STORY 13
(( النذالة !! ))

انا استغرب من الناس الللي حوالي صراحه ... يوم اكون انا احتاج احد ؟؟؟ .. ماتلقاهم .. ويوم اجي مريش ومليان .. يكونون هم ماشاء الله انواع الاخلاق
ماادري عناد هو ولا ايش ؟؟؟ ولا يحبون يرفعون ضغطي .. وياليتها جات على كذا وبس .. المشكله اذا شافوك مبسوط يجون يخربون عليك باي شكل من الاشكال

مره من المرات وبين ماكنت انا وساسوري وهيدين جالسين عالفجر .. الجو بارد وجميل جدا .. وعلى غير العادة يتبرع هيدين بانه يجيب لنا الفطور
ساسوري ( منسدح - متمدد- وحاطه رجل على رجل ) : والله ماعاد عندي فلس احمر .. شكلنا كذا ياديدارا بنروح نشتغل بماكدولنز هههههههههههههههه
انا ( متمدد جنبه ): هههههههههههههههههههه انت شكلك مره لابق تصلح بمكادولنز بس يبغى لك تلبس اصفر زي المهرج تبعهم ههههههههههههههههههههه
ساسوري ( يطالعني بحقد ) : انا اثقل دم من كذا ماحصلت !!
هيدين : انتو ياشباب .. انا طالع اجيب شي ناكله ... وش تبغون فلافل ولافول ؟؟
انا ( منطشين هيدين ) : ليه ليه كذا نفسيتك زفت وش قلت انا
ساسووري ( يلف ظهره علي) : اطلع من حياتي الله يخليك ماني ناقصك
هيدين (عصب ): ترا انا اكلمكم ياحمار انتا وياه
ساسوري : نعم نعم .... !!!
هيدين : وش تبون اجيب لكم فطور ياعساه السم الهاري ؟
ساسوري : ماادري وش بتجيب فلافل و فول
انا : انا انا مشتهي فلافل
ساسوري : خلاص جب لنا فلافل
هيدين : يللا مع السلامه بروح اجيب لكم فول

ليه ياعديم القيمه تشاورنا من البدايه ؟؟ نذاله هي ؟ 0_0

وعلى المسا كذا رحنا للدوام عند بوس شاورما<< لانها شركه ابوي طبعا اداوم متى مابغيت ههههههههههههههههههههههههه
جالس على المكتب تبعي .. وجنبي كونان .. وتوبي .. نافش ريشه وساكت ويطالعني كانه بومه
انا ( اطالع توبي ) : اللهم سكنهم مساكنهم ... هذا اشفيه
كونان ( حاطه الاي بود على اذنها ) : بودعك يالضنا .. انا وبخليك .. عسى عيونك
انا ( امط السلك من اذنها ) : خلي عنك ذاك اشوووووووووووووف .. ( اقرب من اذنها ) : وش فيه توبي كذا ؟؟
كونان : والله ماادري من جينا وهو حاني ظهره ويطالع الباب كانه بيتجهز علشان ينطلق لمراثون
انا : انا اخاف انه جاي من البيت وهو لسه نايم
كونان : هههههههههههههههههههه الله اعلم .. الا مادريت .. باين عازمنا عنده بالبيت يقول بيطبخ لنا اكل ماسار ولا حصل .. يللا بعد علشان اتهاوش مع خواته
انا : وش عزيمته وباين هذا مايعرف يقلي بيض
كونان : ادري اخرتها بنطلب مطعمم اخاف يجينا تسمم غذائي
انا : ههههههههههههههههههههه انتي قلتيها .. انا لسه شباب ابي اعيش حرام عليك
وبدون ماننتبه لقيتنا توبي طالع من الغرفه بحركه خفيفه ماحسينا الا بصوت الباب فيها
كونان : بسم الله ماشفناه يطلع هذا
انا : دقيقه دقيقه اتصل عليه بس
توبي (يرد على تلفوني ) : هلا والله بصاحبي
انا: 0_0 له ؟ وش فيك بسم الله تسللت من المكتب وطلعت لاسلمت علينا ولا شي
توبي : سامحوني مستعجل مره مره مره مره مره خذت السيارة ومشيت !!!
كونان ( مستغربه ) : انت مو اول مادخلت قلت انا ماعندي بنزين سيارة ؟؟
توبي : ايه .. هههههههه ... يللا انا مستعجل مره مره ابي اركز بالسواقه لاسوي حادث
انا : ياعمي اسكت حسستني انك جالس تسوق صاروخ ههههههههههههههههههههههههه
توبي : اكيد ... ههههههه .. سيارة اخوي حبيبي الغالي .. ديدارا

0_0 .. والتفت يمين وشمال ماالقى مفتاح سياراتي ... << حرامي اصيل ياتوبي شغلك عندي بعدين

تورطت انا بالدوام ... ومالقيت من يوصلني .. طبعا كونان وراها شغل كثير وان جلست بالشغل لازم استناها .. اكرهك ياتوبي اكرهك .. ايه صح .. ويطلع لنا ايتاشي
انا : ايتاشييييييييييييييييييييييييي
ايتاشي ( حاول يهرب بس مسكته ) : لاتمسكني كذا اخاف انا حرام عليك !!
انا ( عيون بريئه ) : اتوش بعد قلبي .. الله يخليك وصلني البيت .. ولا عطني سيارتك
ايتاشي : سامحني ياحبيبي .. والله وراي مشوار مهم ... جدي الله يرحمه وصني على اغراض << الله يرحمه ها -_-
انا : يللا عاد !!! مو وقت مزحك الثقيل الله يخليك وصلني ولا عطني سيارتك
ايتاشي ( يدور حجه ) : دقيقه هذا التلفون يرن .. الو الو ( مبين انو نصب مافي احد يدق ولا هم يحزنون ) : طيب طيب جايك ... مع السلامه ... شفتو ياجماعه
واحد من اصدقاء بورطه لازم اروح انقذه
كونان : الله اكبر .... في لك اصدقاء غيرنا ايتاشي ؟
انا( رافع حواجبي ) : ومن هذا بسلامته ان شاء الله ؟ وش اسمه ؟
ايتاشي ( يدور اسم ) : اسمه اسمه اخـ... اخـ ... اخنت .. اخناتون
انا ( احط ايدي على كتفه ) : ماشاء الله ايتاشي مصادق الفراعنه هههههههههههههههههههههههههههه ؟
كونان : هههههههههههههههه سلم لي على ابو الهول وانت رايح ههههههههههههههههه
ايتاشي : ها ؟؟ ... يللا يللا يجيب الله المطر .. رايح جدي يتصل علي
وهرب ايتاشي

الحين سؤال .؟ بيروح لجده الله يرحمه ؟ ولا اخناتون هههههههههههههههه كلهم الله يرحمهم

والنذاله مو بس برا البيت ياحسره ... حتى جو البيت لم يخلى الموضوع من النحاسه
فبينما .. انا جالس ادرس خواتي وحده تاريخ والثانيه علوم .. وطبعا مافي ببلاش .. وعدتني امي بتعطيني فلوس على تدريسهم وهذا من حقي .. ليه االمدرسين
الخصوصين احسن مني مثلا ؟؟ المهم امي كانت برا البيت .. وانا جلست بالصاله مع الكتكوتات ادرهم

انا ( ماسك كتاب العلوم ) : اين يقع المريء
اختي الاولى : في العين
انا : 0_0 والبلعوم ؟
اختي الاولى ( ابتسامه عريضه ) : في الامعا الدقيقه
انا ( وصلت حدي خلاص ) : والامعا الدقيقه
اختي الاولى : في جيبتي هههههههههههههههههههههههههههههههههههههههه
انا ( اضرب اختي على راسها ) : ابي افهم من هالاستاذه الغبيه اللي تدرسكم ؟
اختى الاولى( تمددت وجلس تتمغط ) : وش دراني ( تتثاوب ) لاتزعجني بنام (وتحط راسها على ايدها وتغمض عيونها )
انا : قومي قومي اشوف خلصيني .. والله لو مالمكافئه مادرستك ... الله ياخذ الحاجه
اختي الثانيه ( جايه ومعاها كتاب التاريخ ) : ديدي ديدي
انا ( وانا جالسه اضرب اختي الاولى ) : نعم وش فيك !!
اختي الثانيه : الحين من هذا نابلويون
انا : ولد جيرانا .. تبين منه شي ؟؟
اختي الثانيه : ليش ندرسه اذا هو مات ... والله مايصلح كذا تعبت انا علشان واحد ميت ( وتتخصر )
انا : خلاص عمتي ( تقوم اختي الاولى تعظني ) اييييييييييييييييييييييييي .. وجع .. خلاص يااختي انا اكلم وزير التعليم اقوله عمي .. ترى اختى ماتبي ندرس عن ناس
ميتين زين
اختي الثانيه ( تتخصر ) : على بالي بعد !!
انا: 0_0 .. خلي عنك نابلويون الحين وهات الكتاب اشوف يللا سمعي .. تكلمي عن وعد بلفور
اختي الثانيه( جلست قبالي ) : وعد فرفور هو ....
انا : -___- بلفور بلفوووووووور
اختي الثانيه : وعد بلفور .. حصل في اثنا الدوله العثمانيه .. في عصر الديناصورات .. وكان طرازن قد كلم هارون الرشيد .. وذهبو الى نيويوك .. وبعدين.. وبعدين
جا العصر الجديد .. بس المغرب الجديد ماجا .. وصار وعد بلفور .. من اشهر العهود اللي سارت بمعركه عين جالوت التي وقعت في نيوزيلندا
انا : 0_0
اختي الثانيه ( تكمل ) : وبعد لم يستطيعو ان يتصالحو .. وتهاوشو على التلفزيون .. بس اول ماكان في تلفزيون
انا ( ارتفع ضغطي ) : يرحم والديك اسكتي علشان خاطري ... ايش هذا ؟؟ .... خلطتي ام التاريخ كله على بعضه .. لاخليتي طرازن ولا سبايدر مان في الموضوع
وبينما انا في الحوسه توصل امي الحبيبه من برا :
انا : هلا والله بامي الحلوة
امي : هلا بولدي اللي مايقصر ... ها يما شلون البنات ؟
انا : والله انهم تمام التمام يما حافظين
خواتي ( ينظرن الي بمكر )
امي : عفيا عليك .. والله ريحنتي من تدريسهم .. يللا يما هاك مكافئتك
هو خواتي بس سمعو اني انا باخذ فلوس .. وتطير عيونهم ويصرخون باعلى مافيهم
خواتي ( ماسكين امي ويبكون ) : يما يما .. ديدي مادرسنا .. احنا مو حافظين شي يما ... اي يطقنا ويهاوشنا .. نايم و يتفرج تلفزيون ويطقنا .. واااااااااااااا
انا : 0_0 ياساتر ياستار .. انا سار لي ساعه ؟ .. وبحيت صوتي علشانكم واخرتها كذا ؟؟؟
امي ( تطالعني بغضب ) : مو هذ اللي اتفقنا عليه ياديدي .. الحين انا اقولك درس خواتك بالهداوه .. تقوم تطقهم وماادري وشو ؟
انا : والله يما ماامديت ايدي على احد
امي : كيف ترضى نفسك تطق بنوتاتي البريئات << ماخذه فيهم مقلب تراهم خوات ديدارا
انا : يما حرام عليك والله تعبت
امي ( رجعت البوك جوا الشنطه ) : مافي فلوس ..يللا اشوف اذلف عن وجهي لا كفخك بالنعال اللي لابسته
خواتي ( علامات الرضا والابتسامه الشيطانيه على وجيهمم )

يعني انا بالله وين اروح ؟؟؟؟ اشق ثيابي ولا اشرب كلوركس برايكم ؟؟؟

******************************
نلتقي بالحلقه القادمه ان شا ءالله
akatsuki boy

Connect Me In Facebook