|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#317
04-11-2011, 04:12 AM
| ||
| | ||
| (( الفصل الثالث والعشرون )) جالسة تمشي وتمشي في مكان غريب عليها كانت لابسة أبيض وفجأة حست بأحد يمسك إيدها ويسحبها التفتت وقالت بإستغراب: خالد ..؟؟!! وقامت تتحرك وفتحت عيونها وجلست شوق: آااااااااه ياقلبي .. حسافة ماأتذكر شكل وجهه .. حتى بالحلم ملاحقني يعني وقامت وراحت دورة المياه وطلعت ونزلت تحت كان البيت كله نايم وكان هدوء وأنوار الصالة مشغلة شوق حكت راسها: أووووف إيش أسوي ودخلت المطبخ وسوت لها ساندويتش جبن وجلست تأكلها شوق: أبغى أعرف إيش جيبه هذا حلمي أنا .. يمكن يجي يوم ألتقي فيه وإبتسمت على تفكيرها الغبي وتركت الساندويتش على الصحن فوق الطاولة وتسندت على الكرسي وهي تحاول تتذكر ملامحه شوق: مافي أمل الظاهر إني أتذكره ################################################## رجعوا البيت وجلسوا البنات حولهم إستجواب لكن مافي أمل يتكلمون لينا: ياحمير لنا ثلاث ساعات نحاول معكم وأنتوا مو راضين تتكلمون ريم: كيفنا رنيم: إيه والله .. زوجة خالنا وكيفنا ريم: تشوفونها في العرس ههههههههه رنيم: والله صارت صديقتنا وحبيتنا .. وأنتوا مادرت عنكم ندى: سخيفين صراحة أبرار: أصلا ً من الأساس ماكان له داعي تروحون معهم رنيم: عاد رحنا وانتهى الموضوع أفنان: قوموا نتعشى بس الساعة عشرة لما: الله من زمان جالسين حنا كذا لمار: من رجعوا الساعة سبعة ونصف لولو: الله من زمان سجى: خلاص يلا خلونا نقوم نأكل وننام رزان: على فكرة بكرة مافي مدرسة علشان تنامين الساعة عشرة سجى: بس بكرة بارتي فراس لازم نصحى بدري سارة: إيه صح أسماء: أنا فيني النوم صراحة بنوم معها ريم: بالطقاق أنتي معها .. حنا بنسهر على أشياء جميلة ندى: لا حلوة هذي أشياء جميلة .. على إيش بتسهرين حضرتك ريم: بسهر وأنا أطالع وجهك رنيم: لا جد أسمعوا جات رزان وهي معها ساندويتشات البرجر والخدامة وراها بالمشروبات رزان: يلا كل واحد يأخذ وحدة ونجلس نسمع الست رنيم إيش بتقول جلسوا كلهم مسوين دائرة ويسمعون رنيم رنيم: ههههه والله العظيم حسيت أني بقول قصة .. تراها شي بسيط جدا ً مجرد فكرة يعني أبرار: خلصينا تكلمي طيب رنيم: أحم أحم .. وشرايكم يااخواتي العزيزات .. ننام بالحديقة كلهم فتحوا عيونهم لولو: علشان المخبى يبان كل البنات قاموا يضحكون رنيم: عااد أنتوا لا تتفصخون ألبسوا شي محترم وساتر ريم: ترا من جد وناسسسسسسسسسسة .. وكل وحدة تلبس بيجامة طويلة لا تلبسون شورت لينا: أوووووك بنخاطر علشانكم .. مع أن فشيلة لو شافونا العيال رنيم: أقول ماعلينا منهم خلونا ننبسط لما: ترا تحمست من جد .. يلا قوموا نرتب مكان للنوم في الخارج ريم: شوفوا هذي عااااد أنقلبت تتكلم بالعربية الفصحة لما: شي جميل أيها الأخوات ندى: أنطمي الله يخليك لما: الشتم شي غير محترم لمار: لما عاااد بلا سخافة لما: ماذا بك ياأختاه الصغيرتاه رزان: إيش ضغيرتاه هذي .. من أي قاموس مطلعتها هههههههههههه سارة: أتركوها .. البطارية شكلها أختربت لما: ماذا دهاكم أكملوا عشائكم لنذهب للمبيت سويا ً ريم: خلاص عاااد .. مامليتي لما: لا للأسف سجى: خلوني أقوم عليها أفنان: لما خلاص وقفي شغل البزارة عاااد .. خلي قناة براعم شوي على جنب لما: هههههههه طيب خلاص غيرت القناة وكملوا أكلهم وراحوا يرتبون علشان ينامون برى ولبسوا بيجاماتهم وناموا ################################################## # اليوم الثاني يوم الخميس يوم جميل جدا ً الكل نايم لأن الساعة خمسة الصباح إلا هي جالسة لحالها تتمشى وتفكر بعيد مررررررررررررررررة شوق: أبغى أعرف ألحين إيش الغباء اللي فيني وخلاني أقوله أني أحبه ومر وقت بدون ماتحس وهي مازلت تفكر .. وتحس اللي صار أمس حلم جلست على الأرض وحطت رجولها داخل المسبح شوق وهي تفكر بحالمية وبإبتسامة: يمكن يجي يوم أشوفه ؟؟ لا يمكن أتزوجه وبعدين أكتشف أنه خالد نفسه .. ولايمكن جات وقاطعتها: بوووووووووووووه شوق ارتاعت: الله ياخذ العدو وقفتي قلبي جلست جنبها وحطت رجولها في المسبح: بسك تفكير أهلكتي حالك شوق: والله ياجوجو ماأقدر .. إلا صح وش قعدك ألحين .. تونا الساعة سبعة جوري: كنت نايمة بغرفة غادة بالأرض .. وقمت لأن عورني ظهري .. ورحت الحمام .. وطليت وشفتك جالسة عند المسبح .. وجيت عندك شوق: الله الله .. وشذا المسلسل .. أجل رتال وغادة سحبوا عليك وناموا على السرير ههههههههههههه جوري وهي محترة منهم: إيه يقولون الصغار ينامون تحت والكبار فوق شوق: ههههههههههه ياحياتي جوري بجدية: شوق شوق خافت: نعم جوري: لو يوم من الأيام لقيتي خالد قدامك إيش راح تسوين شوق سكتت شوي .. بعدين قالت بعصبية: راح أقطعة قطعة قطعة وأعطيه كفوف لين أبرد حرتي .. بعدين بقوله آسف جوري ماتت ضحك: بس بتقولين له آسف .. والله خطيرة بنت عمي شوق غمزت لها: أعجبك جوري تنهدت بقوة شوق: وشفيك بسم الله عليك جوري: قلبي يعورني شوق: كيف قلبك يعورك والحبيب الولهان قدامك 24 ساعة جوري: انقلعي عني بس شوق: ههههههههههه .. آسف جوري: هههههه والله تموتيني ضحك إذا قلتي آسف .. قولي آسفة تراك بنت شوق: والله آسف تطلع أحلى جوري: هههههههه مجنونة وجلسوا يضحكون كل ماقالوا كلمة ################################################## الساعة سبعة ونصف الكل نايـــــــــــــم لسة ماصحى ولا أحد جلس وهو يتمدد وبعدها قام وطلع من غرفة الضيوف ماقدر ينام كويس من كثر التفكير راح دورة المياه وغسل وطلع وصلى وبعدها راح للحديقة شاف البنات نايمين وعقد حواجبه مستغرب : الحمدلله والشكر في أحد ينام هنا الله لايبلانا بس ورجع عند العيال وهو في باله فكرة : ياعيال يلا قوموا بسررررررعة يلا فراس: خالد الله يعافيك خلنا ننام شوي بلا إزعاج خالد صرخ: عندي لكم خطة .. قوموا نسويها للبنات فراس جلس من صراخ خالد: بعدين مو ألحين .. تونا الساعة سبعة خالد: أنت تدري وين هم نايمين حسام قام: أطربنا وقلنا وين خالد: بالحديقة فراس بغباء: هاااا ..؟؟!! حسام: تستهبل .. وش وداهم هناك خالد: عاااد راحوا هناك وانتهينا فراس: حمستني صراحة خالد: يلا خلونا نصحي العيال الباقين .. بعدين أقولكم إيش نسوي وقاموا كلهم وصحَوا العيال وطلعوا برا البنات كانوا فارشين زي السجادة مررررة كبيرة وحاطين فوقها أكثر من لحاف سميك علشان يكون شوي مرتفع ونايمين بحماس وشكلهم عاااد ولا أحلى اللي طالعة رجولها واللي نايمة مقلوب واللي ساحبين اللحاف منها وحالتهم حالة وقفوا العيال كل واحد على طرف من بعيد شوي خالد: يلا واحد اثنين ثلاثة وكلهم في نفس الوقت فتحوا رشاشات الموية حقت الحديقة والبنات كلهم وقفوا مع بعض في الوسط وهم مرتاعين رنيم: سخافة لينا: يمممممممة برد رزان: تستهبلون ريم الوحيدة اللي مازالت منسدحة ولا حست بشي نايمة بعمق لولو: الله ياخذكم ياحمييييييييييييييير .. قلت لكم أمس مايصلح ننام هنا أفنان: خلاص خلونا ندخل داخل حمد وهو واقف من بعيد وميت ضحك: والله تنرحمون خالد جنبه: إيه والله من جد أنس: أدخلوا داخل لقطوا وجيهكم حسام: أنا أبغى أعرف بس وش جابكم هنا فراس: إيه والله من جد .. يعني ماعمري سمعت أحد ينام في الحديقة فيصل: مساكين ههههههههههههه وليد: يستاهلون على اللي يسوون فينا ههههه نواف: هههههههههههههههههههههه يكسرون الخاطر وشكلهم كذا سجى: سخيفين أبرار: قوموا ندخل بس ودخلوا كلهم إلا ريم اللي مازالت نايمة .. وكانت على الطرف في الأخير فراس: حسام شكل أختك ماتت حسام ضحك: شكلها خالد: قوموا نروح نشوفها وراحوا كلهم ووقفوا عندها حمد: ريم ريم .. قومي صارت حرب أنس: ههههههه حرب مرة وحدة ريم تحركت شوي .. بعدين بحركة سريعة منه مسكت الرشاش اللي جنبها ووجهته للعيال فراس: بسم الله حسام: قايمة بشرك خالد: خلاص وقفي رش ريم: خلوني أبرد حرة البنات مساكين حمد: وحنا نحسبك نايمة ريم: شدعوة يعني ماأحس .. كنت أخلي نفسي تركت الرشاش ووقفت وشافت رنيم ولما وأبرار وندى جايين وكل وحدة ماسكة جيك موية كبير ريم ابتسمت: التفتوا ورى شوي بوريكم شي التفتوا كلهم مع بعض إلا البنات رشوا عليهم الموية البنات: هههههههههههههههههههههههههه رنيم: أحسن ندى: مافي أحد يقدر علينا لما: على فكرة الموية ثلج أبرار: أشكالكم تضحك هههههههههههههه ريم: شاطرين .. يستاهلون اللي سويتوه فيهم فراس: أبغى أعرف ليش في كل مرررررة تنقلب علينا حسام: إيه والله حتى أنا ملاحظ هذا الشي ريم: علشان تعرفون أن البنات مو هينين ندى: يلا بنات ودخلوا داخل وهم يضحكون والعيال راحوا علشان يغيرون .. لأنهم بجد تسبحوا أسماء: ياحبيلك ياريم بردتي حرتنا سارة: من جد ريم باللبناني: ولو ماعملنا شي راحوا البنات غيروا بيجاماتهم ولبسوا ملابس وجلسوا كلهم تحت في الصالة رينم: أوووووووووف الساعة تسعة .. مرررة الساعة تمشي بطيء لمار فجأة: ريم تكلمي جداوي ريم ضحكت: حسيتك كذا فجأة تكلمتي بعد صمت لمار: هههههههه مدري حسيت يضحك شكلك وأنتي تتكلمين جداوي لينا: إيه من جد يلا تكلمي رزان: هههههههههه أبد مايناسب أحس ريم: يا ماما أنتي معها أنا من أهل الرياض مو من جدة رنيم: أصلك من الرياض بس عايشة طول عمرك بجدة ريم: ومعاشرة أجانب .. ماأعرف أتكلم ندى: يلا بلا سخافة ريم: أحم أحم .. الهرجة دي اللي تتكلمي عنها أنتي على هي تخليها على جنب فاهمة يا ماما أفنان: ههههههههههههههههههههههه مايناسب لولو: ريم أول مرررة أسمعك تتكلمين جداوي سارة: وآخر مررررة إن شاء الله البنات تسدحوا من كثر الضحك ريم: عاااد خلاص عطيتكم وجه زيادة عن اللزوم سجى: بنات اليوم حفلة نجاح فراس صح رنيم: ترى بنسوي حفلة سخيفة جدا ً رزان: أصلا ً هو مايبغى نسويله .. ماما تبغى تسوي حفلة كبيرة مرررة علشان تخرجه وهو مو راضي لينا: ليـــــــــه ..؟؟!! ريم: هههههه علشان مفكر يخطبك رنيم: إيه صح ههههههه لينا: انقلعوا أبرار: سامي ماشفته مع العيال وينه ..؟؟!! سجى: أكيد مايقدر فينا ويحبنا علشان كذا ماقدر يسوي معهم رنيم: لا تتحمسون .. هو نايم بغرفتي ريم: جد ..؟؟!! رنيم: إيه والله ريم غمزت لها ورنيم فهمت عليها وبسرعة قاموا وراحوا فوق ندى: وشفيهم الحمدلله والشكر أفنان: اكيد بيسوون له شي رزان: قوموا نروح نشوف وقاموا كلهم ركض لفوق رنيم وريم دخلوا الغرفة بهدوووووووووء سامي كان نايم براحة على السرير واللحاف طايح بالأرض وهو كان لابس شورت نصف الفخذ وتيشيرت ريم جلست يساره .. ورنيم يمينه وقالوا بصراخ بصوت عالي: سامي قوووووووووووم هيلة اتصلت سامي جلس وهو مرتاع: هاااا .. وينها ..؟؟!! ريم: مين ..؟؟!! سامي: هيلة رنيم: في بيتهم سامي: مو تقولون اتصلت ريم وهي ماسكة ضحكتها: شكلك حلمت فيها رنيم: بدينا الحب من ألحين سامي انسدح على السرير: أنتوا ماشفتوها تجنن ريم: خرفت يعني ولا إيش رنيم: حنا رايحين معكم وشفناها قبلك سامي: مو تاخذ العقل ريم: إلا بس مو أكثر مني سامي قام: رووووحي زين رنيم: ههههههه وغير ملابسه وطلعوا شافوا البنات واقفين عند الباب يضحكون ونزلوا معهم تحت وجلسوا يسولفون ########################################### مازلوا جالسين عند المسبح ويسولفون مندمجين مرررررررة جوري: جلاص طفشت شوق: إيه وحتى أنا جوري: إيه صح ماقلت لك شوق: إيش ..؟؟!! جوري: خلاص بنسافر أسبوع الجاي أكيد شوق بعدم تصديق: بذمتك جوري بإبتسامة: والله العظيم شوق بفرح: أخيرا ً .. مابغينا جوري: من زمان ماكلمت رنيم شوق: ملاحظة .. إيش صاير فيكم ولا وحدة تسأل عن الثانية جوري: مدري والله شوق: نقوم جوري: يلا وقاموا وراحوا داخل شافوا رتال وغادة جالسين في الصالة معصبين جوري: هاااااي ياحلوين رتال التفتت عليها: الساعة تسعة .. وين عباياتكم شوق بإستغراب: لييييه وين بنروح غادة: لا تستغبون .. يعني رايحين تفطرون ومخبين العبايات علشان مانقول لكم ليش رحتوا وخليتونا رتال: ورايحين بالبيجامة الله يفشلكم جوري وشوق فطسوا من كثر الضحك جوري: أهل العقول في راحة شوق: حالتكم صعبة صراحة
__________________ iLove every one ... |
|
#318
04-11-2011, 04:13 AM
| ||
| | ||
| رتال: مافي شي يضحك غادة: بزارة جوري: أولا ً ياأذكياء عبايتي فوق الكنب في غرفة غادة .. وثانيا ً كنا جالسين برا عند المسبح رتال: إيه العبوا علينا غادة بغباء: إيه صح شفت عباية فوق الكرسي شوق: أسكتوا الله يعافيكم بس جوري رمت جسمها على الكنب: جد بنات خلونا نطلع نفطر رتال: يلا قوموا غادة: ترا محمد صاحي .. خلوه يروح معنا شوق: قوموا نلبس بعدين نناديه وراحوا كلهم فوق ركض ولبسوا بسرعة شوق: جوري حبيبتي ممكن طلب جوري ماتت ضحك شوق شكت في نفسها: قلت شي غلط جوري: شوق تقول حبيبتي وبذرابة بعد أول مرررررة تصير هههههه شوق ضحكت: مو الطلب اللي بطلبه لازم يكون بذرابة جوري: تفضلي اطلبي شوق مادامك خلصتي روحي لمحمد وقولي له نبغى نروح نفطر جوري: لا أستحي شوق: لا باغبية بالعكس تزيدين المحبة كذا جوري: زفتة شوق: يلا عااااد روحي جوري بتفكير: طيب شوق: بسرعة مادامك لابسة عبايتك مررري على البنات وقولي بنطلع ونخليكم جوري: هههههههه طيب ياشريرة وطلعت وراحت غرفة محمد ودقت الباب محمد: مين ..؟؟!! جوري بصوت واطي: أنا جوري محمد بسرعة راح وفتح الباب: هلا والله .. تبغين شي جوري بحيا: نبغى نطلع نفطر محمد يستعبط: سووووري ماسمعت زين .. قلتي أبغى ولا نبغى جوري ابتسمت تحت الغطاء: نبغى محمد عفس وجهه: كلهم يبغوووون جوري: إيـــــه محمد: خلاص أجل .. أنا بنزل تحت وبنتظركم مع السايق جوري: أنا بنزل معك لأني خلصت محمد ابتسم: أوووووك يلا .. بس دقيقة ودخل الغرفة وبسرعة فصخ تيشيرته ولبس واحد ثاني وهو يطلع جوري بسرعة التفتت للجهة الثانية لما شافته يطلع وهو يلبس التيشيرت لأنها ماتت حيا محمد: يلا مشينا ومشوا ووقفت جوري عند غرفة غادة وفتحت الباب وطلت: ترا رحنا بااااااي رتال: لا دقيقة خلاص جينا غادة: أنتظروا بلا سخافة محمد: مع السلامة .. يلا جوري جوري: يلا ونزلوا تحت وراحوا ركبوا السيارة محمد ركب قدام وهي ورى محمد التفت عليها: وشرايك نسويها فيهم ونمشي جوري: لا حراااااام محمد: مشكلتك طيبة جوري: إيش أسوي أحبهم محمد: بس هم يعني جوري سكتت .. وحمدت ربها أنهم دخلوا السيارة شوق: يلا بسرعة أمشوا الساعة صارت تسعة ونصف رتال: تونا بدري وشفيك غادة: استجنت جوري: أعذروها مررررة جوعانة شوق: بلا كثرة حكي أنتي معها محمد: وين تبغوون تفطرون شوق: أي مكاااااان وراحوا فطروا وانبسطوا ############################################ ظلم الوقت وجات الساعة سبعة الليل البنات جالسين على الدرج وهم متكشخين ومتزينين ريم: وينهم رنيم: يستهبلون لينا نزلت من فوق: توه مكلمني فراس وقال أنهم يرتبون الإستراحة وألحين بيجون كلهم التفتوا لها ندى: وليش متصل عليك أنتي أبرار: شوفي خواته موجودين لينا بغرور: عااااد أتصل وخلاص لما: ماعلينا .. ماقالك متى بيجون بالضبط لينا: قال بعد شوي ومرررررررر وقت وهم جالسين على وضعهم في الدرج وشوي دخل حسام وفراس فراس: ياسلام وش ذا الكشخة حسام: طالعين مزز بصحيح لولو: من زمان حنا حلوين أصلا ً رزان: تأخرتوا فراس غمز حق لينا: لينا ماقالت لكم أننا نرتب الإستراحة رنيم: إلا قالت .. بس ليش حضرتك متصل عليها بالذات فراس: عاااد أتصلت وخلاص البنات قاموا يضحكون حسام: وشفيكم تضحكون فراس: استجنيتوا أفنان: لينا توها قالت زيك فراس: وش قالت سجى: قالت .. تقلدها .. عااد أتصل وخلاص فراس ضحك: القلوب عند بعضها أسماء وقفت: ناوين تنامون يعني .. خلصوني قوموا لمار وقفت معها: من جد يلا عاااد وقاموا كلهم سارة: عااد الإستراحة تستاهل هذا التأخير حسام: أمشي قدامي وتعرفين وطلعوا كلهم وراحوا ركبوا السيارات وبعد نصف ساعة وصلوا فراس نزل: يلا انزلوا ريم: من برا شكلها حلوة رنيم: نشوف من داخل نفس برا ولا لا ودخلوا كلهم وكانت مرررة حلوة وديكوراتها ناعمة لينا: مرررررررة نايــــس فراس: على ذوقي .. وشرايك لينا: يجنن ودخلوا وبدأت الحفلة وهم يرقصون ويستهبلون كانوا لحالهم البنات مع العيال رزان جلست: تعبت بروح دورة المياه وطلعت برا وأول مارجعت انطفت الكهرباء وكلهم صرخوا لينا: يممممممممة ومشت شوي في الظلام وصقعت في أحد ومسكته بقوة فراس التفت: مين ..؟؟!! لينا: أنا لينا .. مرررررة خايفة فراس قدمها قدام .. وهي مسكت ذراعه وتعلقت فيها بقوه ريم: بنات شباب تجمعوا هنا كلكم لا أحد يروح بعيد مرت خمس دقايق بعدين انفتحت النور أفنان جلست على الكنب وهي حاطة إيدها على قلبها: وأخيرا ً.. فتحت شنطتها .. خلصت الموية بعطيكم فلوس وروحوا أشتروا ودورت في شنطتها أفنان: يووووه وين بوكي .. مالقيته كل البنات فتحوا شناطهم سجى: حتى أنا سارة: وأنا بعد أسماء: يا سلام داخل حرامي أتوقع رزان كانت واقفة جنب حسام حسام: خلاص مو لازم أنا بروح أشتري لكم على حسابي رزان التفتت عليه وهي ماسكة ضحكتها حسام: والله ماأشتري لكم بريال واحد على حسابي رزان ماقدرت تمسك نفسها وضحكت وضحك معها بصوت عالي رنيم: أنتوا مسوينها أجل أسماء: سخافة حسام التفت لرزان ومد إيده: كفك رزان صفقت يده: والله العظيم إننا خطيرين حسام حاوط كتقها بإيده وقربها له: ونعم المساعدة والله طبعا ً ماأحد أستغرب من حركة حسام لأنه دايم مع رزان من كانوا صغار وهم يسوون مقالب مع بعض حمد: تستهبلون ولا إيش يعني حسام: عاااد لا تسوون لي فيها .. آخر مقلب سويناه كان السنة الماضية رزان: لنا سنة مريحينكم أحمدوا ربكم لما: يعني كان كملتوا هذي السنة كلها وحنا مرتاحين منكم لولو: أقول المهم وين أبواكنا حسام أخذهم من الطاولة اللي وراه ورماهم في الأرض وكل وحدة راحت أخذت حقها لينا: فاضي مافيه شي أبرار: وين الفلوس حسام ضحك: أنا حالف ما أشتري شي لكم على حسابي لولو: وين البوك حقي ماشفته رزان رفعته: والله عجبني وأخذته لولو: لا حرام عليك .. خذي كل شي فيه بس جيبيه رزان: الله كل هذا علشان بوووك .. بس من جد مررررة حلو شكله لولو: هذا أنا مرررة أحبه .. شاريته من ألمانيا مافي مثله هنا رزان: خلاص كسرتي خاطري خذيه لولو أخذته وضمته: يممممة ياحبي لك فراس: الحمد لله والشكر بس .. صدق البنات مخفات خالد: بقوووووووة حسام: اغنى وحدة فيكم لولو عندها ألفين وشوي ريم: من وين جايبتهم حضرتك لولو: بابا كل أسبوع يعطيني علشان الشوبنق .. وعاد تعرفين لازم يبقى منهم حسام: وأفقر ناس .. ريم وندى .. ريم عندها خمسة ريال .. وندى ثلاثة ريال .. الله يفشلكم بس هههههه ريم: على الأقل أنا أكثر منها .. أنا خمسة وهي ثلاثة .. كأنها فسحة بزارين بالروضة ندى: الله والفرق عاااد كلها ريالين .. أصلا ً أبغى أعرف كيف يمدي الواحد يجمع .. الفسحة عشرة ريال وأخلصها كلها وبعض الأحيان أكثر أشتري كل شي بالمقصف .. وإذا طلعنا أبوي عطاني مية ولا ميتين لما نطلع تخلص كلها .. والله مدري من وين جات هذه الثلاثة أتوقع سارقتها هههه ريم: ههههههههههههههههه يمكن فراس: مجانين ههه .. والله أحس أني كشخة بروح أول جامعة حسام: ترا مو لحالك كلنا معك أفنان: والله أنا أكشخ وحدة .. أول وحدة بدخل الجامعة من بنات العايلة سارة: حبيبتي كلها سنة وأنا لاحقتك لولو وهي شوي بتبكي: لاااااا بتروحين وتخليني سارة: يعني إيش أسويلك .. أرسب سنة مثلا ً لولو: إيه عااادي سارة: إن شاء الله لولو: ليش أمهاتنا ماجابونا مع بعض سارة: من جد لولو: دايم أتعذب بسببك .. سادس رحتي وخليتيني ومتوسط بعد .. وألحين ثانوي رنيم: وناسسسسسسة أنا وريم إن شاء دايم مع بعض .. متوسط مع بعض .. وثانوي إن شاء الله ريم: وعقبال الجامعة .. وبعدها نتزوج مع بعض رنيم: إن شاء الله نتزوج أخوان فراس: كان ينتحرون ريم: وبنسكن بيوت جنب بعض حسام: كان ماجلستوا في البيت دقيقة .. 24 ساعة تفرفرون وترجعون البيت وهم نايمين فراس: أنا عني إذا جاء واحد يخطب رنيم بقوله يسكنها في الفلبين حسام ضحك: وأنا بقوله في إفريقيا ريم: ياشين المنقهرين بس رنيم: إيه من جد حمد: خلاص خلونا نرجع البيت تأخرنا حسام: يلا وأخذوا أغراضهم وطلعوا (( طبعا ً سامي ما كان معهم علشانه راااح يشوف أصدقائه القديمين )) حسام واقف عند السيارة: رزان تعالي اركبي هنا معي رزان: أوووووك وفتحت الباب وركبت قدام جات لولو فتحت الباب: أحلفي ياماما .. أنا أبغى أركب هنا رزان: حلمي لولو: أووووف منك وراحت ركبت ورى وجاو البنات وركبوا .. ريم ورنيم ولولو وسارة وندى وأبرار والباقين .. أفنان وسجى ولينا ولما وأسماء ولمار .. ركبوا مع فراس جات لينا بتركب ورى سجى: ورينا مقفاك مافي مكان لينا: يعني وين أروح لما: حياك قدام لينا بتأفف ركبت قدام جنب فراس فراس: تو مانورت السيارة أبرار: وحنا مو مالين عينك يامستر فراس فراس: أنتوا على العين والراس .. بس عااد لينا غير لينا التفتت له وابتسمت .. والتفتت على البنات ورى وابتسمت تقهرهم ....................................... حركوا كل السيارات الأولى سيارة حسام والثانية سيارة فراس والثالثة سيارة أنس اللي فيها العيال ....................................... ريم كانت جالسة عند الباب ومسندة راسها على النافذة وتفكر بعمق وأول ماصحت من تفكيرها شافت حسام ماسك الجوال وحاط سبيكر وسمعت صوت حست أنها مشتاقة له من زمان وقلبها قااام يدق بقوة حسام: كلهم يقولون فاقدينك وياليتك معنا اليوم ثامر: والله وأنا أكثر حسام: يسلمون عليك ثامر: الله يسلمهم .. أشتقت لريم مرررة لأن مافي أحد أتهاوش معه حسام: ههههههه .. وقال حق ريم .. ريم حسام يسأل عنك ريم ببرود عكس قلبها اللي ما وقف دق: أهلين ثامر .. كيفك ثامر: تمام والله .. وأنتي ريم: بخير حسام: ثامر يلا بسكر ألحين إذا رجعت كلمتك لأني بالسيارة ثامر: أووووك باااي .. سلملي على الكل حسام: يوصل وسكر منه وحط الجوال في جيبه حسام التفت لرزان: تدرين أني أعرف أقرأ الكف رزان: جد ..؟؟!! .. هو أصلا ً حراام .. وأدري أنك تستهبل بس بجرب ومدت يدها له حسام مسك إيدها وقلبه يرقص من الفرحة: أشوف أممممممم .. في هنا شي جميل رزان سحبت يدها: أقووول أقرأ بعدين .. ألحين شوف الطريق مو مستعدة نسوي حادث حسام ضحك: طيب وبعد فترة وصلوا البيت هلكانين وناموا كلهم ################################################# كان في السيارة وانبسط مررررة لما سمع صوت ريم له أسبوع ماسمع حسها وقف عند البيت ونزل وأول مادخل شاف مرت أبوه جالسة ومبتسمة بشر عبير: تو مانور البيت ثامر جلس قبالها: منور فيك عبير بنفس الإبتسامة: ماتبغى تروح غرفتك تغير ثامر .. وشفيها اليوم ..: ألحين بروح ووقف وراح صعد الدرج ولما وصل قريب من عند غرفته شاف ديما ثامر: أهلا ً بالحلوة كيفك ديما بلعت ريقها: تمام ثامر: وشفيك ديما: سلامتك .. بس أنتبه على نفسك ثامر ضحك: أنا مو رايح مكان ديما: لا أنتبه على نفسك وأنت داخل البيت ثامر: هههه شكلك أستخفيتي .. أنا رايح غرفتي بااااي وراح ديما: الله يعينك يا أخوي على اللي جايك .. سوري سامحني ما نبهتك ........................................... في غرفته أول مادخل فصخ شوزه وماه على الأرض وفصخ ملابسه ورماهم بعد ولبس بيجامة وانسدح على السرير وحط مفتاح السيارة والجوال على الكومدينة مو من عادته أنه يكون حوسة بس من سمع صوت ريم وحس نفسه متخربط سند راسه على خلفية السرير وهو يفكر فيها ثامر: الله ياخذ بليسك ياريم لخبطتي عقلي .. بس أحبك والله أحبك جلس يتذكر كل ذكره حلوة جمعته فيها وأول مررررة تقابلوا عند البحر ولما فجأة قلبت عليه وطوَل وهو يفكر ومرررررت نصف ساعة بدون مايحس فجأة انفتح الباب ودخلت عبير وأبوه عبير: إذا مو مصدقني شووووف بنفسك ثامر وقف: وشفيكم أبو ثامر: والله ياعبير إذا طلع اللي تقولينه مو صحيح ماتلومين إلا نفسك عبير: أقولك أنا متأكدة شايفته بعيوني أكثر من مررررة جات ديما ووقفت عند الباب وهي تشوفهم بحزن ودموعها في عيونها المغرقة ثامر مو فااهم ولا شي ومايدري هم عن إيش يتكلمون أصلا ً أبو ثامر قرب من ثامر: طيب ياعبير ماأشم ريحة ولا شفت شي ثامر: يبة وشفيكم أبو ثامر بحدة: أنت أسكت ثامر جلس على السرير وهو حاس نفسه غبي وانتبه لديما اللي واقفة عند الباب وعيونها مغرقة وحس أن في الموضوع إن ثامر في نفسه : أكيد صاير شي .. أول شي إبتسامة عبير الغريبة .. وبعدين كلام ديما اللي ماله معنى .. وألحين دموعها
__________________ iLove every one ... |
|
#319
04-11-2011, 04:14 AM
| ||
| | ||
| عبير: طيب دور يمكن تصدق كلامي أبو ثامر فتح الدولاب وقام ويدور .. وشال اللحاف على على السرير والمخدات .. وأخيرا ً فتح درج الكومدينه وطلع باكيت الدخان وصحن الدخان جنبه وفي وسطه سيجارتين مطفيين طلعهم والتفتت لثامر وعيونه تطلع منها شرار أبو ثامر: إيش هذا ثامر طلعت عيونه ماعمره فكر يلمس الدخان ولاراح يفكر ومو عارف هذي من وين جات عبير: مو قلت لك أبو ثامر: ثامر رد علي إيش هذا ثامر: وأنا وش دراني أبو ثامر: أجل أنا اللي أدري .. صرخ .. ثامر خلصني تكلم ثامر التفت على عبير: أسأل اللي معلمتك عني عبير: هذي الحركات ماتمشي علي .. أنا كم مرررة شايفتك ثامر: ألحين بالله عليك وين شفتيني أتمشى في الصالة مثلا ً ولا وسط غرفتك أبو ثامر صرخ بعصبية: كلامك معي أنا ياولد وبلا قلة أدب ثامر: يبة أنا قلت لك أني ماأدري عن هذا اللي في يدك أسأل زوجتك أبو ثامر موصلة معه أخذ مفتاح السيارة والجوال وطلع وطلعت عبير وراااااااااااااااااااااه جلس على السرير حط يده على راسها: الله ياخذ الساعة اللي انولد فيها ديما ركضت له وهي تبكي وجلست جنبه: أستغفر الله لا تقول كذا لو أنت مو موجود بهذا الدنيا كان أنا انتحرت من زمان ثامر: أنتي ماتشوفين أمك إيش جالسة تسوي .. وقف وقال لها بعصبية .. أنتوا مدري ليه تتدخلون في حياتي .. وصلت للدخان يعني ديما وقفت وهي تشهق بالبكي: والله أنا قلت لها لاتسوين كذا بس هي صرخت علي وقالت لي مالك دخل ثامر: كان قلتي لي ..على الأقل طلعته رميته سويت أي شي ديما: هي قالت إذا عرفت أن ثامر درى بسوي لك شي ماشفتيه ثامر: أسمحي لي أمك متخلفة عقليا ً ديما جلست على السرير وحطيت إيدها على وجهها وهي تبكي: إيش أسوي يعني .. هذي أمي بعد .. وأنت أخوي .. بس مو عارفة مع مين أمشي علمني إيش أسوي ثامر كسرت خاطره أخته وجلس في الأرض عند رجلها ومسك إيدها ووخرها عن وجهها: خلاص لا عاد تبكين شي صار وانتهى وقف ووقفها معها وضمها لصدره بقوة ثامر: لا تخافين أنا معك .. وإذا أمك قالت لك شي قولي لي وهي ماراح تدري ديما رفعت راسها: أوووووك جلسها على السرير وهو يحاول يضحكها ويوخر الحزن من قلبها ################################################ مرت أيام وباقي يومين على الملكة والعرس هيله مو عارفة إيش تسوي الوقت مايمدي أبدا ً وماتقدر تقول لهم أجلوا العرس لأنهم عطوهم كلمة البنات صمموا فساتين حق بعض وودوها لمشغل كبير ومعروف علشان يسويهم لهم وبيطلعون اليوم ........................................... كانوا كلهم مجتمعين في الصالة العيال والحريم والبنات إلا سامي رايح يجيب الثياب اللي فصلهم علشان العرس وأم فراس مع أبو فراس فوق يتكلمون في موضوع فراس: سامي قااال اليوم يبطلعنا نغير جو هدية قبل العرس رنيم: أنا مشتهية أروح السوق ريم: وأنا بعد لولو: أول مرررة في التاريخ تقولين أبغى أروح سوق ريم ابتسمت: أبغى أشتري لي كم جينز وتيشيرت للسفر لينا: إيه من جد .. بنات يبي لنا نروح كلنا ترا السفر بعد ثلاث أيام أفنان: خلاص أجل نروح اليوم حسام: أجل نقول حق سامي نروح السوق كلنا رنيم وقفت: أنا بروح أقول حق ماما أننا بنطلع علشان يكون عندها خبر ريم: أوووك .. ولا تتأخرن لأن سامي يمكن يدخل في أي وقت رنيم: أوووووك وصعدت فوق بسرعة ولما قربت من غرفة أمها وأبوها اللي بابها مفتوح سمعتهم يتكلمون أم فراس وهي تبكي: كلمني وقالي لازم تجي علشان يكشف عليها أبو فراس: أجل لازم نقولها أم فراس: لا ماأقدر أبو فراس: رنيم تعبانة مررررة مانبغى تزيد حالاتها .. سامي أخوك موجود هو يعرف خليه يقول لها أم فراس: أنا أصلا ً ماأبغاها تعرف أبو فراس: هي مررة تعبانة لازم تعرف أم فراس وهي تبكي زيادة: آااااااه يابنتي .. والله خايفة تروح من إيدي يوم دخلت رنيم وعيونها مليانة دموع: أنا إيش فيني أم فراس كانت معطية الباب ظهرها ومسحت الدموع اللي في عيونها والتفتت عليها: هلا حبيبتي رنيم تبغين شي رنيم بعصبية: أنا سمعتكم تقولون أني مريضة .. قولوا لي إيش فيني أبو فراس بإرتباك: حبيبتي ماكنا نتكلم عنك رنيم نزلت دموعها: أنا سمعتكم تقولون رنيم .. بلييييييييز لا تكذبون علي أم فراس بلعت ريقها: قول لها أبو فراس نزل راسها: أنتي .. ااامممم .. فيك مرض من يوم كنتي صغيرة .. علشان كذا تجيك بعض الأحيان أعراض .. لما تشوفين طبقة شفافة قدام عيونك أو لما يغمي عليك أم فراس: أنتي فيك نقص مناعة .. وكل ماتكبيرين هي تنقص زيادة رنيم زاد بكاها وماعرفت إيش تقول أم فراس فتحت إيدها: تعالي لحضن أمك ياقلبي رنيم التفتت بتطلع وصرخت: أنا أكرهكم .. ماعلمتوني .. وأكيد الكل يدري إلا أنا نزلت تحت ووقفت في نصف الدرج ........................................... كانوا جالسين يسولفون ويضحكون وفجأة سمعوا صوت صراخ رنيم أم حسام: بسم الله وش صاير أم فيصل: هذا صوت رنيم رزان: قوموا نشوف وقااموا كلهم ووقفوا عند بداية الدرج لما شافوا رنيم نازلة ووقفت في نصفه وهي تبكي رنيم طالعتهم كلهم ودموعها تنزل كأنها سيول وتحرق خدودها: أنا أكرهكم كلكم .. أكيد أنكم تدرون وماعلمتوني الكل فوق راسه علامة إستفهام مو عارفين رنيم عن إيش تتكلم أم وليد: حبيبتي رنيم إيش فيك فيصل بخوف: رنيم صاير لك شي رنيم بعصبية وصراخ وهي تبكي: كلكم تدرون إني مريضة ويمكن أموت بأقرب وقت .. لكن مع كذا ماعلمتوني .. ليش يعني لهذي الدرجة تكرهوني الكل فتح عيونه ماتوقع أن ممكن يجي يوم ورنيم تعرف ريم بإستغراب: عن إيش قاعدة تتكلمين .. أي مرض هذا رنيم طالعت فيها بحقد: أنتي أقرب وحدة لي وماعلمتيني .. أنا ماألومهم إذا خبوا عني ريم: ترا أنا إلى ألحين مو عارفة إيش جالسة تخرفين أنتي أم حسام نزلت راسها: هي ماتدري ريم: عن إيش .. فهموني عورتوا راسي رنيم ركضت فوق لغرفتها ماتبغى تسمع شي زيادة أم حسام: هي مريضة بنقص المناعة من ولدت ريم: إيش ..؟؟!! أم أحمد جلست على الكنب: تعالي أجلسي جنبي وأعلمك ريم جلست جنبها وهي تنتظرها تتكلم: إيه بسرعة قولي إيش السالفة أم أحمد: خالتك نادية بعد ماجابت رزان جاها ورم من آثار الولادة والحمدلله استأصلوه وصارت زينة وبعد سنتين حملت ولما راحت تكشف على جنس المولود في الشهر الخامس تقريبا ً قالوا لها أن في خطر عليها وعلى الجنين لكن مايقدرون ينزلونه .. فهي صبرت وتوكلت على الله .. ولما ولدت رنيم .. قالوا لها أن ماعندها مناعة أبدا ً.. وبعد سنتين صارت مررررة تعبانة وودوها للمستشفى .. وقالوا لهم أن مناعتها قيلة جدا ً بالنسبة لسنها .. فلازم يعطونها أدوية تحميها من الأمراض .. وفي إحتمال كبير أنها كل ماتكبر تقل المناعة وتجيها أعراض مرضية .. مثل اللي تجيها ألحين .. طبقة على عيونها .. إغماء .. إرتفاع الحرارة مرات متكررة ريم تجمعت الدموع في عيونها وماعرفت تتكلم .. كل هذا في حبيبتها وأختها وكل الدنيا بالنسبة لها وهي ماتدري وقفت وقالت بعصبية: وكلكم تدرون وأنا آخر من يعلم أم حسام: خفنا نقولك وتقولين لها وتتعب نفسيتها ريم: على الأقل لو أنا قلت لها بقولها بأسلوب إقناع وهي راح تفهم .. أحسن من أنها تعرف كذا بالصدفة .. لأن ألحين من جد بتنعدم نفسيتها وراحت فوق ركض وفتحت الباب على رنيم ودخلت الجناح وراحت لغرفتها شافتها منسدحة على السرير على بطنها وتبكي بحرارة رنيم: اطلعوا ماأبغى أشوف أحد .. أنا أكرهكم كلكم ريم بحزن: أنا ريم لحالي رنيم قامت من على السرير وراحت لها وضمتها ريم: ترا صدقيني والله ماكنت أعرف .. لسة توهم قايلين لي السالفة .. بليييييييز لاتزعلي مني رنيم وهي ضامة ريم بقوة: ماأقدر أزعل منك أصلا ً .. بس شفتي إيش سوو .. هم يعرفون إني مريضة ولا علموني ريم أخذتها وجلستها على السرير وجلست معها رنيم وهي منفعلة وتبكي: هم ماعلموني علشانهم يتظروني أموت ويفتكون مني ريم مسكت وجه رنيم: لا تقولين كذا ماعلموك خايفين عليك وهم أصلا ً ما يحبون أحد بالعايلة كثرك حتى أني بديت أغار رنيم ابتسمت شوي: حماررررررررررررة ريم: أنا ألحين الحماررررررة هااا رنيم وكأنها طفلة مسحت عيونها بكفها: إيه .................................................. . دخل وهو ماسك ثلاث ثياب في إيده سامي دور بعيونه على رنيم وريم مالقاهم وتوقع انهم فوق وبسرعة راح للدرج أم حسام: سامي أنتظر سامي: أقول روحوا مافي أحد بيشوف الثياب قبل ريم ورنيم وراح فوق ركض ودخل جناحها وشاف باب الغرفة مسكر وفتحه بسرعة ودخل وهو متحمس وشافهم جالسين سامي وهو ماسك الثياب: رنيم ريم شوفوا وشرايكم في الــــ وقبل مايكمل رنيم طالعته ورجعت تبكي: أطلع برا .. لاتدخل هنا مرررررررة ثانية سامي حط الثياب على الكنب وقرب من عندهم: رنيم وشفيك رنيم بصراخ: قلت لك اطلع برا .. أكرهك أكثر من أي أحد ريم: سامي بلييييييز اطلع هي مرة نفسيتها تعبانة سامي طلع ونزل تحت وهم فهموه السالفة ورنيم ماقدرت تسكت وريم جلست تهديها لين ناموا متأخر مرررررة ############################################ بعد يومين قبل العرس بيوم ................................... جالسة وتفكر شوق: جوجو وشفيك ساكتة جوري: من زمان عن رنيم لازم أكلمها شوق: كلميها بسرعة جوري: أنا ماأشوف عندي سبب يخليني أقطعها .. بس هي أتوقع مرررررة مشغولة لأن خالاتها جايين يسكنون بالشرقية .. وخالها بعد بيتزوج شوق: طيب وش تنتظرين كلميها بسرعة جوري: أووووووك ورفعت السماعة لأذنها وبعد كم رنة جاها الصوت رنيم بحماس: هاااااااااااااي .. كيفك .. وحشتيني جوري: والله وأنا أكثر .. هههه أحسك متحمسة مدري ليييييه رنيم: لابسة الفستان اللي حق عرس خالي وجالسة أدور فيه جوري: ههههههههه .. إيش لونه ..؟؟!! رنيم: أبيض .. وريم بعد نفس اللون بس التصميم والموديل يختلف جوري: مررررة يحمس رنيم: من جد .. إيش مسوية ماراح تسافرون جوري: إلا بعد يومين رنيم: جد جوري: إيه .. وأنتوا ..؟؟!! رنيم: حنا بعد بكرة جوري: وناسسسسسسسسسسسسسسة .. وين بتروحون ..؟؟!! رنيم: لبنان .. أنتي بتروحون وين جوري: والله مدري بابا مخليها مفاجأة رنيم: أبوك يحمس جوري ضحكت: إلا قولي طفش مننا رنيم: هههههههه ليه ..؟؟!! جوري: كل شوي نقول دولة بعدين نهون رنيم: يلا أكيد يبختار مكان حلو جوري: إن شاء الله .. ألحين بخليك علشان تكملين دوران بالفستان هههه رنيم: أووووك أكلمك بعدين هههه جوري: باااااي ياحلوة رنيم: بااااي وسكرت من عندها وماحاولت تقول لها شي عن مرضها علشان ماتشغل بالها ###################################### سكرت من جوري وجلست على السرير جنب ريم رنيم: ريم خلاص خلينا نفصخ الفساتين .. بكرة بنجلس فيه مدة طويلة أخاف أطفش منه ألحين ريم: لا ياشيخة مالنا خلق تطفشين .. قومي نفصخه وغيروا ولبسوا جينز وتيشيرت مثل بعض ونزلوا تحت وكان الكل موجود جلسوا على الكنب في جهة لحالهم وماسكين مجلة ويقرونها رنيم: شوفي هذا الفستان يجنن .. ياليتني فصلت زيه حق العرس ريم: أقول فستانك يجنن .. يلا جنان رنيم: أصلا ً تصدقين .. بصوت عالي .. راح حماسي للعرس سامي وهو جالس في الجهة الثانية من الصالة قال وهو يوجه الكلام لها: بنااااااااات بليز أبغاكم تتحمسون مرررة ولا تخربون علي فرحتي هذا أهم يوم بحياتي رنيم: أنا أصلا ً مافي شي محمسني شوي إلا أن العروس هيله وبس .. شددت على بس ريم: ياحبيلها هيله .. كسرت خاطري أمس يوم كلمناها قالت أنها مرررة متوترة وخايفة من بكرة رنيم: ياعمري هي .. جلست تفرفر في الصفحات .. ريم ريم ألحقي ريم: إيش فيك ..؟؟!! رنيم بعفوية وهي ناسية كل اللي صار لأن قلبها أبيض وينسى بسرعة: بنات تعالوا شوفوا هذا الشاليه بلبنان البنات ماصدقوا رنيم كلمتهم بسرعة قاموا راحوا لها رنيم: شوفوه مرررة يجنن رزان: وشرايكم نجلس في شاليه مولازم نروح فندق لينا: إيه من جد رنيم: ريم بسرعة روحي قولي لهم علشان يحجزون ريم :لا أبغى أشوف الصور رنيم: بعدين شوفيهم .. يلا عااااد ريم بتأفف: طيب بقوم أووووف منك وراحت وقالت لهم وهم طبعا ً وافقوا لما عرفوا أنها فكرة رنيم .. ومايبغون يزعلونها ريم رجعت لهم: تخيلي بسرعة وافقوا لأنك أنتي اللي تبغين .. ياحظك كل شي يرضونه علشانك رنيم: شي طبيعي ياحبي يرضون ريم: تعالي بقولك شي في أذنك رنيم قربت منها: إيش ..؟؟!! ريم بهمس: اليوم موعدك في المستشفى .. روحي رنيم بنفس همسها: لاااااا ريم: لييييه ..؟؟!! لو سمحتي علشاني أنا بروح معك رنيم بتفكير: أووووك علشانك بس ريم: وعلشان خاطر خالتي نادية المسكينة بعد رنيم طالعت فيها بعدين هزت راسها ريم قامت فرحانة وركضت قالت لخالتها أم فراس ماصدقت وبسرعة راحت قالت لأبو فراس وكان باقي على موعدها أقل من ساعة وبسرعة طلعوا للسيارة ينتظرونهم ريم ورنيم لبسوا عباياتهم وطلعوا وراحوا للمستشفى .. ولنفس دكتورها اللي دايم تراجع عنده ومررررررررة فرح لما درى أنها عرفت لأن أهم شي في العلاج نفسية المريض لأن إذا كانت النفسية دماااااااار مايفيد العلاج ورجعوا للبيت بأدوية جديدة وحياة جديدة بالنسبة لرنيم اللي حست أنه في أمل ولو بسيط في أنها ممكن تتعالج وتطيب بإذن الله ################################################## ####### في اليوم الثاني في يوم العرس الكل مشغول وفرحان طبعا ً العرس كان في بيت أبو فراس بما أنه مررررررة كبير في غرفة رنيم جالسة قدام التسريحة والكوفيرا تركب لها الطرحة انفتح الباب ودخلوا ريم ورنيم ريم: ماشاء الله تاخذين العقل رنيم: الله يعين سامي المسكين هيله وهي مستحية وترجف من الخوف والإرتباك: تسلمون .. بس والله العظيم قلبي ماوقف دق مرررررة خايفة رنيم: عاااادي خليك ريلاكس مافي شي يخوف ريم: اللي تحت بس أهلنا وأهلك لاتخافين تطمني انفتح الباب ودخلوا رزان ولينا رزان: أهلين .. والله انك أحلى عروسة لينا: ماأمدانا نجلس معك كثير .. طالعة قمرررررر هيله: تسلمون ياحلوين رزان: استعدي ترا خالي بيجي بعد شوي لينا: ابتسمي ياحلوة .. لاتخافين وطلعوا هيله التفتت على رنيم وريم: خلاص ماأبغى رنيم ضحكت: إيش اللي ماتبغين هيله: ماأبغى أتزوج .. ولا أبغاه يدخل ريم: هي لعبة .. وقعتي وانتهى الموضوع انفتح الباب ودخل سامي وهو لابس الثوب والبشت (( المشلح )) سامي ناظر في هيله اللي منزلة راسها ومستحية ووجها صاير أحمر: أموت أنا كذا ريم: حرام عليك والله البنت ميتة حيا وخوف منك سامي: مني أنا .. إيش أسوي يعني تخيلو ماشفتها إلا مررررة وحدة ولا رضت تخليني أكلمها تقول الزواج بعد أسبوعين مرررة قريب .. وتقولون لي حرام عليك رنيم ابتسمت له: خلاص ألحين بنطلع مع الكوفيرا وبتجي المصورة وشوفها لين تشبع سامي التفت لرنيم وابتسم لها بحب وارسل لها بوسه في الهوا رنيم: مو ترسلي أنا .. أرسل لهذي الحلوة هيله في نفسها: الله ياخذ بليسك يارنيم .. حست نفسها في موقف لاتحسد عليه بجد .. تمنت الأرض تنشق وتبلعها طلعوا كلهم ومابقى إلا سامي وهيله سامي قرب منها ومسك إيدها وقومها: شفتي القمر اللي في السماء هيله رفعت راسها بخجل وهزت راسها سامي: مايجي نصف جمالك هيله ابتسمت بخجل والتفتت عنه للجهة الثانية ودخلت المصورة بعد كذا وصورتهم وبعدين دخلوا البنات واخذوا معهم كم صورة مررررررررر وقت وهم جالسين في الغرفة ومعهم رنيم وريم جاوو معازيم كثار من أهل هيله وأهل سامي البعاد والقراب اندق الباب ودخلت أم هيله وعيونها مغرقة بالدموع: ماشاء الله عليك يابنتي الله يحرسك من العين هيله قامت وضمت أمها أم هيله بعدت عنها: سامي ياولدي يلا ألحين زفتك سامي مسك البشت وهو مدخل يد والثانية ماسك فيه من برى << مايحتاج أكلمكم عن شرحي طلع سامي ومعه رنيم وريم وقف بداية الدرج الكبير وريم في جهة ورنيم في الجهة الثانية وكانوا ماسكين سلال فيهم ورد جوري أبيض وموف كانت الأنوار خافته ونور كبير موجه عليه بدأت الزفة تشتغل ونزل والناس منبهرين بجماله كان متغير مرررررة نزل وريم ورنيم يقطون عليه الورد وبعد كذا وصل وراح جلس على الكوشة اللي كان لونها أبيض وموف وحولينها ورد أبيض وموف بعد كانت مررررررة ناعمة وحلوة جاء دور العروسة وقفت في البداية نفس مكان سامي ورنيم وريم نفس مكانهم ويقطون الورد كانت كلمة جميلة قليلة بحقها الكل كان يناظر فيها ويسمي عليها .. كانت تمشي بشويش على أنغام الزفة الخاصة فيها وصلت لمكان الكوشة ووقف لها سامي ومسك إيدها ووقفها جنبه جااوو الناس يباركون لهم ويدعون لهم بالتوفيق في حياتهم المستقبلة .. وتكون أيامهم القادمة جميلة كملوا العرس البنات وهم يرقصون ويستهبلون أخذ سامي هيله وراحوا للفندق بعد ماسلم على الكل ورنيم وريم ضموه وهم يبكوووون وانتهى اليوم بسعادة غامررررررررررررة للجميع .................................................. .......... نااااااام الكل وهم ينتظرون بكرررررة بفارغ الصبر علشان السفر انتهى البارت أختكم الجميلة : (( حكايا قلم )) أنتظر توقعاتكم بكل شوق
__________________ iLove every one ... |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية لعنة حب للكاتبة إكرام مجاهد | ķēMéễ | أرشيف المواضيع الغير مكتمله او المكرره او المنقوله و المخالفه | 216 | 03-02-2015 08:07 PM |
| رواية حب في الجمس, للكاتبة/ احساس مهاوي | توتة تاكل بسكوتة | روايات و قصص بالعاميه | 6 | 06-05-2014 01:22 PM |
| رواية عشاق من احفاد الشيطان للكاتبة المنحوسة او(متكحلة بدم خاينها) | noor_96 | أرشيف المواضيع الغير مكتمله او المكرره او المنقوله و المخالفه | 25 | 10-02-2010 01:01 AM |
| "يوم تبلى السرائر" رواية جديدة مثيرة للجدل للكاتبة سارة الدريس | عاشقة الحروف | أرشيف المواضيع الغير مكتمله او المكرره او المنقوله و المخالفه | 2 | 09-19-2010 11:54 AM |
| رواية بنات الرياض للكاتبة رجاء الصانع نسخة كاملة للتحميل | © بندر © | أرشيف المواضيع الغير مكتمله او المكرره او المنقوله و المخالفه | 384 | 01-13-2009 07:33 PM |
العرض العادي
