الجزء الأول
خيم الظلام على فرنسا والكل ينظر للقمر المكتمل، من بين كل البيوت بنروح للبيت أو القصر اللي بدور فيه أحداث قصتنا، حكاية حب تناضل للاستمرار بالحياة.هاي القصة رسمها عقلي وتخيلتها عيني، قصة خيالية مستحيل تتحقق بأرض الواقع لا الحين ولا المستقبل.
قصر الملك
بعد ما كملوا من عشاهم واخذوا بعض الوقت يسولفون، يى وقت النوم وكل واحد راح لداره ينام يريحون عيونهم بعد هاي اليوم الشاق.
بدار كيرا
ما قدرت كيرا تنام ظلت تفكر وهي خايفة متوترة من بكرة شنو بصير.
قطع عليها أفكارها طق أخوها للباب ودخوله.
كيرا: شنو يايبك لهني؟
كورابيكا: بدال ما ترحبين فيني تطرديني.
كيرا: sorry بس متوترة شوي.
كورابيكا: ادري عشان جذي جيت لعندش، بكرة أول يوم لش بالمدرسة وهاي آخر سنة بعد أكيد بتخافين لكن بكرة من تجين بتقولين عادي.
ابتسمت لاخوها وخف توترها شوي، بقوا مع بعض يسولفون وبعدها راح كورابيكا لداره وأخته نامت وهي مرتاحة.
باليوم الثاني
الساعة 7 جهزت كيرا نفسها لهاي اليوم لبست لبس المدرسة وراحت لوالدينها تصبح عليهم.
كيرا: صباح الخير.
الوالدين: صباح النور.
قعدت كيرا مكانها بعد ماحبت والدينها.
الوالدة: متوترة!؟
كيرا: يعني.
الوالد: بس الحين إذا رجعتين ولا كأن شي صاير.
هزت راسها بأي : كورا ( اختصار لاسم أخوها) للحين نايم؟
الوالد: بيطلع الساعة 10 وشي بروح مع كونر لحلبة السباق.
الوالدة: هذا إذا قعد من وقت.
كيرا قامت: يلى أني بمشي.
الوالد: ليش مستعجلة توها 7 وربع.
كيرا: خبرت أليس 7 ونص بلتقي معاها هناك.
الوالدة: على راحتش حبيبتي، تحملي بروحش.
الوالد: رفعي راسي حبيبتي.
كيرا: ok باي .
مشت كيرا مع السايق للمدرسة.
سوزان: ليش ما تخليها تدرس منازل أريح لها ولي.
طالعها: ليش؟
سوزان: كورابيكا تخرج اللعام وهي هاي السنة بتصير بروحها، خايفة يصير فيها شي احد يقص عليها أو شي.
هاري: يعني في فرق بين اللعام والسنة حتى لو معاها أخوها هي مع ربعها وهو مع ربعه..وبعدين محد بيتجرأ ويسوي لها شي بتش ذكية تعرف تتصرف..خليها تكمل آخر سنة لها بعدها يصير خير.
ابتسمت له.
المدرسة
كيرا و أليسا وصلوا تقريبا بنفس الوقت.
أليسا: hi شخبارش؟
كيرا: متوترة شوي، انتين؟
أليسا: إذا انتين شوي أني وايد.
كيرا: شفتين سوسن؟
أليسا: لا توني يايه.
كيرا: هي أكيد يت ما تتأخر، امشي ندخل ثلجت.
دخلوا مع بعض وداخل طلاب وايد يطالعونهم ويحيونهم ليما شافوا رفيقتهم سوسن يت لهم و معاها باقي الربع.
البنات:hi .
كيرا + أليسا: هلا.
سوسن: بسكم خوف ويهكم اصفر وايد..إي تراكم معاي بالصف.
كيرا وأليسا استانسوا: أني وهي!
سوسن: ya .
طالعوا بعض واستانسوا، سنويا يكونون مع بعض وكانوا خايفيين يتفرقون هاي السنة لكنهم الحين تطمنوا وايد. بعد ما تكلموا مع بعض والتقوا بربعهم رد الكل لصفه لما رن الجرس.
كيرا وأليسا قعدوا يم بعض بالصفة الأولى وسوسن قعدت وراهم مع صديقتها كاث.
بعد دقايق دخل الأستاذ وبعده دخل طالبين متأخرين خلوا كيرا و أليسا يتعكر مزاجهم.
أليسا: افف مادوروا يحطونهم إلا معانا.
هاي الشاب كان جوي مع رفيقة كايبا، بعد ما دخلوا راحوا بيقعدون بنهاية الصف ولما طاحت عين جوي على كيرا غمز لها اما كيرا ماهتمت له وطالعت الجهة الثانية وطاحت عينها على شاب كان يطالع جوي وباين عليه مو عاجبنه تصرفه لكن بنفس الوقت نظره على كيرا.
توتر الشاب لما تلاقت عينهم وبسرعة طالع الجهة الثانية، كيرا جمدت مكانها وقلبها يدق بسرعة مو عارفة شنو تسوي غير تنزل راسها وما كانت حاسة بأليسا اللي تكلمها.
أليسا: كيرا شفيش .. علامش متغيره ..لايكون أثر فيش اللي سواه جوي؟
كيرا ماتكلمت بس هزت راسها بلا وأليسا محتارة شنو فيها منقلبة مرة وحدة لكنها صاداها إحساس غريب لما طالعت الجهة الثانية، كان شابين يتكلمون الأول اللي كان يطالع كيرا وأما الثاني نظره على أليسا لكن من تلاقت عيونهم كل واحد طالع الجهة الثانية.
أربعتهم متوترين وزادت دقات قلبهم من شافوا بعض، لكن ذلين الشابين من يكونون؟
بعد دقايق بدأ الأستاذ يقرى اساميهم، الشاب اللي كان ينظر لكيرا هو هانتر براودلي والثاني بليك براودلي وعرفوا انهم أولاد عم.
مضت الحصص الأولى على خير، درسوا أشياء بسيطة وباقي الحصة فراغ يسولفون فيها.
Break
كيرا وأليسا مع سوسن راحوا بحطون كتبهم بالخزانة وهناك إلتقوا بهانتر وبليك يمدوا مكانهم و دقات قلبهم تزيد وكل واحد مو عارف شنو يسوي لكن هانتر وبليك مشوا عن لايسببون مشاكل.
سوسن استغربت من اشكال كيرا و أليسا: علامكم ..هوي.
إوتعوا: هاا شصاير؟!
سوسن: لا شكلكم كلش رحتون فيها لكن ما لومكم يهبلون.
طالعوها: شنو قصدش؟
ابتسمت لهم: ولا شي خلونا نروح قبل لا ايون وتتيمدون مكانكم مرة ثانية.
طالعوها ومشوا مع بعض لباقي ربعهم لكن قلبهم على الشابين.
هانتر و بليك توتروا أول مرة يصيدهم هاي الموقف يحسون بماي بارد صابينه عليهم.
بليك: المشكلة ما صرنا إلا معاهم.
هانتر: هذا الحين ما بغير شي خلنا نتباعد عنهم عن لا يصير أي مشاكل.
بليك: لو وحدة عادية عادي لكن المشكلة من عايلة الملك صعبة الواحد يتقرب منهم ولو إنها ملاك لو تنظر لها طول اليوم ما تمل.
هانتر طالعاه وابتسم، من نظرة وحده تعلقوا فيهم لكن خوفهم يمنعهم يتقربون منهم.
بحلبة السباق كورابيكا وكونر وصلوا بحدود 10 ونص ولقوا هناك باقي ربعهم وكل واحد اخذ حصانة يتسابقون. مر الوقت بسرعة والكل رد لبيتهم كيرا، أليسا، هانتر، بليك كل واحد تفكيره بالثاني وكلما يذكرونهم تزيد دقات قلبهم وصورت كل واحد ماتتباعد عن مخيلة الثاني.
معقولة كل واحد تعلق بالثاني لكن هانتر وبليك بيتجرؤون يكلمون كيرا وأليسا أو بظلون على حالهم؟؟!
بعد يومين
بدت الدراسة وبدت معاها المغامرة للنجاح، هانتر وبليك كانوا يحاولون يتجنبون ينظرون لكيرا وأليسا و هم بعد يختلسون النظر لكن ما قدروا اربعتهم يمنعون نفسهم من يطالعونهم.
جوي حس باللي بينهم وبدأ يخطط خطة جهنمية لمشاكله واتفق مع كايبا عليها.
كايبا: يمكن ليش لا؟!
جوي: من ذاك اليوم وهم يطالعون بعض جذي.. مو مشكلة اعرف شلون اراويهم.
كايبا: بعدين!
جوي: بال break أحسن.
كايبا: باقي ساعة ونص.
جوي: لو 10 ساعات ما يهمني.
Break
كيرا وأليسا راحوا بحطون كتبهم بالخزانة وسوسن سبقتهم لربعهم. بعد ماحطوا كتبهم فاجئهم جوي من ورا كيرا يبتدي بخطته.
جوي: hi princess .
كيرا ماهتمت له ومشت لكنه اعترضها و وقف قدامها: على وين princess؟ ما ظن الأميرات من عادتهم يتجاهلون صح أو أنا غلطان؟
واصلوا مشيهم لكن جوي مسك كيرا من ذراعها وسحبها جهته: لما أتكلم ماحب احد يتجاهلني.
كيرا ماسكتت طالعته: باعد يدك عني.
جوي باعدها وطالعها بسخرية: sorry princess ماكان قصدي.. بس بغيت اكلمش.
كيرا : واني مامبي فهمت مامبي أكلمك.
جوي استحمق من ردها يود ذراعها بقوة: بتسمعين اللي أقوله رضيتين أو لأ.
كيرا تألمت: باعد يدك لا انادي لك الحراس الحين.
أليسا: من تظن نفسك عشان تمسكها جذي.
كايبا: إذا ودش ماعندي مانع.
تقرب منها لكن تدخل شاب ماكانت متوقعتنه: قالت لك تتباعد عنها.
وبنفس الوقت تدخل واحد ثاني عشان يبعد جوي عن كيرا: ماتعرف انك لازم تعامل البنات باحترام.
حط يده على يد جوي وهو يطالعه.
جوي: ما يخصك هانتر، باعد يدك عني أحسن لك، من تظن نفسك عشان تأمرني على كيفك.
هانتر: ومن تظن نفسك عشان تمسك ذراع بت الملك جذي.
جوي يطالع هانتر وكايبا يطالع بليك وثنينهم استحمقوا لتصرفهم و بدوا يضاربون مع بعض لكن هانتر وبليك كانوا يصدون كل ضرباتهم، ولو ما تدخلت كيرا وأليسا كل واحد بيقتل الثاني.
يودوا يد هانتر وبليك عشان يوقفونهم: بس كافي لاتضربه.
هانتر وبليك توقفوا لكن بهاي الوقت يى الحراس وأخذوهم كلهم للمشرف الاجتماعي.
بغرفة المشرف
استغرب المشرف لما شاف كيرا وأليسا متورطين بالسالفة: كيرا أليسا ماصدق إنكم متورطين بالسالفة.
نزلوا راسهم أول مرة بحياتهم يتورطون جذي مع إنه مالهم ذنب بالسالفة.
المشرف: رفعوا راسكم .. ممكن تخبروني شنو اللي صار؟
ثنتينهم متوترين.
كيرا: ولا شي مجرد سوء تفاهم.
المشرف: ضرب ونضارب بس عشان سوء تفاهم، كيرا قولي الصدق محد بيأذيش.
سكتت.
المشرف طالع الباقي: وانتون شنو ردكم؟.. إذا محد فيكم تكلم بترغموني اتصل بأهاليكم.
الكل توتر إذا قالوا الصدق بطيح السالفة على جوي وكايبا لكن كيرا وأليسا مايبون يسوون أي مشاكل أما هانتر وبليك يقدرون يتكلمون بس عاجزين، وكان خوفهم لما شافوا المشرف بيتصل.
المشرف: يعني منتون متكلمين، انتون جلبتون كل هذا لكم ..بنشوف بأبو مين بنتصل اول.
جوي: ماله داعي تتصل فيهم هم مشغولين مو فاضين لنا.
المشرف: عجل تكلم قول شنو سبب شباقكم.
سكت شوي بعدين قال: ok كل اللي في السالفة إن هانتر وبليك كانوا يتحرشون بكيرا وأليسا ماقدرنا نسكت عنهم (طالع كيرا وأليسا) مو جذي؟
بليك: جذاب إحنا كنا نتحرش أو انتون.
المشرف: سكوت.. كيرا أليسا شنو رايكم باللي قالاه جوي؟
توتروا.
أليسا:اللي قالاه جوي مو صح.
قاطعها جوي: تجذب لـــ
المشرف: جوي ممكن تخلينا نسمع كلامها.. كملي.
أليسا طالعت كيرا.
كيرا: الحقيقة جوي هو اللي تحرش فينا، هانتر و بليك تدخلوا عشان يوقفونهم بعدها تضاربوا، هاي كل شي.
المشرف: عجل ليش ما تكلمتين من البداية كنا خلصنا السالفة بسرعة .. لكن مشكورة لصراحتش وبنشوف إذا كلامش صح أو لا.
استغربوا شنو قصده، وتفاجئوا لما شغل شريط مصور فيه تفاصيل كل اللي صار.
المدرسة بكبرها مراقبة بكيمرات بكل الممرات وكل مكان فيه كيمرات فجذي تمكن المشرف يعرف مين الصادق فيهم.
كايبا: دام عندك هذا ليش سألت؟
المشرف: عشان اعرف مين اللي بقول الصدق ومين بزور بالكلام عشان يبري نفسه.. جوي كايبا بإمكاني أعطي والدين كيرا وأليسا هذا الشريط بعدها بتتعاقبون لتحرشكم ببناتهم، إلا إذا اعتذرتون وهم قبلوا اعتذاركم.
جوي وكايبا توتروا إذا وصل الخبر لأبو كيرا وأليسا بروحون بورطة، فمالهم إلا يعتذرون: آسفين ما بيتكرر مرة ثانية.
كيرا وأليسا سامحوهم، بعدها طلعوا من الغرفة لكن المشرف بغى يكلم كيرا.
كيرا : خير!؟
المشرف: تفضلي.. ليش ماعترفتين من البداية باللي صار؟!
كيرا: مامبي أسوي أي مشاكل من بداية الفصل حتى لو كنت أني الضحية.. لكنك لما قلت بتتصل بأهلنا اعترفنا لأني مامبي اشغل أبوي بمشاكلي و أعطله عن شغله.
المشرف: قنعتيني كيرا لكن مرة ثانية اعترفي من البداية محد يقدر يأذيش.. بإمكانش تروحين.
كيرا k باي.
التقت كيرا بأليسا وهانتر وبليك اللي كانوا ينتظرونها برى.
أليسا: شنو صار؟
كيرا: ولا شي.
طالعت هانتر وبليك: مشكورين لمساعدتكم .. مابنسى هاي الجميل ابد.
هانتر: ماسوينا إلا واجبنا آنسة كيرا.
ابتسمت: نادني كيرا وبس.
تصافحوا مع بعض ومن هاي اللحظة بدت صداقتهم لكن لوين بتوصل معاهم؟!
قصر الملك بعد نهاية الدوام
كيرا توها بتدخل لدارها طلع أخوها من داره: أخيرا جيتين؟
كيرا: لا يكون تأخرت وأني مادري؟
كورابيكا: لا ربع ساعة بالضبط ووصلتين.
كيرا: وين أبوي وأمي؟
كورابيكا: مثل كل يوم بالاجتماع..بردون بعد شوي..شلون المدرسة اليوم؟
كيرا: ولا شي جديد ...إذا وصلوا خبرني.
كورابيكا: متأكدة كل شي ok؟
استغربت من رد أخوها لكن ماحبت تخبره باللي صار عشان لايخبر أبوها:Ya .. عن إذنك.
دخلت لدارها أما أخوها يشك صار شي لاخته بالمدرسة.
قصر أخ الملك
بعد الغذا قعدت أليسا بدارها تتصفح الكتب وتراجع لها شوي، ليما دخل عليها أخوها.
كونر: ادخل أو لا!
أليسا: لما دخلت تسأل.
توه بيطلع: عجل باي.
أليسا: امزح وياك ..ادخل بروحي مستملة مالي زاغر أراجع شي.
كونر قعد يم أخته ويود كتابها يتصفحه: هو مال أول.
طالعته: توك اللعام ما خذنه صوبه صار قديم.
ابتسم لها: Ya for me.
أليسا: ما طلعت اليوم مكان؟
طالعها: بلى درت فرنسا كامل ..شدراني فيش وين أروح لو بيدي ما حصلتين رقعة وجهي بالبيت.
ضحكت: هاي مصيرك.
كونر: ابتلشنا لما صار الملك اخو أبوي.
أليسا ماقدرت تيود روحها وضحكت.
كونر: قلت شي غلط هاي الصدق وين مانروح حراس ورانا وقدامنا وين بتاخذين راحتش.. اشوه بعد مافي بالحجر حراس ..كأن سجن مو قصر.
أليسا: لو يسمعك أبوي راحت عليك.
كونر: عادي يعرف الكلام.. المهم شنو سويتين اليوم بالمدرسة ؟
أليسا: عادي مثل كل يوم.
كونر: شكلش يقول غير؟
طالعته : شلون يعني؟
كونر: قولي شنو صار؟
توترت شلون أخوها عرف صار لها شي: قلت لك ولاشي.
كونر مو مصدق كلامها قام بيطلع، لكن أخته نادته: كونر.
طالعها: نعم.
أليسا: خلاص sorry.. مشكلة تافه وانحلت.
استغرب: مشكلة شنو؟
أليسا: واحد معانا بالصف ..
خبرت أخوها باللي صار لها ولكيرا بالمدرسة، وهو انصدم شلون تجرأ جوي يمسك ذراع كيرا بقوة ويكلمها بحقارة وقلة أدب لكنه ارتاح لتدخل هانتر وبليك.
قصر الملك
كيرا قاعدة بغرفتها تذاكر لما سمعت طق الباب: تفضل.
كانت نينا ( خدامتها ).
نينا: العصير اللي طلبتيه سيدتي..تأمريني بشي ثاني؟!
كيرا: لا شكرا، إذا بغيت شي بخبرش.. على فكرة مشغولة الحين؟
نينا: لا سيدتي.
كيرا: تفضلي استريحي امبي اكلمش بموضوع.. ليش واقفة؟
قعدت نينا: شكرا.
كيرا حطت كتابها على الطاولة وطالعتها: أول شي لا تناديني بسيدتي أحس كأني امرأة كبيرة ، ناديني بأسمي.
نينا: مو مسموح لي آنسة.
ابتسمت: مين قال أني أمرتش بهذا.
نينا: حاضر آنسة.
كيرا: شنو قلت الحين.
نينا: آسفة آنسة قصدي.. كيرا.
ابتسمت: شفتين مو أحلى من سيدتي مادري آنسة.
ابتسمت نينا، توها كيرا بتتكلم طق الباب أخوها ودخل.
كورابيكا: قاطعتكم؟
وقفت نينا عشان تمشي.
كيرا: نينا على وين؟
نينا: بكمل شغلي، عن إذنكم.
كورابيكا: تفضلي.
لاحظ نظرات أخته عليه.
كورابيكا: ليش تطالعيني جذي؟
ابتسمت: Nothing.
كورابيكا: لا في شي من رديتين من المدرسة وانتين متغيرة.
كيرا ابتسمت لذكاء أخوها وانه يعرف اللي بداخلها لكنها متوترة تقول له أو لا.
كورابيكا عرف من سكوتها إنها أكيد ما تبي تخبره: ما برغمش تقولين لي .. بكون بداري.
بعد ماطلع أنبت نفسها ليش ما قالت له، هي مو متعودة تخش عنه أي شي، ظلت تفكر بالسالفة واستجمعت قوتها بعدها راحت لدار أخوها اللي كان يتكلم مع خادمه ماكس.
كورابيكا: تفضلي.
كيرا: شدراك أني؟
كورابيكا: إحساسي خبرني ..تعالي.
كيرا: لا ما بقاطعكم.
ماكس: عن إذنكم.
طلع.
كورابيكا: ما قاطعتينا ولا شي على العموم كاهو راح دخلي.
قعدت يمه: آسفة خليتك تطلع من داري زعلان.
كورابيكا: مين قال أني زعلت أنا محترم رايش ما تبين تقولين لي.
كيرا: لا مو جذي لكن.. أوعدني ما بتخبر احد.
استغرب لهاي الدرجة السالفة خطرة عشان محد يعرف: اوعدش محد بيعرف.
أخذت لها نفس وخبرته بكل شي، وهو حده عصب لتصرف جوي شلون تجرأ يمسك يد أخته ويألمها، لكنه هدأ لما عرف إن هانتر وبليك تدخلوا.
كورابيكا: ليش ما قلتين من قبل؟
نزلت راسها: كنت مترددة..اهمشي أبوي وأمي ما يعرفون بالسالفة.
كورابيكا: كيرا لازم يعرفون عشان يتصرفون معاه إذا اليوم بس مسك يدش بكرة ماندري شنو بسوي فيش.
كيرا: كورا وعدتني ما بتخبر احد، إذا عرفوا شدراني شنو بسوون فيه.
كورابيكا: بس لأني وعدتش ما بخبرهم لكن مرة ثانية إذا رد قرب منش لازم يعرفون.
ابتسمت.
كورابيكا: خبرتين نينا؟
كيرا: لا للحين، ليش تسأل؟
كورابيكا: لما شفتش معاها قلت يمكن خبرتينها.
كيرا: مادري مترددة أقول لها أو لا.
كورابيكا: الراي رايش، بس لاتنسين توها سنة ماخذت.
كيرا: معاك حق لكني متأكدة مابتخبر احد، بس ما بستعيل توني اعلمها.
استغرب: تعلمينها؟؟!.
ابتسمت: Ya ، للحين تناديني بسيدتي انت تعرف ماحب احد يناديني جذي، ولما ييت كنت اخبرها تناديني بأسمي.
ضحك: كان لازم اعرف قبل، حتى أنا خبرت ماكس يناديني بأسمي لكن قدام أبوي و أمي يخاف ويناديني بسيدي.
مضت الأيام بسرعة ويت الإجازة الأسبوعية، كيرا وأليسا اتفقوا يروحون لمدرسة النينجا ينجزون بحث الرياضة اللي طلبوه منهم عن أي رياضة يحبونها.
طبعا بعد ما أذنوا لهم والدينهم يروحون بس كالعادة الحراس معاهم.
لما وصلوا لهناك طلبوا منهم ينطرونهم برى وهم بيدخلون بروحهم بالبداية رفضوا لكن بعد ما خبروهم إنهم إذا ما نفذوا أوامرهم الحين بيطردونهم ( ترى ما يقدرون يطردونهم إلا بأمر أبوتهم لكن بس عشان يخرعونهم) دخلوا البنات بروحهم والتقوا داخل بمدير المدرسة اللي رحب فيهم وايد وعرفهم بالمدرسة وأقسامها وابنه راواهم المدرسة فرحوا وايد، وتعرفوا بمعلومات يديدة ماكانوا يعرفونها من قبل.
بعدها طلبوا يجرون مقابلة مع احد الطلاب اللي يتدربون هني، طبعا المدير ما رفض طلبهم.
المدير: ذلين أفضل الطلاب عندنا، أعرفكم بهانتر وبليك الأميرة كيرا والأميرة أليسا بوتر.
اندهشوا.
أليسا: ماكنت ادري إنكم تمارسون النينجا؟!
المدير استغرب: تعرفون بعض؟
هانتر: إي سيدي معانا بنفس الصف.
بليك: اخترتون النينجا موضوعكم.
كيرا:Ya .
اجروا البنات المقابلة مع الشباب، وبعد ما كملوا طلبوا من المدير أوراق الانضمام للمدرسة، و ودعوهم بأمل يلتقون من يديد.
بالسيارة
كيرا: تتوقعين بوافقون ننضم للنينجا؟!
أليسا: مادري .. أتمنى يوافقون.. شفتين بليك بثياب النينجا حده كيوت.
طالعتها وضحكت.
أليسا: وانتين ما شفتين روحش من شفتين هانتر.
كيرا تذكرت: حده كيوت.
ضحكوا.
قصر الملك
البنات بعد ما ردوا راحوا للصالة أهلهم قاعدين فيها.
أبو كورابيكا: أخيرا جيتون، بشروا شلون كان لقائكم؟
كيرا + أليسا: عجييييب.
أبو كونر: عجل موضوعكم بكون كشخة.
أليسا: أتمنى بس.
كيرا: عن إذنكم بنشتغل عليه.
الكل: إذنكم معاكم.
بغرفة كيرا قعدوا يعدلون موضوعهم ويتمنون يوافقون أبوتهم وينضمون لمدرسة النينجا.
بعد ساعات من الشغل على الproject .
أليسا: وه ما بغيت أكمل..أنعمت عيني من الكمبيوتر.
كيرا: دخلتين الصور معاهم.
طالعتها: أي صور؟ مو قلتين انتين بتشتغلين عليهم.
كيرا: جان خزنتينهم مره وحده.. ما منش فايدة.
قامت أليسا وقعدت مكانها كيرا تدخل الصور، بعدها طبعتهم.
بهاي الوقت دخلوا عليهم أخوتهم.
كورابيكا: قاطعناكم؟
كيرا: لا، تونا مخلصين.
كونر: يصير نقراه..ونحكم عليه.
كيرا وأليسا طالعوا بعض واخوانهم مستغربين.
كونر: دام يطالعون بعض جذي معناتها..
تابع كورابيكا عليه: ما يبونا نقراه.
كورابيكا + كونر: صح !
ابتسموا.
كيرا: كنا بنخليكم لكن بعد اللي قلتونه .. مافي.
كونر: آسفين ما كنا نقصد.. كان كلام أخوش مو انا.
كورابيكا: يالجذاب الحين طلع كلامي..لا تخلينه يقراه.
أليسا: إذا بتتضاربون ثنينكم على هاي الشي ما راح تقرونه.
كورابيكا + كونر: آسفين ما بنعيدها.
ضحكوا على تصرف أخوانهم.
كيرا: كنكم يهال، يودوا اقروه ..لكن نبي رايكم بصراحة.
كورابيكا + كونر: Ok.
ظلوا يقرون الموضوع وخواتهم ناطرين ردهم، بعد ما كملوا.
كونر: متأكدين انتون اللي كتبتونه؟
أليسا: ماكان لازم نعطيكم إياه.
كيرا: اعترفوا انه كريه.
كورابيكا: مين قال جذي؟
أشروا على كونر.
كورابيكا طالعاه: الحين بدال ما ترفع معنوياتهم تحبطهم.
أليسا: ما عجبهم.
كيرا: واضح.
حزنوا وايد، تعبوا على كتابته وتنسيقه وبالنهاية يطلع مو حلو.
كورابيكا ضحك: هي نمزح معاكم.. موضوعكم عجيب.. ماني مصدق إنكم بهاي البراعة.
ما صدقوا كلامهم.
كونر: متأكد بحل المركز الأول دون منافس.. علامكم!؟
طالعوا بعض بعدها طالعوا أخوانهم.
كيرا: تعنون اللي تقولونه؟
كورابيكا راح يم أخته: أكيد sis ، ما بتصدقيني؟
كونر تقدم من أخته: يلى عاد ابتسموا.
أليسا: انتون عكرتون مزاجنا.
كورابيكا: ما بتسامحون!
كيرا + أليسا: بشرط.
استغربوا: شنو؟
كل وحده ضربت أخوها على يده: هذا هو.
كيرا: عشان مرة ثانية تتأدبون وتقولون الصدق مره وحده.
كملت عليها: وما تتمازحون معانا بهاي الطريقة.
كورابيكا + كونر: حاضر مولاتي.
ضحكوا مع بعض بعدها اخذوا الموضوع لأهلهم يقرونه وأولهم والدينهم اللي تأنوا بقراءته، ظلوا ينتظرون ردهم ليما وصلوا لورقة ماكان لازم تكون موجودة مع باقي الأوراق.
والدينهم تعجبوا: شنو هذا؟
انصدموا وما عرفوا شنو يقولون.
أبو كورابيكا: ورقة قبول لمدرسة النينجا!؟
أبو كونر: ممكن تفسرون ؟
نزلوا راسهم مو عارفين شنو يقولون، ما كانوا مستعدين يفتحون مع أبوتهم الموضوع من الحين.
أبو كونر: تكلموا بسرعة، قبل لا اعصب عليكم.
خافوا من كلامهم، لكن تشجعوا وبدت أليسا بالكلام مع إنها متوترة.
أليسا: نبي ننضم لهاي المدرسة.
الكل اندهش، أمهاتهم مستغربين من طلبهم أما أخوانهم خايفيين من ردة فعل والدينهم.
أبو كورابيكا: يعني تبون تشتركون فيها؟!
بعد اللي سمعوه فقدوا الأمل وأكثر شي بعد ما قال..
أبو كونر: ما عندنا بنات يدخلون مدارس عامة للنينجا.
طالعهم أبو كورابيكا وهم منزلين راسم: رفعوا راسكم.. تبون صدق تتعلمون نينجا!؟
الكل انصدم باللي قالاه وخصوصا كيرا و أليسا اللي هزوا راسهم بأي.
أبو كورابيكا: اقدر أوفر لكم مدرس نينجا يعلمكم هني أحسن من تروحون للمدرسة.
ردت كيرا بسرعة وبدون شعور: ما نبي ( سكتت شوي، ماعرفت من وين يتها الجرأة تقولها، وأبوها مستغرب من ردها لكنه منتظر تكمل كلامها).. قصدي ما نبي مدرس نينجا يعلمنا بروحنا ..نبي نروح للمدرسة ندرب هناك و.. نتعرف على ربع يدد ..( طالعت أليسا كأنها تقول لها تكمل عنها).
أليسا: كل اللي نبيه نحس إن إحنا ناس عادين ومافي فرق بينا وبينهم .. و مو معناتها كونا من عايلة الملك إحنا أفضل وأحسن منهم..أرجوكم وافقوا.
كيرا + أليسا: وافقوا بنسوي كل اللي تطلبونه.
اقتنعوا والدينهم بكلام بناتهم وزاد فخرهم فيهم وبأفكارهم اللي تعبر عن اللي بقلبهم.
أبو كورابيكا: بنوافق لكن بشرط.
طالعوا والدينهم.
أبو كورابيكا: تحصلون على أعلى الدرجات بالمدرسة.
ردوا بسرعة: موافقين.
حضنوا والدينهم وحدهم فرحانين، والكل فرح معاهم.
كيرا: صدقونا ما بنخيب ظنكم.
أبو كونر: ادري حبيبتي.
كورابيكا: يلى عاد بعد ما تتعلمون النينجا مو تقلبون البيت على راسنا.
كونر: ترى فيه اوادم عايشين فيه.
أليسا: أول ناس بنشدخهم انتون.
كورابيكا: إذا قدرتون.
كيرا: بنشوف عقب أي أحسن النينجا أو الكاراتيه.
كورابيكا و كونر مدربين كاراتيه من سنين وحصلوا على آخر حزام إلا هو الأسود.
هانتر وبليك بعد ما طلعوا من مدرسة النينجا راحوا للمجمع يتمشون شوي.
بليك: بكرة الحفلة، صح ؟
هانتر: إي أكيد بكونون موجودين.
طالعاه: معجب فيها!؟
هانتر يعرف شنو قصده: بجذب عليك إذا قلت لك لا.. المشكلة إنها بت الملك وهذا مخوفني.
بليك: لو كانت أي وحده ثانية أهون عندي.
ابتسم، بعدها شافوا ربعهم وقعدوا يسولفون معاهم.
اليوم الثاني
بهذا اليوم في حفلة بقصر الملك، دعوا كل رجال الأعمال والعايلات الملكية.
كيرا وأليسا ماكان ودهم يحضرونها لكن ما بيدهم حل ثاني.
في القاعة العامة
بعد ما اكتمل عدد الحضور، فرحوا البنات لما شافوا هانتر وبليك، وكان العكس لما شافوا جوي مع أهله.
أليسا : يحليله اينن بالبدلة.
كيرا طالعتها ولاحظت إنها تطالع بليك: عقلي يبنية.
أليسا: ما تقدرين تنكرين هذا الشي.
كيرا طالعت هانتر: I know.
هانتر وبليك لما شافوا جوي وكايبا نار اشتعلت داخلهم لكنها انخمدت لما طاحت عينهم على كيرا وأليسا.
هانتر: مرحبا كيرا أليس، شخباركم؟
كيرا: تمام، انتون؟
بليك: تمام.
ظلوا ساكتين لفترة ليما يى كورابيكا وكونر من ورى خواتهم: مرحبا.
كيرا: هلا كورا.
كونر طالع الشابين وشك فيهم: إذا ما خاب ظني انتون هانتر وبليك براودلي؟
بليك:ya أنا بليك و هذا ولد عمي هانتر.
كورابيكا: تشرفنا بلقائكم.
ظلوا يتكلمون مع بعض كأنهم ربع من زمان، لكن قطع عليهم قدوم جوي مع كايبا.
جوي: الأمير كورابيكا، الأميرة كيرا، سيد كونر، آنسة أليسا يسعدني لقائكم.
كورابيكا وكونر من شافوه ودهم يدفنونه، بعد كل اللي سواه يتجرأ ويجي لهم.
كورابيكا ابتسم: أهلا سيد جوي، كايبا.
جوي: أتمنى إنا ما قاطعتكم ..عن إذنكم.
مشى وعينه على هانتر.
كونر: لو إحنا مو بحفلة دفنته مكانه.
كورابيكا: خلك عنه كافي انه مريض نفسي.
هانتر وبليك من كلامهم عرفوا إنهم خبروا أخوانهم باللي صار لهم بالمدرسة.
كونر: على فكرة إحنا مدينين لكم باللي سويتونه لخواتنا.
هانتر: ما سوينا غير الواجب.
كورابيكا: مشكورين واجد .. طلبوا اللي تبونه وإحنا حاضرين.
بليك: ماله داعي..ألس وكيرا بحسبة خواتنا لكن مشكورين على كرمكم.
كورابيكا: Ok لكن إذا عندكم أي شي هذا رقمنا، اتصلوا بأي وقت.
كيرا وأليسا نزلوا راسهم وظلوا يتذكرون الحادثة اللي يمعتهم مع هانتر و بليك.
بعد العشى يى وقت الرقص وكالعادة يبدأها الملك مع مرته بعدها الكل ينضم لهم.
كورابيكا يكلم كونر: ظنيت أبوي نسى الرقص.
كونر: الظاهر يدربون بالسر...إلا وين عمتي ما شوفها لاهي ولا أولادها.
كورابيكا: صباح الخير، قالوا من قبل ما بجون للحين ما يردون من ألمانيا.
تقريبا نص الموجودين قاموا يرقصون واللي ظل عدد قليل، كورابيكا وكونر قاموا عشان يروحون يقعدون مع ربعهم لكن قبل هذا بغوا يدعمون بوحدة من البنات.
كورابيكا: آسف .. It's my fault.
البت: عادي ما صار شي.
كورابيكا ظل يطالعها مندهش من جمالها، البت عرفته بسرعة وهاي أول مرة تتقرب منه لهاي الدرجة.
كيرا وأليسا يطالعون أخوانهم، شوي وبموتون من الضحك عليهم.
كيرا: شكلها مألوف.
أليسا: مو مهم، طالعي كونر وكورا أكيد انعجبوا فيهم.
كيرا + أليسا: بحبون بعض.
ضحكوا وهم يطالعون أخوانهم.
البت: عن إذنك سيد كورابيكا.
كورابيكا: لحظة، شنو اسمش؟
البت: هالويل .. بايبر هالويل.
كورابيكا: سعدت بلقائش آنسة بايبر.
كونر يطالع البت الثانية اللي واقفة يم بايبر ولما حست بنظراته نزلت راسها لكن قلبها يدق بسرعة.
كورابيكا طالعاه فلصاه عشان يوتعي.
كونر طالع كورابيكا كان برد عليه لكن سكت.
بايبر: هاي بت عمي برو.
كونر: سعدت بلقائش آنسة برو.
كورابيكا: بت زاندر هالويل؟ رئيس شركة هالويل.
بايبر: Ya.
ظلوا يتكلمون شوي لكنهم ثنينهم فاجئوهم بطلبهم: ترقصين معاي؟
طبعا هم ما عرفوا شنو يردون حدهم توتروا أول مرة ينحطون بهاي الموقف وقدام من؟! ولد الملك وولد أخوه ما عرفوا يتكلمون لكنهم هزوا راسهم بأي وحطوا يدهم على يد كورابيكا وكونر وراحوا معاهم.
كيرا وأليسا صحت شكوكهم لما شافوهم يرقصون مع بعض.
هانتر وبليك ما شالوا عينهم عن كيرا وأليسا يراقبون حركاتهم وكلما لهم ينعجبون فيهم أكثر وأكثر.
أليسا: توقعت بيرقصون مع بعض.
كيرا: إي، لكني متأكدة شايفتنهم.
قطع عليهم قدوم هانتر وبليك إليهم: Hi .
طالعوهم وابتسموا لهم.
بليك: أتمنى ما قاطعناكم.
أليسا: لا بالعكس.
هانتر وبليك مدوا يدهم لهم: ترقصين معاي؟
كل وحده ابتسمت وحطت يدها على يده وراحوا يرقصون مع بعض، قبل لا تنتهي الأغنية هانتر وكيرا طلعوا لوحدة من الشرف الخارجية، وبليك وأليسا نفس الشي بس من الجهة الثانية.
ظلوا يتكلمون مع بعض، اكتشفوا أشياء مشتركة بينهم وعرفوا بعض أكثر من قبل، وزاد تعلق كل واحد بالثاني.
كيرا متسنده على السور و هانتر واقف قبالها.
هانتر: حوالي 7 سنين، يمكن اقل.. متأكد بيعجبش.
كيرا: كنت خايفة ما يوافق أبوي.
هانتر: لكنه وافق.
طالعوا بعض بعيونهم، قرب هانتر من كيرا وحط يده على خدها وكل واحد نظره على الثاني و قبلها.
بليك وأليسا كانوا يتكلمون بشكل عادي.
بليك: واضح إنكم دايما مع بعض.
أليسا: تربينا مع بعض، تقدر تقول نادرا إذا تفرقنا.
هب نسيم بارد لعب بشعر أليسا وصارت قصتها على عينها توها بتباعدها لكن بليك سبقها باعد قصتها وظل يطالعها بعيونها يحس روحه ضايع لكن كل اللي يحسه براحه وشعور يخليه يتقرب من أليسا أكثر وأكثر و ما يبعد عينه عن عينها ليما قبلها.
كورابيكا وكونر وهم يرقصون مع بايبر وبرو يحسون إنهم يعرفون بعض من زمان، وقبل لا تنتهي الأغنية كل واحد قبلها.
من هني بدأ الحب يسري بعروق كيرا لهانتر، أليسا لبليك وبعد أخوانهم اللي تعلقوا ببايبر وبرو من أول نظرة، بدئوا يتعلقون ببعض ويزيد حبهم وتبدأ معاهم الأحداث الحقيقية لنضال الحب بين العشاق.
بعد ما كملت الحفلة ورد الكل لبيتهم، كل واحد فكرة بالثاني وما ناموا إلا وصورة حبيبهم مرسومة على جفن عينهم.
بهني ينتهي الجزء الأول لحكايتنا بتعلق كل واحد بالثاني وبنعرف بباقي الأجزاء إذا بتواصل علاقتهم أو بكون في حاجز يمنعهم.



التوقيع




06-07-2009, 06:02 PM رقم المشاركة : 6
معلومات العضو
كاتمة الاسرار
-||[ مشرفة العام والقصص ]||-


اوسمتي

مجموع الاوسمة: 1







المستوى : []
الحياة /


النشاط /

المؤشر %


رد: رواية حب فرنسية بعنوان <نضال الحب>
--------------------------------------------------------------------------------

الجزء الثاني
باليوم الثاني
بقصر الملك بعد حوالي ساعة من الفطور، كيرا كانت بتطلع وكورابيكا وراها.
الوالد: الحين بتروحين؟
كيرا:ya اتفقت مع أليس أمر عليها الساعة 10.
الوالد يكلم ولده: وأنت ماقلت وين بتروح؟
كورابيكا: بروح أتزوج.
أبوه وأمه انصدموا من اللي يقوله، وكيرا ميوده روحها عن لا تضحك.
كورابيكا لما شاف ويه والدينه جذي: يعني وين تظني رايح، ما بخلي كيور بروحها.
هدأت أمه: وقفت قلبي.
كورابيكا ضحك: sorry، نمزح معاكم شوي.
الوالد: مزاحك واجد ثقيل.
الوالدة تكلم كيرا: وانتين تعرفين؟
كيرا: شنو دخلني قلت له لا يسوي لكنه يبي يشوف ردكم.
الوالد: ولا بتكبرون.
كورابيكا: إلا مزاح يبا، لكن شرايك أسويها.
ضرباه أبوه بالخفيف على راسه: تبي تتزوج من وراي يولد.
كورابيكا ضحك: آسف ماكنت اقصد .. باي.
اخذ معاه أخته وطلعوا لعند السايق اللي كان ينتظرهم.
سوزان: يهال.
هاري: خليهم على راحتهم يستانسون، على الأقل لطفوا لنا الجو.
طالعته بنظرات غريبة: شنو قصدك؟
هاري: ولا شي.
قام بيمشي لكن زوجته وقفته: تعال، وين بتروح؟
هاري: المكتب، في أشياء لازم أسويها، اشوفش عقب.
سوزان: الظاهر مافي بالبيت إلا يهال.
ابتسمت وظلت تطالع التلفزيون.
أما أولادها ما سكتوا من الضحك كلما تذكروا الموقف ضحكوا، ليما وصلوا لقصر عمهم.
كونر: علامكم؟
كورابيكا وهو يضحك: ما فينا شي.
أليسا: ميانين.
بالطريق خبرهم كورابيكا باللي صار.
كونر وهو يضحك: انت ولا بتوب آخرتها بتذبح أبوك وأمك من مواقفك.
كيرا: انتون لو شفتون أشكالهم بسرعة صدقوا.
أليسا: أكيد بصدقون دام الممثل هو كورابيكا.
كورابيكا: شكرا شكرا.
ضحكوا عليه، لكنهم عقلوا لما وصلوا لمدرسة النينجا سلموا المدير أوراق القبول وهو حياهم وضيفهم عنده شوي.
قصر عايلة براودلي
العايلة متجمعة كلها، بس هانتر وبليك قعدوا بروحهم يتكلمون عن اللي صار لهم أمس.
هانتر: صدق ملعون، بهاي السرعة حبيتها.
بليك: نسيت روحك شنو اللي سويت فيها.
هانتر: خلاص فهمنا..خلك من هذا وقول صدق تحبها؟
بليك: أشذب عليك إذا قلت لك اكرها.. طول هاي السنين وهي قدام عيني ما هتميت لها لكن مادري ليش هاي السنة ماني قادر ابعد عيني عنها.
هانتر: مالومك بسرعة يسحرون الواحد، مادري شلون غفلت عنها طول السنين.
بليك: لا تنسى ذيك السنين كانوا معاهم أخوانهم يحمونهم كل الشباب يتقربون لهم عشان خواتهم، لكن هاي السنة تخرجوا والحين الكل يبي يتقرب منهم.
هانتر: خل يتقربون لكن مو يأذونهم، يحلم جوي يلمس شعره وحده منها.
بليك: مو تنسى كايبا .. إن فكروا يتقربون منهم مرة ثانية بيندمون.
اتفقوا ثنينهم يحمون كيرا وأليسا بأسم الحب اللي بينهم ومستحيل يخلون جوي وكايبا أو غيرهم يتقربون منهم.
بايبر وبرو بدوا يتعلقون بكورابيكا وكونر، كلموا بعض بالتليفون.
برو بدهشة: ينيتين، ليش تقولين جذي؟
بايبر: ما ينيت ولاشي لكن طالعي عدل من إحنا عشان يحبونا أولاد الملك.
برو: لا شكلش ينيتين، نسيتين من أي عايلة انتين يمكن ما نكون من عايلة الملك أو ننسب لهم لكن..
قاطعتها: لكن شنو.. شفتين..
قاطعتها برو: لكن إحنا من عايلة لايقة، نسيتين أبونا ربع مع أبوتهم من سنين.
بايبر: ما نسيت لكن..
قاطعتها: بايبر بعدي عنش هاي الأفكار، نسيتين شنو قلتين لي أمس..مو قايلة بنفسش إنش تعلقتين بكورابيكا ..بهاي السرعة نسيتين أو تبين ضربة على راسش ترجع لش عقلش.
بايبر: كلامش صح، مادري ليش فكرت جذي!.. sorry حبيبتي.
برو: اهمشي رجع عقلش مثل ماكان.
بايبر: أتوقع ضربتش وصلت.
ضحكوا.
بهاي الوقت وصل كورابيكا وأخته لقصرهم وكل واحد راح لداره .
بدار كيرا
كيرا ودها تخبر أخوها باللي صار لها أمس لكنها مو عارفة شلون تفتح معاه الموضوع، بعد دقايق دخل عليها أخوها.
كورابيكا: امبي أقول لش شي.
استغربت: خير؟
كورابيكا: مافي شي بس..(تردد شوي مو عارف شلون يقول) الصراحة أنا .. أظني..أنا أحب وحده.
كيرا كانت حاسة بهاي الشي من أمس لكن ما توقعت أخوها بخبرها بهاي الطريقة.
كورابيكا: اسمها بايبر هالويل شفتها أمس بالحفلة.
خبر أخته بكل اللي صار بينهم .
كيرا: صدق تحبها؟
كورابيكا: إي، صدقيني ما جذب عليش.
سكت شوي: ما صدقتيني ..ماكان لازم اخبرش.
كيرا: مين قال جذي أني مصدقتنك..صدقني ما مزح.
قعد كورابيكا.
كيرا: امبي أقول لك شي .. أظن إني ..أحب واحد.
كورابيكا طالع أخته وكل اللي طرى على باله هانتر، وطلع ظنه صح بعد اللي سمعاه من أخته بعدها تعاهدوا ما يخبرون احد ويظل سر بينهم.
بعد ما طلع من عندها أخوها اتصلت بأليسا تخبرها باللي صار وما تفاجأت لما عرفت كونر حب برو.
كيرا: أكيد إنهم متفقين يخبرونا.
أليسا: ya ، على فكرة مو كأنش وعدتين أخوش ما تخبرين احد؟
كيرا: لا تخافين، يعرف إني بخبرش مثل ماعرف أخوش إنش بتخبريني.
أليسا: أتوقع أخوانا يعرفونا وايد.
بقوا يتكلمون لفترة بعدها راحوا يتغذون مع أهلهم.
اليوم التالي
اليوم هو السبت تجتمع عايلة بوتر بقصر الملك، طبعا الشباب يخلون أهلهم بروحهم عشان يآخذون راحتهم بالكلام.
كورابيكا: كريس ليش ما جيتون أمس للحفلة؟
كريس: أمس رجعنا من ألمانيا متأخرين ما قدرنا نجي.
كونر: شلونهي دراستكم؟
توم: زينة.
أليسا: زينة! نبي درجات عالية مو خرطي.
سارة: لا تخافين علينا ما بنخيب ظنش.
كريس: عن شنو يتكلمون أهلنا؟
كونر: مين؟ العجايز.
الكل ضحك على كلامه.
كورابيكا: إذا سمعوك تقول جذي راحت عليك.
كونر: ما عليك.
ظلوا يتكلمون عن أهلهم ويضحكون ليما نادوهم للغذا.
في عايلة ثانية مجتمعه اليوم، عايلة هالويل.
بعد ما كملوا الغذا قعدت بايبر وبرو يتكلمون عن حبهم لكورابيكا وكونر.
بايبر: وحشتني شوفته وسماع صوته.
برو: فاهمتنش..شرايش نتصل لهم؟
بايبر: ينيتين، انتين اتصلي أني ما بتصل.
ضحكت وبايبر تعجبت منها: شنو فيش؟ لايكون قلت نكته واني مادري؟
برو:sorry لكن طريقة ردش اضحك.
بايبر: إذا ماسكتين ما بكلمش.
برو : خلاص بسكت..تبين الصراحة ودي اتصل له لكني مامبيه ياخذ صورة مو زينة عني.
بايبر: أفضل ما نتصل..كفاية إني سمعت صوته أمس.
تفاجأت: كلمتينه! ليش ما قلتين؟
بايبر: هدي بالش، ماله داعي تصارخين ناوية تفضحينا.
وقفت: ماني مكلمتنش.
بايبر تحاول تهدئها:هدي بالش please، قعدي.. كنت بخبرش لكن ما لقيت الفرصة المناسبة.
قعدت برو لكنها للحين زعلانه بس سامحتها: خلاص هاي المرة بسامحش لكن مرة ثانية تحلمين..خليتيني أظن إنش خنتين الوعد اللي بينا.
ابتسمت لها: لا تخافين للحين عند وعدي.
(الوعد اللي بين بايبر وبرو صار من قبل 5 سنين لما كان عمرهم 13.
بايبر: الحين كل وحده منا عرفت أسرار الثانية.
برو: شرايش نتعاهد ما نخبي أي شي عن بعض مهما يكون كبير أو صغير.
بايبر: أكيد ليش لا، لكن يكون بس بيني وبينش.
برو: لين تفرقنا الحياة ..موافقة.
بايبر: موافقة.
صافحوا بعض وكل وحده مطمنه ما راح يكون بينهم أي سر بعد هذا اليوم.)
نرد للحاضر
برو: انتين اتصلتين ؟
بايبر: تظنيني غبية عشان اتصل له ..سمعي بعدين حكمي.
برو: كلي آذان صاغية.
بايبر: أمس تقريبا الساعة 11 بعد ما سكيت عنش هو اتصل.
( كورابيكا: مرحبا، شخبارش؟
بايبر بخجل: تمام، وأنت؟
كورابيكا : دام انتين بخير أنا بخير.
خجلت من كلامه وسكتت
كورابيكا: قعدتش من النوم؟
بايبر: لا ما أنام من الحين.
ظلوا صامتين لفترة
كورابيكا: ليش ساكتة ما تتكلمين؟
بايبر: ما عندي أي شي أقوله.
كورابيكا: تكلمي بس لا تظلين ساكتة.
بايبر بدون شعور: ليش مو انت اللي تتكلم؟
تصبغ ويها احمر ماتدري من وين طلع لها هذا الكلام، وكورابيكا ابتسم لكلامها على الأقل بدوا يتعودون على بعض.
كورابيكا: شلونهي دراستش؟
بايبر: تمام.
بعد ثواني من الهدوء
بايبر: لازم أروح الحين.
كورابيكا: وأنا بعد، باي.
بايبر على طول سكته وغطت راسها بيدينها تضحك على روحها)
برو: ذكية، ليش سكيتين عنه؟
بايبر: شدراني شنو أقول وهو بعد ظل ساكت.. توش معترفة إني ذكية.
برو: قصدي العكس يغبية.
بايبر: الحين اعترفتين.
برو: مو مهم.. ليش سكيتين عنه؟
بايبر: تبين أبوي يشوفني وأني اكلمه.
برو: على الأقل كلمتينه..لو زين كونر يتصل.
بايبر: يعيني على الحب.
ضحكوا.
قصر الملك
بعد حوالي ساعة من الغذا قعدت كيرا بروحها بالحديقة الخلفية للقصر والباقي ظلوا مع بعض.
سارة: وين راحت كيرا؟
أليسا: لا تخافين بترد بعد ساعة.
توم: زعلت علينا بشي؟
كورابيكا: لا ما فيها شي.
كريس: يعني للحين على عادتها.
أليسا: Ya .
سارة: لكن ليش بكل مرة نجتمع فيها تظل مع خالي بروحهم؟
كورابيكا وكونر وأليسا اندهشوا من سؤالها وما عرفوا بشنو يردون.
توم: صدق، ليش ما يقعدون معانا؟
ظلوا صامتين يطالعون بعض لكن كريس حس في السالفة سر.
كريس: منتون مطرين تقولون.
طالع أخوانه عشان يعتذرون.
سارة + توم: آسفين إذا أزعجناكم.
كورابيكا: ماله داعي ما سويتون شي..بعدين جوابكم عند كيرا.
غير كونر الموضوع عشان يخفف الوضع لكن مع هذا كريس واخوانه فيهم فضول للسالفة.
كيرا كانت قاعدة تنتظر عمها جين .
العم: تأخرت عليش حبيبتي؟
كيرا: لا توني يايه.
العم: خبريني بأخبارش، شلون المدرسة معاش؟
ظلت تتكلم مع عمها لكنها ما تجرأت تخبره عن هانتر.
بهاي الوقت هانتر وبليك طلعوا بمشوار مع بعض.
بليك: أنا بنام وإذا وصلت قعدني؟
هانتر: بس كل نوم بحياتك ما عندك شي ثاني؟
بليك: عندي القلب حياتي.
هانتر: فديتها عمري.
طالعاه: مين قصدك؟
هانتر: قصدي اللي سمعته، مادري اتصل لها.
بليك: ودي الحين قبل بكرة لكن خبرتي بيجتمعون مع أهلها.
هانتر: افف لازم انتظر لبعدين..يلى قوم وصلنا.
بليك: صوبه للحين ما نمت.
راحوا لربعهم بالكافيتيريا لكن قلوبهم مع كيرا وأليسا.
نرد للقصر، بعد ساعتين ونص.
بالقاعة داخل القصر
فيبي: تأخر جين واجد، مو من عادتهم يطولون.
هاري: لا تخافين ذاك اليوم بقوا وقت أطول بواجد.
فاجأهم صوت من وراهم: مين اللي اخذ وقت أطول؟
انزهقوا كلهم.
جوزيف: خرعتني.
قعد جين يم مرته: sorry حبيبتي..تكلمتون عني؟
إيثن: إي بيطول عمرك.
جين: بشنو تحشون فيني؟
سوزان: ولاشي، بس تأخرك مع كيرا.
جين: جذي يعني..كلكم تعرفون إني وعدتها ومستحيل أخلف وعدي لبت اخوي.
فيبي: ما نبيك تخلفه لكنها بذاك الوقت صغير ما تفهم.
جين: صدق إنها كانت بالسادسة لكنها تعرف شنو معنات الوعد والمحافظة عليه.
طالع الكل: يضركم إذا بقيت مع بت اخوي طول الوقت؟
الكل: لا.
جين: زين لأني مامبي احد يدخل باللي بيني وبينها حتى لو بقيت معاها طول اليوم.
هاري: لا تزعل يخوي بالعكس إحنا مستانسين لأنك للحين عند وعدك لكيرا، دايما نعلم أولادنا يحافظون على وعودهم وانت اكبر مثال لهم.
سوزان: انت تعرف شنو يعني كل هذا لكيرا وإذا أخلفت لها وعدك مادري شنو بصير لها.
جين: لا تخافين كيرا بتي، وما بخلف لها وعدي لآخر يوم بحياتي.
الكل فرح لإصرار جين بوفائه لوعده مع كيرا.
بهاي الوقت ردت كيرا للشباب، سارة بغت تسألها لكنها خافت تنزعج أو تفهم قصدها غلط لكن اللي فاجأهم سؤال توم.
توم: كيرا ( سكت شوي والكل طالعاه وخافوا يسألها ذاك السؤال) ليش دايما من نجتمع تظلين مع خالي جين بروحكم؟
كيرا انصدمت من سؤاله محد سألها مثله من قبل، بقت ساكتة ومنزلة راسها.
كريس طالع أخوه ويشير له يعتذر لكن توم كان مصمم يبي يعرف السبب.
كورابيكا بغى يغير الموضوع: شرايكم نشرب عصير؟
شاركاه كونر: أكيد ببرد العصير قلبي.
طالعت كيرا أخوها وكونر: كورا كونر ماله داعي، لازم يعرفون الصدق (أخذت لها نفس) لما كان عمري 6 سنين كان لي ..أخت توأم اسمها كلير.
كريس واخوانه انصدموا بالسالفة ما كانوا يعرفون إن كيرا توأم محد خبرهم بهذا من قبل، وكان واضح على ويوهم الصدمة.
كيرا: كنا نسوي كل شي مع بعض عمرنا ما ابتعدنا عن بعض ومستحيل وحده منا تسوي شي والثانية ما تسويه .. كنا نتواصل بالعين نقدر نفهم بعض كأن نعرف بشنو تفكر كل وحده منا ما كان صعب علينا نتواصل لو بس بالحركات لكن.. بعد ما بلغنا 6 سنين
( قبل 12 سنة لما كيرا وأختها بلغوا 6 سنين بأشهر، فجأة بيوم من الأيام مرضت كلير صادتها حمى قوية ماقدر امهر الأطباء يعالجونها، الحمى انتشرت بكل جسمها وما عاد ينفعها الدوا.
الملك: يعني مافي فايدة؟ ماتقدر تسوي شي؟
الدكتور: أنا آسف حاولت بكل الطرق لكن المرض سيطر عليها..أنصحك تبعد الأطفال عنها عن لا تصيدهم عدوا.
الملك: إي أكيد بخليهم عند اخوي.
كورابيكا وكيرا سمعوا اللي قالاه الدكتور وعرفوا إن أختهم ما راح تنجو.
بمنتصف الليل راحت كيرا لدار أختها لقت أمها نايمة معاها، دخلت بهدوء وقربت من أختها مسحت على راسها ودموعها بعينها، وقالت بصوت خافت: مادري شلون بعيش من بعدش.. ارجوش لا تخليني بروحي..مامبي افقدش ..مامبي افقد قلبي.
ظلت تصيح وهي ماسكه يد أختها، وفجأة حست بيد من وراها تمسكها دارت: بابا.
حضنت أبوها وظلت تصيح، وهو ماعرف شنو يقول بعد اللي سمعاه حاول كل المحاولات لكن مافي فايدة، حملها و وداها لدارها وقعد معاها.
كيرا: بابا.. مافي حل؟
الوالد: لا تخافين بسوي كل اللي اقدر عليه عشان ما تبتعد عنش.
كيرا: لكن الدكتور قال مافي فايدة وإنها بتموت قريب..يبا انت ما بتخليها تموت صح؟
حضنها وهو حابس دموعه: لا تفكرين جذي حبيبتي، بحاول قد ماقدر.
كيرا وهي تصيح: مامبيها تموت يبا، مامبي.
ظلت تصيح بحضنه وهو محتار بعد اللي سمعاه منها، يعرف شكثر متعلقين ببعض فإذا الحين صار ببته جذي عيل عقب شنو راح تكون حالتها، طالع ويها وشافها نايمة لكن الدموع تارسه ويها مسحها بيده وتمنى من كل قلبه تتشافى بته.
باليوم الثاني الصبح حاولوا والدينهم يقنعونهم يروحون لقصر عمهم لكنهم ما يبون يبتعدون عن أختهم، وبهاي الوقت وصل عمهم مع مرته وعلى طول كورابيكا وكيرا راحوا له يصيحون بحضنه وهو يخفف عنهم.
بعدها انعزل هاري مع أخوه عن زوجاتهم والأولاد.
جين: شخبارها الحين؟
هاري: مادري شنو أقول لك، حالتها كلما لها تزيد.
جين: مافي حل؟
هاري: أحسن الأطباء بالعالم جبته لكن مافي فايدة .
حضنوا بعض.
جين: لا تخاف بتتحسن قريب.
هاري: أتمنى بس..ما جبت أولادك؟
جين: خليتهم مع المربية أحسن، ليش ما تجيب كورابيكا وكيرا؟
هاري: حاولت معاهم لكنهم مايبون يبتعدون عن كلير.
ردوا بعدها للباقي وراحت سوزان مع أختها جوزيف يطمنون على كلير..بعد ساعتين يت فيبي مع زوجها وحالت كلير كلما لها تزيد بدل ماتخف.
بعد حوالي 5 ساعات ردت كيرا لغرفتها لكنها بعدها راحت خلسة لعند أختها وكانت أمها وخالتها وعمتها توهم طالعين من عندها.
تقربت من أختها ومسكت يدها وباستها بعدها مسحت ويها وردت حبت يد أختها لكنها سمعت صوت رفعت راسها وشافت أختها فاتحة عينها تطالعها وتتكلم معاها: كيرا.. أختي.
كيرا مسحت دموعها وطالعت أختها: حبيبتي كلير.
كلير بصوت مبحوح: أني آسفة..بخليش بروحش.
كيرا: لا تقولين جذي كلير بنحصل طريقة تنقذش، ما بسمح لش تخليني بروحي.
كلير: تعبت كيرا تعبت..برتاح مع يدي ويدتي ينطروني معاهم.
كيرا: ارجوش كلير.
كلير: آسفة يختي ..وعديني بتسوين كل اللي اتفقنا عليه دايما بكون معاش.
كيرا: كلير ارجوش لا تخليني وعدتيني بنكبر مع بعض وبنحقق كل أحلامنا وعمرنا ما بنفترق.
كلير: دايما بظل معاش حققي كل شي بروحش.
كيرا: كلير لا تسوين فيني جذي.
كلير: آسفة يختي لازم أروح ..بكون معاش على طول (طالعتها وابتسمت لها) أحبش.
غمضت عينها وانتقل معاها روحها وتترك وراها قلبها الثاني أختها توأمها، قضوا أحلى 6 سنين مع بعض وكل العايلة شهدت بذكائهم من صغرهم والحين انقسم القلب وترك وراه طفلة صغيرة تعاني لفراق توأمها.
كيرا تنادي على أختها: كلير..كلير ردي علي، ارجوش كلير ردي كلير.
يت لها من وراها أمها وحضنتها: راحت حبيبتي راحت.
كيرا: لا كلير ما راحت وعدتني ما بتخليني بروحي كلير، ماما قولي لها تقوم لا تدلع ماما كلير نايمة صح!.. كلير قومي أني كيرا قومي بسش نوم كلير.
حضنتها أمها وماقدرت تمسك روحها وصاحت لفراق بتها عن حضنها، كل اللي بالغرفة صاحوا هاري أخوه مرته أخته وزوجها، سمعوا آخر كلام كلير كلام وداع التوائم آخر حوار بينهم مابغوا يبعدونهم عن بعض لكن الحين لابد من الفراق.
هاري قرب من كلير حط يده على ويها الصغير يتحسسه، ياما شاف هاي الويه مبتسم ويكلمه لكن الحين يحسه ورده ذبلت وهي للحين صغيرة، طالع بته الثانية اللي بحضن أمها، ألمه مايعادل جزء من ألم كيرا الحين هي اللي بتفتقدها أكثر شي، مكانها راح يكون مستوحش للكل لكن مو مثل كيرا قلبها راح عنها وظلت جسد يتحرك بدون روح معاه مايدري شنو بتكون حالتها عقب، كفاية الكلام اللي سمعاه منها مو كلام بت بـ 6سنين، طالع الباب شاف ولده واقف وعينه حمره من زود الصياح لكنها الحين تناظر سرير أخته ويشوف الكل يصيح تقرب بخطوات متثاقلة طالع أخته كيرا وأمه بعدها طالع كلير تقرب منه أبوه وحضناه.
كورابيكا: بابا، كلير ما ماتت صح!
هاري حضناه: راحت كلير حبيبي راحت.
كورابيكا: لا كلير ماراحت.
باعد أبوه عنه وتقرب من أخته: كلير..كلير يلى قومي بنلعب برى ترى إذا ما قمتين بتخسرين..يلى كلير ترى مابكلمش عقب.
يوداه أبوه: كورابيكا خلاص.
كورابيكا: لا كلير ما ماتت شوف هي قاعدة تبي تجذب علينا.
باعداه أبوه عنها: كورابيكا خلاص كلير مابترجع.
كورابيكا: لا كلير.
حضناه أبوه وطلع معاه برى، جين اخذ كيرا من عند أمها وطلعها بالغصب لبرى وحاول يهديها، أما سوزان راحت لبتها كلير تلقي عليها آخر نظره.
سوزان: حبيبتي كلير مرتاحة عمري ماتبين شي، شنو ذنبش بهالعمر تروحين عني.
قربت منها أختها جوزيف: خلاص سوزان لا تعورين قلبنا أكثر من جذي.
سوزان: هاي بتي جوزيف، راحت عني مابشوفها عقب مابحضنها بحضني ما بتكلمني.
حضنتها أختها وظلوا يصيحون مع بعض ليما شافوا الدكتور والممرضات ياخذون بتها صغيرة العايلة ويبعدونها عن حضنها للأبد.
مرت الأيام بسرعة وبدت العايلة تتأقلم على بعد كلير لكن مع هذا مكانها فاضي ومن يشوفون كيرا يذكرونها بس كيرا ماكانت تسمح لهم يشوفونها، لأنها على طول ظلت بدارها وماعادت مثل قبل تتكلم أو تآكل أي شي حتى ابتسامتها انزاحت عن ويها وما بقى غير الدموع.
هذا خل الكل يخاف عليها، حاولوا والدينها معاها وايد ليما يأسوا وكلما يشوفونها ويذكرون بتهم الثانية يحاولون يحبسون دموعهم.
أما كورابيكا بدأ يتأقلم لكن مع هذا يحس بفراغ لمكان كلير، هي وكيرا كانوا مالئين البيت بضحكهم كلامهم ولعبهم وكورابيكا بعد، بس الحين المكان كله فاضي لا ضحك ولا كلام كل دموع وحزن مسيطر على الكل.
بعد حوالي أسبوع جين ومرته يو لقصر أخوه يطمنون عليهم.
جين: شخبار كورابيكا وكيرا؟
هاري: كورابيكا تحسن بدا يتقبل لكن كيرا ..خايف عليها واجد ما عادت تآكل أو تتكلم كل بدارها.
جين: أكيد مشتاقة لأختها..ماحاولتون تكلمونها؟
هاري: ماخلينا طريقة ماجربناها بس مافي فايدة كأنها ماتسمع شي.
جين: وين هي؟
سوزان: بغرفتها مع كورابيكا..بتكلمها؟
جين: إي، بحاول اخفف عنها شوي.
كيرا قاعدة بدارها مع أخوها وبيدها صوره لها مع أختها، ولما دخل جين طلع كورابيكا وراح لعند أبوه.
جين قعد يم كيرا وشاف الصورة اللي بيدها: شخبارش كيور؟
ماردت لكنها طالعت الجهة الثانية وهذا خل جين يندهش لتصرفها أول مرة تتجاهله بهاي الطريقة، لكنه مايقدر يلومها فقدت اعز شخص على قلبها بعد ماعاشوا مع بعض 6 سنين.
جين: كيرا، ادري إنش متألمة واجد كلنا متألمين لفراقها لكن مابيدنا شي نسويه كل اللي صار مو بيدنا خارج عن طاقتنا.. كيرا ادري إنش فاهمة شنو قاعد أقول وقلبش يألمش ودش تصرخين للعالم كله، مابلومش يبتي، لكن تصرفش جذي يحسسنا إنا فقدناش بعد ..كيرا لما اكلمش طالعيني.
رفعت كيرا راسها وطالعت عمها وعيونها متروسه دموع لكنها ماتكلمت.
مسح جين دموعها: يألمني أشوف دموعش، وحشتني ابتسامتش ..ارجوش تكلمي .. ادري فقدان كلير يألمش لكنها ماخلتش بروحش سمعتينها بنفسش خبرتش بظل معاش على طول ماراح تتركش بروحش أكيد هي هني ومتألمة لأنها تشوفش جذي تبينها تزعل عليش.
نزلت دمعه من عين جين وكيرا بدت تتذكر كلام أختها قبل وفاتها، بعدها طالعت عمها وشافت دموعه مدت يدها تمسحها.
كيرا: ماحب أشوفك حزين عمي.
جين استانس من سمع صوتها وحضنها: حبيبتي، وحشني هذا الصوت الناعم.
طالع ويها ومسح دموعها.
كيرا: آسفة عمي..خليتكم تخافون علي.
جين: لاتهتمين حبيبتي اهمشي إنش رجعتين لنا.
كيرا: رجعت لكن بروحي.
فهم جين قصدها: مين قال إنش بروحش، كلنا حواليش وما بنخليش بروحش.
كيرا دمعت عينها: امبيها هي عمي، هي اللي تفهمني وتعرفني، لكنها خلتني وراحت.
جين: مامبي أشوف دموعش حياتي، بكون لش مثلها يمكن ماقدر اعوضش بفراغها لكن اوعدش كلما اشوفش بنبقى مع بعض نتكلم، مستحيل اخليش بروحش.
ابتسمت: توعدني عمي.
جين: اوعدش لآخر يوم بحياتي، كمن كيور عندي.
حضنت عمها بعدها طلعت معاه للقاعة والكل انصدم واندهش لما شافاها وعلى طول حضنتها أمها وهاري شكر أخوه وايد ومستحيل ينسى له هذا الصنيع ابد.) وجذي للحين عمي عند وعده لي.
توم: محد خبرنا إنش توأم.
كريس: آسفين لها.
كيرا: تعوضت بكورا وعمي وتوأمي الثاني.
انصدموا.
سارة: عندش توأم ثاني؟
ابتسمت: ya، أليس توأمي.
أليسا: تربينا مع بعض وبنظل على طول مع بعض.
سارة: لو كان عندي أخت تمنيتها تكون انتين.
ابتسمت لها وحضنتها.
على الذكرى المؤلمة لكيرا أو بالسر اللي حفظته مع عمها، تبين لكريس واخوانه إن كيرا مو بت مدلعه ومفضلة عند عمها على العكس إنها بت قلبها طيب ومحبوبة عند الكل وتستحق الاحترام بجدارة.
بعد ماكملت الأمسية والكل رد لبيته، دخلت كيرا لدارها وغيرت ثيابها انبطحت على سريرها ومسكت بيدها صورة لها ولأختها بعيد ميلادهم السادس، عما هي تنظر لها دخل أخوها وشافها منبطحة وتطالع صورة وباين إنها ماحست بوجوده، تقدم منها وسمت الصورة بيدها وخرعها.
كيرا: متى دخلت؟
ضحك على شكل أخته: من أمس.
كيرا: ثقيل، ييبها.
كورابيكا: مو قبل ماشوف مين اللي اخذ فكرش متأكد انه (لما طالع بالصورة انصدم بعدها طالع أخته وهي طالعت الجهة الثانية) للحين تذكرينها!
كيرا: لاتلومني ماقدر أنساها ابد، كل يوم أشوفها ولما أطالع روحي بالمنظرة كأنها هي مو أني.
كورابيكا: محد بينساها.. لكن كيرا..
قاطعته كأنها عرفت شنو بقول: كورا..ادري شنو بتقول، لاتخاف ..أني راضيه بالواقع، بسوي كل الأحلام اللي اتفقنا عليها.
ابتسم كورابيكا لأخته بعدها خلاها ترتاح لان بكرة عندها مدرسة.
اليوم الثاني
بالمدرسة التقوا الشباب مع بعضهم وقعدوا يتكلمون شوي ليما بدت الحصة الأولى، جوي وكايبا يراقبون تصرفاتهم وبداخلهم نار شابة على هانتر وبليك.
وقت الــbreak
كيرا وأليسا كانوا يتمشون والتقوا صدفة ببايبر وبرو.
كيرا: مرحبا ..انتون بايبر وبرو هالويل، صح!
بايبر: إي أني بايبر وهاي برو.
أليسا: شخباركم؟
برو: تمام وانتون؟
كيرا: تمام.
أليسا: كلمونا أخوانا عنكم وايد.
بايبر وبرو استحوا.
كيرا: تشرفنا بمعرفتكم.
بايبر: الشرف الأكبر لنا آنسة كيرا.
كيرا: بدون آنسة لو سمحتين.
بايبر: آسفة.
أليسا: مانبي نزعجكم، نشوفكم عقب.
بايبر+ برو: Ok .
كيرا وأليسا مشوا عنهم.
أليسا: يخجلون لكن واضح عليهم إنهم طيبين.
كيرا: شنو توقعتين، ذوق أخوانا أكيد حلو.. ليش خبرتينهم من الحين؟
أليسا: بكل الحالات بيعرفون.
يو لهم هانتر وبليك من وراهم: Hi .
كيرا + أليسا: Hi.
هانتر: بتروحون الكافيتيريا؟
كيرا: Ya.
راحوا مع بعض والتقوا هناك بباقي ربعهم.
بايبر وبرو قعدوا بالحديقة ينطرون ربعهم.
بايبر: كان عندي إحساس انه بخبرهم.
برو: لكنهم طيبين وايد نفس أخوانهم.
بايبر: أكو يت مي وسمر.
قصر أخ الملك
كورابيكا راح لبيت عمه يقعد مع كونر عن الملل.
كونر لاحظ كورابيكا سرحان ويفكر: كورا علامك؟
مارد.
كونر: كورا لايكون اكلم روحي وأنا مادري، كورابيكا.
اوتعى: ها شصاير؟
كونر: لا الظاهر الرجال رايح فيها، بشنو تفكر؟ من سنة أناديك وما ترد.. أتفكر فيها.
كورابيكا: اسكت عني مالي خلق أي شي.
استغرب: شنو فيك؟ صاير بينك وبين بايبر شي؟!
كورابيكا: لا السالفة مو على بايبر.
كونر: عجل شنو ؟
كورابيكا: كيرا.
مافهم قصده: شنو فيها؟
كورابيكا: مافيها شي بس .. خايف عليها.
كونر: من شنو؟
كورابيكا: مادري بس كلما تتذكر كلير أحس بعينها نظره غريبة.
كونر: الحين كل هذا عشان هاي النظرة، خرعتني حسبت صاير لها شي، كورا يتراوى لك كل هذا كيرا ما فيها شي لا تقعد توسوس وتخرعها زين إنها نست السالفة شوي.
كورابيكا: إي بس..
قاطعاه: لا بس ولا شي ثاني، أكيد إنها تذكرت أختها وأنت بعد تذكرتها خلاك تتخيل جذي.
سكت شوي: معاك حق، أمس لما ذكرت السالفة حسيت بكل شي يعيد نفسه وإنها قاعدة معانا.
كونر: محد يقدر ينساها لاهي ولا ستيف، دومهم حوالينا.
كورابيكا: شرايك نتمشى شوي مليت من القعدة .
كونر: يلى قوم.
خوف كورابيكا على أخته خلاه يتخيل هاي النظرة أو لها سر ثاني؟ بنعرف كل هذا بالجزء الثالث.



التوقيع




06-08-2009, 11:26 AM رقم المشاركة : 7
معلومات العضو
@كلي ذوق@
~رجٍ‘ـِلُ ألِمسِْتحٍ‘ـيَِلْ ? ?•


اوسمتي

مجموع الاوسمة: 3








المستوى : []
الحياة /


النشاط /

المؤشر %


رد: رواية حب فرنسية بعنوان <نضال الحب>
--------------------------------------------------------------------------------

\\

\\

مساء الآبداع والتميز

قصه جميله وفيها الكثير والكثير

من الفائده

\\

لديك تصووير رآئع جداً
وتمتازي برووعه التعبير المطلق في الكلمات
ماشاء الله عليك ماشاء الله عليك
ابدااااااااااااع + ابداااااااااااع
كم نفخر بقلم مثل قلمك
تكون له البصمه بيننا
كم نفخر بان تكون لنا سيده للحروف
ومبدعه للمعاني وتنسيق الرواياااات
كم اعجبتني المسميات الرآئعه
وفكرتها ..

\\

كاتمه الاسرار
انتي مبدعه استمري ولا تتوقفي
وسوف اكون متابع لك الي النهايه

\\

وباانتظار تكمله الروايه الجميله

\\

يثبت الموووضوع ..
ونتظر ابداعاتك



التوقيع




سـ ــ ـكــ ـون الـمـشـ ـاعـ ـر ,,
Midoromio777@hotmail.com

& عســـــل صافي &



06-08-2009, 01:04 PM رقم المشاركة : 8
معلومات العضو
كاتمة الاسرار
-||[ مشرفة العام والقصص ]||-


اوسمتي

مجموع الاوسمة: 1







المستوى : []
الحياة /


النشاط /

المؤشر %


رد: رواية حب فرنسية بعنوان <نضال الحب>
--------------------------------------------------------------------------------

مشكور كلي ذوق دايما ذوقك جميل
والصراحة مادري شنو اقول لك
مشكور على التثبيت والقراءة
وان شاء الله بنزل الجزء الثالث قريب




التوقيع




06-08-2009, 01:09 PM رقم المشاركة : 9
معلومات العضو
كاتمة الاسرار
-||[ مشرفة العام والقصص ]||-


اوسمتي

مجموع الاوسمة: 1







المستوى : []
الحياة /


النشاط /

المؤشر %


رد: رواية حب فرنسية بعنوان <نضال الحب>
--------------------------------------------------------------------------------

الجزء الثالث
بعد أسبوع بدت دورة النينجا لكيرا وأليسا وحدهم مستانسين، واللي يزيد فرحتهم وجود هانتر وبليك معاهم.
كل شي صار عادي وعينوا كيرا وأليسا مع الطلاب الجدد ليما بعدها ينتقلون للمستوى الثاني.
قصر أخ الملك
بعد ما كملوا البنات تدريبهم ردوا للقصر و والدينهم مجتمعين هناك.
ظلوا يسولفون مع بعض بعدها كل واحد رد لبيتهم.
اليوم الثاني
قعدت كيرا الساعة 10 بعد ما أكلت فطورها ظلت بدارها تذاكر، أما أخوها راح مع أبوه للمكتب يكتسب منه الخبرة وأمها بمكتبها، هاي حالهم كل يوم ما يبقون متيمعين كثر ما يبقون ورا المكتب لكن مع هذا اهتمام الملك لعايلته أول بأول.
وقت الغروب وصلت عايلة الملك لقصر أخته فيبي وسبقهم أخوه جين.
إيثن: توها الناس جان لا جيتون.
هاري: دام جذي باي.
إيثن: تعال نمزح معاك.
هاري: يعني كلش صدقتني برجع.
كريس: شخبارك خالي؟
هاري: هلا كريس.
بعد ما رحبوا بعض دخلوا للقاعة يكملون سوالفهم أما أولادهم قعدوا بالحديقة يشمون هوى الطبيعة.
قصر أبو برو
قعدت برو مع بايبر بالحديقة يسولفون.
برو: لو زين اقدر أشوفه.
بايبر: شنو بيدي أني، ودي أشوفه اليوم قبل بكره.
برو: خسارة مافي حفلة أو شي.
بايبر: عندش الأخبار روحي طالعيها بتلقينه.
برو: غيري السالفة لنك وليو يتمشون مني.
( لنك اخو برو، ليو اخو بايبر ثنينهم قد بعض 20سنة)
لنك: شنو قاعدين تسوون بروحكم؟
برو: نسولف.
ليو: عجل بنقعد معاكم نسمع سوالفكم، ممكن أو لا؟
بايبر: عادي حياكم.
قعدوا معاهم لكن خواتهم ما تكلموا.
لنك بمزح: علو صوتكم ما نسمع.
ابتسموا.
برو: ما عندنا سوالف.
ليو: لما جينا طارت السوالف وإذا قمنا بجي.
بايبر: لا مو جذي.
لنك يكلم ليو: أقول يلى قوم الظاهر ما يبونا.
برو: لا قعدوا، ليش مستعيلين؟
ليو: إذا بظلون ساكتين مستحين منا بنقوم عشان تاخذون راحتكم.
بايبر: يلى عاد قعدوا، قبل لا تيون كنا نتكلم بأمور خاصة ما تنقال قدامكم.
لنك: أمور خاصة!
برو: إي عيب نقولها قدامكم.
ليو يغمز لهم: دام أمور خاصة أكيد السالفة فيها إن.
بايبر: لا لا تفهمون غلط.
برو: كنا نتكلم عن..أشياء تخص البنات، عاد مانقدر نوضح لكم أكثر من هذا.
بايبر: بروحكم فهموها.
ليو ولنك خجلوا وغيروا الموضوع أما خواتهم ارتاحوا لان الحيلة مشت عليهم.
قصر أخت الملك
عقب ما كملوا العشى ظلت كيرا مع عمها جين يتكلمون حتى إنهم ما لاحظوا الوقت.
جين: كيرا أحسش تبين تقولين شي؟
كيرا تحاول تسوي روحها طبيعية: لا عمي مافيني شي.
جين: بتجذبين علي كيرا، اعرفش زين.
كيرا: آسفة عمي مو قصدي بس (سكتت شوي) عمي لو..كلير عايشه للحين بظل تتكلم معانا مثل الحين؟!
اندهش جين لكلامها وما عرف بشنو يرد عليها، من ماتت كلير ظلوا يتكلمون جذي: كيرا اعرف شكثر تعني لش كلير وإنها.. لو كانت عايشه بظل أتكلم معاكم مثل جذي وأحسن لكن القدر غير كل شي حبيبتي.
نزلت راسها وظلت تطالع الأرض: لكن أنت ما بديت تبقى معاي كل هاي الوقت إلا بعد وفاتها.
نزلت من عينها دمعه وهي تتذكر أختها.
سكت جين لأنه يعرف كلامها صح، فقبل موتها كان يتكلم معاهم عادي بس مو مثل الحين، قام وقعد على ركبته قبالها يمسح دموعها: كيرا.. انتين تدرين لو إنها ما توفت ما كنا بنتكلم جذي لكن هذا مو معناته إني ماراح اكلمش لو هي عايشه ..بس.
دمعت عينه وكيرا مدت يدها تمسحها: آسفة عمي ما قصدت اجرح مشاعرك.
حضنها وظلت تصيح وهو هدئها وخفف عنها، بعدها ردوا للقاعة يمضون باقي الأمسية هناك.
يوم الأحد
بداية الأسبوع الدراسي، كيرا و أليسا التقوا بسوسن بالكافيتيريا قبل بداية الحصص.
أما هانتر وبليك قعدوا مع ربعهم بالحديقة، وجوي وكايبا استغلوا فرصة بعدهم عنهم وراحوا يتكلمون مع كيرا وأليسا.
كيرا: مادري!
فجأة يى جوي من وراها: صباح الخير.
طالعته كيرا ومن شافته مبتسم لها طالعت الجهة الثانية وما ردت، كايبا وقف نفس الشي ورا أليسا وحاط يده على كرسيها: شدعوه ما تردون.
سوسن: شنو تبون؟
جوي: انتين سكتي محد كلمش.
سوسن استحمقت لرده هي بروحها ما تشتهيه بعد يشببها توها بترد عليه لكن كيرا أشرت لها عشان تسكت عنه.
جوي مل من سكوت كيرا وبغى يغيظها عشان تتكلم، قرب يده من وراها لويه كيرا: ليش الأميرة ساكتة ماترد؟
كيرا حست بيده يبي يلمسها: ما أنصحك.
طالعته بعدها غاورت: جوي إذا (سكتت شوي وفكرت قبل لا تكمل كلامها بعدها طالعت ربعها)..تعال معاي.
أليسا وسوسن اندهشوا من كلامها وما تقل دهشة جوي وكايبا عنهم لكن جوي استانس وحس كأنه أخيرا انتصر عليها.
قبل لا تقوم كيرا قالت لربعها: لا تنطروني.
بعدها مشت وجوي وراها، أما كايبا حاول مع أليسا لكنها خبرته إذا ماراح بتييب له الحرس وهو خاف ورد لربعه وعينه عليها.
كيرا وجوي طلعوا للحديقة وعمى هي تمشي لمحت هانتر قاعد مع ربعه وهو تعجب لما شاف جوي يلحقها قام بيي لها لكنها أشرت له بلا، أما جوي يطالعه ويبتسم له، ظلوا يتمشون ليما وصلوا لعند الأشجار وخلت كيرا هانتر وأليسا وسوسن بحيرة على اللي تسويه، ظل هانتر يطالعها عشان يطمن عليها.
كيرا: بتقول لي أو بظل ساكت؟!
جوي وهو يتقرب منها شوي شوي: شنو أقول؟
كيرا: لا تسوي روحك غبي ما تفهم، تعرف شنو أقصد.
جوي: شنو تقصدين؟!
كيرا: دام بظل تتصرف جذي ما بينا كلام.
توها بتمشي لكنه وقفها: لحظة آسف، بس لا تعصبيين.
طالعته تنتظره يتكلم.
جوي: كل اللي بالسالفة إني أحبش ومتعلق فيش وماودي اخسرش..صدقيني كيرا مكانش بقلبي قبل عيني (سكت شوي) لا تظلين ساكتة، قولي أي شي.
طالعته: جوي قول الصدق، انت تحبني لأني أني أو لأن أبوي الملك؟!
جوي منصدم لسؤالها هو صدق معجب فيها لكنه همه الأكبر إنها بت الملك، بس مايقدر يقول لها هذا الشي: لا لامو جذي، مايهمني من يكون أبوش أني أحبش انتين بشخصيتش.
ابتسمت: كلامك ما يختلف عن ميت واحد حاولوا يتقربون لي مثلك..هذا مايهمني الحين بس اللي امبي أقوله لك إنك إنسان حلو ووسيم وكلامك عسل بس المسافة بيني وبينك بعيده وأفكارك مختلفة عني وأشياء وايد مختلفة ومافي شي بيربطنا ببعض.
نزل راسه وما قال ولا كلمه.
كيرا: آسفة جوي في ألف بت غيري تتمناك (طالعت هانتر اللي كان يطالعها وتقول بقلبها: انحجزت لواحد حباني لشخصيتي مو لأني بت الملك والحين كل حبي له ومحد راح يفرقنا) آسفة كان بإمكاني احبك لكن تصرفاتك هي اللي بعدتك عني، إذا بغيت تلقى الحب لا تبتديه بعصبية وتجبر الواحد يحبك بدها بكلمة حلوه عشان تكون نهايتها أحلى ..صدقني جوي لا تبعد كل اللي حواليك بتصرفاتك العصبية ترى بعدها بظل وحيد، وأني متأكدة بتلقى لك بت تستاهلك أحسن مني بوايد وبتحبك من كل قلبها.. حسن معاملتك مع غيرك عشان غيرك يعاملونك بأحسن.
آخر كلمة قالتها بعدها مشت و هو ظل واقف مكانه يطالعها ويشوف هانتر رايح لها يكلمها وعينه عليه.
كلامها للحين راسخ بذهنه كأنها للحين واقفة تكلمه، يحسه سهم مسموم رموه بقلبه وتحطم.
بعد ما سمع هانتر كلامها استانس لأنها متمسكة فيه وقدرت تبعد جوي عنها بالرغم إن المسافة كانت قريبة بينهم، رد معاها للصف وهي خبرت أليسا وسوسن باللي صار.
أما جوي ظل يفكر بكلامها و محتار إذا ياخذ بنصيحتها أو يظل يضايقها؟
بعد كمن يوم
تغير جوي وايد والكل لاحظ هذا التغير ماعاد جوي اللي وده يسبب المشاكل أو يتقرب لكيرا، ماعاد مهتم للي يصير حواليه حتى اعز أصدقائه كايبا تغيرت معاملته معاه، كايبا حاول يكلمه لكن لا مجيب لمن تنادي، ومالقى حل غير يكلم كيرا أكيد بيسمعها، راح لها بالكافيتيريا وكان معاها أليسا وهانتر وبليك فالبداية تردد عقب اللي صار بينه وبين أليسا ماعاد يتقرب منها من ذاك اليوم، لكنه الحين مُطر.
كايبا : ممممرحبا.
من شافوه عرفوا أكيد بسوي مشكلة.
بليك شوي وبعصب عليه: نعم، في أي خدمة؟
طالعاه كايبا وشاف بعيونه شرار يتطاير، خاف وتوتر: ادري إنكم تكرهوني وماتبون تشوفون رقعة وجهي ..لكني.. امبي منكم خدمة؟
هانتر: بعد كل اللي سويته جاي وتبي مساعدتنا.
كايبا خجل ويى بروح لكن..
أليسا: لحظة (طالعها) شنو تبي؟
كايبا استانس لسؤالها لكن كيرا وهانتر وبليك انصدموا، وبليك صاداه شعور غريب لما سألته وظل يطالعها.
كايبا: بعد كل اللي سويته فيش تبين تعرفين؟
أليسا ماعرفت بشنو ترد عليه هي أصلا ماتدري ليش سألته.
كيرا: بتقول أو شلون.
كايبا: الصراحة أنا ..طالبنش انتين ( كلهم تفاجئوا) من يوم كلمتين جوي وهو متغير واجد ماعاد مثل قبل، كلمته أكثر من مره لكنه ما يسمع كلامي فقلت أكلمش وإذا ..ماعندش مانع تكلمينه أكيد بيسمعش.
هانتر استحمق لتصرفه هو يعرف مافي شي بين كيرا وجوي ويمكن هاي وحده من خدعة عشان يتقرب منها: أكيد عندها مانع روح وقول لرفيقك تمثيله مايمشي علينا.
كايبا بغى يرد عليه لكن معاه الحق: آسف على الإزعاج.
كيرا تذكرت كلامها لجوي (من آخر مرة كلمته تغير كأنه تأثر بكلامي ..كلام كايبا صح جوي وايد تغير).
هانتر لاحظ نظرها على جوي اللي قاعد بمكان بعيد عنهم وبدأ حقده يكبر أكثر من قبل عليه وزاد لما شاف كيرا بتروح تكلمه: وين رايحه؟..لاتقولين بتروحين له؟
كيرا لاحظت الغضب على ويه، هي تعرف شكثر هانتر يكره جوي بسبب كل اللي سواه لها: هانتر افهمني، أني السبب باللي هو فيه.
هانتر: هو قاعد يمثل عليش وانتين تصدقينه.
كيرا: ماظنه يمثل هانتر انت بنفسك قلت لي أمس انه تغير.
هانتر: إي قلت، لكن انتين مالش دخل تكلمينه.
كيرا: شلون مالي دخل وأني السبب.
التقت عينهم ببعض.
كيرا حست بغضب هانتر أما هو شاف شي غريب مايعرف شلون يوصفه، كل اللي قالاه: انتين حرة برايش.
على طول قام وماهتم بكيرا اللي تناديه وبليك قام وراه، احتارت كيرا شنو تسوي تروح تكلم جوي؟ أو تروح لهانتر تهدئه؟.. لكن صوت الجرس منعها من الاثنين.
بالصف هانتر وبليك يتجنبون يطالعون كيرا وأليسا.
البروفيسور: اعتقد إنكم مستعدين تقدمون الاختبار المتعلق بدرس أمس، بشوف مين كان مركز معاي ومين كان نايم.
وزع البروفيسور الأوراق و بعد ماكملت الفترة المحددة للامتحان، كيرا، أليسا، هانتر، بليك وجوي ما جاوبوا على الأسئلة.
البروفيسور: نزلوا الأقلام كمل الوقت، قلبوا الأوراق وأنا بمر آخذها ومامبي اسمع أي صوت.
بعد ما أخذ البروفيسور الأوراق ماحط باله إن في بعض الطلبة ماجاوبوا على الأسئلة، وبدأ يشرح درس جديد.
بنهاية الدوام، حاولت كيرا تكلم هانتر.
كيرا: هانتر ..هانتر أوقف (يودت يده ووقفت قباله) شنو فيك؟ ليش تتصرف معاي جذي؟
هانتر باعد يد كيرا عن يده: مافيني شي.
كيرا: بلى فيك، هانتر إذا كان عن جوي تـــ..
قاطعها: كيرا مافيني شي.
على طول مشى وخل كيرا واقفة مكانها محتارة شنو فيه.
بذاك الوقت حاولت أليسا تكلم بليك.
بليك: أليس قلت لش مافيني شي.
أليسا: بليك لا تجذب علي أنت فيك شي وباين من ويهك، بليك خبرني أرجوك إذا ماقلت لي بتقول لمنو!..مو اتفقنا تعتبرني أختك، نسيت.
بليك: لا ما نسيت، بس..
ماعرف شنو يقول.
أليسا: بس شنو؟؟
بليك: إنسي السالفة.
أليسا: تباني أنسى شي وأني مادري شنو هو؟ بليك قول لي أرجوك.
سكت شوي: كل اللي بالسالفة إني تضايقت لما سألتين كايبا عن طلبه.
ارتاحت نفسية أليسا وابتسمت: بس هذا، بليك أنت تعرفني زين مابيني وبينه أي شي ..بس فضولي هو خلاني أسأله، لو دريت إن السالفة بضايقك ماتكلمت.
ابتسم: بس جذي..آسف حبيبتي.
أليسا: اهمشي ما صار شي واكتشفت فيك شي يديد.
استغرب: شنو؟
أليسا: تغار علي.
بليك حط يده على خدها: أغار عليش حتى من نسمة الهوا.
ابتسمت له وحبته بعدها رد كل واحد لبيته مستانس ومرتاح على عكس هانتر وكيرا.
طول الطريق وفكر كيرا بهانتر ليش تصرف معاها جذي ولما وصلت لقصرها وهي رايحه لدارها استقبلها أخوها.
كورابيكا: هلا sis، أقول شفتينها؟
كيرا مالها مزاج شي لكنها ماحبت تبين لاخوها صاير لها شي: لا، عن إذنك.
استغرب: فيش شي؟
كيرا: لا ولا شي.
دخلت لدارها وحطت جاكيتها على الكرسي وفصخت القميص بعدها دخلت للحمام شغلت الماي وظلت تطالع ويها بالمنظرة: شنو سويت له عشان يسوي فيني جذي؟
نزلت دمعه من عينها، هانتر بالنسبة لها أكثر من كونه حبيب هو الوحيد اللي تمكن يكسب قلب كيرا لشخصيتها، من أول ماطاحت عينها بعينه تحس العالم مو شايلنها ومن تشوفه تتمنى تظل معاه طول الوقت، مو سهلة عليها الحين تكون السبب ببعده عنها، غسلت ويها بالماي بعدها غيرت ثيابها.
دخلت عليها أمها.
الوالدة: يلى حبيبتي جهزوا الغذا.
كيرا: مامبي شي يما حدي تعبانه.
شكت أمها فيها: خير كيرا، شنو فيش؟
ابتسمت: ولاشي لاتشغلين بالش، امبي ارتاح شوي.
الوالدة: على راحتش حبيبتي، إذا بغيتين عقب خبري الخدامة.
كيرا: Ok.
بعد ماطلعت أمها قفلت الباب و انبطحت على السرير تفكر وألف فكرة يت ببالها لكن اللي أزعجها وضايقها إن هانتر مايرد عليها، ظلت تصيح من كل قلبها.
بعد الغذا كورابيكا شك في أخته فراح لها دارها لكنه استغرب لما لقاه مقفول مو من عادتها تقفله، طق الباب وهي فتحته وعطته ظهرها تمسح دموعها.
كورابيكا: ليش قافلة الباب؟
كيرا تحاول تسوي روحها طبيعية: كنت أبدل ثيابي.
تقرب منها وطالع ويها يحسه شاحب وتحاول تخفي شي ورا ابتسامتها، لكن كورابيكا يعرف أخته زين: كيرا شنو فيش؟
كيرا : لا مافيني شي بس شوي تعبانه.
راحت قعدت على الكرسي وهو مستغرب منها، تقدم لها وقعد يمها ولاحظ عيونها: كيرا ليش تصيحين ؟..صاير لش شي بالمدرسة؟
كيرا ماتعرف تجذب على أخوها لكن حاولت ماتبين له شي: ها ..لا مو صاير شي.
كورابيكا: كيرا تكلمي.
هاي المرة ماقدرت تقاوم ظلت تصيح وأخوها حضنها يهدئها، عقب ما هدأت خبرته باللي صار ويت بباله ألف فكرة لتصرف هانتر مع أخته جذي.
كيرا: كل اللي بغيته اكلم جوي لكن..أظن هانتر فهم السالفة غلط جذي زعل مني.
كورابيكا: يمكن يكون كلامه صح، جوي يمثل عليش.
كيرا: لا ماظنه يمثل، انت لو تشوفه بنفسك ما بتقول يمثل.. جوي تغير وايد حتى إن درجاته نزلت بهاي الفترة.
استغرب: درجاته! شنو عرفش فيها؟
كيرا: الأستاذ، دايما من تنزل درجاتنه ينبهونا وكل أستاذ قال له نفس الكلام.
فكر كورابيكا بكلامها: شرايش اكلم هانتر وأتفاهم معاه.
كيرا: لا كورا أرجوك لاتكلمه مامبيه يعرف إني خبرتك.. بكره بكلمه وأتفاهم معاه.
كورابيكا فهم موقف أخته وما بغى يضغط عليها وايد: ok، لكن إذا مامشت الأمور ok بكلمه.
كيرا: مو مشكلة.
بهاي الوقت هانتر قاعد بداره يفكر باللي صار بينه وبين كيرا وشلون عاملها، ماعرف إذا كان صح أو غلط .
(بشنو قاعد تفكر هانتر ..كيرا مستحيل تسويها ..اعترفت لي ألف مرة إنها تحبني، ليش بتخوني؟)
كل اللي طرى على باله الخيانة، هو خايف كيرا تخونه مع جوي لكنه يعرف إنها تكره ليش بتحبه، بقى يفكر بكل الاحتمالات وكل مرة يجي بباله الخيانة، لكن حبه لكيرا يخليه يعيد يفكر من يد ويديد، ما وصل لقرار غير انه يكلمها بكرة أحسن من يظلمها.
يى اليوم الثاني ببطء كأنه سنة كاملة بالنسبة لكيرا وهانتر، التقوا ثنينهم بالمدرسة عند خزانات الكتب وزادت دقات قلبهم لما شافوا بعض، ظلوا صامتين لفترة.
هانتر: صباح الخير.
كيرا: صباح النور.
هانتر: شخبارش؟
كيرا: تمام، وأنت؟
هانتر: تمام..كيرا ممكن أكلمش؟
كيرا: تفضل.
سكت شوي: كيرا أنا آسف على اللي بدر مني أمس.
كيرا: أني اللي لازم اعتذر مو انت ها..
قاطعها: لا كيرا، لاتعتذرين ولاشي ..أنا ماحترمت رغبتش و..شكيت إن بينش وبينه علاقة..ظليت أمس مضايق لهذي السالفة لكني بعد مافكرت عدل لقيت إنش مو من نوع البنات اللي يخونون، ارجوش سامحيني.
انصدمت من كلامه عمرها مافكرت تخون احد فشلون بتفكر تخون الشخص اللي حبته من كل قلبها: خيانة!.. هانتر شنو قاعد تقول؟ طول عمري تمنيت شخص يحبني لشخصيتي ليما انت ييت ودخلت قلبي، ليش تظن إني بضيع هاي الفرصة وبخونك؟
هانتر لام نفسه لكل شكوكه: كيرا صدقيني أنا آسف.
نزلت راسها تفكر بعدها طالعته: فكرت بكل هذا بس لأني بغيت اكلم جوي!؟
ماعرف شنو يرد عليها، مايقدر يلومها إذا غضبت منه.
سكتت شوي: خلاص.
هانتر مافهم شنو قصدها.
كيرا: دام انك تظن إن بيني وبين جوي شي بريحك.. مافي أي شي يربطنا ببعض.. وإذا السالفة عليه أنساها وأنسى كل اللي قلته لك.
هانتر: كيرا ارجوش لا تكملين، صدقيني أنا آسف من كل قلبي على كل اللي فكرته فيش، لكن ارجوش مابسامح نفسي إذا ماسامحتيني.
سكتت كيرا وبهاي الوقت رن الجرس طالعته بعيونه بعدها مشت بدون ما تلتفت له.
أما هانتر حده تحطم ولعن الساعة اللي صار جوي معاهم بالمدرسة، بسبته كل هالبلاوي صارت والحين كيرا ماراح تكلمه.
كيرا وهانتر معقولة كملت رحلة حبهم مع بعض عشان جوي، شنو بسوي هانتر؟ وكيرا شنو ردها؟ وجوي إذا عرف بانفصالهم بيعود يتعلق بكيرا مرة ثانية؟
رحلة حب بدؤوها بسبب جوي وراح تنتهي بسبب جوي، لكن بهاي السهولة بيتخلون عن بعض؟

يعطيكٍ رَبي آلفُ عافيه
قصه رائعه يسلموو

والى الامااااام دومااا

__________________


احببك لو تكون فاايز
احببببك لووووو تكون خاااااسر

ومهما يظلمك ظاااااااالم

راااح ابقى هلالييه واتفااخرر

شكرآ على القصه رائعه

شكرآ على القصه

اشكركم جميعا على الرد