السلام عليكم


هذه قصيدة مبكية لشاب فقد أمه في حادث بسبب تهوره نثر فيها قهره على الحضن الدافئ
و اساه لفقد الحبيبه,,

يواسيني وأنا الميت وحالي يجبر الدمعات

تسيل من الذي فيني ويبكي وهو يواسيني

وأنا ابكي وأتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وأنا ابكيها وتبكيني

وكنه حلم قدامي يقيدني من الصرخات

أبي أصحى ولكني عجزت القى اللي يصحيني

فداك القلب يا يمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيييييل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل ماأنتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني ..

__________________
؟ تـــــدري وش مـــعنى غيــــابكـ

+_+_+_+_+_+_+_+_+_+_+_+_+_+_+


على فرقاك أنا باقي

ولا غير هواك إحساس

حاولت أنساك بفراقي

ولقيت إني نسيت الناس

تسلملي يا معلم

مشكورين كلكم عالردود

__________________
؟ تـــــدري وش مـــعنى غيــــابكـ

+_+_+_+_+_+_+_+_+_+_+_+_+_+_+


على فرقاك أنا باقي

ولا غير هواك إحساس

حاولت أنساك بفراقي

ولقيت إني نسيت الناس

__________________