ههههههههههههههههههههههـ مشكور ...
أمَ أباء هالأيام <~ الي يشوفك يقول عجوزهـ

يهاوشون قدآمك ويمدحونك من ورآك .. <~ أعجب الآمور تحدُث <~ اللهـ يا الٌلغة العربيهـ

يلآ بآيـ

STORY 24
(( تحت المطر ))
مفروض هالحلقه ... يطرحها الاخ اللطيف ايتاشي .. وعلى قولته يجيب الله المطر.. في هذه الاجوا الجميله الماطرة ... وقفت انا على دريشتي .. وطبعا الحديقه اللي ورا
بيتنا كانها ميدان التحرير في اللي مصر - تحياتي مصر واهلها - ومن ينزل مطر .. تشوف انواع المظاهر الاحتفالية ... عيال يلعبون كورة .. وناس تتمشى وسيارات
المنظر جميل جدا ولا يوصف .. قررت انزل تحت والقي نظر عن كثب << اتعب على عن كثب ذي بقوووووووووووه .. واتفرج على الناس من قريب .. بس ان شاء
الله مااحصل جارا هناك ولا بنجلط ....انا حالف عليه انا -_- !!
انزل تحت .. والقى الاستاذ راغب علا مـ .. اقصد ساسوري .. صايبته حاله هيستيرية .. وجالس يدور يدور .. ويركض جالس في المطر .. وعاد المنظر الجمالي في الموضوع
قطرات الندى على شعره الاحمر << خليه يطير بس

انا ( متسند على الجدار واطالع ساسوري ) : ساسوري هههههههههههههههههههه .. وش عندك قاعد تسوي فيديو كليب ها ؟؟؟
ساسوري ( يدور قاعد ) : والله ماتعرف قيمه الاجواء الروحانيه هذي << تذكرت جارا يوم يوقف بنص الشارع
انا : ههههههههههههههههههههههههه لا لا انا متصل على المصحه باذن الله
ساسوري : قولهم ابي جناح ملكي الله يعافيك ههههههههههه
انا : والله انك انسان ملتمسه افياشه ( واشم ريحه شوي ) .. ساسوري .. ماتشم ريحه ااكل ؟؟
ساسوري ( مغمض عيونه ومنسدح ) : بلى هذا ايتاشي .. جالس يشوي في بيتهم .. توني مريت من عنده وكلت
انا : -_- ياليل !! بروح اشوفه .. وانت قوم من على الارض لتجي سيارة تصدمك الحين

واروح لاتوشا .. جالس يشوي في الحوش تحت المظله .. والله بياخذ ذنب كل الناس الجوعانه في الحار من كثر الريحه -_- !!

اتوش : اهلا ديدي .. اقلط حياك .. شفت من دعواتي الله جاب المطر
انا : الله ياخذ عدوك حتى بهذي بتمن .. رحمه الله واسعه ( واطل بالشوي ) اي اي خيسنا بهالجو الحلو .. نبي نستمع بالمطر وانت ريحه بصل واكل
اتوش : بطل اسطوانه العيارة .. وخلصني ؟ تبي سيخ ولا ماتبي
انا : ايه ابي
اتوش : اجل اسكت ولا تكثر كلام .. يعايب يعايب ويقول ابي
انا : صاحبك انا ^^ وتعرفني
اتوشي : يجيب الله المطر .. تفضل
انا ( وانا اكل ) : الا وين اخوك اللطيف اللي اسمه ساسكي
اتوشي : جالس يسمع درس جوا .. كم بنينا وكم حششنا .. ازعجنا من الصبح وهو يحفظ بهالدرس
انا : على مين بيكون طالع يعني مو عليك يااستاذ ؟
اتوشي : بسم الله علي -_- !!
انا ( اسمع صوت كورة برا ) : اوه .. هذا اكيد كونوهامارو وايناري برا بروح العب وياهم
اتوشي : روح بس لاتكسر الشجره اللي قدام بيتنا والله ابوي يسويك باربكيو
انا : ان شاء الله هههههههههههههههههههههههه ^^
طلعت برا .. وشفت العيال يلعبون - كونوهامارو وايناري - ..طبعا هالعيال انا مااطيقهم بس بما ان اللي حولي مجانين .. فاتوقع انهم احسن ناس مبسوطه بهالجو المطري
الجميل
انا ( اناديهم ) : ياولد انت وياه
كونوهامارو ( ياشر لي من بعيد ) : تعال تعال خلينا نمسخرك
ايناري : شكله مايعرف يلعب خلينا نستغله ..
انا( واجي اركض ) : والله اهلكم ماعرفو يربونكم ياللي ماتستحون
كونوهامارو وايناري ( يتراكضون في الساحه ) : بسرعه بسرعه لايمسكنا

ومايحتاج وماله داعي الفضايح .. لازم اقول يعني ؟... شكواي لله ... بقول ... سار لي ساعه ادور وراهم ومامسكتهم ولا قدرت امسك الكورة حقتهم .... ليه المكابر
انا مااحب الكورة ولا اعرف العبها ..اصلا الكورة للبزارين << واللي مايطول العنب حامض عنه يقول هههههههههههههههههههههههههه

توبي ( يجينا من بعيد يركض ) : ديداااااااااااااااااااااااااااااااااااااااارا
انا : وليييييييييييه وش المصيبه اللي مهببها ياتوبي
كونوهامارو وايناري ( منخشين وراي )
انا : وش مسوين انتو
ايناري : احنا كسرنا لمبه بيت توبي .. الله يخليك لاتخليه يطقنا
كونوهامارو : دافع عنا ومابنقول اننا هزمناك
انا : ادري انكم كذابين بس يللا
توبي (يلهث ) : زين لقيتك ... هـ هـ
انا : وش فيك جاي كان زوجتك بتولد ؟؟ خير
توبي :يعني زوجتي بتولد انت شدخلك اجيك .. الموضوع اهم
انا : قول -_- نشفت ريقي
توبي : لو كان امس بكره كان اليوم السبت باي يوم انقال هالكلام ؟ ^^
انا : 0_0
كونوهامارو : وش قاعد يقول هذا ياايناري
ايناري : ديدي وش قال يقول هذا ؟؟
انا : والله انا ماادري وش قاعد اسمع
توبي: ^^ لو فيك خير تحلها
كونوهامارو وايناري ( اعتفست امخاخهم )
انا : انا كل الخير فيني لو مااقوم اسدحك بالشارع الحين واعطيك كف .. جاييني من بعيد وتصارخ واخرتها ماادري وش تقول ؟
توبي : توبي وش بيكون عنده يعني سالفه ؟
انا : اي والله انك صادق .. حقك علي -_-
توبي : اذا لقيت الاجابه .. لك عشا مجاني .. وانتو ياكتاكيت لكم عسا يللا باي ( وراح يركض )
ايناري : 0_0
كونوهامارو : يالغبي ياايناري .. ايام الاسبوع 7 ... نعددها كلها له واكيد واحد منهم صح
ايناري : اي والله 0_0 ( وراحو وراه يركضون ) عمو تووووووووووووووبي .. عمو توبي استنى

الله يالدنيا ... من متى سار هالخبل عمو توبي ... -_- !! .. على فكرة ترى الاجابه هو يوم الاثنين .. وعلى العموم العيال تفكيرهم مره منطقي

وانا اكمل تمشي بالحارة .. شفت كوراناي .. جالسة على الرصيف .. - يان هالانسان تجنني تهبل .. احم احم .. المهم .. واروح اجلس جنبها

انا ( جلست جنب كوراناي ) : ها ياكوكو ... شكلك مبسوطه بالجو << كوكو دلع كونان والله لو تدري اني سرقته بتقص لساني ^^
كوراناي : ايه والله .. الواحد يحب يكون مع نفسه في هالوقت
انا : اها ؟؟ يعني نقوم ^^ ؟
كوراناي : لالا بالعكس .. خليك انت جلستك تونس
انا : ياحلاتك والله ... الا قولي لي ( واهز كتفها ) .. اخبارك مع اسوما .. انا ماادري شلون تصبرين على هالشايب
كوراناي : ههههههههههه احنا بتزوج قريب ان شاء الله
انا : ماشاء الله .. والله لو يسمع ساسوري تجيه جلطه .. هههههههههههه الف مبروك ومنك العيال ومنه المال عاد انا معزوم مايحتاج << اكره الثقه الزايده
كوراناي : انتو ومن غير عزيمه .. حياكم ... وعقبال مانفرح فيك ياديدي
انا : لا انا قررت اجلس عند امي هههههههههههههه يعني عانس مقدما ^^
كوراناي : ههههههههههه ليه شدعوه ؟
انا : يابنت الحلال بس .. وش ابي بالعرس ووجع الراس .. وعلشان اكون صريح .. من هذي اللي بتقبل فيني ؟؟ انسان زيي ؟ ماعنده ماعند جدتي .. ومايقدر يكون مسؤول
كوراناي : اها ... اوكي طيب .. عرفني عن نفسك كذا
انا : طيب .. انا اسمي ديدارا .. عمري 22 سنه .. اعمل في منظمه خاصه << مالت على هالمنظمه ... شكلي مو ذاك الزود .. صدق شحات بس مستوره الحمدلله
كوراناي ( حطت يدها على كتفي ) : شفت هالمواصفات النص كم اللي تقول عنها ..اكيد بتلقى بنت في هالدنيا تتمنى لو نصها .لان صاحبها انسان مايتعوض ^^
انا :كوراناي انتي ماخذه فيني مقلب
كوراناي : ولا مقلب ولا هم يحزنون .. طاوعني .. وخلي عنك هالكلام اللي مامنه فايده .. واقتنع .. بانك بتلقى البنت اللي بتبيع الدنيا كلها علشان تكون وياك كيف ماكنت
بس المهم .. انت ماتتسرع .. ولا تحكم على احد من غير ماتتاكد .. علشان ماتندم بعدين ^^
انا : والله ماادري شقولك .. شكرا على هالكلام الحلو .. رفعتي معنوياتي
كوراناي( وهي قايمه ) : يللا قوم .. سمعت ان ناروتو وشلته بيسون رقص استعراضي في الساحه اللي ورا الحي .. تعال نشوفهم ونضحك عليهم
انا: 0_0 وش عنده مايكل جاكسن ؟؟؟
كوراناي : الله اعلم .. هههههههههههههههههههههههه يللا قوم وياي

قمت معاها .. ورحنا شفنا الفطاحل .. طبعا ايتاشي يوزع مشاوي على الموجودين في الساحه << على انه غبي بس عنده مخ تجاري هالانسان
وقضينا وقت حلو ^^

**************
نلقاكم في الحلقه القادمه ان شاءالله
akatsuki boy