|
| |||||||
| أرشيف المواضيع الغير مكتمله او المكرره او المنقوله و المخالفه هنا توضع المواضيع الغير مكتملة او المكرره في المنتدى او المنقوله من مواقع اخرى دون تصرف ناقلها او المواضيع المخالفه. |
| | LinkBack | أدوات الموضوع | انواع عرض الموضوع |
|
#400
05-03-2011, 04:47 PM
| ||
| | ||
| (( الفصل السابع والعشرون )) رزان بعدت الناس ودخلت وحسام واقف وراها رزان اول ماشافت الدم اللي بالأرض اقشعر جسمها بحياتها ماشافت حادث قدام عيونها قربت وفتحت عيونها: لااااااااااااااااااااااااااااااااااااااااااااااااا اااااااا قربت شوي وجلست على الأرض قاعدة تشوف شي قدامها هي مو متخيلته رزان صرخت: لاااا رنيم قومي قومي كانت رنيم منسدحة على الأرض وبدلتها البيضاء صايرة كلها حمراء وجنبها العربة مقلوبة وفيصل جالس يبكي عندها ونفس الشي في جروح كثير وفيه دم في ملابسه لكن مو كثرها مو كثرها هي صاير كل شي فيها احمر قربت منها وهي تبكي وتشهق: رنيم رنيم والله يكفي امس ضعتي بغيت اموووت .. لا تروحين وتتركيني لو سمحتي حسام يطالع ومو مصدق المشهد مرة يروع شكل رنيم نفس الجثة على الأرض رزان صرخت: اطلبوا الإسعاف فيصل وهو يبكي: طلبوه جاااي بالطريق بعد كم دقيقة جاااوو كل البنات والعيال في نفس الوقت لما اتصل عليهم حسام جوري: رنيم حبيبتي اصحي لا تروحين وتتركيني لولو: ياحياتي يارنيم الكل جاء ماعدا ريم ووليد لسة ماوصلوا حسام اتصل على ريم حسام: ألو ريم بدون نفس إلى ألحين مأثرة فيها كلمة وليد: نعم حسام عقد حواجبه: وشفيك ريم: مافيني شي .. أنت اللي وشفيك صوتك متغير حسام بلع ريقه: وينكم فيه بعدتوا مررة ريم: يعني حسام: طيب ارجعوا ريم: وين نرجع عند الشاليه حسام: لا .. شفتي عربة الآيسكريم ريم: إيه حسام: حنا قبلها بمسافة ريم: طيب جاية حسام: وليد وينه جنبك ريم بدون نفس: لا حسام بإستغراب: وينه أجل ريم: نزل حسام: صار شي بينكم ريم: كنت اتكلم معه عاادي وهو عصب ونزل حسام: اها .. طيب يلا بسرعة تعالي ريم: أوووك .. هذاني بسرع حسام بسرعة: لا أمشي شوي شوي لا تسرعين ريم: مو انت قلت بسرعة حسام: إيه أعرف بس أمشي بشويش طيب ريم بإستغراب: طيب باااي وسكروا ريم: وشفيه .. يكون صاير معه شي .. سكتت .. يوووه وش اللي صاير قلبي يعورني مشت بسرعة وبعد عشر دقايق قربت من عند عربة الآيسكريم مشت وشافت تجمع والعيال والبنات بعضهم واقفين عورها قلبها وبسرعة نزلت دخلت بينهم وشهقت طول عمرها شافت قدامها حادث إغتصاب قتل كل شي شافته قدامها لكن عمرها ماشافته صار لأحد تحبه ومو أي احد (( رنيم )) دفتهم وجلست جنبها وخرت الشعر اللي على وجهها: رنيم قومي بسرعة قومي .. بس يوم ضعتي بغيت أروح فيها .. كيف تبغين تروحين وتتركيني لحالي أصحي الله يخليك قامت تبكي بإنهيار تااام شكل رنيم مرة يخوف بالدم اللي حولها كان وجهها صافي مافيه قطرة دم .. لكن جسمها كله مليان ريم رفعت راسها وهي تطالع السماء: يارب خذ روحي وخلها تعيش يارب وصلوا الإسعاف وشالوا رنيم ريم مسكت بحسام: حسام أبغى أروح معهم اخاف تموت وانا ماجلست معها كفاية حسام حزن عليها: لا مايصلح مايكفي أكثر من اثنين فراس ورزان راحوا معها شالوا فيصل ولينا راحت معه جوري والبنات حولها: ابغاها أبغاها ترجع هذي صديقتي حبيبتي ماأقدر أعيش بدونها شوق: جوجو خلاص أهدي إن شاء الله ماصار فيها شي أسماء: خلاص لا احد يبكي جوري: خلونا نروح لها يلا ماجد جاء وأخذ جوري وضمها: خلاص لا تبكين بنروح لها ألحين جوري: أنت ماشفتها كيف كلها دم .. اخاف تموت وانا ماشفتها ماجد: خلاص لا تقولين كذا يلا خلينا نروح لها رتال مسكت جوري وركبوا السيارة حسام كان ماسك ريم اللي سكتت فجاة وصارت تبكي بصمت ركبوا السيارة كلهم كان الجو فيها مليان حزن .. كآبــة .. دموع .. ############################################### جات الساعة 4 بتوقيت أمريكا كان الجو مررة حلو ويصلح للطلعة والتمشية صحت من النوم من ساعة تقريبا ً فتحت الدولاب اللي حطت فيه ملابسها وطلعت لها (( جينز وقميص أبيض وفوقه جاكيت ملون مررة حلو شكله وناعم )) لبسته ولبست سلسال فضي وفلات أبيض زينت شعرها وخلته مفتوح ولبست طوق أبيض وفيه وردة كبيرة ملونه طلعت من الغرفة وقفلتها ودقت الباب على ثامر ديما: ثامر ثامر ولا حياة لمن تنادي ديما: أووووووف ثامر ثامر أصحى ولا رد عليها ديما: أحسن بكيفه .. انا بطلع أتمشى لحالي .. جاية علشان انام وأنا مدري نزلت تحت باللوبي كان مررة كبير ووسيع فيه ناس كثار ومليان بأصوات الناس والحياة موجودة بالمكان طلعت من الباب ومشت وصدمت في احد وتوها بتطيح مسكها : سوري ديما كانت مغمضة عيونها من الخوف وفتحتها على الصوت .. بعدين شهقت: توتو : ديما أهلا ً .. وبعدين وش هذي توتو قولي تركي خلاص كبرت ديما: من جد والله مرة كبرت .. تدري لي ثلاث سنوات ماشفتك تركي: انا نسيت شكلك صراحة .. بس واله كبرتي وحلويتي ديما ضحكت: شكرا ً .. بس شوف انا مانسيت شكلك أبدا ً تركي: من الحب ماقتل ديما: هههههههه إلى الآن مصر إني احبك ماغيرت رايك تركي: ولا راح اغيره هههههههه ديما: اوووك براحتك تركي: وين خالتي وعمي .. وثامر وينهم كلهم ليش نازلة لحالك ديما: ماما وبابا ماجاااو بس أنا وثامر لحالنا تركي: اها .. طيب وينه هذا خلينا نشوفه .. مايستحي يخلي قمر تمشي لحالها لو شافوها الناس وماتوا وش يستفيد بعدين ديما: ههههههه وبعدين معك ماتتغير أبدا ً تركي: لا هههههههه ديما: ثامر نايم عجزت أقومه ماقام تركي: طيب يلا خلينا نمشي .. علشان إذا صحى نشوف هو يحبك ولا لا ديما: أكيد يحبني .. وبيخاف علي مشوا مع بعض مدة نصف ساعة تقريبا ً .................................................. ...................................... قام من النوم مرتاع ثامر وهو معقد حواجبه: بسم الله قام من السرير وراح دورة المياه وتروش على السريع وطلع لبس جينز وتيشيرت وطلع وقفل الباب دق الباب على ديما ثامر: ديما أصحي يلا خلينا نطلع .. ديما ديما .. وش فيها ذي ماصحت كان عنده بطاقة للباب أخذها من الفندق إحتياط مشاها على الباب وانفتح دخل الغرفة شاف اللحاف معفوس والسرير مافيها احد ثامر بخوف: وين راحت حك شعره وهو متوتر توهم اول يوم بأمريكا وتضيع حتى يوم ماكملوا نزل تحت وسأل الرسيبشن عنها يقولون من الزحمة ماشافوها طلع دور قريب من الفندق ورجع جلس باللوبي وعيونه على الباب بعد عشر دقايق تقريبا ً دخلت وهي مبتسمة وتضحك قام راح لها ركض: وينك فيه ديما خافت: صحيتك وماصحيت فقلت أطلع أتمشى حول الفندق ثامر بعصبية من الخوف: طلعت دورت مالقيتك .. مرة ثانية لا تطلعين إلا معي ولا ترا بنرجع السعودية مو فاضي لهبالك أنا ديما ابتسمت: والله سوري بس إيش أسوي طفشت ثامر سحبها بإيد وحدة وضمها وباسها في خدها: ولو مرة ثانية رجلك على رجلي سامعة ديما بعدت عنه وهي مرة مبسوطة: غمض عيونك بوريك مفاجأة ثامر عقد حواجبه: إيش هي ديما بإصرار: غمض وتشوف ثامر غمض عيونه وديما طلعت برا وشافت تركي يمشي من بعيد صرخت: توتو .. توتو توتو تركي التفتت عليها وهو يضحك وجاء عندها: كم مررة قلت ياحلوة لا تقولين توتو كبرت أفهمي ديما: لساتك بعيوني صغير تركي: امي وانا مدري ههههههههههه ديما مسكت إيده: تعال معي تركي: وين ..؟؟!! عندي شغل خليه بعدين ديما: بوريك شي بعدين روح تركي: اوووف طيب يلا سحبته ومشت ووقفت قدام ثامر ثامر: وينك فتحت عيوني مالقيتك ديما: غشاش .. طيب يلا أفتحها ثامر فتحها بشويش بعدين فتحها بقوة لما شاف تركي: تركي هلا والله تركي جاء عنده وضمه: هلا فيك يالقاطع .. نسيتني هااا ثامر بعد عنه: والله أنت اللي نسيتنا مو حنا تركي خربط شعر ديما: شفت ذي البزر كبرت ثامر ضحك: شفت عااد ديما بعدت إيده عنها وزينت شعرها: معليش ياثامر اوريك .. هذا وأنا جامعتك بصديق الطفولة ثامر: والله خوش جمعة ديما مسكت إيدهم ومشوا وجلسوا عند الكنبات وجلسوا يسولوفون لمدة طويلة ################################################## #### قاعدين يتعشون بأفخم المطاعم سامي: وش رايك بعد مانطلع نروح البحر هيله: اوووك .. خلنا نغير جو شوي سامي رفع جواله: بتصل على نادية أطمن على رنيم هيله أبتسمت: إيه يلا بسرعة .. وسلملي عليهم سامي: طيب دق الرقم وبعد كم رنة جاه صوتها ام فراس: هلا حبيبي سامي ابتسم: هلا كيف الحال ام فراس: والله تمام .. كيفك وكيف هيله سامي: تسلم عليك ام فراس: الله يسلمها سامي: إلا شلون رنيم من بعد أمس أم فراس: لا أحسن الحمدلله سامي: وينها جنبك أم فراس: لا أنا وخواتي والرجال طالعين لحالنا نتمشى .. والعيال والبنات لحالهم ينبسطون سامي: كويس أجل .. أنا بكلمها على جوالها .. سلميلي على اللي عندك ام فراس: يوصل .. مع السلامة انتبه على نفسك وعلى هيله سامي ضحك: لازم هالتوصية في كل مكالمة ام فراس: إيه سامي: مع السلامة وسكروا هيله: كيف رنيم سامي: لا تقول أحسن هيله: الحمدلله سامي دق ورفع الجوال لأذنه هيله: تتصل على مين ..؟؟!! سامي: على رنيم رن ورن لين انقطع سامي بإستغراب: العادة ترد من أول رنة ألحين ماترد هيله: دق مررة ثانية يمكن تاركته في مكان ولا شي بعد خمس دقايق سامي: دقيت أكثر خمس مرات ماترد هيله تطمنه: لا تخاف يمكن تلعب ولا شي وتاركته بالشنطة سامي: يمكن كملوا أكل وسامي قلبه مشغول على رنيم ############################################# وقفت سيارة الإسعاف عند باب المستشفى ونزلوا رنيم ونزلوا رزان وفراس معها وقفت السيارة ونزلت ريم تركض وحسام وراها دخلت المستشفى وهي تركض وراهم وهم على طول دخلوا رنيم غرفة العمليات ريم جلست على الأرض: بتموت حسام جاء عندها: ريم وشذا الكلام ريم وهي تبكي بصوت عالي: خلاص بتموت بتموت وانا حتى ماكلمتها رزان: لا ماراح تموت لا تقولين كذا ريم قامت وجلست على الكرسي حق الإنتظارورجعت تبكي بدون صوت جاوو الكل وجلسوا على الكراسي كان الكل ساكت وباين على وجهه الحزن مافي إلا صوت شهقات جوري ورزان جوري كانت جالسة جنب محمد وماسكة إيده بقوة وتبكي مو مصدقة ان اللي داخل بغرفة العمليات رنيم صديقتها واختها اللي مستحيل تستغنى عنها أما رزان كانت واقفة عند جدار غرفة العمليات ومتسندة عليه وتبكي وتشهق أختها الصغيرة اللي تحبها أكثر من أي شي بالدنيا ماتقدر على فراقها ساعة واحد كيف لو تتخيلها تبعد للأبد كيف راح تصحى الصباح وماتصبح عليها كيف لما تكون مبسوطة ماتحكي لها كيف لما تبكي ماتقولها من إيش متضايقة تحس نفسها مكتومة أغلى إنسانة بالكون يمكن تتركها حسام ماسك جواله: ثامر له يومين ماأتصل لا يكون صار له شي الثاني فراس جالس جنبه: اتصل شوف حسام دق على رقمه ورفع الجوال لاذنه .. وبعد كم رنة رد عليه وهو يضحك: هلا والله حسام بضيق: هلا .. وينك من زمان ماترد ثامر: سلامتك .. بس كنت مشغول شوي .. وألحين انا بأمريكا مع أختي حسام: كويس .. انبسطوا بس حبيت أطمن عليك ثامر بإستغراب: فيك شي صوتك متغير .. بخوف .. ريم فيها حسام تنهد: لا ريم مافيها شي .. بس رنيم ثامر ارتاح بس خاف شوي لما حسام قال رنيم: رنيم وشفيها حسام: صار لها حادث وألحين هي بالعمليات ثامر فتح عيونه: لا تقول .. الله يشفيها ويعافيها ريم بكت بصوت عالي شوي وسمعها ثامر وعوره قلبه عليها حسام: ثامر بعدين اكلمك ريم مررة منهارة ومو عارف إيش أسوي لها ثامر مرة حزن عليها: أوووك مع السلامة .. وطمني بعدين حسام: إن شاء الله .. بااااي وسكروا حسام قرب ريم من عنده: خلاص عورتي قلبي ترا مرت نصف ساعة وطلع الدكتور رزان على طول التفتت له: هاا وش صار الدكتور فصخ القفازات من إيديه وهو يطالع فيهم وساكت ريم جات عنده: لا تقول ماتت الله يخليك .. بكت اكثر .. قول كويسة ماصارلها شي الدكتور ابتسم يطمنها: لا تخافون هي ماصار فيا شي ومافيا أيا جروح ولا كدمات لكن للأسف فراس: إيش صاير قول لنا الدكتور: دخلت غيبوبة مؤقتة كلهم شهقوا الدكتور كمل: هيا لساتا صغيرة مشان هيك هوا مو منيح مشانا ومحتاجة دعاؤكن إلها ريم بكت مو قادرة تستوعب اللي صاير: ومتى تصحى جوري: نقدر نشوفها ألحين الدكتور: سوري مابعرف متى تصحى بالزبط لكن بتأدروا تشوفوها بعد ربع ساعة عن طريق قزاز غرف العناية المركزة ريم راحت ورى الدكتور وهو دخل غرفة العناية ومركزة وكانوا يحطون رنيم على السرير ويركبون لها الأجهزة ريم قربت من القزاز وهي تشوفها وتبكي: يارب تصحى يارب ظلت واقفة لين ماطلع الدكتور والنيرس اللي كانت معه جالسة تشوفها وهي نايمة مثل الأطفال وجهها أبيض ومافيه أي تعابير الأجهزة مرة كثيرة عليها جسمها كان صغر بالنسبة للسريرالكبير مرة .................................................. ........... اما عند كراسي الإنتظار فتح قارورة الموية وشرب منها بتعب وقف وقام يمشي الممر كان فاضي مشى ووصل لآخره سمع صوت صراخ مشى بسرعة وشاف باب غرفة مفتوح ولينا واقفة داخل قدام الباب وتبكي دخل بسرعة وشاف وليد يصرخ على فيصل وضربه أكثر من ضربه فراس صرخ: وليد أبعد عنه وليد بعد وهو يتنقس بقوة: بسبب هذا المتخلف رنيم يمكن تموت
__________________ iLove every one ... |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| رواية لعنة حب للكاتبة إكرام مجاهد | ķēMéễ | أرشيف المواضيع الغير مكتمله او المكرره او المنقوله و المخالفه | 216 | 03-02-2015 08:07 PM |
| رواية حب في الجمس, للكاتبة/ احساس مهاوي | توتة تاكل بسكوتة | روايات و قصص بالعاميه | 6 | 06-05-2014 01:22 PM |
| رواية عشاق من احفاد الشيطان للكاتبة المنحوسة او(متكحلة بدم خاينها) | noor_96 | أرشيف المواضيع الغير مكتمله او المكرره او المنقوله و المخالفه | 25 | 10-02-2010 01:01 AM |
| "يوم تبلى السرائر" رواية جديدة مثيرة للجدل للكاتبة سارة الدريس | عاشقة الحروف | أرشيف المواضيع الغير مكتمله او المكرره او المنقوله و المخالفه | 2 | 09-19-2010 11:54 AM |
| رواية بنات الرياض للكاتبة رجاء الصانع نسخة كاملة للتحميل | © بندر © | أرشيف المواضيع الغير مكتمله او المكرره او المنقوله و المخالفه | 384 | 01-13-2009 07:33 PM |
العرض العادي
