|
| |||||||
| نكت و ضحك و خنبقة القسم لا يهتم بشيء سوى الفكاهة والضحكة البريئة والمواقف الساخرة والمقالب بين الأعضاء |
 |
| | LinkBack | أدوات الموضوع | انواع عرض الموضوع |
|
#1
01-07-2011, 09:55 PM
| ||
| | ||
 مذكرات طالبة ^__^ ماكنت اصدق يوم بإني اصير دكتوورة كنت احسب نفسي بصير عااطلة كنت اكثر البنات استهبالا وعربجة بالفصل كنت بس استهبل واحش في الرايح والجاي اذكر لكم موقف كنت احش بأبلة الدين ..واكمل حش ووناسة والبنات يغمزولي ماادري على ايش الغمز ماان الف مقفاي والاقي الموجهة تطالعلي مشت شوي ثم قالت : وش تنطرين؟ دعوة كارت؟ قومي للادارة من هني تسلل الخوف لي وش اسوي داخل الغرفة المرعبة وصحباتي جالسين يبلعون ريقهم !!!! دخلت الغرفة الكئيبة وفتحوا معاي تحقيق كانوا يستدعون المعلمة تجي بس الحمدلله انها غايبة وقالولي لا تعيدينها من هنا تحطمت بكبري صرت سلبية تماما مثلي مثل الجدار >__< كنت كذا اعاصر المووووت مااقدر اتكلم الا وانا خايفه وماعد صرت احش والتزم حدودي وكل البنات يجوني حشي في ذي حشي في ذي مااقدر خلااااااص فلانة رااحت المووهيم هذا يومها كنت في المتوسطة ** كبرت وصرت في الثانوية ** كانت مرحلة صعبة بصراحه كنت في ثانية محتارة وش ادخل علمي ولا ادبي كنت كل مااروح مكان اقطع اي شي ادبي علمي ادبي علمي لين ما التجأت لله وخيرلي أدبي مع ان ذاكرتي ماتحفظ بسهوله فخشيت العلمي وياويلي ويلااااه بنات مايعاملوك زي خلق الله مافي تفاهم بس صراخ تقولون شايفين جني قدامهم فكانت كل دقيقة تخشلنا ابلة بعدين نهاية السنة قررت اغير لان بصراحة الحال لا يُحتمل كنت ابي ضجة بس مو لهالدرجة وبالقوة خشيت ادبي دخلت ادبي فصل سلبى بصراحه لاتاخذ منه لا حق ولا باطل مافي شي اشتقت للعلمى اللى مايجبلك النوم يا الله شكثر ذاك الفصل اكرهه والحين اتمناااه افففف المهم كانت ايام الادبي ايام ماتنطاق طفش وكآبة والحصص قليلة كملتها سنة بعد وتخرّجت بمعدل ممتاز 97.60 كويس مافيه شي بينما لما كنت بالعلمي ماكنت اقدر اسوي فيه شي ماتقدر تحضر او تحفظ فيه كله ازعاج وصلت الجامعة اول يوم بحياتي اخش مجمع كبير الاقي بنات كبار صغار اشكال وانواع بصراحة يطالعوني باستغراب طنشتهم ولا همني شي لين مادخلت قاعتى ياطلعت ذيك الريحه اللي صمختنى قمامة على جنب يقولون ان لها من السنة اللـــى فاتت قلتلهم وين الخادمات؟ او البنات ماينظفون شالحكايه؟ قالولي مافي خادمات والبنات ماينظفون غير المديرة تجي بنفسها بدال الدكاترة وتنظف وتركت الجامعة سنتين استغربت المووهيم خشيت القاعه كانت حلوة مافيها شي >>>طبعا قاعة غييير ماكان في مواقف حلوه اذكرها كلها شقاء وتعب منها هذي :: الدكتورة : يا جوهر شو بتعملي ازا جاكِ رجال وآل لِك بدي بوسي[بوسة] شو بتعمليلو؟؟ طبعا البنت كانت من الاهل الفري ولاني بعلم نفس مدري اجتماع مدري دفاع قالت : بقوله عادي اعطيني مافيها شي الدكتور انفجعت فقوّمت غيرها وكانت البنت عربجية ااااخر درجه قالت : ابكسه والعن ابو والدينه واجي بسيارتي وادعسه[[[[*هذا اذاعندها سيارة*)))) واوديه القاضي والمحكمة ضحكت القاعة كلها وبعدين قلنا : دام روحه طلعت وشلون بيبرر فعلته؟؟ والباقي كااان كله في الادارات ماكنت احش بس من لقافتي اخش مع الناس ويحطوني معهم بعدين طلعت من القسم حقي وقلت اخش الطب كلهم يمدحونه وبطلوع الروح خشيته كان قلبي بس يغمى عليه ولا يبكى لانى اشوفهم يسوون عمليات وقطع شرايين تعلمت منهم القلوب القاسية لين ماصرت دكتووورة ماكنت اتووقع اني اكوون دكتورة او ممرضة او اشتغل بمستشفى شي صاحي انا مرررة فاشلة مافلحت بدراستي واخرتها اكون في مستشفى عاااالية المستوى وانا مشهورة دكتورة !!! لا والله شي مستحييييييييل بما اني ذكرت اللي مريت فيه بقولكم مواقف :::: يوم كنت في الابتدائى كان في بخل بخل شديد وكنت احسبه حرص و زي كذا المهم كانت في وحده جنبي ماعندها مرسام ولا براية ولا مساحة بالاخرى نسيت مقلميتها فتقدمت للابلة وصحباتي كلهم كريمات المهم جات الابلة وقالتلي : عطيها مرسام انتي ماشاء الله عندك كثير انا من النوع اللي مااستحي .. وقلتلها ببجاحه : انا وشلي صلاح فيها؟؟ تدبرلها من اي وحدة وماشاء الله مالقيتوا غيري يعطيها؟ وناظرتها من فوق لتحت وحطيت مقلميتي بحضني >>اولى ابتدائي<< يعني ياسراقة لا تسرقينها تراني عارفة حركات الحرامية المهم هي لقيتلها كل شي تحتاجه انا ما اعطيتها وجه واليوم الثاني جابت معاها اغراض احلى من اغراضي قامت مدت لسانها لي وصارت تحط مقلمتها عندي بدون قصد>>قلك بدون قصد سكتت كذا .. كانت مقلميتها باربي ومدري ايش من هالخرابيط يعني بنوتية وانا حقتي عادية مافيها اي رسم ناعم كلها قماش مقطع وبس قلتلها : يعني شايفة مقلميتك حلوه يعني يالخكريه؟ والله صح ناس ماتفلح غير للخكرنة وسكتت وبعدت عنها اليوم الثالث جات والمقلمية مو مقلمية تقولين دباب واشكال ولادية قلتلها : طيري ياعربجية بعدين راحت وجات صحبتي وقالت :" يابنت استحي على وجهك البنت كل يوم طايرة بمقلمية الحين ماتدري وش تجيب ياشي ناعم ياعربجي يمكن تجيب سادة واذا ماجابت سادة بتشيل كل حاجاتها بيدها " """""""""""""""""""""""""""""""""""":::: هذي مذكراتي اتمنى انها عجبتكم تحيات الدكتور : جوهر
__________________ مودا . . ~ * :glb: اللي تعرف عن الاي باد 2 اي شيء .. ترسلي رسالة خااصة ،^.^" ايش هو الايتونز؟؟ الثري جي ؟؟ ~ ضــ****ـروي ~  |
|
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| قصيدة طالبة في المدرسة | ذوقي نا ر | نكت و ضحك و خنبقة | 11 | 12-21-2009 09:01 AM |
| قصيدة طالبة ملت من المدرسة | ღ« يكفي عتب « ღ | نكت و ضحك و خنبقة | 9 | 01-27-2009 03:46 PM |
| رسالة الى طالبة .............. | فلسطينية حرة | أرشيف المواضيع الغير مكتمله او المكرره او المنقوله و المخالفه | 4 | 09-17-2007 05:43 PM |
| طالبة عمرها95 عاما........!!!!!!!!!!!!! | ام محسن | أرشيف المواضيع الغير مكتمله او المكرره او المنقوله و المخالفه | 11 | 06-07-2007 06:46 PM |
العرض العادي
