|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#336
04-18-2011, 02:33 AM
| ||
| | ||
| اقتباس:
يسسسسسلمو على التوقعات يعطيك العافية
__________________ iLove every one ... |
|
#338
04-18-2011, 02:35 AM
| ||
| | ||
| (( الفصل الرابع والعشرون )) يوم جديد يوم الخميس يوم السفر الكل قام بدري مع أنهم ماناموا إلا بعد صلاة الفجر البنات جالسين في الصالة ونايمين على بعض جات أم فراس: بناتي يلا قوموا الساعة ثمانية ونصف ومابقى على الطيارة إلا ساعة البنات لا حياة لمن تنادي كانت أشكالهم تكسر الخاطر كل وحدة مسندة راسها على كتف اللي جنبها دخلوا العيال وهم لابسين بدلهم وجاهزين فراس: وين الجنيات ماأشوفهم حسام: لا يكون لسة ماصحوا أم فراس أشرت عليهم وهي ساكتة خالد: وينهم في ومشى شوي وشافهم وفطس ضحك جاوو باقي العيال وماتوا ضحك على أشكالكم أم فراس: على إيش حضرتكم تضحكون .. صحوهم بروح أشوف خواتي أنس: بنات بنات والبنات مو حاسين بشي وليد: شوفوا ريم ورنيم كيف نايمين وهم لابسين شناطهم على ظهرهم هههههههههههه فصل: شكلهم توحفة نواف: خلونا نصورهم نفس ماصورونا لما كنا نايمين بالاستراحة حمد: إيه والله من جد حسام: لا حراااااام خلونا نصيحهم فراس: إيه صح كلامه .. والله لو يقومون وحنا مسوين لهم شي بينكدون علينا السفرة خالد: أجل يلا كل واحد يشد الهمة ويقومهم حمد: هههههههههه حسستني أننا داخلين معركة خالد: وأنت الصادق هذي مو معركة إلا حرب للسلام العائلي ههههههههههههههه تسطحوا من الضحك أنس: بسكم ضحك وصحوهم .. ترا بنتأخر على الطيارة وتقدموا كلهم فيصل ووليد بسرعة راحوا عند رنيم وقالوا في نفس الوقت: رنيم قومي والتفتوا على بعض وضحكوا وكل واحد منهم مايدري وش في قلب الثاني من محبة لرنيم فيصل: أنا بصحي رنيم وأنت ريم وليد: لا ماأبغى ريم .. بتصرخ في وجهي فيصل: هههههه طيب أنا بصحيها فراس راح عند لينا وحركها بخفيف: لينا ليونة يلا قومي لينا تحركت شوي بعدين فتحت عيونها: نعم فراس: يلا علشان بنروح المطار لينا مدت يدها وهو قومها وتمددت: آااااااه تعبانة فيني النوم فراس: كلنا مو بس أنتي حسام راح عند رزان: رزونة رزونة يلا أصحي .. رزااااان رزان بصوت كله نوم: همممم حسام ضحك: يلا قومي تأخرنا رزان: بابا انتظر شوي حسام فقع ضحك: أنا آخر عمري صرت أبوك رزان فتحت عينها: حسام ..؟؟!! هههههههههههههه حسام: أجل صرت أبوك رزان: إيه حسام: يلا يابنتي قومي أخرتينا الطيارة مشت رزان وقفت وهي تتمدد وتتثاوب: خلاص بابا قمت حسام: ههههههه كويس فيصل: ريم ريم ريم ريم ريم ريم ريم ريم بعصبية: فيصولوه وبعدين قلت خلاص بقوم فيصل ولا كأنه يسمع: ريم ريم ريم ريم ريم ريم ريـــ ريم وقفت وصرخت بعصبية: خلاااااااااااااااااااص قمت أووووف من إزعاجك رنيم من سمعت صرخة ريم وقفت وهي مرتاعة .. لأن وليد صوته كان مرررة واطي وماقدر يصحيها البنات كلهم صحصحوا من صرخة ريم خالد: لو ندري إنك إذا صرختي كلهم بيقومون كان قومناك اول وحدة ولا تعبنا حالنا ريم: انقلع عن وجهي حسام: الله يعينك على أخلاقك ريم: الله ياخذ بليسكم خربتوا علي نومتي وحلمي لولو: الله وأحلامك .. اللي يسمعك يقول حلمتي بفارس الأحلام ريم: إيه .. عندك مانع .. ولا مقهورة لولو: انقهر منك .. والله ضحكتيني حسام: أقول أنتي معها خلاص .. قوموا خلونا نطلع تأخرنا وقفوا كلهم وطلعوا ورنيم وريم طلعوا آخر ناس وكانوا لابسين جينز وتيشيرت نفس الشكل وشناط على ظهرهم في مسليات نفس بعض بس اللون غير .. رنيم أسود .. ريم أبيض طلعوا وهم متسندين على بعض وفيهم النوم ركبوا السيارات وراحوا على المطار ################################################## # جالسين ثنتينهم في غرفة شوق يجهزون شنطة شوق بعد ماخلصوا حقت جوري شوق بعصبة: جوجو خلاص بلا إستهبال جوري: شوق ياحمارة لا تاخذين كلهم بس جينز وتيشيرت خذي ملابس ثانية شي فخم يعني شوق: وأنا مين بيشوفني يعني .. وأصلا ً لابسة عباية بعد جوري: أنا بشوفك شوق تدخل جينز في الشنطة وجوري تطلعه: جوجو انقلعي جوري: ماأبغى انتي اللي انقلعي شوق: قلت لك إطلعي برى .. تونا جايين من بيتكم بعد ماخلصنا شنطتك روحي تأكدي يمكن نسينا شي ماحطيناه جوري وقفت والتفتت كأنها زعلانة وبتطلع: خلاص بروح ولا عاااااد تناديني ومشت ومدت إيدها بتفتح الباب إلا صوت شوق ناداها: جوجو خلاص تعالي أمزح معك جوري وهي ماسكة ضحكتها ومعطيتها ظهرها: لا خلاص أنا شلت بقلبي وزعلت شوق: جوجو عاااد لاتصيرين كذا بلا سخافة .. تعالي وحطي اللي تبين جوري التفتت لها وهي تضحك وجلست على الأرض جنب الشنطة شوق: اسمعي راح أحط كم جينز وتيشرتات على ذوقي .. والباقي أنتي حطي اللي تبغين جوري ابتسمت بخبث: طيب شوق: والله حاسة ان وراك مصيبة جوري: أقول لك الصراحة شوق: قولي خلصينا جوري: أنا الملابس اللي بحطها على ذوقي بتكون حلوة مو عملية شوق: والسبب إن شاء الله جوري: يمكن تشوفين هناك أحد تحبينه وتنسين هذا الزفت خالد شوق سكتت شوي بعدين قالت بعصبية: لا تقولين زفت ماأسمح جوري: سمحتي ولا بالطقاق .. آخر همي شوق: المشكلة بنت عمي .. ولا كان قتلتك من زمان .. وكتبوا في المجلات الآنسة شوق قتلت أبنة عمها جوري اتسدحت من الضحك على هبال شوق شوق رمت جينزات كثيرة والتيشرتات أكثر في الشنطة بحوسة جوري بعصبية: شوق ياغبية مو كذا الناس شوق: خير وش تبغين جوري: كذا الناس يحطون الملابس شوق: عاااد أنا كذا جوري: أوووووووف .. أقول قومي من قدامي بس .. خليني أرتبها شوق وقفت: يكون أحسن .. وراحت جلست على السرير وفتحت اللاب توب جوري: ياربي متحمسة لبكرة مررررررررة شوق: مو كثري .. أحس أني من زمان ماطلعت برا السعودية .. من زمان ماتنفست جوري: أنا اللي محمسني أكثر أن المكان اللي بنروح له مفاجأة شوق: مدري ليه حاسة انهم راح يودونا مكان غبي .. والله خايفة ياخذون فينا لفة على دول الخليج ونرجع بيتنا جوري: مو لهذي الدرجة هههههه شوق: أقول خلصي اللي عندك .. على ماأحمل كم فيلم نجلس نطالعهم في الليل جوري: أووووووك ورتبت الجينزات والتيشرتات وحطتهم بالشنطة .. وبعد كذا وقفت وطلعت فساتين شوق كانوا اغلبهم جدد لأن شوق ماتحب تلبس فساتين وجوري أغلب اللي أخذتهم قصار وحطتهم بالشنطة .. وأخذت كم تنورة قصيرة وبلايز فخمين .. وبيجامات وحطتهم وقفلت الشنطة شوق: خلصتي ..؟؟!! جوري ابتسمت: إيه شوق: عارفة على إبتسامتك هذي حطيتي بلاوي بس بسكت لك لأني مو رايقة لك جوري جلست جنبها على السرير وتربعت: المهم أقول أنا كل يوم بطلعلك شي وألبسيه شوق: على أمرك عمتي ماتأمرين بشي ثاني جوري: لا شكرا ً شوق: على فكرة أنتي كثير مصدقة نفسك .. مافي شي مصبرني غير أني بكون لا بسة عباية فحتى لو لبستيني فستان ربع الفخذ وطالع الظهر كله وفتحت صدره مافي أوسع منها ماراح يصير شي جوري: صح كلامك .. بس عااادي على الأقل أرضي نفسي شوي شوق: براحتك يامجنونة وجلسوا يتناقرون كأنهم بزارين .................................................. ........ في البيت الثاني خلصوا ملابس غادة وباقي ملابس رتال لأنهم كثار غادة: رتال طفشت رتال: وحتى أنا غادة: تتوقعين جوجو وشوق خلصوا رتال ضحكت: مالقيتي إلا هم .. يمكن حتى الشنطة مافتحوها غادة: هههههههه من جد رتال: خلينا نخلص ونروح ناكل شي جوعانة غادة: جد ترا أنا مافطرت رتال: وحتى أنا .. جوجو وشوق الحمير سوو لهم خرابيط وأكلوا غادة: كيفهم .. بروح أقول للخدامة تسوي لنا شي وتجيبه هنا رتال: يلا بسرعة وراحت غادة ونزلت تحت للخدامة ########################################### وصلوا المطار ودخلوا رنيم كانت ضامة فراس من على جنب وهو محاوطها بيده وقاعدين يمشون وهي مغمضة عيونها وريم نفس الشي مع حسام لينا ورزان متحمسين لابسين الكاميرات على رقبتهم وقاعدين يصورون بعض لينا: رزان رزان شوفي رنيم وريم كيف نايمين ويمشون رزان: هههههههههههههههه ومو لابسين عبايات بعد مستعدين من ألحين لينا كان حسام قدامها من بعيد ورزان قدامها فراس وبحركة سريعة وعفوية منهم ثنتينهم لينا التفتت على جهة فراس اللي كان واقف قدام رزان عشان تصوره .. ورزان التفتت على جهة حسام كان اللي قدام لينا وصقعوا الكاميرات في بعض وقاموا يضحكون وبعدوا عن بعض ورزان صورت ريم وحسام .. ولينا صورت رنيم وفراس ركبوا الطيارة وكانوا آخر ناس يركبون كانت مررررررة زحمة ومليانة جلسوا كلهم في جهة مع بعض رزان جنبها لينا رنيم وريم جالسين جنب بعض ونايمين وليد .. فيصل سارة .. لولو ندى .. أبرار لما .. سجى أفنان .. أسماء حسام .. فراس حمد .. أنس خالد .. نواف والحريم والرجال كانوا كل واحد جالس جنب زوجته مهند جنب سمر ريم فتحت عيونها والتفتت على رنيم اللي كانت نايمة قبضها قلبها لما تذكرت اللي صار أول مادخلوا المطار (( .. دخلوا كلهم وهي آخر وحدة .. وسمعت أحد وراها يتكلم : ياحبي لها طالعة حلوة اليوم ريم التفتت وقالت بإستغراب: وليد تكلم نفسك .. ومين هذي اللي طالعة حلوة ..؟؟!! وليد: رنيم ومين غيرها ريم فتحت عيونها: ها ؟؟ وليد: ريم أنا أحب رنيم .. وأدري أنها تحبني .. لكن أبغى أتأكد ريم مازالت مصدومة وفاتحة عيونها: ومين قالك أنها تحبك وليد: هي بنفسها .. أنا كل ماأسألها تحبيني تقول أموت فيك ريم: يمكن بس كلام كذا وليد: لا أنا متأكد .. وإذا تبغين تتأكدين بليييييييز أسأليها تحبني ولا لا ريم: مدري بحاول وليد: لا لو سمحتي أسأليها ريم: قلت لك بحاول مشى وليد وهي مازالت واقفة من شدة الصدمة: رنيم تحب فيصل .. وليد يحب رنيم .. وليد ووفيصل أكثر من أخوان .. يوه إيش هذي اللخبطة مشت ومسكت حسام وهي مغمضة عيونها .. )) رجعت التفتت على رنيم وهي مو عارفة إيش تسوي .................................................. ........... جالس متحمس والإبتسامة ماأختفت من على وجهه فيصل بإستغراب: وش فيك اليوم كأنك أول مرررررة تسافر وليد اتسعت إبتسامته: لا مو علشان السفر لكن في شي إذا صااااار علمتك إياه فيصل بحماس: إيش قول ..؟؟!! وليد: لا خلها في وقتها فيصل: براحتك .. أنا بنوم إذا وصلنا صحيت وليد: أنا بصحيك .. لأني ماراح أنام من كثر الحماس فيصل ضحك: والله مدري وش وراك وليد: ناااام وتعرف فيصل: ههه طيب وغمض عيونه وهو على نياته أما وليد طول الوقت يفكر في رنيم وماغفت له عين ############################################ خلصوا ترتيب ملابسهم وجلسوا مع بعض رتال: مو مصدقة أبدا ً شوق: ماأحد قال لك صدقي غادة: من جد حتى أنا مو مصدقة كيف خلصتوا قبلنا جوري: من سبق لبق رتال: ههههههههههه وش دخل جوري: مدري .. بس يعني من سبق للترتيب خلص قبل رتال: الحمدلله والشكر بس شوق: خلصوني لازم نعرف وين راح نروح جوري: أنا من ناحيتي مو لازم نعرف ألحين رتال: بكرة نعرف شوق: لا ماأقدر ووقفت غادة: على وين شوق: لساني يحكني لازم أعرف وين ينروح رتال: يحكك من اللقافة اللي فيك شوق قامت وطلعت برى ووقفت عند باب الخيمة تسمع العيال ............................................... داخل الخيمة مجتمعين الأربعة ضحك وسوالف فهد: البنات إلى ألحين مادروا وين راح نروح محمد: لا ماأحد قالهم ماجد: أحسن خلهم مايدرون أسامة: حماس والله بنروح ***** محمد: قد رحنا من قبل أسامة: كنا صغار وش ذكرني فهد: أقول بلا بربرتكم الزايدة .. جهزتوا شناطكم أسامة: أنا مالي خلق أمي بترتبها لي محمد: أنا بروح أرتبها ألحين ماجد: وأنا بعد فهد: كلنا بنقوم .. وحتى أنت ياروح الماما أسامة: أحترم نفسك ماجد وقف: أسامة يلا أمش معي لبيتنا أسامة وقف معه: يلا وراحوا طلعوا فهد: محمد بنات عمي موجودين عندنا محمد: أتوقع فهد: يلا قوم نشوف وقاموا ودخلوا داخل .. وماشافوا أحد بالصالة لكن يسمعون صوت إزعاج مايدرون من وين فهد عقد حواجبه: وينهم ذولي محمد: مدري ومشوا شوي وسمعوا الصوت أوضح
__________________ iLove every one ... |
|
#339
04-18-2011, 02:36 AM
| ||
| | ||
| .............................................. واقفين ثنتينهم على الكراسي وكل وحدة ماسكة في إيدها شوكتين وتطقطق بقوة على الصحن اللي قبالها ويغنون مع بعض : الدنيا حلوة وأحلى سنين بنعيشها واحنا ياناس عاشئين ننسى اللي فاتنا ونعيش حياتنا على الحب متواعدين إنســــــــــــــــى وكل شوي يحولون على أغنية ثانية : يلا على إيدك حبيبي يلا علمني دخلت بمدرسة حبك وتوني بالسنة الأولى .. معجبة مغرمة أنا بئى مش عايزة إلا هوا مشيتوا همستوا نظرتوا بتحرك ألبي قوا حد يئوله حد يئوله أني بحبوا الحب دا كولوا .. كل الأحبة اتنين اتنين متجمعين بالهوا دايبين على إيه تكشر وليه تفكر دا العمر كلوا يومين إنســــــــى انسى اللي راح علــــــــ دخل وصرخ: أسكتوا جاتهم صدمة ووقفوا وهم رافيعن الشوك فوق فهد: مجانين .. البيت بيتكسر من إزعاجكم شوق: لا مو مجانين .. بس متحمسين لأننا عرفنا وين بنروح فهد بإستغراب: مين علمكم جوري: عاااد عرفنا وبس .. مالك علاقة بالمصدر فهد: أقول أعقلوا أزعجتوني شوق: طيب فهمنا جوري: أستاذ فهد يلا تفضل برى عطيتك وجه وأنا مخليتك تشوفني بدون غطاء فهد: مدري من الجمال الزايد جوري بغرور: أكيد فهد طلع وهم رجعوا يغنون من جديد شاف محمد واقف وهو ميت ضحك: وشفيك أنت بعد محمد وهو يضحك: شكلك فضيع وأنت تصرخ فهد: ياأخي مجانين ذولي محمد: يلا قوم بس خلنا نروح نرتيب الشنط فهد: يلا راسي بينفجر وراحوا فوق .................................................. . في المطبخ كانوا يغنون بصوت أعلى وهم مستمتعين رتال بصراخ علشان يسمعونها: ياحمير قولو لنا وين بنروح شوق وقفت غنى: حلمي غادة: بلا سخافة أنتي معها يلا قولوا جوري: إيش قالت شوق وقالوا شوق وجوري بنفس الوقت: حلموا وقاموا يضحكون ################################################## ###### في مكااااااان ثاني غير عن كل الأماكن في حديقة مررررررررررة كبيرة مايدخلها غير العشاق كان الوقت قريب من الغروب يتمشون جنب بعض وهم ساكتين (( هو كان لابس جينز وتيشيرت أسود من بولو )) (( وهي كانت لابسة جينز وبلوزة فخمة لونها سكري وفاتحة شعرها القصير وحاطة النظارة الشمسية عليه )) : سامي سامي: عيونه هيله بحيا: جوعانة سامي: ياحياتي أنتي .. وليش ماقلتي من زمان هيله: استحيت منك سامي: استحي من كل شي إلا الجوع ودخول الحمام هيله قامت تضحك سامي: لبى الضحكة وصاحبتها هيله على طول سكتت وهي ميتة حيا سامي حاوط كتفها بإيده وكانت نفس البيبي بالنسبة لجسمه ومشى معها سامي: في مكان هنا عند البحر مرررررة أكله لذيذ أنا كل ماأجي إيطاليا لازم آكل منه هيله: ترا أنا ماأحب أجرب أشياء غريبة وخاصة بالأكل سامي ابتسم: لا لا تخافين .. هو أصلا ً يبيع ساندويتشات خفيفة هيله ابتسمت له: أجل يلا نروح له سامي: يلا وراحوا عند البحر وكان في رجال وقدامه نفس العربة مرررررة كبيرة وكلها قزاز سامي بالإنجليزي لكن بعد الترجمة: بليييز أريد 2 من هذه الرجل: حسنا ً .. تريد شيء آخر سامي: لا شكرا ً وبعد كم دقيقة أعطى الرجال سامي الساندويتش وسامي عطاه الفلوس ومشوا سامي: تفضلي ياحلوة هيله ابتسم: شكرا ً وقاموا يمشون وهم يأكلون سامي: بسرعة أكلي أنا خلصت نصها وانتي حتى ربعها لسة ماخلصتيه هيله: إيش أسوي يعني فمي مررررة صغير وهذي كبيرة سامي ضحك: أموت أنا على أم فم صغير هيله التفتت للجهة الثانية كملت أكل وهي مستحية منه وبعد وقت سامي خلص وهيله مازالت تأكل هيله مدت له الساندويتش: خلاص الحمدلله شبعت سامي: ماباقي إلا قطعة صغيرة كمليها هيله: لا ماعاد أقدر سامي: ياربي .. وأخذها منها وبجرأة منه أكلها بعدها هيله ابتسمت ومسكت يده: خلينا نتمشى هنا عند البحر شوي سامي: أول شي أنتظريني هنا بروح شوي وأجي هيله: أخاف سامي: أنا أخاف عليك أكثر منك .. بس ماراح أبعد كثير أنتظري هنا لا تتحركين هيله هزت راسها: أووووك وهو راح وهي التفتت على البحر وكان في حاجز بينها وبين البحر قربت منه وهي تشوف البحر وبعد دقايق جاء من وراها ودخل شي في شعرها عند إذنها اليمين هيله خافت وبسرعة التفتت: روعتني سامي: بسم الله عليك وعلى اللي روعك هيله ضحكت عليه وشالت اللي حطه ورى أذنها وكانت وردة حمراء مرررررة حلوة شمتها ومسكتها سامي: ليش شلتيها هيله مدتها له: أمسك حطها سامي قرب منها وحطها لها هيله: طالعه حلوة سامي رفع راسه وأشر على السماء اللي مابعد يطلع فيها القمر ومافيها غير نجوم صغار: شفتي هذي السماء مافي أحد منورها ألحين غيرك هيله ابتسمت بحيا ووجهها صار أحمر سامي باس خدها ومسك إيدها: ياحبي للي يستحون أنا .. يلا نمشي هيله مشت معه بدون ماتتكلم بس هزت راسها بالإيجاب وكملوا ليلتهم وهم يتمشون على البحر ويسولفون وسامي كل شوي يتغزل فيها وهي تنزل راسها مستحية ############################################# بعد ساعات اعلنوا عن وصول الطيارة الأرض لبنان بعد عشر دقايق البنات كانوا كلهم فاصخين عباياتهم والحريم كانوا بس فاصخين الغطاء وجالسين بالعبايات متحجبين رنيم وريم كانوا جالسين يسولفون ريم: رنيم تخيلي رنيم: إيش ريم: جاك أحد وقالك أحبك إيش بتقولين له رنيم ضحكت: بقوله سوري أنا محجوزة ريم: لا من جد أتكلم يعني تخيلي جاك واحد تعرفينه وتعزينه وقال لك رنيم أنا أحبك وأموت فيك إيش راح تردين عليه رنيم: أممممم والله صعبة .. بس بقوله سوري أنت صح لك معزة بقلبي بس أنا أحب واحد ثاني ريم سكتت وهي مرتاحة من جهة ومو مرتاحة من جهة ثانية رنيم: ألحين طيب وش سبب هذا السؤال ريم: هذا مو سؤال تخيل رنيم: اللي هو بس إيش السبب منه ريم: عاادي بس كذا .. وضحكت تخفي ترددها .. أبغى أتأكد من محبتك لفيصل رنيم: احمدي ربك وصلت الطيارة ولا كان قتلتك ريم :هههههههههه ماتقدرين لبسوا ريم ورنيم شناطهم اللي على ظهرهم وقفت الطيارة في أرض المطار ونزل الكل من عليها ريم ورنيم كانوا يمشون جنب بعض وجاهم وليد يركض: هاااااي رنيم: أهلين ريم: أهلين وليد وليد: ها وش صار ريم: سوري ماقدرت وليد بإحباط: ليه ريم: سوري رنيم كانت كل شوي تلتفت للي يتكلم وفجأة تكلمت: وش صاير ريم بإرتباك: ولا شي رنيم التفتت على وليد: حبيبي وليد إيش فيك .. إيش كنت تبغى من ريم ولا سوته لك ريم في نفسها: والله زدتي الطين بله وليد ماعرف إيش يقول سكت شوي بعدين تكلم: أمممممم .. كنت قايل لريم تعطيك بوسة مني بس مارضت رنيم قربت خدها منه: ولا تزعل تفضل أبغاها منك شخصيا ً وليد ابتسم وباسها في خدها وراح ريم :مايصلح كذا رنيم: ليه ريم: بس مايصلح يبوسك كذا رنيم: أنا ووليد من أول عادي دايم كذا .. والله بعض الأحيان أحسد أبرار ياليته أخوي التوأم أنا ريم: مو هذي المشكلة رنيم مو فاهمة كلام ريم وفوق راسها علامات إستفهام: أنتي إيش جالسة تخربطين .. شكل غياب ثامر عنك مأثر فيك ريم عصبت: رنيم رنيم: لا خلاص سوووووووري .. والله مو رايقة تزعلين علي وحنا مسافرين ريم: أجل أعقلي رنيم: طيب .. يلا خلينا نمشي راحوا عنا ومشوا وطلع الكل وكان الوقت نهار وركبوا سيارات تاكسي وراحوا على الشاليه اللي حجزوه وبعد ساعة تقريبا ً وصلوا ونزلوا ونَزلوا اغراضهم كلها لولو: وااااااااااو رزان: جميل لينا: جدا ً جميل ندى: حلوووووو أفنان: روعة ريم: كشخة فراس: بسكم بسكم درينا أنه كويس رنيم: خلنا نعبر عن إعجابنا حسام: عبروا بعدين خالد: أقووووول أدخلوا بلا حكي زايد ودخلوا كلهم وكل ثنين كانوا في غرفة لأن الغرف كثيرة كان الشاليه كلمة روعة شوي فيه .. كان فيه ثلاث مسابح ثنين برى وواحد داخل مبنى خاص فيه وفيه خدم وطباخين وفيه أكثر من صالة ومررررة كبار وفيه جلسات برى .. ووحدة منهم كانت حول نافورة صغيرة وكان فيها ملعب غولف وكرة قدم وكرة سلة وفي النهاية كان فيه البحر الخاص بالشاليه وعنده جهة فيها ملعب كرة طائرة الشاليه كان شي خيالي البنات قرروا ينامون شوي والعيال نفس الشي والحريم والرجال أخذوا لفة على الشاليه وتمشوا شوي على البحر ولما غربت الشمس وظلم الوقت شوي راحوا علشان يرتاحون ################################################## ####### الساعة ثمانية بالليل طلع من غرفته متجه لغرفة أخته فتح الباب بهدوء وماشاف أحد في الغرفة وقبل مايطلع أنتبه بكرسي المكتب اللي باين أحد جالس عليه وحاط اللحاف الأبيض فوقه فتح النور اللي كانت مسكرة ودخل التفتت له ووجهها مليان دموع راح لها بسرعة وهو خايف عليها: ديما وشفيك ديما مسحت دموعها: مافيني شي .. بس كنت أقرأ رواية مرررررة حزينة وبكتني ثامر ضرب راسها بخفة: خوفتيني على الفاضي .. إلا صح ليش مطفية النور ديما: ولاشي بس علشان اتحمس وكان فيه نور اللاب توب ثامر: بتعورك عيونك يامجنونة .. المهم أنا مررررة طفشان ديما: ياحياتي لك أسبوع ماطلعت من البيت ثامر: ماأحد حاس فيني ديما: ترا حتى أنا ماطلعت من البيت هذا الأسبوع مرررة طفشت ثامر: تقومين نطلع ديما: كيف ومفتاح سيارتك عند بابا ثامر بدون نفس: رجعه لي اليوم هو والجوال .. كنت جاي علشان أقول لك ديما وقفت وهي مبسوطة: جد .. كويس .. يلا ودي أطلع ثامر ابتسم: يلا قومي .. لو تبغين أسفرك سفرتك ديما: جد ثامر: إيه إذا تبغين بكرة بعد ديما بصدمة: من جدك ثامر: إيه والله ماأمزح ديما: حماس .. بس وين بتوديني ثامر بتفكير: أممممم أمريكا ديما فتحت عيونها من الوناسة: والله لو جد توديني بنبسط ثامر: تحسبيني أمزح .. تبغيني أروح ألحين أحجز رحت ديما: ماأصدق .. طيب وماما وبابا ماراح يرضون ثامر: بس أنا وأنتي ننبسط مادامها إجازة .. وأمك وأبوك خليهم علي ديما ماصدقت: وناســـــــــة ثامر مد إيده ومسك إيدها: أمشي معي ومشى معها ونزلوا تحت وكانوا عبير وأبو ثامر جالسين بالصالة يطالعون التلفزيون ويتقهوون جاوو عندهم وجلسوا وثامر ماسك إيد ديما عبير ألتفتت لهم وقالت بحدة: ديما تعالي جنبي ديما توها بتقوم إلا ثامر جلسها: خليها تجلس جنبي مو أنا أخوها عبير سكتت من الحرة لأن أبو ثامر موجود وماتقدر تتكلم براحتها وتصرخ عليه ثامر: يبة أبو ثامر التفت عليه: نعم ثامر: ودي أسافر مع ديما أمشيها عبير فتحت عيونها: أنت معها وبس ثامر: إيه .. فيها شي عبير: أكيد فيها .. أنا بنتي ماتسافر مكان بدوني ديما بترجي: ماما عبير قاطعتها: مافيه .. هذي الإجازة ماراح نسافر أنا مشغولة ثامر: طيب عادي لو رحت أنا معها ماأعتقد فيها شي .. أخت مع أخوها .. وشدد على آخر كلمتين ديما: الله يخليك ماما واقفي ثامر: أنت وشرايك يبة أبو ثامر: والله أنا أقول مادام أن عبير مشغولة روحوا وانبسطوا عبير انقهرت: لا مافيه يروحون وأنا مو معهم أبو ثامر: تبغين روحي عبير: لا ماأقدر قاعدة أجهز مشغلي علشان تعرف لازم أفتحه هذي الأجازة ديما: ماما أنتي قاعدة تناقضين نفسك .. تقولين مايصلح تروحون بدوني .. بعدين تقولين لا ماأبغى أروح عبير: أنتي أسكتي .. انا قلت مافي روحة يعني مافيه أبو ثامر: خليهم يروحون .. إلا ماقلتوا وين بتروحون ثامر بإبتسامة: أمريكا ديما: بابا هناك بكون طول الوقت مع ثامر ماراح أتركه أبو ثامر ابتسم يموت في بنته: مع أني ماأقدر أجلس في البيت وأنتي مو موجودة بس مافي مشكلة إذا كنتي بتنبسطين ديما قامت راحت له وباست خده: الله يخليك لي ياأحلى أب بالدنيا عبير كانت تحرك رجلها مقهورة .. أولا ً بنتها ولأول مررررة تسافر بدونها ومع مين مع ثامر أكره مخلوق على وجه الأرض بالنسبة لها .. وثانيا ً علشانهم بيروحون امريكا وهي من زمان ودها تروح .. لكن ماتقدر تبغى تفتح مشغلها وتربح في البداية وتكتسب شهرة وزباين على الإجازة أكيد فيها مناسبات كثيرة ثامر يبغى يقهرها يدري انها تحت الفلوس أكثر من نفسها وماتقدر تسافر: خالتي تبغين تروحين روحي بعدين إفتحيه على نهاية الإجازة عبير: مجنونة أنا أفتحه في آخر الإجازة .. وش أبغى فيه بعدين ثامر ضحك داخل نفسه كان متأكد هذا ردها بعد كذا ثامر أخذ أخته ديما وطلعوا يتمشون ويتعشون ############################################# مر هذا اليوم جدا ً سريع على الكل ومافي أحداث كثيرة لكن اليوم كان حماااس للكل الساعة 12 بالليل الكل نايم علشان السفر بكرة ولازم يكونون شبعانين نوم العيال والبنات كلهم نايمين في بيت عم جوري (( أبو فهد )) إلا ساحرتين اللي هم جوري وشوق نايمين في بيت (( أبو ماجد )) في غرفة جوري منسدحين على بطنهم فوق السرير واللاب توب قدامهم .. الأنوار مطفية ومافيه غير نور اللاب توب مرت ساعة وهم على هذا الحال بدون أي حركة لكن فجأة طلع صوت مع الهدوء جوري وقفت على السرير: شوق سمعتي شوق وقفت جنبها: إيه جوري بخوف: يممممممة إيش هذا الصوت شوق مسكت إيد جوري: قومي نطلع نشوف جوري سحبت يدها: لا روحي لحالك أخاف شوق: بلا بزارة يلا قومي معي جوري: لا والله العظيم أخاف شوق: علشاني جوري: طيب يلا ونزلوا من السرير ومشوا وفتحوا الباب كانت الصالة اللي فوق مفتوحة نور صغيرة وحدة والبيت ظلام جوري: خلينا نمشي ونفتح الانوار شوق: طيب ومشوا شوي إلا سمعوا الصوت يصير أعلى جوري تعلقت بشوق: يمممممممة خلاص مو لازم نفتحها .. خلينا نرجع الغرفة شوق بخوف: إيه يلا بسرعة ورجعوا الغرفة وفتحوا النور وسكروا الباب شوق: جوري تراني أسمع الصوت يقرب من الباب جوري: شوق أسكتي لا تخوفيني أكثر شوق: أقول أنا خايفة أكثر منك جوري: قومي نطلع مرررة ثانية نشوف شوق: لا مو لازم وراحت جلست على السرير وتربعت جوري مشت وجلست جنبها شوق: تتوقعين من وين الصوت جوري: مدري وفقوا ومشوا لعند الباب وحطوا أذنهم عليه .. وكااااان الصوت يعلى وقرب من الباب شوق: أحس الباب بينكسر جوري تمسكت في شوق: خايفة شوق: وحتى أنا شوق: بكرة بنسافر لازم نتنكد قبل السفرة فجأة اختفى الصوت وصار هدوء جوري: راح الصوت
__________________ iLove every one ... |
|
#340
04-18-2011, 02:37 AM
| ||
| | ||
| شوق: خلينا نفتح الباب نتأكد جوري: لا يممممة أخاف يطلع شي شوق: الصوت راح .. مافي شي جوري: طيب بس أنتي أطلعي قبل شوق: أحلفي ياماما .. لا نطلع سوا جوري: أووووك ومسكوا مقبض الباب وفتحوا شوي شوي جوري وشوق: بسم الله فتحوا الباب كله وطلوا .. ماكان فيه شي وطلعوا ووقفوا عند الباب إلا جاء أحد من قدامهم : بوووووووووووووووووووووووووه جوري وشوق ضموا بعض بقوة وقاموا يصرخون بقوة طبعا ً ماأحد سمعهم لأن الخدم تحت ومايوصلهم الصوت .. وام ماجد وأبو ماجد في غرفتهم عازل صوت وهي بعيدة شوي عن غرفة جوري : ههههههههههههههه ياحياتي تكسرون الخاطر : ههههههههههههههههههههههههههه مو قادرة أسكت بطني يعوورني ههههه جوري بعدت عن شوق: حمير أنتي معها وقفتوا قلبي شوق: رتال وغادة معروفين بالسخافة رتال: خفتوا ههههههه ورفعت إيدها وكانت ماسكة ورقة سميكة وتحركها ويطلع صوت قوي يعور الأسنان غادة: أغبياء ههههه ورفعت إيدها كانت ماسكة صحن صغير حديد وفي اليد الثانية علبة صغير فيها موية وتقطر في الصحن ويطلع صوت غريب وعالي شوق: من جدكم هذولي اللي يطلعون صوت جوري بعدم تصديق: تستهبلون ..؟؟!! رتال وهي تضحك: والله هذولي منهم الصوت غادة: بس أنتوا خوافين جوري: ألحين وش مجيبكم في الليل رتال: كنا نشوف برنامج يسوون في خدع وأشياء يخوفون فيها الناس غادة: وبما أن رتال عندها مفتاح البيت قلنا نجي نجرب فيكم هههههههه شوق دخلت الغرفة: سخافة جوري دخلت وراها: لو متنا من الروعة ألحين .. وش بيفيدكم رتال: نفتك منكم غادة: صح ههههههههههههه جوري طفت اللاب توب وحطته فوق الطاولة وانسدحت على السرير وشوق جنبها شوق: خلاص يلا روحوا بنام انا وجوري جوري: نشفتوا دمنا رتال: بااااااي غادة: هذي ذكرى قبل السفر ههه .. قود نايت وطلعوا وسكروا الباب وهم يضحكون ويحركون اللي في يدهم ويطلعون صوت شوق وجوري ناموا والنور مفتوحة من الروعة اللي جاتهم ############################################### اليوم الثاني يوم الجمعة البنات صاحين من بدري وجالسين عند البحر جنب بعض رزان: بنات اليوم وين نروح رنيم: مغارة جعيتا ندى: لا هذي خليها بعد كم يوم لأن يبي لها يوم كامل لينا: أجل وين نروح ريم: خلونا نروح الجبل هناك وناسسسسة أفنان: إيه صح خلونا نروح لما: طيب إذا رحنا هناك ماراح ننبسط سجى: بالعكس أحس حمااس عند الجبل أبرار: من جد جاوو العيال من بعيد ووقفوا وراهم فراس: أهلين صبايا حسام: كيفكون لولو: بدينا لبناني هههههه سارة: ترا أبدا ً مو لايق أسماء: أقوووول أسمعوا ترا قررنا وين بنروح اليوم خالد: وش ذا الهجوم من الصبح حمد: ترانا معطينكم أكبر من حجمكم فيصل: طيب وين قررتوا تروحون لمار: الجبل أنس: من جدكم وليد: كويس أنس: لا مو كويس رنيم: أجل وين تبغى تروح أنس: أي مكان غير الجبل أفنان: عااد وشرايك إنا حنا مانبغى نروح إلا الجبل أنس: مو على كيفكم أفنان وقفت وراحت قدامه: ولا على كيفك أنس: نشوف يا آنسة أفنان أفنان مدت إيدها: أتحداك إذا رحنا مكان غير الجبل أنس مد إيده ومسك إيدها: وأنا بعد أتحداك ندى: أنس لا تتحدى ترا بنروح الجبل أنس: إذا رحنا لكم االلي تبون أفنان وهي تطالعه بتحدي: وإذا مارحنا أنت لك اللي تبي أنس التفتت بيمشي إلا البنات نادوه لينا: انتظر نقول وش نبغى منك إذا رحنا أنس: تفضلوا أبرار غمزت لهم: إذا رحنا الجبل تتمشى طول الوقت مع أفنان وتشتري لها أي شي تبغاه أفنان: لا يا ماما أحلفي لولو: أفنان أسكتي بعدين نفهمك .. هاا وش قلت يا مستر أنس أنس بتفكير: أصلا ً ماراح نروح علشان كذا بوافق .. بعدين بقولكم إيش أبغى حسام: والله لا يطلعون لك قرون فراس: الله يعينك أنس: أقوووول قوموا نمشي نشوف وين نروح غير الجبل حقهم نواف: هذا وجهي إذا رحنا غيره .. هذولي البنات إذا قالوا شي ينفذون أنس: نشوف ومشوا وراحوا عند ملعب كرة السلة وقعدوا يلعبون والبنات مسكوا أفنان وقاعدين يقولون لها إيش تسوي في أنس وهم فاقعين ضحك رنيم أخذت ريم وقاموا يتمشون على البحر رنيم: ريم وشفيك ساكتة ريم بهدوء عكس عادتها: سلامتك مافيني شي رنيم: إلا فيك .. من وصلنا وأنتي ساكتة ماتتكلمين إلا كلمة وتسكتين ريم .. تعبت من كثر التفكير في كلام وليد لو تدرين بس يارنيم .. اتنهدت: لا عاادي رنيم عورها قلبها على ريم: بليـــــــز قولي لي ريم ضحكت بالغصب: اليوم تشوفين أن مافيني شي لما نسوي اللي بنسويه في أنس رنيم: مسكين ياحياتي هههههههههههههههههههه ريم في نفسها: خليني أنسى اللي قاله لي وليد علشان رنيم ماتحس بشي رنيم تصرخ: ريـــــــــــــــم ريم: نعم رنيم: من زمان اناديك وين رحتي ريم ابتسمت: مريت على بيتنا ورجعت .. يعني وين .. أقول قومي نروح للبنات عند خطة نسويها في أنس رنيم ضحكت: يلا وراحوا ################################################## # قايمين من الصباح الساعة 9 الكل صاحي دخلوا أغراضهم السيارة علشان بعد صلاة الجمعة على طول بيتجهون للمطار جوري منسدحة على الكنبة وشوق جالسة جنبها جوري: متى بنروح شوق: مدري جااو رتال وغادة غادة: ترا بنروح بعد الصلاة شوق: مين قااال رتال: بابا وعمي جوري: وأخيرا ً طفشت وأنا أنتظر شوق: قوموا نلبس ونجهز علشان بسرعة نطلع رتال: يلا قوموا شوق وغادة راحوا بيتهم علشان يلبسون وجوري ورتال دخلوا كل وحدة غرفتها علشان تلبس وتتجهز وتخلص مررررت ساعات والكل جاهز رجعوا الرجال من الصلاة والحريم والبنات صلوا وركبوا السيارات متجهين للمطار في سيارة فهد البنات معه جوري: يووه وين الروج حقي اللي لونه وردي نسيته رتال: موجود عندي شوق: فضاوة الحمدلله والشكر .. أنا مانسيت شي وحتى لو نسيت مايأثر غادة: من غبائك جنى: أنا كل ملابسي لونها وردي ومانسيت شي درر: وحتى أنا شوق: ماكنا ناقصين إلا البزارين بعد جنى: أنتي البزرة درر: إيه أنتي البزرة .. أحترمي نفسك فهد: والله البنات مخفات .. خلاص أسكتوا لجيتوا راسي من بربرتكم الزايدة غادة: أنت اللي أسكت بعدين حنا نسكت فهد: أنا طول الوقت ساكت .. مافي في السيارة غير صوتكم وإزعاجكم جوري: خلاص بنسكت أووووف وسكتوا وبعد نصف سارة تقريبا ً وصلوا المطار وخلصوا إجراءات السفر والجوازات وركبوا الطيارة جوري جنب شوق غادة .. رتال محمد .. أسامة فهد .. ماجد جنى .. درر أم فهد .. أبو فهد أم ماجد .. أبو ماجد ########################################### طلع من المسجد ورجع البيت دخل وما شاف احد بالصالة راح فوق ودخل غرفة أخته شافها نايمة قرب من السرير: ديما ديما يلا قومي ديما تحركت: ثامر بس شوي .. والله أمس سهرانة ثامر: كيفك ماتبغين تروحين معي نحجز للسفر ديما بسرعة بعدت اللحاف عنده وجلست والتفتت على ثامر: جد ..؟؟!! ثامر: إيه يلا بسرعة ديما قامت من السرير وبسرعة راحت الحمام ثامر: ههههههه خبلة جلس على السرير ينتظرها تطلع ومامرت إلا ثواني وطلعت وصلت وفتحت دولابها تطلع لها ملابس طلعت لها فستان عادي ناعم لونها أبيض كمه طويل يوصل لركبتها وفيه زم عند خصرها ومرسوم عليه ميكي ماوس ديما: ودك ألبس قدامك مثلا ً ثامر: عاادي أخوك ديما: أقول يلا برى .. هذا اللي ناقص ثامر وقف وهو يضحك: خلاص بطلع ميت عليك مثلا ً وطلع وسكر الباب وهو يضحك وشاف قدامه عبير اختفت الإبتسامة من وجهه وهو يطالع فيها ماله خلقها عبير: ماشاء الله أشوفك ماخذ راحتك ثامر: في إيش ..؟؟!! عبير: كيف في إيش .. يعني ديما بنت مايصلح تدخل غرفتها متى ماحبيت حضرتك ثامر: والله عااااد ديما أخـــ وقبل مايكمل كلامه انفتح الباب وطلعت ديما وهي لابسة عبايتها ومبتسمة: خلصت .. واختفت الإبتسامة لما شافت أمها .. هااي ماما عبير: وشفيكم كل ماشفتوا وجهي عفستوا وجيهكم شايفين جني ثامر ضحك في نفسه عليها ديما بإرتباك: لا ماما .. بس أستغربت لما شفتك عبير: وأنتي لي سنة أصحيك وماقمتي .. ولما جاء هذا صحيتي ثامر يبغى ينرفزها: يعني أنتي جيتي تصحينها من غير سبب .. بس أنا جيت علشان راح أخذها عبير: على وين إن شاء الله ديما وهي مبسوطة: بنروح نحجز علشان أمريكا عبير: مع السلامة .. روحوا ومشت وخلتهم وهي مقهورة ثامر: يلا نمشي ديما: يلا ثامر: أنا ماأكلت شي .. خلينا بعد مانحجز نروح نفطر وش رايك ديما: أووووك وراحوا طلعوا من البيت وركبوا السيارة كان هدوووء الكل ساكت وقطع الصمت ديما بتردد: ثامر أنت تحب ماما ثامر استغرب سؤالها وفي نفس الوقت هو مو عارف الإجابة: شوفي أنا ماأقول أكرها ولا أقدر أقول أني أحبها بعد .. بس هي اللي تكرهني وأنا مو عارف السبب ديما سكتت شوي بعدين تكلمت: ترا ماما صح شوي عصبية ودايم تصارخ وتخوف .. لكن مرررة طيبة وتحب الكل ثامر بدون مايحس على نفسه: طيب ..؟؟!! أمك تسرق فلوس أبـــ وسكت لما تذكر أنه يكلم ديما ديما نزلت دموعها: إيش ..؟؟!! ثامر وقف السيارة على جنب والتفت لها: ديما خلاص لاتبكين ديما: إيش اللي أنت قلت ثامر: أسمعيني كويس أوووك ديما مسحت دموعها مثل الأطفال بطرف إيدها: طيب ثامر التفت على قدام مايبغى ديما تشوفه وهو يتكلم بقهر علشان هذي مهما كان أمها: أبوي تزوج أمي الله يرحمها وجلس معها خمس سنوات وماجابت عيال فتزوج أمك وبعدها بشهرين بس أمي حملت فيني .. وأمك ماكانت تبغى عيال كانت تبغى .. بلع ريقه .. كانت تبغى فلوسه وبس ديما وهي تبكي: أنت إيش دراك كنت صغير ثامر بالموت يتكلم: أمك قالت لي ديما فتحت عيونها: إيش .. ؟؟!! كيف يعني مو فاهمة ..؟؟!! ثامر: خليني أكمل ديما: طيب ثامر: بعد كذا أمي ولدت وجابتني .. وأبوي من الفرحة كتب عمارتين بأسمي .. وأمك انقهرت وبعدها بسنتين حملت فيك وجابتك بنت .. فابوي مرررة كان يحبك وماتوقع أن امك مقهورة علشان ماكتب لك شي غير محل ذهب صغير ديما: وبعدين ثامر: وبعد كذا أنا كبرت وصار عمري عشر سنين وأمي ماتت الله يرحمها .. وأبوي جاب أمك وأنتي تسكنون معنا وأنا كنت ماأعرفكم .. وفرحت لما طلعت لي أخت .. لكن أمك خربت علي الفرحة لما قالت لي لا تقرب منها وقالت لي كل هذا الكلام اللي قلته لك .. وقالت لي بعد أن الهدف الوحيد من زواجها لأبوي هو الفلوس وبس .. ولا هي وش تبغى بواحد شايب وهي توها صغيرة .. مرت الأيام علي وهي دايم تعذبني وأبوي مشغول مايدري عني كانت تضريني وتقول لأبوي أشياء أنا ماسويتها ديما قامت تشهق بالبكي ماقد توقعت أمها بهذي الصورة البشعة .. وكانت دايم تلوم ثامر لأنه دايم يستفزها بالكلام .. لكن مادرت أن أمها معذبته وموريته الويل ثامر قرب منها وضمها: خلاص لاتبكي .. انا ماكان ودي اقولك .. هذي امك ولازم تتحملينها وتحبينها وتحطينها فوق راسك ديما: بس هي سوت لك أشياء مو كويسة وأنت صغير ثامر: عااادي انا مسامحها وتدرين ليه ديما بطفولة: ليه ..؟؟!! ثامر ابتسم: علشانها جابت لي أخت كل ماتبكي خشمها يصير أحمر .. وقرصها في خشمها .. ديما ضحكت بن دموعها: أحبك ثامر: وأنا أموت فيك بعد عنها وعطاها منديل: يلا أشوف مسحي دموعك لا تفشلينا ويقولون في المطار بالغصب بيسفرونها ديما اخذت المدنيل ومسحت دموعها: لا خلاص ثامر: شاطرة وبعد كذا شغل السيارة ومشى للمطار .. وحجزوا وطلعوا وراحوا مطعم فطروا وخلصوا وطلعوا راحوا يتمشون على البحر .. لأن ديما مالها خلق تروح البيت ############################################# لبسوا البنات وتجهزوا وراحوا عند الرجال وكانوا العيال مو موجودين دخلت رنيم بس وجلست عند أبوها: بابا وين بنروح اليوم أبو فراس: أي مكان تبغونه رنيم: جد ..؟؟!! أبو فراس: إيه .. أصلا ً حنا ماجينا إلا علشان تنبسطوون رنيم: حنا نبغى نروح الجبل والعيال مايبغون أبو فراس: مو على كيفهم رنيم ابتسمت بفرح وباست أبوها: أحبك ياأحلى أبو في الدنيا أبو فراس: وانا أكثر ياأحلى رنومة طلعت رنيم وشافت البنات جالسين عند الباب أفنان: هااا وش قال رنيم طالعت فيهم ساكتة وهي تفكر ندى: رنيم ووجعة ردي رنيم: هااا لينا: وش قالوا رنيم بحزن: مارضوا ريم: لا تقولين رنيم بتمثيل: يقولون أن العيال جااوو قبلنا وقالوا يبغون يروحون مكان ثاني أفنان: يوووه .. ألحين أنس بيجلس يشوف نفسه علي رنيم: إذا يقدر ياماما أفنان: كيف ..؟؟!! مافهمت رنيم: أكيد رضوا .. كيف مايرضون ورنيم هي اللي قايلة لهم سارة: وناسسسسسسسسسسسسسسة رزان: وشرايكم نروح نقول لهم نحرهم أبرار: يلا وراحوا كلهم عند العيال اللي كانوا جالسين عند البحر على الكراسي لولو: هااااااي أنس: لا مرحبا ولا مسهلا .. وش مجيبكم أفنان راحت عنده: نصرنا هو اللي جابنا أنس: وش قصدك أفنان: قصدي ياأستاذ أنس .. أننا بنروح الجبل غصبن عنك أنس وقف: مين قااال .. على كيفك هو أفنان: لا أجل على كيفك .. أكيد على كيفي انس: أووووف وش بيصبرني اليوم وانا كله بكون معك أفنان: لك الشرف .. ويعني تحسبني ميتة عليك أنس: شي طبعي أفنان بعدت عنه وهي تناظر فيه بتحدي وغرور: يلا بنات قوموا نقوم لأمهاتنا علشان مانتأخر على الروحة للجبل
__________________ iLove every one ... |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية لعنة حب للكاتبة إكرام مجاهد | ķēMéễ | أرشيف المواضيع الغير مكتمله او المكرره او المنقوله و المخالفه | 216 | 03-02-2015 08:07 PM |
| رواية حب في الجمس, للكاتبة/ احساس مهاوي | توتة تاكل بسكوتة | روايات و قصص بالعاميه | 6 | 06-05-2014 01:22 PM |
| رواية عشاق من احفاد الشيطان للكاتبة المنحوسة او(متكحلة بدم خاينها) | noor_96 | أرشيف المواضيع الغير مكتمله او المكرره او المنقوله و المخالفه | 25 | 10-02-2010 01:01 AM |
| "يوم تبلى السرائر" رواية جديدة مثيرة للجدل للكاتبة سارة الدريس | عاشقة الحروف | أرشيف المواضيع الغير مكتمله او المكرره او المنقوله و المخالفه | 2 | 09-19-2010 11:54 AM |
| رواية بنات الرياض للكاتبة رجاء الصانع نسخة كاملة للتحميل | © بندر © | أرشيف المواضيع الغير مكتمله او المكرره او المنقوله و المخالفه | 384 | 01-13-2009 07:33 PM |
العرض العادي
