|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#371
04-29-2011, 08:15 PM
| ||
| | ||
| اقتباس:
الاجمل انتي ومتابعتك وتواجدك وردودك ياحلوة :7b: يسسسسسسسسسلموا على التواجد
__________________ iLove every one ... |
|
#372
04-29-2011, 08:18 PM
| ||
| | ||
| اقتباس:
دوووم ضحكتك شكل الكاتبة تعرفك هههههههههه :7ayaty: ويسسسسلموا على التوقعات نشوف البارت الجااااي
__________________ iLove every one ... |
|
#373
04-29-2011, 08:23 PM
| ||
| | ||
| شكلي بديت ازعل منكم  ماصارت ردودكم كثيرة مثل أول وتفاعلكم بدأ يخف بليـــــــز أبغى ردود أكثر وتفاعل أقوى والله هذا احلى شي أنا احبه  :looove: من اليوم راح أرد معكم لأني اتابع زيكم وراح أكتب توقعاتي مثلكم :hmmm: << طولت شكلي هههه
__________________ iLove every one ... |
|
#375
04-29-2011, 08:29 PM
| ||
| | ||
| (( البارت السادس والعشرون )) وليد مشى وهو معصب وشعره المبلل بالموية يطير وعيونه حمراء ومعصب مايكفي اليوم ماجلس معها طول الوقت مع فيصل قرب من عند فيصل اللي كان واقف مع محمد ويسولفون وليد بصوت عالي وعصبية: فيــــــــــــصل فيصل التفتت عليه وهو مستغرب من صرخته: نعم .. وشفيك ..؟؟!! وليد قرب من عنده وصار قباله بالضبط: ترا زودتها بما فيه الكفاية فيصل: وليد وشفيك وليد: يعني عارف أني احب رنيم وتجلس معها بزيادة وتتقرب منها فيصل فتح عيونه من الصاعقة أبدا ً ماتوقع أن وليد يحب رنيم: كيف ..؟؟!! وأنا وش دراني أنك تحبها وليد جلس يطالع فيه وهو معصب ويتنفس بقوة فيصل: وبعدين أنا اللي أحبها مو انت محمد: شباب خلاص هدوا ماله داعي كل هذا اللي تسوونه وليد: إيش ..؟؟!! تحبها بس هي ماتحبك فيصل: أجل تحبك انت وليد: إيه هي دايم تقوله لي .. تقول وليد احبك فيصل: بس هي تحبني صوتهم صار عالي وكانوا يصارخون ويتهاوشون جاوو العيال والبنات وهم يركضون الحريم والرجال كانوا عند ملعب كرة القدم بعيدين مرة ومايسمعون أصواتهم حسام: وش صاير لينا: فيصل وليد وشفيكم فيصل: وليد والله مالي خلقك ترا وليد ووجهه احمر: إذا انت ماتفهم أن رنيم تحبني لا تفهم الكل فتح عيونه .. وليد يحب رنيم مستحيل فيصل معصب مرررة: لا حول ولا قوة إلا بالله انت اللي شكلك ماتفهم جلسوا يتهاوشون والكل يحاول يهديهم .................................................. . طلعت من دورة المياه ولبست بيجامتها الوردية كمها طويل وبنطلونها برمودا تحت ركبتها نشفت شعرها وخلته مفتوح وطلعت من الغرفة وهو مازال فيه موية شوي مشت إلى آخر الممر ووصلت عند الصالة كان التلفزيون مشغل لكن مافي أحد طلعت برا ووقفت عند الباب تسمع صوت صراخ بعيد منها مشت متوجه لمكان الصوت رنيم: شكلهم يلعبون كرة طائرة من دوني راحت ركض لهم ولما وصلت شافتهم معطينها ظهرهم ومتجمعين رنيم: شوي كلهم التفتوا لها وهي مشت بينهم وقفت لما شافت وليد وفيصل وليد التفت على رنيم وقال لها بترجي: رنيم قولي له قولي له انك تحبيني قولي له خلي الكل يعرف فيصل طالع فيها عارف أنها تحبه مو محتاج تأكد له رنيم طالعت في الأرض بعدين طالعت فيهم وعيونها مغرقة بالدموع وليد: انا قايل لريم اني احبك .. ومتاكد أنك تحبيني رنيم التفتت على ريم اللي نزلت وجهها للأرض بعدين رجعت التفتت لهم: أنتوا متأكدين من الكلام اللي تقولونه .. تنسون كل اللي عشتوه زي الاخوان تنسون كل حياتكم اللي قضيتوها مع بعض علشان إيش .. علشان بس تعرفون أنا مين أحب فيصل: طيب علميهم كلهم انتي مين تحبين وليد صرخ: قلت لك تحبني غصبن عن الكل فيصل صرخ نفس صرخته: لا مو غصبن عن الكل .. لكن الظاهر انت ماتفهم الكلام اللي عدته لك مليون مرررة .. رنيم تحبني أنا رنيم حطت إيدها على أذانها وقامت تصرخ بأقوى ماعندها: خلاص أسكتوا .. انا ماأحب ولا واحد فيكم فهمتوا عطتهم ظهرها وركضت لداخل وهي تبكي جوري: رنيم رنيم ريم مشت وراها: رنيم انتظري فراس: خلوها لحالها شوي رزان التفتت على وليد وفيصل: كل هذا بسببكم .. هي تعبانة وتزيدون عليها ريم: كل هذا بسببي أنا مفروض قلت لها أن وليد يحبها يمكن تتصرف على الأقل لينا تنهدت: يا حياتي هي ناقصة .. اللي فيها مكفيها خالد: خلاص لا أحد يروح لها اتركوها لوحدها .. بعيد نروح لها كلنا جلسوا كلهم على الكراسي حول الطاولة الكبيرة وكل واحد يفكر برنيم وليد وقف وقام يمشي متجه للغرف فراس: وليد تعال فيصل: خله يروح .. لانها أكيد بتطرده وتقول له انها ماتحبه الكل كان ساكت مايبغى الموضوع يكبر وخاصة ان الموضوع حساس جدا ً ومررة صعب اثنين زي الاخوان يحبون نفس الشخص .................................................. .......... وليد مشى وهو معصب مرررة حواجبه مقرونة في بعض يمشي وهو مو شايف شي قدامه قرب من غرفة رنيم وفتح الباب وصقعه في الجدار بقوة رنيم كانت جالسة على السرير تبكي وقامت راحت وقفت قدامه وليد طالعها عينه في عينها رنيم رفعت إيدها أشرت على برى: أطلع برى وليد مسك إيدها ورفعها فوق: أسمعيني رنيم: وليد آاااااااه تعورني وليد ولا كأنه يسمعها: راح تحبيني غصبن عن أي احد رنيم وهي تتألم: وليد أبعد عني .. قلت لك ماأحبك خلاص أفهم وليد بعصبية وهو يشد على إيدها: إلا راح تحبيني غصبن عنك فاهمة رنيم: لا مو فاهمة .. الحب مو غصب .. وليد آاااااااااه إيدي تألمني دخلت ريم: وليد اتركها وليد رمى إيد رنيم بقسوة وطلع معصب: راح يجي يوم تحبيني فيه يا رنيم ريم ضمت رنيم: خلاص انسي رنيم: ليه ماقلتي لي انه يحبني ريم: سووووري والله وقتها ماقدرت أسوي شي .. لما قال لي وقف تفكيري وصرت مو عارفة إيش أسوي رنيم بعدت عنها وجلست على السرير: ريم لو سمحتي ممكن تخليني لحالي شوي ريم بتردد: أووووك بس راح أرجع لك بعد شوي رنيم: طيب طلعت ريم وسكرت الباب وراحت لهم عند البحر وشافت وليد واقف بعيد في جهة لحاله راحت وقفت قباله وهي معطية البحر ظهرها ودفته من صدره: تستهبل ولا إيش وليد بعدها عنه: ريم ابعدي عن وجهي مالي خلقك ريم دفته من جديد أقوى: وش وداك عندها هناك .. لوفي مجال انها تحبك ماحبتك .. أنت أصلا ً غبي رفعت إيدها بتضربه مسكها وعفطها: إذا فيك خير جربي ترفعينها مرررة ثانية ريم صرخت: أتركها ألمتني جاء حسام وسحبها: وليد وشفيك عليها وليد: أبعدها عني لا أوريها ريم وهي ورى حسام: حسام خلني أنا اللي أوريه حسام: ريم خلاص أقصري الشر ريم: ماشفته رايح عند رنيم شوي ويضربها حسام سحبها وجلسها في كرسيه ووقف قدامها: ريم خلاص يكفي اللي صار ريم وهي معصبة: ماشفته هذا الحمار وش مسوي .. الغبي هذا حسام: ريم .. خلاص ريم التفتت للجهة الثانية وهي ساكتة ووجهها أحمر من العصبية .................................................. ....................... بعد ماطلعت ريم بكم دقيقة طلعت من الغرفة وراحت برا فتحت باب الشاليه الكبير وطلعت وقامت تتمشى وهي تبكي تعز وليد وتعتبره أكثر من اخوها لكن فيصل تحبه وألحين هي مو عارفة إيش تسوي بإيدها تفرق بين اثنين وبإيدها تجمعهم كانت تمشي وبعدت بدون ماتحس إلا فجاة تسمع أصوات كلاب من بعيد قامت تركض تبغى ترجع لكن وين ترجع والمكان شوي ظلام كانت تبكي ومو شايفة الطريق كويس من الدموع اللي بعينها داست على صخرة كبيرة شوي وطاحت عليها رنيم: آااااااااه انشق بنطلون البيجامة من عند ركبتها وانجرحت رنيم: آاااااااااه يارجلي حاولت تقوم لكن ماقدرت ورجعت طاحت من جديد ############################################# وصلوا المطار وجلسوا ينتظرون باقي على موعد الطيارة ربع ساعة ديما: ثامر ثامر: هلا ديما: اول مانوصل نبغى نروح ديزني ثامر: ههههههههههههه الناس يروحون يفكرون بالنوم والاكل بعدين يفكرون باللعب ديما ضحكت: انا أفكر باللعب أول : يرجى توجه جميع الركاب إلى الطائرة المتوجهة للولايات المتحدة الأمريكية ثامر وقف: يلا طيارتنا ديما وقفت: يلا متحمسة مشوا وخلصوا إجراءات الجوازات والأشياء الثانية وركبوا الطيارة ديما: خلاص ماأبغى أروح ثامر فتح عيونها: هذي اللي تقول من زمان أبغى اروح أبغى أروح ديما بتردد: لاخلاص ماأقدر أصبر شهر بدون ماما وبابا ثامر ضحك: اجلسي أقول بلا هبل .. لعبة هي بعد ماركبنا الطيارة تقولين أبغى أنزل ديما جلست عند النافذة وثامر جلس جنبها: اوووووووف ثامر مسك إيدها: ديومة ياحلوة خلاص صرتي كبيرة .. وأنا معك لا تنسين ديما اغتصبت الضحكة: بس حتى ولو ماأقدر اجلس بدون ماما ثامر ابتسم لها: إلا تقدرين .. إذا تزوجتي وش بتسوين أجل ديما ضحكت: ماراح أتزوج ثامر رفع حاجبه: نشوف ديما: طيب أنا بنام وإذا وصلنا قومني ثامر: مالي دخل فيك .. إذا وقفت الطيارة بنزل ومالي شغل في احد ديما: لا والله ثامر: والله ديما: غصبن عنك .. وغمضت عيونها .. ثامر: أفكر ديما: هههههه قلت غصبن عنك ارتفعت الطيارة وديما نامت اما ثامر جلس يتذكر لما كان مع ريم بالطيارة وهي نامت وراسها على كتفه يوووه قد إيش أشتاق لها يتمنى بس لو يشوفها مررة وحدة بس غمض عيونه وهو يتذكرها ######################################### قامت من الكرسي بتمشي حسام مسكها من إيدها: على وين ريم: بروح أشوف رنيم رزان وقفت: بجي معك ريم: لا هي ماتبغى احد .. بالموت رضت اني اجيها بعد ماتهدى رزان جلست بضيقة: اوووك بس تعالي وحاولي تجيبنها معك ريم: وهذا اللي كنت بسويه مشت ريم وتوجهت للغرفة اللي فيها رنيم فتحت الباب بشويش ودخلت ريم: رنومة وينك طلت يمين يسار مافي احد دخلت دورة المياه بعد مافي أحد ريم بإستغراب وخوف: وينها في هذي طلعت ودورت بالغرف الثانية وبالصالة مافي أحد طلعت برى وهي تركض وعيونها مليانة دموع: مو موجودة كلهم وقفوا فراس: رنيم ..؟؟!! ريم هزت راسها: إيه رزان: وين راحت ريم: مدري دورت بكل مكان مالقيتها راح الكل يركض يدورها لينا راحت مع رزان لعند جهة ملعب كرة القدم وشافوا الحريم جايين أم فراس وهي تضحك: رزان ماشفتي أبوك كيف يلعب .. فاز عليهم رزان بإبتسامة صغيرة: حسافة ام فراس بشك: وش فيكم يا بنات وجيهكم مخطوفة .. صاير شي ..؟؟!! لينا بتوتر: خالتي .. امممم رنيم ماندري وينها أم فراس فتحت عيونها: كيف ..؟؟!! بنتي وين راحت أم فيصل: بسم الله وينكم عنها رزان نزلت دموعها: مانعرف وين راحت لينا: قالت بتروح الغرفة ولما راحت ريم تشوفها مالقتها ام ماجد: دورتوا في كل مكان رزان: هذا الكل يدور أم فراس صرخت: آاااااااه يابنتي وين رحتي ام حسام: خلاص يا نادية ان شاء الله ماراحت مكان بعيد ام وليد: بنلقاها إن شاء الله .................................................. .... جوري وهي تبكي: يووووووووه وين راحت وين اختفت يعني أبرار: ريم انتي لما طلعتي ماشفتيها طلعت وراك دخل وليد وجلس على الكنبة ريم راحت له: أنت السبب بكل هذا .. والله إذا صار فيها شي ماراح أخليك .. والله هذاني حلفت جات أفنان وبعدتها: ريم خلاص الوقت مايسمح للهواش ريم وهي تتنفس بصعوبة من التعب: اوووك خلنا نلقاها واكمل كلامي معك مشت طلعت برى والبنات كل وحدة بجهة .................................................. ...... خالد: وينها فجأة كذا ماتبين أنس: دوروها زين الشاليه كبير حمد: بروح عند غرف الحريم والرجال أشوف أنس: بسرعة خالد وهو يدور: لا ماأصدق أختفت .................................................. ......... فراس وهو حاط إيده على راسه: ياربي وين راحت حسام: فراس خلاص بنلقاها فراس: وينها قولي . إلى ألحين مالقيناها حسام: قول لا إله إلا الله .................................................. ........ مرت نصف ساعة والكل يدور وكلهم أجتمعوا في الصالة حقت البنات سارة: خلاص ضاعت ريم بعصبية: أنطمي بنلقاها رزان تبكي: أختي حبيبتي راحت ماراح ترجع لما: فيصل إلى الآن مارجع وينه شوق: إيه صح .. وين راح ############################################ جالسة في محلها البيجامة فيها دم من ركبتها تبغى تصرخ لكن مو قادرة صوتها راح من الصياح رنيم وهي تبلع ريقها: آااااه .. ماما بابا وينكم بكت بصوت عالي خايفة وتتألم مافي نور في المكان مافي غير صوت الكلاب اللي تحسها كل شوي تقرب منها غمضت عيونها بقوة وهي تحاول توقف بكي علشان تقدر تصرخ ################################################# ماراح يوقف إلا لما يلقاها حس نفسه مجنون دموعه تنزل مو قادر يستوعب أن رنيم ضاعت المشكلة هم مسافرين مو بلدهم لازم يلقاها لازم كان بيرجع للبنات والعيال داخل لكن أنتبه لباب الشاليه مفتوح شوي فيصل: أكيد طلعت برا أكيد طلع بسرعو هو يركض يتمنى تكون راحت من نفس الطريق اللي راح له مشى كثير وتعب بدأ يظلم الطريق اكثر فقد الأمل أنه يلقاها هنا التفتت بيرجع إلا سمع صوت كلاب وفي صوت ثاني صوت احد يتألم صوت احد يبكي التفتت وكمل طريقه فيصل بهدوء: رنيم رنيم أنتي هنا .. صرخ اكثر .. رنيم رنيم وينك أنا فيصل هنا ردي علي حس أن الصوت بدا يختفي توقع انه يتوهم لكنه مشى زيادة وعقد حواجبه يحاول يشوف فيصل ابتسم براحة: رنيم واخيرا ً ################################################## ## وقفت بكل جنون وراحت تضربه كل شي بجهة ورنيم عندها بجهة تعتبرها من ممتلكاتها الخاصة إذا صار فيها شي كيف بتعيش تضربه بكل قوتها مع انها ضعيفة من كثر الركض وهي تدور على رنيم ريم وهي تبكي وتصرخ: كله منك ياغبي كل هذا منك وليد جالس على الكنبة وهي تضربه بإستسلام لها ماتحرك ماتكلم ريم وهي مواصلة ضرب فيه وتصرخ: غبي غبي .. الله ياخذك ونفتك منك كلنا .. رنيم تسوي فيها كذا .. ياأخي قالت ماتحبك أفهم جاء خالد ومسكها: ريم خلاص ذبحتي الولد ريم وهي تصرخ وتبكي: خالد اتركني .. قلت لك اتركني خالد: ماراح أتركك إلا أذا هديتي ريم تحرك يدينها من بعيد تحاول تضرب وليد: خالد أتركني دخلوا حسام وفراس وشافوا ريم حسام ركض وأخذها من خالد وضمها: أوووووش خلاص اهدي ريم وهي تبكي كانها بزر: شوفه بسببه ماعاد في رنيم .. ضاعت ضاعت .. رنيم حقتي ضاعت حسام ضمها أكثر: ريم حبيبتي خلاص لا تبكين بنلقاها ريم وهي شوي شوي تهدى: نصاب ماراح نلقاها حسام اخذها وجلسها على الكنب وهو مازال ضامها لصدره من زمان مابكت كذا حس أنه مرتاح انها تفرغ اللي داخلها صح هي تبكي علشان رنيم لكنها تبكي علشان نفسها بعد ريم هدت شوي لكن مازالت دموعها تنزل: حسام روح شوف وينها الله يخليك حسام: طيب طيب بروح .. بس خلاص أسكتي ريم بعدت عنه وهي تمسح دموعها: خلاص سكت روح الله يخليك حسام ابتسم لها يطمنها الكل تأثر كثير لريم اللي كانت تبكي من كل قلبها صح تحب رنيم .. لكن ماأحد توقع انها لهذي الدرجة ################################################## ## جالس متوتر مررررررررة وماسك في إيده الجوال : خلاص يا نادية دوروها زين وبتلقونها .. وين بتروح يعني .. خلاص لا تبكين علشاني .. طيب إذا هديتي أتصلي علي اوووك سكر منها ورمى الجوال على الطاولة تنهد بضيقة: آااااااه يا قلبي هيله: حبيبي سامي وشفيك
__________________ iLove every one ... |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية لعنة حب للكاتبة إكرام مجاهد | ķēMéễ | أرشيف المواضيع الغير مكتمله او المكرره او المنقوله و المخالفه | 216 | 03-02-2015 08:07 PM |
| رواية حب في الجمس, للكاتبة/ احساس مهاوي | توتة تاكل بسكوتة | روايات و قصص بالعاميه | 6 | 06-05-2014 01:22 PM |
| رواية عشاق من احفاد الشيطان للكاتبة المنحوسة او(متكحلة بدم خاينها) | noor_96 | أرشيف المواضيع الغير مكتمله او المكرره او المنقوله و المخالفه | 25 | 10-02-2010 01:01 AM |
| "يوم تبلى السرائر" رواية جديدة مثيرة للجدل للكاتبة سارة الدريس | عاشقة الحروف | أرشيف المواضيع الغير مكتمله او المكرره او المنقوله و المخالفه | 2 | 09-19-2010 11:54 AM |
| رواية بنات الرياض للكاتبة رجاء الصانع نسخة كاملة للتحميل | © بندر © | أرشيف المواضيع الغير مكتمله او المكرره او المنقوله و المخالفه | 384 | 01-13-2009 07:33 PM |
العرض العادي
