولدت وراح تكبر وتصير زيك كبيرة بعدين فهد وهو مبوز _ لا ماتصيل زيي تاخذ العابي بعتين فيصل _ هذا من دحين شان حرب عليها الله يعين &&&&&&&&&&&&&&&&&&&&&&&&&&&&&&&& في بيت ابو عبد العزيز ثاني يوم كانوا مسوين عزيمة للعيلة بسبب رجعت دنيا وعمار اللي الكل انبسط منها ام عمار _ وش رايك يام عبد العزيز نخلي الفرحة تكمل ونسوي ملكة عادل ورهف الاسبوع الجاي ام عبد العزيز _ والله انا ماعندي مانع نشوف ونرد لكم دنيا تكلم رهف بشويش _ ياهو احنا يلا بنملك رهف حمرت خدودها _ اهجدي روان _ يلا دندون عمور برا دنيا _ اوكي خارجة لبست دنيا عبايتها وسلمت على الكل وهيا عند الباب دنيا _ يلا مع السلامة روان _ مع السلامة وليلة سعيدة ياعروسة ان شاء الله دنيا _ قليلة ادب روان _ طالعة لااخويا ههههههههه دنيا _ طيب ماخذا راحتك عشان مافي احد لو في خالتي وامي كان ماقدرتي تهرجي روان _ هههههههههه يلا بس روحي اخويا شكلوا مستعجل دنيا _ روان انتي وقحة روان _ والله انا صادقة ولاايش مطيروا دوبها الساعة 1 بعد منتصف الليل لسه عندكم وقت يلا بس ايش نقول تتهنوا ههههههههههه دنيا _ خبطت روان بشنطتها وخرجت في بيت دنيا عمار _ نورتي بيتك دنيا _ منور فيك عمار _ تسلم حبيبتي يلا تعالي شوفي وش مسوي لك مفاجاءة فتح باب غرفة النوم وكان مجهز جو رومنسي حلو وحاط لها على طاولة كيكة وشموع دنيا ابتسمت _ رووووووووعة عمار _ طيب يلا تعالي اجلسي لاتكوني مستحيه ترى لسه مابدينا هذي البداية دنيا _ ههههههههههههههههه &&&&&&&&&&&&&&&&&&&&&&&&&&&&&&& ردة فعل بندر لمن عرف ان غراام رفضته !! دخل بندر بيته ورزع الباب بقوة وراه وقعد على الكنبة وماسك راسه هديل اتفجعت منه وجات عليه هديل _ بندر صار شي بندر بعصبية_ مافيني شي اتركيني هديل المسكينة دخلت غرفتها وقعدت تبكي هديل في نفسهها _ انا وش ذنبي يسوي فيني كذا والله عذاب والله ماهي سهلة زوجك يجرحك لذي الدرجة حراام عليه والله تعبت صحيح ابغى سعادته بس خلاص فاض بي بس ياهديل بندر لو انه مبسوط وسعيد بحياته انتي حياتك راح تتغير للاحسن يعني لو تزوج غرام حياتي راح تكون احسن شوي على الاقل تفكيره بالحزن والفراق يخف دام انه في كلا الحالتين مستحيل يحبك خليه معك وهو مبسوط احسن راحت اتصلت على اسيل لانها حست ان الهرجة تخص غرام وعرفت منها ان غرام رفضته عشان ماتجرحها كبرت في عينها غرام وعرفت هو ليش يحبها كذا بجنون لببست عبايتها ومسحت دموعها وخرجت لبندر هديل _ بندر لو سمحت بندر _ لو سمحتي هديل من جد ماني طايق شي هديل _ اسمع انت بس وديني بيت غرام بندر _ ايييش هديل _ صدقيني حاروح واجيب معي العلوم الزينة بس يلا قوم بندر يطالع فيها بتعجب هديل _ يلاااا مو وقت تتنيح بندر _ هديل ارجوكي معليش لاتتدخلي في ذا الموضوع هديل في نفسهها _ يالله ياولد العم هاذي جزاتي وانا ابغى اسعدك واطعن قلبي بسكينة جرح راح تنزف طول العمر هديل _ تكفى بندر هيا والله ماراح اسوء الامور بالعكس بندر _ انتي السبب في انها ترفض كيف اوديك عندها هديل _ مو عشان انا السبب ماحد حيخليها تغير رايها غير السبب صح بندر _ هديل والله مو ناقص مشاكل هديل _ يلا يابندر يلا بندر _ انت بقلك تبغيها تزعل مني وتحسبني دازك لها هديل _ انا حافهمها الوضع بندر _ لا ماينفع بعدين انتي وش دخلك زعلت هديل من ذي الكلمة مرة _ يالله يابندر وش دخلني بعد كل اللي صار واللي سويته عشانك ايش دخلني يعني عشان ابغى اسعدك ابغى اخليها توافق وادوووس على قلبي بستين جزمة عشان اقدر اكلمها توافق تتزوج زوجي وانت تقولي وش دخلك بندر _ ادري هديل انا عذبتك معي كثير اسف والله بس انتي تعرفي الظروف هديل _ بندر قووم هيا انا ماراح اتحمل الحياة بعد كذا وانت متنكد وزعلان وعقلك مو معاك بندر طالع فيها باستغراب من كلامها هديل _ لاتستغرب هيا بندر واللي يعافيك مو معقولة اترجاك عشان توديني لها &&&&&&&&&&&&&&&&&&&&&&&&&&&&&&& في بيت دنيا عمار _ صباحية مباركة ياعروسة دنيا _ ههه الله يبارك فيك عمار _ يلا ماتبغي تفطريني دنيا _ دحين اقوم حبيبي عمار _امزح اصلا انا عازمك على الفطور دنيا _ ياحياتي انت وسلمت على خدوا عمار _ الخد الثاني بسرعة بسرعة لايغار دنيا _ وهذا الخد الثاني هااااااا عمار _ فين كمان فييييييييييين دنيا _ لا عاد خلاص حلى هو عمار _ احلى من الحلى استحت دنيا ورخت عينها عمار _ يالبى قلب اللي يستحون انا في مطعم ............ دنيا _ ليش ماتاكل الاكل ماعجبك عمار _ لابالعكس حلو دنيا _ طيب ليش ماتاكل عمار بصوت يجنن _ اول شي املي عيني من الملاك اللي قدامي بعدين املي بطني دنيا استحت مرة من عمار وحمرت خدودها عمار _ فين تبغينا نروح دنيا _ الساعة 12 دحين صح عمار _ امممممممممم دنيا _ خلاص نروح البحر حلوة الاجواء حتكون هادية عمار _ اوكي البحر البحر &&&&&&&&&&&&&&&&&&&&&&&&&&&&&&& نرجع نشوف اللقاء المصيري بين هديل وغرام ماري _ مدمزيل غرام مدمزيل هديل تستناك تحت غرام _ هديل يالله يابندر معقولة ترسلها ليا نزلت غرام لهديل هديل كانت عينها تحبس دموعها ماتبغى تخرجها وقلبها مكسوور وتمنت الموت قبل لاتنحط في هذا الموقف هديل _ الحمدلله على السلامة غرام _ الله يسلمك هلا هديل تفضلي دخلو المجلس وقعدو هديل _ اسمعي مني ياغرام للاخر ولاتقاطعيني ارجوكي غرام _ اتفضلي هديل _ شوفي حبيبتي ترا دخولك حياتي على بالك انه بيجرحني او بيتعس حياتي لا بالعكس يمكن يكون هو سبب سعادتي وراحتي صدقيني لو تزوجتي بندر انا اول وحدة حتكون مبسوطة غرام تطالع في هديل مستغربة هديل _ لاتستغربي ياغرام انا حياتي معاه كانت كلها حزن كان دايم بندر حزين ومكتئب وماكان ينبسط الا اذا عرف عنك شي زين ودوم يفكر فيك دايم يناديني غرام يتلخبط صدقيني لو حكيتك عن حياتي في منتهى التعاسة بس انتي لو جيتيها والله راح تصير احسن على الاقل بندر راح يكون مبسوط ويكون باله معاه راح اصير سعيدة اذا شفت الانسان اللي احبه سعيد غرام _ هديل لا يكون بندر لهدرجة وقح وارسلك هديل _ لا والله العظيم ماكان يبغى يجيبني بالقوة جابني ياغرام وافقي عشاني وعشان بندر وعشان نفسك انتي تحبينه بعد غرام _ ماني مصدقة ياهديل اسمع هذا الكلام منك هديل _ بالعكس لان انتي اللي راح تغير حياتي للاحسن وحياة بندر غرام _ انتي اطيب انسانة شفتها بحياتي هديل عينها تحرقها بالدموع لكن ماتبغى تطلعها عشان لاتزعزع موقفها عند غرام _ تسلمي حبيبتي بس المهم دحين غيرتي رايك غرام سكتت هديل _ يابنت علينا تراك ودك توافقي وبعدين والله انا مبسوطة وراضية انتي ليش تتلقفي مالك شغل واي احد حينبسط بزواجكم بعد قصة الحب العنيفة غرام _ بس انا مارضاها على نفسي هديل _ والله لو كنتي في مكاني ترضيها وانتي مبسوطة بعد غرام _ هديل راح تتحملي الوضع هديل نزلت راسها وحست بانكسار _ اكيد ماراح يكون اسوء من الوضع اللي كنا عايشينه غرام عينها امتلت دموع من كلام هديل اللي لو وصفتها بالطيبة كلها ماراح توفي حقها هديل بلعت ريقها عشان لا تبكي _ خلاص الحمدلله المشكلة انحلت ليش تبكين ياغرام ان شاء الله بس دموع فرحة غرام _ انا اسفة هديل انا كنت سبب تعاستك كل ذي الفترة هديل عاندها دمعها ونزل _ ياغرام ماهو ذنبك ولا ذنب بندر انتو حبيتو بعض والمفروض تكونو لبعض وانا غلط اكون عقبة في طريقكم وان كان علي قلتلك والله حياتي راح تكون احسن غرام نزلت راسها تبكي على موقف هديل هديل تمسح دموعها _ خلاص فتحنا مناحة ماصدقنا يكفي دمووع ياغرام خلينا ننبسط بحياتنا شوي غرام _ كيف راح تنبسطي اذا اخذت بندر منك هديل _ شوفي غرام زمان بندر كان تفكيره كله معك الحين لمن تكوني معاه حيكون تفكيره معك لكن لمن يكون معاي ماراح يكون فكره معلق بك زي زمان افهميها ياغرام يعني ماراح يكون متعذب وفراقك مستحوذ على تفكيره وغير انه حيكون سعيد وهذا اهم شي وانه حبكم راح يتوج بزواج حضنت غرام هديل وهي تبكي غرام مسحت دموعها _ ايش بتسوي هديل _ ابغى اطلع الجوال ابغاك انتي تقولي الخبر لبندر غرام _ اييييش مستحيل لو ايه لالا هديل _ حتطلع منك احلا والله بيطير من الفرحة غرام _ لا هديل ماينفع لا هديل _ مو بكيفك ودقت عليه واعطتها الجوال بندر _ ايوا هديل غرام مرتبكة مهي عارفة أيش تقول _ انا موافقة قالتها بسرعة ورمت الجوال على هديل وهديل ابتسمت من شكل غرام لكن الي مومستوعبته انها قاعدة تخطب لزوجها بندر سكت شوي مو مستوعب هديل تحاول تخلي صوتها طبيعي _ ايوا بندر مبروك بندر _ هديل من جد اقنعتيها هديل _ والله وانت سمعتها من فمها ها بندر _ ماني مصدق هديل ابتسمت لكن العين مليانة جروح واحزان _ والله بندر _شكررررررا ياهديل انتي احسن انسانة على الوجود هديل _ العفو يلا روح خبر بسام كانت تبغى تنهي المكالمة بسرعة ماهي متحملة هديل _ الحمدلله مبروك غرام غرام _ الله يبارك فيك تدري ياهديل انتي كبيرة في عيني هديل ابتسمت هديل _ سلمي لي على اسيل انا الحين استأذن غرام ماحبت تلزم عليها تقعد لانها حاسة فيها &&&&&&&&&&&&&&&&&&&&&& في جو رومنسي دنيا _ عموري بسالك سؤال عمار ماسك يد دنيا _ اممممممم دنيا _ ليش طلقتني عمار طالع في دنيا _ مو وقته ياعمري احنا لسه عرسان اليوم ثالث يوم لنا دنيا _ ادري بس نفسي اعرف عمار _ اوعدك راح اقلك بس مو دحين دنيا _ طيب عمار _ دندونتي دنيا _ ها حبيبي عمار _ فين تبغينا نسافر شهر العسل دنيا طالعة في عمار باستغراب _ شهر عسل عمار _ ايو شهر عسل ليه محنا عرسان نسافر زي الناس دنيا _ عمور انت من جدك عمار _ وجدي وابو جدي كمان دنيا _ ماادري انت اختار بس كيف وملكة رهف وعادل عمار _ لاراح نسافر بعدها دنيا _ طيب عمار _ يعني مانفسك في بلد معينة دنيا _ لا عادي أي مكان معاك حلو وبعدين ذوقك يعجبني في كل شي حتى الجزر اللي رحناها كانت روعة عمار _ خلاص انا راح اختار واخليها مفاجاءة لك دنيا _ ياقلبي عليك ياعمار الله لايحرمني منك عمار _ ولامنك &&&&&&&&&&&&&&&&&&&&&&&&&&&&&&& بعد فترة يوم ملكة عادل ورهف كان بيت ابو عبد العزيز مقلوب ورهف مرتبكة وخايفة زبطتها دنيا وشيكتها ولبستها فستان لنص الساق لونه وردي مرة ناعم وحلو وكان شكل رهف عذاااااااااب ملكوا عند الرجال ووقعت رهف وطبعا مرت بمواقف الخوف والارتباك زي أي بنت دنيا _ يلا جهزي نفسك دحين راح تنزلي رهف _ واااااي دنيا احس اني بطيح مرة خايفة دنيا _ لا عادي شعور طبيعي هيا كلها 5 دقايق روان _ لاتخافي رهوفة ترى عادل هو بنفسه خجول مو مثل بعض ناااااااس دنيا _ ايش تقصدي يارونا روان _ والله انتي ادرى ياعروسة عريسك مو جرئ على الاخر دنيا _ هههههههههه انتي شغلك بعدين يلا رهوف انزلي نزلت رهف وهيا خايفة وقلبها بيوقف دخلت المجلس مع خالد وهيا راخيه راسها رهف _ السلام عليكم عادل كان منحرج _ وعليكم السلام جلست رهف جنب خالد وعادل قدامها خالد _ يلا انا استاذن خرج خالد ورهف شوية وتموت من الخجل عادل رفع راسوا وطالع في جمال رهف اللي انبهر بشكلها الطفولي الجذاب عادل _ كيفك رهف رهف _ الحمد لله عادل _ سنة كم ماشاء الله رهف _ ثاني ثنوي عادل _ ماشاء الله رهف_ يستهبل يعني مو عارف طبعا في نفسها عم الصمت المكان عادل منحرج ورهف نفس الشي طلعت رهف عند البنات وهيا شوية وتموت روان _ ها كيف بشري رهف _ الحمد لله بس والله خوف دنيا _ عادي راح تتعودي روان _ ايوا اسال مجرب دنيا _ رونا انتي شكلك تبغي تتكفخي روان _ هههههههههههههه خلاص لاتعصبي جلسوا البنات رقص واغاني وماخلوا شي في نفسهم &&&&&&&&&&&&&&&&&&&&&&&&&& اسيل _ يالله ايش الزحمة هاذي كانو اسيل وغرام بغرفة نوم اسيل وكانت الغرفة مليانة عفش ملابس وجزم ( اكرمكم الله ) وشنط كبيرة ولوازم الزواج غرام _ غرفتك قلبت حراج قومي يابت نرتب اسيل _ تصدقي عمري ماكنت اتوقع انا وانتي نتزوج بيوم واحد غرام _ شفتي كيف الزمن وتتزوجي باخوي كمان ولا انا كنت اتوقع انا وبسام نتزوج بيوم واحد اسيل _ والله شي رهييييييييييب غرام _قومي نرتب لاتدخل خالتي وتهزانا على ذي الكركبة قامت كل وحدة تشيل شي اسيل _ اقول الفستان الازرق هذا حقي ولا حقك غرام _ والله مدري اصلا هذا من الاسبوع الفات اشتريناه اسيل _ اقول خلاص خذيه انتي غرام _ لا انا سويت حركة انما ايه شفتي التيكت حق أي شي كتبت عليه اسمي اذا كان حقي شوفي التيكت عشان نميز اسيل _ ماعليه اسم اجل حقي غرام _ والله انك بقرة اقول اسيل تعالي اسيل _ ها غرام _ شوفي الفستان هذا حق ميين يهبل اسيل _ اشوف الله واااي مررة حلو حق مين شوفي التيكت غرام _ وين التيكت يابت مافي عسى قطعتيه عشان تاخذي الفستان اسيل _ وجععع انقلعي لو ابغى اشتري زيه بس ترا اصلا حقي دخلت ام اسيل _ على ايش تتخاصمو غرام _ ياخالة شوفي بنتك تبغى تخذ اشيائي اسيل _ شوفي ماما هذا حقي ولا حقها ام اسيل مسكته وطالعت فيه _ هههههههههه هذا لا حقك ولاحقها هذا حقي غرام واسيل _ ايييييييش اسيل _ ماما بلا صياعة هذا حقنا ام اسيل _ والله جد اهرج هذا حقي وش جابه هنا يمكن حطته بالغلط الشغالة هنا غرام _ هههههههههههه في النهاية لا حقي ولا حقك اسيل _ والله يامااما صياعة بس مايجي قدك ام اسيل _ يابت هذا زمان قبل ماجيبك كنت البسه غرام _ حركات يعني كلاسيك اسيل _ خلاص اعطيني هو غرام _ لا خالة انا ام اسيل _ وااه حراميات لا انتي ولا هيا بعدين ترا بسام تحت ينتظركم &&&&&&&&&&&&&&&&&&&&&&&&&&&&& في بيت دنيا عمار _ شكلك اليوم جووووناااااان ياعمري دنيا _ عيونك الحلوة حبيبي حضن عمار دنيا على صدروا عمار _ جهزتي اغراض سفرنا دنيا _ اممممم عمار _ تصدقي مانفسي انام دنيا _ عمار لا دخيلك ورانا رحلة الصبح واصلا تعبانة وفي عيني نوم عمار _ ههههههههههه طيب خلاص رحمتك هذي كلها اعذار خلاص راح اسيبك يلا نامي &&&&&&&&&&&&&&&&&&&&&&&&&&& نزلو غرام واسيل تحت كان بسام قاعد لحاله ويهرج بالجوال نزلو ونغصو عليه اللي ترميه بمخدة والي تشد شعره واللي تبي تشربه موية بالغصب بسام _ معليش بندر عندي اطفال هنا غرام برقت عينها _ بننندر بسام _ اشوفك هجدتي ايوا بندر بندر _ ياحياتي اديني اسلم عليها بسام _ على بالك انا بريطاني وعيني زرقا اعطيك اختي بندر _هههههههههههههههه اسيل _ اعطيه يكلمها بسام _ ياااابنت اووس غرام قعدت وبوزت بندر _ الحين انا وهي مملكين انت ايش حارق رزك هاتها لا اجيكم الحين بسام _ ههههه خلاص خلاص رحمت بكم خذي غرومة فزت غرام من مكانها وجات ومسوية نفسها مستحية واخذت الجوال وجريت على فوق >> ولا كانها كانت تمشي بحيا بندر _ ياااابعد عمري انا كيفك غرام _ تمام دام اني سمعت صوتك كيفك انت بندر _ بعد ماتقولي هالكلام كيف حاكون غرام ضحكت بخجل بندر _ اموووت على اللي يستحون غرام _ وينك انت دحين بندر _ غيري الموضوع المهم انا في الشارع اجيكي غرام _ حتجيني جسد بس لأن روحك ساكنة بداخلي بندر _ اووووووووه لا انا بكلم بسام يقدم موعد الزواج ماينفع كذا غرام _ هههههههههههه بندر _ فديت هالضحكة دوووم يارب غرام _ داامت ايامك اللي فيها انا بندر من قلبه _ اميييييييييييييييييييييييين &&&&&&&&&&&&&&&&&&&&&&&&&&& سلموا عمار ودنيا على اهلهم واقلعت رحلة شهر عسلهم في الطيارة دنيا _ الله تصدق عموري مرة مبسوطة عمار _ عساها دوم يارب دنيا _ عمور حلوة لندن عمار _ اممممممم مرة حلوة بس معاك احلى دنيا _ متحمسة اشوفها عمار _ كلها كم ساعة ونوصل في بلد الضباب دنيا _ الله عمور الجو يجنن ياليت عندنا بالسعودية كذا امطار وضباب عمار _ بس برد صح دنيا _ امممممم عمار _ يلا نطلع الفندق احسن طلعوا الفندق وريحوا واكلوا ونزلوا ياخذوا جولة في البلد دنيا _ المكان يجنن زيك ياعموري عمار _ احم احم دنيا _ لاتغتر عاد عمار _ يحق لي اغتر دام القمر ماشي معايا دنيا_ هههههههههه راحوا اتمشوا في الاماكن القريبة منهم واكلوا ايس كريم ولعبوا وكل شي سوه في الفندق في لندن دنيا _ والله اليوم تعبت عمار _ بس رحلة حلوة دنيا _ اكيييييييييييد دام حبيبي فيها بتكون احلى رحلة عمار _ جا وجلس جنب دنيا ومسك يدها دنيا تركت يدو وراحت تجري عمار _ هههههههههههه ايش راح نلعب شرعت دنيا _ اممممممممم خلينا نرجع ايام زمان ايام الصغر عمار _ مسك دنيا وجلس يدغدغ فيها دنيا _ هههههههههههههه ااااااااااااااااااااااااهههههههههههههه خخخخخخخخخخخخخخخ عمور خلاص تبت والله تبت عمار _ قولي توبه دنيا _ ههههههههههههههههههههه تت هههههههههههتوبة والله هههههههههههههتوبة عمار فك دنيا وجلسوا الاثنين يضحكوا دنيا _ شقي عمار يحرك حواجبه بطريقة مضحكة _ حلاتي في شقاتي دنيا _ هههههههههههههه عمار _ تنكري دنيا _ لا ماانكر كلك على بعضك حلو عمار _ يابت انتي اليوم بتجننيني بهذا الكلام تبغيني اتهور بعد مرور اسبوعين دنيا _ عمور متى نرجع عمار _ مليتي دنيا _ لاوالله متونسة بس حرام كذا راح نصرف كثير مرة عمار _ اهم شي انك تنبسطي ماعليك في الفلوس دنيا _ ياحياتي انت عمار _ بس ياحياتي مافي بوسة دنيا تطلع لسانها _ لا مافي عمار _ يابت احسن لك دنيا _ ماابغى بكيفي عمار _ راح تندمي دنيا _ لالالالالا قرب عمار من دنيا وشالها دنيا _ ههههههههههههه نزلني عمار _ لالالالالالالا دنيا _ ههههههه يلا انت اللي بتتعب عمار _ من ثقلك عاد زي الريشة ونزلها على السرير دنيا _ ليش نزلتني كنت مبسوطة عمار _ مو قلت لك راح تندمي دنيا _ ههههههههههههههههههههه عمار بعد انت من جدك هههههههههههه &&&&&&&&&&&&&&&&&&&&&&&&&&&& بعد فترة غرام _ فاكرة يااسيل لمن كنا كل سنة لازم نتجمع فيذا المكان اسيل _ طبعا خسارة كان ودي يجو اليوم اعزمهم على زواجنا غرام _ والله دقيت عليهم كلهم جوالاتهم خارج الخدمة اسيل _ يالله يالقهر والله وحشووووني موووت ودي اشوف دنيا بهبالها ومزحها وفرح بانوثتها وحنان برزانتها وكاميرتها تتذكري كانت ماتروح مكان الا تشيل معها الكاميرا غرام _ ايه والله وهيام وفلسفتها ورجتها اسيل _ ولا كل يوم وتصميم جديد وودها تنافس ايلي صعب غرام _ والله بمووت واشوفهم مررة اشتقت لهم ولا فهودي ولد فروحة اكيد كبر الحين اسيل _ حركات فروحة ام تصدقي حتى لمن اسال عنهم بالجامعة دنيا سحبت ملفها وهيام منقطعة وحنان ساحبة ملفها وفرح بعد ساحبة ملفها غرام _ الله يستر بس لازم نوصل لبعض اسيل _ اكيييد تذكري اخر مرة رحنا فيها الكباين مع بعض يوم بسام خطبني غرام _ اوووه هاذي كانت فيها احداث تهبل فاكرة بيومي يوم كات تتريق على فروحة وعليك ولا يوم طلعنا نشجع يوم فازت السعودية ودنيا كانت بسيارة عمار اسيل دمعت عينها _ والله وحشوني في نفس المطعم بس في جهة تانية حنان _ والله يافيصل كنا دايم نتجمع هنا فيصل _ ايه ادري فرح كانت تحكيني دايم حنان _ والله وحشوني مررة ودي اشوفهم فيصل _ طيب اسالي يمكن اليوم موجودين حنان _ صح اليوم هو اليوم اللي كنا دايم فيه نتجمع سالت الجرسون على واحد يشتغل عندهم اسمه بسيوني هو دايما كان يحجزلهم بس للاسف عرفت انه ترك الشغل ورجع بلاده حنان _ طيب طاولة 6 اليوم محجوزة الجرسون _ ايوا مدام فيصل _ باسم مين الجرسون _ ماادري اروح اتاكد لكم ياترا حيتقابلووو ؟؟؟؟ ولا لا !!! ( نشوف بس بعد مانمر على العرسان ) دنيا وعمار مبسوطين مرة في شهر عسلهم عمار ماكان عارف كيف يفتح لدنيا موضوع العلاج عمار _ دندونتي تعالي ابغاك في موضوع دنيا _ شبيك لبيك دندون بين ايدك عمار _ ههههههههه تعالي طيب عمار _ اسمعي دندون بقول لك شي بس ماابغاك تزعلى دنيا عقدت حواجبها _ خير عمار احد صار له شي عمار _ لالا هو شي يخصني ويخصك دنيا _ عمار ايش فيه عمار _ ............ دنيا _ عمور تكلم عمار _ اسمعي هو شي بسيط مرة وبس عملية بسيطة وكل شي يرجع زي زمان وانا كلمتك في هذا الوقت لانه كل ماتاخر العلاج راح يصعب بعد كذا دنيا _ عمار علاج ايش عمار _ اسمعي دنيا انا بقول لك كل شي بس اوعديني ماتزعلي مني دنيا _ وعد يلا اهرج عمار _ شوفي وحكاها انه لمن ضربها اثر على الرحم واجهضت الجنين بهذا السبب وانها محتاج لعملية بسيطة مره دنيا تبكي _ لا عمار ليش ماقلتوا لي من اول ليش ماقلتوا لي اني صرت مااجيب عيال عمار _ هووووووووووش لاتقولي كذا ان شاء الله بنجيب عيال يملوا علينا البيت وزي ماقلت لك العملية بسيطة مره دنيا _ ........... تبكي عمار اخذها في حضنوا لاتبكي انا قلت لك ان الموضوع بسيط دنيا _ عمار لو مانجحت العملية عمار _ لا ان شاء الله راح تنجح دنيا _ لو ايش حنسوي عمار _ عادي نرجع السعودية ونكمل حياتنا ونحاول ماراح نيأس دنيا تبكي _ عمار لو مانجحت العملية راح تطلقني عمار مسح دموع دنيا بيدوا _ لاعاد اسمع هالكلام مفهوم دنيا _ عمار انت مالك ذنب كل انسان يتمنى يشوف عياله عمار _ ادري وان شاء الله راح نشوف عيالنا ونربيهم ويجننونا كمان دنيا _ عمار انا خايفة لو مانجحت عمار _ ان شاء الله بتنجح دنيا _ طيب لو مانجحت راح تتزوج عليا عمار _ هووووووووووش دندون ايش هالكلام ترى والله ازعل ايش اطلقك واتزوج ليش هذا كله دنيا تبكي بصوت عالي _ لاني مااجيب عيال عمار رفع راس دنيا وخلى عينها بعينوا وبكل حب _ انا لو يخيروني بين مليون ولد من صلبي وبينك راح اختارك مايهمني اذا جبنا عيال ولا لا اهم شي في حياتي انتي انتي كل شي في حياتي يادنيا فاهمة يادنيا يعني ماابغى اسمع الكلام اللي يزعل هذا مرة ثانية دنيا تبكي ودفنت راسها في حضن عمار وصارت تبكي اكثر &&&&&&&&&&&&&&&&&&&&&&&&&&&&&&&& الحد الفاصل بالبارت الجاي راح يتقابلو ولا وكمان دنيا اكتشفت حقيقة مرضها وانهارت راح تتعالج ولا وممكن ترجع تجيب عيال |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية فاطمه بقلمي | سحر الشرق2002 | روايات كاملة / روايات مكتملة مميزة | 109 | 02-26-2015 05:02 PM |
| رواية ((يوم كنت في الابتدائية))بقلمي | ЯỐǿЯỐǿ | أرشيف المواضيع الغير مكتمله او المكرره او المنقوله و المخالفه | 8 | 03-14-2012 09:11 PM |
| رواية زهرة النرجس سنفونيه من العشق والرومنسيه (جريئه) / بقلمي | zhrt al narzees | أرشيف المواضيع الغير مكتمله او المكرره او المنقوله و المخالفه | 41 | 01-19-2011 07:28 PM |
| هل يشرع نشر المقاطع الإسلامية للفائدة ولو كانت حقوق النشر محفوظة | homeahmed | نور الإسلام - | 0 | 09-30-2010 10:57 PM |
| رواية -{ بقلمي }- بعنوان - { حُبْ ! } - .! | *مودا* | أرشيف المواضيع الغير مكتمله او المكرره او المنقوله و المخالفه | 18 | 09-20-2010 02:55 AM |
العرض العادي
