|
| |||||||
| روايات و قصص بالعاميه قصص و روايات باللهجه العاميه |
| | LinkBack | أدوات الموضوع | انواع عرض الموضوع |
|
#17
02-13-2011, 02:03 PM
| ||
| | ||
| العفووو .gif "thanks")
__________________ لقراءة روأيتي الأولى أنا بس عندي طيف المحبة يجول بخاطري ولاني بقادر أنساه..~// http://vb.arabseyes.com/t225532.html لا أحلل ولا أبيح من ينقل الرواية بدون ذكر اسم الكاتبة |
|
#18
02-13-2011, 02:05 PM
| ||
| | ||
 البارت الحادي عشر رماس: والله مادري كيف اشرح لك الموضوع ورد: خير وش صاير؟! رماس:انا ...انا اتفقت مع علي ان نلعب شوي على ربى ، عطيته رقمها علشان يتصل لها ونشوف ايش تسوي ورد: اتفاق بايخ رماس:اسمعيني ( وكملت) وفي البداية تجاهلته ، لكن بعدين حبته ورد: شنو؟! رماس: والمشكلة انها اعترفت له ورد: طيب وعلي قال لها مين هو؟ رماس: مادري ( ونادت أخوها)علي .... ممكن تجي؟ لما قرب منهم همست رماس: انت قلت لربى مين انت؟ علي ارتبك وتظاهر: ربى ؟ مين ربى؟ آآ صديقتك اي قلت لها من زماااان ورد: اقسم علي: وشفيك فزيتي من مكانك ؟ قايل معجزة؟ رماس: طيب طيب حبيبي لف ورا و امشي خط مستقيم طلعت ورد ورماس لغرفتهم / ورد: انا برايي نتصرف طبيعي ومانخلي ربى تحس على اي شي رماس: شقصدك؟ ورد: يعني نتصرف وكأننا لانعرف بالسالفة ولا شي رماس: اها، بس لو سألتنا؟ شبنقول لها؟ ورد: لاماأظن بتسأل . رن جوال ورد/ ورد: هلا افنان افنان: هلا فيك غناتي ورود كيفك؟ ورد: تمام وانتي كيفك؟ افنان: تمام ، ابي اسألك تقدرين تدخلي عالنت شوي؟ ورد: اي طبعاً بس ليش؟ افنان: ابيك تشوفين لي صور للعلوم ورد: اها ، والنت تبعكم شسالفته؟ افنان: اوووه لاتسألي ، بإختصار يبي ليه تصليح ^_^_^_^ قامت ورد وراحت لعند اللابتوب ورد: خير علي شفيك جالس عند اللابتوب تبعي علي: ابي اشتغل عالفتشوب ، الفتشوب تبعي خربان ورد: يادافع الموية في مجاريها كل جهاز وفيه علة علي: انتي تبيه؟ ورد: لا بس افنان تبيني اطلع لها صور علي : شوي وراح اقوم ^_^_^_^_^_^_^_^_^_^_^_^_^_^_^ رجعت ورد لعند رماس تبي تسفسر لأن اللقافة اشتغلت عندها ورد: اي رمسو كملي رماس: وشكمل؟! ورد: كملي السالفة ، كيف حبته وهي ماشافته؟ علي حبها ولالا؟... قاطعتها رماس: شتهربدي انتي ، ربى تحب اوكي لكن علي يحب ... لالا مااتوقع ورد: ليش كل شي جايز رماس: ليش تحبين؟ ورد: ههاي انا اللي احب لو انتي رماس:ها؟! ورد: بلا لف ودوران ادري عنك ، افا عليك توأمتي وماعرف شي عنك؟ رماس: لاتقولين جنى اللي قالت لك؟ ورد: لالا اني سمعت رماس: اي بس لاتقولين لأحد ورد: استخفيتي انتي ؟ مجنونة اقول لأحد؟ كان يقتلوك انتي وياه رماس: وي اسم الله عليَ وعليه ليش شسويت اشركت ورد: لاغناتي ماقصدي.... قاطعها صوت صراخ علي: ورد انا خلصت من الجهاز تبيه؟ ورد(تصارخ) : ايه لاتطفيه وجع يوجعك رماس: اي كملي شقصدك يابنت؟ ورد: ماعليه رميس بعدين اقول لك ابي اطلع صور لأفنان ^_^_^_^_^_^_^_^ ورد تنادي على اخوها ورد: علي انت طالع علي: خير وش تبي؟ ورد: ابيك تودي..... علي: قبل لاتكملي ، انا طالع مع ربعي يعني مااقدر لاأودي ولاأجيب ورد: طيب وافنان؟ علي: وشعلاقة افنان بالموضوع؟ ورد: ابيك تودي الصور الها علي: خلاص خلاص بوديهم ^_^_^_^_^_^_^ وصل علي لبيت افنان تزل من السيارة ورن الجرس طلع له اخوها الصغير امجد امجد: خير من انت ووش تبي؟ علي: ابي افنان امجد: ياقليل الادب جاي في نص الليل تبي تاخذ اختي علي: لالا لا انا قصدي.... لكن وقف سمع صوت بنت من داخل البيت : امجد ادخل المجلس يلا وطلت من الباب افنان لابسة العباية والطرحة والنقاب افنان: بسم الله ، نعم؟ علي: نعامة ترفسك قولي امين افنان: امين علي: وتدعين على نفسك بعد افنان: ايه ابي افتك من ذي العيشة المملة مع ....<<< انتبهت لنفسها انها ماخذه راحتها في الكلام وكملت: الا صح انت شتبي؟ علي: اي كنت راح انسى ورد جايبه لك ذا السيدي فيه صور الك افنان: شكراً ، انا كنت شوي وبروح اجيبه من عندها علي: الا انتي شتسوين بالمذاكرة يوم الخميس؟ افنان: بكرة طالعين البر لازم اخلص مذاكرة اليوم علي: اقسمي؟ انا والربع طالعين البر بعد بكرة في تطعيس على الجبل افنان: لاتقول انك رايح تطعس؟ علي: لا طبعاً شقالوا لك مجنون؟
__________________ لقراءة روأيتي الأولى أنا بس عندي طيف المحبة يجول بخاطري ولاني بقادر أنساه..~// http://vb.arabseyes.com/t225532.html لا أحلل ولا أبيح من ينقل الرواية بدون ذكر اسم الكاتبة |
|
#19
02-13-2011, 02:07 PM
| ||
| | ||
 البارت الثاني عشر افنان: عجل رايح ليش ياحظي؟ علي: اتمنظر فيهم ام افنان تناديها من داخل - افنان ارتبكت وعلطول سكرت الباب علي يقول لنفسه: سكرت الباب علطول كأنها مسوية شي غلط ، قاعدة تكلم أخو صديقتها ماغير بعدين انتبه للكلمة ( أخو صديقتها) فيها إشكال امكن ^_^_^_^_^_^_^_^_^_^_^_^_^_^_^ في اليوم الثاني علي وشلته طلعو من الصبح يشوفون التطعيس وصار اللي ماكان احد يتوقعه راشد ركب مع علي في سيارته و تقريباً وصلو ، كان الفاصل بينهم وبين مكان التجمع جبل بس راشد: اقول علي شرايك نخاطر ونركب خط مستقيم على الجبل علي: والله كانت على بالي الشباب الباقيين ركبو مايل لكن علي وراشد ركبو علطووووووووول ، وعلي ماقدر يتحكم في السيارة لأن الجبل رفيع وانفلتت السيارة بهم على ورا وتقلبت وتقلبت وتقلبت طبعاً الشباب ( مهند وبسام وموسى) لما شافو السيارة رجعت على ورا علطول نزلو من السيارة علشان يلحقونهم طالعوهم من السيارة مجروحين ومتكسرين <<< ذا انفجار مو انقلاب سيارة علي انكسرت رجله و يده اما راشد انكسرت رجله و خشمه (انفه)<<< الله يساعده عالألم اسعفوهم بسرررررعة للمستشفى وتأخروا هناك للساعة 4 العصر ام رضا اتصلت على موبايل علي ، رفعه بسام : الوو ام رضا : الوو بسام: هلا خالة بغيتي شي ام رضا : لابس استغربت انتو تأخرتو ، علي قال انكم بترجعون الظهر بسام: ها؟ اي اي ام رضا: شنو الا اي ، علي وينه في؟ بسام: علي؟.... علي معاي ام رضا : اي عطيني اياه بكلمه موسى يأشر على بسام انه يقول الها بسام(بارتباك) : خالة احنا في المستشفى ام رضا: شنو اي مستشفى وليش؟ بسام: لأن علي وراشد.......<<< ماقدر يكمل الام اغمي عليها علطوووووول <<< ياحنان الام شكبره رماس جابت مويه تصحيها وورد كلمت بسام ورد: الو بسام: الو ورد: بسام شنو صاير ؟ شفيه علي؟ بسام: انقلبت بهم السيارة ورد تصارخ: شنو؟ بسام: اللي سمعتيه ورد: وعلي صار فيه شي؟ بسام: لالا كسر بسيط <<< بسيط في عينك ورد: طيب انتو بأي مستشفى؟ بسام: ليش ترا مايحتاج تجون ورد: شنو الا مانجي شايف روحك ابوه واحنا الغربة عنه بسام: لاقصدي مايحتاج تتعبون نفسكم وتجون ورد: اقول خلصني بسرعة في اي مستشفى بسام: مستشفى ...... ورد: اي طيب جايين وسكرت علطول ، بعد نصف ساعة كانو متواجدين في المستشفى في احد الغرف عائلة ابو رضا بجانب علي وعائلة ابو يوسف بجانب راشد والعيال الباقي يستنو برا ام رضا : انا من اول قلت لك لا تروح وتطعس معاهم علي: يمة كم مرة قلت الك رايحين نشوف التطعيس مو رايحين نطعس ورد: الا ماقلت شلون صار الحادث علي: صار اللي صار وانقلبت السيارة و.... نسيت رماس: يوووه لايكون فقدت الذاكرة ، بعدك تتذكرني ، مين انا؟ علي: وخري عني انتي مانا في لك رضا : تحمد ربك بس طلعت سالم علي: لاوالله دخلت علي وطلعت علي رضا : ظريفة ، حتى وهو في المستشفى ينكت علي: يمة متى بتروحون؟ ام رضا: هو مليت منا بدي السرعة ؟ علي: لا بس كنت ابي اقول لك قبل لاتروحون شوفو الدكتور ابي اطلع ام رضا: وش تطلع ياوليدي؟ توك ماجيت قبل ساعة علي: ايه ويعني تبيني اقعد اسبوع ، باين تبين الفكة مني ام رضا: ابي الفكة من تناحرك انت وخواتك كأنكم فار وقطوة ^_^_^_^_^_^_^_^_^_^_^_^_^_^
__________________ لقراءة روأيتي الأولى أنا بس عندي طيف المحبة يجول بخاطري ولاني بقادر أنساه..~// http://vb.arabseyes.com/t225532.html لا أحلل ولا أبيح من ينقل الرواية بدون ذكر اسم الكاتبة |
|
#20
02-13-2011, 02:08 PM
| ||
| | ||
 البارت الثالث عشر ومر يومين وبعده يومين وبعده يومين وشهور ....ورد ورماس تصالحوا وعلي وراشد في المستشفى بساعة يتهاوشون وبساعة ثانية يتمازحون علي : اقوول يالنسيب ... راشد: خير .. علي: ماودك تطلع من هني..؟ راشد : بالله عليك هذا سؤال في احد مايحب يطلع من المستشفى؟ علي : و ايش راح تسوي لمن تطلع؟ راشد: انا اذا تبي الصراحة وحشوني مهند وبسام ناوي اسوي مقلب فيهم ،، وطبعاً أخواتك اللي ماينتسون ناوي على نية معاهم. علي: تصدق وانا بعد جاي على بالي العب عليهم. راشد: اقول لك خطة يالنسيب..؟ علي: حنا خلنا نطلع من هني بالأول. راشد: حنا العبط منا ،، ليش مانسأل الدكتور عن حالتنا ونطلع. علي : اسأله انت. رن جوال علي ،، لف عليه وكلم : علي : هلا ورد : هلا فيك يالمتنح ،، ماقال لك الدكتور متى بتطلع..؟ علي: لاوالله ماقال ،، أصلاً اليوم ماشفت رقعة وجهه ورد : اقوول أخوك ،، شلون ربى <<< حابة ترفع ضغط اخوها علي: وانا شدخلني فيها..؟! ورد :عليناا هالحركاات علاوي قوول احسن لك ترا الكل يدري. علي: من اللي يدري..؟<< تخرع ورد: يعني...تقدر تقول شلتنا كلنا وشلتك انت بعد ... علي: العن ابو....الا من اللي نشر الخبر اكييد ياانتي يارمسو ورد: استح على وجهك ياولد تتهم اختك باللي ماسوته....ورمسو ماليها دخل في السالفة<<< رماس هي اساس السالفة علي : سوالف رمسو هي اللي جابت لي هالبلوة ،، روحي انقلعي عني سديتي نفسي . " سكر بوجهها " ||| عند ورد ورماس وكانت معاهم شذى ||| شذى : والله منتم بهينيين ،، الحيين المسكينة ربيانة شبتسوي لو عرفت اني قلت لكم ..؟ ارووح القبر رماس : لاعااد شدّو أصلاً حنا مابنقول لها... ورد : انتي ماسمعتي كيف كاان علي يتكلم شوي وبيموت رماس : هههههههههههه خله وش له يطاوع اخته ههههه شذى : مسكيين اخو صديقتي طاح في المقلب ،، حسباله الكل يدري وهو مافي احد يدري عن السالفة ههههههههه رن جوال رماس " ربيانة يتصل بك " رماس : هلا ربيانة ربى : هلا فيك <<< بارتباك رماس : شفيك ربى ربى : ها ..؟ لا ولاشي شخبارك شعلومك..؟ رماس : تمام بخير انتي كيفك..؟ ربى : بخير... الا كنت بسألك طالعين على مكان اليوم..؟ رماس : مادري لييش..؟ ربى : ملااانة حد الدعسة ابي اطلع قالت رماس وهي تغمز لورد وشذى : اليوم بنروح لعلي وراشد المستشفى روحي ويانا تغيري جو على الأقل ربى ارتبكت اكثر : ها..؟ لا لا مايحتاج رماس : ربيانة شفيك ارتبكتي كذا ..؟ ترا عادي يعني علي يعتبرك مثلنا مافيها شي .. ربى : لالا ماابي اروح اصلا انا مو ملانة مررة اقدر اسلي نفسي بشي رماس : على راحتك " وسكرت " ربى تقول في نفسها : وش قد انا هبلة ... ابي اشوفه لييش ماقلت لها ابي ارووح..؟ اففف ياربي وش اسوي...؟ ردت ربى اتصلت على رماس : الو خلاص رمسو بروح معاكم بس لأني ملانة حددي لكن في رجعتنا ابيكم تمرون كون زون تشترون لي ايس كريم رماس : ههههه افا عليك ربيانة الحيين جايينك " وسكرت " رماس : ههههه اماا انك مسكينة ياربيانة تقول تبي تروح بس عشان انها ملانة . شذى : وانتي تصدقينها اهي تبي تروح تشوف حبيب القلب .. الكل : ههههههههههه طلعوا من البيت ام رضا ورماس وورد و شذى ورضا كان هو اللي بيوصلهم ورد : رضا نبي ننزل شذى بيتهم ونمر ع ربى .. رضا : اوكي نزلوا شذى .... ومروا على ربى .... ووصلوا للمستشفى مع كل خطوة ... ربى يدق قلبها طبوول .. وعند مدخل المستشفى .. كانت بتنزلح لو انها مسكت ورد تحس بحرارة في جسمها ،، ارتفع ضغطها لفووق <<< الحب ومايسوي اما رماس طايرة من الفرح لأنها بتشوف حبيب القلب راشد وحشها وااجد من زمان ماشافته ... دخلوا الغرفة وكان الستار بين علي وراشد مفتوح ... ام رضا : هلا والله بوليدي شلونك علي : هلا يمة انا بخير انتي شلونك..؟ ام رضا : تو ماصرت بخير يوم شفتك " لفت ع راشد " وانت يوليدي شلونك..؟ راشد : تمام خالة . رماس : راشد شخبارك..؟ ورد : شلونك رويشد شعلومك..؟ راشد : تمام بخير تراكم مغبريين حدكم... قصدي من زمان ماتنشافون. ورد : شنسوي لك اذا كنت متسدح على هالسرير. راشد : اوريك لكن اصبري لين مااطلع مااخلي فيكم عظمة صاحية رماس في نفسها: خد عظامي كلها انت... ربى : شلونك علي ... شلونك راشد...؟ علي وراشد : بخير . ورد : علي ماعرفتها صح ..؟ " كانت متغطية " هز علي راسه " لا " رماس : هادي ربى صاحبتنا... اللي راحت ويانا المزرعة...ماتذركتها..؟ علي يطالع رماس بنظرات وقال ببرود: الا ... تذكرتها رماس بتمووت من الضحك نكزتها ورد بكوعها وقالت : اي ومتى بتطلعون..؟ علي : ياحظي انتي كم مرة تسألين قلت الك مادري ورد : راشد متى بتطلعون ...؟<<< تبي تنرفزهم راشد : قاعدة تستهبلين انتي ،، يقولك ماشفنا الدكتور لييش تسأليني ..؟ ورد بصوت واطي : بلا فشلة رويشد راشد : شقلتي..؟ ورد : اقول ان شاء الله تطلعون عن قريب. راشد يطالعها بنظرات شك ولف على الطاولة اللي جنبه وهو يقول : سمعت ان في ناس يخططون على رحلة من دون علمنا ،، شكلهم ناويين يروحون بدوننا علي: من تقصد يابو الشباب..؟ راشد : اسأل الخالة..؟ علي : يمه..؟! ام رضا : ياوليدي ياراشد احنا بس نخطط نطلع بكم تغيرون جو بس أكيد بعد ماتطلعون " ولفت على علي " ناويين نروح البر بعد اسبوعين وكل العايلة معانا واذا تبون قولو لأصحابكم يروحون معاكم " لفت على بناتها " وانتو لاتنسون تقولو لصاحباتكم واكيد ربى انتي معانا علي يقول في نفسه: هذا اللي ناقص. ربى : تسلمي خالة لكن انا ماأقدر أروح معاكم. رفع علي راسه لربى ، طالعت فيه بنظرة سريعة وقالت لأم رضا : ان شاء الله احنا مسافرين بعد اسبوع لماليزيا وبنرجع في آخر الشهر ام رضا : تروحون وترجعون بالسلامة ربى : الله يسلمك. ورد: آه يالخاينة وماتقولين لنا ..؟ ربى: كنت بقول لكم بعدين شسوي ..؟ ورد: هههه أمزح معك ... تروحين وترجعين بالسلامة ربيانة . ربى انحرجت لما شافت علي يبتسم بعفوية على كلمة " ربيانة " قالت : الله ,, يـ.. يسلمك. رماس : ان شاء الله تنبسطوا هناك . ربى : الله يسمع منك. لما جا الدكتور سألوه من موعد الخروج وقبل انهم يطلعون بعد ماتوسلو له بأنواع التوسلات وطلعو...في الطريق مروا على كون زون " على حساب ربى " وبعدين رجعو البيت دخلوا المجلس وقعدوا ... بعد فترة قامت ورد تروح الحمام " أكرمكم الله " واستأذنت رماس عشان تروح تجيب البوم صورها توريه ربى لأن فيه صور جديدة ربى : اوكي روحي بس لاتتأخرين ... رمسو رمسو ... ابي مويه جيبي لي في طريقك رماس : قومي انتي جيبي لك ترا مافي احد في البيت غير علي قاعد في غرفته بعد مو في الصالة ربى : ..؟! وين راحو الكل توهم موجودين رماس : امي طلعت مع ام باسم و رضا راح يوصل غادة السوق ... قومي قومي عادي طلعت رماس وركبت فوق وطلعت ربى حاطة شيلتها على كتفها ورايحة بكل ثقة للمطبخ من حظها ... كان علي نازل المطبخ يشوف له شي ياكله دخلت ربى المطبخ .....
__________________ لقراءة روأيتي الأولى أنا بس عندي طيف المحبة يجول بخاطري ولاني بقادر أنساه..~// http://vb.arabseyes.com/t225532.html لا أحلل ولا أبيح من ينقل الرواية بدون ذكر اسم الكاتبة |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| ( شيء مؤلم ) | ابتسآآآم نآصر | روايات الأنيمي المكتملة | 110 | 01-03-2016 04:54 PM |
| روآية ؛ [ قلبي لك ] ! ~ من تأليفي [ كلي جآذبية ] | كلي جآذبية | أرشيف المواضيع الغير مكتمله او المكرره او المنقوله و المخالفه | 416 | 09-02-2013 07:12 PM |
| بخاطري | ابراهيم الرشيدي | شعر و قصائد | 0 | 09-20-2009 01:52 AM |
| صور لا تنسى في حياتي :: صور أثرت فيا وعمري ما انساه :: بس نصيحه الي قلبه ضعيف ميدخلش | fares alsunna | أرشيف المواضيع الغير مكتمله او المكرره او المنقوله و المخالفه | 10 | 07-13-2008 11:54 PM |
العرض العادي
