|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#226
03-21-2011, 12:48 AM
| ||
| | ||
| (( الفصل التاسع عشر )) رنيم: كم مرة عصبتي لما البنات يمدحونه وماتقدرين تحطين عينك بعينه .. ولا تنسين سالفة الخيمة ريم: يالغبية لما أعصب يعني أنا أكرهه رنيم: ريم مو علي ترى أنا أعرفك أكثر من نفسي ريم: لا غلطانة ورجعت على ورى وزلقت رجلها وطاحت بالمسبح رنيم صرخت: ريــــــــــم ريم عطت رنيم ظهرها وهي تحاول تسبح لكنها مو قادرة لأنها بدأت تبكي وهي تصرخ في نفسها: لا مستحيل أنا أحب ثامر أنا أكرهه أكرهه رنيم قامت تصرخ لأن المسبح مررررة كبير وريم بدأت تبعد وباين أنها مو قادرة تتماسك: بنات بنات تعالوا ريم تغرق طلعوا البنات والحريم معهم من الصالة والعيال سمعوا صراخ رنيم وطلعوا من الخيمة ثامر أول ماسمع أن ريم تغرق بسرعة ركض وفسخ التيشيرت حقه وطب بالمسبح ولما بدأ يقرب من ريم ريم كانت معطية الكل ظهرها ولما حست بثامر يقرب بسرعة مسحت دموعها ماتحب احد يشوف ضعفها أو دموعها وخاصة شخص تكرهه مثل ثامر ثامر قرب من عندها: ريم فيك شي ريم ماردت عليه كانت تحرك رجولها من تحت لأنها تعرف تسبح ثامر بحركة سريعة شال ريم .. وريم كانت متكتفة وساكتة وتطالع فوق ومعصبة ثامر وصل لدرج المسبح وطلع وهو شايل ريم وحطها على واحد من كراسي المسبح ريم على وضعها متكتفة ومعقدة حواجبها وساكتة تطالع الفراغ أم حسام ركضت لها: ريم حبيبتي فيك شي ريم ماردت أم حسام ماكانت مستغربة هذي حركة ريم لما تعصب بقوة أم حسام: الله يعافيك ياثامر ثامر: وش دعوة خالتي ماسويت شي أم حسام مسكت ريم ولفت عليها فوطة ودخلتها داخل ريم جلست على الكرسي وهي لافة على جسمها الفوطة وكانت ترتجف بردانة بس مابينت لأحد أم حسام جلست: يمة طاح قلبي .. قلت خلاص بنتي راحت مني أم فراس: ماما ريم قومي غيري برد عليك التكييف بارد ريم ماردت بس قامت وراحت فوق رنيم جلست في الجهة الثانية من الصالة معصبة من ريم والبنات راحوا لها ومسكوها تحقيق لولو: إيش صار بالضبط رزان: أنتي رميتيها ولا هي رمت نفسها ولا إيش أبرار جلست جنبها: قولي السالفة من الألف إلى الياء لما: يلا بسرعة ندى: رنيم تكلمي رنيم طالعتهم كلهم وقامت عنهك وتركتهم وراحت فوق ودخلت جناحها وجلست في الصالة ريم كانت داخل الغرفة تروشت بسرعة وطلعت ولبست جينز وتيشيرت لاكوست لونه أسود ومشطت شعرها المليان موية وجففته وربطته على فوق وطلعت شافت رنيم جالسة على الكنب وجلست جنبها بس بينهم مسافة ريم: إيش جيبك رنيم: والله غرفتي على ماأظن ريم: إيش قصدك أطلع منها رنيم: أنا ماقلت كذا ريم: طيب خلصيني إيش تبغين مني رنيم التفتت عليها: اعترفي ريم: اعترف بإيش رنيم: ريم أحكي ريم: أحكي إيش أقول رنيم: قولي أحب ثامر ريم: أكره ثامر رنيم: ريم ريم: خلاص إذا حبيته قلت لك أوووووك رنيم سكتت تفكر: أووووك ووقفوا وضموا بعض رنيم: سوري ريم: أنا اللي سوري رنيم: تهاوشنا على شي مرة سخيف .. بس يلا ثامر هو أنقذك ريم: رنيم إيش قلنا رنيم: لا خلاص .. بس إذا حبيتيه تقولين لي أول وحدة ريم: أول وحدة وآخر وحدة بعد .. مع أني متأكدة ماراح أحبه رنيم: خلاص خلينا نسكر على الموضوع وننزل ريم: يلا ونزلوا تحت مع بعض وماسكين إيد بعض رزان: تصالحتوا ندى: حشى ماأمدى لما: تو من شوي تهاوشتوا وألحين تصالحتوا أبرار: الناس يجلسون يوم يومين وأنتوا ساعة ماجلستوا رنيم: ههههههههههه منقهرين ريم: شكلهم وجلسوا عندهم وظلوا البنات يسولفون كلهم سوا ######################################### جات الساعة 1 ونصف الظهر طلعوا العيال مع البنات من البيت وراحوا للمطعم والرجال كل واحد اخذ زوجته وطلع .................................................. ......... ماجد: ها وين أي مطعم أختاروا جوري: قلنا لكم بس أنتوا مو راضين فهد: مانبغى نجرب شي جديد ويطلع مو حلو بعدين شوق: ومين قال أنه بيطلع مو حلو فهد: أنا غادة: والله عاد أنت كيفك رتال: حنا نبغاه محمد: خلونا نجرب وش راح نخسر أسامة: وش رايكم نسوي تصويت جنى: يلا أنا أول وحدة أبغى ماكدونالدز درر: وأنا بعد جوري: تستهبلون حنا قاعدين نقول مطاعم للغداء مانبغى فاست فود غادة: إيه من جد ماجد: يلا اختاروا واحد بس شوق: نفسه كلنا موافقين عليه ماجد: أجل يلا مشينا له ومشوا متجهين للمطعم وأول ماوصلوا نزلوا جنى ودرر جنى: أنا بدخل أول وحدة درر: لا أنا رتال: أقول لا أنتي ولا أنتي روحوا ورى آخر ناس بتدخلون جنى: مانبغى شوق: اذلفوا عند جوري درر: جوجو أحسن منكم وراحوا عندها جنى: جوجو جوري: هلا درر: يلا بندخل معك جوري ابتسمت: يلا ومسكت إيدهم ودخلوا كلهم مع بعض فهد: يلا ادخلوا غادة: يلا ودخلوا البنات جلسوا لحالهم والعيال لحالهم شوق فصخت الغطاء وجلست ورتال جلست جنبها غادة: وين جوجو دخلت جوري ومعها جنى ودرر: هذا أنا جيت غادة: يلا تعالوا اجلسوا وجلسوا كلهم واختاروا الأطباق اللي يبونها دق ماجد عليهم الباب: بنات شوق: نعم ماجد: يلا اخترتوا خلصتوا رتال: إيه ماجد: يلا عطوني طلبكم درر قامت وأعطته الورقة اللي مكتوب فيها ماجد: يلا انتبهوا لجنى ودرر لايطلعون مثل ذيك المرة وراح جوري: إيه ياويلكم إذا طلعتوا غادة: أمي وخالتي بغوا يموتون ذاك اليوم جنى: حنا مارحنا مكان رتال: المهم أنكم طلعتوا شوق: أنتوا جربوا تسوونها مرة ثانية وشوفوا إيش يجيكم درر: لا ماراح نطلع أبدا ً وصل لهم الأكل وللعيال بعد وتغدوا وخلصوا وطلعوا جوري: وين بنروح ألحين محمد: أختاري شوق: لا أنا بختار فهد: وين ..؟؟!! ماجد: اركبوا السيارة أول مو في الشارع تتكلمون وركب الكل درر: نبغى نروح الملاهي شوق: نفس تفكيري بنت عمي جنى: وأنا بعد جوري: الله من زمان مارحنا رتال: أتذكر آخر مرة في الإجازة الطويلة في مصر غادة: لا رحنا بعدها في البحرين رتال: إيه صح نسيت فهد: طيب مو اليوم خلوها أسبوع الجاي شوق: لا نبغى اليوم ماجد: اليوم الجمعة مايصلح ماراح تنبسطون فهد: بنرجع البيت بدري أمي قالت درر وجنى لازم ينامون جنى: إيه ماما قالت لي درر: وأنا بعد ماما قالت قولي لماجد ارجعوا البيت بدري شوق: ألحين الساعة 2 ونصف نروح الألعاب تقريبا ً بنوصل وهو يأذن العصر وبعدين نطلع على أذان العشاء وخلاص مايحتاج كلام درر: لا مايكفي وقت نلعب جوري: أقول اسكتي أنتي محمد: خلاص نروح ألحين ونرجع العشاء على كلام شوق أسامة: واتصلوا على أبوي وعمي قولوا لهم فهد: يلا أجل ماجد روح الملاهي ماجد: يلا بروح وأمري لله ########################################### خلص الكل الغداء وجلسوا يتقهوون ويحلون أم فراس: يابنات أكلتوا من الحلى اللي أنا سويته رزان: إيه ماما أنا ولينا أكلنا أول ناس لينا: مرة لذيذ ندى: خالتي تسلم إيدك رنيم: أصلا ً أكيد بيطلع حلوا مادام أنا أكلت منه ريم: لا حبيبتي أنا إذا بس لمسته يطلع جنان أم فراس: ههههههه يسلمكم ربي لولو: بنات طفش سارة: وش رايكم نلعب أبرار: نلعب إيش لمار: أنا أقول نلعب حبشة (( غميمة .. صيدة )) سجى: لا تونا ماكلين بعد شوي أم فيصل: اسمعوا يابنات ترا بنمشي الرياض الساعة 7 مو تتاخرون أم وليد: خلوا أغراضكم جاهزة أم طلال: بكرة مدرسة ومانبغى نتأخر أفنان: إن شاء الله لينا: لا تخافون أنا أول وحدة بطلع ندى: وأنا وراها أسماء: ماراح تلعبون ألحين صح رنيم: لا بعد شوي أم فيصل: روحوا قولوا للعيال علشان مانتأخر لما: يلا بروح أنا أبرار: انتظريني وطلعوا كل البنات يركضون ودخلوا عليهم المجلس فراس: بسم الله وشفيكم أنس: وراكم تركضون لما: تقول ماما أبرار: أسكتي أنا بقول .. أن حنا بنمشي لما: لا أنا .. الساعة ســ قاطعتها أبرار: لما ياحمارة أنا بقول .. الساعة حمد: خلصونا قولوا رنيم: بتمشون الساعة 7 لا تتأخرون خلاص ارتحتوا لما وأبرار التفتوا على رنيم رنيم: نعم وش تبغون لما: حمارة أبرار: غبية رنيم: وأنتي معها فيكم بزارة ريم جلست جنب حسام: حسام متى طيارتنا حسام: الساعة 9 خالد: ليييييه ودك تجلسين ريم: لا بس أسأل نواف: تفضلوا بنات حياكم لولو: لا تخاف بنجلس ندى: حنا ماجينا إلا علشان نجلس ################################### مر الوقت بسرعة على الكل جوري والبنات والعيال رجعوا البيت هلكانين وتعبانين على الساعة 6 ونصف أما رنيم فبدأ الكل يودع الثاني أهل الرياض بيمشون ألحين ريم: مع السلامة فارقوا ندى: انقلعي أنتي أم فراس: ندى تعالي سلمي على ولا ناوية تروحين بدون سلام ريم: ماتعرف الأصول ندى: طالعة عليك وراحت سلمت على أم فراس رزان: باااااي لينا لينا: باااااي ريم: رنيم رنيم: نعم ريم غمزت لها: وشرايك نروح نسلم عل العيال .. وبهمس .. وبالمرة تشوفين فيصل رنيم تحمست: يلا وراحوا برى عند المجلس ريم: السلااااااااااااااااام عليكم حسام: وعليكم السلام وليد: أهلين رنيم تعالي أسلم عليك قبل مانروح رنيم: أهلا ً أوووك جايتك ريم: أنا أقول ماله داعي تسلم عليك أنت مو مهم بالنسبة لها رنيم وهي تمشي رايحة لوليد: إلا مهم هذا حبيبي وليد ماأقدر يروح وأنا ماسلمت عليه ريم: وععععع عليك وعليه وراحت سلمت عليه بعدين راحت وجلست جنب فراس ريم: وين فيصل فيصل دخل من وراها: أنا جيت وش بغيتي ريم التفتت عليه: ترى القطوة اللي ذيك المرة تبغى تسلم عليك رنيم عقدت حواجبها: وش قطوته ريم: قطوة مالك شغل فيها ثامر ابتسم وهو فاهم على ريم: طيب أنا مايصلح أروح أسلم على أصدقاء القطوة معه رنيم ابتسمت وصارت تناظر في ثامر وريم ريم التفتت عليه وقالت بحدة: لا مايصلح هذا شي خاص بفيصل ثامر: بس أنا ماأبغى أسلم على قطوته أبغى أتعرف على صديقاتها ريم: أووووف .. رنيم قومي يلا خلينا نطلع علشان بيمشون ألحين فراس: والله أن ثامر عرف لك حسام: ههههههه إيه والله عرف كيف ينرفزها مثل ماتسوي فينا ريم سحبت رنيم وطلعت معصبة رنيم وقفت: آااااي ريم إيدي تعورني ريم: امشي ماتبغين يشوفك ياقطوة رنيم: وش قطوته ريم: ياشين غبائك بس رنيم: أنا الغبية ولا أنتي .. قاعدة تقولين قطوة مدري إيش ريم: أنا مو من شوي قلت لفيصل يروح يسلم على القطوة رنيم: إيه ريم: القطوة هي أنتي رنيم ابتسمت يعني هذيك المرة مو بالصدفة شافت فيصل ريم هي اللي مخططة لكل شي ريم: فهمتي وأخيرا ً رنيم: ياحبيلك والله ريم: يلا أنتي روحي هناك عند المطبخ بسرعة لا أحد يشوفك رنيم: أوووك وراحت ركضت ودخلت على الصالة وراحت للمطبخ وطلعت على برى وسكرت باب المطبخ علشان الخدم ووقفت عند الزرع وهي تحاول تاخذ نفس بعد الركض اللي ركضته : بسم الله عليك تعبتي رنيم ابتسمت بفرح ورفعت راسها: لا عادي فيصل: بفقدك مررررة رنيم سكتت وهي تطالع فيه تبغى تشبع منه فيصل: لا تقولين بتسكتين كذا وبتخليني أروح وأنا ماسمعت صوتك رنيم مازالت ساكتة فيصل مد بوزه يخلي نفسه زعلان: خلاص أجل مع السلامة والتفت بيمشي وهو فيه الضحكة رنيم بسرعة راحت عنده ومسكت إيده ووقفته: لا دقيقة فيصل التفت لها وابتسم: نعم رنيم: انتظر لسة ماسلمت عليك فيصل: يلا هذا أنا واقف قدامك بس منتظرك تسلمين رنيم طالعته بحيا وقربت منه وباست خده وبعدين قربت من أذنه وقالت بهمس: بشتاق لك وبعدت عنه فيصل: وأنا أكثر رنيم ناظرت في ساعتها: يووه الساعة سبعة وربع تأخرتوا فيصل: إيه يلا مع السلامة وباسها مع خدها وناظرها نظرة أخيرة ومشى رنيم كانت واقفة في مكانها ومبتسمة وهي تناظره يمشي فيصل مشى شوي بعدين وقف والتفت لها ورسل لها قبلة في الهواء وأشر لها بإيده باااي رنيم أشرت له: باااي كمل فيصل مشيه لما اختفى ولا عاد قدرت تشوفه رنيم مازالت واقفة في مكانها وحست أن احد فتح الباب حق المطبخ : رنيم يلا بيروحون رنيم التفتت: أدري يلا جاية .. ودخلت .. إلا صح ريم أنتي ماخلصتي إختبارات ريم وهي تمشي معها تدخل: لا لسة باقي لي مادة وحدة رنيم: ومتى عليكم ريم: يوم الثلاثاء رنيم: أهااا .. كويس طلعوا من المطبخ ودخلوا الصالة أم حسام تناديهم: ريم رنيم تعالوا خالاتكم بيروحون وراحوا يركضون وسلموا على خالاتهم وعلى الكل رنيم بهمس: لينا لاتنسين تمرين على المجلس تسلمين على فراس لينا:اعقلي عني أقول رنيم: لو سمحتي خليه بنبسط لينا: حلمي وطلعت طلعوا الحريم وباقي البنات والعيال أبرار: ريم مو تقطعين .. وحتى أنتي يارنيم رنيم وريم: إن شاء الله لما: يلا مع السلامة جميعا ً طلعوا البنات وباقي لينا واقفة مع رزان رزان: اسمعي أول ماتوصلين دقي علي لينا: أووووك دخلت أسماء: لينا الله يوفقك روحي نادي وليد داخل عند العيال ماطلع لينا: طيب ألحين بروح ومشت ومعها رزان كانت لابسة عبايتها ومسكرتها وحاطة الحجاب على كتفها ورابطة شعرها بطريقة مرتبة وطالعة حلوة دخلت لينا: أهلين .. وين وليد فراس بسرعة التفت لها: هلا والله .. مدري عنه طلع لينا: يقولون أنه موجود هنا رزان: أنا بروح أشوفه داخل لينا: يلا بسرعة فراس قام وراح عندها: قومي نروح للخيمة يمكن نسى شي هناك وراح ياخذه لينا: أوووك يلا وراحوا مع بعض وهم يمشون مروا على رنيم وريم واقفين عند باب الشارع الرئيسي رنيم غمزت حق لينا: وين على الله .. سمعتي كلامي ريم: وش قايلة لها رنيم: سر .. صح ليون لينا ماأعطتهم وجه وكملت مشي مع فراس وصلوا للخيمة وطلوا عليها فراس: وينه فيه ذا لينا: ياربي تأخرنا فراس: أكيد داخل أجل لينا: أو يمكن طلع فراس: خلاص بكيفه لينا مشت: يلا بااااي فراس راح ووقفها: لحظة لينا وقفت مستغربة: نعم فراس: سلام ماسلمتي .. كلام ماتكلمتي وش دعوة لينا ابتمست وهي مستحية: قلت لك بااااي فراس: وهذا سلام لينا: إيش تسميه أجل فراس: أقدر أقول كلام لينا: ههههه وكيف السلام بالنسبة لك أجل فراس: مايحتاج أشرح لينا مدت إيدها له: يلا مع السلامة فراس مسك إيدها وسحبها له وباسها مع خدها بجرأة وبحركة سريعة لينا بعدت عنه مستغربة حركته ومستحية في نفس الوقت فراس: كذا سلام مع الكلام لينا: خلاص يلا باااااي تأخرت عليهم ومشت وخلته وشافت رزان تطلع من باب الصالة ومعها وليد لينا: لقيتيه وأخيرا ً رزان: إيه وليد: كنت أسلم على خالاتي لينا: يلا أمش قدامي بس تو جات أختك أسماء تدورك لينا: يلا باااي رزونة .. ورنيم وريم وليد: باااااي رنيم رنيم ابتسمت: باااااي ريم: بس رنيم والباقي مالهم رب رزان: إيه والله وليد: أنتوا مولازم أهم شي رنيم رنيم: ماعليك منهم غايرين وطلعوا لينا ووليد وسكروا الباب ودخلوا الباقي داخل لولو وسارة جالسين على اللاب توب في الصالة وأم فراس جالسة مع أم أحمد وأم حسام ومريم رزان: هلا وش تسوون أنتي معها سارة: تشوف شي للكبار فقط رزان: ولولو تعد من الكبار سارة: لا من البزارين اللي قدك .. بس أنا كبيرة أكبر منكم كلكم لولو: أنقلعي عااااد رزان: شكلها بدأت تتعدى الحدود لولو: إيه رزان: أقول حنا لو نجتمع أنا ولولو قتلناك سارة: جربوا لولو: تعالي رزان قاعدين نقرأ رواية رزان: جد وناسة سارة: شوفوا برحمكم وبخليكم تقرون معي رزان: غصبن عنك ................................................ ريم: رنيم طفشانة وفيني النوم رنيم: تعالي نروح عند العيال نسولف معهم ريم: لا مالي خلق رنيم: ترا مافي أحد .. بس فراس وحسام ونواف وأنس وخالد ريم بعفوية: وثامر رنيم ابتسمت: إيه صح وثامر بس ريم: يلا أمشي وراحوا ودخلوا وجلسوا عندهم حسام: هلا والله أجل راحوا الوحوش الباقين فراس: ماعاد بقى إلا أنتوا نواف: ههههه قسم تكسرون الخاطر ريم: أقول أسكت أنت يالبزر نواف: مانيب ساكت خالد: تعالي لي هنا ..ألحين أنتي وسكت ريم راحت عنده وجلست جنبه: أنا إيش ..؟؟!! خالد: لا خلاص ماعندي سالفة بس كنت أبغى أتعبك علشان تجين لي ريم: ياسخفك أنس: شكله ناوي على شي
__________________ iLove every one ... |
|
#227
03-21-2011, 12:48 AM
| ||
| | ||
| رنيم: يتزوجك ريم شبكت أصابع إيدها بإصابع خالد: إيه ماأحد قالك رنيم: إلا خالد هو اللي قال لي حسام: ثامر وراك ساكت ثامر: سلامتك مافيني شي ريم وهي تطالعه بتحدي: منقهر لأني بتزوج خالد ثامر: وكأنك تدرين سبحان الله رنيم: عاد وين تلاقي لك وحدة حلوة مثل ريم .. للأسف راحت عليك المرة الجاية إن شاء الله ثامر: وأنتي الصادقة ريم: وش المرة الجاية بعد أنتي حلى هي رنيم: خليه ينبسط ريم: أقول فارقي بس فراس: أقول ثنتينكم اللي فارقوا أزعجتونا رنيم وهي جالسة جنبه: إيش قلت ماسمعت حسام: قال فارقوا مايحتاج يعيدها ريم قامت وجلست جنب حسام اللي كان قريب من ثامر و صارت بينهم ريم: حنا الداخلين وأنتوا الطالعين فراس: ههههههههههه ضحكتيني وأنا ماأبغى أضحك رنيم: ليش تضحك .. ماقالت إلا الصدق دخلوا رزان ولولو وسارة لولو: هاااااااااااااااااااااااي خالد: أهلا ً حسام: والله كملت سارة: أنا قلت ألحين بيرحبون فينا ومدري إيش رزان: قلت لك هذولي مو وجه ترحيب أنس: أقلبوا وجوهكم عاد لولو: طيب بنقلبها بس ماما تقول يلا علشان بنمشي بعد شوي رنيم: لااااا لاتروحون ريم: يلا مشينا رنيم: لا لاتروحين مابعد انبسط معك لولو: ريم وش عندك هناك إختباراتك خلصتيها ماباقي إلا يوم الثلاثاء بس سارة: اجلسي بس فراس: وأنتوا ياثامر وحسام اجلسوا وش عندكم كلها يومين على الأقل حسام: أنا ماأقدر صراحة أبوي طول الوقت في الشركة وأمي وأخواني لحالهم فراس: وأنت ياثامر ورى ماتجلس وحسام يقول للمدرسة أنك مسافر ثامر كان ساكت ينتظر ريم تتكلم: مدري والله رزان: وأنتي ريم ريم: وأنا بعد مدري حسام: إذا تبين تجلسين أجلسي ثامر بيجلس معك .. صح ثامر ثامر: أكيد ريم تناظر في ثامر وهي ودها تقول لا .. وبعدين تناظر في رنيم اللي غصبن عنها بتخليها تقول إيه فراس: بسرعة جاوبوا مصختوها ريم: خلاص أبجلس ثامر: أجل أنا معها رنيم قامت وراحت عند ريم: يــــــــس .. وناسة وضمتها بقوة ريم: آااااه موتيني شوي شوي .. ترى معجبيني كثار عطيهم فرصة الكل ضحك عليها لولو: طيب يلا قومي نروح نقول حق ماما ريم قامت ومعها رنيم: يلا أمشي وطلعوا وارحوا للحريم داخل سارة: أهلين أم أحمد: هلا والله بحبيباتي لولو: ماما ترى ريم بتجلس ماراح تروح معنا أم حسام: لا مافيه تجلس وحنا بنروح رنيم: بليــــــــز خالتي أم فراس: خليها تجلس مو أنتي تقولين إختبارها الاخير يوم الثلاثاء .. خليها وترجع يوم الأحد أم حسام: لا والله ماأقدر أرجع ووحدة من بناتي مو معي ريم كانت ساكتة محتارة تجلس ولا تروح .. هي تبغى تجلس علشان رنيم .. وماتبغى علشان ثامر رزان: خالتي ترى ثامر صديق حسام بيجلس وبيرجع معها مريم: خالتي إذا هي تبي خليها تجلس رنيم: ريم تكلمي والكل التفت لها يبغى يسمع جوابها أم حسام: ريم تبغين تجلسين ريم سكتت تفكر شوي: الصراحة .. والتفتت على رنيم بعدين بسرعة قالت .. إيه رنيم: شفتي خالتي .. هي تبغى تجلس أم حسام: مدري كيفها خلوها تروح تسأل أبوها رنيم مسكت إيد ريم: يلا أمشي وراحوا ركضوا برا وشافوا الرجال جالسين في الحديقة رنيم: السلام عليكم الكل: وعليكم السلام أبوفراس: هلا برنيم وريم وينكم ماشفتكم من زمان ريم: موجودين رنيم: عمي أبو حسام أبو حسام: هلا رنيم: ريم تبغي تجلس عادي أبو حسام: وين تجلس فيه ..؟؟!! رنيم:عندنا في الشرقية .. وترجع يوم الأحد أبو حسام ناظر في ريم اللي شكلها ودها تجلس: براحتها بس تسأل أمها قبل رنيم: هي موافقة .. شكرا ً عمي أبو حسام: مع أني ماأقدر أفارقها .. بنتي ريم حبيبتي : يعني بس هي وأنا التفتوا كلهم وشافوا لولو وسارة ورزان ريم: منقهرة مني لولو: وععععع رنيم: أمشي بس نقول حق خالتي أن أبوك وافق ريم: يلا وراحوا داخل رنيم: وافق أم حسام بحزن: أمري لله حتى أنا موافقة رنيم وريم ضموا بعض وهم ينقزون لولو: الحمدلله على نعمة العقل رزان: يوووه الله يعيني عليهم سارة: وناسة بنفتك منها مافي أحد يزعجنا ولا شي ########################################### : جوري أبسألك جوري: تفضلي آنسة شوق أسألي شوق: لا خلاص هونت جوري: بلا سخافة تحمست غادة: شوق أسأليها رتال: هو سؤال محرج شوق: يعني شوي جوري سكتت شوي غادة: شكل جوجو ماتبغى تنحرج رتال بخبث: بس أنا أبيها شوق: لا بعدين بيني وبينها جوري: يكون أحسن .. بعيد عن الملاقيف غادة: معليش .. بس لاتخافون عارفين عارفين رتال: إيه راح نعرف بطريقتنا الخاصة شوق: إذا حجت البقر على قرونها جوري: خلاص أسكتوا خلوني أكمل قراءة رتال: ترى طفشتيني مع هذا الكتاب كم مرة قريتيه جوري: مالك دخل فيني كانت تقرأ رواية بريطانية رومانسية شوق: من جد جوجو ماطفشتي منها جوري: لا والله أنها حلوة غادة: صح أنا أحب الرومانسية .. بس هذي أحس أنها رومانسية بزيادة رتال: إيه من جد جوري: عاد أنا عاجبتني شوق: محمد ترا عنده كثار تبغين جوري تحمست: إيش اللي عنده أمريكية ولا إيش غادة: في مكتبة غرفته فيه كثار وكلهم صراحة حلوين مع أني ماقرأت إلا ثلاث بس شوق: أنا ماأفكر أقرأهم لأن القراءة أسخف شي بالحياة جوري: بالنسبة لك لأنك سخفية شوق: هذا وجهي إذا خليتك تاخذين جوري: عادي أقول لمحمد يعطيني رتال غمزت لها: أشوفك صايرة معه بزيادة جوري: ولد عمي وأنا حرة معه غادة: لا لا لا هذا الكلام مايصير .. محمد وقاطعها صوت محمد عند الباب: أحم شوق: ادخل دخل وكانوا جوري ورتال متغطين محمد: كأني سمعت أسمي .. قاعدين تتكلمون فيني غادة: لا بس كنا نتكلم عن الكتب وقلنا لجوجو أن عندك كثير شوق غمزت له: هي تحب الروايات الرومانسية وتبغى تاخذ من عندك بس أنت ماراح توافق إذا أنا ماوافقت صح جوري كانت مغمظة عيونها ودها تقتلهم لأنها متفشلة قدامه بما أنه عرف أنها تحب الرومنسية محمد: وليش ماأوافق يعني جوري فتحت عيونها وضحكت بعفوية: هههههههههههههههههههههههههههههههه .. لقطي وجهك ياشوق ههههههههه محمد كان وده يضحك لضحكتها بس مسك نفسه واكتفى بإبتسامة شوق: طيب أشوف مين بيروح معها غرفتك ويوريها الكتب محمد: أنا موجود غادة: لا ياأخوي أنت وصلت لبعيد .. وش ذا القلة الأدب محمد: وش قلة أدبه .. أنا بوريها كتب ماراح أنام معها رتال: وصلت لهذي الدرجة جوري: مشكلة التفكير عندكم متضرر محمد: وأنتي الصادقة .. إلا وشرايك أوريك إياهم ألحين جوري وقفت وهي متغطية: إيه يلا شوق: معليش أنا أوريكم وراحت جوري مع محمد فوق محمد فتح باب غرفته ووقف عنده علشان تدخل جوري كانت تطالعه مو عارفة تدخل لأنها راح تلصق فيه لكن بسرعة دخلت ومع ذلك لامس ظهرها صدره دخل وراها وراح عند المكتبة اللي مكونة من أرفف كلها كتب بعضها اجنية وبعضها عربية محمد:شوفي الرفين اللي فوق كلها روايات أجنبية بريطانية وامريكية وفية مكسيكية بعد جوري: هذولي اللي فوق محمد: إيه وفيه آخر رف اللي تحت روايات عربية جوري: لا أنا ماأحبهم أحب أقرأ الأجنبية أكثر محمد: براحتك جوري قربت من عند المكتبة وهي رافعة راسها تقرأ عناوين الكتب علشان تختار ومحمد بعد عنها وخلاها على راحتها وانسدح على سريره جوري رفعت الغطاء شوي علشان تشوف زين ووقفت على أطراف أصابعها علشان توصل لآخر رف تاخذ كتاب عجبها محمد التفت لها وشافها تحاول تاخذ الكتاب وقام وراح لها محمد: انتظري اجيبه لك جوري أول ماحست فيه تغطت ووقفت زين وضحكت على نفسها في داخلها متفشله محمد جاب لها الكتاب ومده لها: تفضلي جوري مدت إيدها ولامست إيده وبسرعة أخذت الكتاب: شكرا ً محمد: بس هذا ..!! أنا قلت بتاخذين كل المكتبة .. وماأخذتي إلا واحد جوري: إذا خلصت وعجبني يمكن آخذ واحد ثاني محمد ابتسم بثقة : لا تخافين ذوقي حلو في كل شي حتى في الكتب جوري ابتسمت وكأنها تحس أنه يشوفها: إن شاء الله يطلع حلو .. يلا بااااي وراحت بسرعة طلعت من الغرفة محمد: ماأمدى نزلت الله يهداها بس ماخلتني أسولف معها شوي ########################################### الكل تجهز بيطلع جالسين يسلمون على بعض أم حسام وهي تضم ريم بقوة وعيونها غرقانة: مو مطاوعني قلبي أروح وأخليك ماعمري سويتها ريم: يمة لا تخافين علي وين بروح يعني أم حسام: ولو تعودت عليك بالبيت .. غيري رايك رنيم: لا عاد خالتي لو سمحتي أم فراس: كلها يومين وإن شاء الله بترجع أم حسام: إن شاء الله أم فراس سلمت على أم أحمد ومريم وأم حسام وطلعوا رزان: يلا باااي سارة ولولو سارة: باااي لولو راحت ضمت ريم: بفقدك صراحة ريم: ههههه هذي اللي تقول فكة مني لولو: أمزح سارة: من جد بنفقدك رنيم: خلاص أطلعوا لاتغير رايها ألحين دخل فراس: بنات تبغون تروحون توصلونهم ريم: إيه أنا أبغى أروح رنيم: وأنا بعد رزان: أنا مالي خلق صراحة بروح أنام فراس: يلا بسرعة البسوا عباياتكم أنا انتظركم في السيارة وطلع وراحوا بسرعة فوق علشان يجيبون عباياتهم ودقيقة ونزلوا رنيم كانت متحجبة ماتغطت وريم كانت لابسة عبايتها نفسها اللي مبطنة بأخضرتفاحي وبدون أزارير وحاطة الحجاب على كتفها وطلعوا وشافوا فراس جالس في السيارة وركبوا ورى رنيم: السلام عليكم الكل: وعليكم السلام ريم دخلت من الجهة الثانية: السلام وطاحت عينها على عين ثامر اللي كان جالس قدام جنب فراس فراس: وعليكم السلام .. يلا بسرعة سكري الباب ريم انتبهت على نفسها وسكرت الباب ومشوا كلهم ورى بعض بيت أبو حسام بسيارة السايق وبيت أبو أحمد ومعه أحمد ومريم بسيارة أبو فراس وفراس بسيارته واتجهوا للمطار وأول ماوصلوا بسرعة الكل نزل لأنهم تأخروا شوي ريم: يلا مع السلامة أم حسام: مع السلامة انتبهي على نفسك أبو حسام: ماأوصيك وأنا أبوك لولو: باااي بشتاق لك حسام: انبسطي أووووك ريم: إن شاء الله .. يلا توصلون بالسلامة وقفت وجنبها رنيم وهي تطالعهم يمشون وأمها كل دقيقة تلتفت لها .................................... فراس وثامر كانوا بعيد عنهم شوي فراس: ثامر يلا خلنا نروح نأجل رحلتك أنت وريم ونغيرها إلى يوم الأحد ثامر: يلا أمش وراحوا سوا ................................... ريم: وين راحوا هذولا رنيم جلست على كراسي الإنتظار اللي وراها: أكيد يغيرون موعد التذاكر ريم جلست جنبها: أكيد وجلسوا ينتظرونهم ريم حطت راسها على كتف رنيم رنيم: وش فيك تعبانة ريم: لا بس جاني النوم رنيم: إيه وحتى أنا ريم: صار لهم ربع ساعة وماجو وين راحوا رنيم: مدري عنهم دقيقتين إلا فراس وثامر جو ثامر بعفوية: ريم وشفيك رنيم ابتسمت ريم رفعت راسها عن كتف رنيم وقالت بدون نفس: سلامتك مافيني إلا العافية فراس: ماعليك من هذي الخبلة هي كذا تتعامل مع الكل .. بس من جد ينوثق فيك وتصون الأمانة ثامر: وش دعوة هذي أمانتي من حسام ولازم أحفظها فراس: أجل يلا مشينا أمي كسرت جوالي من كثر مادقت رنيم قامت وراحت عند فراس اللي على طول حاوط كتفها بإيده: ألحين أنتوا ليش تأخرتوا فراس: لأن فيه زحمة رنيم: غريبة فراس: إيه والله حتى أنا استغربت ريم كانت تمشي وراهم وثامر جنبها بس بعيد شوي ريم: أوووووف ثامر: وش فيك ريم: فيني النوم ثامر: خلاص ألحين بنروح البيت ريم: أدري ومشت عنه وراحت عند رنيم وفراس ثامر: والله لا أجيب راسك ياريم ومشوا وركبوا السيارة واتجهوا للبيت بسرعة وراح الكل ونام على الساعة عشرة لأنهم صاحين من الصباح بدري ######################################### يوم مشرق مليء بالأحداث الجديدة والمشوقة الكل صاحي الصباح علشان المدرسة رنيم كانت نايمة وجنبها ريم دخلت أم فراس وهزت رنيم أم فراس: رنيم ماما حبيبتي يلا قومي رزان صحت من زمان رنيم تحركت للجهة الثانية: شوي ماما أم فراس: بتتأخرين رنيم قامت وجلست وهي مغمضة عيونها: خلاص صحيت أم فراس: يلا حبيبتي وأنتبهي لا تصحي ريم وطلعت رنيم قامت ودخلت الحمام وغسلت وطلعت وشافت ريم مازالت نايمة ولمعت في عقلها فكرة وقربت منها وصحتها رنيم: ريم ريم قومي بسرعة ريم قامت مرتاعة: بسم الله وشفيك رنيم: وش رايك تروحين معي المدرسة ريم حكت عيونها: والله انك فاضية مقعدتني من النوم علشان أروح معك المدرسة رنيم: إيه من جدي ترى يلا عاد قومي ريم: لا مالي خلق .. وبعدين أخاف يطردوني رنيم: أنتوا هذي الإجازة بتجون تسكنون بالشرقية صح ريم: إيه صح .. بس وش دخل رنيم: نقول لهم إنك جاية تجربين المدرسة لأنك السنة الجاية بتجين لها ريم: إيه صح أكيد بيرضون لأنها مدرسة خاصة رنيم: إيه غصبن عنهم يلا قومي ألبسي وقامت ريم ودخلت الحمام وطلعت بسرعة ولبسوا بعد ماصلوا رنيم لبست مريولها وريم لبست جينز وتيشيرت سبور أبيض ................................................. كانت واقفة قدام المراية وتربط شعرها اندق والباب وانفتح : صباح الخير ياأحلى رزونة رزان ابتسمت: هلا رنيم .. صباح النور رنيم: يلا ماخلصتي رزان: إلا بس تونا بدري رنيم: لا مو بدري .. على مانفطر وماأعرف إيش نكون تأخرنا رزان: يلا انزلي ولاحقتك رنيم: أوووووك وطلعت وسكرت الباب ونزلت مع ريم تحت وشافت أم فراس جالسة على الكنب في الصالة رنيم: صباح الخير أم فراس: صباح النور ريم: صباح الخير خالتي أم فراس: ريم أنتي صحيتي رنيم: ماما ريم بتروح معي المدرسة تجربها أم فراس: زين .. علشان السنة الجاية هي راح تجي معك إن شاء الله رنيم ضحكت: نفس تفكيري ماما ماشاء الله عليها ريم: من جد ههههه نزلت رزان: صباح الخير الكل: صباح النور أم فراس: يلا روحوا فطروا رنيم التفتت لطاولة الطعام اللي بأخر الصالة: وين الفطور مافي شي أم فراس: لا اليوم الفطور برى في الحديقة .. فراس وثامر هناك يفطرون روحوا لهم رنيم: يلا أمشوا وطلعوا كلهم سوا ثامر أول ماشاف ريم ابتسم هذا ثاني يوم يشوفها فيه من الصباح ويفطر معها ريم انتبهت له وابتسمت بعفوية رنيم انتبهت لهم اثنينهم وابتسمت وهي تدعي بداخلها أن ريم تتقبل ثامر وقربوا من عندهم رنيم: هااااااااي فراس: أهلا ً .. يلا افطروا بسرعة ترى تأخرتوا رنيم: شفتي رزان قلت لك متأخرين رزان: طيب يلا بسرعة أكلي مو تجلسين سنة كأنك تاكلين ذبيحة ريم راحت وجلست وكان بينها وبين ثامر كرسيين .. وتسندت على الكرسي براحة ورنيم ورزان راحوا جلسوا جنب فراس رنيم: ريم وراك ماتفطرين ريم: مالي نفس ثامر: كيف مالك نفس أشربي عصير على الأقل وبدون ماينتظرها تتكلم أخذ كاس من جنبه وصب لها عصير وحطه قدامها رزان: يلا أشربي بسرعة رنيم: ألحين ثامر بيجلس لحاله فراس: لا أنا بجلس معه رزان: والمدرسة فراس: منيب رايح .. وريم بتجلس بروحها رنيم: لا بتروح معي المدرسة فراس: أهاااا .. كويس وخلصوا البنات وقاموا وراحوا سلموا على أم فراس وراحوا للمدرسة وثامر وفراس طلعوا ####################################### جالسة في الغرفة قدام المراية تسوي شعرها انفتح الباب : جوري يلا تأخرنا جوري: شوق بلا إزعاج من الصبح ألحين راح أجي شوق: طيب يلا بسرعة جوري خلصت ربطت شعرها وقامت وقفت: خلاص جيت أووووف وطلعت شوق ووراها جوري وكانوا البنات جالسين على طاولة الطعام يفطرون رتال: أخيرا ً غادة: كان جلستي شوي بعد جوري: أسكتوا .. مالي خلقكم فيني النوم رتال: كله من الكتاب اللي أعطاك إياه محمد غادة: أكيد أنه قليل الأدب وهي سهرت عليه شوق: شي طبيعي .. الكتاب حق محمد بعدين أخذته جوجو أكيد أنه في قمة قلة الأدب جوري بغرور وهي تطالعهم: كل ٍ يرى الناس بعين طبعه شوق: بلا فلسفة زايدة ويلا خلونا نطلع رتال: يلا أطلعي أنتي أول ونزلوا كلهم بعد مالبسوا عباياتهم شوق: محمد وراك جالس هنا بالصالة غادة: ليش مارحتوا المدرسة محمد: لأن السايق يقول السيارة خربانة رتال: كيف خربانة وماقلتوا إلا ألحين أسامة: تونا من شوي داخلين شوق: طيب ألحين شلون بنروح المدرسة غادة: فهد وماجد راحوا ولا لسة رتال: جوجو قبل ماتنزلين شفتي ماجد فوق جوري كانت جالسة على الكرسي حق طاولة الطعام وماسكة الكتاب اللي أعطاها إياه محمد وتقراه شوق: جوجو وعمى ردي محمد كان يشوف حماسها وهي تقرأ ولا ترد على احد وابتسم لا شعويا ً غادة تصرخ: جوري .. جوجو .. جاجا .. جوير جوري ارتاعت: هلا وش فيكم شوق: كان مارديتي أحسن جوري: والله حماس القصة صح فيها حب وخرابيط بس مفيدة شوي وتحمس بقوة محمد كان ملاحظ حماسها ومازال مبتسم شوق: أمداك تقرينها كلها جوري: لا وش دعوة لسة في البداية بس من جد بدايتها مشوقة نزل ماجد وشافهم كلهم جالسين واستغرب ماجد: السلام عليكم .. وراكم جالسين ومارحتوا المدرسة رتال: وعليكم السلام .. السيارة حقت السايق خربانة ماجد: طيب ليش ماقلتوا من زمان .. وإيش اللي خربها أصلا ً شوق: عاد إيش اللي خربها روح أسأل السايق مو حنا أسامة: المهم بتودينا ولا ماجد: أكيد .. يلا أمشوا وطلعوا كلهم وركبوا السيارة ######################################### : لولو يلا عاد لولو: تعودت على ريم تأخرنا كل يوم سارة: من جد .. كان ألحين شفتيها جالسة بالبيجامة وتحرنا علشانها ماراح تروح المدرسة لولو بحزن: باحبيلها مكانها موجود سارة: يلا كلها يومين وترجع أم حسام نزلت من الدرج: يلا ريم لولو سارة تأخرتوا
__________________ iLove every one ... |
|
#228
03-21-2011, 12:49 AM
| ||
| | ||
| لولو: ماما وراك نسيتي أم حسام: وش تبيني أسوي يعني ماعمرها بعدت عني يوم حسام طلع من المطبخ وهو ماسك ساندوتش ومعه نواف حسام: يلا بنات بوصلكم اليوم نواف: لييييه ..؟؟ مو أنت قلت أنا لحالي حسام: كسروا خاطري وطلعوا بعد ماسلموا على أم حسام ############################################ نزلوا رزان لقسم الثانوي ورحوا قسم المتوسط ونزلوا ودخلوا للمدرسة وكانوا متأخرين مرة لدرجة أن الساحة الأمامية فاضية رنيم فسخت العباية وحطت الشنطة على ظهرها وريم مشت جنبها بعبايتها المفتوحة ودخلوا داخل رنيم: يوووه غريبة ريم: إيش اللي غريبة رنيم: ألحين مفروض الحصة الأولى .. معقولة حنا جايين بدري ريم: لا شوفي الساعة سبعة ونصف رنيم: أمشي شوفي جوري هناك وراحوا لها جوري: أهلين .. وينك ماتسألين ولا شي رنيم: أهلا ً .. أنتي اللي وينك ماأتصلتي علي هذا الويك إند جوري: كم مررررة أتصلت وأنتي مارديتي علي رنيم: كنت مرررة مشغولة مع بنات خالاتي وكذا جوري: أهاااا رنيم وكأنها تذكرت: إيه صح هذي ريم جوري:: أهلين .. اخيرا ً شفتك ريم: وحتى أنا .. رنيم طفشتني من كثر ماتحكي عنك جوري: ههههههه ياحبيلها وجات شوق وهي تفحط: صباح الخير جميعا ً رنيم وهي تضحك: صباح النور غادة: أهلين رنيم .. ماعرفتينا رنيم: هذي بنت خالتي ريم شوق: تشرفنا رنيم: إلا صح ورى البنات مو في الفصول جوري: لأن اليوم مررررة وناسة الثلاث الحصص الأولى في اجتماع للمعلمات .. وحدة جاية من الوزارة رنيم: وناسسسسسسسسة من جد وجلسوا كلهم على وحدة على كرسي ومسوين شكل دائرة جوري: إيه صح رنيم شفتي الرواية الفرنسية اللي كنتي تبغين تقرينها رنيم تحمست: إيه .. وش فيها جوري رفعت الكتاب اللي بحضنها: هذا هو جبته رنيم سحبته منها: من وين جبتيه ..؟؟!! غادة: من محمد أخوي رنيم رفعت راسها وناظرت في جوري وهي مبتسمة: قريتي منه شي جوري: لسة أخذته أمس ماقريت إلا البداية ريم: وعععع مالقيتوا تحبون إلا قراءة الكتب شوق: هي جات على الكتب وبس .. يطالعون أفلام رومنسية ومسلسلات فيها حب وخرابيط ريم: مدري وش يحسون فيه رنيم كانت ريم على يمينها وشوق على يسارها رنيم التفتت على ريم بعدين على شوق: أنا في عندي أبو الشباب ثنتين وحدة بالبيت ووحدة بالمدرسة هههههه الكل قام يضحك ريم: شوق بديتي تدخلين مزاجي شوق غمزت لها: أعجبك وأنا أبو شباب المدرسة رنيم: هههههههه معترفة الأخت وقامت ريم وجلست جنب شوق وسوالف معها .. وجوري ورنيم وغادة مع بعض يسولفون .................................................. ..................... جالسين على الكراسي جنب بعض رزان: ألحين يعني الأجتماع بس لمعلمات الثانوي رتال: لا كل المعلمات في إبتدائي ومتوسط وثانوي رزان: أهاااا .. غريبة عسى مافي نظام جديد رتال: مالنا خلق رزان: أوووف باقي شوي على الإختبارات وأنا مالي خلق شي رتال: حالي من حالك .. مرررررة تعبانة من كثر المذاكرة رزان: ودي أروح مكان جديد علي وأرتاح فيه رتال: خلينا نتزوج هههههههههههه رزان: ونروح شعر العسل أي مكان إن شاء الله إفريقيا هههههههه وكملوا سوالفهم ###################################### خلصوا الدوامات ورجع الكل بيته بعضهم تغدى ونام وبعضهم جالس : فيصل إيش رايك فيني ..؟؟!! فيصل كان يطالع التلفزيون والتفت: حلوة .. وراك تسألين لما كانت واقفة ومبتسمة إبتسامة كبيرة: لا مو قصدي حلوة ولا لا .. هذا شي أنا متأكدة منه فيصل: لا واثقة هههههه .. المهم أجل إيش قصدك لما: شوف إبتسامتي فيصل: زينة مافيها شي لما: لا مو كويسة لازم أحط بريسز (( تقويم أسنان )) فيصل: لا مايحتاج لما: أنا ألحين جاية لك علشان توقف معي وتقول إنها مررررة شينة فيصل: يعني تبغين أكذب لما: ماقلت أكذب .. هذي الحقيقة فيصل: لا مو الحقيقة لما: أوووووف ياربي نزلت لينا: وشفيكم لما راحت عندها وهي بنفس الإبتسامة لينا: ههههههههههه وشفيك الحمدلله والشكر بس لما: أسناني مو كويسة صح لينا: إلا كويسة .. مافيها إلا العافية وراحت جلست جنب فيصل لما: يوووه ياشينكم لمار طلعت من المطبخ وهي ماسكة صحن فيه كريم كراميل لما: لمار تعالي بسرعة لمار جات عندها وحطت الصحن على الطاولة: نعم وش تبين لما: شوفي إبتسامتي إيش رايك فيها .. لا تجاوبين قبل ماتدققين لمار عقدت حواجبها وقربت من لما وهي مركزة على أسنانها لما: ها فيها شي لمار: إيه لما ابتسمت مبسوطة: إيش لمار: أنها صفراء لما عصبت: أنا ماقلت صفراء ولا بيضاء .. قلت كويسة ولا لا لمار: لا ماقلتي .. بس قلتي إيش رايك بدون ماتحددين لما: حميـــــــر كلكم لينا: طيب وش بتستفيدين إذا قلنا فيهم شي لما: ماما قالت إذا تبغين أحط لك بريسز لازم أحد يقول أن أسنانك مو كويسة فيصل: بس هي كويسة ومايحتاج لها لمار: طيب اللي بيقول أنها مو كويسة بإيش تكافئينه لما: اللي يبي لمار: جد ..؟؟ لما: إيه لمار: خلاص أجل أنا بقول لها .. بعدين راح أقول لك أنا إيش أبغى لما: أوك وراحت فوق وهي مبسوطة ############################################# : رنيم طفشانة مررررة رنيم: وحتى أكثر منك ريم: خلينا نطلع رنيم: وين نروح فيه .. ولاتنسين أن بكرة مدرسة ماما ماراح ترضى نطلع ريم: ألحين الساعة 4 نروح ونرجع الساعة 6 رنيم رفعت كتوفها: مدري والله .. روحي أسألي ماما ريم وقفت: بروح أسألها وأرجع وراحت ودقت الباب بشويش على غرفة أم فراس وسمعت أحد يتكلم أم فراس: يعني وش أسوي لها أبوفراس: لازم تقولين لها أم فراس: والله ماأقدر أبوفراس: أمس الدكتور حقها يقول لازم تجون علشان الأدوية الجديدة أم فراس: طيب لو وديتها بتسألني إيش السبب .. ماراح أعرف أجاوبها ريم دقت الباب بقوة خايفة تسمع شي وماتقدر تستحمله وخاصة أنهم أكيد كانوا يتكلمون عن رنيم أم فراس بسرعة مسحت دموعها وراحت فتحت الباب: هلا حبيبتي ريم بغيتي شي ريم: هااا .. اااااا .. إيه صح أم فراس ساكتة تنتظرها تتكلم ريم: أنا ورنيم نبغى نطلع نروح نتمشى ويمكن نروح أي مجمع عادي أم فراس بسرعة: إيه روحوا انبسطوا بس لا تتأخرون بكرة مدرسة ريم ابتسمت: إن شاء الله وراحت بسرعة رجعت لجناح رنيم وفتحت الباب رنيم: ها وش قالت ريم تمثل الحزن: مارضت رنيم: قلت لك ماراح ترضى ريم: إيش نسوي ألحين رنيم: ماأعرف ريم ضحكت وماقدرت تمسك ضحكتها رنيم طالعتها بشك: رضت صح ريم وهي مازالت تضحك: إيه رنيم: يالكذابة ريم: وش تبيني أسوي إذا كنت تصدقين بسرعة رنيم: طيب يلا بسرعة خلينا نروح نلبس علشان مانتأخر وراحوا غيروا ملابسهم ولبسوا عباياتهم ونزلوا جلسوا في الصالة رنيم بصراخ: كاتلينا كاتلينا جات كاتلينا: نعم رنيم: روحي طلعي السايق كاتلينا راحت طلعت برى بعدين رجعت رنيم: طلع كاتلينا: مافي موجود ريم: وين راح رنيم: خلاص روحي أنتي .. شكرا ً وراحت ريم: يعني ماراح نروح رنيم: قومي نروح عند فراس نسأله وينه وراحوا طلعوا برى للخيمة ودخلوا وشافوا ثامر جالس لحاله ويطالع التلفزيون رنيم: ثامر وين فراس ثامر التفت لهم: طلع مع السايق رنيم: غريبة ثامر: أبوك قاله يروح للشركة ياخذ اوراق ويوديهم لمكان ثاني والسايق يعرف هذا المكان رنيم: يوووووه وطلعوا ريم: أوووووف مرة مشتهية أطلع ثامر سمعها وطلع لهم ثامر: إلا أنتوا ليش لابسين عباياتكم رنيم: كنا نبغى نطلع بس خلاص السايق مو موجود ثامر: تبغون أوديكم ريم بإستهزاء: ترى أنت بالشرقية وماعندك سيارة ثامر: إلا .. فراس عطاني مفتاح سيارته علشان هو بيتأخر شوي رنيم: ياليت تودينا ريم وأنا مرررة طفشانين ثامر: دقيقة بس أجيب المفتاح ودخل الخيمة بسرعة وطلع ثامر: يلا مشينا وراحوا للباركينق وركبوا السيارة ورنيم وريم ركبوا ورى وثامر طبعا ً قدام ثامر: لو سمحتوا بنات وحدة منكم تجي قدام اللي يشوفني كأني سايق وأنتوا جالسين كذا ورى رنيم: ريم روحي .. أنتي تمونين عليه أكثر وهو صديق أخوك ريم تأففت: طيب خلاص بروح لاتحنين وفتحت الباب ونزلت ورنيم حطت إيدها على فمها تضحك وثامر التفت عليها وابتسم بإمتنان ريم ركبت قدام بس ما التفتت على ثامر كانت تطالع في النافذة طلعوا من الباركينق على الشارع رن جوال ثامر الآي فون وطلعه من جيبه ورد ثامر: ألو هلا والله حسام: هلا فيك وينك فيه جالس مع فراس ثامر: لا والله طالع حسام: يوووه ثامر: وشفيك ..؟؟!! حسام: من زمان قاعدين ندق على جوال ريم وماترد ثامر: دقيقة ونزل الجوال والتفت على ريم ثامر: ريم وين جوالك ريم التفتت عليه: موجود .. ليه ..؟؟!! ثامر: حسام يقول إنه يتصل عليك ماتردين ريم: ماأحد اتصل علي ثامر مد لها: أمسكي كلميه ريم مدت إيدها ومسكت الجوال ولامست أصابعها إيده وحست بكهرباء تسري بجسمها وبسرعة سحبت إيدها والجوال والتفتت على النافذة من جديد ريم: ألو حسام: هلا وغلا كيف الحال ريم ابتسمت: تمام .. أنتوا كيفكم حسام: وينك ماتسألين ولا شي .. ماأشتقتي لنا ريم: صراحة لا لسة مااشتقت لكم ههههههه حسام: أفا ماهقيتها منك ريم: أمزح أشتقت لكم مررررة حسام: وينك فيه ألحين ريم: أنا ورنيم طالعين حسام: وثامر وفراس معكم ريم: لا بس ثامر حسام: أجل يلا مع السلامة .. انتبهي على نفسك .. وإذا رجعتي البيت اتصلي على أمي ريم: إن شاء الله .. مع السلامة وسكرت الجوال والتفتت على ثامر ريم: تفضل ثامر أخذه منها وهو ساكت ووصلوا للمجمع ونزلوا كلهم سوا ######################################### جالسة وتناظر التلفزيون وجوري نايمة وحاطة راسها على رجولها شوق: جوري جوجو جوري تحركت: نعم شوق: قومي روحي غرفتك جات رتال: ورى جوجو نايمة على رجلك شوق: مدري عنها كنا جالسين نسولف بعدين حطت راسها على رجولي ونامت غادة: وشرايكم نجننها رتال: هههههه ودي .. لكن نومها مرة خفيف وعلى طول بتصحى شوق: لا عادي .. خلونا نجرب وشالت راسها عن رجولها بشويش وحطتها على المخدة غادة راحت جابت منديل ولفته وصار مرة ضعيف رتال: جيبي خليني أجرب أول وأخذته منها وقربت من عند جوري وقامت تحركه داخل أذنها وجوري قامت تحكها غادة: ههههه ياحياتي شوق: جيبيه وراحت سوت نفس الشي لكن على رجولها جوري ضمت رجولها لصدرها وتحركت غادة: أبعدوا باقي أنا وأول ماقربت من عندها قامت جوري وصرخت: وجع أنتي معها .. تستهبلون .. غادة يالسخيفة غادة: لا مو أنا جوري: أجل مين غادة: هم اللي سوو لك والله مو أنا رتال: يالكذابة أنتي اللي قلتي لنا سوو لها غادة: وأنتوا أغبياء كل شي تسوونه شوق: إيه طالعين عليك جوري قامت وراحت غرفتها وانسدحت على السرير وعلى طول نامت من جديد رتال: أسمعوا خلونا ألحين ننام والمغرب نصحى ونسوي أي شي غادة: أوووك شوق: يلا أجل بنروح بيتنا بعدين إذا صحينا جينا رتال: بااااااي وراحوا ######################################### رجعوا من المجمع متأخر وراحوا الغرفة علشان ينامون : ريم يلا أطلعي من الحمام تأخرتي فتحت ريم الباب وطلعت: وش تبغين رنيم وهي تتثاوب: يلا خلينا ننام ريم: يلا كانت لابسة بيجامة شورت قصير مرررة فوق نصف الفخذ وتيشيرت خيط مررة ضعيف انسدحوا على السرير ثنتينهم ويطالعون فوق رنيم: بكرة بتروحين ريم: إيه رنيم: راح أفقدك ريم: وحتى أنا رنيم التفتت على ريم وضمتها وريم ضمتها أكثر رنيم: ترا راح تبردين بهذي البيجامة ريم: ماعليك مني ماراح أبرد رنيم: التكييف مرة بارد .. إذا مرضتي مالي شغل فيك ريم: أوووك وناموا وهم ضامين بعض ############################################ يوم جديد يوم الأحد .. مرررة عادي جدا ً على كل الأبطال الساعة 6 ونصف الليل واقفة وجنبها شنطتها : ريم راح أشتاق لك ريم: وحتى أنا ريم راحت وسلمت على أم فراس أم فراس: أنتبهي على نفسك في الطيارة خلاص ريم: إن شاء الله رزان: باااااي ريم ريم: بااااي وطلعت ومعها رنيم ووقفوا عند الباب فراس: يلا خلصتي ريم: إيه فراس: يلا أنا بطلع أحط شنطتك في السيارة سلمي على رنيم وبسرعة أطلعي أنا وثامر ننتظرك ريم: أوووووك وطلع وضمت رنيم بقوة ريم: أنتبهي على نفسك رنيم: أنتي اللي أنتبهي على نفسك .. وبهمس .. حاولي تتقبلين ثامر ريم بعدت عنها وخلت نفسها ماسمعت: أوووك يلا بااااي رنيم: بااااااي وطلعت وركبت السيارة ورى ومشوا بسرعة للمطار وبعد ربع ساعة تقريبا ً وصلوا بسرعة ونزلوا ثامر: الله يعافيك يافراس يلا توجه لبيتكم وحنا وبنروح فراس: منيب رايح إلا مدخلكم الطيارة ريم كانت تسمعهم وهي ساكتة وراحوا وخلصوا إجراءات الجوازات ووقفوا فراس: يلا مع السلامة ثامر: مع السلامة فراس: ريم ماودك تسلمين علي ريم: إلا يلا مع السلامة .. سلم على رنيم ورزان فراس: يوصل .. يلا روحوا تأخرتوا على الطيارة ثامر: يلا أجل ريم ودخلوا وراح فراس وجلسوا ثنينهم جنب بعض ثامر: غريبة الطيارة زحمة مع أن اليوم الأحد ريم هزت راسها بدون ماتناظر فيه ثامر كان يبيها تتكلم معه بس شكل مافيه أمل لأنه كان جالس جنبها يوم جو وألحين وهم بيرجعون وأكيد هي مو متقبلة هذا الشي ومرت لحظة صمت ريم بهدوء: بردانة ثامر ابتسم بداخلة والتفت لها: تبغين أجيب لك شي ريم: لا شكرا ً ثامر قام وفتح الدرج اللي فوقه وطلع من شنطته الصغيرة لحاف صغير لونه أسود ورجع جلس جنبها ولحفها ريم كانت ودها تشيله ماتبغى منه شي بس البرد خلاها متمسكة فيها أكثر: شكرا ً ثامر: عفوا ً ماسويت شي .. إذا تبين أي شي ثاني قولي لي طيب ريم هزت راسها بدون ماتتكلم مر الوقت طويل على الأثنين ثامر كان فاتح اللاب توب وريم كانت ماسكة مجلة اجنبية وجالسة تتصفحها دقايق مرت وفجاة طاحت المجلة على الأرض وارتخى جسم ريم وطاحت إيدها على إيد ثامر اللي كان مسندها على الكرسي ثامر التفتت خايف عليها: ريم وشفيك ..؟؟!! انتهى البارت أختكم: (( حكايا قلم )) أنتظر توقعاتكم بكل شوق
__________________ iLove every one ... |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية لعنة حب للكاتبة إكرام مجاهد | ķēMéễ | أرشيف المواضيع الغير مكتمله او المكرره او المنقوله و المخالفه | 216 | 03-02-2015 08:07 PM |
| رواية حب في الجمس, للكاتبة/ احساس مهاوي | توتة تاكل بسكوتة | روايات و قصص بالعاميه | 6 | 06-05-2014 01:22 PM |
| رواية عشاق من احفاد الشيطان للكاتبة المنحوسة او(متكحلة بدم خاينها) | noor_96 | أرشيف المواضيع الغير مكتمله او المكرره او المنقوله و المخالفه | 25 | 10-02-2010 01:01 AM |
| "يوم تبلى السرائر" رواية جديدة مثيرة للجدل للكاتبة سارة الدريس | عاشقة الحروف | أرشيف المواضيع الغير مكتمله او المكرره او المنقوله و المخالفه | 2 | 09-19-2010 11:54 AM |
| رواية بنات الرياض للكاتبة رجاء الصانع نسخة كاملة للتحميل | © بندر © | أرشيف المواضيع الغير مكتمله او المكرره او المنقوله و المخالفه | 384 | 01-13-2009 07:33 PM |
العرض العادي
