STORY3
(( اكره المدرسة !!))
((المدرسة ... هي بيتنا الثاني .. فيه ننمو .. وفيه تبدى اول خطانا الى الحياة الخارجيه .. لا تعلم مالشعور الذي يراودك عندما ترى تلك البراعم الصغيره تتطاير في كل
مكان .. وتملى بسامتها المكان ))

طيب انا وش علي ؟؟؟ ..خلينا من هالكلام الفاضي والخرابيط .. بلا براعم بلا نيله الا جنانوه قرود .. يتطايرون ويخربون الدنيا
وانا صادق .. مع تحيات ديدارا ... احم احم .. قادتني رجولي في يوم من الايام .. اروح لمدرسه الابتدائي وجذبني منظر الاطفال اللي من زود برائتهم قاعدين ياكلون
الزرع .. ويسكرون الخشب ... ويتهاوشون .. ياحسافه على ايام قبل والله .. اول تشوف الطفل البريء اللي يتميلح ويحاول يجذبك علشان تحبه الحين لو تمر على
واحد وتطالعه يقولك : وخر لافقع وجهك !!! ولا ااذا كانت بنت تقول : ويه قطيعه ماادري وش يبي .. 0_0

المهم انا جلست برا حلبه المصارعه - ساحه المدرسه- اتفرج طبعا فاضي ماعندي شي .. ولا احد يمسك كتفي .. هيدين


هيدين : وشو يابو الشباب حنيت لايام الطفوله
انا : الله لا يعيديها .. تعال شوف الزومبي اللي هنا مو صغار حشا والله
هيدين : عادي ياحبيبي ماشفت شي .. مايمديك على بنت اختي ام 5 سنين اتهاوش معاها تتخصر وتقول لو مو عاجبك كلامي ... طلقني
انا : 0__0
هيدين : جد والله وش موقفك هنا بالحر
انا : الفضاوه وانا اخوك .. انت وش جابك
هيدين : يعني لو انت فاضي ؟؟ .... انا بيكون الشغل مقطعني ؟
انا : بوس شاورما مااتصل عليك اليوم ؟؟
هيدين: بوس شاورما مسافر طاجكستان
انا : ههههههههههههههههههههههههههههه وش موديه
هيدين : والله مااادري على زعيمنا شطحات .. عسى يجيه نمر ويعضه ويموت
انا : ادري ان النمر هو اللي بيتسمم بس يللا ماعليه .. امين
هيدين : بالله خلينا ندخل على المدرسه .. خاطري اتلقف
انا : تلا ياابن الحلال فكنا من شرك .. مالي خلق مشاكل .. اكلي لحوم البشر اللي هناك لايمكن السيطره عليهم
هيدين : تعال تعال بس لايكثر


ويسبحني هيدين من ايدي .. وندخل في خضم المعارك المقامه في ساحه المدرسه .. ماامدى هيدين يقول : ااااااااااااااااااا.. الا ونطو عليه مثل قطيع الذئاب الضاريه
وهو يصارخ : لحقي علي يماااااااااااااااااااااااااااااااا .... وانا اطالعه ونص الاولاد الثانين طالع من عيونهم شرار .. خفت انا وبغيت اتراجع واطلع .. لكن المتوحشين
سوو سور حول البوابه يعني .. (( لن تخرج حيا )) .. واسحب رجولي واركض باقوى ماعندي ... انحش ياولد .. وهم وراي جيوش .. اتوجه لغرفه الفراش


واطيح على ركبه واقوله وانا الهث : داخل عليك ياعمي تقولي .. عيال مدرستكم اشفيهم ملتمسه افياشهم ؟؟ يطالعني الفراش بنظره حزن وكئابه : والله ماادري شقولك
ياوليدي .. العيال ذولي مثل الثيران الهايجه .. لاحسيب ولا رقيب .. المدرسات جوا غرفه المدرسات يسولفون .. والمدير نايم في غرفته .. اطالعه بانفعال واقول : وانتا ؟؟
يرد علي : انا ياوليدي مسيكين لو لي بيت غير هالمدرسه كان هجيت - هربت من زمان -

واسمع هزه ارضيه مسوينها العيال وهي جايين وراي ركض .. اكمل ركض
وادخل في مباني المدرسه .. من سيب لي سيب ..المشكله اني اركض بلا هدف وماني شايف اللي وراي .. المهم اني حاس بخطر شديد وادخل على غرفه المدير والمفاجئه

ان القى المدير منسدح على الكنبه .. و وايتاشي جالس على مكتبه يلعب سوليتير 0_0
انا ( وانا شاد ملابس ايتاشي ) : انت ياوجه النحس وش تسوي هنا ؟؟
ايتاشي ( مشغول بلعب السولتيير وحاط ايده على خدود : مانبي بيتزا شكرا !!!
انا : بيتزا ؟ هــــــــــــــــــــــــــــــــــــــــــــي ... صحصح يارجال وطالعني وانا اكلمك
ايتاشي ( توه ينتبه اني موجود هنا ) : اوه .. هلا بالطيب .. هلا بديدي سار لنا فتره ماشفناك
انا حبيت ازور عمي المدير بالمدرسه وسبحان الله شفتك !!
انا : الحين الحق علي ودبرني .. هذولا المجانين يلاحقوني والله اني خايف
ايتاشي : بسيطه عندك الدولاب ادخل وانا اقول انك مش موجود .. ويجيب الله المطر
انا : تهقى - تظن ذلك - !!
ايتاشي : ايه ادخل سفط _ من تسفيط الملابس - نفسك وادخل الدولاب الحين

واروح بسرعه وادخل جوا الدولاب واسكر على نفسك وادعي بالفرج .. واسمع وصول الاطفال .. وطبببببببببببببببببببببب كان احدهم خلع الباب برجله
ترى مالذي سيحدث ؟ تابعو الجزء الثاني من حلقه (( المدرسه ))


akatsuki boy

شدعوه يالربع
ولا حتى طله بسيطه !!
يينعي وشو اشيل قشي واطلع ؟؟

ههههههه حشى هذولي ماهم بزارين شكلهم مصارعين شكرا اخوي لا تتاخر علينا القصة نااااااايس

__________________

ان شاء الله انزل الجزء الثاني من هالحلقه
والحلقه اللي وراها باتسر باذن الله

لحظات رعب وانا جوا الدولاب .... وانا متاكد مليون بالميه ان الاخ اللي برا _ ايتاشي _ خايف اكثر مني ويتنافض
واحد من البزران ماسك مسطرة : وين راح ؟؟
ايتاشي ( وهو واقف ويأشر بعيونه على الدولا ب >> نذل ) : هــ.. هـــ... ماادري
البرزان ( طبعا مو فاهمين شقصده بحركه عيونه ) : لاتكذب .. ترى الله بيقطك بالنار
ايتاشي ( وهو يحرك رقبته على وياشر للدولاب ) : وش ... وش رايكم ياشاطرين تطلعون تلعبون برا
العيال ( بصوت واحد ) : مانبــــــــــــــــــــــــــي !! مو شغلك
ايتاشي : خلاص خلاص بقولكم وين بس لاتقلبون الدنيا
انا : 0__0
قائد الاطفال : لحظه لحظه وش ضمني انك ماتكذب علينا .. ربطوه
انا ( بصوت واطي ) : احسن من حفر حفره لاخيه وقع فيها
وعاد ماامداني اتشمت فيه الا ولايرن جوالي ويفضحني .. جيت بسكره ولا اضغط بالغلط من الخوف على زر السبيكر
: وينك خليتني برووووووووووووووووووووووووووووووووووووووحي .. طقوني العيال طق وانت شردت ومابين الاغبارك
انا : هيدين يافضيحه
وطبعا انتو تعرفون وش سار بعدين !!


هيدين وبكل ثقه جالس يدق علي مرات عديدة عقب ماسكرت بوجهه طبعا تعرفون ليه !! ومسوي نفسه راعي حق لابعد الحدود وهو يقول : الحين هذا ليه ان شاءالله
مايرد علي ... انا اللي اكلمه يعني رصيدي اللي بيخلص .. ويحس فجئه ان في وراه اثنين ... ( طبعا مااحب يتلفت خايف شايف الظل طويل )
.... : انت ياولد وش تسوي هنا ؟؟
هيدين : اوووه جيرايا وتسونادي هنا ..
جيرايا ( يخبطه على راسه ) : اسمي عمي جيرايا ياولد
تسونادي : ولد الاكاتسوكي يعني وش تتوقع يكون مؤدب انت بعد ؟؟
جيرايا : اي بالله ذكرتيني .. مايجي من ورا اوروتشيمارو خير
هيدين : خويك هذا بوس شاورما وانت اخبر فيه بعد
جيرايا وتسونادي : 0_0 !!! وتنفجر من عندهم ضحكات مدوية
هيدين : ههههههههههههههههههههههههه بس مو تروحون تقولون له ترى يسلخني
جيرايا : الله يقلع عدوك .. والله انها مسكه ياشيخه - شي امسكه عليه - << طبعا ماانتبه لهيدين انه يقولون لاتقولون له
تسونادي : عاد لاتثق بجيرايا تراه مخرف يقط خيط وخيط
هيدين : الله يستر .. الا صحيح وش عندكم في روض تعليم البراعم .. ليكون بتدرسون هنا ؟؟
تسونادي : لا وش ندرس انت الثاني .. احنا سمعنا انو الاولاد فيهم هيستيريا .. فطلبت منا الاداراه نقشهم كلهم - نقشهم يعني ناخذهم - ونوديهم عندنا في الكونوها
هيدين : وش بتسوون فيهم بتحرقونهم يعني ؟؟
جيرايا ( بعد ماوقف من الضحك ) : لا لا ... بنستغل طاقاتهم المتفجره هذي وبنسويهم كلهم نينجا
هيدين : خلف الله على قريتكم اذا اصل النينجا اللي عندكم كلهم كذا -_- !!
تسونادي : لاتشك بقدراتنا يابابا ... انا مهجده كل اللي في القريه تبي شويه بزارين يخووفوني ... انا اضرب برجلي الارض يتنافضون كلهم >>> ياليل المهايط
هيدين : شفتي الحفره اللي انتي سويتيها ... هم يشيلونك كذا وياخذونك ويقطونك فيها
جيرايا : انت اذلف ياولد بوس شاورما هههههههههههههههههههههههههههههههههه مو عاجبينك حنا .. انت تعرف وش احنا
تسونادي : بوس شاورما حقك هذا ماقالك احنا مين !! انا وشجره الصنوبر اللي معي _ جيرايا من ضخامته _
هيدين : لا ماشاء الله مو مقصر ليل ونهار وهو يطريكم بالخير !! << وين خير كله يحش فيهم
جيرايا : الموهم .. يابوس شاورما انتا ههههههههههههههههههههه .. احنا رايحين توصي شي ؟؟
هيدين : ايه .. تكفون خذونوي وياكم .. 2 من اربعي محتجزين جوا ومااحبيت ادخل الا ومعي حمايه
تسونادي : ياكمخه _ ياغبي !! _
جيرايا : ووالله صدق طلع بوس شاورما ..هههههههههههههههههههههههه
هيدين : ايه ايه انا كمخه وغبي وكل شي بس بروح وياكم انزين ؟


غرفه مظلمه ... لالا هم مربطين عيوني بعصابه سودا .. وشالوها عني .. اشوف قدامي كومه بزراين قاعدين .. اح وش هذا .. ورابطيني انا وايتاشي .. اهزه وهو نايم
ايتاشي ايتاشي !! ..... ولا في اجابه الحمدلله .. على قولته يجيب الله المطر
قائد البزارين : انتم الحين في قضبتنا
انا : قبضتنا قبضتنا ياحبيبي
قائد البزارين ( منحرج ) : المهم .. احنا مستحيل نطلعكم من هالغرفه ابدا ابدا لو يجي سوبر مان لو يجي بابا <<< طبعا تعرفون اغلب الاطفال يعتبرون ابوهم اقوى رجال
بالعالم !!
اانا : حرام عليكم .. يعني وش تبونا تحبسونا هنا .. والله بنخيس بنسير مخلل
قائد البزارين : خلاص كسرت خاطري >> رقيق ماشاء الله
انا : لا والله ..... المهم ياشطار لو فكيتوني باعطيكم حلاو وبوديكم حديقه الحيوانات وش رايكم
البزراين ( بعيون بريئه ) : والله والله ؟
انا : ان شاء الله اوديكم حبايبي انتو
البزارين ( رجعو لعادتهم ) : لا والله تكذب علينا !! طلعه من هنا ماتطلع
انا : وليييييييييييييييييييييه .. طيب وش تبون مني الحين
البزارين ( قامو يطالعون بعض وواحد منهم طلع دفتر ورزه قدام وجهي ) : حل لنا الواجب كلنا وبنطلعك
انا : 0_0
4-2 =
3+5=
2X1=
كنت ابضحك بس مسكت نفسي لا اتكفخ
انا : والله صعب .. بس انا عندي لكم فكره
واحد من البزران : وشو
انا ( وانا التفت وراي ) : هذا اللي نايم ذكيييييييييييييييييييييي مره اخذ الاول في كل شي وبطل يعرف كل شي صحوه علشان يحل لكم الواجب وانا
خلوني اروح للاستاذ حقكم .. تراه صديقي اكيد شفتوني ذاك اليوم معاه في الحديقه << نصب X نصب
البزراين : رحت وياه الحديقه ؟؟
انا : اي اروح معاه الحديقه والسوق وذاك اليوم عطاني قلمه ..خلوني اروح اكلمه علشان مايعطيكم واجب كلش كلش
البزراين ( مع شهقه فرح ) : خلاص يللا روح بسرعه بسرعه
انا ( وانا التفت على ايتاشي وبنبره صوت واطيه ) : نشرب من كاسك ياصاحبي _ يعني زي ماسويت فيني اسوي فيك _
وفكو رباطي وانا امشي بشويش لين بعد انظارهم بشويش وعدت ادارجي للبيت طبعا وانخشيت عند امي
هيدين وتسونادي دخلو غرفه المدير وتسونادي طبعا غلى دمها يوم شافت المدير وسبحته معاها .. اما هيدين كمل لعبه سوليتير اللي بداها ايتاشي *__*
جيرايا عند غرفه المدرسات
وحده من المدرسات : والله دمك خفيف هههههههههههههههههههههههه
جيرايا ( جالس يتفوشر ) : انا ذاك اليوم ماخليت احد في القاعه عزمتهم كلهم على حسابي
وحده ثانيه : ياي مره كريم .. وقولي كم عمرك
جيرايا ( وبكل ثقه ) : 26 .... 0__0

تسونادي وهي تجر المدير اللي متخدر كليا ولا راضي وتفتح غرفه النشاطات _ الغرفه السريه اللي يستعملونها الاطفال علشان يعقدون اجتماعاتهم _
وشافت الفاجعه .... البزران صافين طابور .. وواحد ينظم الطابور .. وايتاشي الشجاع قاعد يحل الواجبات .. وهو يشاهق .. وفي اثنين وراه ماسكين مساطر
( علشان ماينحاش )
تسونادي : لا والله ؟ .... يعطيك العافيه حبيبي ..وش قاعد تسوي تقص تذاكر
ايتاشي : لا قاعد اطعمهم ضد الحصبه .. وش رايك اني قاعد اسوي ياابله


هههههههههههههههههههههههههههههههه ... ونرجع نقول الاطفال .. هم زينه الدنيا ... يعني وش سار لو انهم طالبين منا نحل لهم الواجب بكل هدوء ؟؟ ..
احل لهم وكل واجب بخمسه
>> طماع

**********************************
نلتقي في حلقه اخرى من مذاكرات ديدارا
akatsuki boy