|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#93
02-22-2011, 01:26 AM
| ||
| | ||
| (( الفصل الحادي عشر )) نزلت ريم وطارت عبايتها المفتوحة والغطاء اللي على كتفها وشعرها يطير معها وكانت لابسة شورت أبيض لحد الركبة وبلوزة صفراء فسفورية وشعرها القصير تاركته على راحته ولا بسة شوز سبور أبيض وفيه خط باللون الأصفر الفسفوري نفس لون البلوزة ريم بعد مامشى السايق: ياربي كله شباب وش أسوي ألحين ... دخلت إيدها بجيب البنطلون تطلع جوالها تدق على السايق... ياربي وين ذا الجوال لما بغيته اختفى ... دورت في جيبها الثاني مالقت ... ياربي وش اللي خلاني أجي هنا ... انتبهت للشباب اللي يطالعونها وماتت خوف يعني جد هي موقف لايحسد عليه .... ياويلي وشو قاعدين يطالعون هذولا خليني طبيعية علشان مايحسبوني خايفة ومشت ومشت ومشت إلى أن وصلت عند البحر وكان فيه كرسي بحر لونه أحمر وفيه دوائر برتقالية ريم: بجلس عليه لين ألاقي حل علشان أرجع البيت ..................................... كان جالس على كرسي من الكراسي وماسك كتاب في ايده وندمان أنه جاء معهم وهرب من المدرسة آخر سنة وتوه ناقل مدرسة جديدة وشو بيقولون عنه المعلمين جاء واحد من العيال اللي معه أسمه بندر: هلا والله بثامر زين الشباب وراك جالس هنا تعال معنا في بنت ولا أحلى البنات ثامر: بنت ..؟؟!! وش مجيبها هنا إلا وش كبرها بندر: من بزارين الأيام ذولي تلاقيها في متوسط يمكن جاء خويهم معاذ: تعالوا ترا البنت بتروح ثامر: وحتى أنت معهم تركوها في حالها مسكينة إلا وين نايف سعود نايف: أنا هنا بس سعود راح البيت فيه النوم بندر: نايف سمعت وش يقول ثامر نايف وش يقول ثامر: أقول اتركوا البنت ولا تقربوا منها معاذ: امشوا معي وخليكم منه قلت لكم لا تجيبونه ماسمعتوا الكلام ومشوا وتركوه إلى ألحين ماسك الكتاب في إيده لكن ماقرأ منه ولا كلمه وتوه بيرجع له لكن لفت انتباهه البنت اللي جالسة لحالها وباين من شكلها قاعدة تفكر ثامر: يازينها من جد بنت حلوة بس وش مجيبها البحر مفروض تكون في المدرسة ألحين لا يكون هربانة مثلنا بس ماأعتقد أنها هربت ماقد سمعت بنت هربانة من مدرسة وكبرها بعد ............................................. كانوا يمشون ووقفوا وراها وكل واحد منهم ماسك كرسي نايف: وشرايكم نجلس هنا قبال البحر معاذ: وشو لك بالبحر يانايف والحلو قباله بندر: وأنت الصادق يامعاذ مافي أحلى من اللي جالس قبال البحر نايف: تعال يابندر أنت ومعاذ خلونا نجلس هنا قراب من الحلوين ريم في نفسها: يستهبلون هذولا وين النخوة والشهامة وانا بنت بلدهم ولاااا كل واحد يقول أسم الثاني علشان أعرفه الحمد لله والشكر بس جلسوا جنبها بكراسيهم الثلاثة ومايفصل بينهم إلا مسافة بسيطة بندر وهو يطالع البحر: شوفوا البحر كيف لونه حلو نايف: اترك عنك البحر وشوف اللي جالس جنبنا معاذ: عطنا وجه ياأحلى من البحر أنت لفت عليهم ريم وناظرتهم بإحتقار من فوق لتحت: تكلموني نايف: لا والله نكلم الطير اللي بالسماء ريم: تستهبل مع وجهك معاذ: لو مالجمال اللي عندك ولا كان ماسكت لك ريم تخفي الخوف اللي بدت تحس فيه وقالت بغرور: أدري أني حلوة بس قولي وش بتسوي حسبالك خوفتني بندر: لا ماعاش مين يخوفك وأنا عايش ثامر اللي كان واقف من زمان وسمع الكلام من البداية ماقدر يمسك أعصابه أكثر انفجر في وجههم: أنتم ماتستحون ثلاثتكم على هذي المسكينة ريم: لا بالله كملت الثمثيلة جاء البطل اللي بينقذ الموقف ثامر عطاها نظرة: أسكتي انتي ريم خافت منه وسكتت بندر: أنت وش مدخلك نايف: من زمان وحنا نسوي كذا مع البنات ...قام يطالع في ريم ... لكن مثل هذي الحلوة ماشفنا ثامر عصب ودفه من صدر بقوة: أنت ماتستحي صدق انك مب رجال البنات مو لعبة بيدك نايف ردها له ودفه: ثامر ابعد عني أحسن لك ومالك شغل فيني الحلوة هذي لي يعني لي ثامر ضم أصابع إيده وعطاه بوكس في وجهه: ياحقير ياحشرة البنت مو لعبة عنك وقام يضربه بقوة معاذ: خلاص ياثامراتركه بندر وهو ماسكه: ثامر لايموت بين إيديك ريم وأخيرا ً نطقت: ثامر مدري وش اسمك أنت اتركه مايستاهل ترَوح نفسك علشانه هذا واحد مريض ثامر تركه: إلى ألحين مابردت حرتي فيه هذا النذل الغبي .. وتفل في وجهه ... تفوووه عليك ياللي بلا أخلاق ومسك ريم من كتفها وأخذها معه عند الكرسي اللي كان جالس عنده وقام يلم أغراضه ثامر: يلا امشي معي ريم بعدت عنه: من جدك أنت واثق أبروح معك وبعدين وين أروح معك فيه ثامر وهو إلى ألحين معصب: أتصلي على اللي جابك هنا خليه ياخذك بسرعة ريم وباين الخوف بعيونها بس تظهر القوة: جوالي نسيته بالسيارة والسايق راح البيت ولا تصارخ علي كذا منيب أصغر عيالك ثامر هدأ شوي بعد ماحس أنها خايفة منه: أنا معصب لأني خايف عليك من هذولا الوحوش اللي مايخافون الله ريم: ثامر شكرا ً لولا الله ثم أنت ولا كان مدري وش صار لي ثامر ابتسم: لا ماسويت شي أنا ماارضي أشوف الغلط وأسكت عليه ريم ابتسمت ابتسامة قريبة للضحكة: أخيرا ً شفت إبتسامتك طول الوقت كنت مكشر ومعصب ههه ثامر ضحك: ههه ... ودخل إيده بجيب الثوب وطلع جواله الآي فون ... خذي كلمي السايق يجي ياخذك ريم: مااعرف رقمه مو حافظته ثامر: يعني شلون ريم: خلاص عطني الجوال راح اتصل على جوالي يمكن السايق الخبل يرد عليه ثامر: يلا بسرعة لأني برجع للمدرسة ندمان أني هربت مع الخكاريا ذولي ريم حطت السماعة على أذنها: ياربي بسرعة رد ثامر: مارد ريم: لا بدق مرة ثانية بعد شوي ريم: مايرد إذا بغيته يصير ملقوف ماصار على حسب مايشتهي هذا السايق المخرف ثامر: ههه طيب تدلين مدرستك ولا لا بعد ريم: ليه وش تبغى بمدرستي ثامر: أنتي مو هربانة من المدرسة ريم: أكيد لا عمرك سمعت أن ريم تروح المدرسة أول يوم ثامر: أسمك ريم ريم: إي اسمي ريم ثامر: طيب تعرفين بيتكم ولا لا بعد بذبحك إذا قلتي ماتعرفينه ريم: هههه لا أعرفه لا تخاف ثامر: طيب يلا قدامي على السيارة وراحوا وركبوا السيارة مشى ثامر بعد ما ريم ركبت ثامر: قولي لي وين بيتكم ريم: امش وأنا بقولك وصفت له مكان البيت وهو عرفه لأن اخته الكبيرة ساكنة بالحي اللي وراهم ريم: أنت أي سنة وفي أي مدرسة وليش هربان من المدرسة ثامر: أنا بثالث ثانوي بمدرسة ال ............... وأنا جديد في المدرسة وكم واحد من الشباب هربوا وهربت معهم وانتي ..؟؟!! ريم بصدمة: إيش في أي مدرسة ثامر: قلت لك بمدرسة ال ........... ريم في نفسها: ياويلي مدرسة حسام لو عرف بيذبخني ثامر: ريم ريم وين رحتي..!!؟؟ ريم: ها لا معك ثامر:ماقلتيلي أنتي أي سنة ريم: انا ثاني متوسط ثامر: شكلك دلوعة مرررة أو وحيدة اهلك اللي تجين البحر لحالك مع السايق ريم: وووعع انا أكره الدلع والدلوعات تقول عني دلوعة وانا مو وحيدة أهلي فوقي اثنين وتحتي واحد ثامر: اجل وش مجيبك البحر لحالك ريم: امي أصلا ً ماتدري نسيت أقول لها ودخل الحي الراقي ووقف عند الفلة الكبيرة شوي ثامر: هذا بيتكم يلا وصلنا ريم: إي شكرأ ً على التوصيلة وفتحت الباب ونزلت ريم اشرت له: باااي ثامر: باااي ولاعاد تطلعي من البيت لحالك مرررة ثانية اوك ريم: أوك وفتحت الباب الخدامة ودخلت ريم ومشى ثامر دخلت ريم البيت وكان هدوء ريم: خوخة وين ماما مو في البيت خواكا: موجو د في البيت هــ قاطعتها ام ريم اللي نازلة من الدرج: أنا هنا أنتي اللي وين رحتي ريم: رحت البحر أم ريم: لا والله وتقولينها في وجهي كذا ومين اللي رجعك هنا ريم: ها ..اااا ... جيت بالتاكسي أم ريم حطت إيدها على صدرها وشهقت: آخر عمري بنتي ترجع بالتاكسي ريم: إي يمة نسيت جوالي في السيارة والسايق مشى ... لفت على خواكا .... إي صح خوخة روحي عند راجوا جيبي جوالي أم ريم: وأنتي ألحين رايحة البحر لحالك فرضا ً الشباب اللي موجودين هناك سوولك شي لا قدر الله ريم .. كأنها حاسة: لا يمة ما سوو لي شي إلا وشرايك نطلع نفطر سوا أم وبنتها ام ريم: هذي اللي بتجنني روحي غرفتك أقول بس ريم: أوك رايحة لا تصارخين علي وصعدت الدرج ودخلت الغرفة ودخلت الحمام تتروش <<<<<<<<<<<<<<<<<<<<<<<<<<<<<<<<<<<<<<<<<<<<< في وسط زحمة الطالبات في الفسحة رزان: وناسة يعني بمعنى الكلمة وناسة رتال: إي من جد عايلتكم وناسة حنا رحنا المزرعة مع عمي وعياله وبس رزان: المرة الجاية تعالي معي ههههه رتال: إن شاء الله ولا تزعلين ههه والله ودي اتعرف على لينا من كثر ماتحكين عنها رن رن رن رن رن رن رن رن رن رن رن رن رن رن رن رن رن رن رن رن رن رزان: رنت يلا ندخل الفصل رتال: يلا ............................................. في قسم ومبنى ثاني من المدرسة (( مبنى قـــــسم متوسط )) رنيم: أخيرا ً جيتوا من زمان انتظركم علشان تنقلون لمدرستنا جوري: راح نكون شلة رنيم وجوري وشوق وغادة شوق: لا دوروا أسم حلو رنيم: مو لازم أسم نقول شلة وبس غادة: طيب شكلك يارنيم مرررة هادية شوق: ههه بس ياما تحت السواهي دواهي رنيم: ههههههه جوري: للأسف وكل شي يطيح فوق راسي علشان شكلا ً هي هادية بس العكس وأنا المسكينة رن رن رن رن رن رن رن رن رن رن رن رن رن رن رن رن رن رن رن رن رن غادة: رنت يلا ندخل شوق: لا إذا دخلوا البنات كلهم ندخل رنيم: بديتي تدخلين مزاجي ههه شوق هزت راسها بثقة: أعجبك جوري: وأنا بديت اخاف منكم غادة: والله صراحة حتى انا اجتمعوا امريكا وإسرائيل جوري: الله يعيننا على القنابل والمفجرات غادة: قولي الحروب خلينا ندخل بس ماعلينا منهم تعالي أوصلك فصلك وراحوا شوق: بتروحين معهم بعد انتي رنيم: أكيد لا أصلا ً جوري دايم تخاف شوق: تركيها عنك وحتى غادة مثلها بس شكل الشجاعة والا في الحقيقة ماعندها ماعند جدتي رنيم: هههههه وفضت الساحة مافيها ولا بنت شوق: يلا ألحين ندخل رنيم: يلا باااي أشوفك الفسحة الثانية وصعدوا فوق وشوق راحت فصلها ثالث /أ ،،، ورنيم دخلت فصلها دقت الباب المفتوح ودخلت أبلة فتحية: وين وين على الله رنيم: راجعة مكاني ابلة فتحية: وليش حضرتك متأخرة عن الحصة من زمان رن الجرس رنيم:لا توه رن الجرس عندي فتحية: اها توه عندك انتي أجل عقابا ً لك روحي لمكتبي بدل المستخدمة وجيبي لي أوراق مسابقات المواهب رنيم: جد وناسة فتحية: أقولها عقاب تقول لي وناسة رنيم: فيها طلعة أكيد وناسة ههه البنات ضحكوا فتحية: اسكتي أنتي معها الحمد لله والشكر بس طلعت رنيم قبل ماتسمع باقي كلامها وركضت ودخلت غرفة المعلمات الكبيرة مرررة وقالت بصوت عالي: هااااااااااااااي أبلة سارة: وجعة وش هاااي قولي السلام عليكم رنيم: سوري قصدي آسفة نسيت أنك معلمة عربي سارة: المهم وشو مجيبتس هنا رنيم: أبلة فتحية أرسلتني أجيب أوراق لها سارة: طيب بسرعة خوذيهم وروحي رنيم: أوك قصدي إن شاء الله وراحت عند مكتب أبلة فتحية معلمة الرياضيات الكبير الفخم اللي من الخشب البني وفتحت الدرج الأول وطلعت منه الأوراق وسكرته بقوة وطلع صوت مزعج لانه مليان أقلام وأوراق سارة: وجعة إن شاء الله شوي شوي إلا ماقلتي لي وشوله راسلتس فتحية وين المستخدمات رنيم بكذب: لا تعرفيني ياأبلة سارة متعاونة وماحبيت يتعبون المستخدمات الفلبينيات عندهم شغل كثير فقلت انا أجيبهم كلهم كم ورقة سارة بتصديق: إي بارك الله فيتس طيب يلا ارجعي الفصل لاتتأخرين على معلمتس رنيم: أوك باااي قصدي مع السلامة وطلعت <<<<<<<<<<<<<<<<<<<<<<<<<<<<<<<<<<<<<<<<<<<<<<<< < الساعة وحدة ونصف الطرق زحمة ومليانة بالناس الكل طالع من المدرسة لولو: يلا سارة بلا بربرة زايدة تأخرنا على البيت سارة: انتظري يأختي البيت مو طاير ..... إيوا إيش قلتي دانة دانة صديقتهم: يوم الخميس الساعة سبعة مو تتأخرون وأمانة تجي معكم ريوم أبي أشوفها من نقلت ماشفتها لولو وهي تجر سارة: أوك بتجي ... يلا سوسو تاخرنا فيني النوم مررررررررة سارة باست دانة: يلا باي دانة أشوفك بكرة ... يلا لولو اطلعي قدامي طفشتيني وطلعوا وكان السايق ينتظرهم عند الباب لولو: راجو حرك على البيت بسرعة سارة: إيوه بسرعة تبي تنام أم النوم هذي ووصلوا البيت بعد مدة من الزمـــــــــــــــــــــــــــــــن لولو: يلا باي سوسو أشوفك اليوم الليل سارة وهي تدخل بيتهم: أوك باااااي دخلت لولو البيت وكانت امها جالسة قبال التلفزيون لولو باست راس أمها: السلام عليكم ماما أم حسام: وعليكم السلام وراكم تاخرتوا كذا اليوم لولو: لا الطريق زحمة تعرفين طلوع المدارس وكذا أم حسام هزت راسها بتفهم: إي خفت عليكم إلا سارة وينها ماجت معك البيت لولو: لا سوسو تعبانة تبي تنام ...... إلا ريم وينها أم حسام: نايمة من الساعة 11 طفشت ونامت لولو وهي تتثاوب: وحتى انا يمة فيني النوم يلا تصبحين على خير أم حسام: وانتي من أهله وراحت غرفتها فوق وتروشت ونامت .................................................. ................................. سارة: هااااي ماما كيفك أم احمد: هلا والله الحمد لله يلا بسرعة روحي غيري ملابسك وتعالي نتغدى سارة: لا ماما فيني النوم إذا صحيت اتغدى تصبحين على خير ام أحمد: وأنتي من أهله حبيبتي .................................................. .................................. دخلت البيت تعبانة هلكانة تدور السرير رمت جسمها على الكنبة بمريول المدرسة ونامت كاتلينا: رنيم رنيم يلا قوم رنيم: همممم كاتلينا: ماما يبي أنتي في غرفة طعام رنيم: بعدين بعدين جات ام فراس وجلست جنبها بالكنبة وأشرت لكاتلينا تروح أم فراس: ماما رنيم يلا قومي رنيم: ماما شوي بس بليييييييييز أم فراس: طيب قومي روحي لغرفتك أريح من هنا من زمان وانا أحاول أصحيك مو راضية حتى ملابس المدرسة ماغيرتيهم رنيم قامت من الكنبة وهي مغمضة عيونها: طيب يلا أبروح غرفتي وصعدت الدرج وهي تتمايل فيه لانها تعبانة وفيها النوم .................................................. .................. جوري بصوووووووووووت عالي: هاااااااااااااااااي رتال ضربتها على كتفها: اسكتي لا تصارخين راسي يعورني لا تزيديها علي جوري: وش دخلك كيفي فيني نشاط اليوم رتال فتحت باب الغرفة بتدخل وقالت قبل ماتسكره: أنتي فيك نشاط لا تزعجين غيرك ياويلك إذا سمعت همسك ...... فيني النوووووووووووووووووم درر: وانا بعد جويييير لاتزعجيني .... ودخلت غرقتها وسكرت الباب بقوة جوري: يمة وش فيهم هذولي الحمد لله والشكر بس أم ماجد: أنتي اللي وشفيك روحي نامي ريحي لك شوي جوري: تطرديني يمة وانا وسطيتك حبيبتك خلاص زعلت ودخلت غرفتها وتروشت وجلست على اللاب توب تتسلى .................................................. ....................... سيارتهم فورد إكسبلور واقفة عند باب المؤسسة ينتظرون أمهم تطلع لينا: ياربي وشفيها تاخرت لما: فيني النوم ليش ماطلعت فيصل: خلاص وشفيكم هذا هي جات فتحت الباب ودخلت أم فيصل: حرك لمار: ماما ليش تاخرتي مررررة ثانية راح يودينا البيت بعدين يجيك أم فيصل: ماما تعرفين لسة الكل راجع من الإجازة والوضع مكركب في المؤسسة شوي فيصل: خلاص لمار بلا حكي فاضي سلمي عليها قبل لمار: أووووبس هاااي ماما نسيت أم فيصل: هاااي بس لا تبوسيني ألحين في البيت حرانة مررررررة بعد شووووي وصلوا البيت والكل دخل تروش ونام .................................................. .......................... شوق دخلت البيت ووراها غادة شوق أعطت الخدامة شنطتها توديها الغرفة: محمد أنت هنا متى أمداك تجي قبلنا غادة: إي غريبة وش مجيبك محمد وهو متمدد على كنبة الصالة وحاط إيده على عيونه: لا استأذنت تعبان شوي شوق غمزت له: لا علي قلت لي تعبان ها ... وراحت عنده وقامت تتغدغه .... تعبان ها بسم الله عليك هههه محمد: هههه .. خلاص ...هههههههههه .... شوق هههه ... ابعدي عني ... هههههه .... خلاص ..... خلاص منيب تعبان ههههههه بس مالي خلق دراسة ... هههههههه شوق جاء أحد ورفعها من على الكنبة شوق: هههههه اتركني مين ... ولفت وجهها ... فهد هههه نزلي مو بزر عندك نزلها فهد على الأرض فهد: وش قاعدة تسوين فيه موتيه من كثر الضحك شوق: يكذب علي يقولي .... قلدت محمد وهو مخلي نفسه تعبان .... تعبان شوي فهد: ههههههههه جبتيها ... كنت متأكد أنه يلعب عارفه ... طيب يلا أانا رايح أنام دايخ غادة: مع السلامة وبعد كذا الكل نام .................................................. ....... واقفين عند الباب اللي يشوفهم يقول يطرون ندى: وشفيهم مافتحوا الباب الخدامة الغبية وينها سجى: حررررر أبموت انفتح الباب ندى: لا تو الناس سجى: ليش مافتحتوا الباب من زمان حمد: ادخلوا أقول بلا صراخ فضحتونا عند الجيران دخلوا وسكروا الباب ندى: تستهبل مع وجهك مجلسينا في الحر ومافتحتوا الباب حمد: الجرس خربان ماسمعنا صوته سجى دفته ودخلت: ابعد عن وجهي سجى رمت شنطتها على الأرض وراحت المطبخ وقالت بصراخ: ميري يالغبية أنا ماقلت لك الساعة وحدة تجلسين بالحديقة تنتظرين نجي أنا وندى من المدرسة أنتي ماتفهمين شوفيني تسبحت من الحر ميري وقفت خايفة: أنا في إنسى سجى: نسى اللي ينسيك اسمك قولي آمين ميري سكتت لأن شكل سجى مايبشر بالخير دخل مهند المطبخ: سجى وراك تصارخين كذا سجى ناظرته وقالت تنهي الموضوع: اطلع برى مهند بعناد: ماراح اطلع سجى بعصبية: اطلع برى ماتسمع خاف منها وطلع سجى التفتت على ميري: وانتي شغلي معك بعدين وطلعت من المطبخ على غرفتها ونامت .................................................. .................... وليييييد بحماس: السلام عليكم ورحمة الله وبركاته ياأهل البيت أم وليد وهي تبتسم على حماس وليد: وعليكم السلام أبرار باست راس امها وهي تتثاوب: هاااي ماما ... باااي رايحة أنام أفنان: كان ماتعبتي حالك وقلتي هااااي ... هلا يمة .... وراحت وجلست جنبها أسماء: هاااااي ماما كيفك وليد: انا رايح اتروش وأنام .................................................. .................... طبعا ً كل أبطالنا الحلوين قضوا هذا اليوم نوم لأنهم نسوا نظام المدارس في الإجازة اللي قضوها سهر ولعب ووناسة <<<<<<<<<<<<<<<<<<<<<<<<<<<<<<<<<<<<<<<<<<<<<<<<<< <<<<<<<<<<<<<<<<<<<<<<< الساعة 6 المغرب الكل جالس في غرفته إلا ريم جالسة في الصالة تناظر التلفزيون ريم: أووووووووف مليوون قناة ولا وحدة منهم فيها شي ..... : وشفيها الحلوة زعلانة ريم بسرعة التفتت للصوت: أحمد أحمد: إي احمد كيف الحال ريم قامت بسرعة وراحت عنده تسلم عليه: كذا ماتسأل علينا ولاشي لي اسبوع ماشفتك ... لفت وشافت جنبه ... أهلين مريوم كيفك مريم: الحمد لله أنتي ريم: بخير .. وشهقت .. ليون كيفك ياحلوة ... وباستها وشالتها احمد: إلا خالتي وينها ماأشوفها .... : هذا انا هنا يالقاطع كلهم التفتوا للدرج احمد: والله ياخالتي مشغول واول مافضيت جيتك على طول أم حسام: عاذرتك ... إلا كيفك مريم وكيف الصغنونة مريم: بخير والله وانتواك كيفكم كلكم ريم: يمة أنا باخذ لين معي فوق وانتوا اجلسوا هنا اوك أم حسام: طيب ريم صعدت فوق وهي ماسكة لين لين: واوا ريم: هذا اللي تبينه بس حلاوة ها لولو وهي جالسة على الكنبة ومعها سارة: لين هنا متى جات ريم: من زمان الحين بيروحون لولو: يالحمارة ليش ماناديتيني أسلم على مريم واحمد تستهبلين ريم: إي أستهبل عندك مانع سارة: لاتصدقينها كذابة توهم جايين لولو: جد ..؟؟!! أجل تعالي معي تحت سارة: لا انتي روحي أنا أبجلس هنا لولو سحبتها وقومتها معها: لابتجين معي يعني بتجين سارة: أووووف منك خلاص أبجي فكيني ونزلوا ريم: فكة منهم .. ليونة انتي اجلسي هنا على الكنبة رايحة أجيب لك واوا وجاية أوك لين: أوتي (( أوك )) .................................................. .... فراس وهو يصارخ: ميسي تعالي بسسسسسسرعة ميسي وهي تركض: نأم إيس فيه (( نعم وش فيك )) فراس: من زمان اناديك ليش ماجيتي .... المهم سوي لي كاس عصير برتقال بسرعة فاهمة ميسي هزت راسها: اوك رنيم: غريبة وش تبي بعصير برتقال تعبان .. وإي صح أنت ماتحب البرتقال فراس: ادري بس يقولون اللي يشربه كل يوم مايجيه انفلونزا أبد وأنا صراحة واحد مالي خلق مرض فأشرب العصير ليقيني من المرض رزان: الحمد لله والشكر بس انجنيت شكلك رنيم: شكله ... المهم كم باقي على الإجازة الطويلة فراس: شوفي كان ماني غلطان شهر وثلاث أسابيع رنيم: أووووف كل هذا مرررة كثير رزان: أقول احمدي ربك إجازتنا ثلاث شهور غيرك شهر مدري أسبوع جات الخدامة واعطت فراس العصير فراس: السعودية بلاد الخير ماتلاقين بلد مثلها مدلعينا وإجازات ووناسة مو مثل برا رنيم: إي والله جد جات ام فراس وأبو فراس أبو فراس: وشو اللي جد رنيم: بابا قاعدين نتكلم عن الإجازة أم فراس: فراس وراك تشرب عصير برتقال تعبان رنيم ورزان قاموا يضحكون: هههههههههههههههههههه أم فراس: وراكم تضحكون رزان: الحمد لله والشكر ولدك يتغصبه علشان يقيه من المرض على قولته ههه ام فراس: ههههه ومن قايل لك أنه بيقيك من المرض أبو فراس: لو تشرب غاز ومكتووب المرض بيجيك بيجيك فراس: يعني غصب تفاولون علي مب جايني إن شاء الله ... وقام وقف .... وصح يبة أنا طالع مع اخوياي مع السلامة الكل: مع السلامة .................................................. ............... أبرار: وليييييييييييد قلت لك جيبها وليد هو يدخل غرفة الطعام: لا يعني لا أبرار وهي تدور على الطاولة هي من جهة وهي من جهة: ولييييد والله أنك تقهر وليد وهو يضحك: انا اقهر ... ورفع الورقة اللي بيده .. راح أفتحها ترا أبرار: ياويلك إذا فتحتها وليد: وش تعطيني إذا مافتحتها أبرا: كف على وجهك وليد رفع حواجبه: بعد ... وفتح جزء من الورقة ... هذا وجهي إذا مافتحتها دخلت أم وليد: وراكم تلعبون هنا أبرار: ماما شوفي وليييييييييد الغبي ماخذ ورقتي ويبي يقراها ام وليد: وليد عطها ورقتها وليد: لا ... وطلع من الغرفة على الصالة وفتح الورقة وقرأها بصوت يضَحك وعالي (( إلى زوجي المستقبلي ............................. يامن أخذت روحي اتعهد بأن احبك إلى الأبد وأن لا أخذلك مهما حبي صمد وساظل تحت قدميك ............................... )) وسجبت منه الورقة أفنان: هههههههههههه أكيد أبرار كاتبتها وليد: ههههه اكيد أسماء: خطيرة أختي ماقررتي بعد وش بتسمينه أبرار: كلوا تبن وليد: ماخليتيني أكمل وش بتسوين عند .. غيَر صوته .. قدميه أم وليد: اعقلوا عن بنتي احسن لكم أفنان: ماسمعتي بنتك وش كاتبه لزوجها المستقبلي أبرار: فنيَن قلت لك كلي تبن أسماء: هههههههههههه وليد: عصبت هههه أبرار راحت غرفتها وهي تتحلطم أم وليد: حرام عليكم وليد: حرام علينا تستاهل داخلة غرفتي تزعجني أم وليد: بس أنتم ثقلتوها شوي روحوا راضوها يلا أسماء: أنا مالي خلق أفنان: وانا بعد ووليد هو اللي زعلها مو حنا وليد: لا والله لكم خلق تضحكون ومالكم خلق تراضونها ام وليد: ماعليك منهم روح انت راضها وليد: تومي ماأقدر فيها أفنان: اللي يشوفك يقول زوجتك مو توامك .. قال مااقدر فيها قال أسماء: ههههههه راح عند غرفة أبرار ودق الباب أبرار بدون نفس: مين ...؟؟!! وليد: حبيبك وقلبك وعمرك أبرار: وش تبي وليد: أول شي ممكن أدخل أبرار: لا وليد: يلا عاد جاي أراضيك أبرار: .......................... وليد فتح الباب: دخلت ترا كانت جالسة على السرير ومعطية ظهرها الباب وليد راح وجلس جنبها: بربورة يلا عاد بلا دلع أنا آسف أبرار: لا تحاول .... وبعد إيش بعد ماقريت الورقة وضحكتهم علي وليد ضحك: ههههه مو أنا زوجك المستقبلي ومن حقي أقرأ الورقة أبرار ضحكت غصبن عنها: ههههههههههه وتذكرت هي ووليد وهم صغار عمرهم سبع سنين (( أبرار: ولييييييد وليد: نعم أبرار: إذا كبرت مين راح تتزوج وليد: مدري أبشوف وحدة تعجبني وبقول لماما تخطبها لي أبرار رمت باربي اللي في إيدها في الأرض وقامت تضرب رجلها في الأرض بقوة طلعت أم وليد بسرعة: أبرار حبيبتي وشفيك وليد سوالك شي أبرار وهي معصبة: ماما وليد يقول بيشوف وحدة تعجبه وبيتزوجها يعني ماراح يتزوجني أنا أم وليد ضحكت على براة بنتها: ههههههههههه علشان كذا زعلانة أبرار: إي هو بيتزوجني أنا وبس )) وليد: عرفتي أن مااحد يضحك بربورة غيري أبرار: هههه أصلا ً أنا هذي من زمان كاتبتها لما كنت بخامس ابتدائي ماتشوف الخطة كيف معفنة ولقيتها في الدرج وأنت أخذتها مني وليد: وأنا أقول ورى خطت أبرار كذا ههههه ... يعني خلاص رضيتي أبرار: لا لسة بعد ماتهمز رجولي أرضى وليد :احلفي أقول بس رضيتي ولا في طقاق أبرار: بعد .................................................. ... لينا: فيصل يلا قوم الساعة سبعة ونصف فيصل: شوي شوي بس لينا: ياربي طفشتني من زمان وأنا اقومك مو راضي بعدين كيف راح تنام في الليل وبكرة مدرسة دخلت أم فيصل: إلى ألحين ماصحى لينا: ماما مو راضي يصحى جات عنده أمه وجلست جنبه في السرير وقامت تهزه: فيصل فيصل يلا فيصل: يمة شوي خمس دقايق بس رن جوالها اللي بيدها: لينا حبيبتي أنا جايتني مكالمة مهمة رايحة ارد عليها اتني صحيه لاتطلعين إلا وهو صاحي خلاص لينا تأففت: طيب طلعت أم فيصل ودخلت لما وقالت بصراخ بصوت عالي: فيصل فيصل رنيم تبيك في التليفون فيصل قام مرتاع: ها مين يبيني لما: قلتلك رنيم ماتفهم فيصل قام من السرير وهو ناسي اللي صار في الإستراحة وطلع برا على طول نزل تحت عند التيلفون لينا: جد رنيم متصلة وش تبي فبه لما: مهبولة أنتي أكيد لا بس علشان يقوم لينا: هههه والله أنك مو سهلة دخل فيصل معصب: تستهبلين مع وجهك مافي احد على السماعة وانا أصلا ً أقول ليش تتصل رنيم وش تبي فيني ودخل الحمام وقال قبل مايسكر باب الحمام: اطلعوا برا الغرفة مو تجلسون هنا .... وسكر الباب دخلت لمار: فيصل تقول ماما ... التفتت يمين يسار ماشافته وسكتت وقامت تناظر في لما ولينا اللي واقفين يضحكون... فيصل وينه .. وشفيكم تضحكون لينا: مافينا شي إلا وش تبين في فيصل لمار: هو وينه لما: في الحمام لمار دقت الباب على الحمام اللي داخل غرفته: فيصل تقول لك ماما لا ترجع تنام تعال تحت اجلس معنا فيصل مارد عليها وطلعت هي لينا ولما ونزلوا تحت .................................................. .......... جالسين داخل الخيمة اللي في حديقة بيتهم ماجد: فهد أخوك محمد وينه ماشوفه إلى الآن نايم ماصحى فهد رفع كتوفه: والله مادري وينه بس هو صحى من النوم قبلي بعد بس مدري وين راح ماجد: أسامة قوم شوف وينه ناده يجلس معنا أسامة: إن شاء الله وطلع من الخيمة .................................................. ............ واقف على السلم عند الجدار اللي يفصل بين البيتين يصلح لثمته اللي كل شوي تنفتح وبعد ماصلحها وأخيرا ً ثبتت .... خطر للبيت الثاني وهو خايف من اللي بيسويه وقام يمشي شوي شوي وشاف واحد من بعيد مو بابين من هو وقاعد يصرخ ..... : حرامي حرامي لحقوا حرامي طلعوا الباقي وقاموا يلحقونه من بعيد قام يركض مو عارف وين يروح نسى شكل البيت من الربكة انتبه بالسلم اللي موجود تحت وحدة من نوافذ البيت وصعد عليه ودخل من النافذة اللي كانت مفتوحة ............. كانت جالسة وإيدها تتحرك بمهارة وبسرعة على أزرار اللاب توب حست بأحد يدخل وبسرعة لفت خايفة جوري: مين انت راح سكر الباب المفتوح كله وقفل الباب جوري بسرعة راحت عند الباب خايفة: ليش قفلت الباب ... وتوها بتصرخ تناديهم .... حط إيده على فمها وقالها بصوت خفيف: أووووووووش .................................................. .......................... <<<<<<<<<<<<<<<<<<<<<<<<<<<<<<<<<<<<<<<<<<<<<<<<<< <<<<<<<<<<<<<<<<<<<<< انتهى البارت أشوفكم بالبارت الجاي أختكم (( حكايا قلم ))
__________________ iLove every one ... |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية لعنة حب للكاتبة إكرام مجاهد | ķēMéễ | أرشيف المواضيع الغير مكتمله او المكرره او المنقوله و المخالفه | 216 | 03-02-2015 08:07 PM |
| رواية حب في الجمس, للكاتبة/ احساس مهاوي | توتة تاكل بسكوتة | روايات و قصص بالعاميه | 6 | 06-05-2014 01:22 PM |
| رواية عشاق من احفاد الشيطان للكاتبة المنحوسة او(متكحلة بدم خاينها) | noor_96 | أرشيف المواضيع الغير مكتمله او المكرره او المنقوله و المخالفه | 25 | 10-02-2010 01:01 AM |
| "يوم تبلى السرائر" رواية جديدة مثيرة للجدل للكاتبة سارة الدريس | عاشقة الحروف | أرشيف المواضيع الغير مكتمله او المكرره او المنقوله و المخالفه | 2 | 09-19-2010 11:54 AM |
| رواية بنات الرياض للكاتبة رجاء الصانع نسخة كاملة للتحميل | © بندر © | أرشيف المواضيع الغير مكتمله او المكرره او المنقوله و المخالفه | 384 | 01-13-2009 07:33 PM |
.gif "thanks")
العرض العادي
