|
|
#31
11-24-2010, 11:50 AM
| ||
| | ||
| البارت الثامن عشر بسام _ ياهلا بالغالي نورت بندر _ ياهلا فيك كيفك بسام _ تمام وانت علومك بندر _ بخير ياوجه الخير تذكر اللي ماجرين منه الشقة في لندن بسام _ ايوا اشبه بندر _ تخيل اتصل علي يسلم بسام _ ياسلام وشمعنى مااتصل فيني بندر _ يالغيور بسام _ لا هو معجب بهالعيون الزرقا بندر _ هههههههههه طبعا مو انت ضفدع ايش يبغى فيك بسام _ انا ضفدع طيب طيب &&&&&&&&&&&&&&&&&&&&&&&&&&&& غرام _ فاتك يااسيل مو ريتا رجعت للكوافير اسيل _ كذااابة يعني انا دايم اروح ماتجي وجعععع غرام _ مو انتي نحسة اسيل _ طيب تعالي على بيتي نتسلى غرام _ لا حبيبتي خليها بكرة اليوم مافيا اسيل _ اوكي يلا ياعسل سلام غرام _ سلام &&&&&&&&&&&&&&&&&&&&&&&&&&&&&&&&&& فرح كانت واقفة بالتسريحة وتطالع في شكلها كان مررة متغير عن زمان نحفت ووجها اصفر وتحت عيونها اسود وعيونها ذبلانة وشاحبة فرح _ يالله يافرح شوفي ايش صارلك فيصل دخل وسمعها وجا وحضنها من ورا فيصل _ واشبها عسولتي وزوجتي تهبل وش زينها فرح ابتسمت _ بكاش بالله انا حلوة الحين فيصل _ ايوا بعدين الجمال جمال الروح وانتي بعيني احلا وحدة بهالعالم فرح _ فيصل انت ليه ماتكرهني وتريحني فيصل وهو متفاجا _ اكرهك فرح _ ايوا عشان لاتتعذب لمن اموت فيصل راح قعد على السرير ومسك راسه فيصل _ ارجوكي يافرح كذا مرة قلتلك لاتقولي كذا راح تجنيني فرح مسكت فيصل ورفعت راسه _ حبيب روحي ومالك قلبي انا ماابغى اعذبك فيصل _ انتي بكلامك هذا تعذبيني قعدت فرح جنب فيصل ومسكت يده _ فيصل انا عندي موضوع مهم ابغى اقلك عليه فيصل _ قولي حبيبتي &&&&&&&&&&&&&&&&&&&&&&&&&&&&&&&& بندر _ ياشيخ خلينا نروح القهوة اشبك بسام _ والله مالي خلق الزكام مطفشني بندر _ مالت عليك زكام يهدك بسام _ خلاص بكرة نروح بندر _ طيب ياكسلان يلا انا بروح بسام _ بدري ياهووو خلينا قاعدين بندر _ لا خلاص بكرة اشوفك بسام _ براحتك خلاص بكرة اشوفك على القهوة وكان في ذا الوقت غرام داخلة من بوابة الفيلا وشافتهم نازلين من الديوانية غرام وقفت في مكانها متفاجاة تبغى تستوعب اللي شايفته هذا بندر ولا لا غرام _ لا مو معقول هذا بندر ايوا بندر بندر كان يقولي انه صاحبه اسمه بسام وكان معاه في الغربة لا ياربي يارب مايكون هو الا ياغرام هو ياربي وش راح يصير دحين حبيبي يطلع صديق اخوي وقرب بسام وبندر منها وهي انتبهت وراحت جري شافوها بسام وبندر لكن طبعا بندر ماعرفها كانت مغطية ورايحة جري بسام _ شكلها غرام رجعت بندر _ سميت خطيبتي بسام _ اقول روقنا بس قولي رحت خطبتها بندر _ لسة لمن امي ترجع من السفر بسام _ يلا الله يوفقكم عند غرام في غرفتها غرام _ لا مو معقول صاحب اخويا يطلع ياربي ايش اسوي كيف لمن يعرف بسام ويعرف اني خنت ثقته فيا بس ياغرام بندر بيخطبك بندر مو حق لعب بس انا كلمت قبله عشرين واحد يعني يوم مااكون اكلم واحد ويكون بيننا حب حقيقي بسام يكشفني والمرات اللعب مايكشفني فيها ياربييي بسام يدق باب غرفة غرام _ غرومتي غرام _ هلا هلا ادخل بسام _ انتي لسة قاعدة بالعباية غرام في نفسهها _ والله اللي شفته نساني اسمي غرام _ هههههه لا ياشيخ بس عجبتني العباية بسام صار يدغدها _ هههه فين كنتي ياصياعة غرام _ ههههههههههههههه خلاص هههههه بسوم تكفى هههههه ياكلب بسام _ انا كلب غرام _ لا محشوم الكلب ظلمته بسام _ هههههههههه ماراح ارد عليكي مهما كان صغيرة فين رحتي غرام _ والله ياسيدي رحت للكوافير قصيت شعري بسام _ ياهبلة ليش شعرك كان طويل وحلو غرام _ لا شوف نفس طوله بس مدرجات خليته بسام _ حركااات لا صار شكله احلا غرام _ تسلم عيونك الحلوة اقول بسومي بسام _ عيوني غرام _ مين هذا اللي كان معاك بسام _ ابو عيون زرقا ههه هذا خويي بندر اللي كان معي بالغربة غرام هنا قلبها صار يدق بسرعة وتأكدت انه هو بندر غرام _ ااااها بسام _ اشبك وين سرحانة غرام _ يلا اذلف ياحبيبي ابغى انام بسام _ لمعلوماتك اذلف وحبيبي مايجو مع بعض غرام _ انت وش دخلك هذا كلامي تعال كيف مع الزكام بسام _ احم احم بس صار صوتي زي كاظم الساهر غرام _ ياوااد انت ياحافي القدمين بسام _ ههههه طيب يادلوعتي تصبحي على خير وخرج بسام غرام كان قلبها يدق بسرعة وحست انها مهي قادرة تحرك جسمها _ يالله الحين وش اسوي اكلم بندر واقوله انك صاحب اخوي ولا اقول لبسام قبل لايعرف ياربي طيب هما مررة اصحاب اكيد حكاه عني يالله اممممم بس يمكن ماقله على اسمي طيب انا وش اسوي يارب استر غرام _ انا استاهل هبلة كيف ماعرفت انه هو بسام اخوي كان دايم يحكيني عنه بس ماحطيت في بالي اااااااه ياربي &&&&&&&&&&&&&&&&&&&&&&&&&&&&&& احمد _ ايش الفشلة هاذي كيف اكلمها دحين يلا اكلمها وامري لله احمد _ الووو السلام عليكم ندى _ هلا وعليكم االسلام احمد _ هلا فيكي كيفك ندى _ بخير انت كيفك ايش اخبارك احمد _ والله الحمدلله بخير بسماع صوتك ندى _ دوووم يارب احمد _ يدوم عزك ندى _ ---------- احمد في نفسه _ الله يفشلك يارهيف ندى _ اممم اتصلت علي رهف احمد _ ايوا انا قلتلها بس ترا كلامها تاليف ندى _ تاليف يعني انتي منت مجننهم ولاتهذر باسمي احمد _ الصراحة لا ندى _ ---------- احمد في نفسوا _ الله يالنشبة شكلها زعلت احمد _ بس ترا كله في القلب انا ماابين ندى ضحكت بخجل احمد _ انتي مااشتقتيلي ندى _ الا احمد _ زين ندى _ هههههههههههههه احمد _ اشبك تضحكي ندى _ الصراحة مهي جاية رد ابد احمد _ ترا هذا من رهيف خلتني متفشل منك ندى _ لا عادي &&&&&&&&&&&&&&&&&&&&&&&&&&&&&&&&&&&&&& فيصل _ ايش هذا الكلام يافرح والله استحالة اسويه فرح _ يعني ترفض اخر طلب لي في الحياة فيصل قام وبغضب _ يالله يافررررح انتي ليش تقولي كذا يكفي عذبتيني لاتقولي كذا انتي ماراح تموتي فرح _ طيب ياحبيبي بلاش اني راح اموت بس في احتمال اني اموت لو مانجحت العملية صح فيصل _ ولو نجحت فرح _ طيب الحمدلله لو انها نجحت بس اذا مانجحت ابغاك تنفذ لي هذا الوصية بعدين هاذي وصية مني من حبيبتك يافيصل فيصل قعد ودموعه على خده _ بس كيف اعيش مع وحدة غيرك والله مااتحمل تكون زوجتي وحدة غيرك ليش يافررح هالطلب الصعب والله مااقدر عليه مااقدر بعدين يافرح انتي راح تعيشي &&&&&&&&&&&&&&&&&&&&&&&&&&&&&& ريم قاعدة تبكي ومنهارة وقافلة على نفسها الباب رن جوالها راحت ردت سمر _ الوو ريم _ الوو سمر الحقي علي وكانت تبكي بصوت وتشهق سمر _ بسم الله ريم ايش فييه ريم _ ماقدر اشرحلك على التلفون تعالي عندي ياسمر انا بموت من القهر سمر _ خلاص الحين اكون عندك مسافة الطريق بس اهدي انتي طيب ريم _ طيب &&&&&&&&&&&&&&&&&&&&&&&&&&&&&&&& غرام _ شفتي كيف يااسيل اسيل _ والله مو معقول محد كان متوقع بندر يطلع صاحب بسام غرام _ ياويلي والله مررة خايفة يااسيل اسيل _ والله شي يطيح العقل من الراس بعدين اتذكر بسام كان يقولي اعز صديق له ومدري ايش غرام _ كمان يارررررررررب ايش اسوي اسيل _ قولي لبندر غرام _ انتي التانية ايش اقوله اسيل _ والله مدري طيب استني لمن يجي يخطبك غرام _ وقتها بسام حيعرف ان اللي كان يهرج عنها بندر انا اسيل _ طيب يمكن ماحكاه عنك غرام _يمكن بس كيف ماحكاه وانتي تقولي اعز صديق له اسيل _ الله يستر بس &&&&&&&&&&&&&&&&&&&&&&&&&&&&&& خالد كان قاعد بخمارة ويشرب ويضحك مع صاحبه جاسر خالد _ جسور ياصديقي الصدوق ابغى الحبة اللي اعطيتني منها المرة الليي فاتت جاسر _ ههههههههههه عجبتني جسور والصدوق طيب لعيونك هاذي المرة حاعطيك شي احلا من الحبة راح يخليك من جد مبسوط خالد _ هات يامعلم جاسر _ شمر يدك خالد _ ليش جاسر _ هههه ابغى اعطيك حقنة ياذكي خالد _ اها حقنة بس لا تكون تعور جاسر _ لا ماتخاف بس تموتك هههههههههههههه خالد _ ههههههههه احسن اروح لشهد على الاقل اونسها واعطى جاسر الحقنة لخالد وبكذا مستقبل خالد في طريقه للدمار &&&&&&&&&&&&&&&&&&&&&&&&&&& سمر _ ايش فيه ريم كانت تبكي وتحكي سمر عن اللي صار سمر _ ياغبية ياهبلة قلتلك راح يصير فيك كذا تستاهلي ماسكتلي حبيبي وواثقة فيه شفتي ايش صار فيكي مستقبلك راح ياهبلة ريم _ يكفي ياسمر انا هبلة وحمارة بس راكان قالي راح يجي يخطبني سمر _ انتي لسة ماخذة بكلامه يابنت هذا يلعب بيكي وانتي منتي حاسة ياريم اعقلي ريم _ طيب وش اسوي في هذي الحالة ماعندي غير اني اصدقه سمر _ الله يستر بس طيب لا تسيبيه في حاله اتصلي عليه وخليه يجي يخطبك ريم _ ان شالله &&&&&&&&&&&&&&&&&&&&&&&&&&& دلال _ انتي يالعاجزة اشبك تنادي هيام _ انا ماناديتك انتي ياحقيرة جات دلال وشدت هيام من شعرها _ انا ماني حقيرة ياعاجزة انتي حتى ماتقدري تنزلي من الدرج ولاتجيبي لنفسك شي خليكي طيبة معاي اخلي ابوكي طيب معاكي فاهمة وسابت شعرها بقوة هيام _ ابغى الجوال ابغى اكلم اهلي دلال _ امممم والله جوالك عجبني اخر موديل يابنت الكلب اكيد مو ابوكي هالبخيل جابه لك اخذته نفسي فيه هيام _ الله ياخدك اعطيني جوالي دلال _ مافي هيام _ طيب هاتي تلفون البيت دلال _ ابوكي البخيل ماركب هيام _ طيب خليني اكلم اهلي بس دقيقة دلال _ مافي انقلعي عني يالمعوقة هذا اللي ناقص انا لو منك انتحر وراحت ورزعت الباب بقوة وهيام قعدت تبكي صارت محد يرافقها غير دموعها طول الليل والنهار &&&&&&&&&&&&&&&&&&&&&&&&&&&&&&&&& على الساعة 9 صباحا ابو عبد العزيز كان قاعد بالصالة يستنى ولده خالد اللي صار بالايام مايشوفوه ولمن يجي كان يطلع ينام على طول دخل خالد وكان يغني ويدندن ويترنح خالد _ ياليل دانة وشهد وحشتيني وحشتيني سنين بعدك على عيني الاماكن مشتاقة لك ههههههههه والله سويت كوكتيل ولا مصطفى قمر ابو عبد العزيز _ وين كنت خالد _ هههه ياهلا بالوالد العزيز ابو عبد العزيز _ جاوبني لا تشوف اللي مايسرك مخلي هالبيت زي الفندق مانشوفك ولو جيت تنام على طول ارحم نفسك وارحمنا معك خلاص شهد ماتت لو كانت حية راح ترضى بالحال اللي انت فيها خالد قعد وصار يبكي ويضحك بنفس الوقت _ يبى بس هي ماتت يعني الحين هي مهي موجودة بالحياة ابو عبد العزيز _ بس الحياة ماتوقف عندها بس شهد غالية عليك واكيد ماتبغى تسوي شي هي ماترضاه ياولدي انا وامك خلاص تعبنا وحنا نحتراك تجي ونستناك ونشوفك بهالحالة حرام عليك خالد _ خلاص هذي حياتي اتعودو عليها راح ابوه وسحبوه على الحمام وحطاه تحت الموية عشان يفوق وصار يعطيه كفوف ابو عبد العزيز _ فووق شوف حياتك كيف صارت &&&&&&&&&&&&&&&&&&&&&&&&&&&&&&&&&&& في اليوم اللي بعده بندر _ واا بسوم ذا كله نايم بسام _ ياخي اخذت حبة زكام خلتني مااحس بنفسي دوبها غرومة تقولي المغرب اذن بندر _ حمار نوم تقولي عنك اعرفك تموت في شي اسمه نوم بسام _ هههههه يلا انا الحين لابس وبروح على القهوة بندر _ قهوة مين ياعمي اسمع العيال عازمينا على الاستراحة بسام _ مين بندر _ طارق بسام _ اهااا ايوا تصدقي قبل يومين قالي تذكرت بندر _ ايوا واليوم اتصل علي وقالي بسام _ خلاص اوكي عدي علي مافيا اسوق بندر _ انت شكلك عجزت من ورانا بسام _ هههههه طيب عشان اثبتلك اني لسة شباب انا راح اعدي عليك بندر _ ههههه طيب استناك طارق هذا ياجماعة صديق بسام من زمان بس بعد ماتعرف بندر على بسام صار كل اصحاب بسام اصحاب بندر والعكس &&&&&&&&&&&&&&&&&&&&&&&&&&&&&&&& غرام _ اسيل خلاص انا راح اقول لبندر اسيل _ طيب احسن على الاقل هو يتصرف مع بسام غرام _ معك حق اليوم بقوله اسيل _ طيب حبيبتي الله معك &&&&&&&&&&&&&&&&&&&&&&&&&&&&&&&&& فرح _ يالله انا لازم اقنع فيصل بالزواج فيصل _ حبيبت الحلوة في ايش سرحانة فرح _ سرحانة افكر فيك فيصل _ ياسلاااااام ومين قدي انا وفروحتي الحلوة تفكر فيني فرح _ بس انا افكر كيف اقنعك بالزواج فيصل _ يالله يافرح تاني رجعنا لهذا الموضوع قفليه خلاص ارجوكي فرح _ تاني وتالت ورابع وماراح اقفله ابد انت لازم تتزوج اذا مت ولا مين راح يربي فهودي خالتي حرمة كبيرة ومالها شدة على اطفال واختي هنادي عندها عيالها وزوجها واخواتك بعد وحتى امي مايقدرو فيصل _ يعني هالزوجة الجديدة راح تقدر فرح _ ايوا على الاقل هي تكون ملزمة بيه بعدين يافيصل انا حاختارها يعني راح اختارها حنونة وتقدر تربي فهد وتحن عليه زي امه فيصل _ انا ماني مقتنع بهالكلام فرح _ يافيصل عشاني وعشان فهد &&&&&&&&&&&&&&&&&&&&&&&&&&&&&&&& في الاستراحة عند العيال كان فيه عيال كثير متجمعين كان جزء يلعب بلوت وجزء راح يتسبح وجزء يهرجو ويضحكو طارق _ والله لزقة مافكتني الا لمن شحنتلها جوالها بخمسمية بعدها ماشفت رقعة وجهها بندر _ وااه هاذي طماعة طارق _ بنت فقر علي _ بس والله اخذت منك فلوس كثير بس ليش اعطيتها طارق _ والله انا كنت اعطيها لمن تطلب عشان اتقرب منها وتنفذ طلباتي بس طلعت ذكية اعطيها وهي تاجل الاشياء اللي اطلبه بسام _ ههههههههه والله يا طارق وحدة ضحكت عليك طارق_ تخسي تضحك علي بس هي اخذت مني شوية فلوس حامد _ شوية فلوس يكفي الخمسمية بندر _ هاذي مكافاة نهاية الخدمة الكل _ هههههههههههههه بعد فترة بسام _ يالله بندر _ اشبك بسام _ نسيت جوالي بالسيارة بندر _ خلاص انا بروح اجيبه اصلا نسيت بكت السجاير بسام _ طيب وراح بندر وساب جواله جنب بسام وفي هذا الوقت رن جوال بندر &&&&&&&&&&&&&&&&&&&&&&&&&&&&&&& ريم _ رد ياراكان الله يخليك رد علي ياررررربي راكان _ الوو ريم _ راكان اخيرررا رديت علي راكان لاعاد تسويها الله يخليك راكان _ حبيبتي كنت مشغول معليش بس لاتزعجيني ريم _ والله ماني قاصدة ازعجك بس حبيبي الله يخليك والله خايفة راكان _ ياعمري تخافي وانا معك ريم _ راكان طيب اخطبني راكان _ طيب حبيبتي بس هاذي الايام ابد ماينفع مشغول شوي ريم _ طيب اول ماتخلص شغلك تعال واخطبني راكان _ خلاص حبيبتي &&&&&&&&&&&&&&&&&&&&&&&&&&&&&&&&& بسام _ بندر جوالك بس بندر ماسمعه لانه خلاص بعد بسام طالع في الجوال كان مكتوب غرامي بسام _ هاذي حبيبته لكن بسام انتبه للرقم بسام اتفاجأ ومسك الجوال _ هذا رقم غرام ورد غرام _ هلا حبيبي اشبك مارديت بسرعة بسام حس قلبه وقف في ذاك الوقت سمع صوت اخته في جوال صاحبه وتأكد ان هي اخته قفل في وجهها الخط بسام في نفسه _ بندر كان يحكيني عن حبيبته واسمها غرام كيف ماشكيت انها ممكن تكون اختي يانذل يابندر وتحكيني عنها بعد وبان على وجه بسام ملامح غضب و انه راح ينفجر على طول في وجه بندر طارق _ اشبك بسام بسام ساكت ومعصب مررة ومنتظر بندر جا بندر _ اوووه تصدق 10 مكالمات لم يرد عليها عندك وشاف بسام مرررة معصب ويطالعله بحقد بندر _ بسام ايش فيه صار شي بسام _ تعال معي ابغاك وخرجو لبرة الاستراحة بسام مد جوال بندر قدامه _ هذا رقم مين بندر _ رقم غرام ايش فيه بسام بسام _ وتقولها في وجهي بعد يالخسيس واعطاها بوكس بندر بعصبية _ بسام ايش السالفة ايش صار بسام _ تكلم اختي يالحقير وتكلمني عنها من وراي وصار يضربه وبندر يقاومه بس من غير مايضرب بسام لان مهما كان اعز صاحب ليه بندر _ والله ماادري انها اختك بعدين انا نيتي سليمة بخطبها بسام _ ياحقير يانذل ياخسيس تخوني وانا اعتبرتك اعز صديق لي يالخاين بندر دف بسام عنه وبعصبية _ انا ماخنتك انا مستحيل اخون اصحابي كيف وانتي اقرب اصحابي لي افهمني ماكنت ادري بسام _ لا بالله صدقتك وخرجو العيال كلهم من الاستراحة لمن سمعو صوت ضرب وزعيق طارق_ ياشيخ هدي ماصارت مو معقول بسام _ طارق لاتتدخل مالك شغل علي _ بسام اتعوذ من ابليس ياخوي بندر _ يابسام انت مثل اخوي واكثر مااقدر اخونك قلتلك ماكنت ادري بسام _ الا تدري ياكذاب ياحقير وبعد العيال اللي ماسكينه وراح على بندر وضربه ضربة طيحته وخلت راسه يدق على حافة السيارة بندر صار ينزف واغمى عليه العيال انفجعو وبسام نفسه انفجع ووقف مصنم يستوعب اللي صار الكل ظن ان بندر راح فيها اتصلو على الاسعاف والشرطة جات واخذت بسام حجزوه وبندر على المستشفى &&&&&&&&&&&&&&&&&&&&&&&&&&&&&&&&&&&& عمار _ قومي كلي من يوم ماجنا هنا وانت ماتاكلي زين قومي كلي دنيا _ ماابغى عمار _ بلاشي دلع قومي دنيا _ قلت ماابغى عمار _ عساك لاتاكلي انحرقي وراح وسابها دنيا تبكي _ يالله ياعمار وصلت الامور بيننا كذا انا لازم اوضحله اللي صار وراحت خرجت وراه كان قاعد في الكنبة قعدت جنبه ومسكت يده دنيا كانت تبكي وتشهق وتتكلم _ مو معقول الحب كله يضيع عمار انت حبيبي انا اعترف في البداية ماكنت احبك بس والله دحين احبك الا اموت عليك وهالاشياء اللي تسويها تعذبني وتدمرني انك انت تشك فيني وماتخليني حتى ادافع عن نفسي ليش طيب اسمعني والله هالبنت مالي علاقة فيها ابد هي كانت تلمحلي باشياء زي هاذي بس انا طنشتها وتركتها قامت حقدت علي وسوت فيني كذا عمار في نفسه _ اااه يادنيا مااقدر اشوفك كذا عمار _ طيب ليش قابلتيها هذاك اليوم دنيا _ والله هي هددتني عشان كذا رحتلها عمار _ ماني مصدقك تهددك بايش دامك انتي ماسويتي معها شي ولا لك علاقة بيها وقام وسابها دنيا _ ياررربي ياعمار ليش منت فاهمني عمار خرج وجاته رسالة على جواله انت المفروض تسيب زوجتي ماينفع تكون على ذمة اثنين والله اشتقت لها تراني مررة غيرانة عليها اتركها لي عشان ارجع معاها ايام زمان والله وحشتني انت لو عندك كرامة ولا نخوة تسيبها خلاص بعدين تراها تحبني انا عمار عصب وطلع تاني للشقة وشاف دنيا قاعدة في نفس مكانها وتبكي عمار _ يالخاينة وكمان تبغيني اصدق انك مالك علاقة بيها يالخاينة وايش هذا ووراها الرسالة دنيا _ ياررربي قلتلك هاذي كذاااابة والله كذابة وقبل ماتكمل جملتها الكف حمر خدها وضرب فيها عمار لمن دنيا ماقدرت تفتح عيونها وخرج وسابها &&&&&&&&&&&&&&&&&&&&&&&&&&&&&&&&&&&&& غرام _ يااسيل مو معقول اقولك في احد رد علي بعدين قفل اسيل _ غراام غرام _ اشبك لاتفجعيني كذا اسيل _ لايكون بسام غرام _ وااااااي تخيلي يكون هو انا قاعدة اتصل على بندر من اولية مايرد ايش اسوي اسيل _ حتى بسام مايرد جوال غرام رن اسيل _ مين ردي بسرعة غرام _ واااه اسيل هذا عمي غريبة مايتصل بيا الا في الاعياد اسيل _ يمى الحقي لا يكون بسام صارله شي غرام _ اللو السلام عليكم عم غرام _ وعليكم السلام يابنتي كيف حالك غرام _ بخير ياعمي انت كيفك عم غرام _ الحمدلله اكيد مستغربة انا ليش متصل بس ترا انا متصل عشان بسام في قسم الشرطة غرام _ اييييش قسم الشرطة اسيل _ غراااام أيش السالفة أي قسم عم غرام _ اخوكي ضارب صاحبه لمن مدخله في غيبوبة والحين حاجزينه غرام _ عمي انت متاكد من هالموضوع بسام استحالة يسويها اعرفه حليم مو حق الضرب والمضاربات عم غرام _ والله يابنتي مدري ايش صارلهم بس واحد من اصحابه يقول ان صارت مشكله بينه وبين صاحبه وضربه غرام _ عمي طيب صار شي لبسام هو طيب الحين اسيل _ غرام وقفتي قلبي عم غرام _ لا هو طيب ماصارله شي بس الحين حاجزينه بس بغيت اطمنك يلا مع السلامة انا الحين معه غرام _ طيب ياعمي الله يخليك طمني كل شوية وقفلت من هنا وصارت تبكي من هنا اسيل _ ايش صار ياغرام ليش تبكين غرام _ بسام يااسيل ضرب بندر لمن دخله بغيبوبة والحين حاجزينه في الشرطة اسيل _ ياررربي لا ايش دراك انه بندر مو احد تاني غرام _ اكيد هو لان اللي رد علي هذا بسام تاكد من صوتي انا قلبي كان حاسس حياتي خلاص انتهت بسام عرف ان خنت ثقته فيني غرام كانت تبكي واسيل تواسيها غرام _ يااسيل مااتحمل بسام يكرهني والله اموت بسام هو كل هلي ودنيتي ياررررب وبندر بالمستشفى بعد وانا السبب ولو صار شي لبندر انا ايش يصير فيني اسيل _ هدي الحين وخلينا نشوف ايش لسالفة &&&&&&&&&&&&&&&&&&&&&&&&&&&& وبعد مرور ساعات اسيل _ ها بابا ايش صار على بسام ابو اسيل _ والله حاجزينه بالعافية خلونا انا وعمه نشوفه بس هو بخير ماصار له شي لان هو اللي ضرب صاحبه مو صاحبه اللي ضربه حتى واحد من العيال قال ان صاحبه ماقاومه غرام _ طيب صاحبه وش صار عليه عمي قال انه في غيبوبة ابو اسيل _ لا مو غيبوبة احنا لمن عرفنا ان الضربة على الراس كلنا حسبناها غيبوبة بس رحنا للمستشفى وسالنا الدكتور ماقال انه في غيبوبة بس كان خايف ان هالضربة تاثر عليه بشكل من الاشكال غرام _ يالله اسيل _ طيب ماقالو عن السبب ابو اسيل _ العيال مايدرو ولمن شفنا بسام كان معصب وسالناه ماقالنا شي &&&&&&&&&&&&&&&&&&&&&&&&&&&&&&&&& قامت دنيا وغسلت وجهها دنيا _ والله يا عمار ماني مسامحتك على اللي تسويه فيني انت ظالمني بس بعد كذا اخليك من جد تنحرق على الخيانة وكانت المسكينة دنيا جسمها مزرق من الضرب واياديها مجروحة جا عمار وكانت حالته ماتسر وشاف دنيا نايمة على السرير ومهي متغطية وكان جسمها زي ماوصفته لكم عمار صار يبكي _ والله اسف يادنيا انت كل دنيتي ماكنت اتخيل اني ممكن امد يدي عليكي بس انتي السبب ليش صار فينا كذا كانت حياتنا حلوة يااارب حلها من عندك &&&&&&&&&&&&&&&&&&&&&&&&&&&&&&&&&&&&& غرام قضت كل الليل وهي تبكي وتبغى تحل الموضوع ومهي عارفة وكانت اسيل معها تواسيها وتبكي على حال صحبتها ودنيا نامت من تعبها وعمار كان يبكي جنبها وهي مهي حاسة وبسام كان ميت من القهر ومتوعد لغرام بندر حالته حالة كان متنوم بالمستشفى بعد ماوقفه النزيف اللي صار &&&&&&&&&&&&&&&&&&&&&&&&&&&&&& رشا وجمانة اخوات بندر كانو يبكو عند غرفة اخوهم ومعهم عمهم ومرت عمهم وامهم الي اول ماسمعت الخبر جات على اول طيارة رشا _ والله ماني مصدقة بندر يروح العم _ لاتقولي كذا يابنتي ايش يروح الدكتور قال انه بخير مرت عمهم _ لاتفاولي على اخوكي ادعي له بالشفاء جمانة _ بندر قووم والله مانقدر نعيش من غيرك امهم جات وحكوها عن اللي صار وصارت تبكي وتحضن بناتها &&&&&&&&&&&&&&&&&&&&&&&&&&&&&&&&&& في اليوم اللي بعده غرام _ انا يااسيل قررت اروح لبندر اشوف ايش حالته واقوله يتنازل ايش رايك اسيل _ والله مافي غير هذا الحل بس انتي وش راح يصير معاك انتي وبندر غرام _ ماادري بس انا دحين حابعد عنه اكيد اسيل _ يارب استر خلاص روحي اجي معك غرام _ لا خليني انا اروح لوحدي &&&&&&&&&&&&&&&&&&&&&&&&&&&&&&&&& دنيا صحت ولقت عمار قاعد على الارض وحاط راسه على السرير ونايم دنيا _ يالله اكيد مو مرتاح بالنوم اصحيه ولا حيعصب يالله يادنيا صرتي الحين تخافي وتموتي رعب منه خلاص بصحيه دنيا مسكت يد عمار _ عمار قوم كذا راح تتعب بهالنومة عمار اول ماصحي بعد يدها وقام دنيا _ يالله ياعمار لهدرجة منت طايقني راح عمار غسل وجهه وصلى ودخل الغرفة واتفاجأ عمار _ دنيييا دنيييا دنيا كانت طايحة بالارض مغمى عليها &&&&&&&&&&&&&&&&&&&&&&&&&&&&&&&&&&&&&& خالد صحي من النوم وكان تعبان ونزل قعد مع اهله لاول مررة بعد موت شهد ام عبد العزيز _ ياهلا حبيبي والله نورتنا من زمان ماقعدت معنا والله وحشتنا احمد _ ايه ووحشنا هبالك ابو عبد العزيز _ والله هاللمة مو ناقها الا دنيا يزن _ عمه دندون وحثتنييييي ملللللللة احمد _ عزوز انت ليش ماتعلم ولد الهرج شوفه كيف كلجة عبد العزيز _ طالع لعمه رهف _دندون مين قدها بالدمام الحين تلاقيها فرتها كلها عبد العزيز _ اكيييد خسرته ام عبد العزيز _ لاتهرجو عن بنتي كذا رهف _ ياسلام وش هالدلع ليش وانا مو بنتك ام عبد العزيز _ هههه لا انتي ولدي الرابع عبد العزيز _ انا كنت شاك فيها ههههههههههههه خالد كان ماسك راسه عبد العزيز _ اشبك ياخالد تعبان خالد _ فيني صداع ماني متحمله احمد _ خلي الشغالة تجبلك بندول ولا مسكن ام عبد العزيز ارسلت الشغالة تجيب مسكن واخذه خالد وقعدت العية مع بعض لكن خالد ماكان يشاركهم الحديث كان متفرج فقط &&&&&&&&&&&&&&&&&&&&&&&&&&&&&&&&&&& عمار _ اشبها يادكتور الدكتور _ مافيها شي بس يمكن ارهاق وتعب عندها هبوط حاد بالضغط هي ماتاكل مزبوط بعدين في اثار رضوض على جسمها عمار _ والله يادكتور لها كم يوم ماتاكل اصلا بس الرضوض هي طاحت من الدرج امس عشان كذا الدكتور _ خلاص اكيد هذا السبب هذا عوامل نفسية اكيد خليها تاكل واعطيها اشياء مالحة ومسكرة عشان يرتفع الهبوط شوي عمار _ ان شاء الله يادكتور يمديها تخرج الحين الدكتور _ ايوا اكيد دخل عمار على دنيا الغرفة عمار _ خوفتيني عليكي سلامات دنيا _ خفت علي ولو انك خايف علي ماكنت طحت فيني ضرب عمار استحى من كلام دنيا _ يلا غطي عشان تخرجي &&&&&&&&&&&&&&&&&&&&&&&&&&&&&&&&& وبكذا خلص هذا البارت الارت الجاي راح يكون فيه هرجة بسام وبندر وغرام ايش راح يسوي بسام لغرام وكيف حتزور غرام بندر وهل حيرضى بندر يخرج بسام وكمان عملية فرح وراكان هل حيتزوج ريم وعمار ودنيا ايش نهايتهم |
|
#32
11-24-2010, 11:51 AM
| ||
| | ||
| البارت التاسع عشر في بيت ابو هيام ابو هيام _ قلت لك يادلولتي ابشري اليوم العمارة راح تكون باسمك دلال _ ياحبيبي ياعبودي تسلم والله بس زي ماقلت لك اهلي كلهم يقولون ليش عبد الهادي مايجبك ومو مهتم فيك ابو هيام _ يخسون قلت لك اليوم بروح اكتب العمارة باسمك عشان يعرفون مين هو عبد الهادي واني اموت على التراب اللي تدوسيه دلال في نفسها _ وجع فيك وفي شكلك فرحان بنفسك ياعجوز النار ان مادفعتك اللي وراك وقدامك مااكون دلال ال .......... هيام كانت في غرفتها تبكي _ ياالله ياهيام شوفي ايش نهايتك وينك يادنيا وينك كنتي تخففي عني &&&&&&&&&&&&&&&&&&&&& في بيت فرح فرح _ انا جاهزة فيصل فيصل كان يبكي خايف على فرح من العملية فرح _ فيصل حبيبي لاتبكي اللي ربي كاتبه بيصير فيصل مسك يدها ونزل وراحوا على المستشفى &&&&&&&&&&&&&&& في غرفة نوم دنيا عمار خليني ادخل لها الاكل حرام ماصارت تاكل زي الناس عمار جاب الصينية _ دنيا دنيا قومي كلي دنيا طالعة في عمار بنظرات تقطع القلب _ ماابغى عمار في نفسوا يالله يادنيا ماتمنيت اشوف هالنظرة منك بس انتي اللي هدمتي حياتنا عمار _ الدكتورة قالت لازم تاكلي دنيا تبكي _ ماابغى قلت لك ماابغى انا ابغى اموت وارتاح عمار في نفسوا بسم الله عليك عساني انا دنيا _ عمار حرام عليك تعذبني كذا وديني بيت اهلى تبغى تفضحني عند ابوي قوله ولااعيش انا بهذا العذاب حرام ياعمار حرام والله تعبت والله عمار كان قلبه يتقطع ترك لها الصينية وخرج يبكي برا دنيا مسكت صارت تبكي بصوت مسموع ومنهارة مرة عمار كان جالس في الصالة ويسمع صوت دنيا وقلبه يتقطع عليها عمار في نفسوا _ ياعمار انت تحب دنيا وماتقدر تستغنى عنها ليش تسوي فيها كذا حرام عليك مو من طبعك القسوة لا بس هيا اللي وصلتنا كذا انا لازم اربيها بس دنيا صغيرة وطايشة حتى لو لازم تعرف غلطتها طيب يمكن ياعمار تكون من جد ظلمتها لالالا بس كيف ظلمتها والهدية والدبلة والرسايل وكل هذا كذب لالا &&&&&&&&&&&&&&&&&&& في سيارة غرام غرام _ اسيل انا خايفة انزل لبسام مالي وجه والله اسيل _ لابسام قلبو ابيض ويحبك واكيد راح يسمع لك نزلوا غرام واسيل ودخلوا على بسام زيارة بسام _ انتي لك وجه ياللي ماتستحس جايه غرام تبكي _ بسام الله يخليك افهمني والله ماكنت ادري والله هيا غلطة بسام _ اسكتي وانقلعي برا ماابغى اشوف وجهك مرة ثانية انتي ياغرام تستغفليني ومع مين صاحبي ليه تحسبيني واحد اهبل ماادري عن أي شي غرام _ بسام الله يخليك كافي والله مقدر اشوفك وانت كذا الله يخليك سامحني انا اعترف اني غلطانه بسام _ ادري انك غلطانه وماتربيتي لكن خسارة الايام اللي تعبت فيها عليك وربيت انا كنت اهتم فيك وادلعك وانتي طلعتي وحده حقيرة بسام يزعق _ غرام اطلعي برا وانسي ان عندك اخو اسمه بسام اعتبريني مت غرام _ بساااااااااام بسام _ برا وانتي كمان اطلعي برا اسيل _ بسام هدي نفسك بسام _ اسيل اسكتي واتركيني في حالي وخذي هذي الزفت معاك خرجت غرام وهيا تلملم احزانها واسيل كمان اول مره يخاصمها &&&&&&&&&&&&&&&&&&&&& في بيت ام دنيا ام دنيا _ والله ياعبد الله دنيا مره وحشتني ودي اشوفها لها شهر من راحت وماسالت ابو عبد العزيز _ يالله معليش تلاقيها مشغولة مع زوجها ام دنيا _ خلينا نتصل عليها انا مشغولة مره ابو عبد العزيز _ طيب واتصل على جوالها لقاه مقفل رجع اتصل على جوال عمار عمار _ الو هلا عمي ابو عبد العزيز _ هلا عمار كيفك وانا عمك عمار وصوته كله بكى _ بخير الحمد لله ابو عبد العزيز _ وش فيك ياعمار صوتك كذا انت طيب دنيا طيبه عمار _ الحمد لله عمي ماعلينا شر ابو عبد العزيز _ الحمد لله وين دنيا وانا عمك نتصل على جوالها نقفل عمار _ مدري ياعمي يمكن مافيه شحن ولا شي ابو عبد العزيز _ طيب هيا عندك بغينا نطمن عليها عمار _ لاماهي عندي انا برا لمن اروح البيت اخليها تكلمكم ابو عبد العزيز _ اها طيب ياوليدي ماشغلك بس الله يخليك اول ماتروح خليها تكلمنا امها قلبها بيطير عليها عمار _ ان شاء الله &&&&&&&&&&&&&&&&&&& في المستشفى فرح لابسة لبس العمليات وفي الغرفة تستعد للعملية وكلهم حولينها فرح _ فيصل وهنادي وحنان وابغاكم فهموها الباقين وخرجوا هنادي _ خير فرح فرح تبكي _ انا بوصيكم على فهودي امانه راعوه زي الناس لاتخلوه يحس اني مت امانه فيصل فيصل كان يبكي ويمسح دموعه بطرف شماغه _ فرح ان شاء بتقومي لي ولفهد بالسلامه حنان تبكي _ فروحة لاتقولي كذا ان شاء الله ولدك بيتربى في حضنك وتقومي له بالسلامة فرح _ اسمعوا انا باامنكم على شي وامانه تنفذوه لو مت &&&&&&&&&&&&&&&&&&&&&&& عند ريم ريم كانت تتصل على راكان ومايرد عليها وسمر كانت بس تلوم في ريم انها هيا اللي ضيعت نفسها بنفسها ام ريم لاحظت على ريم الحزن بس ريم حاولات تتهرب &&&&&&&&&&&&&&&&& في بيت دنيا مسح عمار دموعه ودخل على دنيا الغرفة كان شكل دنيا يحزن دموعها على خذها وتحت عيونها اسود ونحفانه مره عمار ماسك دموعه بالقوة _ عمي اتصل يبغوون يكلموكي انا قلت لهم مو في البيت شويه تكلمكم دنيا تبكي _ اللي يريحك ياعمار لان مافي شي صار يفرق معايا عمار _ خذي ها كلميهم دنيا _ الووووو ابو عبد العزيز _ هلا بنتي دنيا _ كيفك يبا وبدا صوتها يتهذل ابو عبد العزيز _ الحمد لله كيفك انتي وكيف زوجك وكيفك مع الغربة دنيا _ الحمد لله طيبين كيف امي ورهف وهيام ابو عبد العزيز _ بخير خذي امك ام عبد العزيز _ هلا يمه دنيا دنيااول ماسمعت صوت امها بدت تبكي ام عبد العزيز _ كيفك يادنيا دنيا وهيا تبكي _ الحمد لله يمه كييفك انتي ام عبد العزيز_ الحمد لله ليش تبكي وانا امك دنيا _ لايمه مافيني شي بس ودي اجي عندكم وارتاح ام عبد العزيز _ والله حتى احنا اشتقنا لك متى ناويه تجي دناي _ مدري يمه مدري حسب شغل عمار ام عبد العزيزز _ الله يوفقكم يارب كيف يمه ان شاء الله مبسوطة مع زوجك دنيا _ لاالحمد لله يمه مبسوطة مررررررررررره معاه وقامت تبكي عمار حس بكلام دنيا حب حياتوا وحاول مايبين انه تاثر بالكلام لانه يبغى يبان قدامه القاسي دنيا _ يمه كيف هيام ام عبد العزيز _ طيبة الحمد لله دنيا _ ماجاتكم يمه ام عبد العويو _ لاوالله ماجات بس ان شاء الله تكون طيبة دنيا _ ان شاء الله &&&&&&&&&&&&&&&& في المستشفى فرح _ امانه عليك يافيصل وياهنادي وحنان تنفذوا اللي قلت لكم عليه فيصل يبكي _ لايافرح لا الله يخليك اطلبي أي شي ثاني منى هنادي تبكي _ والله يارفرح اللي تطلبيه صعب وصعب مره حنان _ لايافرح تكفين كله الا هالشي والله صعبة والله وجلست تبكي فرح _ الله يخليكم نفذوا وصيتي خلوني اموت وانا مرتاحه ومتطمنه على فهد فرح _ حنونه لاتنسي اللي وصتك عليه امانه سلميلي على البنات يمكن تكون هذي اخر مرة اشوفك انتي فيها قولي لهم فرح تحبكم قولي لهم خليهم ينتبهوا على فهودي ويحبوه قولي لهم ليه تركوني وانا محتاجه لكم كلكم سلميلي عليهم كلهم قولي لهم راح يوحشوني راح اشتاق للمتنا مع بعض راح اشتاق لاايام الجامعة والمدرسة خليهم يذكروني دايم ولاتنسوني ولاتقطعوا بعض ترى احنا مالنا غير بعض احنا اكثر من اخوات امانه عليك سلمي عليهم كلهم وقولي لهم فرح كانت تحبكم وجلست تبكي دخلت فرح غرفة العمليات وفيصل جالس يبكي وحنان تبكي وامها وامها ماسكه قران وتقرا وهنادي تدعي لها &&&&&&&&&&&&&&&&& في بيت غرام غرام تبكي _ اسيل بسام صار يكرهني اسيل _ لاتقولي كذا مافي اخ يكره اخته غرام _ ماسمعتي كلامه يقلي انسي ان لك اخ اسيل انا مقدر اعيش حياتي من غير بسام تدري بسام هذا ايش بالنسبة لي هذا ابوي وامي واخوي واختي وصديقي وحبيبي اسيل كانت تواسي في غرام اللي كانت بس تبكي اسيل _ غرام متى بتروحي لبندر غرام _ ماعاد ابغى اروح مكان اسيل _ غرام لازم تروحي لبندر تخليه يتنازل عن بسام يلا قومي معاي &&&&&&&&&&&&&&&&&&& في بيت دنيا عمار _ دنيا تعالي كلي دنيا كانت بترفض بس كانت من جد تحس بجوع وجات جلست على الطاولة تاكل عمار فرح انها رضيت تاكلبس مسوي نفسه مو مهتم وجالس ياكل دنيا بصوت تعبان _ عمار عما ر _ اممممم دنيا _ عمااااااار ط ط طلقنيييييييييييييييييييييي عمار حس غضب الدنيا كله في وجه وبصراخ _ اييييييييييييييييييش ايششششششش قلتي دنيا تبكي_ اقلك طلقني وريحني من هذا العذاب خلي كل واحد يروح في حاله عمار _ انت محنونة تبغيني اطلقك دنيا تبكي _ ليش ماتبغى تطلقني مو انا خاينه مو انا مااستاهل مو انا اللي قطعت جلدها بالضرب اذا انت ماتبغاني طلقني عمار في نفسوا والله اني احبك ومقدر اعيش من دونك _ لا يعني لا طلاق مافي دنيا _ طيب ليش اذا انت عايفني طلقني وخلصني ترى ماتجبر روح على روح ياولد العم عمار والله مو عايفك بس ابغى اربيك _ انا قلت لا يعني لا طلاق مافي ولاعاد تعيدي الكلام دنيا _ عمااااااااااار اذا انت ماتحبني ومتزوجني بس عشان تعذبني الله يخليك طلقني عمار _ انا ماراح اطلقك دنيا _ لييييييييييييييييييييش عمار لاني احبك ومااقدر استغنى عنك _ لاني ماابغى اوطي راس عمي دنيا _ ايششششششششش عمار _ احنا لنا ثلاث شهور من تزوجنا ولو طلقتك الكلام بيكثر عليك وعلى عمي وانا ماارضى على عمي ولاانتي ماتهميني بس اول ماتعدي فترة راح اطلقك وارتاح لانك انسانة خاينه ورمى الملعقة ودخل الغرفة دنيا طاحت على الكرسي وجلست تبكي _ ليش ياعمار ليش معقولة كل الحب اتحول لقسوة وكره كذا والله انك ظالمني والله لييييييييييييييييييش انا لازم اخليك تطلقني مو لعبة عندك ياعمار عمار في الغرفة _ ليش ياعمار قلت لها كذا مان قلت لها لاني احبك واموت عليك مااقدر استغنى عنك ليش وجلس يخبط يدوا في الجدار &&&&&&&&&&&&&&&&&&&&&&&& في المستشفى فيصل كان رايح وجاي في الممر خايف على فرح لان عمليتها طولت حنان وهنادي كانوا جالسين يبكوا ام فرح _ كانت تبكي وتدعي ربي يقوم بنتها بالسلامه بعد مرور ثلاث ساعات خرج الدكتور فيصل راح له جري _ هااااااا بشر يادكتور .......................................... &&&&&&&&&&&&&&&&&&&&&& في سيارة غرام غرام _ انا خايفة يااسيل اسيل _ لالاتخافي لازم تنزلي عشان بسام يخرج غرام وقفت عند باب الغرفة وكانت ماسكة دموعها بالقوة فتحت الباب شافت بندر مسدوح على السرير وراسوا مربوط ووجه كله رضوض غرام _ السلام عليكم بندر _ وعليكم السلام غرام _ سلامات يابندر كانت تقولها بكل صعوبة بندر _ الله يسلمك وكان ماسك راسوا يتألم غرام _ بندر لو سمحت ابغى اذا تعزني اتنازل عن اخويا بندر _ اعزك انتي ميييييييييين اصلا واتنازل عن ايش غرام فتحت عيونها على مصرعيها _ انا غرام بندر _ ميييييييين غرام غرام تبكي _ حتى انت يابندر طلعت كذاب معقولة نسيتني معقولة كنت تضحك عليا تفووووو عليك بندر _ يابنت الناس استحي على وجهك انا مااعرفك واخرجي احسن لك غرام_ انت واحد قليل ادب وماتستحي الله يلعنك وقفلت الباب وراها بقوة بندر _ استغفر الله بنات اخر زمن &&&&&&&&&&&&&&&&&&& في المستشفى فيصل _ ها بشر دكتور الدكتور _ البقا لله انا لله وانا اليه راجعون نزلت كلمة الدكتور صاعقة على الكل حنان طاحت على الارض واخذوها غرفة الملاحظة وهنادي صارت تحضن في امها اللي بس تبكي وفيصل كان واقف في مكانه مو مصدق مصدوم فهد كان يمسك في فيصل اللي كان واقف كانه صنم فيصل بصرخة هزت المستشفى _ لااااااااااااااااااااااااااااااااااااااااااااااااااا وطاح على ركبوا في الارض وصار يبكي بكى يقطع القلب فهد _ مايصير اللي تسوية يافيصل اهدا فيصل _ فرح رااااااااااااحت يافهد راااااااااااااحت فهد – هذا طريق كلنا ماشين فيه فيصل كان يبكي ويخبط يدوا في السيراميك ومسك الورود اللي في طرف الممرات وقطعها وفهد كان يحاول يمسكه لكن دون جدوى جو الممرضات واخذوا فيصل واعطوه مهدي حنان فاقت من الصدمه حنان _ فرح فرح هنادي _ انا هنادي ياحنان انا جنبك حنان _ هنادي في فرح هنادي _ جلست تبكي ااطلبي لها الرحمة حنان _ فرح ماتت وسابتني لحالي كان نفسها تشوف البنات بس وينهم احنا كنا دايم مع بعض فينهم دحين انا وفرح دايم مع بعض ليه الموت ياخذها ويتركني لحالي ليه وجالسة تبكي بطريقة هستيرية &&&&&&&&&&&&&&&&&&&&&&&& في بيت غرام غرام _ تخيلي يااسيل تخيلي حتى بندر الانسان الوحيد اللي حبيته طلع زي كل الشباب حقيييييير اسيل _ انا قلت لك ياغرام من اول هذا ولد لعاب بس غرام _ انا الغلطانه اني صدقتوا يوم قلي ماقدر استغنى عنك وضحك عليا النذل اسيل _ ماعليك منه ياغرام انتي قوية وراح تقدري تتخطي هذي المشكلة غرام جالسة تبكي وتندب حظها وحبها اسيل _ غرام بس ايش بنسوي لازم بندر الزفت هذا يتنازل عن بسام &&&&&&&&&&&&&&&&&&&&& في الغرفة الثانية حالة فيصل كان يرثى لها صار زي المجنون بس يبكي ويصرخ باسم فرح كل اللييشوفه يقول هذا اكيد مجنون فيصل _ فرح ليه يافرح ليش تسيبيني انا وفهودي لحالنا ليش انا وانتي من واحنا صغار كنا نحلم يكون عندنا ولد ونربيه سوا ليه يوم تحققت امنيتنا رحتي وسبتينا ليه ليييييييييييييييييه ويمسك فهد من ثوبه قولي انت ليييييييييييه ليييييييييه تسيبنا من قال لها انا احبها وفهودي يحبها ليه تروح وماتاخذنا معاهم فهد بدل مايواسي فيصل صار يبكي على حالة اخوه اللي تكسر القلب &&&&&&&&&&&&&&&&&&&&&&&&&&& في المستشفى رشا _ ماتشوف شر بندوري جمانه _ سلامتك بندر العم _ خطاك السو ياولدي بندر يفتح عيونه بالقوة من التعب بندر _ مييييييييييييييييييييين انتم الكل _ انصدم وعلى وجهم مليون علامة استفهام رشا _ بندر انا اختك رشا وهذي جمانه اختك وهذا عمي زيد وهذي امي بندر _ يمسك راسوا بالقوة اااااااااااااه مو قادر اتحمل الالم مو قادر جمانه _ بندر حبيبي وش فيك بندر _ انت مين وايش تبغوا جاين هنا انتم مين وانا مين وايش جابني هنا وكيف ولييييييييييه جا الدكتور واعطى بندر مسكنات لانه بدا يحس بالتعب مره العم _ خير يادكتور وش فيه ولد اخوي الدكتور _ زي ماقلت لك ياخ الضربة اللي على راس بندر كنا شاكين انه تسبب له ضرر من أي نوع وللاسف ان رشا _ بندر ايش فيه يادكتور الدكتور _ والله المريض بندر الضربة سببت له فقدان ذاكرة الكل _ فقدان ذاكرة جمانه _ اخويا فقد الذاكرة الدكتور _ هذا اللي واضح عندنا من الاشعة والتحاليل لكن هو تقريبا فقدان ذاكرة مؤقت وان شاء الله ان المريض يقدر يتخطى الشي هذا العم _ يعني في امل يادكتور ان ذاكرته ترجع الدكتور _ نقول ان شاء الله راح الدكتور من هنا والكل بدا يبكي على شباب اخوهم اللي كان زي الورده ودحين فقد ذاكرة في لمح البصر &&&&&&&&&&&&&&&&&&& اتنازل بندر عن بسام وخرج بسام من التوقيف غرام دخلت غرفة بسام بسام _ خير وش تبي انا مو قلت لاعاد اشوف رقعة وجهك غرام _ بسام الله يخليك لاتسوي فيني كذا انت تعرف انت ايش بالنسبة لي بسام يصرخ _ اطلعي برا قبل لااذبحك هنا وقلت لك انسي ان عندك اخو اسمه بسام اعتبريني مت غرام _ بسم الله عليك بسام وهو معصب _ ياليتني مت قبل لاانصدم فيم ياغرام ااااااااااااااااااه بس خرجت غرام من الغرفة وهيا زعلانة مرة من نفسها لانها فعلا ماتستحق الثقة &&&&&&&&&&&&&&&&&&&&& في بيت ابو عبد العزيز احمد _ يبا خالد صارت حالته مو كويسة لازم نشوف له حل ابو عبد العزيز _ ايش اسوي له كذا مرة نصحته بس الولد اتجنن من بعد موت شهد الله يرحمها احمد _ الله يرحمها رهف _ هاااااااااي داااااااد هاي حميد احمد _ حميد في عينك اصغر عيالك انا رهف _ اقول لاتخليني افضح السالفة كلها ابو عبد العزيز _ ايش في ايش عندكم احمد _ هههههههه لاماعليك ماتعرف حركات رهووووفة رهف تكلم احمد في اذنوا _ ايوا اتادب كذا ياببو ندى احمد اعطاها نظرة في دخلة عبد العزيز وزوجته وعياله رهف راحت تجري على ريماس وتشيلها وتسلم عليها عبد العزيز _ بسم الله اكلتي خدود بنتي يالمتوحشة رهف _ كيفي عمتها وحره فيها يزن _ تيب وانا محد يحبني بس تحبي رموثه رهف _ حتى انت احبك ياقلبي يزن _ كداااااااااابه اصلا محد يحبني غير عمه دندون رهف _ واااااااي ياقلبي على دندون والله جده كلها مالها طعم من دونها عبد العزيز _ صح هما ماراح يجوا هنا ابو عبد العزيز _ يقولوا مايدروا اول مايخلص عمار شغل يجي هنا احمد _ يلا اسيبكم تاخذزا راحتكم وطلع غرفتوا وجلسوا ابو عبد العزيز وام عبد العزيز ونور وعبد العزيز ورهف في الصالة يهرجوا عبد العزيز _ والله يبا سالت عنه هالخسيس في كل مكان مالقيته ماله اثر ابو عبد العزيز _ الله ياخذه مدري وين اختفى عساه الماحي ام عبد العزيز قامت تبكي _ والله بنتي هيام وحشتني هذي وصية المروحومه سعاد اختي ابو عبد العزيز _ لاتبكي ياحرمه ان شاء الله راح نشوف وين مخبيها هالكلب نور _ ايوا ان شاء الله ياعمه دنيا تعرف اننا مو لاقينها ام عبد العزيز _ لاوالله ماقلت لها خفت عليها تنصدم تدري فيها كيف تحب هبام نور _ زين ماسويتي ياعمه &&&&&&&&&&&&&&&&&&&&&& بعد مرور ثلاث ايام من الاحداث خلص عزا فرح اللي الكل حزن على موتها لانها بعز شبابها وولدها صغير فيصل مافاق من الصدمه وحتى هو عند الرجال كان بس يبكي وحالته من جد حزينة حنان كانت حزينة على فراق اعز صديقة لها واتصلت على صاحباتها لكن اللي جوالتهم مقفلة واللي مفصول واللي ماترد عمار ودنيا حالهم زي ماهو عمار توصل له رسايل من منال وكل ماقرا رسالة طاح ضرب في دنيا ودنيا كانت مخاوية دمعتها وشكلها باين عليه التعب هيام حالتها نفس الشي مضايقات من دلال وكلام ابوها الجارح وبعد اهلها عنها كانت مفكرة انهم تخلوا عنها ماتدري انهم سالوا عنها في كل مكان لكن مالقوا اثر لاابوها في جده دلال هيا اكثر وحده ربحت اخذت العمارة من ابو هيام وحط لها رصيد في البنك ومازالت تسحب فلوسه خالد كل يوم تزيد حالته من شراب لحبوب لابر لهروين لحشيش غرام نفسيتها وحالتها انقلبت فوق تحت صارت منعزلة في غرفتها بس تكلم اسيل بسام خرج وماصار يكلمها مره وهيا فصلت جوالها عشان بندر ماتكلموا زعلت من بندر وهيا ماتدري انه هو اصلا فاقد ذاكرة اسيل كانت بين نارين بين خطيبها اللي تغير مره وبين صديقتها اللي طاحت في مشاكل والنفسية زفت بندر خرج من المستشفى وكل اللي حوليه كانوا يحاولوا يفكروا بشي لكن دون جدوى حتى اهله مو عارفهم ريم انشغلت في موت بنت خالتها وزوجة أخوها فرح ومااحد يدري بمصيبتها غير سمر راكان كان عايش حياتوا ويمارس هواية اللعب على البنات &&&&&&&&&&&&&&&&&&&&&&&&&&&&& في بيت دنيا وعمار عمار _ ايش تبغى تاكلي دنيا _ ماابغى شي منك عمار _ انا سالت وجاوبي ايش اجيب غدا دنيا _ قلت لك مايهمني اصلا الواحد تنسد نفسه من يوم مايشوف وجهك وبعدين من متى تسال وتهتم فيني عمار _ اللهم طولك ياروح انتي الطيبية ماتنفع معاك دنيا _ ايوا صح ماتنفع بدليل هذا الضرب اللي على جسمي لاباينه الطيبية صراحة عمار _ رفع يدوا بيضربها كف دنيا _ اضرب اضرب عادي ترى اتعودت عليك وعلى ضربك عمار اعطاها كف طيحها على الارض دنيا _ هذي هيا الطيبة تصبحني على ضرب وتمسيني على ضرب هو هذا الشغل اللي عندك في الشرقيه هو هذا شغلك طلقنييييييييييييييييييي ياعمار انا ماعاد ابغاااااااااك اكرهك اكرهك عمار ماسك اعصابوا بالقوة _ قلت لك طلاق مو مطلق ولاعاد اسمع هالكلمة مرة ثانية وبصوت عالي مفهووووووووم دنيا جلست على الارض وتبكي وهو خرج وسك الباب بقوة &&&&&&&&&&&&&&&&&&& وبكذا انتهى هذا البارت ياترى ايش وصية فرح لفيصل وهنادي وحنان ؟؟ وايش راح يصير لدنيا وعمار ؟؟ بسام وغرام وبندر ايش راح يصير فيهم كل هذا راح نعرفه في البارت الجاي |
|
#33
11-25-2010, 05:08 AM
| ||
| | ||
|
روووعه بسليش البارتات مرة قصيررررررررررة والله تعبت من المتابعه كلا يوم ادخل واحصل شئ قصيررر مررة
__________________ sOOsOO6661 |
|
#34
11-27-2010, 12:44 AM
| ||
| | ||
|
القصة مرة حلوة
|
|
#35
11-27-2010, 08:12 AM
| ||
| | ||
 :00: :77: درووب المحبه كملي 111111111111111 ^205^ :77:
__________________ sOOsOO6661 |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية فاطمه بقلمي | سحر الشرق2002 | روايات كاملة / روايات مكتملة مميزة | 109 | 02-26-2015 05:02 PM |
| رواية ((يوم كنت في الابتدائية))بقلمي | ЯỐǿЯỐǿ | أرشيف المواضيع الغير مكتمله او المكرره او المنقوله و المخالفه | 8 | 03-14-2012 09:11 PM |
| رواية زهرة النرجس سنفونيه من العشق والرومنسيه (جريئه) / بقلمي | zhrt al narzees | أرشيف المواضيع الغير مكتمله او المكرره او المنقوله و المخالفه | 41 | 01-19-2011 07:28 PM |
| هل يشرع نشر المقاطع الإسلامية للفائدة ولو كانت حقوق النشر محفوظة | homeahmed | نور الإسلام - | 0 | 09-30-2010 10:57 PM |
| رواية -{ بقلمي }- بعنوان - { حُبْ ! } - .! | *مودا* | أرشيف المواضيع الغير مكتمله او المكرره او المنقوله و المخالفه | 18 | 09-20-2010 02:55 AM |
العرض العادي
