|
|
#892
05-15-2011, 11:09 PM
| ||
| | ||
| story19 ((مظاهرهــــه )) من غير شرح ومقدمات الحين البزر اللي توه مايمشى يعرف وش معنى مظاهره من كثر هالمظاهرات اللي سايرة للعالم اسئل الله السلامه من كل شي .. بس برايي انها سارت حلى بقوه .. الحين يروحون اهل البيت يظاهرون على ابوهم يمشيهم .. ولا الاخوان يظاهرون على اختهم لين ماتطلع من الحمام مره ايزي الوضع ترا .. <<ممكن توفر على اللي قاعدين يقرون ؟ .. بس ياترى .. وش للمظاهره علاقه بشلتنا ياترى .. راح يبين كل شي ^^ << مسوي فيها المحقق كونان بغرفه المدير المدير ( يقدم اوراق الجدول ) : تفضلو .. هذي اوراق الامتحان اي استفسار انا ماقبلها اوكي كوراناي ( تستلم الورقه وتقول بنفسها ) : ياصبر ايوب على بلواه ديدارا ( يشرب قهوه ): ويوم انك ماتستقبل اراءها .. ليه مسوي اجتماع ومعطلنا على الفاضي ها -_- ؟ ساسوري : ياليت اجتماع زي الناس .. قعدت يقولنا عن انجازته وانه سولف مع نابليون .. وراح عند افلاطون فيفي : والله مصحصح ساسوري وش عندك ^^ كوراناي ( تطالع مخترعه): 0_0 شيزوني : انتي هذي وظيفتك بالحياه تبققين عيونك على الاوراق وتخرعينا .. هاتي اشوف (و تاخذ الورقه وتقراها وتتروع ) 0_0 ديدارا : يرحم والديك لاتقولين مافي امتحان انا ادرس طول الترم وبالاخير ماابهر الطلاب باسئلتي نو وي << قل قسم تبهرهم ليليان : الحمدلله ^^ علشان اروح البيت اطبخ لزوجي بدال ماهو يهزئني شيزوني : لا ياحظي لا -_- مانتوو فاهمين .. الاستاذ قرر يعين استاذه ثانين لكتابه الاسئله وراح يعينهم بدالكم لاخر الترم كان الخبر مؤلم مره مره على الاستاذه .. وتصروعو بقوه مساكين .. يعني المدير متى نفخ ريشه ولقى غير هالفاشلين يعنيهم بس الفلوس الله يخلي الفلوس ديدارا ( قام ضرب الطاوله بيده ) : خييييييييييييييييييييييييييييييييير خذوه فغلوه ؟ وين تفصلنا ؟ وش سوينا حنا المدير : سوري بس .. انتم مانتو كفء للوظيفه الدراسيه .. انا قررت اعين مدرسين بدالكم لين يعدي هالترم علشان ماتورط مع وزاره التعليم ساسوري ( رجل على رجل ) : سلامات يالطيب ؟ مو مالين عينك حنا ؟؟ اجي واضيع الجامعه ميه مره واتعب .. واخسر فلوس واخرتها تفصلنا مؤقت المدير : والله مو ذنبي انك غبي .. قاعد لي هالقعده كانك بكافيه .. انتم مانتو قد المسؤليه مشغلكم سنين وكل سنه تفشلوني فيفي : طيب عطينا فرصه يامدير تكفى -_- المدير : ماعندي غير هالكلام وان ماعجبك اضربي راسك بالسقف ساسوري : ماشاء الله عاد فيفي يمديها تضرب السقف ^^ كوراناي : الله يخليك يامدير .. تكفى عيد النظر بالموضوع المدير : اص لا افصلك انتي بعد شيزوني : الاسئله بتسير صعبه على الطلاب حيل << والله كذا ولا كذا مابيحلون ليليان ( مسكت يد المدير ) : الله يخليك .. انا حرمه عندي عيال ووراي اقساط وديون المدير : اسف .. انا متعاطف معاك .. بس فصلكم مؤقت ضروري في حق الجامعه .. فسامحيني .. ساسوري : يعني خلاص نحجز تذكره لماليزيا ؟؟ فيفي : انا افكر ابيع ثيابي شكثرهم ^^ نقزر وقت لين يخلص الترم وندبر اعمارنا ديدي : ابصم بالعشره ماينباعون محد بيجي طولك ياهبله فيفي : خلاص ابيعها للمتحف الوطني << ابو الروح الرياضيه اللي عليهم المدير : خلاص انتهى الاجتماع .. وتقدرون ماتداومون من بكره فيفي ( قام معصب ) : حسبيا الله عليك ساسوري : انا عن نفسي بجي كل يوم ( ويسبحه ديدارا ويقفلون الباب) المدير : احسن .. نفتك من الازعاج .. هالجامعه فاشله لاطلاب ولامدرسين << يعني انت اللي ماشاء الله مسكت طبعا الطلاب متجمعين في الساحه لان المدرسين حاضرين الاجتماع وفي الساحه .... ساسكي ( ياكل كريسبي ) : الحين انا مو مصدق انا بحلم ولا بعلم .. الحين دودير الخايب .. يترك محاضره 0_0 اللهم صلي على محمد طول عمري انا في هالجامعه من توظف هالخايس.. عمره ماغاب شيكاماور : اكيد مو انت مشاء الله ملحق على ديدارا ايام ماكان يدرس .. مغبرين بقوه ياناس كيبا ( ياكل ويا ساسكي ) : تصدقون كاني شفت المدير يدرس معي قبل 5 سنين جارا : ماشاء الله هو كان يدرس ويانا ؟ وهو شيب واحنا لسه ؟ ليه موقف عدادنا حنا ناروتو : لابس نشرب حليب واجد الله يحفظني يارب ^^ جارا : انا ابصم بالعشره انه حليب خربان .. وجع .. يقولون لنا في محاضرات ولا مافيه ؟؟علشان نمشي بيوتنا ساسكي : اصبر الحين ديانا تجيب لك الخبر صبر بس لولو : انا مره مبسوطه اليوم ^^ نيجي : بسم الله على قلبك ^^ فرحينا وياك ؟ لولو : كثرت الايام المفتوحه في الجامعه نيجي ( يصفق روحه ) : ياخرابي -_- اينو : انا حاسه في شي مو طبيعي قاعد يسير ياجماعه .. الجدول مفروض ينزل الحين ولا اخر اليوم .. واول مره يعفونا من المحاضرات كذا -_- ناروتو : يمكن يلغون الامتحانات ^^ ساكورة : فال الله ولا فالك .. انا اذاكر اذاكر واخرتها مانختبر شيكامارو: والله انك نذله ياساكورة بشكل .. بس انا احبك لانك تدويني البيت مالي خلق اسوق كيبا : عاد سويكر تنهبل لاماشافت وجعرا تطرطع ^^ صح ياسوسو ساكورا ( استحت ) : اسكتتتتتتتتتتتتتتتتتتتتتت ديانا (جايه تركض من بعيد وتصارخ وجمعت الطلاب حولها ) : مصيبه مصيبه .. والله فاجعه ياناس .. عمرنا ماراح نتخرج ابدا ابدا اينو ( تحاول تهديها ) : نعم خير جايتنا نافشه كشتك وتصارخين بربك اللي خلقك ديانا : مصيبه ياناس مصيبه -_- ساسكي : اخلصي علينا خرعتينا وش ساير شيكامارو : ماعليكم منهم اكيد في احد سارق شنطتها ^^ ديانا : مصيييييييييييييييييييييييييييييييييييييييييييييييييبه ناس كيبا : مصيبه والله مصيبه حبيبي يهجر حبيبه ومن بعد شوق ومحبه غريبه والله غريبه جارا ( يخبط كيبا ) : اقول اختي مطوله ؟! بتتكلمين ولا اعطيك كف الحين ديانا ( منها ره ) : ياجماعه انا -_- وقبل لاتكمل ديانا جملتها .. يقتحم الحرم الجامعي ..مجموعه من الناس اللي تحس المعلومات طايره من عيونهم .. لابسين نظارات كمبيوترات متحركه راكبين احدث السيارات .. وبدى من اشكالهم انهم مدرسين ديانا : هذي المصيبه -_- لولو : هذولا مو مصيبه هذولا ناس 0_0 ديانا : ادري ناس اجل طحالب ؟ هذولا هم المدرسين الجدد وبيستلمون كتابه الاختبارات ناروتو ( يلم عشفه ) : يللا مع السلامه انا رايح تبون شي ؟ ساسكي : هذولا مدرسين ولا تجار مخدرات ؟؟ 0_0 ديدارا ( يجي من داخل ) : هذولا مجموعه من الدكاتره جاين من برا وعندهم احسن طرق تدريس وبيحطون لكم الاسئله جارا : 0_0 مانبيهم .. مانبي حديثه احنا يالله ومتحملينك .. نتحمل هالدبابات بعد ( وتجيه خبطه من جارا ) فيفي : الله يكون بالعون .. جايبين للعيال الالات بشريه .. وش بتكون الاسئله وهم كذا ساكورا : لابالله كدينا خير 0_0 ساسكي ( يطالع ديدارا ) : @_@ ( ويلتفت على الشباب ) : يللا ورااااااااااااااااااااااااااااااااااااااااااااااااااااااااااااااااااااااااااااي ديدارا : وش قاعد تسوي ياخايب ساسكي : احنا مانبيهم .. الدراسه مو بالقوه .. يطلعون يعني يطلعون ناروتو : اعتصااااااااااااااااااااااااااااااااااااااام يللا بسرعه ويركضون الطلاب ورا ساسكي ويدخلون جوا المبنى وتركو ديدارا ومن معه برا ... ********************* ياترى وش بيسووون الطلاب تجاه هاللي بيسير لهم ؟ تابعونا بالبارت القادم من الحلقه اسف على التقصير واشكركم على المتابعه akatsuki boy |
|
#893
05-15-2011, 11:13 PM
| ||
| | ||
|
مكاني ><"
__________________ Super Junior :7b: سَڪوَتيـﮯ موَ لأجلَ "ضعَفيَـﮯ" آناَ بطبَعيَـﮯ/ ماأبالَيَـﮯ ماأنزلَ نفَسَيـﮯ للمَبزرَهَ " آناَ" بَرسَتيَجيَـﮯ مَايسَمحَ ليَـﮯ.~ |
|
#894
05-15-2011, 11:34 PM
| ||
| | ||
| ههههههههههههههه بيفصلو ديدارا واعوانه <<اعوانه مرررة وحدة :baaad: حسبي الله من مدير قطع رزقهم ماحزني غير ليليان  المدير : احسن .. نفتك من الازعاج .. هالجامعه فاشله لاطلاب ولامدرسين << يعني انت اللي ماشاء الله مسكت المدير اخر من يتكلم مايدري اساسه من راسه :lolz: كوراناي : الله يخليك يامدير .. تكفى عيد النظر بالموضوع المدير : اص لا افصلك انتي بعد جامعه ابوك هيا :haaa: المفروض يتسطر كم كف محد مخيب الطلاب الا انت المدير : ماعندي غير هالكلام وان ماعجبك اضربي راسك بالسقف ههههههههههههههه اتخيل فيفي تنقز تبي تطق راسها بالسقف سبحان الله ساسوري تو يصحصح احجز لماليزيا وخذني معاااك :coolcool: يسلموووووو خيو كالعاده البااااااارت جدا جدا مضحك  ورااااائعانتظر البارت القادم :rose: |
 |
| مواقع النشر (المفضلة) |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| صور ساسكي وناروتو | yuki cross | أرشيف المواضيع الغير مكتمله او المكرره او المنقوله و المخالفه | 26 | 06-10-2012 01:27 AM |
| صوووووور ساسكي جناااااان اهدا الى عاشقاااات ساسكي | soso.11000 | أرشيف المواضيع الغير مكتمله او المكرره او المنقوله و المخالفه | 20 | 05-27-2011 02:33 PM |
| لكل محبي ساسكي حفله مقيمها ساسكي((ادخل)) | balsammas | أرشيف المواضيع الغير مكتمله او المكرره او المنقوله و المخالفه | 36 | 05-25-2011 04:29 PM |
| فيديو لمباراة بين ساسكي وناروتو مرة رهيبة >___< | ساكورا الجميلة تعدد حسابات | أرشيف المواضيع الغير مكتمله او المكرره او المنقوله و المخالفه | 12 | 12-08-2010 09:11 PM |
110Likes
العرض العادي
