موضة أم شذوذ

التغيير في مظهر بعض شبابنا..هل هو مجرد تقليعة ام شذوذ؟

وهل مشكلة اتجاه الشباب للظهور بشكل انثوي اكثر مشكلة عميقة ام سطحية؟

بمعنى انو هل راح تؤثر على سلوك الشاب مع اصحابه ومع الجنس اللطيف
(في حالة الارتباط بالزواج مثلا)

هل ممكن انو هذا الشي يؤدي الى الازدواجية الجنسية ؟

وايش نظرة البنات للشباب الي ينافسوهم في ترتيب الشعر وتلبيق الملابس والدلع والتمخطر في المشية والكلام ؟

وايش وجهة نظر باقي الشباب (خصوصا اللي يحتكو بهذه الفئة) لسلوكيات ومظاهر هذول الشباب؟
وهل الاهل مستسهلين الموضوع وفاهمين ابنائهم؟ ولا الموضوع مايهمهم؟

ولا معترضين ومالهم لاحول ولا قوة في تغيير ابنهم؟

والاهم من هذا كله, الشباب من هذا الصنف..هل يعاني ويتألم؟

ام يتحدى ويتمرد؟ ام هو طبيعي والمسألة كلها مجرد "لوك عاجبه"؟

اسئلة كثيرة دايما تخطر على بالنا لما نشوف شباب ممكن وصفهم بالمنحرفين مظهريا
احنا مانبغى نسلط الضوء هنا على الشاذين جنسيا لان هذا انحراف جنسي موضوعه
يختلف (وان كان ممكن يتشابه في بعض النقاط) عن موضوع الانحراف المظهري

لاحظت من مناقشاتي مع الربع في السعودية انو الشي هذا مو واضح "بقوة" في الشارع
يعني كم حالة تمر والسلام, بس من اللي شفته بعيني خارج السعودية شي ثاني
ومن مجموعة من اللي اعرفهم هنا وهناك كل مالي انصدم في شبابنا
ومن اللي كلنا شفناه في مواقع ومنتديات الانترنت من صور لشباب "رازين"نفسهم
بطريقة غريبة كلنا نجمع انها ابدا مو مغرية

فايش الغرض من هذا الاستعراض اجل..؟؟

طبعا جيل الشباب يسعى لأن يثبت وجوده و يلفت الانتباه إليه باي طريقة من الطرق. و يحاول جاهداً أن يكسر القيود و التقاليد بس مهما كان كل شي و له حدود بس شباب اليوم مو معطين أي أهمية أو اعتبار للحدود.

و قاعدين يتمردوا بشتى الطرق و الوسائل ، و هالتمرد واضح جداً على هيئتهم و اهتمامهم الزائد بمنظرهم لدرجة إنه طلع مصطلح جديد اسمه

Metrosexuality

"الميتروسيكشواليتي"

و أصبح يطلق على الشخص لقب Metrosexual "ميتروسيكشوال"

ايش تعني هالكلمة؟؟؟ و على مين يطلق هاللقب؟؟؟

هالكلمة مركبة من Metro يعني يقصد منها التحضر و التمدن

و كلمة sexual اللي معناها جنسي

هالكلمة تطلق على الرجل ذو الميول الجنسية الفطرية الطبيعية و لكن هالرجل يولي اهتمام كبير جداً لمظهره و جسمه و شعره و أناقته و ملابسه و مهووسين جداً بالأناقة و الجمال

يعني باختصار تخيلوا ولد مررة يااي و لبسه مرتب و أنيق و جسمه ناعم و شعره يجنن و بنفس الوقت يحب البنات و يميل لهم جنسياً و يخاويهم (معادلة صعبة تتحق صح)؟؟؟

بس هالأيام ما عادت صعبة و أعداد هالصنف من الرجال بتزايد مستمر

و من أشهر رجال هالصنف لاعب كرة القدم الشهير دايفيد بيكهام و الممثل براد بيت و الممثل جوني ديب
من ضمن أكثر مظاهر ال

Metrosexuality

المنتشرة هي الاهتمام و العناية الفائقة بالشعر

و أبداً مو قصدي التخلص من القشرة و قص الشعر بين كل فترة و فترة
لاااااااااا!!! في شباب مهوسيين بمنظر و ملمس شعرهم و صاروا يروحوا على الصالون كل دقيقة و الثانية صاروا شبابنا يطولوا شعرهم و يصبغوه و يملسوه و يكوونه ( زيادة نشاء)

و برضو صاروا العيال مو بس يروحوا للصالون

حتى يهتموا بشعرهم أو يحددوا السوالف و ..............

بل امتدت الشغلة و تطورت حتى يعملوا فتلة لوجههم و حواجبهم و جبينهم

و صاروا يهتموا بإزالة الشعر بالحلاوة أو الشمع

(يعني مو بس السباحين اللي يشيلوا بس شعرهم)

و صاروا يعملوا بيدكير و منكير.

قصة على الهامش: في واحد الله يذكره بالخير ذكر لي إنه هو ما يشيل تحت ابطه

بدل ما يتعب حاله و يشيل شعره



و من مظاهر ال

Metrosexuality

الأخرى إنه الشاب يصير مرة يهتم بجسمه و تربية عضلاته

و مرة يهتم للتان حقه. و في شباب يعرفوا خلطات للتان رهيبة

بس هذولي الشباب لهم حركة ترفع الضغط فوق التصور

يعشقوا تصوير أجسامهم

و شخصياً أعرف شاب لازم يصور حاله أكثر

من لقطة من كذه زاوية بعد ما يطلع من الحمام كل يوم

و بنهاية كل أسبوعين يصف هاللقطات جنب بعض

و يقعد يقارن كيف كانت عضلاته و كيف صارت. و إذا تشميسه و لونه خف و ألا لا

و بحالات قصوى جداً ممكن توصل درجة ال

Metrosexuality

إنه الشاب يحط ميك اب أو مستحضرات تزيين

سواء كانت ليب جلوس خفيف أو ماسكارا خفيفة على رموشه



أو حتى كريم أساس و ممكن بلشر

الانحراف اللي شفناه تنوع من ناحية التركيز والدرجة

يعني فيه اللي يركز على الشعر (اكثرهم) وفي اللي يركز على الجسم مثلا

وفي اللي يكتفي بتطويل شعره

وفيه اللي توصل معاه انو "يسرح" شعره عند اشهر الصالونات

في اللي يكتفي باضافة سوار خشبي او بلاستيكي على معصمه

وفيه اللي توصل معاه انو يخرم اذنه ويتزين بساعة الماس

بس في كمان الانحراف اللي "نسمعه"

احاديث هذه الفئة تتركز على محور واحد تقريبا

مو السيارات, ولا البنات ولا حتى الرياضة





اغلب النقاشات تكون عن الاسواق..يعددلك احلى اماكن للتسوق في ميلان وباريس

وطول الوقت وهو اونلاين يفرفر في مواقع الشوبينق

ويشوف اخر الكولكشنز لاحب المصممين على قلبه

الكلام عن الديزاينرز مايمل منه

هذي اقتباسات من بعض حكاويهم معاية مثلا:

"ياالله احب Armani بس كل شباب يشترو منه "

"والله Cavalli كل ماله ينزل جينزات احلى "

"الشوز انا مااحبها الا من D&G وبس "

" لازم اشتري تي شيرتات Moschino و احزمة Louis Viutton و كاب من Gucci"

"بدل Valentino و Lanvin تسطلني مررة "

" يختي Diesel و Energie مرة ستايلهم واحد مايتغير "

"والله مستحيل اسافر وانا مااخذت الجاكيت اللي ابغاه من Ice Berg"

"اوووووه على الجينز حق D&G اللي يكون داخل معاه جلد "





زي ماقلنا..اهم شي يبان المصمم, كاب قوتشي والا فـ لا

يركزو الشباب في لبسهم على البناطيل الضيقة اللي تبرز معالم الجسم

والقمصان المفتحة من الصدر, والبلوفرات الشفافة, والتي شيرتات الماسكة

والالوان وتلبيقها مع بعض حكاية ثانية

دايما نلاحظ اختيارهم لالوان انثوية وحتى لو كانت صارخة

مرة واحد سألته

(بكل ثقة)

ايش رايك في الشباب اللي يلبسو وردي؟ مرة كش عليهم

قالي ايييه مرة بس انا الدرجة اللي البسها يعني رجالية مهيب مرة ناعمة زيهم

مالت كلو بينك, ماادري اخترعو البينك الرجال متى؟

اعطيكم مثال حلو




والاكسسوارات حاجة خاصة

مو بس سلسال خشبي ولا اسوارة عاجية او جلدية

المسألة توصل لخرم الاذن وتزيينها باحلى حلقان زي صاحب الصورة المبجل



واحد اعرفه من كم يوم شفته وخارم اذنه ومعجب فيه مرة

قالي بس طبعا لما ارجع ..... لازم اشيله لاانفضح

المشكلة ماتوقف هنا

غالبية هالشباب لهم نجومهم من الفن والرياضة اللي يحبو يقلدو ستايلهم

زي مالبنات يقلدو دايما ستايلات الفنانين زي جينيفر لوبيز ونوال الزغبي

وابرز نجم نستعرضه هنا هو محبوب الجماهير تاركان

(اتاريه مو بس محطم قلوب العذارى, حتى الشباب)

نصهم يتمنو يطلعو بمظهر شبيه منه ودايما يجيبو سيرته وانو يشبههم مررة

(yeah right)

شوفو هنا مثلا قد ايش تعب ونتف في حواجبه





اوف عاد مقلدين تاركان كثيير, اصلا نص اللي بالموضوع ماشيين وراه

وفيه نقطة مهمة ومحيرة بخصوصهم, وهي ناحية اهتمامهم باجسامهم

يحبو يربو العضلات في كتوفهم وينفخو صدورهم..مو عشان لفت انتباه البنات

لأه, السبب هنا عشان لما يلبس شي شكله يطلع حلو



الله يهديكم بس, توصل لهذي الدرجة؟

مبروك ياشبابنا الشطار..عقبال السيليكون والكولاجين والبوتوكس واللايبوسكشن





ودمتم




!! اللـه يهديهم يارب يارب !!

__________________
بِسْمِ اللّهِ الرَّحْمَنِ الرَّحِيمِ

{...فَأَمَّا الزَّبَدُ فَيَذْهَبُ جُفَاء وَأَمَّا مَا يَنفَعُ النَّاسَ فَيَمْكُثُ فِي الأَرْضِ كَذَلِكَ يَضْرِبُ اللّهُ الأَمْثَالَ}(الرعد : 17)

بصراحة يا نبيل وباختصار هاي الاشكال ما بتعبي العين في لبس حضاري بس ما يعمل حاله بنت
ولما بدي ارتبط ما رح ارضى غير برجل بكل معنى الكلمة^45^
مشكور اخي

شوكة في الحلق
وغصة في القلب
ويعدون في الأمة رجالا
هذا هو الحصاد الأكيد لأمة سمحت للاعلام الذي يتحكم به العدو وعملاؤه أن يتولى تربية أبنائها وتوجيه ميولهم وتركتهم دمية بأيدي من يريد تدميرهم ويطرح لهم النماذج المقرفة محاطة بهالة من النجومية والضجيج.
هذا هو الحصاد الأكيد لأمة سمحت لأبنائها أن يحولوا اهتماماتهم من النبل والكرامة والعزة والمروءة الى الموسيقى والغناء والكرة .. وأن يتحولوا برموزهم من أعظم الخلق وصحابته ومن سار على هديه ...الى بضعة مخنثين مِن مَن يسمونهم بنجوم الفن والكرة ...
ولم يبق أمامنا الا أن نقول
شوكة في الحلق
وغصة في القلب
ويعدون في الأمة رجالا

__________________

هؤلاء يمكن ان نسميهم اشباه رجال مع احترامي الشديد للرجال الرجال وهؤلاء هم مرض الامه العربيه والاسلاميه فاكيد لايعرفون ان الرسول عليه الصلاة والسلام لعن المتشبهين من الرجال بالنساء والمسترجلات هم لايعرفون قيمة الرجوله فهم منتظرين اموال اهلهم ان تدر عليهم او قسم منهم يجمعها بالحرام فترى تكثر فيهم الفاحشة بكل انواعها وفي النهايه يكون هؤلاء مصيبة على وطنهم فرحم الله من ربى شبابنا على الخشونه والرجوله وبارك الله بك اخي العزيز

والله يأخى هده مصيبة العصر الحالى فى شبابنا الدين يجعلون الاجانب قدوة ومثالا لهم...وعلى العكس من دلك لم نجد اى من الاجانب يقلد العرب او يأخد تقليعة عربية مثل ارتداء العباءة او الشماغ ...او اى زى عربى .....واعتقد انك تغلى من داخلك بخصوص هده التصرفات بالرغم من ان عصرنا يتطلب ان نكون اقوياء فى عقولنا وفى اجسامنا كى نتغلب على اعدائنا المتربصين بنا فى كل مجال...لكن انا الوم الاباء والامهات فى هدا الشأن..//من رأى منكم منكرا فليغيره بيده فان لم يستطع فبلسانه فان لم يستطع فبقلبه ودلك اضعف الايمان/// صدق الرسول الكريمpyramid2007