احم احم السلام عليككم ورحمة الله وبركاته



وشحااالكم يارب انكم فى احسن حااال .... احس اني واحد من الشيااب



ماااعلينا



اول مشاااركة لي فارجووو التشجيع تسمعووون



الابنة البارة ....... ذي انا



الله يسلمك امي عندها عزبة غنم وانتم بكرااامة حول البيت .... كللللوش وش انسوي يعني نسوي حفلة



وذاك اليوم الاقشر شرد الراعي مال الهوش الله يخسة ....اما اني حاقدة علية اللين هذا اليوم اتصدقووون



الموووووهيييييم



حرووووف تراج باتروحين معاااي العزبة العصرا



وانا فيس صار جية واغص بالغداء واسوي حفلة



للا امية مافية انا تعبااانه ماقدر سوري شوفي حد ثااااني ايم بيزي



وجان تعصب امي الا بالتروحين معاية مب بكيفج غصب عنج



قلتلها امية انا تعبااانة انا فيه حمى دااااخلية



وهي تشوفني ماكلة نص الصحن وشاربة اربع غزااايز بيبسي قالللت واضحة الحمي فيج





وتقوم تنهي النقاااش بها الكلمتين بعد صلاة العصر نحن متحركين اباج تكوننين عند الباب



انا اي باب بالضبط



جان تعطيني من نظراااتها الصارووووخية اللي فهمت انا بذكائي اي باااب تقصدة



واذهب لغرفتي اجر اذيال الهزيمة وانا اندب حظي ليه ماعرست مثل خاااواتي كن ماقالتية شي اففففف وعبود وين .... هذا عبيدان اخوي اللي اصغر مني



الساعة 3.33 انا في عز نومتي .... الضهر لازم قيلولة اشوي رااااحة



ماشفت الا ذا اللي يفتح الباب بكل ما اوتي من قوة ....حلوة اوتي عجبتينة



حروووف قومي تقولج امييييية اخلصي يالله باتروح اتعشي الغنم وبيفوتج ترا عشاج .... اما انه نذل ها الصبي



جاان افرة بكوب الماء اللي عدالي واصررررررخ فيه عنز تنطحك يالسباااال سر قل حق امي حروووف فيها حرااااة ماتقدر اتروح



بس ماكملت كلامي الا امية داخلة وانا انط من فوق الشبرية امي كاني يااااية فديت عيونج اصلا انا معزمة من زمان ارووح معااااج ..... اووونه البنت متروعه من امهاااا



واقوم والبس عين الصقر يالبيييييييية على عويناااتي



واضهر لامي واحصل عبيدان مرتز قدام ف السايارة واول ماشافني وهو يغني



ماهقيت ان البراقع يفتتنني الين شفت ظبي النفوذ المبرقعات وانا مستااانسة واقووول عيد عيد يحليله ماقد حد غنى فية



بسسسسسسسسسسسس نسيت اخبركم عن الجو كان الله لايرويكووو امييييية اسمهاااا كانت مسويتلي تعذذيب من الخاطر .... اميييييية حرااام انا بينتج



اول مابطلت باااب البيت الا وذاااك الالاهوووب اللي لو حطيب بيضة فية انطبخت وتراااب اترسن عوينااتي منة كلة امشي وانا مغمضة عبود هو اللي يدلني الطريق



وانا اقول حق امية لازم اليوم انروح سويلهن رجيم مب لازم يتعشن وانا ادعى على راعى الغنم حاااقدة بقوووووو



المهم وصلنا العزبة على خيييير



ازين امييييية وش تبغيني اسوووي بالضبط



قالت تعالي ساعديني ف حليب الغنم



خاطرية كنت احلب الغنم .... صدق خباااال امحق بسسسس



المهم انا عاضة على برقعي لايطير واستعد لللامساك بالعنز ماشفت الا وانا صاقع راسي ف العمود اللي قدامي واثاري ماعضيت عدل على البرقع وترتفع الطبقة الصغيرة على عيوني ولا عاد شفت قدامي لين صقعت ف العمووود وانا اصررررررررخ من الالم وترأف امية بحااالي وتقولي خلاص روحي ماباج اتساعدينية...اصلا قلت انتى من اظن جاني فقدان ذاكرة موقت ... بس ماتمشي ها الحركااات على اميمتي فديييت انا



وناس تراقب من بعيد بعيد وهي ميته من الضحك ... هذا عبود السخيييف



انا اميييييييييية ليش عبود ما يساااعدناااا قال وهو نازل انا ريال والريال مايشتغل ف الغنم



انا امحق رياااال ذي امك جنتك ونارك لازم ماتخليها ادق شي ...اووونه اشتغلت محاضراات دينية



امي تنادي من بعيد حروووف روحي حطي شعير حق التيس ..انا نو كومنت



امي وين التيس ......لمى شفته وربي حسبت ثور ماهو تيس من كبرة قلت وش اسويبة قالت هو مربوط حطي العشاء عندة واطلعي ... ف ذي اللحظة انا ايقنت اني مب بنتهاااا اكييييد متبنيني



جان ايني الفارس المغوار اللي هو ..عبيداان



يالله حروف انا بسااعدك انتى جيبي العشاء وانا باروغ التيس بالعصى الين ماتحطينه وش رايك ....



قلت اوكي بس ماتخلية ايقرب صوبية قال ابشري ....من ابشري دريت ان وراة شي بس طنشت



الموووووهييييييم انا دخلت بشويش وكان الفارس المغوار قدااامي ويوم وصلت ف نص الشبك ماشفت الا انا والتيس بروحنناااانا فيس تو فيس وادووور على عبود اثارية طلع نط الشبك وطلع وانااااا ..... قلتلكم انا حاااسة اني ماني بنتهم



ماخليت شي من القرااان اللي حافظته ماقريته واحط العشاء لسيادة حضرت التيس



بس شكل الخدمة ماعجبته واشرررد بس كاااان اسرع منة وينطحني ذيك النطحة اللي الله لايووووريكوو مثلها حسيت اني وصلت الصين ورديت وتجي امي وتسحبني واطلعني براااا



وطلعت من ها السيرة بيد مكسووورة وعبيدان خذ هزبة محترمة من امية



اللي نستفيدة من القصة ياحبايبي وحبيباتي



ان اذا كان عندج اخ وقالج ابشري ... فاعرفي انج ماراح تبشرين بالخير



واذا عندكم حد شارد خدامة وبشكار واي حد ..... سووي اعتكاااف ف حجرتج لين مايبون حد بداااله



ويالله الله لاهانكموووو بالردوووود السنعه



ولا التيس عدة موجووود